ايه اقدم حاجه محتفظ بيها لغايه دلوقتى

[مغتربة]

موضوع خفيف و بسيط

ايه اقدم حاجه محتفظ بيها لغايه دلوقتى ؟ و ليه ؟

سواء اقدم كعمرها هى نفسه او عمر امتلاكك ليها

متخفوش مش هبلغ شرطه الاثار يالله متخبوش

:clappingrose:

[المهندسه]

صورتى و انا عمرى سنه اصل ماعنديش غير واحده بس ...كل صورى ضاعت و احنا بننقل السكن.

[مغتربة]

صورتى و انا عمرى سنه اصل ماعنديش غير واحده بس ...كل صورى ضاعت و احنا بننقل السكن.

فعلا يا مهندسه صور زمان كانت عذاب هى نسخه واحده بس و لو ضاعتت استعوضى ربنا

لكن دلوقتى الصور ديجيتال على الكمبيوتر و تعملى منها ميت نسخه و بيك اب و ميت طريقه للحفظ

اطفال دلوقتى محظوظين بنصورهم كل خمس دقايق احنا الى اضحك علينا زمان صوره كل سنه و فى المناسبات و دومتم

انا عن نفسى ضايعه منى صور هموت و اللاقيها المشكله مش فى الصوره و بس لكن فى الذكرى الى بتمثلها عند الشخص

علشان كدا انا قررت ان كل الصور القديمه اعملها سكان و احتفظ بنسخ منها ديجيتال لان فى صور لناس رحلت عن دنيتنا و استحاله لو ضاعت اى صوره ليهم نقدر نعوضها تانى

تحياتى

[المهندسه]

انا فعلا للاسف معنديش غير صوره واحده ...الباقى ما وعاش عليه ولا فاكراه لانه ضاع و انا عمرى تقريبا 10 سنين ...صور كتير ذهبت مع الريح علشان كده عندى عقده وبصور ولادى كل 5 دقايق و كمان انا بنتهز اى فرصه واتصور ..جوزى بيقولى دى عقده..تفتكروا؟؟؟؟

تم تعديل 26 نوفمبر 2010 بواسطة المهندسه

[MOOOM]

هوه ممنوع دخول الرجالة هنا ولا إيه ؟؟؟

خلاص .. أنا هفتح الباب

أقدم حاجة محتفظ بيها لغاية دلوقتي هي شهادة ميلادي :blush2:

وتاني حاجة هي هدية من شخص .. بقالها تقريباً 16 سنة .. بس للأسف أبني يسيب كل اللعب ومتحلوتش إلا دي .. كل لما أشيلها ألاقيه طلعها من تحت الأرض

[التونسى]

:) هو أى نعم موضوع خفيف .. لكنه بصراحه يلمس شغاف القلب.. لما له من صله وثيقه بحاجات تحمل عبق التاريخ الخاص بنا او بغيرنا ممن يدخلون فى دائرة اهتمامنا

أحييكِ على فكرة الموضوع أولا اختى الفاضله مغتربه

انا بشكل عام مبحبش ارمى اى شئ وبعشق الاحتفاظ بالاشياء القديمه الخاصه بيا .. خصوصا الاوراق والمستندات والكتب

انا بقى على ما أتذكر اقدم وثيقه او مستند محتفظ بيه هو شهادة ميلاد والدى الله يرحمه بتاريخ 1915 وعليها الختم الملكى .. وعلى ما اتذكر انه من مواليد محافظة ((القنال)) .. مكنش فيه على ايامه تقريبا محافظات القناه مستقله بذاتها

أقدم صوره بقى محتفظ بيها .. انا برده زى الاخت الفاضله مهندسه.. 99 % من صورى ايام الطفوله والصبا ذهبت مع الريح :closedeyes: .. فيه صورتين تبقوا ليا وانا عندى حوالى اربع سنين ودول مع والدتى ربنا يمتعها بالصحه .. اما اقدم صوره معايا حاليا .. شايلها فى محفظتى .. وهى صورة اول بطاقه اطلعها .. كان عندى 16 سنه .. وأى حد يشوفهاحاليا ميصدقش انى كان شكلى كده :unsure: .. انا ذات نفسى مستغرب نفسى :blush2:

اقدم كتاب عندى هو كتاب النظرات للمنفلوطى(( طبعة 1905 )) بس بالامانه الطباعه فيه روعه وجودة الورق ممتازه .. الكتاب ده معايا من سنة 2000 .. لاقيته بالصدفه فى محل والد زميل ليا فى الجامعه .. وعرضت على والده انى اشتريه .. ودفعت فيه يوميها خمسه جنيه smk: ووالد زميلى كان فرحان اوى انه لاقى الزبون السوئع ده اللى يشترى الكتاب ده اللى فى نظره ملوض قيمه

أقدم حذاء عندى ((ولامؤاخذه)) من حوالى 8 سنين وهو حذاء ماركة ((كلاركس)) الماركة المفضله لى دائما وابدا .. الحذاء فى شقتى بمصر ومازال بحاله جيده جدا ..ومازلت استعمله كلما انزل مصر ويقبع معززا مكرما فى المرفأ الخاص باسطول احذيتى فى بلكونة الشقه :)

بالنسبه بقى للملابس ف للاسف خلال السنتين اللى فاتوا انا وزنى زاد واضطريت للتخلص من كثير من ملابسى ..والتى كانت شاهده على ايام النحافة الشديده الجميله :happy: .. والتى كنت فيها مضرب للمثل بين أقرانى :blink:

ممكن يكون فيه حاجات تانيه قديمه .. بس ده اللى اسعفتنى به ذاكرتى حاليا

شكرا مره تانيه على الطرح اللذيذ

[م تيمور المراغي]

جميل الموضوع اوي مغتربه ,,

اقدم حاجه مازلت محتفظ بيها هو مليم

اشتريته سنة 1988 من على رصيف قاعد عليه واحد بيبيع العملات القديمة ,,

لونه برونزي ومكتوب عليه المملكة المصرية 1950

تاني حاجه هو خطاب كتبتهولي مراتي ايام الخطوبه من 14 سنه تقريبا ,, وكل فتره افتحه واقراه خصوصا لما نتخانق ههههههه :happy:

[Om Zayd]

أقدم حذاء عندى ((ولامؤاخذه)) من حوالى 8 سنين وهو حذاء ماركة ((كلاركس)) الماركة المفضله لى دائما وابدا .. الحذاء فى شقتى بمصر ومازال بحاله جيده جدا ..ومازلت استعمله كلما انزل مصر ويقبع معززا مكرما فى المرفأ الخاص باسطول احذيتى فى بلكونة الشقه :)

طيب مش تعمل خير و تقول البلكونة دي فين؟

:closedeyes:

عموما أنا عندي صور بابا الله يرحمه و هو 6 سنين تقريبا

بحب الصور دي مووووووووووووووت .. مع جدي و اعمامي و ناس تانية مش عارفاهم

دنيا تانية

بس الصور ما بعتبرهاش حاجات .. دي لحظاات

ما بحبش أحتفظ بحاجة ما بستخدمهاش

مهما كانت غالية عندي.. لأني شفت أكثر من حد بيوتهم و السطوح ماليانين حاجات قديمة .. ما حبتش أبقى زيهم

محتاجين مساحة أكبر نتنفس و نبص لقدام .. الصور و الكراريس القديمة بتاعتنا جزء منا .. مش حاجات

تحياتي على الموضوع الجميل

[مغتربة]

انا فعلا للاسف معنديش غير صوره واحده ...الباقى ما وعاش عليه ولا فاكراه لانه ضاع و انا عمرى تقريبا 10 سنين ...صور كتير ذهبت مع الريح علشان كده عندى عقده وبصور ولادى كل 5 دقايق و كمان انا بنتهز اى فرصه واتصور ..جوزى بيقولى دى عقده..تفتكروا؟؟؟؟

حتى لو كانت عقده يا مهندسه فهى يعنى مفيش منها ضرر اوى

كليك فى الموبايل او الكاميرا الديجيتال و خلاص الصوره اتاخدت

فين زمان بقى ايام العذاب و شرا الفيلم و التحميض و الصور الى بتتحرق و الى بتطلع مهزوزه

بجد التكنولوجيا دى بجد حاجه عظيمه جدا

تحياتى

[مغتربة]

هوه ممنوع دخول الرجالة هنا ولا إيه ؟؟؟

خلاص .. أنا هفتح الباب

أقدم حاجة محتفظ بيها لغاية دلوقتي هي شهادة ميلادي :blush2:

وتاني حاجة هي هدية من شخص .. بقالها تقريباً 16 سنة .. بس للأسف أبني يسيب كل اللعب ومتحلوتش إلا دي .. كل لما أشيلها ألاقيه طلعها من تحت الأرض

لا طبعا استاذى هو احنا نقدر

و بالنسبه للهديه فانا عارفه الموضوع دا تلاقى اكتر حاجه انت خايف عليها و عزيزه عليك هى الى بيحصلها مصايب قدام عنيك لكن لطف ربنا بينجهالك فى اخر لحظه

ربنا يحافظلك عليها يا رب

[مغتربة]

:) هو أى نعم موضوع خفيف .. لكنه بصراحه يلمس شغاف القلب.. لما له من صله وثيقه بحاجات تحمل عبق التاريخ الخاص بنا او بغيرنا ممن يدخلون فى دائرة اهتمامنا

أحييكِ على فكرة الموضوع أولا اختى الفاضله مغتربه

انا بشكل عام مبحبش ارمى اى شئ وبعشق الاحتفاظ بالاشياء القديمه الخاصه بيا .. خصوصا الاوراق والمستندات والكتب

انا بقى على ما أتذكر اقدم وثيقه او مستند محتفظ بيه هو شهادة ميلاد والدى الله يرحمه بتاريخ 1915 وعليها الختم الملكى .. وعلى ما اتذكر انه من مواليد محافظة ((القنال)) .. مكنش فيه على ايامه تقريبا محافظات القناه مستقله بذاتها

أقدم صوره بقى محتفظ بيها .. انا برده زى الاخت الفاضله مهندسه.. 99 % من صورى ايام الطفوله والصبا ذهبت مع الريح :closedeyes: .. فيه صورتين تبقوا ليا وانا عندى حوالى اربع سنين ودول مع والدتى ربنا يمتعها بالصحه .. اما اقدم صوره معايا حاليا .. شايلها فى محفظتى .. وهى صورة اول بطاقه اطلعها .. كان عندى 16 سنه .. وأى حد يشوفهاحاليا ميصدقش انى كان شكلى كده :unsure: .. انا ذات نفسى مستغرب نفسى :blush2:

اقدم كتاب عندى هو كتاب النظرات للمنفلوطى(( طبعة 1905 )) بس بالامانه الطباعه فيه روعه وجودة الورق ممتازه .. الكتاب ده معايا من سنة 2000 .. لاقيته بالصدفه فى محل والد زميل ليا فى الجامعه .. وعرضت على والده انى اشتريه .. ودفعت فيه يوميها خمسه جنيه smk: ووالد زميلى كان فرحان اوى انه لاقى الزبون السوئع ده اللى يشترى الكتاب ده اللى فى نظره ملوض قيمه

أقدم حذاء عندى ((ولامؤاخذه)) من حوالى 8 سنين وهو حذاء ماركة ((كلاركس)) الماركة المفضله لى دائما وابدا .. الحذاء فى شقتى بمصر ومازال بحاله جيده جدا ..ومازلت استعمله كلما انزل مصر ويقبع معززا مكرما فى المرفأ الخاص باسطول احذيتى فى بلكونة الشقه :)

بالنسبه بقى للملابس ف للاسف خلال السنتين اللى فاتوا انا وزنى زاد واضطريت للتخلص من كثير من ملابسى ..والتى كانت شاهده على ايام النحافة الشديده الجميله :happy: .. والتى كنت فيها مضرب للمثل بين أقرانى :blink:

ممكن يكون فيه حاجات تانيه قديمه .. بس ده اللى اسعفتنى به ذاكرتى حاليا

شكرا مره تانيه على الطرح اللذيذ

استاذى الفاضل

كالعاده حضرتك قدرت تحط ايدك على مغزى الموضوع و سبب فتحه

لكن واضح ان حضرتك من هواه الاحتفاظ بالاشياء

اشارك رغبه ام زيد فى معرفه عنوان البلكونه ههههههههه :

[مغتربة]

جميل الموضوع اوي مغتربه ,,

اقدم حاجه مازلت محتفظ بيها هو مليم

اشتريته سنة 1988 من على رصيف قاعد عليه واحد بيبيع العملات القديمة ,,

لونه برونزي ومكتوب عليه المملكة المصرية 1950

تاني حاجه هو خطاب كتبتهولي مراتي ايام الخطوبه من 14 سنه تقريبا ,, وكل فتره افتحه واقراه خصوصا لما نتخانق ههههههه :happy:

انا بقى عندى عملات من ايام فاروق و اقدم عمله عندى من ايام السلطان حسين كامل لو مخنتنيش الذاكره و طلع فى اقدم منها

انا كنت من هواه جمع العملات بس دلوقتى نسيت شويه الهوايه دى

شكرا لمشاركتك الجميله

[مغتربة]

أقدم حذاء عندى ((ولامؤاخذه)) من حوالى 8 سنين وهو حذاء ماركة ((كلاركس)) الماركة المفضله لى دائما وابدا .. الحذاء فى شقتى بمصر ومازال بحاله جيده جدا ..ومازلت استعمله كلما انزل مصر ويقبع معززا مكرما فى المرفأ الخاص باسطول احذيتى فى بلكونة الشقه :)

طيب مش تعمل خير و تقول البلكونة دي فين؟

:closedeyes:

عموما أنا عندي صور بابا الله يرحمه و هو 6 سنين تقريبا

بحب الصور دي مووووووووووووووت .. مع جدي و اعمامي و ناس تانية مش عارفاهم

دنيا تانية

بس الصور ما بعتبرهاش حاجات .. دي لحظاات

ما بحبش أحتفظ بحاجة ما بستخدمهاش

مهما كانت غالية عندي.. لأني شفت أكثر من حد بيوتهم و السطوح ماليانين حاجات قديمة .. ما حبتش أبقى زيهم

محتاجين مساحة أكبر نتنفس و نبص لقدام .. الصور و الكراريس القديمة بتاعتنا جزء منا .. مش حاجات

تحياتي على الموضوع الجميل

العزيزه ام زيد انتى اكيد قريبه اختى هههههههههه

اصلها زيك كدا مبتحبش الحاجات الى بتقول عليها ملهاش لازمه و كراكيب

لكن بنكتشف بعد كل غاره توضيب و ترويق على حسب ما بتسميها حضرتها انها كويس قوى انها سابت لنا العفش علشان بس نقعد عليه

فعلا التخلص من الكراكيب هدف جميل بس الرحمه حلوه برضه

هههههههههه

[زهرة الجبل]

أختي الغاليه مغتربه

دخلت المنتدى لألقي نظره سريعه و أعود لإكمال ما أقوم به في الحياه الواقعيه

لكن عنوان موضوعك كان أقوى من أمر عليه و لا أتتبعه

و الموضوع نفسه جعلني أشعر أنني إن لم أكتب رداً به الآن لن أتمكن من العوده للواقع بالتركيز المطلوب لإكمال ما كنت أقوم به فيه

أنا من عشاق الإحتفاظ بالأشياء .. إن بحثتي عندي ستجدين أشياء غريبه جدا

والدتي عندها نفس الهوايه و لكن ليس بنفس الدرجه

إحتفظت أمي لي بدفاتر مدرسيه من سنه رابعه إبتدائي بخطي أيامها.. طبعاً دي بالنسبالي عامله زي البساط السحري

اتلمسها بيدي فتأخذني في رحلات جميله إلى أيام الدراسه

إحتفظت لي عندها من ألعابي بعروستين كنت ألعب بهما و أنا طفله .. و هما بحاله ممتازه .. كم كنت سعيده عندما أهدتني إياهما بعد زواجي

من ضمن أشيائي التي مازالت موجوده أيضاً هو أول حذاء لبسته في حياتي .. قطيفه و لونه أحمر و طوله لا يتعدى نص شبر

لكن ده للأسف الشديد لم أستطع أن أستولى عليه من والدتي .. مازال عندها

عندى صوراً لي منذ كان عمري أربعين يوماً .. و صورأخرى على مدى مراحل عمري .. جميل أن أرى نفسي في وقت لم أكن لأتذكر ملامحي فيه بغير الصور

كل ده من مقتنيات ماما

أما عني

إحتفظت بدوري بأشياء صغيره كتلك تتعلق بأبنائي

و أنا أعشق الإحتفاظ بالأوراق .. و الخطوط ..عندي تخيل أنها تكتسب مع الزمن عطوراً خاصه بكل ورقه

عطوراً خاصه تسهل علينا العوده بالذاكره لوقتها القديم

أحتفظ لنفسي بأوتوجراف به خطوط زميلاتي في المدرسه الإعداديه بنات

من بعض ما كتب فيه أذكر بعض سطور جميله جدا مثل :

أكتب على ورق الليمون يا أغلى من نور العيون و أكتب على ورق التفاح يا أبهى من نور الصباح

و أتذكر كاتبة تلك السطور كانت زميله لبنانيه و كان إسمها ليليان

و من بعض ما أتذكر من تلك السطور أيضاً صفحة صديقه سعوديه كان إسمها صفيه

كتبت .. إذا فرقت بيني و بينك يوماً المسافات .. فهذا خط يدي يذكرك بأقرب الصديقات

كنا أطفال و لكننا كنا نتفنن في تلك العبارات بشكل لم أدرك قيمته إلى هذا المدى إلا بعدما أضاف إليه الزمن قيمه جديده

و كنا نكرر تلك العبارات من و إلى بين بعضنا البعض

و عندي أوتوجراف آخر من آخر سنه في الثانويه

و أحتفظ بهما معاً أيضاً في مصر

من ضمن مقتنياتي أيضاً .. كتاب من أيام الثانويه .. أحب جداً أن أتصفحه و أقرأ الهوامش المرحه التي كنَّا نكتبها لبعض أنا و زميلاتي على جوانب صفحات الكتب أثناء الحصه حتى لا يرانا الأستاذ نتكلم

فالكلام أثناء الحصه كان ممنوع .. فكنا نتحايل على هذا المنع بتبادل الأحاديث على هوامش الصفحات .. أحاديث لم تكن مهمه مطلقاً

مره نكته و مره تعليق ساخر و مره إتفاق على أمر ما و مره شئ صغير نتذكره فنخبر به

فقط لكي نثبت لأنفسنا أننا فعلنا ما نريد

قد لا يكون ذلك التصرف منا حسن سلوك وقتها.. لكنه في الحقيقه اليوم أصبح بالنسبه لي قيماً جداً .. كأنه شريط فيديو متحرك صغير يعمل بمجرد فتح الصفحه التي هو قابع بها

فيذكرني بأشياء صغيره لكنها جميله

و يعيد بسرعة الفلاش بعض الوجوه إلى أماكنها في الذاكره

عندي صوره من الورقه التي نكتب بها الرغبات بترتيب الكليات للإلتحاق بالجامعه و عندي جواب التنسيق الذي وصلني بعدها بإسم الكليه التي إنتسبت إليها

من مقتنياتي أيضاً ... رسائل ورقيه و أشرطة كاسيت كانت هي المراسلات بيني و بين أبو كريم أيام الخطوبه .. كان هو مسافر و أنا في مصر

هم الآن مرتبين بالترتيب عندي في مصر و عندما أفتحهم يبقوا كأنهم حواديت قديمه

و عندي طبعاً كرت الدعوه بتاع فرحي

و عندي عدد كبير جداً من الكروت .. كروت المعايده و المناسبات .. أنا أحب تلك الكروت جداً

و أحب الإحتفاظ بأوراق تغليف الهدايا التي تهدى إليَّ ( و بدون تريقه لو سمحتم ) .. فهي تذكرني بأول شعور تملكني عند رؤية كل هديه

و عندي أكثر من عشرين ورده .. أقدمهم يصل عمره الآن إلى 14 سنه .. من أيام الخطوبه

كنت أضع الورده في كتاب كبير حتى يصبح سمكها ضعيف و تجف .. و بعد تجفيفها تماماً أعيد لفها في غلافها و أحتفظ بها في ظرف الكرت الذي كان معها

كفايه كده شكلي طولت عليكي

لكن أردت أن تعلمي أن قراءة موضوعك إجترت عليَّ ذكريات أحبها جداً

شكراً كثيراً

تحيتي لكِ .. و قد تكون لي عوده إلى هنا

أم كريم

تم تعديل 26 نوفمبر 2010 بواسطة زهرة الجبل

[مغتربة]

طيب عن نفسى فاقدم حاجه بمتلكها كلها وراثه

والدى الله يرحمه كان غاوى يجمع عملات و جرايد و كتب و حاجات كده

و كل دا ال ليا بعد وفاته يعنى انا مشترتشى حاجه من نفسى

عندى عملات قديمه و كتب قديمه عندى كتاب معرفش طبعه سنه كام لكن هو توثيق لرحله الحج بتاعه الخديوى عباس حلمى التانى

لكن اقدم حاجه عندى هى نسخه من اول عدد من جريده الاهرام يعنى عمرها حوالى 135 سنه او اكتر شويه

تحياتى

[Om Zayd]

يا مغتربة .. أنا رحمة مقارنة بأختي.. أسهل حاجة عندها ترمي في سلة المهملات

يهديكِ .. يرضيكِ .. مفيش فايدة

اللي عايز حاجة يخبيها قبل ما تبتدي الغارة.. قصدي الترويق

[م تيمور المراغي]

جميل الموضوع اوي مغتربه ,,

اقدم حاجه مازلت محتفظ بيها هو مليم

اشتريته سنة 1988 من على رصيف قاعد عليه واحد بيبيع العملات القديمة ,,

لونه برونزي ومكتوب عليه المملكة المصرية 1950

تاني حاجه هو خطاب كتبتهولي مراتي ايام الخطوبه من 14 سنه تقريبا ,, وكل فتره افتحه واقراه خصوصا لما نتخانق ههههههه :happy:

انا بقى عندى عملات من ايام فاروق و اقدم عمله عندى من ايام السلطان حسين كامل لو مخنتنيش الذاكره و طلع فى اقدم منها

انا كنت من هواه جمع العملات بس دلوقتى نسيت شويه الهوايه دى

شكرا لمشاركتك الجميله

اتاري بقى قولي كده ,,

هوايتك انتي كمان جمع العملات القديمه ,,

عشان كده لما كبرنا تخصصنا في اسواق المال والبورصه ,,

فعلا من شب على شيئ شاب عليه ,, :happy:

[اغابي]

لازم الاحراج داه يا مغتربة

اصل مش من الناس اللى بتحتفظ اوى

عموما اقدم حاجة لسة محتفظة بيها هو جوزى له معايا 10 سنين دلوقتى

ksh::

لان خولقى ضيف وبزهق بسرعة

bsh:)

لا لا بهذر طبعا

شوفى اقدم حاجة محتفظة بيها حبة روايات عالمية قديمة لفرانسواز ساجان

وفى منهم روايات لاحسان عبد القدوس و طه حسين واكتر سعر باهظ لروايه منهم كان التمن مكتوب عليها 3 مليم او 5 مليم او قرشين

ودول اخدتهم ميراث من عمى الله يرحمه حتى كلهم مكتوب اسم عمى عليهم

الروايات دى عمى قسمهم بينا انا واختى كهدية زمان علشان يعلمنا القراية وانا كنت وقتها لسة فى الاعدادى

عموما فكرتيني بالذكريات

ميرسي

تم تعديل 26 نوفمبر 2010 بواسطة اغابي

[se_ Elsyed]

اتاري بقى قولي كده ,,

هوايتك انتي كمان جمع العملات القديمه ,,

عشان كده لما كبرنا تخصصنا في اسواق المال والبورصه ,,

فعلا من شب على شيئ شاب عليه ,, :happy:

طب تصدقوا بالله

لسه راجعيين من خروجه من 5 دقائق ... وبالصدفة من غير ما أقرأ هذا الموضوع ... اول ما دخلت من باب الشقة جريت القيت نظرة على شنطة ذكريات محتفظ بها من ورا المدام ( أصلها معقداني وبتقول على الحاجات القديمة كراكيب لازم تتروق .. قصدي لازم تترمي ) لكن قدرت أستخلص منها الحاجات دي .. وألقيت نظرة على العملات المعدنية القديمة اللي لسه محتفظ بها حتى الأن وأتمزجت منها ...

مش عارف ليه السبب .. أهو حنين للماضي وخلاص ...

لسه معايا بعض العملات لا بأس بها ويمثلوا عندي ذكريات جميلة ...

من وأنا صغير كنت باحرم نفسي من أي مُتع .. وأشتري بمصروفي كتب ومجلدات ميكي القديمة من أي سوق للكتب القديمة .. وطبعاً بأشتري عُملات قديمة من ناس مش عارفه قيمتها ..

الكتب والقصص ... ماما قامت بالواجب ورمتهم شر رميه وكان عندي ثروة فوق السطح ..

لكن لما كبرت وبقى لي شقة خاصة .. وده كان في ثانوي تقريباً .. قدرت أستبقى بعض الكتب القديمة النادرة .. لسه موجوده عندي في شقة الزوجية

وفي أحدى الاجازات جبت معايا العديد من الصحف اللي من أيام عبد الناصر والسادات .. يااااااااااه مُتعه مُتعه لما تقرأ عن سعر السيارة الكابورلية اللي عالزيرو أم 175 جنيه .. هههههههههههه

وعندي شوية صور قديمة من أيام ابتدائي أيام ما كنت باعمل القصة بتاعت عماد حمدي في فيلم أيامنا السودا .. وعلى ما يبدو إني كنت بادهن شعري سمنه بلدي .. لأن شكله سايح ونازل على جبيني وتشوفني تقول تفل تفل يعني مش أي كلام ...

وعندي كمان شهاداتي كلها من أيام إبتدائي .. بس شهادات السنوات النهائية فقط ...

مش عارف ليه الإنسان لديه ميل غريزي للذكريات وخصوصاً كل ما هو قديم ....

[Dreamwithme]

أقدم حاجة عندي كتاب اشتريته لقيته مطبوع سنة 1942 وأنا مواليد 1978

فباحترم الكتاب قوي بصراحة عشان أكبر مني :closedeyes: ....

أيضا أحتفظ بصورة لي وأنا عمري أيام وماما خارجة من المستشفي بعد الولادة ...

أول لقاء لي مع العالم الخارجي .....

وصورة تانية مع أختي الكبيرة وأنا عمري شهور .....

بعد كده مفيش صور ....تقريبا كانوا زهقوا مني فمصورنيش....

أنا بصراحة بارتبط عاطفيا جدا بالأشياء وباحتفظ بها ......

يعني كنت محتفظة بأستيكة ومسطرة من أيام ثانوية عامة يعني من 15 سنة

لكن للأسف حصلهم حادث أليم والمسطرة انكسرت والأستيكة ماما استخدمتها وخلصتها ....

بصراحة من غير محد يضحك عليا زعلت لأن كنت بأحس إنهم صحابي.......

موضوع جميل جدا شكرا يا مغتربة علي فتحه .....أيقظ ذكريات الواحد :blush2: