ثقب فى قلب طفل 5 شهور

[bentmasria]

السلام عليكم ورحمة الله وبركاته (انا موش عاوزة فلوس)

اختكم بنت مصرية انا عضوة جديدة وعندى مشكلة يارب ما تكونش صعبه وربكم يستر على وعلى ابنى ربى يشفيه

انا طلب منى الطبيب ايكو راديولوجى على قلب ابنى عمره 5 شهور والنتيجة انا حكتبها واللى فهمته انه ثقب بالقلب وشوية مشاكل بس عاوزة بصراحة رأى اى طبيب منكم يوضح لى الصورة وما يخافش انا بإذن الله راضية بقضائه بس محتاجة أفهم لو تكرمتم

النتيجة

large VSD (0.9) with overriding of the aorta

Biventricular shunt

Right ventricular hypertrophy

Subvalvular pulmonary stenosis (infundibular stenosis)

Picture is consistent with tetralogy of Fallot

هى دى النتيجة فى التقرير وارجوكم فهمونى محمد ماله بالضبط وربنا يبارك فيكم ويحفظكم سامحونى بس موش عارفة اسأل مين

ارجوكم انا قربت اتجنن نفسى اى حد يدلى بدلوه ويصبرنى

بنت مصرية

تم تعديل 3 سبتمبر 2004 بواسطة bentmasria

[فــيــروز]

إن شاء الله تطمئنى على محمد فى اقرب فرصه يا رب

خاصة انك راضيه بقضاء الله و قدره و ان شاء الله يتم عليه نعمة الصحه و العافيه يا رب ntw:

[se_ Elsyed]

الأخت الفاضلة بنت مصرية ..

بإذن الله تطمئني على محمد ... واكثر من يفيدك في مثل هذه الحلات هو طبيب متخصص في مجال أمراض القلب .

لكن انا عن نفسي كان لي أثنين من أقربائي عندهم نفس المشكلة وهما صغيرين لكن بالعلاج والمتابعة ... الحمد لله واحد لسه متجوز من 3 شهور وبقى زي الفُل .. والبنت الثانية في الجامعة دلوقت وبرضوا كل شيء بقى تمام وماعندهاش أي مشاكل .

ربنا يشفيهولك يارب ويجعل هذا الإبتلاء في ميزان حسناتك ويكون إختبار لقوة إيمانك .

[disappointed]

الفاضلة "بنت مصرية"

رباعى فالوت هو عيب خلقى فى القلب يمثل حوالى 10% من عيوب القلب الخلقيّة المختلفة فى الأطفال الرضـّع

هذه الحالة يميّزها وجود 4 عيوب خلقية مجتمعة فى قلب الرضيع (ولهذا سُمّيت رباعى فالوت - على إسم مكتشفها-)

هذه العيوب الخلقيّة الأربعة هى :

= ثقب فى الجدار الفاصل بين البطين الأيمن و الأيسر

= ضيق فى منشأ الشريان الرئوى (فى حالة طفلك هو ضيق تحت مستوى صمام الشريان الرئوى مباشرة)

= تغيّرات فى الصفة التشريحيّة للشريان الأورطى

= إختلال فى الدورة المتبادلة بين الدم المأكسج و الدم الغير مأكسج

هذه العيوب الخلقية التى تكوّن حالة رباعى فالوت تؤدّى إلى تقليل كمّية الدم المتدفّق للرئتين , وبهذا فإن الجسم يتلقّى دائما دم فقير فى الأوكسوجين لعدم مروره على الرئتين بما يكفى , ولهذا فإن الطفل يكون لونه مائلاً إلى الزرقة (الجلد , الشفتين , اللسان , و الأظافر و الأطراف عموماً).... ويزداد هذا اللون الأزرق عندما يبذل الطفل مجهودا (كالبكاء , أو الرضاعة )

زمااااان...... كانت جراحات القلب غير متقدّمة , وكانت هذه الحالة تؤدّى إلى الوفاة فى سن المراهقة أو قبل سن العشرين على أكثر تقدير .... ولكن....حمداً للّه.......فإن تقدّم جراحات القلب أصبح قادراً على تصحيح هذه العيوب بحيث ينمو الطفل و يصبح شابا ثم رجلا طبيعيّا..... وعايزك تطمئنى..... فجراحة رباعى فالوت أصبحت من العمليّات الروتينيّة ذات نسبة النجاح العالية جدا منذ أكثر من 20 سنة.....فما بالك بنسب نجاحها الآن

العمليّة يمكن عملها فى أى وقت من سن الــ6 شهور وحتى السن مابين 3 و 5 سنوات (حسب حجم الثقب........فكلّما صغر حجم الثقب كلّما كان من الممكن الإنتظار على العمليّة , ولو كان الثقب صغيرا جدا فمن الممكن حتى أن يلتحم من تلقاء نفسه أو أن يعيش به المريض حياته بصورة طبيعية .... ولكن فى حالة طفلك فالثقب كبير , ويحتاج للعمليّة فى أقرب وقت خلال الــ6 شهور القادمة)

قد يتم عمل العملية على مرّة واحدة , أو على مرحلتين : عملية لإزادة تدفق الدم أولا للرئتين (لتحسين الحالة العامة و الزرقان) ثم العملية اللازمة لتصحيح العيوب جراحيا

عموما....

هناك أكثر من طريقة فى الوقت الحالى تقلّل الزرقان و تجعل طفلك أكثر راحة و أقل تأثرا من نقص الأوكسوجين فى الدم لحين عمل العمليّة ... و هذه الطرق تشمل إرضاع الطفل ببطء شديد جدا و بكميات قليلة على فترات أكثر (يعنى بدال رضعتين كاملين خلّيهم 6 أو 7 رضعات خفاف)....مع تقليل أسباب البكاء قدر الإمكان ( الحر , قرص الناموس , إتساخ الحفّاظة , أو أى شيئ يضايق الطفل و يجعله غير مستريح)

وفى حالة زيادة الزرقان يفضل وضع الطفل على أحد الجانبين مع ضم الركبتين إلى الصدر قدر الإمكان

لا تقلقى..... الجراحة نتائجها ممتازة , وسيكون الطفل على مايرام بعد عملها

لا أعلم من هو الطبيب الذى تتابعين معه , ولكن بالنسبة للجراحة فإننى أنصحك بالأستاذ الدكتور محمد بسيونى (للأسف...ليس لدى رقم تليفونه , ولكن يمكنك الوصول إليه عن طريق مكالمة مستشفى النزهة الدولى أو مستشفى عين شمس التخصصى)

مع خالص دعواتى لطفلك بالشفاء...... وعقبال ما تجوّزيه و تعزمينا على فرحه إن شاء الله :angry:

تم تعديل 8 يوليو 2004 بواسطة disappointed

[bentmasria]

ربنا يكرمك يا دكتور واتمنى الدعاء من الجميع لمحمد

ربى يعينه ويعيننا

ام محمد

[Modest]

اللهم أتم شفاه و ربنا يطمنك و يطمِّنا جميعاً عليه في أقرب وقت بإذن الله.

[Salwa]

يارب اشفى محمد ..

ربنا يخليه ويحميه وتشوفي احفاده .

يعنى انتى بنت مصرية ....

طبعا انتى قبل ما تختارى الاسم ده فكرتى فيه ......صح ؟؟؟

وعارفة يعنى ايه بنت مصرية ؟؟؟؟........يعنى البنت المصرية هى الوحيدة فى العالم المتدينة اكثر من اللازم .....التى تثق فى الله سبحانه وتعالى ..

البنت المصرية هى الوحيدة اللى ممكن تخللى المستحيل ممكن ..

يعنى حتى نفسية البنت المصرية هى اللى حاتنعكس على اولادها وتخليهم يعيشوا احساسها هى بالامان والسلام .......

مجرد انك حاتاخدى محمد فى حضنك حاتنقلى له كل الحب والاطمئنان والهدوء ..

مجرد انك حاتدعى وتطلبى من ربنا انه يشفيه ويكمل له فى الشفاء حاتلاقى الولد بقدرة قادر بقى افضل ......

شوفى يابنتى المصرية ..........

انا عندى ولد جميل عنده 19 سنة ......يارب تشوفى محمد زيه .....

هو نجح ورايح ثالثةآداب قسم علوم انسانية ..

وهو عنده شهور ...كان يسخن فجأة بدون انذار وتصل درجة حرارته ل41 ......وندخل بيه تحت الدش ونجرى بيه على المستشفيات ..والدكاترة احتاروا مقدروش يعرفوا عنده ايه ؟؟

وقالوا الحل انك تعيشى بيه فى الجبل .....يعنى حتى ميقدرش يستنشق الهواء الطبيعى اللى فى الشارع ...لازم يسخن ....

وسبق لى وكتبت عن الموضوع ده .....

عملوا له رسم مخ وكنت خايفة ده يؤثر عليه فى المستقبل .....

جربوا معاه كل الأدوية اللى تخطر وما تخطرش على بالك ....

وفجأة وهو عنده سنتين ......لوحده كدة ......بقى زى الفل .

مش حقولك لأنك مش ممكن تتخيلى احاديثى اليومية مع ربى ...

وما يحسد المال الا اصحابه .......

ماشاء الله عليه .......

هو اصغر طالب فى دفعته ...

وكأن العام الذى مرض فيه كان مقدمة لتكفير ذنوب لم يقترفها كطفل ......ولا اعتقد انه ممكن يقترف ذنوب .....

اعتقد ان هؤلاء الأطفال بيكونوا نعمة من الله وربنا بيكرمهم كرم ما بعده كرم ....

وكما قال اخونا محبط ....انهاردة بانهاردة الطب اتقدم كتير .....

يارب يحفظه ويحميه .....

نصيحة مهمة ........لا تبكى ابدا ولا تحزنى لأن الطفل يشعر بك ...

تحياتى ...

[bentmasria]

:rolleyes:

ربى يجزاكم خير جميعا عنى وعن محمد انا رحت للطبيب وانا فاهمة الحمد لله والشكر ولك يا من قمت بالشرح ويا من قمتم بالدهاء لمحمد قرة عينى

الحالة فعلا مربع فالوت اللى حضرتك وضحته لى المشكلة انه بمصر مفيش نخصص دقيق قلب اطفال الا طبيب او اتنين وبيرفضوا الجراحة لوزن اقل من 10 كجم وطبعا المسألة محتاجة نفقة الدولة لانى المليونيرة الحافية والتكلفة حوالى ربع مليون جنيه انا بشارككم همى وبس والله ونفسى لو تعرفوا طبيب كويس غير د بسيونى لانه اعتذر عن الجراحات الدقيقة للاطفال ياليت تبلغونى ولاتنسوا محمد بالدعاء ( على فكرة ده اجمل طفل فى الدنيا ) ربنا يشفيه ويشفى مرضى المسلمين

[bentmasria]

سلوى ربى يحعل فى كلامك الراحة والسلوى

ربى يحفظ ويبارك ابنك وتفرحى بيه يارب

انا مؤمنة وربك بيعمل الخير

" قل لعبادى الذين اسرفوا على انفسهم لا تقنطوا من رحمة الله"

ودموعى لو نزلت بتكون غصبن عنى لانى ما بكيت الا لما اصبحت ام وعرفت فعلا احساسك وطفلك بيتألم وانتى عاجزة ربك ييسرها عليه وما يتعذبش ويقدرنى اعمل له كل اللى اقدر عليه انتم قلوب طيبة وانا سعيدة بوجودى وياكم بعد ماراح الحبيب الله يرحمه

اشكركم وانحنى احتراما لانسانيتكم

[mizo]

Salamalikum

sorry i,m writing in EN

we have in south africa the best cardiology centers

so please send me the following

last ECCO report

-last blood tests u did

so i,ll try to ask my collaegue here

thank you

[bentmasria]

الحمد لله دايما وابدا

آخر الاخبار

معدل الاوكسجين فى دم محمد 69% ودى نسخة من تقرير الطبيب اللى بعتته امريكا فى محاولة يائسة لعلاجه فى الخارج انا اترعبت لما الدكتور قال الازمات وتكرارها يعجل بالجراحة والولد صغير جدا وكل يوم ازمة او اتنين سبحان الله

يارب الصبر من عندك انا راضية بقضائك

سامحونى ده التقرير وادعوله

Patient's Report

Name: Mohamed Abdullah Sadek Radwan

D.O.B: Feb. 18th 2004

Weight: 6.250 Kg.

Length: 89 cm.

Sex: Male

_________________________________________________________

Dear Sir

The boy is born for a Diabetic mother he has Tetrology of Fallot & gas a Tinge of Cyonosis.

C.R.X. is Typical

E.C.G Reveals RVH + Strain.

- Oxygen Saturation is 69.

He is scheduled for total correction as soon as possible.

Dr. Wael Lotfy

12-7-2004

MD(Cairo University). MRCP (UK)

AFSA, DU Pediatric Cardiology (Paris)

The Echo Cardiography report

Cardiac Measurements

Dimensions Normal

Less than 1.9 cm 1.5 cm. Left Atrium

Less than 1.9 cm 1.6 cm. Aortic R

Less than 1.5 cm 1.0 cm Rt. Ventricle

Less than 3.2 cm 1.4 cm LVED

0.8 cm LVES

Less than 0.6 cm 0.4 cm Septal Wall

Less than 0.6 cm 0.4 cm L V wall

25-40% 43% Shortening

Less than 50% 80% EF

SITUS:

Solitus (normal veno-arterial relations)

VENOUS DRAINAGE:

Normal Pulmonary and systemic venous drainage.

Cardiac Chambers-Great Vessels Relations

Normal artio-ventricular and ventriculo-arterial relations.

Conclusion

Large VSD (0.9) with overriding of the aorta

Biventricular shunt

Right ventricular hypertrophy

Subvalvular pulmonary stenosis (infundibular stenosis)

Picture is consistent with tetralogy of Fallot

Dr. Mohamed Shalaby

M.D. Cardiology

7-7-2004

وشكرا لكل شخص مد ايده لمحمد بالنصح والمعونة والتعاطف ربنا يحفظكم جميعا

[KWA]

بسم الله الرحمن الرحيم

السلام عليكم ورحمة الله وبركاته

الأخت الفاضله....bentmasria...لك مني كل الدعوات لمحمد بالشفاء و عايز اساعدك و لكن لا اعرف كيف ...غير انني علي الأقل اوفر لك بعض عناوين المراكز الطبيه الأمريكيه المتخصصه في حاله محمد....و كما عرفت انك بالفعل بتراسلي احد الأطباء و تستطيعي اطلاع علي الموقع المرفق لأحد المراكز الطبيه و به عناوين البريد الألكتروني لكل طبيب في المركز ...راسليهم سواء عن طريقك او الطبيب المصري المشرف علي حاله محمد وهم سيبلغوك برأيهم الطبي و تكاليف العمليه ....و حاولي ان تأخذي اكثر من رأي و بالتوفيق انشاء الله....فيه شئ عايز افهمه..لما عملتي الترا ساوند في اثناء فتره الحمل لم توضح ان الطفل مصاب بأي عيب خلقي في القلب .....و طبيبك الذي رعاك اثناء فتره الحمل لم يكتشف ان الأم مصابه بالسكر ...اعرف ان السيده الحامل معرضه للأصابه بالسكر اثناء فتره الحمل ان لم اكن مخطئنا....علي العموم استبشري خيرا و قولي يارب و بأذن الله كل شئ سوف يكون علي مايرام....

http://www.med.umich.edu/cvc/mchc/

http://www.mayoclinic.org/tetralogyfallot-rst/

http://www.americanheart.org/presenter.jht...dentifier=11071

http://www.heartpoint.com/congtetralogy.html

http://www-umchc.pdc.med.umich.edu/parents/d-fallot.html

[bentmasria]

السلام عليكم ورحمة الله

ربما يبارك فيك يا اخى الكريم

انا دلوقتى بحاول اوصل لمركز كاستيللو فى فلادلفيا هو مركز تعليمى بالنسبة للخارج او جراح شاطر جدا بمصر محمد غالبا موش حيقدر ينتظر لما يوصل الوزن المطلوب للجراحة خاصة مع تكرار الازمة وكمان بالنسبة للتكلفة فقط حتحمل تكاليف السفر والاقامة

ملاحظة

رسم قلب محمد وهو جنين كويس جدا وحتى الآن لا يظهر سوى الاجهاد

انا مرضى بالسكر قديم من قبل الحمل ب 20 سنة وكانت السيطرة على معدلات السكر بالدم ممتازة طول الحمل

الدعااااااااااااء لابنكم محمد

اللهم يسر ولا تعسر يارب

[KWA]

السلام عليكم ورحمة الله

ربما يبارك فيك يا اخى الكريم

انا دلوقتى بحاول اوصل لمركز كاستيللو  فى فلادلفيا هو مركز تعليمى بالنسبة للخارج ......وكمان بالنسبة للتكلفة فقط حتحمل تكاليف السفر والاقامة

بسم الله الرحمن الرحيم

السلام عليكم ورحمة الله وبركاته

الأخت الفاضله....ممكن تكتبيلي اسم المركز بالكامل بلأنجليزي و انا هاجبلك المعلومات الكافيه عنه ....او ارقام تليفوناته هنا في امريكا ...لأني حاولت ان احصل علي اي معلومه عنه من خلال الأنترنت و لم انجح ربما الأسم مختلف ...اما من ناحيه الآقامه فده امرها سهل و انشاء الله هتنحل

[أسد]

أم محمد ..

أبكيتيني ....

اللهم أشفه وعافه ... ويسر أموركم ..

ندعوا لك ولمحمد من قلوبنا ..

ربنا يقويكي .. ويصبرك ..

[KWA]

بسم الله الرحمن الرحيم

السلام عليكم ورحمة الله وبركاته

الأخت الفاضله...bentmasria....من خلال بحثي علي الأنترنت وجدت موقعين احدهما مستشفي لأطفال و الأخر مركز طبي و كلاهما في فيلاديفيا.....و مازلت في انتظار رسالتك و معها اسم المركز الذي تراسليه هنا في امريكا لأحضر لك معلومات اكثر عنه....و بمناسبه الآقامه يمكن تدبيرها مع المستشفي ....حيث تسمح لك بعض المستشفيات بالأقامه كمرافقه لأبنك خصوصا في مثل هذا السن ....و تكون لشخص واحد فقط ....او الأقامه مع احد العائلات المصريه المقيمه في فيلادفيا فتره تواجدك في امريكا و ده يمكن تدبيره بالأتصال بالمركز الأسلامي هناك و عمل الأتصالات مع العائلات المصريه و هذا اقتراح شخصي و منتظر رأيك حتي ابدأ اسأل

و ارتبها لك سواء لفرد واحد او لفردين....لأنه هيكون صعب عليك الأقامه في

فندق بمفردك و خصوصا دي اول مره هتكوني في امريكا ...و في مدينه كبيره زي فيلاديفيا....و كنت اتمني ان تكوني قريبه من حيث اعيش و سوف يشرفني انا و زوجتي و اولادي ان تكوني معنا و نكون في خدمتك و لكن للأسف انا اعيش في ولايه بعيده الولايه التي تريديها....و لكن لا تقلقي انشاء الله كل شئ سوف ييسر لك و لمحمد بقدر المستطاع....و السلام عليكم ورحمة الله وبركاته

http://www.chop.edu/about_chop/index.shtml

http://www.chh.org/?tabId=5

[Arabisc]

سلام عليكم

العزيزة بنت مصرية

اقيم انا و اسرتي في نيويورك ( حوالي ساعتين او تلاتة من فيلادلفيا ) و اتمنى ان استطيع القيام باي شيء

سلام عليكم

[bentmasria]

السلام عليكم ورحمة الله وبركاته

اخوانى الكرام

لا املك سوى ان اشكر لكم كل شىء اهتمامكم ودعواتكم واتمنى ان استطيع يوما ما ان اشارك فى هموم البعض او اساهم فى حلها الله خير معين ونحمده ونشكر فضله دائما

اخى الكريمKWA بالنسبة للمركز قام طبيب الغدد القائم على علاجى بمراسلتهم بشكل مباشر وينتظر ردا خلال ايام باذن الله ووعدنى بان يرسل لى اسمهم كاملا بالبريد ولم يفعل بعد اعتذر عن تأخرى بالرد

والاخ الكريم Arabisc يذكرمى اسمك بكل ما هو اصيل وراق بارك الله فيكم سننتظر حتى يتيسر الامر واتمنى ذلم فى القريب العاجل

الاخت الكريمة فى اسبانيا واخوانى فى كل مكان كل من واسانى وعرض المساعدة والود الكريم لا اعلم ماذا اقول اشكر لكم ان اعتبرتم محمد ابنكم واسألكم خالص الدعاء له فهو يتعرض الآن لأزمات قوية ادعو الله ان يحتملها وتمر بسلام والطبيب المصرى الذى يتابعه يريد القيام بجراحة مبدئية لعمل bridge

لتقليل الازمات وانا مرعوبة رغم ايمانى انه لن يصيبنا الا ما كتب الله لنا

((منظر محمد وهو بيتألم قاتل ولما بيشوف دموعى بيسكت ويبص لى كـأنه بيعتذر على الدموع صدقونى مابقدرش اتمالك نفسى .... ياريت ينفع ياخذ قلبى ))

سامحونى تعبت الكل ارجوكم ادعواااااااا لمحمد انا واثقة دلوقنى انه ماعادش يتيم له اب فى كل بلد وام فى كل قلب ربنا يسعدكم

ام محمد

[bentmasria]

على فكرة اسم المركز

Aldo Castenada

واتمنى اى حد يلاقى له اى شىء بالنت

هو منقول من سويسرا لفيلادلفيا من حوالى 7 سنين بس ولو عرفت اى شىء تانى حقولكم

كمان هو non profitable organaization

يعنى مؤسسة خيريه انشاها هذا الطبيب من السبعينات وخاصة بالاطفال

وبس

ادعوا لمحمد ولام محمد عشان ربنا يقدرها وتقدر ف يوم ترد جمايلكم الكبيرة عليها

اترككم فى حفظ ربى

[Farah]

بنت مصريه '

سلامة محمد الف سلامه

هل ياتر ممكن تكون دي