الجنسية

[عبير يونس]

ويا سيدتي احنا بنتكلم كلام عام لم نخص شيئ فمش مستاهلة الانفعال ده

وياريت بجد نتعلم ازاي نتحاور وبهدوء ونتقبل كل وجهات النظر

ميرسي على النصيحة الغالية

و ان شاء الله حأبقى أتعلم التحاور و بعدين آجي أحاور حضرتك

[Alshiekh]

كنت عاوزة اعرف ازاي مصري يعرف يأخد جنسية عربية؟

سعودية مثلا او قطرية او امارتية او او الخ؟

ممكن سودانية أو صومالية ؟

ممكن يمنية؟ أو أفغانية؟

وفى السودان بلد جميل وبيجلد اى حرمة بتلبس بنطال

[عبير يونس]

على فكرة يا جماعة أنا هنا في الموضوع بصفتي عضوة

و هو ده اتجاهي من يوم ما اشتركت في الموقع

و مداخلاتي متاحة للجميع

أما اللي عايز يخلط بيني كعضوة و بيني كمشرفة

فده شيء تاني

اللي عايز يشتم مصر يشتم

و اللي عايز يشوفها وحشة هو حر

بس الأحلى اننا مع تمتعنا بالحرية

إننا نراعي مشاعر الآخرين

بالكلمة الحلوة الطيبة

اللي هي صدقة

مش حتكلف حد حاجة

مش من حقنا نهاجم

و لما نلاقي الرد

نقعد نحلل اللي قدامنا و نفصصه

و نبحث في تبريرات لهجومنا عليه

و إذا رد

يبقى نهاره مش فايت

و يبدأ مسلسل العقوبات

الحرية الموجودة في الموضوع ده و في كتير من الموضوعات غيره

هي حرية الهجوم بكل أسف

تحياتي

[Alshiekh]

شكرا لكم جميعا على الردود

لو لم اكن مصريا لارتحت نفسيا

أبلغ رد لانى زهقت من الكتابة

http://www.mosry.com/Music/Awaad-s.mp3

[التونسى]

واقعيا ..بالنسبه لينا كمصريين.. فإن السعى وراء جنسيه اخرى غير المصريه.. بيكون فى اغلب الاحيان لاسباب برجماتيه بحته ..والباسبور الاجنبى فى نظرى مجرد ((وثيقه )) بتسهل ليا امورى فى البلد اللى هاجرت ليها سواء بشكل مؤقت او بشكل دائم.. ولو حال بلادنا كويس مكنش حد سعى حتى لمجرد هجر البلد.. وأكاد اجزم ان ده مش بس تفكيرى .. لكن تفكير الاغلبيه العظمى ممن حصلوا او يتمنوا الحصول على جنسيه اخرى .. ومنهم الاخت الكريمه صاحبة الموضوع .. ولو انى بعتب عليها من الجمله اللى قالتها.. لانها كانت تفتقد ((عذرا)) اللياقه.. حتى لو كتبتها فى لحظة ضيق ..

[HDarwish]

إيه الكلام ده ؟؟؟ خير يعني ؟؟؟

وصلنا للدرجة دي !!

كلام كتير عايز اقوله بس للأسف لا يليق بهذا المكان الذي أحترمه جداً

لكن أقل ما أستطيع فعله أنني من هذه اللحظة لن ألتفت إلى مشاركات كل من الأخ هيرو والأخت مودة ورحمة

وقد التقيت بالكثير ممن يتكلمون عن مصر بصورة سيئة وخاصة وسط جنسيات مختلفة تتمتع هذه الجنسيات بسماع هذه العبارات عن مصر حتى باتت مصر لديهم بلد "مقرفة" برغم عدم زيارتهم لها ولو لمرة واحدة، فقد وصلتهم الصورة على ألسنة جاهلة وغير واعية ،، حتى أنك قد تتحدث مع بعضهم ويوحي لك بأن مصر كلهاعبارة عن كباريهات ودعارة أو أنك لن تقابل فيها إلا حرامي أو نصاب ،، يا جماعة والله حرام عليكم كده ظلم وإفتراء لا داعي له ،، فبالرغم من وجود كباريهات وملاهي ليلية يوجد أيضاً المساجد والمشايخ والدروس الدينية وبرغم انتشار السرقة والنصب والاحتيال إلا أنك تجد أيضاً العديد من أولاد البلد بطيبتهم ومجدعتهم وحبهم لعمل الخير بدون مقابل ،،

نحن لسنا البلد الوحيدة التي بها فساد ونهب وما إلى ذلك مما يتردد على ألسنة الكثيرين فهناك السوريين أكثر بلاءاً مننا واللبنانيين أيضاً والأردنيين والفلسطينيين وغيرهم وغيرهم والكثير والكثير ، لكنك لا توجد سوريا أو لبنانيا أو أردنيا أو فلسطينيا يتكلم عن بلدهم بصورة سيئة حتى وصلت لنا صورة عن بلدانهم بأنها بلاد لا مثيل لها بالرغم من انتشار المساوئ والفساد فيها أكثر من مصر بمراحل عديدة ،، فكل مصري خارج بلده يمثل مصر ،،

أتمنى وأرجو أن يكون كل مصر خارج بلده نموذج مٌشِرِف لمصر والمصريين

تحياتي

[herohero]

استاذ حسن هو هل لما الواحد يقول ان كل واحد حر ف انتمائه ده غلط وهل حضرتك لازم تفرض ع الناس كلها منطق وفكر واحد

ياسيدي اللي عاوز ياخد جنسية تانيه مش معنى كده انه بيكره البلد والعكس مش معنى ان اللي عايشف مصر بيحبها لان كل اللي قولته ولاد مصر مهبوها وخربوها اكتر من الاجانب ومصر ودول كثير جدا كده لكن انا يهمني بلدي وانا لا اتحدث عن بلدي بسوء امام الغير انا اتحدث بينا وبين بعض

وكلامي بسيط لكل واحد الحق ف انه يعبر عن رايه

حضرتك وانا كلنا بنحب البلد وماهو سلبي ليا قد يكون ايجابي لك

وحضرتك روحت الكويت وشوفت واكيد هناك سلبيات ف مصر وف الكويت ولك حريه الاختيار اذا كانت سلبيات الكويت اكتر من مصر او العكس وتقرر تعيش فين

اما الهجرة فهي حق مشروع وطلب الحصول ع جنسية اخرى لا يقلل من الولاء الا اذا كنا نتكلم ع ولاء الشعارات الرنانة ونيجي ساعه الجد مفيش

ما اعضاء مجلس الشعب بيقولوا شعارات زي الفل ولكن الكثير منهم بيضر البلد

يعني اتمنى ان كلامي قبل كده ما يكونش ضايقك قوووي واذاك معونيا لدرجه ان تنآى بنفسك من الرد عليه

انا بحب الواقعيه ليس اكثر لا احب التغني بالشعارات مكان حلو عيش فيه ومرتاح فيه ماتشتكيش مكان وحش ومضايقني شوف غيره أرض الله واسعه

take it or leave it

ومازلت مصر الولاء ليس بالاقامة ف مكان

مجدي يعقوب بيخدم مصر احسن من دكاترة كتير بتتغني بحب الوطن وبتسرق أعضاء المرضى وبتغلي الكشف

وغيره كثير وكل بلد فيها بلاوي لكن انا يهمني بلدي وحق التعبير مكفول للجميع واتمنى ان لا يكون ده بياذي اسماع واذان حد

[doha]

ياجماعه انتم مكبرين الموضوع ..

كل واحد هنا بيكتب وبيعلق بالاصالة عن نفسه ونفسه فقط ..

الاخت الفاضلة الي قالت لو لم اكن مصريا لارتحت نفسيا بتعبر عن الي جواها وهي حرة فيه تماما زي واحد بيقولك انا نفسي امشي في الشارع عريان هبقى مرتاح اكتر . الراجل بس قال الي في نفسه . لا كذب ولا اهانك كونك حابب تمشي مستور .. مش شايفه اي عيب في الي قالته فهي حرة في تفكيرها الي بالتاكيد مشابه لتفكير ناس كتير جدا بتفكر تترك مصر او تركتها فعلا لانها لقيت راحتها براها .. كلنا هذا الرجل او بعضه فمحدش يلومها ..

حصل خير والاختلاف رحمه ومفيهاش حاجه ابدا لما حد يبقى عاوز يخرج من مصر وحد تاني حالف ميموتش غير على ارضها مش مهم ابدا المهم ان يبقى في مصر نتخانق عنها وفيها ومنتخانقش عليها ..

ربنا يسلمنا و يسلمها من كل شر يارب ..

[herohero]

حصل خير والاختلاف رحمه ومفيهاش حاجه ابدا لما حد يبقى عاوز يخرج من مصر وحد تاني حالف ميموتش غير على ارضها مش مهم ابدا المهم ان يبقى في مصر نتخانق عنها وفيها ومنتخانقش عليها ..

ربنا يسلمنا و يسلمها من كل شر يارب ..

تصدقي انا خايف بجد نصحي مانلاقيش مصر وتبقى حاجة زي يحكي ان

وعلى راي الزعيم الفاضل ف اعلانه فودافون

http://www.youtube.com/watch?v=GATaA50fg0Q

[doha]

ضحكتيني في ظروف الواحد ملوش فيها نفس يضحك ..

يعني دلوقت الناس انتقدتك على كلامك واعترضتي على انتقادهم ولما حد يدخل يدافع عن وجهة نظرك وانك حرة في اعتقادك تقومي تعترضي برضه على رده ؟

بقول سيبوها في حالها محدش يلومها تقومي تحطي تقييم سالب .. قصدك ايه يعني ميسيبوكيش ؟ خلاص ياجماعه متسيبوهاش الاخت شكلها اصلا داخل يتخانق..

ربنا يهدي ..

[التونسى]

ضحكتيني في ظروف الواحد ملوش فيها نفس يضحك ..

يعني دلوقت الناس انتقدتك على كلامك واعترضتي على انتقادهم ولما حد يدخل يدافع عن وجهة نظرك وانك حرة في اعتقادك تقومي تعترضي برضه على رده ؟

بقول سيبوها في حالها محدش يلومها تقومي تحطي تقييم سالب .. قصدك ايه يعني ميسيبوكيش ؟ خلاص ياجماعه متسيبوهاش الاخت شكلها اصلا داخل يتخانق..

ربنا يهدي ..

حالى من حالك يا استاذه ضحى :) .. الاخت الكريمه ((موده ورحمه)) يبدو أنها لا تتحمل اى وجهة نظر لا تتطابق بشكل كامل مع وجهة نظرها .. لذلك فأى نقاش معها.. هو بمثابة ..الإنزلاق.. فى هاوية ((حوار الطرشان))