صدق أو لا تصدق في مصـــر بالصـــور.

[masraweya]

السلام عليكم

ممكن نتفق على حاجة.. وجود الأديرة بالمساحات و التجهيزات دي دليل ان الاضطهاد ليس بالصورة التي يتم التسويق لها

عندي تساؤل .. من الذي يقوم بالرقابة على ماليات هذه المشاريع؟

مصروفاتها و إيراداتها و فيم تستغل؟

على حد علمي الجمعيات الخيرية تخضع للرقابة المالية من الدولة .. ماذا عن الكنيسة؟

بالمناسبة .. أنا ليس عندي اعتراض على إقامة المشاريع و العمل المنتج .. في الإسلام هذه عبادة إذا ابتغيت بها وجه الله و ليس عندنا انقطاع للذكر و الصلاة و الصيام

كل اعتراضي أن من حق المصريين مراقبة الانفاق في كل المنشئات التي تستخدم المال العام أو تقوم بجمع التبرعات

تماما كما من حقهم محاسبة السلطة التنفيذية من أصغر موظف إلى رئيس الدولة

:egyflag:

[jonathan]

الاخت الفاضلة مغتربة...حضرتك تقريبا مفهمتيش المغزى من التشبيه و دة شخصيا انا اشك فيه..اما عن التاريخ فياريت حضرتك تديني مرجع تاريخي موثق للاحداث غير رواية عززازيل..او موقع ويكبيديا لانهاحاطاه من ضمن المراجع..مفتكرش مرجعنا التاريخي حيكون استنادا لرواية..رواية صدرت من عاميين تقريبا..ثم الاهم فانا اشكرك على استنكارك للعنف ..بس يا ريت يكون استنكارك دة بردو لنفس العنف اللي قتل 6 شبان ليلة عيد الميلاد العام الماضي..او الذين حرقت منازلهم في الصعيد الاسبوع الماضي....الاهم من قراءة التاريخ الاستفادة منه..و لو متعلمناش من تاريخنا..بكرة نصبح زي العراق

الاخت مصراوية...الاديرة مش جمعيات خيرية عشان يكون عليها رقابة..و الرهبان ناس سابوا الدنيا و راحوا عاشوا في الصحرا..و مع ذلك مستكترين عليهم مع انهم مقدموش غير الخير..طيب انا حاتفق معاكي بردو..اتفضلي ابدئي بكل الموسسات الدينية المسلمة و المسيحية..اللي فشلت حكومة بلدك انها تطبقه على نفسها متقنعنيش انها حتنجح فيه مع غيرها..لما تبقي قادرة على ادارة اصولها تبقي ساعتها تشرف على الاديرة..و بعدين كل المشاريع دي قانونية مش في السر..اللي عايز يقول غير كدة يتفضل يجيب الدليل.

الاخ الفاضل شريف مان..فين انا قولتلك تقول ايه و متقولش ايه..انا طلبت منك تعديل الكلمة و لو مش عايز براحتك..اما عن الفيديو فرد البابا واضح و قال ان كان الموضوع حيسبب ازمة نشتري الارض..السوال عملت انت شخصيا ايه عشان الارض دي..طب الرهبان استصلحوها..انت عملت ايه ..مضايق ليه و يا تري كنت مضايق بردو لما سمعت عن قضية مدينتي...يا ريت بعد كدة لما نجيب فيديو نجيب فيديو عادي..مش واحد قاعد بيسمع و يعلق على كل كلمة و قص و لزق بهدف التشويه..مش حنجني حاجة غير النار..اليوتيوب مليان من الحاجات دي لو انت غاوي فرجة..و البابا ما انكرش عشان يعترف حضرتك..العظة دي بتذاع اسبوعيا على الهوا..انت مدعو لمشاهدتها.

الاخ الفاضل نايت مير..ممكن ارد على كلام حضرتك نقطة نقطة..بس كدة حندور في دايرة مغلقة ..ببساطة ردي كان لتوضيح الامور الغائبة عن ذهنكم..لكن لو من الاساس الوضع مش عاجبك..يبقي ليهالنقاش..يعني عمال تقولي الدولة و مش الدولة..طيب و فين حقوق المواطنة في وسط الدولة...و بعدين تصحيح لغوي صغير..بعيدا عن نصارى طبعا..قبطي لا تعني مصري اطلاقا..هاتلنا المرجع من فضلك..مسيحي ليست خطاء..انا اتبع السيد المسيح اذا انا مسيحي..و الدولة اللي حضرتك بتتكلم عليها بتقول كدة..يا ريت نخاف على بعض من الفتن بدل زرع الاحقاد..يا ريت نفهم ان الارض الى زوال و كلنا حنقف نتحاسب قدام ربنا على الخير اللي كان ممكن نقدمه و مقدمناهوش..يا ريت لو بنخاف على البلد نقف مع اللي بيبنيها..مش نقف لبعض مين اللي احق يبنيها...و على كل حال فانا اسف اني شاركت في الموضوع و سببت ليكوا حالة من القلق..يا ريت بس متصوروش المسيحيين على انهم وحوش..لان اول وصية في معاملتنا مع الناس لا تقتل ..لكم مني كل محبة و سلام..و احترام

تم تعديل 26 نوفمبر 2010 بواسطة jonathan

[مغتربة]

الاخت الفاضلة مغتربة...حضرتك تقريبا مفهمتيش المغزى من التشبيه و دة شخصيا انا اشك فيه..اما عن التاريخ فياريت حضرتك تديني مرجع تاريخي موثق للاحداث غير رواية عززازيل..او موقع ويكبيديا لانهاحاطاه من ضمن المراجع..مفتكرش مرجعنا التاريخي حيكون استنادا لرواية..رواية صدرت من عاميين تقريبا..ثم الاهم فانا اشكرك على استنكارك للعنف ..بس يا ريت يكون استنكارك دة بردو لنفس العنف اللي قتل 6 شبان ليلة عيد الميلاد العام الماضي..او الذين حرقت منازلهم في الصعيد الاسبوع الماضي....الاهم من قراءة التاريخ الاستفادة منه..و لو متعلمناش من تاريخنا..بكرة نصبح زي العراق

استاذى الفاضل

حتى و ان كانت ويكيبديا وضعت الروايه من ضمن المصادر الا ان هذالا يمنع ان باقى المصادر التى تضعها تؤكد الروايه فهى لا تستند على الروايه فقط كمصدر

تستطيع حضرتك ان تبحت فى ويكيبديا باللغه الانجليزيه و انت سترى انها مدرجه مصادر ليس من بينها الروايه التى تعترض عليها ابحث تحت اسم hypatia

و لكن اعذرنى لن استطيع ان اضع لك الرابط هنا لانه للاسف يحتوى على صور عاريه تجعلنى لا استطيع ان ادرجه لك

بخصوص استنكارى للعنف فانا بالطبع اعذر حضرتك فى كلامك لانه يظهر من تاريخ تسجيلك انك حديث الالتحاق بالمحاورات و لم تعاصر الموضوع الذى فتح وقت وقوع الجريمه لترى كيف استنكرت هذا العمل الارهابى فيه حاول ان تبحث عن الموضوع و اقراء المشاركات التى به لتعلم اننى بالتاكيد ضد العنف بكل اشكاله خاصه الذى يتستر تحت مظله الدين

اى دين

تحياتى

[nightmare]

الاخ الفاضل نايت مير..ممكن ارد على كلام حضرتك نقطة نقطة..بس كدة حندور في دايرة مغلقة ..ببساطة ردي كان لتوضيح الامور الغائبة عن ذهنكم..لكن لو من الاساس الوضع مش عاجبك..يبقي ليهالنقاش..يعني عمال تقولي الدولة و مش الدولة..طيب و فين حقوق المواطنة في وسط الدولة...و بعدين تصحيح لغوي صغير..بعيدا عن نصارى طبعا..قبطي لا تعني مصري اطلاقا..هاتلنا المرجع من فضلك..مسيحي ليست خطاء..انا اتبع السيد المسيح اذا انا مسيحي..و الدولة اللي حضرتك بتتكلم عليها بتقول كدة..يا ريت نخاف على بعض من الفتن بدل زرع الاحقاد..يا ريت نفهم ان الارض الى زوال و كلنا حنقف نتحاسب قدام ربنا على الخير اللي كان ممكن نقدمه و مقدمناهوش..يا ريت لو بنخاف على البلد نقف مع اللي بيبنيها..مش نقف لبعض مين اللي احق يبنيها...و على كل حال فانا اسف اني شاركت في الموضوع و سببت ليكوا حالة من القلق..يا ريت بس متصوروش المسيحيين على انهم وحوش..لان اول وصية في معاملتنا مع الناس لا تقتل ..لكم مني كل محبة و سلام..و احترام

وهل من حقوق المواطنة الاستيلاء على اراضي الدولة ووضع اليد عليها.

قبطي تعني أهل مصر ,وأهل مصر يعني مصريين , والمراجع كثير جدا حضرتك بس اتعب شوية وابحث عليها لانى من السهل قوي انى اجيب لك 4000 مرجع كلهم نفس الكلام.

مسيحي لفظ خاطئ وليس كل ما تعترف به الدولة صحيح.

ازاى اقول الارض الى زوال وانا باخد كل تلك المساحات واضع يدي عليها , تناقض غريب , واحنا نقف مع اللى بيبنيها ويعمرها بس بشكل شرعي وليس بوضع اليد وشرائها بأثمان بخسة واقامة مشروعات للتربح تحت مسمي دار عبادة فده يعتبر فساد وليس اصلاح.

بالعكس يا سيدي انت لم تسبب لنا اى قلق فنحن دائماً نرحب بالحوار الهادئ الموضوعي الذي يسوده الاحترام المتبادل.

النصاري مش وحوش , بالعكس مفيش حد قال كده دول اخواننا وشركائنا في الوطن لكن لا انا ولا انتا نرضي باى وضع غلط في البلد او اى شكل من اشكال الفساد واهمها الاستيلاء على اراضي الدولة , فلابد لنا جميعا ان نتصدي لاى ظاهرة سلبية في الوطن حتى تنهض مما سيعود بالخير علينا جميعاً.

مع تحياتي

[jonathan]

اشكرك على مشاعرك ..و الاختلاف في الرائ لا يفسد للود قضية..تقبلي مني كل ود

[jonathan]

النصاري مش وحوش , بالعكس مفيش حد قال كده دول اخواننا وشركائنا في الوطن لكن لا انا ولا انتا نرضي باى وضع غلط في البلد او اى شكل من اشكال الفساد واهمها الاستيلاء على اراضي الدولة , فلابد لنا جميعا ان نتصدي لاى ظاهرة سلبية في الوطن حتى تنهض مما سيعود بالخير علينا جميعاً.

مع تحياتي

اتفق معك في هذا الراي ..و يا ريت كلنا نلتف حوالين الهدف دة و ارجو ان تكون دي نقطة نبداء من عندها موضوع جديد.

تقبل مني كل ود

تم تعديل 26 نوفمبر 2010 بواسطة jonathan

[engmido]

يا سلااااااام

هو حاجة من الاتنين يا حنا مش عايشين فى الدنيا يا مش عايشين فى الدنيا

منتظرين باقى الكلام

[شريف مان]

الاخ الفاضل شريف مان..فين انا قولتلك تقول ايه و متقولش ايه..انا طلبت منك تعديل الكلمة و لو مش عايز براحتك..اما عن الفيديو فرد البابا واضح و قال ان كان الموضوع حيسبب ازمة نشتري الارض..السوال عملت انت شخصيا ايه عشان الارض دي..طب الرهبان استصلحوها..انت عملت ايه ..مضايق ليه و يا تري كنت مضايق بردو لما سمعت عن قضية مدينتي...يا ريت بعد كدة لما نجيب فيديو نجيب فيديو عادي..مش واحد قاعد بيسمع و يعلق على كل كلمة و قص و لزق بهدف التشويه..مش حنجني حاجة غير النار..اليوتيوب مليان من الحاجات دي لو انت غاوي فرجة..و البابا ما انكرش عشان يعترف حضرتك..العظة دي بتذاع اسبوعيا على الهوا..انت مدعو لمشاهدتها.

أكيد مش هعدلها ..

حضرتك اللى فهمته من الفيديو أن الموضوع هيسبب أزمة فنشترى الارض .. حضرتك شفت الفيديو كويس !!

أكيد أنا عملت كتيييير للأرض بس حضرتك متعرفنيش .. واللى عمرى ماعملته ولا هعمله انى آخد حق مش حقى

لو حضرتك عندك ارض ممكن اروح آخدها وابنى عليها ودا من حقى .. صح كدة .. طالما هبنى عليها وانت سايبها فاضية وهديلك تعويض بردو

الفيديو واضح ومفهوش لعب .. دا أعتراف صريح من البابا .. ولو فى حكومة محترمة كان لازم يبقى فيه عقاب لأى مخالف .. حتى لو كان البابا وللا شيخ الازهر

أنا فعلا غاوى فرجة .. طالما هوصل من خلالها للحقيقة .. ودا أحسن لى من انى أعيش مغييب وأتسحب ورا ناس مخدوع فيهم

رأيى فى اللى سرق أرض مدينتى أنه حراااااااااااااااااامى وفااااسد

ياريت تقولى العظة دى فين ومسموح بحضور المسلمين وللا لا .. وأنا أوعدك أنى هحضر بجد .. بس هسجلها

المشكلة يا سيد jonathan

أن محدش بيقول أنا غلطان وأنا آسف الا من رحم ربى

اللى كنت متوقعه من حضرتك أنك تدين التصرف دا مش تبرره

زى البابا ما أدان تصرف المحافظة ولم يدين تصرف أبناؤه

هى دى المشكلة الحقيقة

لو فيه غلط دايما بنعالجه غلط

تحياتى

[pink rose]

ثانيا رد المبالغ فيه بتاع الاخت الفاضلة ريمو...حضرتك قريتي التاريخ قبل كدة...حضرتك تعرفي ان قبل دخول الاسلام مصر كان فيها مسيحيين و يهود و ووثنين..حضرتك قريتي ان ممجموعة مسيحية مسلحة استنت وثنين خارجيين من المعبد ليلية عيد و اطلقوا عليهم النار..او هجم بعض المسحيين على 20 منزل يهودي و احرقوهم؟؟ تعرفي حضرتك ان كلمة ايجبت اصلها يوناني و هو ايكبتوس اي قبط..و دة كان بيطلق على كل سكان مصر قبل دخول الاسلام نسبة للغة القبطية المستعملة انذاك ثم انحصرت بعد ذلك على المسيحيين لاستمرارهم في استعمالها حتى الان؟؟تعرفي حضرتك المعلومات دي قبل ما الدموع تنهمر...الحقيقة الدموع حتنهمر طول ما البلد دي في حالة صراع داخلي و فكر لا يستند على اي وقائع...المسيحيين مش محتاجين دولة يحموا بيها المسيحية لان الله قادر على حماية مخلوقاته.

رد فعلي دا طبيعي يا سيدي الفاضل

الا اذا كان تقسيم مصر لدولتين شئ مستساغ عند حضرتك و متقبله

اما بمناسبة التاريخ فا احب انا اسأل حضرتك

يا ترى حضرتك قريت عن الحروب الصليبية؟

يا ترى حضرتك قريت عن محاكم التفتيش؟

يا ترى حضرتك قريت عن البوسنة و الهرسك؟

قبل ما حضرتك تتكلم عن شوية جهلة بدينهم قاموا بعمل ابعد ما يكون عن تعاليم الاسلام و الكل ادانه و تعتبر ان هو دا اللي جالكم من الاسلام و المسلمين لما فتحوا مصر ( و هو دا اللي فهمته من كلام حضرتك لما قولت ان كان في مصر قبل الاسلام عايش معاكم يهود و وثنيين و ما كنتوش بتقتلوا فيهم زي المسلمين الاشرار اللي دخلوا بلدكم و نازلين تدبيح فيكم) تبقى تقرى تاريخ المسيحيين في البلاد اللي دخلوها و المجازر اللي قاموا بيها ضد المسلمين

[jonathan]

اخي الفاضل شريف مان...اشكرك على الرد..زيك تماما لا اقبل بوضع اليد و اخذ ما هو ليس من حقي..انا لست ابرر التصرف ..لكن بردو مننفخش فى النار .وكنت افضل انك تقول رايك بعد مشاهدة العظة بنفسك مثلا مش متاثر بفكر واحد تاني عمال يحط فقرات..خد بالك بقي من الخطة..الخطوة الاولى..الحطوة مش عارف كام..هو دة القص و اللزق اللي بتكلم عليه..الراجل اللي بيقف يبيع حاجات على عربية فوق الرصيف..مش دة برضه انتهاك لحق الدولة المفروض و مع ذلك مبنعلقش عليه..هو مضرش حد و لو حد طلب منه انه يسيبها ..حيقول لا؟؟..هل نقدر نقول اه دة حيببقى ممنهج و حيجيب زمايله و يحتلوا الرصيف؟؟ المفروض كلنا ندين تصرف المحافظة ..مش في انها عايزة تسترد الارض لكن في انها خرجت على الرهبان ببلدوزارت و كانهم مش بني ادميين عزل..كنت متوقع منهم يدافعوا عن نفسهم بايه؟؟..دول وقفوا امام البلدوزرات باجسادهم..مخرجوش بمدافع رشاشة..و نفس تصرف المحافظة دة ادينه امام اي انسان..زى الدويقة و عمارات عزبة الهجانة لو حضرتك سمعت عنها..يا ريت نكون موضوعيين..و انا على العموم معاك في ان المخطئ يعاقب و الموضوع تم الفصل فيه من قبل لجنة حكومية..و انتهي يبقي ايه لازمة فتحه و تحليله بصورة غير محايدة..احنا عايزين نبني بلدنا يبقي نستفاد من الدروس و نبص لقدام و نقف مع بعض مش لبعض..اما عن العظة فممكن حضرتك تتفرج عليها من البيت و انت مكانك كل يوم اربعا مباشرة على الهواء في قناة اغابي او سي تي في الموجودين على النايل سات..المصري

تقبل مني كل ود

[jonathan]

الاخت الفاضلة ريمو..فين حضرتك وقائع و مستندات تقسيم الدولة اللي حضرتك حصلتي عليها و لم يستطيع جهاز امن الدولة او المخابرات العامة الحصول عليها..هل اي مواطن يقول انا عايز حقي او يثور و يعترض يبقي البلد حتتقسم؟؟ هل في حرب اكتوبر 73 استغل المصريون الفرصة الذهبية و تحالفوا مع الصهيونين؟؟هل عملوها ايام محاكم التفتيش اللي حضرتك بتقولي عليها و تحالفوا مع المستعمر الاجنبي؟؟ و لا هو الفكر دة وليد اللحظة و البابا ناوي يعمله و هو في ارذل العمر؟؟ بتكلميني حضرتك عن غزاة او احداث خارج مصر و تقوليلي التاريخ..قصدك تاريخ مصر ولا تاريخ المسيحية...كلميني حضرتك عن احداث في مصر..قام بيها مصريين؟؟الحملة الصليبية هل كانت لغرض ديني و هو نشر المسيحية؟؟ الغرض كان استعماري و كلنا عارفين كدة..التطهير الديني في البوسنة و الهرسك هل لم يدينه المسحيين..هل لم يتم وصفه على انه جريمة ضد الانسانية..هل لم يتم القبض على المتسببين فيه و محاكمتهم امام المحاكم الدولية؟؟ حضرتك عايزة تقولي ان المسيحية بتشجع على كدة..يا ريت تقولي قريتها فين؟ ارجو عدم غلط الدين بالسياسة ..انا و انتي مصريين..خلينا نتكلم عن مصر .

اما عن نقطة دة اللي جالنا من المسلمين و الاسلام ..فدة تاويل لكلامي و انا اسف بس انا ارفض الاسلوب دة..انتي دموعك انهمرت لانك تصورتي ان المسيحيين لو زادوا او حكموا مصر في يوم حيحصل و حيصل..انا بقولك قوليلي كان فين حصل قبل كدة في تاريخ مصر..و على العموم انتي حطيتي ايدك على النقطة الصح..الجهل..يا ريت بقي نحط ايدينا في ايدين بعض و نحارب الجهل و نسيب نبرة مسيحي جاهل و مسلم جاهل ..عايزين مصريين متعلمين يفيدوا البلد ..دة لو احنا عازين البلد دي تقوم من تاني.

تقبلي مني كل ود

تم تعديل 27 نوفمبر 2010 بواسطة jonathan

[مغتربة]

اخي الفاضل شريف مان...اشكرك على الرد..زيك تماما لا اقبل بوضع اليد و اخذ ما هو ليس من حقي..انا لست ابرر التصرف ..لكن بردو مننفخش فى النار .وكنت افضل انك تقول رايك بعد مشاهدة العظة بنفسك مثلا مش متاثر بفكر واحد تاني عمال يحط فقرات..خد بالك بقي من الخطة..الخطوة الاولى..الحطوة مش عارف كام..هو دة القص و اللزق اللي بتكلم عليه..الراجل اللي بيقف يبيع حاجات على عربية فوق الرصيف..مش دة برضه انتهاك لحق الدولة المفروض و مع ذلك مبنعلقش عليه..هو مضرش حد و لو حد طلب منه انه يسيبها ..حيقول لا؟؟..هل نقدر نقول اه دة حيببقى ممنهج و حيجيب زمايله و يحتلوا الرصيف؟؟ المفروض كلنا ندين تصرف المحافظة ..مش في انها عايزة تسترد الارض لكن في انها خرجت على الرهبان ببلدوزارت و كانهم مش بني ادميين عزل..كنت متوقع منهم يدافعوا عن نفسهم بايه؟؟..دول وقفوا امام البلدوزرات باجسادهم..مخرجوش بمدافع رشاشة..و نفس تصرف المحافظة دة ادينه امام اي انسان..زى الدويقة و عمارات عزبة الهجانة لو حضرتك سمعت عنها..يا ريت نكون موضوعيين..و انا على العموم معاك في ان المخطئ يعاقب و الموضوع تم الفصل فيه من قبل لجنة حكومية..و انتهي يبقي ايه لازمة فتحه و تحليله بصورة غير محايدة..احنا عايزين نبني بلدنا يبقي نستفاد من الدروس و نبص لقدام و نقف مع بعض مش لبعض..اما عن العظة فممكن حضرتك تتفرج عليها من البيت و انت مكانك كل يوم اربعا مباشرة على الهواء في قناة اغابي او سي تي في الموجودين على النايل سات..المصري

تقبل مني كل ود

اخى الفاضل

ليمكننا رؤيه الصوره من جميع الزوايا

يجب ان تعرف السبب الرئيسى للاستنكار الشديد لهذا لما ورد فى هذا الفيديو و من قبله الاحداث التى يناقشها

الامثله التى اوردتها حضرتك قد تصيب فى بعض جوانبها فى اثبات اننا كبشر من الممكن ان نتعاطف مع امور مخالفه للقانون لكن يصنعها اناس اضطرتهم ظروفهم الاقتصاديه او الانسانيه فى خرقه بحثا عن احتياجات انسانيه قد تكون فى بعض الحالات ضروريه و فى بعضها الاخر لا على حسب

لكن المشكله الاساسيه فى هذه الحادثه و فى الكلام الذى فى الفيدبو تتبلور فى نقطتين

اول نقطه و هى الاهم انها صدرت عن اناس ليسوا عاديين بل عن اناس يتحدثون باسم الدين و يمثلون اعضاء فى كهنوته و اذا كانت كلمه ممثل للدين فى الاسلام تلقى عندنا نحن المسلمون استهجان باعتبار ان الاسلام ليس له ممثل الا رسوله الكريم صلى الله عليه و سلم الا ان هذه العباره فى المسيحيه و لاختلاف عقائديه بينها و بين الاسلام تعنى معناها بحذافيره

كيف يمكن ان امرر ان تاتى المخالفه لتعاليم الدين من من هم قيمين عليه

كيف يمكن ان استسيغ التصرفات الغاطئه من من يفترض فيهم ان يكونوا هم القدوه

هذا التعدى او لنقل المخالفه لم تاتى من انسان عادى بل اتت من رجل دين مسوق من الروح القدس كما تقول عقيدته

هناك مثل يقول غلطه الشاطر بالف و هو صحيح تماما و كذلك فخطا رجل الدين بالف ايضا

النقطه الثانيه و هى فى اهميه كل هذه الفدادين التى تم وضع اليد عليها

بمعنى اننى استطيع ان اتفهم ان يخالف بائع متجول قوانين الحى و ينصب فرشته فى الطريق لانه هذه هو اكل عيشه

او ان يخالف مقاول رخصه المبانى الصادره له ليبنى ادوار زياده ليبع اكثر و يعود على نفسه بعوائد اكبر

اقول اتفهم و لا اقول اوافق

الا اننى لا اعلم ما هى الفائده التى تعود من وضع اليد على 200 فدان مثلا بدل 100

بمعنى اصح ما هى الاستفاده المرجوه من الاستماته فى ضم كل هذه المساحات الشاسعه لحرم الدير

اليس الهدف من الاديره الاساسى هو التخلى عن الدنيا و العيش حتى فى قلايات

في ما سيفرق فرق المساحه و بالمخالفه حى لو ادى ذلك لمواجه مع الامن

حضرتك تستنكر ان يذهب الامن بالبلدوز هى لم تخرج على الرهبان انفسهم بالبلدوزر و لكنها خرجت على السور به لهده و لكن الرهبان هم من وقفوا امامها لمنع الهد اذا البلدوزر لم يكن موجهه لهم انفسهم

اكرر سؤالى مره اخرى لما الاصرار على ضم مساحات شاسعه جدا حتى و ام كان بوسائل غير قانونيه او باقرار التحايل كما ورد فى الفيديو من اناس ذهبوا هناك ليرموا الدنيا كلها وراء ظهورهم و هم فوق ذلك ليسوا اناس عاديين بل انهم ممن يتوقع منهم اشد الحرص على عدم المخالفه و لو فى اللمم لانهم رجال دين يعنون بحمايته و اقامته فاذا هم اول الخارقين له ؟

تحياتى

[jonathan]

اختي الفاضلة مغتربة..طبعا انا مكنتش محامي للرهبان و لا في بؤرة الاحداث عشان ابرر موضوع الارض دة..لكن ببساطة على حد معلوماتي و ممكن نبحث انا و انتي و اي حد عايز يوصل للحقائق..في الرهبنة ما يسمي بحياة الوحدة اي ان يتجه الراهب الي البرية الجوانية او عمق الصحراء و يتوحد فيها بعيد عن الدير..طبعا دي بتكون على مسافة بعيدة جدا عن الدير تصل الي اكتر من 10 كيلومتر..مبيروحش بالمواصلات طبعا..دي بتبقي مغاير قي الجبل او شقوق..بخلاف كدة..الرهبان في تزايد نتيجة زيادة عدد الراغبين في الرهبنة..فشئ طبيعي ان مساحة الدير لازم تزيد..اومال حيستوعب العدد دة ازاي..و بعدين الارض اللي اتضمت هل هي ارض زراعية و لا سياحية مثلا..روحي شوفي بنفسك..دى جبال في قلب الصحراء..ما فيهاش حتى بدو و لو ان البدو بيجوا بعد كدة و بيستقروا جنب الدير..لان زي ما شفتوا في الصور الرهبان منتجيين..و دي حاجة قديمة قدم الرهبنة ذاتها..في البداية كانوا بيصنعوا السلال من سعف النخل.و يبعوها عشان احتياجتهم من اكل و شرب..هما معنى انهم زهدوا الدنيا يبقي ملهمش احتياجات جسدية..و بعدين القصة مش قصة بلدوزر حيهدم سور..القصة قصة تعنت بالغ و واضح ..هدم سور بدون سابق انذار و بعدين السور دة لما يتهد يعيشوا في العراء..انتوا فاكرين ان الصحراء دي مافيهاش وحوش مثلا و لا عقارب..اوكد ليكي ان الدولة لو شايفة اي رجا من الارض دي ما كنتش سابتها من الاول..الارض الخضراء اللي في دير مارمينا دي ..تفتكروا كانت كدة..تفتكروا وفرت كام فرصة عمل لكام شاب..مسيحي و مسلم ..و محدش يقولي دة دور الدولة..يا ريت تقولي الكلام دة فين من 30 سنة..يا ريت منمنعش الخير عن حد و خصوصا لو مش في ايدينا نقدمه..و انا مع اي مشروع يوفر اي فرصة عمل شريفة لاي انسان محتاج مورد رزق و مفتكرش فى حد ضد الكلام دة..يا ريت تكون نظرتنا شمولية..انا لازم اقوم اذاكر ..تفبلوا مني كل ود

تم تعديل 27 نوفمبر 2010 بواسطة jonathan

[masraweya]

***************************

الاخت مصراوية...الاديرة مش جمعيات خيرية عشان يكون عليها رقابة..و الرهبان ناس سابوا الدنيا و راحوا عاشوا في الصحرا..و مع ذلك مستكترين عليهم مع انهم مقدموش غير الخير..طيب انا حاتفق معاكي بردو..اتفضلي ابدئي بكل الموسسات الدينية المسلمة و المسيحية..اللي فشلت حكومة بلدك انها تطبقه على نفسها متقنعنيش انها حتنجح فيه مع غيرها..لما تبقي قادرة على ادارة اصولها تبقي ساعتها تشرف على الاديرة..و بعدين كل المشاريع دي قانونية مش في السر..اللي عايز يقول غير كدة يتفضل يجيب الدليل.

أولا سعيدة بالحوار معك

المؤسسات الإسلامية كلها خاضعة لرقابة الدولة و زي ما قلت .. أي حاجة داخل فيها المال العام أو تبرعات لازم يكون للدولة رقابة عليها

و بعدين أنا بشجع انهم يعملوا مشروعات منتجة .. المهم نعرف العائد بيروح فين .. بالذات انها بتاخد تسهيلات و إعفاءات من الدولة

ما قلتش الدولة تديرها خالص

إيه حكاية حكومة بلدك؟ .. انت مش مصري زينا؟

ليه فيه رفض تام على خضوع الكنائس و ما يتبعها لأي رقابة من الدولة؟ ... هو ده اللي بيدي إحساس و يغذي نظريات ان أمرا ما يدبر

تحياتي

[جسار]

الأديرة فى العالم كله هدفها واحد وثابت لايتغير الا وهو الزهد والتعبد للرهبان سواء اكانوا

كاثوليك أو أرثوذكس ، ومنشأها التاريخى فى مصر معروف وهو فى فترة الأضطهاد الدينى فى عصر

الحكم الرومانى لمصر وهروب الرهبان الارثوذكس الى الصحراء بعيدا عن بطش الرومان ومن هنا

نشأت الاديرةالمصرية وزاد عليها بعد ذلك عدد كبير من الاديرة فى الازمنة اللا حقة ومن الطبيعى

أن تتجاور مع البدو حيث ان الصحراء المصرية وغيرها هى موطن هؤلاء البدو وكانت العلاقة بين

الطرفين -وحتى الآن - علاقة تكاملية وتبادلية حيث يقوم البدو بحماية الدير من اللصوص وكذلك

العمل كأدلة لزوار الدير ومقابل ذلك هناك انتفاع للبدو سواء اكانت فى شكل نقود تاخذ من الزوار

او فى شكل عينى من هدايا الرهبان لهم من خضراوات وفواكه يزرعونها وتقديم العلاج لافراد تلك

القبائل وخلافه ، وسار الوضع هكذا مئات السنين فى العلاقة النفعية بين الطرفين ولم يتطرق

أحدا من الكنيسة الام الى قضية اراضى الدير ووضع اليد ولا خصومة مع البدو على أحقيتهم فى ملكية

أراضى الاديرة .... ولكن مع قدوم فترة حكم حسنى مبارك وخضوعه المتتالى والتنازل خطوة بعد خطوة

للغرب والولايات المتحدة وهم يرفعون شعارات ضد الاضطهاد الدين للاقليات وعلى الاخص المسيحيين

تحولت تلك الاديرة الى منتجعات سياحية وبهدف استثمارى محض ، فتبدلت الصورة القديمة للمقالى

والصوامع المبنية بالطين والخشب القديم الى اخرى عصرية مبنية من الخرسانة والزجاج وحتى الكنائس

القديمة تم تجديدها على احدث طراز مزودة بالكهرباء والمياة العذبة وضاع الهدف الاصلى والقديم

وتاه دور الدير من العبادة المحضة الى مشاريع استثمارية لاعلاقة لها البته بحياة الرهبان التى

تعتمد بالاساس على الزهد والتقشف فى مباهج الدنيا وان كان هناك عمل داخل كل اديرة العالم موكل

للرهبان فهو العمل على توفير احتياجاتهم الاساسية والضرورية من طعام وشرب وملبس بسيط ( بالنول

القديم مثلا ) ولكن مصانع للجيلاتى ومزارع للابقار والالبان ومنافذ لبيع الجبن والزيتون وخلافه

فهذا فكرا دنيويا راسماليا ، وهنا مربط الفرس ، الا وهو اعتماد الكنيسة المصرية على بعض رجال

الاعمال الاثرياء من شعب الكنيسة والدخول معهم فى شراكة استثمارية لتنمية اموال الكنيسة للصرف

من عوائد تلك المشاريع المشتركة على متطلبات الكنيسة من مرتبات لرجال الدين و ايضا لمساعدة

فقراء المسيحيين وهو بحد ذاته هدف نبيل ، ولكن ان تطال يد الاستثمار تلك الاديرة الواقعة فى قلب

الصحراء وتحويلها الى مشاريع استثمارية فى مجال السياحة الدينية لخدمة زوار الاديرة والذين

تقدر اعدادهم بمئات الالوف سنويا مستغلين فى ذلك حالة الفوضى والفساد الحكومى المتفشى وخنوع

القيادة السياسية للغرب وعدم تقديرهم السليم لتطورات ذلك الوضع الشاذ والذى لايتفق اصلا مع رسالة

وهدف تلك الاديرة ولهذا نجد ان الفكر الاستثمارى قد طغى على تصرفات وسلوكيات رجال الكنيسة باعدين

اشد البعد عن دورهم الاصلى وبداية للتحرش مع جيرانهم من البدو والفلاحين فى الصعيد طمعا فى كسب مزيد

من الاراضى شبه المجانية وبالطبع مزيدا من الدماء المهدرة من الجانبين .

وأنا لست مع الافكار التى تشطح بعيدا وتصور الامر وكانه ملجا للمسيحيين فى حالات الحرب الدينية وذلك

لاقامة الملايين داخل اسواره لان هذا محض خيال ، لن يترك مصرى مسيحى موطنه سواء فى القاهرة أو فى الاسكندرية

ليعيش فى الصحراء مضحيا بكل ما يملك وبكل ذكرياته وطموحه هو وابناؤه فى الحياة حياة حرة كريمة

لا فى الصحراء ولا فى دولة الصعيد كما يروج الامريكان وعلينا جميعا كمصريين - مسلمين ومسيحيين - أن نقاوم

تلك الدسائس والافكار الخبيثة التى لو سرت فى مجتمعنا لدمرته ولن يصبح بعدها وجودا لطرف يتباهى على

الآخر و سنتجرع جميعا من كاس المرارة والحسرة والندم بعدما لاينفع الندم .

[jonathan]

الاخت مصرواية..انا كمان يسعدني حديثك..مين اللي قال ان فيه رفض ان على خضوع الكنائس لرقابة الدولة..دي الكنائس هى الابنية الدينية الوحيدة اللي لازم يتطلعلها تصريح من رئاسة الجمهورية..البابا بيتعين بقرار جمهوري..اي مشروع من المشاريع دي لازم ياخد تصاريح من الجهات الادارية و الرقابية..هو لو في نشاط مشبوه كان حد عرف يصور كل الصور دي..و عل العموم اتفضلي الصور بالظبط من على رابط الدير نفسه

دير مارمينا يعني مش سبق صحفي عمله اللي جاب الصور دي..و ممكن تلاقيها على اي منتدي مسيحي..نيجي لنقطة طب العوائد بتروح فين..دة سوال ممكن نطرحه فعلا..لكن جزء كبير من دخل المشروعات دي بيوجه للانشطة الخيرية و و علي سبيل المثال مركز الاطفال المبتسرين اللي اتفتح في المنيا و بيقدم خدمات لكل افراد المحافظة مسيحين و مسلمين..على فكرة محافظ المنيا حضر افتتاحه عشان سفير اليابان شارك في الافتتاح لان جزء من تمويل المشروع كان منحة من حكومة اليابان..حد يعرف الكلام دة..للاسف لاء لان الاعلام المصري مبيظهرش الحاجات دي..و لا طبعا اعلام اليوتيوب..الانشاءات بتاعت الاديرة نفسها..هل الحكومة بتخصص ليها ميزانية مثلا..طيب مش لازم يكون ليها دخل..طيب ما دة دخل ذاتي..و ليه ميبفاش مثال نتخذه كلنا..مش فلسفة و لا حاجة..الصين بتعمل كدة..اي اسرة لازم تنتج شئ..اي بيت ما هو الا مصنع صغير..زي ما كنا بنسمع كدة..نزرع اللي ناكله و ناكل اللي نزرع..لكن احنا للاسف دولة استهلاكية نعتمد على غيرنا و لا ننتج شئ..لا لانفسنا و لا حتى للمجتمع محلى او دولي..و دة شئ طبيعي لدولة ميزانية البحث العلمي فيها 30 مليون جنيه..على فكرة..جراج رمسيس الله يرحمه اتبنى ب 32 مليون على ما اذكر و اتهد ب 8 مليون..عشان كدة بقول حكومة بلدك للاسف ..لان حكومتنا خلتنا نتكسف من جنسيتنا قدام دول العالم..النامية..او المتنمرة بمعنى اصح قبل المتقدمة منها..اسف للاطالة..دمتي بكل ود

تم تعديل 27 نوفمبر 2010 بواسطة jonathan

[jonathan]

الاخ العزيز جسار..انا بصراحة مش فاهم وجه الربط في مداخلاتك بس انا احترم رايك و نتناقش فيه..ايع علاقة رئيس الجمهورية بتحويل الدير لمكان سياحي برفع شعارات الاضطهاد؟ اولا الاديرة تتبع وزارة السياحة و الاثار لانها اثرية و بالتالي فهي مفتوحة كمزارات سياحية و لو حضرتك روحت حتلافي يافطة على باب الدير مكتوب عليها مواعيد الزيارة..سواء مسيحي او غير مسيحي .مصري او غير مصري بيلتزم بيها..طبعا ادراج الادير كمنشات اثرية دة مش طلب الرهبان عشان تتحول لمشروع سياحي..دة قانون حضرتك.زيعني هما ملتزمين بالقوانين..اومال ليه فى حاجة اسمها سياحة دينية..و ببساطة حضرتك لو روحت مش حتشوف اكتر من 3 او اربع رهبان اللي بيستقبلوا الزوار..مكتبة..مضيفة..شرح ديني..و هكذا..لكن باقي الرهبان بيكونوا في القلالي لحين انتهاء فترة الزيارات. على فكرة..مافيش رسم دخول و لا تذاكر حضرتك عشان يستفادوا منها.

نيجي بقي للصوامع و القلالي..حضرتك تعرف زمان كان ما مدى الضرر الذي يتعرض له الدير بعد السيول..مش حطول و اخش في تفاصيل..لكن ما المانع من استخدام وسائل العمارة الحديثة في البناء..ليه بس الكنائس و الاديرة لازم تفضل زي زمان..طيب سوال بردو..ما زمان ماكنش فيه ميكروفون للجامع..متيجي حضرتك نزور مسجد الشرطة و نشوف مبنى ازاي..يا ريت بلاش نربط سمو العبادة بالتقدم العلمي و ننظر بمنظار واحد لكل الاطراف.

بعد كدة حضرتك بتكلم عن حياة الراهب التي يجب ان تكون كذا و كذا..حضرتك كنت راهب قبل كدة..دخلت قلاية راهب..شوفت تحتوي على ايه..بلاش..قريت كتاب عن حياة الرهبنة و عرفت مبادئها..اين الموضوعية اذا..على فكرة في اي مداخلة انا عملتها لا اتكلم ابدا على ما لا اعرفه..سواء بغرض الانتفاد او البحث. و عشان اثبت ان النقطة اللي حضرتك طرحتها خاطئة..ابسط حاجة زي الراهب زي ما هو منذ تاسيس الرهبنة..مبيلبس حرير مثلا..مبيحلقش دقنه..حتي عبادته كما هي..صلاة طوا فترة الليل يعقبها قداس صباحا ثم عمل ثم فترة تامل مساء ثم راحة و هكذا..ادعوك لقراءة كتاب حياة الرهبنة للبابا شنودة الثالث..او اي كتاب ارثوذكسي يعجبك.

حضرتك زكرت مصانع منتجات زراعية و اغذية طيب يعني صناعات بسيطة..معملوش مصنع عربيات مثلا..او بنك للمعاملات المسيحية..تعرف حضرتك ان في اهالي قاطنين جنب الاديرة و بيشتروا منهم الحاصلات و الالبان و يصنوعها و يبوعها جوة الدير للزائرين..و الدير مبياخدش منهم نسبة..برطمان زتون مخلل بقي استثمار.

لا يشين الكنيسة يا سيد جسار ان تعتمد على ابنائها ..لكن يا ريت توضحلنا ايه هي المشاريع ذات الشراكة الراسمالية التي دخلت فيها الكنيسة مع رجال الاعمال..منين حضرتك حكمت على سلوكيات رجال الكنيسة..هل احنا نقدر ندخل ضماير الناس؟؟ام اننا اصبحنا نهتم بظواهر الامور.

اخير اتفق معاك في ان المسيحيين لا يحتاجون لحصون و لا حياخافوا حتي من اخوتهم..الكتاب ببساطة بيقول الهنا ملجانا و قوتنا عوننا باسم الرب الهنا و اسمح لي باقتباس اخر سطرين من مداخلتك انهي بيهم .

علينا جميعا كمصريين - مسلمين ومسيحيين - أن نقاوم

تلك الدسائس والافكار الخبيثة التى لو سرت فى مجتمعنا لدمرته ولن يصبح بعدها وجودا لطرف يتباهى على

الآخر و سنتجرع جميعا من كاس المرارة والحسرة والندم بعدما لاينفع الندم ....تقبل مني كل ود

[pink rose]

الاخت الفاضلة ريمو..فين حضرتك وقائع و مستندات تقسيم الدولة اللي حضرتك حصلتي عليها و لم يستطيع جهاز امن الدولة او المخابرات العامة الحصول عليها..

اسلوب التهكم في كلام حضرتك انا رافضاه شكلا و موضوعا

رد فعلي كان على سيناريو ادرجه هنا الفاضل التونسي

حضرتك بقى سيبت السيناريو و مسكت في تعليقي عليه

و مش فاهمة ايه اللي مزعل حضرتك من زعلي ان لا قدر الله حصل تقسيم لمصر

هل اي مواطن يقول انا عايز حقي او يثور و يعترض يبقي البلد حتتقسم؟؟

خد حق حضرتك بالقانون مش بالشغب و قفل الطرق و تكسير ممتلكات الدولة او ممتلكات الغير

هل في حرب اكتوبر 73 استغل المصريون الفرصة الذهبية و تحالفوا مع الصهيونين؟؟

هل عملوها ايام محاكم التفتيش اللي حضرتك بتقولي عليها و تحالفوا مع المستعمر الاجنبي؟؟

معلش مش فاهمة الحتة دي خالص

و لا هو الفكر دة وليد اللحظة و البابا ناوي يعمله و هو في ارذل العمر؟؟

و الله شوف حضرتك كلام البابا عن وضع يد الدير على اراضي الدولة و بالتدريج و قولنا الكلام دا معناه ايه

حصلت مشكلة و اتفقوا على شراء 350 فدان و ال 150 الدولة قالت تتزرع غابة

قوم ايه لما الوضع يهدى نشتري ال 150

و يبقى كده الدير اخد ال 500 فدان بلوي الدراع

و قيس بقى على كده

دا اسمه ايه حضرتك معلش ما علقتش

بتكلميني حضرتك عن غزاة او احداث خارج مصر و تقوليلي التاريخ..قصدك تاريخ مصر ولا تاريخ المسيحية...كلميني حضرتك عن احداث في مصر..قام بيها مصريين؟؟الحملة الصليبية هل كانت لغرض ديني و هو نشر المسيحية؟؟ الغرض كان استعماري و كلنا عارفين كدة..التطهير الديني في البوسنة و الهرسك هل لم يدينه المسحيين..هل لم يتم وصفه على انه جريمة ضد الانسانية..هل لم يتم القبض على المتسببين فيه و محاكمتهم امام المحاكم الدولية؟؟ حضرتك عايزة تقولي ان المسيحية بتشجع على كدة..يا ريت تقولي قريتها فين؟ ارجو عدم غلط الدين بالسياسة ..انا و انتي مصريين..خلينا نتكلم عن مصر

اما عن نقطة دة اللي جالنا من المسلمين و الاسلام ..فدة تاويل لكلامي و انا اسف بس انا ارفض الاسلوب دة..

و الله دا اللي فهمته من كلام حضرتك و اسلوبك

انتي دموعك انهمرت لانك تصورتي ان المسيحيين لو زادوا او حكموا مصر في يوم حيحصل و حيصل..

زادوا ايه و قلوا ايه يا استاذي

انا فعلا عيطت لمجرد تخيل ان البلد تتقسم

مش عارفه دموعي مزعلاك في ايه معلش يا سيدي انا دمعتي قريبة اعمل ايه في نفسي

انا بقولك قوليلي كان فين حصل قبل كدة في تاريخ مصر..و على العموم انتي حطيتي ايدك على النقطة الصح..الجهل..يا ريت بقي نحط ايدينا في ايدين بعض و نحارب الجهل و نسيب نبرة مسيحي جاهل و مسلم جاهل ..عايزين مصريين متعلمين يفيدوا البلد ..دة لو احنا عازين البلد دي تقوم من تاني.

يسمع منك ربنا

ان البلد دي تقوم من تاني

تقبلي مني كل ود

تحياتي

[مغتربة]

اختي الفاضلة مغتربة..طبعا انا مكنتش محامي للرهبان و لا في بؤرة الاحداث عشان ابرر موضوع الارض دة..لكن ببساطة على حد معلوماتي و ممكن نبحث انا و انتي و اي حد عايز يوصل للحقائق..في الرهبنة ما يسمي بحياة الوحدة اي ان يتجه الراهب الي البرية الجوانية او عمق الصحراء و يتوحد فيها بعيد عن الدير..طبعا دي بتكون على مسافة بعيدة جدا عن الدير تصل الي اكتر من 10 كيلومتر..مبيروحش بالمواصلات طبعا..دي بتبقي مغاير قي الجبل او شقوق..بخلاف كدة..الرهبان في تزايد نتيجة زيادة عدد الراغبين في الرهبنة..فشئ طبيعي ان مساحة الدير لازم تزيد..اومال حيستوعب العدد دة ازاي..و بعدين الارض اللي اتضمت هل هي ارض زراعية و لا سياحية مثلا..روحي شوفي بنفسك..دى جبال في قلب الصحراء..ما فيهاش حتى بدو و لو ان البدو بيجوا بعد كدة و بيستقروا جنب الدير..لان زي ما شفتوا في الصور الرهبان منتجيين..و دي حاجة قديمة قدم الرهبنة ذاتها..في البداية كانوا بيصنعوا السلال من سعف النخل.و يبعوها عشان احتياجتهم من اكل و شرب..هما معنى انهم زهدوا الدنيا يبقي ملهمش احتياجات جسدية..و بعدين القصة مش قصة بلدوزر حيهدم سور..القصة قصة تعنت بالغ و واضح ..هدم سور بدون سابق انذار و بعدين السور دة لما يتهد يعيشوا في العراء..انتوا فاكرين ان الصحراء دي مافيهاش وحوش مثلا و لا عقارب..اوكد ليكي ان الدولة لو شايفة اي رجا من الارض دي ما كنتش سابتها من الاول..الارض الخضراء اللي في دير مارمينا دي ..تفتكروا كانت كدة..تفتكروا وفرت كام فرصة عمل لكام شاب..مسيحي و مسلم ..و محدش يقولي دة دور الدولة..يا ريت تقولي الكلام دة فين من 30 سنة..يا ريت منمنعش الخير عن حد و خصوصا لو مش في ايدينا نقدمه..و انا مع اي مشروع يوفر اي فرصة عمل شريفة لاي انسان محتاج مورد رزق و مفتكرش فى حد ضد الكلام دة..يا ريت تكون نظرتنا شمولية..انا لازم اقوم اذاكر ..تفبلوا مني كل ود

كل دا جميل جدا و مش هناقشك فيه رغم انه فيه حاجات تستلزم دا

لكن بفرض ان كل الى حضرتك بتقوله صحيح

يبقى الاسلوب الوحيد لزياده الارض للدير هى الطرق القانونيه استاذى الفاضل

لما انسان عادى يلجا لوضع اليد للحصول على ارض بيبقى مجرد مخطا لكن لما رجال الدين يكون دا اسلوبهم

فاسمحلى

دا ملوش تبرير اساسا

رجال دين لا يلتزمزن بالدين

رجال دين يتحايلوا

ما اسم هذا سيدى الفاضل

و اعتقد انه بديهى حضرتك فاهم ان البلدوزورات مكنتش عايزه تهدم السور علشان تخليهم يناموا فى العراء

لكن علشان هو مبنى فى ارض مش ارضهم متاخده عافيه

لكن طبعا لو بنو الف سور مش سور واحد على ارضهم القانونيه محدش هيقولهم حاجه

حتته بقى الارض الدوله مستغلاها و لا لا دى مش مشكلتنا الى عايز ارض بياخدها بالطرق القانونيه بغض النظر بقى صاحبها محتاجها و لا لا

[masraweya]

تنظر محكمة القضاء الإداري اليوم الدعوي المرفوعة من المحامي نبيه الوحش، والتي يطالب فيها بإخضاع أموال الأديرة والكنائس للجهاز المركزى للمحاسبات، والكنائس والأديرة لعمليات التفتيش من قبل وزارة الداخلية في أي وقت، أسوة بالمساجد والزوايا التي تخضع لرقابة الأمن.

ويدعو الوحش إلى إصدار حكم قضائي يلزم رئيس مجلس الوزراء ووزير الداخلية بتقديم مشروع قانون بهذا الشأن، استنادًا إلى المادة 40 من الدستور المصرى التي تنص على أن المواطنين لدى القانون سواء.

ويقول الوحش إن المادة المذكورة تنص على أن المواطنين متساوون فى الحقوق والواجبات العامة لا تمييز بينهم فى ذلك بسبب الجنس أو الأصل أو اللغة أو الدين أو العقيدة، وبالتالي يجب أن تخضع أموال الأديرة والكنائس للجهاز المركزى للمـحاسبات، أسوة بوزارة الأوقاف والمساجد، مع ضرورة إخضاع الكنائس للتفتيش مثل دور العبادة الإسلامية.

يذكر أن القائمين على الكنيسة يرفضون الخضوع لأية رقابة مالية أو أمنية، بدعوى أن شئون الكنيسة تخصهم وحدهم وليس من حق أحد التدخل فيها وهو ما يرفضه العلمانيون الذين يطالبون بدور لهم في إدارة الشئون المالية للكنيسة وتفرغ رجال الدين للحياة الروحية.

جدير بالذكر أن القس الراحل إبراهيم عبد السيد كشف أستار وأسرار الشأن المالي للكنيسة في كتابه \"أموال الكنيسة القبطية\"، وكان هذا سببا في إيقافه لمدة غير محددة من قبل محاكمة كنسية ورفض البابا شنودة والكنائس الأرثوذكسية الصلاة عليه صلاة الجنازة حينما وافته المنية.

وتتضمن ممتلكات الكنيسة ،إلى جانب الأديرة والكنائس، العقارات التي تؤجرها الكنائس، والأراضي الزراعية التي تمتلكها، بجوار الأديرة، ومئات المستشفيات والمدارس، بخلاف المشروعات الاقتصادية الضخمة التي تشارك فيها قيادات الكنيسة.

من جانبه، أكد عضو المجلس الأعلى للأقباط، القمص صليب متى، أن الأديرة هى أماكن للعبادة فقط وليست مخصصه لأى أغراض أخرى، فهى أماكن تضم من تركوا العالم وفضلوا العبادة لله من الرهبان والراهبات، مؤكدا أن الأديرة والكنائس لا تتلقى معونات من الدولة، فجميع مصادرها تمويل شعبى ، فليس من حق أى جهة رقابية أن تتدخل فى شئون الكنيسة إلا البابا والمجمع المقدس.

وأضاف متى، مستنكرا ادعاءات أصحاب البلاغ للنائب العام قائلا: "هل يمكن إخضاع الأزهر لتلك الرقابة، فكما للأزهر قدسيته وخصوصيته الأديرة والكنائس أيضا لها نفس القدسية والخصوصية"، مؤكدا أن مثل تلك الأفعال لم تحدث من أيام الفتح الإسلامى فى مصر، فالكنيسة كانت وما زالت تتمتع بقدسية دينية، واصفا تلك التصريحات "بالكلام غير الموزون".

المساجد المبنية لأموال التبرعات تخضع لرقابة الدولة

أي نشاط خيري يخضع لرقابة الدولة و لا بد من تسجيله

يا ريت توضحلي أكثر .. ما وجه الاعتراض على خضوع الأديرة و الكنائس لرقابة مالية من الدولة ؟

خصوصا و ان هذا سيزيل الكثير من الغموض