الكلاب أذكى من القطط

[اغابي]

انا مش عاوزة ريمـــــو تزعل منى وتقول انى فى صف زوهيري

وبما ان صفحات المحاورات حاليا بتواصل التنافس اللى بين القطط والكلاب للتوصل اخيرا الى نتائج خطيرة منها على سبيل المثال

ان القطط نعومة كتير لكنها مش وفيه زى الكلاب

والكلاب اوفياء جدا وبيحافظوا على اصحابهم ومايخسروهمش ابدا ومتعاونين لكنهم مش برقة وجمال القطط

واول حاجة لاقيتها فى الصحف نهاردة هو

الخبر داه

الكلاب أذكى من القطط

الكلاب أذكى من القطط لأن طابع شخصيتها الودية ساعد على تطور أدمغتها وبذلك يسدل الستار بين محبي كل من هاتين الفصيلتين من الحيوانات المنزلية.

فحسب دراسة علمية حديثة تطور أفضل صديق للإنسان بمعدل أكبر بكثير من القطة الأقل اجتماعية منه، عبر ملايين السنوات حسبما ذكر فريق من العلماء من جامعة أكسفورد الانكليزية.

وكان يسود اعتقاد أن القط أذكى من الكلب لأنه يحتاج إلى اهتمام أقل، لكن الباحثين اكتشفوا أن أدمغة القطط أصغر من أدمغة الكلاب لأنها أقل اجتماعية.

لكن العلماء تمكنوا من تعقب التاريخ التطوري لأدمغة فصائل مختلفة من الثدييات خلال الستين مليون سنة الأخيرة وتمكنوا من تشخيص الفروق الهائلة في الكيفية التي تغيرت وفقها الأدمغة.

وحللت الدراسة كل البيانات المتوافرة عن علاقة الدماغ بحجم الجسم لأكثر من 500 فصيلة ثديية سواء كانت حية أو متحجرة. ويأتي نمو دماغ القرد بالمرتبة الأولى تتبعه الخيول والدلافين والجمال ثم الكلاب.

ووجد الباحثون أن الثدييات التي تمتلك أدمغة أكبر نسبيا تميل إلى العيش بشكل مستقر ضمن مجموعات.

أما الأدمغة الخاصة بالثدييات الأكثر انعزالية مثل القط والكركدن فهي قد نمت بشكل أبطأ خلال الفترة نفسها التي نمت فيها الحيوانات الأخرى.

ولطالما اعتبرت الكلاب حيوانات اجتماعية في حين تفضل القطط البقاء مشغولة وحدها. لكن يبدو أن التفاعل أمر جيد للدماغ، وهذا يشمل الفصائل الأخرى بما فيها نحن. فنحن أكثر اجتماعية حتى من القردة، وهذه القدرة على التواصل مع الآخر كانت وراء تمكننا من الهيمنة على كوكب الأرض.

¶ الديلي تلغراف ¶

[MZohairy]

طبعا

و هي دي محتاجه كلام؟ :closedeyes: smk:

[Dreamwithme]

صباح الخير يا أغابي .......

صباحك كل نعومة وجمال .....صباح مقطقط

أسجل اعتراضي علي جملتك :protest:

ان القطط نعومة كتير

في كلاب بيبقي شكلها أجمل بكتير من بعض القطط :) ....

عموما أنا مش حيادية .....أنا من مشجعي الكلاب bv:- ....أبوس أيديك متبصيش علي صورتي دلوقتي :P

نيجي بقي للمقال لفت انتباهي جدا

لكن الباحثين اكتشفوا أن أدمغة القطط أصغر من أدمغة الكلاب لأنها أقل اجتماعية.

سبحان الله حتي الاجتماعية مؤثرة علي تطور مخ الحيوانات يعني مش بس البني آدميين

يعني طاقة الحب مؤثرة في مخ جميع المخلوقات .....

[MZohairy]

احقاقا للحق

خلينا نقول ان الكلاب فعلا اذكى

لكن القطط بلا شك أمكر و اكثر شرا

[اغابي]

يعني طاقة الحب مؤثرة في مخ جميع المخلوقات .....

جميع الكائنات - خلقت للعيش فى بيئات اجتماعية متناسبة

وبالتالى الانسان الذى يعيش فى معزل عن بيئتة او مع اشخاص

يتحاور فيها ويشارك من حوله - بالطبع يصاب بالكثير من المشكلات النفسية

وهكذ الحيوانات - عندما تعيش فى بيئة غير بيئتها الطبيعية - تصاب بنفس حالة الاكتئاب والمشاكل الاكثر عدوانية

سبحان اللة

فعلا يا درووو - طاقة الحب مؤثرة فى جميع المخلوفات

لك خالص مودتى

اغابي

[pink rose]

انا بقى متحيزة للقطط و بشدة

ذكرياتي مع البوبيهات مش لطيفة خالص

دا كفاية صوتهم يا اخوانا

اول ما اشترينا bella روحنا نعملها ورقها في الحجر الصحي و لقينا ولد مسلوع في نفسه كده معاه بوبي لا بوبي دي ما تنفعش لقينا معاه كلب لا كمان كلب دي حاجه لطيفة لقينا معاه جاموسة متنكرة في زي كلب

المهم الجاموسة دا كان جاي يتطعم و الله 4 رجالة كانوا واقفين ماسكينه عشان قبل التطعيم لازم يقيسوله الحرارة

بصراحة الحرارة بتقاس من منطقة مش لطيفة خالص

و الجاموسة بقى يالهوي على اللي عمله كان هاياكولهم

و طاح في الكل بقى و عليه صوت يعدمه بجد

يعني كائن حي لا شكل و لا منظر و لا صوت

و شوية بقى و المصيبة حصلت واحد تاني دخل بكلب بوليسي الجاموسة ما عجبوش شكل الكلب باين

و حصل الانقضاض من الطرفين على بعض و هاتك يا هوهاوة بصوت مرعب كاننا في حرب

و شوية و كل الكلاب اللي موجودة في الحجر البيطري و اللي في الشارع تدخلوا بموجة نباح و العياذ بالله ما تعرفوش بقى كانوا بيجاملوا و لا بيحاولوا يفضوا المشكلة بين الجاموسة و الكلب البوليسي

كل دا و انا و بيلا واقفين مرعوبين في ركن كده مزنوقين في الحيطة و هي كانت لسا بيبي كاميل عندها 45 يوم و مش عارفه تستخبي فين يا عيني من الصوت

و انا كمان ما كنتش عارفه استخبي فين

لان لو الكلبين فلتوا من الناس اللي واقفة تحجز بينهم هايكلونا صاحيين

و الله العظيم كان يوم مرعب نص ساعة يا افاضل و مهرجان النباح شغال متواصل و كل شوية التون بيعلى

و تقولولي الكلاب احسن من القطط

لا معلش فرصة تانية خالص

بالنسبة بقى لموضوع الاجتماعية

القطط المنزلية بتمرض لو حست بالوحدة

و بتفقد شهيتها و شعرها بيتساقط لو ما لقيتش اهتمام

غير كده بقى القطط ممكن تعيش في البيت عادي ما فيش مشاكل

لكن الكلاب عندنا كا مسلمين في مشاكل لازم يكون في حديقة عشان الكلب يعيش فيها لانه ينفعش يدخل البيت لانه نجس

حاجه على جنب بقى

لما بنشوف بيبي صغنن و كاميل كده بنقول عليه ايه

مقطقط صح نسبة للقطط

لكن عمرنا ما سمعنا حد قال مكلبب

:closedeyes:

تم تعديل 25 نوفمبر 2010 بواسطة remo