شغب ومصادمات بين الأمن ومسيحيين احتجاجاً على وقف إنشاءات بكنيسة العمرانية

[Alshiekh]

انا معاك يا استاذ محمد

وفعلا التحايل مرفوض بكل اشكاله

لكن امتى تتحل المشكلة دى - هو داه السؤال - فى قوانين لازم تتعدل علشان تناسب ظروف الوقت الحالى

يا استاذ محمد بجد فى مناطق عشوائية فيها مسيحيين كتيرررر جدا وفقرا جدا

ومفيش كنيسة قريبة منهم وبيضطرو انهم يروحو بلد تانية ومواصلات كتير علشان يوصلوا لاقرب كنيسة

وبيبقى صعب التواصل بينهم وبين الكنيسة

يعنى داه يرضي مين - ما هو كل مشكلة حلها فى ايد الحكومة

احنا زى ما بنقول التعليم مش مواكب العصر اللى احنا فيه وردىء جدا والمواصلات والصحة و و و وبرضوه القوانين

فى مصر لازم تحصل طفرة فى كل المجالات وخاصة القوانين يتم تعديل الكتير منها

داه قصدى وبرضوه انا ضد المظاهرات والتكسير الاسلوب داه انا برفضوه

لكن ايه اللى وصل الناس انها تفقد اعصابها

هل هما كانو يتاملوا خيرا من الحكومة البايظة وما لقوش خير

اغابي

كم أنا سعيد بنقاشك الهادئ يا استاذة أغابى

خلينى أتكلم بصراحة

الحقوق لاتستجدى ، يعنى لما يكون مصر فيها مليون او عشرة مليون مسيحى فالرقم صغر أو كبر لايمنع من المطالبة بالحق. والحقوق كما قلت ليست منة من حاكم أو سلطان.

كما أرى ، وهذا هو رأيى الشخصى أن المسيحيين فوضوا قيادة الكنيسة فى إستخلاص حقوقهم ، وفى رأيى هذا هو أكبر الأخطاء.

أعرف أن هناك قوانين عفا عليها الزمن وتحتاج تعديلات ، أو فلنقل تحتاج الإجتثاث من جذورها والإتيان بقوانين بديلة تتناسب مع الزمن الذى نعيش فيه.

ماذا فعل المسيحيين إزاء ذلك؟ تركوا البابا ورجاله " يستجدون " حقوقهم - كمواطنون مصريون - من الحاكم ، فأنعم عليهم بأن زحزح المنة التى يمن بها على رعاياه من المسيحيين الى المحافظين .

هل هذا هو الحل؟

بالطبع لا

الحل هو اللجوء الى المحكمة الدستورية عن طريق المحامين وليس عن طريق رجال الدين ، للطعن فى دستورية المواد التى تميز بين أبناء الوطن الواحد فى الحقوق ، حيث انه لايوجد أى تمييز فى الواجبات بالطبع ، الكل يدفع ضرائب والكل يؤدى الخدمة العسكرية.

الحل ياسيدتى هو اللجوء للطرق القانونية المحلية والدولية إن استدعى الأمر ، وليس اللجوء للحاكم نستعطفه لأن يمن علينا من نعمه ويتفضل ويوارب الباب شوية ، الحل ليس بالإلتفاف والتحايل على القانون وتسيير مظاهرات العنف.

فى رأيى ، أن المسيحيين قد أخطأوا عندما ركنوا إلى قيادات الكنيسة لتطالب لهم بحقوقهم فبدوا وكأنهم جالية داخل وطنهم ، ولو رجعتى الى الوراء ستجدين ان قيادات الكنيسة اضاعت الكثير من السنين تستجدى حقوق المسيحيين وتنافق مؤسسة الرئاسة ومؤسسة الوزارة وعلى الرغم من ذلك فلم يحققوا شيئا ولم يحصلوا على اية حقوق اللهم الا بعضا من غض النظر أو التفويت ، وفى المقابل ازداد الإنعزال عن إخوتهم فى الوطن.

أدعو الإخوة المسيحيين والمسلمين الضائعة حقوقهم الى انشاء منظمات حقوقية مدنية وليست دينية ، ويقوم محاموها برفع قضايا ضد القوانين التى تحجب أى حق سواء عن المواطن المصرى ، مسيحيا أو مسلما وتكون ساحات القضاء هى المكان المناسب للحصول على الحقوق.

[مسافر]

و الحمد لله ان الحادث ده مش فتنه طائفيه بين المسيحيين و المسلميين لكن بين المسيحيين و الحكومه

فالموضوع مش ناقص فتن طائفيه!

على منهج بيشوي ومن معه إن المسلمين ضيوف والحكومة أيضا ضييوف

ولا مانع من تحريك بعض الاتباع من البلطجية أو الكتيبة الطيبية للاستشهاد

ولا مانع ان تكون الفتنةالطائفية مع الحكومة أو المسلمين فكلهم ضيوف

[الغريب]

موضوع مستفز للغاية

بس من رأيي أن لو 100 شاب مسلم عملوا ربع الكلام ده كان هيحصل الآتي :

1- سحل جميع الشباب المشاركين وعائلاتهم في أمن الدولة.

2- لم كل الشباب الملتحي في المنطقة.

3- دعاوى لغلق جميع الفضائيات الإسلامية التي تؤجج صدور هؤلاء الشباب.

4- دعوى لإصدار قانون الإرهاب في مجلس الشعب.

5- دعوة عامة من المثقفين للتوحد ضد الإرهاب المسلم.

أنما لما المسيحين يعملوا ثلاثة أضعاف الكلام ده نجد كلام محافظ الجيزة في منتهى الرعونة يقول :

وأعلن محافظ الجيزة أن ظروف البابا شنودة الصحية حالت دون الوصول إلى حل سريع للأزمة، مؤكداً أنه اتصل تليفونياً بالبابا

نفسي أعرف مال البابا شنودة بمحافظة الجيزة وتطبيق القانون فيها على مواطنين مصريين.

تم تعديل 25 نوفمبر 2010 بواسطة الغريب

[ozoozo]

معلش سؤال

هما ليه عايزين يبنوا كنيسه تانيه جنب الاولانيه

المبني اصلا تابع لكنيسه العمرانيه

وهي كنيسه ضخمه المساحه موجوده في شارع خاتم المرسلين فرب تقاطعه مع ترعه الزمر

يبقي ايه لازمته التحايل والغش اللي عملوه

ولا هم عايزين يظهروا قوتهم انهم هايعملوا اللي عايزينه ولو حد اتكلم هايلطموا ويصوتوا ويقولك احنا مضطهدين والمسلمين بيدبحونا في الشوارع وعايزين يهدوا الكنيسه

يبقي لا هم ممنوعين ولا حاجه

وبعدين سؤال الشباب اللي كان معتصم في المبني من خمسه الصبح ده

مفيش حد تبع الكنيسه حرضه علي الموضوع ده؟

يعني هو اتفق واتجمع ودخل المبني وجاب سنج وسيوف ومطاوي من غير الكنيسه ماتعرف؟

للاسف اعتقادي الشخصي ان التحريض حدث من داخل الكنيسه اولا

ولا اعلم تحديدا هل هي محاولات فرديه في كل الاحداث ولا هي طريقه ممنهجه

فاذا كانت احداث فرديه فانا اطالب البابا بعزل المسؤول عن الكنيسه في العمرانيه وعزل كل مسؤول في اي كنيسه تحدث بها اعمال شغب

بكده لو احداث فرديه يبقي كل كاهن هايعمل اللي في وسعه لمنع اي شغب لانه المسؤوول الاول عن اي شغب امام البابا

الا اذا كانت طريقه ممنهجه من الكنيسه المصريه ككل

تم تعديل 25 نوفمبر 2010 بواسطة ozoozo

[doha]

عادي جدا وهيحصل زي الاحداث دي كتير مستقبلا مش لان في ضعف دولة ولا لان الناس دي من حقها تدافع عن نفسها ولا لاي سبب الا ان لازم يكون في تحركات مسيحية على مستوى جماهيري ملحوظ ولازم يكون في اخبار تخص الاقباط بمفردهم ولازم المصطلح ده في حد ذاته يتلمع ويتبروز بحيث يبقى حقيقة فارضه نفسها ككيان مستقل موجود في وسط المصريين المسلمين الي هم برضه لازم يبقوا كيان تاني مستقل لوحده

اي حد يتابع بحياديه عناوين المواضيع المنتقاه للمصري اليوم والي بتقدمها خدمه الجوجل هتلاقي ان يوميا في خبرين او ثلاثه على الاقل بتتكلم في الشأن المسيحي حتى لو مكانش الموضوع ( كبير ) زي موضوع النهرده .. .. مطلوب ان الحديث عن المسيحيين يتم وكأنهم حاجه تانية خالص غير المصريين .. مطلوب ان يكون في احداث ملموسه تثبت ان في ازمه وتثبت ان معاهم حق في الي ناويين يعملوه لما يعملوه .. والاهم ان مطلوب نتكلم عنهم بكثافة توحي بان فعلا الامه المصرية دي كيانيين منقسمين (متساويين في العدد ) غير متساويين في ( الحقوق ) ..

ده حتى المواضيع المفتوحه في المحاورات لو عملنا احصائية كده عن كام موضوع بيدور في شأن مسيحي او بيتكلم عنهم وكام موضوع بيدور في اي اهتمام آخر للمصريين هنلاقي ان تقريبا النسبه متساوية .. اي حد يراجع كده المواضيع في منتدى الحوارات الجاده ومنتدى الثقافة والعلم او السياسة الداخلية او اي قسم من الاقسام الي بتتكلم في حاجه مهمه تستحق تقرأ هيشوف الي بقوله ده واضح ومش محتاج تدقيق ..

هي مش احداث فرديه ولا زوبعة في فنجان ولا حتى انعكاس لحقائق مجتمعية .. هي توجه عام وجزء تمهيدي للصورة المستقبلية في ذهن من يحركها ..

مش بلوم المسيحي العادي لو اقتنع انه مضطهد ومن حقه يدافع عن نفسه ولا بلوم المسلم العادي برضه لو اقتنع بالعكس وان المسيحيين في مصر واخدين حقهم تالت ومتلت .. بس الي اقدر اقوله بثقة ان الي حصل ده مش تحيزا لحقهم المسلوب لان لو المسيحيين في مصر مضطهدين فآخر حاجه ممكن تجيب لهم حقوقهم انهم يكونوا فعلا على حق فمش فارقة بقى انهم يحاولوا اثبات ده .. كان غيرهم الي هم احنا اشطر .. في حسابات وطرق تانية في مصر لفرض قضاياك على طاولة النقاش ولحصولك على الامتيازات وبالتاكيد مجرد كونك صاحب حق مش احد الطرق دي ..

تم تعديل 25 نوفمبر 2010 بواسطة doha

[MZohairy]

هل معايير الموافقة على اصدار ترخيص لبناء مسجد في مصر هي نفس المعايير المتبعة لإصدار ترخيص لبناء كنيسة؟

[اغابي]

المسيحين منقسمين جزئين

الجزء الاول - مع الرئيس مبارك

اللى بيقولوا ان الرئيس مبارك او ابنه اصلح للحكم داه شيء طبيعى لانهم ما عندهمش ثقة فى مين البديل

وياترى حيتصرف مع الاقباط ازاى

والجزء الثانى - من المسيحيين بيرفضوه بشدة و اللى هما شايفين ان حال الاقباط فى مصر افضل لو فى الحكم اى حد غير الحزب الوطنى

وكمان الرئيس مبارك لم يحرك ساكننا فى قضايا الاقباط طوال فترة وجود فى الحكم

الخبر هنا مختلف عن باقى الصحف

لكنه اتكلم عن راى صريح على لسان نجيب جبرائيل وانتقاده للحزب الوطنى

ومن جريدة القبس الكويتية

قبطي مصري وسط دخان الغاز المسيل للدموع خلال الصدامات التي جرت مع الشرطة امس في الجيزة (ا ف ب)

قتيل وعشرات الجرحى في اشتباكات بين الأقباط والشرطة

القاهرة: احمد متبولي ونبيل عبد العظيم

هذه المرة لم يتفجر العنف الطائفي بين المسلمين والأقباط، إنما بين الأقباط والسلطة، ففي حادث يعد الأول من نوعه طوال حكم الرئيس حسني مبارك يخرج مئات الأقباط مستهدفين السلطة التنفيذية بسبب بناء الكنيسة.

قتيل وعشرات المصابين من المسيحيين والشرطة هي الحصيلة لأعمال عنف تفجرت أمس في محافظة الجيزة، عندما توجه مئات الأقباط إلى مبنى المحافظة المطل على شارع الهرم، وقاموا بقذفه بالحجارة احتجاجا على رفض المحافظ استكمال بناء كنيسة في حي العمرانية، فيما قام مئات آخرون باستهداف حي العمرانية، وقاموا بقطع الطريق في شارع الهرم والطريق الدائري.

وكان مئات من المسيحيين قد تجمهروا داخل الكنيسة قبل يومين، عندما قرر رئيس حي العمرانية وقف العمل بالكنيسة لعدم توافر شروط الأمان بها، ما اعتبره المسيحيون ضمن ما يسمونه تعسف الدولة ضدهم في بناء الكنائس رغم صدور قرار جمهوري يخول للمحافظين السماح ببناء الكنائس.

ورغم أن محافظ الجيزة اصدر قرارا بالسماح باستكمال بناء الكنيسة القريبة من الطريق الدائري؛ فإن أكثر من 600 مسيحي توجهوا إلى مبنى المحافظة صباح أمس مطالبين باستصدار قرار رسمي وليس شفهيا بالبناء، وعندما منعتهم قوات الأمن من الدخول إلى المبنى، قاموا بقذف المبنى بالحجارة، وحطموا واجهاته الزجاجية، وقاموا بتحطيم نحو 15 سيارة كانت تسير في الشارع، فيما زاد عددهم الى نحو ألفي متظاهر بعد زيادة أعمال الشغب، وأغلقوا شارع الهرم تماما، في الوقت الذي قام فيه مئات المتظاهرين بالتظاهر أمام حي العمرانية، وقاموا بتحطيم واجهاته واحتجاز العاملين فيه، وقطعوا الطريق الدائري المجاور للكنيسة.

وقامت قوات الأمن بإطلاق قنابل مسيلة للدموع والأعيرة النارية في الهواء لتفريق المتظاهرين الذين قاموا بالرد بالحجارة، فتسببت أعمال الشغب في مقتل شاب يدعي ماكاريوس جاد شاكر (19 سنة) وإصابة 23 من المتظاهرين تم نقلهم إلى مستشفى أم المصريين، إضافة إلى 7 ضباط من بينهم نائب مدير امن الجيزة، ورئيس قوات الأمن المركزي، وخمسة ضباط ومجندين، فيما قامت قوات الأمن بالقبض على 93 متظاهرا.

ونفى مصدر امني لـ القبس ان يكون الشاب القتيل قد قتل برصاص الشرطة، وقال انه قتل بآلة حادة، وان الواقعة محل تحقيق حتى الآن.

وأمر النائب العام المستشار الدكتور عبد المجيد محمود، بتشكيل فريق من أعضاء النيابة العامة للانتقال إلى مبنيي محافظة الجيزة، وحي العمرانية لمعاينة التلفيات، وسماع أقوال الطرفين.

غباء سياسي

من جانبه، قال مستشار البابا شنودة نجيب جبرائيل لـ القبس

ان الحادث يعكس الغباء السياسي الذي يتمتع به الحزب الوطني

وحالة التعسف ضد الأقباط التي تمارسها السلطة التنفيذية

مؤكدا أنه يجب دعوة الناخبين الأقباط لعدم التصويت لمرشحي الحزب الحاكم.

وأضاف ان البابا يدرس الأوضاع حاليا لاتخاذ الموقف المناسب، موضحا ان غياب لغة الحوار مع الدولة نتيجة سياسة الحزب الوطني، معتبرا ان ما قام به الأقباط تجاه المحافظة رد فعل طبيعي بضرب الكنيسة بقنابل مسيلة للدموع.

يذكر ان السنوات الأخيرة شهدت زيادة معدلات العنف الطائفي بشكل كبيير، لكنه كان بين المسلمين والأقباط، ولم تتعد احتجاجات المسيحيين على ما يسمونه بعرقلة بناء الكنائس على وقفات احتجاجية داخل الكنيسة.

http://www.alqabas.com.kw/Article.aspx?id=653974&date=25112010

تم تعديل 25 نوفمبر 2010 بواسطة اغابي

[مغتربة]

هل هذا يرضي حد مسيحي عاقل ؟

للاسف فوجئت بانه من الظاهر انه يرضى فريقا فبخلاف تصريحات نجيب جبرائيل من ان ما قام به المسيحيين رد فعل طبيعى لضرب الكنيسه بالقنابل المسيله للدموع على حد قوله رغم ان كل الفيديوهات المنتشره لما حدث تثبت ان البادىء بالاعتداء هم المتظاهرين الا اننى فوجئت ايضا بهذا التصريح

واتصلت "العربية.نت" بالمفكر القبطى ميلاد حنا، فاكتفى بالقول إن الأقباط من حقهم الدفاع عن أنفسهم، ووصف تصرفهم بالتصرف الحسن، وقال نصاً: "لو لم يفعلوا ذلك لما كانوا رجالاً".. وزاد على ذلك بأن هناك تعنتاً واضطهاداً من الأمن المصري ضد المسيحيين في مصر.

و لا اعلم ما هو التعنت فى التعامل مع تسلسل احداث كالاتى

اولا تحايل على القانون و مخالفه لشروط رخصه البناء الصادره و محاوله فرض الامر الواقع غصبا و امس حاولوا ادخال العربات المحمله بمواد البناء و استكمال عمليه البناء رغم توقيفها بقوه القانون لحين الفصل فى المشكله الاولى و بعد ذلك سارت الاحداث بوتيره متسارعه نعلم جميعا ما حدث فيها

عقلى لا يستطيع ان يقبل ان كل ما حدث امس هى افعال مرتجله بدايه من اعتصام مجموعه كبيره من الاشخاص فى موقع البناء من الثالثه فجرا مرورا بكل الاحداث التى حدثت امس

ما حدث امس مؤشر خطير على تغيرات كثيره جدا و من يكذب ذلك ادعوه الى اعاده النظر للمشهد بمزيد من الرويه متاملا حال كل الاطراف فيه

تحياتى

[se_ Elsyed]

ما ذكرته جريدة القبس هو كذب وأفتكاس من ناس مش عارفه أي حاجه عن الموضوع

- يا سادة الموضوع لا علاقة له بالقانون الموحد لبناء الكنائس . .. ولا ببناء كنيسة من اساسة ..

والدليل ..

تفتكروا لو اللي تقدموا كانوا حصلوا على ترخيص بناء كنيسة في 5 دقايق .. وبدأوا البناء فعلاً ... لكن أثناء عملية البناء المحافظة طابقت ما تم بالرسومات المعتمدة والمتفق عليها واللي الكنيسة نفسها مقدماها .. فأصدرت أمر بالتعديل او الهدم ....

هل ما كانش هايحصل نفس اللي حصل ده ؟

بالتأكيد هايحصل وزيادة ...

إذن الموضوع هو غوغائية ولوي دراع من البداية ..

كل أهالي المنطقة أمبارح سواء مسلمين أو مسيحيين أجمعوا إن الكهنة المسئولين عن المجمع أقنعوا الجميع وأشاعوا من البداية إن الترخيص صادر لكنيسة .... ولكن بعرض صور الترخيص أمس ... أتضح إنه مكتوب بالبنط العريض " مجمع خدمات قبطية "

أمر لا يحتمل الألتباس أو التآويل ...

يبقى لما ييجي مجمع خدمي وزي ما شوفنا في الصور يتعمل له قبه وأجراس وفي لمح البصر يتحول إلى كنيسة ... ورجال الدين اللي هما بتوع ربنا ويعرفوا الحق من الباطل يسخنوا الناس ويشحنوهم من الساعة 5 الصبح ويقولوا لهم الحكومة أوقفت " بناء الكنيسة " ... فيخرجوا يكسروا ويحرقوا بدون وعي وهما أساساً من منطقة شعبية وكلهم شباب مراهق ويمكن ما يعرفش الفرق بين الصليب وبين حتت الخشبة ... يبقى ده نسمية إيه ؟

على فكرة في مواقع قبطية كثيرة ذكروا وصوروا وقالوا : إن الامن هو اللي بدأ بأقتحام مبنى الكنيسة الساعة 5 الصبح وضرب الناس بالقنابل المسيلة للدموع وأعتقل الألاف منهم

إيه السذاجة والقدرة على تصديق أي كذب وتلفيق دي ؟

اولاً هو مش مبنى مكتمل .. لكنه لسه تحت الإنشاء والطوب والزلط والأخشاب لسه موجودين بالموقع ....

ثانياً .. الألاف دول كانوا محتشدين ليه الساعة 5 الصبح ؟ إيه .. كانوا بيصلوا الفجر ؟

ثالثاً : من الباب للطاق الحكومة هاتنفذ عملية الإختطاف وتضرب قنابل كده على طول ؟

--------------

لما أسمع رأي البابا شنودة في خطبتة الأسبوعية وأجده يعلق بمنتهى " الميوعه " ويقول إن بعض الناس بيُسيء استخدام سلطاته وربنا يستر وعلى الدولة تعويض الأقباط اللي أتحرقت بيوتهم في الخلاف اللي حدث بين مسلمين واقباط في عيد الأضحى في أحدى قرى مدينة قنا !!!

عارفين ليه الخلاف حصل ... وعلى لسان أحد الأساقفه أمس قال " ليه وليه واحد مسيحي بيبني بيته .. راح عامل له قبه كبيرة .. على طراز المعماري حسن فتحي ؟

شوف إزاي ؟؟؟؟؟

!!!!!!!!!!!!!!!!!!!!!!

يا سلام ...

يعني مباركة شخصية من جمع المسئولين لما يحدث وكأن الموضوع أمر واقع وكان دي كنيسة وكأن مافيش مخالفة وكأن مافيش همجية حصلت وكأن مافيش شحن حدث

وأستمعت أمبارح في برامج التوك شو لرأي كثير من القساوسة المسئولين في الكنيسة في منتهى البرود يقولوا " عادي .. وإيه يعني لما يصلوا في مجمع خدمي .. ما المسملين بيفرشوا في الحدائق العامة ويصلوا .. أو حتى في الشوارع ويصلوا " ؟؟؟؟؟؟!!!!!!!!!!!!!!!

والنبي إيه ؟

طب إيه رأي قداستك لو المسلمين رويداً رويداً حولوا الحديقة أو الشارع لمسجد .. وقبة .. ومآذنه وفرش سجاد .. وهووووبا بقى جامع .... هاتقول عادي برضوا ؟

مش أنا أستنكرت وأدنت بل مش عاوز اقول لكم ... إني تناقشت مع شباب من اللي شاركوا من سنتين في الإعتداء على المجمع الخدمي بتاع عين شمس ... لأني اعرفهم شخصياً وشوفتهم في الصور اللي إتعرضت في التليفزيون وبصراحة بهدلتهم لما نزلت مصر في الاجازة ..

بهدلتهم لأنهم تعدوا على سلطات الدولة وكانوا عاوزين ياخدوا حقهم - ده لو كان حقهم - بإيدهم بعيداً عن القانون وهذا يُسمى بمنتهى الصراحة " بلطجه وقلة أدب "

لكنني برضوا ضد الأستفزاز . فأنت يا مسيحي أشتريت مبنى جاهز كان لمصنع ومكون لعدة طوابق ورخصته مُجمع خدمي ... وموجود وسط أغلبية أكثر من 95 % مسلمة ... ليه الأستفزاز وتروح معلق جرس وتُدق الأجراس دي عند كل صلاة لك وتحوله شويه شويه إلى كنسية وكأنك تطبق سياسة الأمر الواقع ...

فهل تغضب من ردور أفعال مجنونة وأنت من دفعت الأمور في هذا الأتجاه ؟

[se_ Elsyed]

بس تصدقوا بالله ؟

أنا متأكد مليون الميه إن ده لو كان حصل مع المسلمين .. كان رد الفعل هايبقى مطابق لهذا تماماً

يعني نفس الشيء برضو .. لو في مسجد تحت الإنشاء .. وفجأة صدر له قرار بوقف البناء ... وقام شيطان من الأنس بإشاعة خبر إن هناك مهندس مسيحي في الحي هو اللي تعنت وأوقف بناء بيت الله ...

عيشوا بقى وشوفوا ردور الأفعال المجنونة

لإننا نلف وندور ونرجع نركز على هيبة الدولة الغائبة في الشارع المصري ووسط الناس وتعاملها معهم بمنتهى الفوقية والتعالي ..

وبالتالي الظلم واقع على الجميع مسلمين وأقباط ...

والتجاهل يُطبق على الجميع مسلمين واقباط

والدولة مشغولة عن الجميع مسلمين واقباط ومركزه كل جهودها على تسنيد السيد الرئيس أبو 86 سنة ... ومحاولة فرض إبنه على الجميع حتى يرضوا بالأمر الواقع ... والعمل على إكتساح الإنتخابات البرلمانية والرئاسية القادمة حتى ولو على حساب جثث المصريين جميعاً

إذن نحن جميعاً داخل قدر يغلي ويغلي ويغلي وعلى وشك الإنفجار ... لكن قبل مرحلة الأنفجار توجد مرحلة تُُسمى " التنفيث " وهي البحث عن أي ثقب في القدر ولو بسيط لكي يصعد منه الدخان ..

[masraweya]

الفاضل س.س. .. أنا عاصرت بناء مخالف على أرض زراعية و عشان يعدوا حولوه مسجد و في يومين أجازة فرشوه و حاولوا يعينوله إمام

قوة الإزالة جت و أزالته تماما .. و رغم ان بعض المتحمسين حاول يجع الناس عشان هيهدوا المسجد الجديد .. ما حصلش تجمهر و لا اعتدوا على القوة و لا حاصروا الوحدة المحلية و لا نقطة الشرطة .. رغم ان هما هما نفس الناس لما بنوا بيوت مخالفة على أرض زراعية و جت قوة الإزالة .. غرقوا الأرض و نصبوا كمين للقوة و نظموا نفسهم و القوة تمكنت بشقالأنفس من كسر عمودين في كل بيت و دمتم

أنا مستغربة جدا التصادم مع السلطة

هل هو إحساس بحرج موقف النظام و محاولة لوي ذراعه؟ و ما المكاسب المتوقعة في هذه الحالة؟

هل هي محاولة للتغطية على الانتخابات و ما يحدث فيها؟

أيا كان .. هو لعب بالنار يوشك أن يحرقنا جميعا

[شريف مان]

البابا شنودة يدين محافظ الجيزة والأمن فى أحداث العمرانية

فى أول رد فعل حول أعمال الشغب بالعمرانية أمس، الأربعاء، انتقد البابا شنودة الثالث، بابا الإسكندرية وبطريرك الكرازة المرقسية، طريقة تعامل الأمن ومحافظة الجيزة، قائلاً: "المحافظة عايزة تهد الكنيسة ببلدوزر دول ناس صعايدة، لازم يفهموا طبيعة الشعب وكيفية التعامل معه".

وأضاف البابا، فى تصريحات صحفية، أنه يريد من المحافظ التعامل بالحكمة وليس بالعنف مع الأزمات لعدم تكرار ما حدث، لافتاً إلى أنه حزين جداً.

من جهة أخرى، رفضت البطريركية المرقسية بالعباسية إصدار بيان عن أحداث كنيسة العمرانية، وقال مسئول كنسى لـ"اليوم السابع" "مفيش حاجة تتقال ولا حاجة تتكتب"، مطالبًا فى الوقت ذاته الرئيس مبارك بالتدخل فى إصدار قانون العبادة الموحد.

وفى سياق متصل شيعت صباح اليوم جنازة مكاريوس جاد شاكر الشاب القبطى، الذى توفى فى أحداث كنيسة العمرانية فى مسقط رأسه بسوهاج وسط حضور كثيف من أهالى القرية والقرى المجاورة، فى مشهد شارك فيه أغلب كهنة المحافظة ومندوب عن الكنيسة.

أظن كدة الامور واضحة وضوح الشمس

ومعروف مين اللى حرك الشباب وأيه الهدف من كل اللى حصل !!!

[اغابي]

http://www.youtube.com/watch?v=x0GqZWc8u7s&feature=player_embedded

http://www.youtube.com/watch?v=bsUGewM9mPI

تم تعديل 25 نوفمبر 2010 بواسطة اغابي

[اغابي]

http://www.youtube.com/watch?v=lw5YtoJaNMo&feature=player_embedded

لا تعليق

[Alshiekh]

لم أكن أعلم من قبل أن الأخوة المسيحيين يبيتون فى كنائس تحت اإنشاء

ولم أكن أعلم أن الأخوة المسيحيين رخيصين لهذه الدرجة لدرجة أن رجال الدين يستخدمونهم كدروع بشرية لمخالفة القانون والتصدى لقوات الأمن

ولم أكن أعلم أن الأخوة المسيحيين منقادون لكل أمر يأتيهم من رجالات الكنيسة ولايفكرون فى صوابه أو خطأه

ولم أكن أعلم أن فى القانون بند يراعى شعور الصعايدة ويطالب قوات الأمن بالطبطبة عليهم قبل تنفيذ أى قرار

مفيش فايدة

[pink rose]

http://www.youtube.com/watch?v=x0GqZWc8u7s&feature=player_embedded

http://www.youtube.com/watch?v=bsUGewM9mPI

تعليق على الفيديو الاول

هو الستات ايه اللي موديهم المبنى دا و من يومين كمان

و بعدين بتقولها انتوا جيبتوا المعدات و ابتديتوا البناء تاني

هو الستات اليومين دول بيشتغلوا في الفاعل يا اغابي؟؟؟؟؟؟؟؟؟؟؟؟؟؟؟

تعليق على الفيديو التاني

يعني ايه البابا بيقول دول ناس صعايدة

مش فاهمة يعني صعايدة ما بيفهموش و لا ايه المقصود

و بعدين لين ايه اللي قوات الامن هاتعامل بيه ناس بيحدفوا عليها طوب و متظاهرين و موقفين طرق و مكسرين عربيات و مقتحمين مباني المحافظة

المفروض الامن عشان دول صعايدة يطبطب عليهم معلش يا حبايبي بطلوا تحدفوا طوب و ازازير مولوتوف و احنا هانكمل بناء المبنى الغير مطابق للتصميمات؟؟؟؟؟؟؟؟؟؟؟؟

ايه دا

[pink rose]

لم أكن أعلم من قبل أن الأخوة المسيحيين يبيتون فى كنائس تحت اإنشاء

ولم أكن أعلم أن الأخوة المسيحيين رخيصين لهذه الدرجة لدرجة أن رجال الدين يستخدمونهم كدروع بشرية لمخالفة القانون والتصدى لقوات الأمن

ولم أكن أعلم أن الأخوة المسيحيين منقادون لكل أمر يأتيهم من رجالات الكنيسة ولايفكرون فى صوابه أو خطأه

ولم أكن أعلم أن فى القانون بند يراعى شعور الصعايدة ويطالب قوات الأمن بالطبطبة عليهم قبل تنفيذ أى قرار

مفيش فايدة

ما شوفتش تعليق حضرتك يا استاذ محمد الا بعد ما كتبت مداخلتي

الحمدلله مش انا لوحدي اللي رأيي كده

[اغابي]

لم أكن أعلم من قبل أن الأخوة المسيحيين يبيتون فى كنائس تحت اإنشاء

وانا لم اكن اعلم انك لم تعلم

ان الناس دي مش بتروح تبات هناك ولا بيجيلهم نوم وانما الناس دي بتبنى بمجهود ذاتي الكنيسة

ومفيش كنيسة ما اتبنتش بالطريقة دى

كل الشباب القبطي فى كل كنيسة واذا كان محترف مهنة معينة يتبرع بوقته لبناء الكنيسة ويتجمع العائلا لمساعدتهم

يعنى

بمجهود شخصي يعنى بمجهود الناس وفلوسهم

ولم أكن أعلم أن الأخوة المسيحيين رخيصين لهذه الدرجة

لدرجة أن رجال الدين يستخدمونهم كدروع بشرية لمخالفة القانون والتصدى لقوات الأمن

ولم اكن اعلم اانك بسهولة تعطي سيل جارف من اتهامات لرجال الدين وبانهم يستخدمون الشعب كدروع بشريه

ولم أكن أعلم أن الأخوة المسيحيين منقادون لكل أمر يأتيهم من رجالات الكنيسة ولايفكرون فى صوابه أو خطأه

ولم اكن اعلم برغم ثقافتك الغير مشكوك فيها

انك لا تعلم ان رجال الدين عن المسيحيين هم ليس اشخاص عاديين

ولم أكن أعلم أن فى القانون بند يراعى شعور الصعايدة ويطالب قوات الأمن بالطبطبة عليهم قبل تنفيذ أى قرار

ولم اكن اعلم انك لم تعطي لنفسك فهم كلمة الحكمة المذكورة على لسان البابا شنودة

فى ان الامر يعالج بحكمة ولم يتكلم البابا عن نصوص قانون

فانت لم تعلم انى اعلم ان القانون يراعى شعور جميع الناس مش بس الصعايدة ويحترم ادميتهم

واخيرا لم اعلم انى لم اسمع لك صوتا عن موت الشاب مثلما سمعت صوتك و اصوات الجميع هنا على صفحات المحاورات

عندما قتل شاب الاسكندرية على ايدى رجال الامن ايضا

ما الفرق بين هذا الشاب القبطي والشاب الذى قتل فى الاسكندرية وفتحنا من اجله توبيك استمر لاكثر من 56 صفحة سب فى الامن

وفى النظام والحزب بالاضافة للدموع الكثيرة التى اغرقت التوبيك حزنا على فقدانه ولم اسمع صوتك للشاب القبطي الذى قتل بالامس

لم اعلم السبب

فعلا فعلا فعلا

مفيش فايدة

اغابي

تم تعديل 25 نوفمبر 2010 بواسطة اغابي

[اغابي]

http://www.youtube.com/watch?v=x0GqZWc8u7s&feature=player_embedded

انا فهمت معنى سؤالك

تجمهور الستات

اولا

طبعا طبعا فى منهم مرافقين لاولادهم واجوازهم اثناء بناء الكنيسة وبيساعدوهم فى بناء الكنيسة كمان

جايز دى مفاجاه للجميع لكن الكل فى بناء الكنيسة بيكون التعاون بروح واحدة وبنساعد بعض

انا كنت زمان بعد ما اعمال الانشاء انتهت فى احد الكنائس

ورخام الارضيات كنا بنتجمع مجموعة نمسح الرخام والارضيات طول اليوم

من اثار الدهان والبويات وفكرتيني باحلى ايام وهى خدمة بيت الرب

ثانيا

ممكن تلاقو ستات موجودة فى الصلاه عادى

حتى لو الكنيسة قيد الانشاء - المسيحيين بيصلوافيها عادى

زى ما كان بيحصل فى كنيسة الخصوص بعزبة النخل لفترة كبيرة

هى منطقة عشوائية وتم جمع التبرعات بصعوبة لبناؤها والناس كانو محتاجين لها جدا

فكانو بيصلوا وهى لم تكتمل الانشاء - على الطوب الاحمر ويقام القداس عادى جدا

لان الاية فى الانجيل بتقول على لسان الرب - ما احلى ان يجتمع الاخوة معا

ثالثا

ممكن تلاقوا ستات لان

المدرسة اللى جنب الكنيسة فى كتير امهات مسيحيات كانو بيوصلوا اطفالهم فى ذات الوقت

علشان كدا فى اطفال مصابين فى اعمار ال6 سنوات برضوه اقباط لكن ما اتجبش سيرتهم

فى حادث العمرانية

تحياتى يا ريمووووو

تعليق على الفيديو الاول

هو الستات ايه اللي موديهم المبنى دا و من يومين كمان

و بعدين بتقولها انتوا جيبتوا المعدات و ابتديتوا البناء تاني

هو الستات اليومين دول بيشتغلوا في الفاعل يا اغابي؟؟؟؟؟؟؟؟؟؟؟؟؟؟؟

ايه دا

[اغابي]

تعليق على الفيديو التاني

يعني ايه البابا بيقول دول ناس صعايدة

شوفى يا ريموا

لازم الحكمة فى الاستماع والفهم مثلما الحكمة مطلوبة فى اختيار الكلمات والتكلم

لما بنسمع رد البابا يبقى لازم بيكون له قصد

هو هنا اعتبر ان المحافظ داه اب للناس او راعى ليهم وهم امانة فى رقبته وكان لازم يتصرف بحكمة معاهم اكتر من كدا

لكن للاسف اتفهم القصد انهم علشان صعايدة - لا المفروض كان المحافظ والامن يعرفوا ان الناس دي سهرانة تبنى فى الكنيسة ليهم فترة طويلة وبتعبهم وبجمع التبرعات و ومش بسهولة تيجي البندوزرات تهدم لهم اللى هما بيبنوه او على الاقل باسلوب غير مستفز داه غير انهم لم يراعوا وجود عائلات داخل المبنى ولا اطفال

اعتقد داه بردوه يؤخذ على الامن

لان فى شاب مات

تحياتى

تم تعديل 25 نوفمبر 2010 بواسطة اغابي