مدارس النيل المصرية المتميزة

[MOOOM]

السلام عليكم ورحمة الله وبركاته

منذ فترة كبيرة وأنا أبحث سواءً على النت أو ميدانياً لمعرفة المزيد عن المدارس الخاصة والدولية [ منذ سنة تقريبا] لأنني بإذن الله تعالى سأدخل ضمن قائمة أولياء الأمور ومدارس وكتب والكلام الكبير ده وذلك بعد معاناة وفترة عمل طويلة في مجال السيريلاك والبامبرز

ومنذ فترة سمعت عن مدارس النيل المصرية المتميزة وأنها تابعة لمجلس الوزراء مباشرة .. وعندما بحثت على النت وجدت من يعارضها ومن يؤيدها .. وللأسف ليس لي معرفة بأحد قام بتجربتها شخصياً

وعرفت أيضاً أنها موجودة في العبور و6 أكتوبر وأربع محافظات أخرى .. ويوجد في القاهرة أيضاً ولكن لا أعرف مكانها بالتحديد .

والميزة الأخيرة التي سمعت عنها أنها ستجعل منهج التربية الدينية إجبارية وتدخل ضمن المجموع .. لأنه يوجد مدارس كثيرة محترمة وعلى مستوى عالي لكن لا تهتم بالتربية الدينية وأهم شيء عندهم الرحلات .

فأرجو من الأخوة أعضاء المنتدى من لدية فكرة أو تجربة في مدارس النيل أن لا يحرمنا من رأيه بها .. وأود أيضاً معرفة الآتي :

- هل مدارس النيل المصرية المتميزة هي نفسها مدارس النيل الدولية أم شيء مختلف .

- بتقبل ال[كي جي] من سن كام ؟؟

- كثافة الطلاب داخل الفصل الواحد .

- مستوى المدرسين بها ،

- هل يوجد بها دروس خصوصية .

- هل يجعل الطالب يعتمد على الفهم والبحث فعلاً ولا على الحفظ مثل باقي المدارس ؟

- هل يوجد اختبارات دورية فعلاً للمدرسين بها ولا كله كلام في الهوا ؟

- هل يوجد متابعة واتصال مباشر بين المدرسين وأولياء الأمور فعلاً لمتابعة مستوى الطالب باستمرار ؟؟ ولا بردو كلام في الهوا ؟؟

- المصروفات السنوية كام [ على الأقل لمستوى الكي جي والابتدائي ] وكذلك مصروفات الباص ؟

أسف على الإطالة في الموضوع ولكني أتمنى أن أجد إجابة لكل هذا .. وجزاكم الله خير الجزاء

[Om Zayd]

متابعة مع حضرتك .. صحيح لسة قدامنا شوية بس الاستعداد مهم

[MOOOM]

شكراً على المتابعة .. والأيام مفيش أسرع منها

[لماضة مصرية جدا]

السلام عليكم و رحمة الله و بركاته

ربنا يبارك في ولاد حضرتك...و تيجي هنا تسالنا عن الجامعة و كده يعني

و ربنا يبراك في زيد يا رب....و نلبسه شنطة المدرسة و نملاها بالونات...و اقلام ملونة و دعوات انه يطلع شبه مامته في اجتهادها و حسن خلقها و لا نزكي علي الله احدا

بالنسبة لسؤال حضرتك

المدراس دي المفروض انها تابعة لمجلس الوزراء يعني واخدة الدعم المؤسسي بتاعها من الحكومة....و هيكون فيه تعاون مع جامعة كامبريدج عشان تدريب المدرسين

السؤال المهم

1- المناهج اللي بتتقدم في المدارس دي هتبقي معتمدة من وزارة التربية و التعليم و لا ايه النظام؟؟؟؟ و لا هنلاقي مشكلة زي بتاعت الثانوية الامريكية

2- سمعت ان الدراسة هتكون 11 سنة و ليست 12 سنة....برضه هل ده هيتم القبول به في الجامعات المصرية بعد كده و لا لا

حضرتك بتسال في اتجاهين

بتخش الموقع بتاعهم...(سبني اغطس شوية و اجيبه لحضرتك...ده لو مش عندك)....و كمان بتسال بنفسك في وزارة التربية و والتعليم....و يا ريت تشوف اي قرار اداري بكده في المنطقة التعليمية التابعة ليها اي مدرسة زي دول

بشكل عام اللي سمعته عنها....مستوي المدرسين فيها عالي...لان تم اختيارهم ع الفرازة....المفروض يعني

و عاملة بروباجندا عنها في مصر جامدة

لي صديق يعمل استشاري تدريب لهذه المدراس....هتواصل معاه ع الانترنت....و هوافي حضرتك

بس برضه هتحتاج تسال اي جهة حكومية

بالتوفيق يا رب

[MOOOM]

ألف شكر للأخت [ لماضة مصرية جداً ] على الإفادة القيمة وياريت لو تزوديني بموقعهم على النت .

وربنا يبارك في عيالنا جميعاً ونشوفهم رجالة وعرايس زي الفل ويحميهم من الزمن إلي مش باينلو لون إلي جاي .. وأهه الواحد بيعمل إلي عليه والباقي على ربنا .

أنا بردو دورت في مواقع كثيرة بس مش لاقي معلومة عن سن القبول في الكي جي .. لأن أبني عندو ثلاث سنوات فلو كان سن القبول زي مدارس الفاروق مثلا أو النزهة من خمس سنوات يبقى الواحد يدور على مهلو .. لكن لو كانت أربع سنوات يبقى الواحد يبدأ يملى الشنطة ساندوتشات وعصاير وياخدها على كتفه وينزل يدو بسرعة .

والمدارس الدولية بتقبل تقريباً من سن أربع سنوات ويمكن أقل من كدة .. بس لاقيتهم بيعلمو العيال حاجات في الإيتيكيت وحاجات كدة وبعدو تماماً عن الدين يعني العيل يعدي كي جي 1 و 2 وميكنش حافظ الفاتحة ويقولو الدين في البيت بس ..

علشان كدة الواحد تأمل خير في مدرسة النيل دي .. وربنا يعمل إلي فيه الخير

بس لي استفسار سريع كدة وخارج عن الموضوع .. هوه [ لماضة مصرية جداً ] جدا دي بتعود على مصرية جداً ؟؟ ولا لماضة جداً ؟؟

[Ahmed Anwer]

متابع بإهتمام ،،

يا ريت فعلا لو حد عنده معلومات عنها ميبخلشي علينا بيها ،،،

المدام موصياني جامد ،،،

بدل مأنا قاعد صايع علي النت لا مؤاخذه علي كلامها أعمل حاجة مفيدة

و لو حد عنده موقعها الالكتروني يقولنا عليه

[MOOOM]

متابع بإهتمام ،،

يا ريت فعلا لو حد عنده معلومات عنها ميبخلشي علينا بيها ،،،

المدام موصياني جامد ،،،

بدل مأنا قاعد صايع علي النت لا مؤاخذه علي كلامها أعمل حاجة مفيدة

و لو حد عنده موقعها الالكتروني يقولنا عليه

شكراً لمداخلة حضرتك ..

ومتهيألي بمد مداخلتك دي هتلاقي الردود نازلة ترف هنا .. ليس للإفادة فقط بل لإنقاذ حيات حضرتك من الحكومة .. وأنا عارف مسبقاً الرد وطبعاً حضرتك مش خايف ولا حاجة بس هوه حفظ لماء الوجه فقط bsh:)

[لماضة مصرية جدا]

السلام عليكم و رحمة الله و بركاته

باذن الله هيوصلني الرد قريب و هوافي حضراتكم....(ايه ده مالي كده عاملة زي مراسل قطاع الاخبار)

هو انا بعت ايميل دلوقتي و مستنية الرد

ربنا يقر عين حضراتكم بحبايبكم

نسالكم صالح الدعوات

[لماضة مصرية جدا]

بس لي استفسار سريع كدة وخارج عن الموضوع .. هوه [ لماضة مصرية جداً ] جدا دي بتعود على مصرية جداً ؟؟ ولا لماضة جداً ؟؟

فين السؤال...انا احط ايدي ع السؤال اجاوب ع طول...(وش مورسي الزناتي و هو بيتسال عن المنطق)

إمممم الاسم

طيب

لماضة....فاعل مرفوع في وشي من ساعة ما كنت في الابتدائية

مصرية...صفة بحبها و بعتز بيها...و بتضايق لما حد يقولي اني ميبنشي اني مصرية!!

جدا.....ظرف زماني و مكاني و انساني...معناه...لابعد حد....يعني حدودي السما...لما بكون لماضة...بكون جدا...لما بكون مصرية بكون جدا....و لما بكون....لماضة مصرية....بكون جدا جدا

بس ممكن حضرتك تقولي يا عوف :P

اسمي ريهام

مساااا حضرتك....شنطة مدرسة...و سؤال الابلة في اول يوم...اسمكم ايه يا حلوين...(انا فاكرة اني رديت باسم الدلع اللي بابا كان بيقولي عليه....مالوش اي علاقة باسمي اصلا...و كنت مقتنعة مثلا لغاية 3 ابتدائي اني اسمي كده)

[MOOOM]

أكرر شكري وتقدير للأخت [ لماضة ] على متابعتها باهتمام لهذا الموضوع .. وأنا في انتظار نتيجة الإمتحان قصدي نتيجة الإيميل إن شاء الله تعالى .

مش عارف ليه أنا حاسس أنك من الحزب الوطني .. لأن كلامك صراحة منسق جداً جداً لما جاوبتيني على كلمة [ لماضة دي ] أنا قعدت أقرأ في الإجابة حسيت إي قاعد أدام بوتاجاز مش كمبيوتر أصلاً ، ونسيت أنا سألت على إيه وكانت الإجابة إيه وأنا مين ومين إلي بيتكلم .

بصراحة كلام منسق وواااااااااضح جداً جداً جداً علشان كدة قلت حزب وطني .. بتحسي من الكلام إنو حافظ مش فاهم وكلمة من الشرق وكلمة من الغرب علشان يحسسك إنو فاهم حاجات إنتي متعرفيش تفهميها .

وأيضاً شكراً على القواعد اللغوية الفصيحة بتاعت حضرتك ..

هيا دي أخرة مجانية التعليم :P

تم تعديل 25 نوفمبر 2010 بواسطة MOOOM

[لماضة مصرية جدا]

السلام عليكم و رحمة الله و بركاته

التفاصيل اللي جاتلي عن المدرسة دي

هنبتدي بالمصاريف....عشان تحددوا موقفكم بالظبط

الروضة 6000 جنية

باص المدرسة....(1000)

مرحلة ابتدائي...(8000)

هي تابعة لصندوق تطوير التعليم- رئاسة الوزراء

و فيه اشراف من التربيةو التعليم عليها لان الدولة هي اللي بانياها

سن 3 و 8 شهور ممكن ينقبل كي جي وان

المنهج و الشهادة معتمدة دوليا من جامعة كامبريدج

المدرسين بيتم تدريبهم بشكل محترف جدا

دي الحاجات اللي وصلتني لغاية دلوقتي

تنفع؟؟؟

[engmido]

شكراا لكى ومنتظرين معلومات اكثر

عن طبيعة الدراسة والانشطة والعناوين وخلافه ومواعيد لليوم الدراسى وشكراا

[MOOOM]

ألف ألف شكر للأخت [ لماضة ] على المعلومات القيمة التي زودتنا بها .. وأهم نقطة هي موضوع 3 سنين و8 شهور دي .. يارب يارب يكون صحيح .. وعلى فكرة لما هروح أقدم للواد ولاقيت حد قالي كلام تاني هبلغ عنك وهقولك انتي إلي قلتيلي على المعلومات دي وهديهم بياناتك .. أحنا رجالة أوي .. بس عارفة طبعاً من أول قلم الواحد هيقر بكل حاجة :P

وبردو مصاريف الباص مقارنة بالمدارس اللغات التانية يعتبر قليل جداً - أدامها الله لغاية السنة الجاية يارب -

في انتظار رد الوكالة بأي معلومات إضافية أخرى .. حول موضوع الدروس الخصوصية وكثافة الفصول ومستوى المدرسة بوجه عام

وأكرر شكري وتقديري لحضرتك

[لماضة مصرية جدا]

شكراا لكى ومنتظرين معلومات اكثر

عن طبيعة الدراسة والانشطة والعناوين وخلافه ومواعيد لليوم الدراسى وشكراا

السلام عليكم و رحمة الله و بركاته

حضرتك ممكن بتروح اقرب مردسة من مكان سكنك...و هناك بيدولك فكرة كاملة

و متهيالي الدراسة ابتدت في المدارس دي دلوقتي....حضرتك بقي او مامت ملوكة ممكن تروح و تقضي يوم كامل بالتنسيق مع الادارة بتاعت المدرسة

ع جنب بقي

هي مش لسه ملوكة....8 شهور...يبقي عن حضرتك وقت انك تعيش التحربة بالكامل

ربنا يسعد حضرتك بيها و تشوفها احلي الناس

[لماضة مصرية جدا]

ألف ألف شكر للأخت [ لماضة ] على المعلومات القيمة التي زودتنا بها .. وأهم نقطة هي موضوع 3 سنين و8 شهور دي .. يارب يارب يكون صحيح .. وعلى فكرة لما هروح أقدم للواد ولاقيت حد قالي كلام تاني هبلغ عنك وهقولك انتي إلي قلتيلي على المعلومات دي وهديهم بياناتك .. أحنا رجالة أوي .. بس عارفة طبعاً من أول قلم الواحد هيقر بكل حاجة :P

وبردو مصاريف الباص مقارنة بالمدارس اللغات التانية يعتبر قليل جداً - أدامها الله لغاية السنة الجاية يارب -

في انتظار رد الوكالة بأي معلومات إضافية أخرى .. حول موضوع الدروس الخصوصية وكثافة الفصول ومستوى المدرسة بوجه عام

وأكرر شكري وتقديري لحضرتك

حلو اوي....طب متنساش حضرتك تقول

لماضة مصرية جدا

ع جنب بقي

انا اصلا مش عايشة في مصر....يستحب في الحالات اللي زي دي...تدخل الانتربول و كده يعني

بالنسبة لسن بنت او ابن حضرتك ممكن تروح المدرسة و تسال بالظبط.....ايه ده مش انتوا بتعملوا كده برضه و لا ايه

دي شكلها سنة اولي ابوة....و مدرسة....اومال هتعملوا ايه في مرحلة....سلاح التلميذ و الدروس....و الثانوية العامة

و بس خلاص

جرس الفسحة ضرب بقي

فوتكم بعافية