ايه اقدم حاجه محتفظ بيها لغايه دلوقتى

[شريف مان]

كل اللى عندى 3 صور

الاولى كان عمرى كام شهر وماما شايلانى

الثانية كان عمرى 4 سنين والصورة دى بحبها قوى فعلا البرنس برنس من يومه

الثالثة كان عمرى 6 سنين مع أخى

بس

هى دى قصة حياتى

للأسف مبحبش أحتفظ بأى حاجة :blink:

[Dako]

فعلا الموضوع ده جميل جدا

لدرجة إنه خلانى أفكر حوالى ساعة إيه الحاجات اللى أنا محتفظة بيها كتذكار غالى عليا

لإني من هواه التخلص من كل ما هو قديم

فوجدت كروت صغيرة من أصدقاء المدرسة بثانوى

أول شهادة و كراسات لإبنى فى أولى حضانه

مجموعة دباديب كانت هدايا فى عيد ميلادى جمعت بين الأهل و الأصدقاء و زوجى و إبنى

و كانت صدفه رائعة أن يفكر الجميع فى نفس الهدية

أيضاً سلحفاة كانت لإبنى قبل أن يخطو أولي خطواته أحضرتها له ليتعرف على العالم الأخر

و أخيراً كتابان واحد فى مجال الإستثمار كان هدية من أول شخص ألحقنى بالحياة المهنية و كان مرجعي فى كل صغيرة و كبيرة لأخطو نحو النجاح

و الكتاب الثاني كان فى تنمية الموارد البشرية و كان هدية من والد الشخص الأول

و لهذين الكتابين عظيم الأثر فى حياتى المهنية فأحتفظت بهما لقيمتهما و لعلمى إننى لن تتاح لى الفرصة مرة أخرى لأقابل من أهدوهم لى لأشكركهم كلما كانو سبباً فى نجاحي

أشكرك أختى صاحبة الموضوع فقد عدت لذكريات جميلة

]/color]

تم تعديل 26 نوفمبر 2010 بواسطة Dako

[عبير يونس]

عندي عادة التخلص من كل ما ليس له فائدة

و أحب إعطاء الأشياء لمن يستفيد بها أكثر مني

و ذلك لا يمنع ان لدي أشياء خاصة احتفظ بها حيث بالتأكيد لن تنفع غيري

اذكر منها في هذه اللحظة

كراسة عربي و انا في رابعة ابتدائي

صراحة عايزة الحرق

خطي كان وحش جدا و مش منظمة

دايما باستشهد بيها مع اولادي في ترسيخ فكرة ان الانسان ممكن جدا يحسن من نفسه و يطور مهاراته

لأن صاحبة الكراسة دي

بقت قوية جدا في العربي

و في التنظيم و كمان في جمال الخط

:blush2:

تاني حاجة مقلمة لونها بمبي محتفظة بيها برضه من سنة رابعة

و تالت حاجة اجندات والدي الله يرحمه

كان بيكتب فيها اقوال مأثورة بخطه

[لماضة مصرية جدا]

السلام عليكم و رحمة الله و بركاته

كنت داخلة التوبيك....و عايزة ارغي كالمعتاد....بس حسيت اني قعدت مع كل حد من حضراتكم...و خلتونا نعيش معاكم....ذكريات دافية....من ركن دافي في حياة كل منكم

مصدقة انا دايما ان فيه تفاصيل تجذب السعادة....التفاصيل الصغيرة دي....لا احد قادر علي قراءتها سوانا

و قد يمر بها الاخرون و يرون أنها عبء علي الامكنة....و لا يدركون...انها تستدعي خصوصية في القلب...ان لها بريقا يلتمع...حين نهرب اليها من الصخب

و حين نفتش عن ملامحنا....و نبحث عمن كنا يوما.....و نتساءل كيف اصبحنا هكذا اليوم

راقني صندوق....الذكري....و راقتني اكثر تفاصيله

و ابحرت كثيرا مع استاذنا اركتيكت....حين ذكر..."خطابات...المشاعر الاولي"...و التي تتجدد بها المشاعر حين تتنافر الرءوس

و تنقلت مع استاذ التونسي....بين المفردات الخاصة...و التي تزداد حميمية

و حملتني "زهرة الجبل"...إلي عالم سحري....و كأني أراها تأخذني من يدي....لتحكي لي قصة تقبع ساكنة وراء تفاصيل صغيرة....مكتوبة علي هامش الحياة

اكاد اجزم اني رايت....(تخيلت كثيرا) تلك الزهرة التي تأتي نضرة....و "زهرة"...تنتظرها لتذبل في صمت....و "زهرة"...تأبي أن تسكنها في اي مكان سوي القلب....المكان الذي يليق بها

جميلة تلك المفردات التي نصر انها تنتمي لعالم نفهمه نحن

رائعة تلك الحكايا التي تكمن خلفها

سلمت يداك...مغتربة

و تحياتي لكل من رسم دائرة هنا و جعلنا نقف في منتصفها نتأمل عالما طالما رسمه بمفرده....حينما كنا أنقي

مساءكم....تفاصيل قديمة....لكنها تسكن مكانا خاصا في الذاكرة

[لماضة مصرية جدا]

طيب و لنبدأ الاعترافات الليلية

اول بطاقة شخصية اعملها في حياتي....عادتي اني مبحبش اي مستندات رسمية....و بحس ان وجودي في الحياة مش لازم ليه مستند...ممزقة تماما....و البيانات شبه ممحية....بس بتفكرني انها اول مرة اخش مصلحة حكومية....و الراجل يبص في وشي و يقولي....شكل فصيلة دمك A....و لا تحاليل بقي و لا وجع دماغ

بندقية....رش...محدش تقريبا بيستخدمها دلوقتي...بس دي كانت التطور الشيطاني بتاعي انا و اخويا بعد النبلة)

دي بتاعت اخويا اللي بحبه جدا....بس في مرة جت في خده رصاصة"رش" و كانت قريبة جدا من عينه

ساعتها....كان المشهد متلاحق جدا...من مشهد اخويا و هو بينزف....من بابا و هو بيجري....من جهلي باللي حصل...بس فاكرة ان ربنا سلم....و ساعتها انا وهو اخدنا زعيق بعمرنا

النجوم المعدن...اللي بيسموها دبورة و لا ايه اللي بتتعلق علي كتف الظباط....بابا كان في حرب 73 و كان دايما يحكيلنا عنها....كنا بنسيب الفرجة علي فيلم بدور و نقعد نسمع عن العبور...و الدبابات....بحب افترك بابا....لما بيحكي...و بحب افتكره لما كان شبه عمر الشريف...و دي صورة قديمة ليه بحبها جدا و باخدها معايا منين ما بروح....الشعر الكثيف...العيون العميقة...حدة الملامح و الشخصية القوية

بماسبة ان احنا وصلنا لعمر الشريف...فاكرين فيلم "نهر الحب"....كان فيه مشهد فاتن حمامة بترقص فيه علي انغام بتاعة صغنتتة كده...باليرينا علي قرص مدور

اهي دي عندي و محتفظة بيها في مكان سري جدا....و بفتحها و بتكسف كل ما افتحها...و بحس اني بعمل حاجة غلط...بس لسه محتفظة بيها

كانت هدية...من.."...." في الجامعة...ادهاني مع وعد بالارتباط

اعتذرت عن الطلب و الهدية باستحياء.....

سافر بره مصر

و بعتلي الهدية مع اعز الصديقات....و كارت صغير

"هتفضلي دايما نجمة في السما....و هتفضلي دايما في قلبي"

كارت فرح....اعز صديقة ليا....منساشي فرحتها لما كانت جايبة الكارت...و منساش برضه انها حضنتني و بكت...و قالتلي هتوحشيني....(طبعا بعدها علاقتنا اتغيرت كتير عن الاول)

ميدالية...ع شكل خنجر من اليمن....بتفكرني باحلي بنات اتعرفت عليهم(حوالي 5 سنين فاتوا)...لما قولتلهم يعني دي مش رجالي شوية....قالولي....لا عشان تجمدي في الدنيا شويتين

لو هنتكلم عن الصور....يبقي الحوار مش هيخلص

بس فيه صورتين بحبهم جدا

كان عندي اربعين يوم....ماما بتحبها عشان بشرة خير....سافرنا اول مرة السعودية

الصورة التانية.....كان عندي 3 سنين....منكوشة اخر حاجة...و لسه قايمة من النوم....و ماما اصرت تصورني و انا في حضن طنط سميحة "الله يقدس روحها"...كان احساس طنط في الصور عالي اوي...زي حضنها كده....كانت بتاخدني في حضن....و كانها بتدوس علي زرار ياخدني لعالم سحري...فيه كل حاجة

الصورة طالعة حلوة....(انا اقرب لاطفال الشوارع...طنط سميحة...اقرب للملايكة)

مش هتصدقوني لو قولتلكم....بجد....حاسة بحالة دفا غريبة عمتلة تمشي جوايا....لمجرد اني افتكرت الحاجات دي معاكم

ميرسي يا مغتربة

مساااكم....حنين

[MOOOM]

السلام عليكم و رحمة الله و بركاته

كنت داخلة التوبيك....و عايزة ارغي كالمعتاد....بس حسيت اني قعدت مع كل حد من حضراتكم...و خلتونا نعيش معاكم....ذكريات دافية....من ركن دافي في حياة كل منكم

مصدقة انا دايما ان فيه تفاصيل تجذب السعادة....التفاصيل الصغيرة دي....لا احد قادر علي قراءتها سوانا

و قد يمر بها الاخرون و يرون أنها عبء علي الامكنة....و لا يدركون...انها تستدعي خصوصية في القلب...ان لها بريقا يلتمع...حين نهرب اليها من الصخب

و حين نفتش عن ملامحنا....و نبحث عمن كنا يوما.....و نتساءل كيف اصبحنا هكذا اليوم

راقني صندوق....الذكري....و راقتني اكثر تفاصيله

و ابحرت كثيرا مع استاذنا اركتيكت....حين ذكر..."خطابات...المشاعر الاولي"...و التي تتجدد بها المشاعر حين تتنافر الرءوس

و تنقلت مع استاذ التونسي....بين المفردات الخاصة...و التي تزداد حميمية

و حملتني "زهرة الجبل"...إلي عالم سحري....و كأني أراها تأخذني من يدي....لتحكي لي قصة تقبع ساكنة وراء تفاصيل صغيرة....مكتوبة علي هامش الحياة

اكاد اجزم اني رايت....(تخيلت كثيرا) تلك الزهرة التي تأتي نضرة....و "زهرة"...تنتظرها لتذبل في صمت....و "زهرة"...تأبي أن تسكنها في اي مكان سوي القلب....المكان الذي يليق بها

جميلة تلك المفردات التي نصر انها تنتمي لعالم نفهمه نحن

رائعة تلك الحكايا التي تكمن خلفها

سلمت يداك...مغتربة

و تحياتي لكل من رسم دائرة هنا و جعلنا نقف في منتصفها نتأمل عالما طالما رسمه بمفرده....حينما كنا أنقي

مساءكم....تفاصيل قديمة....لكنها تسكن مكانا خاصا في الذاكرة

بصراحة ورغم روعة العنوان الذي قدمته الأخت مغتربة .. فلا يقل روعه عن تعليقك الرائع

[م تيمور المراغي]

السلام عليكم و رحمة الله و بركاته

كنت داخلة التوبيك....و عايزة ارغي كالمعتاد....بس حسيت اني قعدت مع كل حد من حضراتكم...و خلتونا نعيش معاكم....ذكريات دافية....من ركن دافي في حياة كل منكم

مصدقة انا دايما ان فيه تفاصيل تجذب السعادة....التفاصيل الصغيرة دي....لا احد قادر علي قراءتها سوانا

و قد يمر بها الاخرون و يرون أنها عبء علي الامكنة....و لا يدركون...انها تستدعي خصوصية في القلب...ان لها بريقا يلتمع...حين نهرب اليها من الصخب

و حين نفتش عن ملامحنا....و نبحث عمن كنا يوما.....و نتساءل كيف اصبحنا هكذا اليوم

راقني صندوق....الذكري....و راقتني اكثر تفاصيله

و ابحرت كثيرا مع استاذنا اركتيكت....حين ذكر..."خطابات...المشاعر الاولي"...و التي تتجدد بها المشاعر حين تتنافر الرءوس

و تنقلت مع استاذ التونسي....بين المفردات الخاصة...و التي تزداد حميمية

و حملتني "زهرة الجبل"...إلي عالم سحري....و كأني أراها تأخذني من يدي....لتحكي لي قصة تقبع ساكنة وراء تفاصيل صغيرة....مكتوبة علي هامش الحياة

اكاد اجزم اني رايت....(تخيلت كثيرا) تلك الزهرة التي تأتي نضرة....و "زهرة"...تنتظرها لتذبل في صمت....و "زهرة"...تأبي أن تسكنها في اي مكان سوي القلب....المكان الذي يليق بها

جميلة تلك المفردات التي نصر انها تنتمي لعالم نفهمه نحن

رائعة تلك الحكايا التي تكمن خلفها

سلمت يداك...مغتربة

و تحياتي لكل من رسم دائرة هنا و جعلنا نقف في منتصفها نتأمل عالما طالما رسمه بمفرده....حينما كنا أنقي

مساءكم....تفاصيل قديمة....لكنها تسكن مكانا خاصا في الذاكرة

بصراحة ورغم روعة العنوان الذي قدمته الأخت مغتربة .. فلا يقل روعه عن تعليقك الرائع

فعلا يا ريهام اول مره تتكلمي ونشوف شكلك الحقيقي

من غير القشره الخارجيه الخداعه الغلباويه اللي مصدعانا بيها دي ,, :happy:

دي من اجمل المشاركات اللي قريتهالك ,,

[المهندسه]

يا مغتربة .. أنا رحمة مقارنة بأختي.. أسهل حاجة عندها ترمي في سلة المهملات

يهديكِ .. يرضيكِ .. مفيش فايدة

اللي عايز حاجة يخبيها قبل ما تبتدي الغارة.. قصدي الترويق

هو اختك دى قريبه جوزى ؟؟؟؟بيرمى اى حاجه فى وشه لدرجه انى لما الاقى اختفى شويه اروح جرى على الزباله ابص رمى ايه ...والله لاقيت مره رامى صورنا كانت ليلى طلعتهم من محفظتى و انا مش واخده بالى و هو ما شاء الله عليه بيرمى من غير مايبص خاالص خااالص وساعات يقعد يدور على ورق شغله ولما ما يلاقيهوش يعرف انه خده فى رجليه بالغلط

[ذهبية]

رجع بيا الزمن لورا لاحلى ايام عدت بسرعة

احتفظ باول شريط لمحمد فؤاد كان يحمل ليا احلى الذكريات

احتفظ بصور اول رحلة فى الجامعة فى وسط اجمل اصدقاء

اول هدية جت ليا من اول ما دق على باب القلب

احنفظ باجمل فساتين ليا و كل فستان لة ذكرى فى نفسى و كل ما احاول اطلعة لاى حد يصعب عليا ذكرياتى ارجعها تانى مكانهابعد ما ا

اشوف اجمل ابتسامة على احلى ايام شهدتها تلك الفساتين

كل صور لعائلتى و احنا ضغيرين

لبس اولادى و مش هاين عليا اديهم لاى حد

اجندة تحمل مذكرات يومية لسنوات سابقة فيها تفاصيل دقيقة عن حياة يومية لاكثر من تلات سنوات

عندما افتحها اتذكر تفاصيل دقيقة لاحداث تاهت فى حياتى واشعر و انا اقرها انى اشاهد فيلم يوم حلو ويوم مر اضحك و ابكى فى نفس الوقت على ايام سعيدة و ايام تعيسة

تشابكت معا لتصنع قصة حياة انسانة هى انا

[عنبو]

انا مدمن الاحتفاظ بالاشياء لدرجة انا فى يوم جمعت علب السجاير لمدة عامين

اقدم حاجه احتقظ بيها

صورة والدى الله يرحمه وهو فى العشرين ايام لما كان بلعب فى الترسانه

فيه برده كارت التأمين الصحى بتاعى وانا فى الابتدائى بس الحمد لله مكنتش لابس المريله

كتب والدى الله يرحمه كتب قديمه قوى

شهادة ميلادى برده

كتبى ايام الدراسه كانت موجوده عندى لحد فتره قريبه بس راحت مع حركة تغير

[sherifff]

الكمبيوتر بتاعى من سنة 1998 بنتيم 2

[nightmare]

انا للأسف معنديش الهواية دي , دائما وابدا عندي حب التغيير , حب التغيير في كل حاجة واى حاجة

لكن والدي ربنا يديله الصحة والعافية بيحب الهواية دي جدا من صغره وعامل خزنه في المكتبه فيها كل ذكرياته وذكرياتنا احنا كمان معاه

فكرتونى باول مرة افتح فيها الخزنة دي اثناء سفره وانا في الثانوية وبعد محايله ودلع لوالدتى علشان تدينى المفتاح وبعد موافقتها طبعا فتحت الخزنة واطلعت على كل اللى فيها لقيت حاجات كثيررررررر قوي جميلة منها مثلا

لقيته عامل البوم صور كامل ليه هو شخصياً من اول ما كان في الإبتدائية لحد الجامعة وكل صورة كاتب تحتها اتصورت فين وايه ظروفها ومين اللى معاه فيها من اليمين للشمال وصوره هو وجدي وجدتى

لقيت البوم تانى فيه صور طفولة العبد لله واخواته جميعا واحنا صغيرين , منهم صورة لى وانا عندي سنتين وواقف على كرسي الانتريه ورافع ايدي الاثنين ومبتسم للحياة مش عارف ليه , ومنهم واحدة وانا برضه وانا عندي سنتين وماسك قرص طعمية باكله ( فقر من يومي )smk:

اجمل حاجة لقتها في الخزنة حوالى 15 اجندة بداية من سنة 1975 الى سنة 1990 , مرتبين جدا ولما مسكت اجندة سنة 1981 اللى اتولدت فيها لقيت ان والدى كان عنده هواية كتابة مذكراته يوم بيوم , احتفظت بالاجندة دي لمدة اسبوع كامل وسبت المذاكرة وقعدت اقرا كل حاجة كتبها في السنة دي وتخيلوا بقي لما وصلت لليوم اللى اتولدت فيه ولقيته كاتب تفاصيل الولادة بدقة وايه اللى حصل في اليوم ده كاملا وراح مستشفي ايه وكيف تمت عملية الولادة ومين اللى راح معاه , كل حاجة بالساعة والدقيقة

الأغرب بقي انه لقيته كاتب في الاجندة كالتالى ( وقد شرف اببنا الغالي ..... ) وكاتب اسم تانى غير اسمى , فجريت على والدتى اقولها مين ده , قالتلى هو كان مسميك كده في الاول بس الدكتور بعدها اصر على تسميتك على اسمه هو لانك اول ولد يتولد على ايده من ساعة ما اتخرج , ووالدك وافق بالعافية, وفعلا بعد ما قلبت كام صفحة لقيته كاتب الكلام اللى قالته والدتى

وتضحكوا بقي وهو في الصفحة اللى بعدها كاتب مين اللى جه نقط وفلان جاب ايه وفلان نقط بربع جنيه وعلان نقط بنص جنيه ومش عارف مين جابت دستة جاتوه ومين جابت كام كيلو سكر وكام فرخة, بقيت قاعد ميت على نفسي من الضحك:D

ولقيت ايه تانى يا واد يا نايتى

حاجة برضه اسعدتنى جدا , كل شهاداتى الدراسية في الإبتدائية لقيته محتفظ بيها حتى تقارير المعلمين عنى ومحتفظ لي بكراسة الرسم بتاعتى وانا في اولى ابتدائي , بصراحة حاجة تحفة

فكرتوني باجمل ذكريات وربنا يبارك في الحاج ويديله الصحة انه لسه الى الآن محتفظ بكل الحاجات دي.

مع تحياتي

تم تعديل 27 نوفمبر 2010 بواسطة nightmare

[masraweya]

السلام عليكمظ

جزاكم الله خيرا يا مغتربة على الموضوع الدافي ده

عن نفسي .. أحب أمشي في الدنيا خفيفة .. الحاجة اللي تستاهل بحفرها في عقلي و قلبي

اللي ما تستاهلش shift+ delete

بس عندي كراستي و انا عندي 5 سنين ... خطي كان جميييييييييييييييييييل ..مش عارفة إيه اللي جراله

مرة قعدنا مع ماما نفرز هدومنا و احنا صغيرين .. كانت لسة محتفظة بيهم و نادرا ما تديهم لحد .. المهم بعد محايلة أقنعناها تحتفظ ب طقمين أو تلاتة بالكتير لكل واحد و الباقي يروح لاصحاب النصيب .. تصدقوا لما شفت ناس تانية لابساهم و للأسف مبهدلاهم .. ما زعلتش عشان معدتش حاسة انها حاجتي .. ماما اللي اتأثرت جدا

بابا الله يرحمه كان عنده شقة جنب شغله و فضلت مقفولة بعد وفاته .. قررنا في يوم نأجرها بدل قفلتها و رحنا ننضفها .. لقيت مذكراته في الفترة اللي قبل ما يتزوج .. من أيام الجامعة.. الباقي كانت ماما شايلاه مع حاجاته في الشنط .. متعة فعلا انك تقرا حياة تانية .. سلوبه رشيق جدا و أدبي جدا جدا رغم انه كان علمي جدا جدا جدا

فرحته بينا و زهقه من شقاوتي أحيانا .. افتقاده لنا في السفر مهما قصرت المدة

ربنا يرحمه و يدخله الجنة و موتانا و يجمعنا في الفردوس الأعلى

[pink rose]

كالعادة يا مغتربة مواضيعك دايما بتمس القلب

باحتفظ بالحاجات اللي ليها ذكرى حلوة اوي في قلبي

يعني نجيب من الاقدم

شهادتي بتاعت رابعة ابتدائي لاني كنت طالعة الاولى على المدرسة

ورق امتحانات الشهور في مادة العلوم بتاعت سنة اولى و تانية اعدادي

كراستي بتاعت التاريخ في الاعدادية كانت حاجه بجد تحفة بشهادة كل اللي يشوفها

طبعا شهادات اخر السنة لمعظم السنين الدراسية

بطة بتعمل موسيقى جميلة اوي كانت بتاعتي و انا لسا بيبي طبعا دي مريم امنية حياتها تخربها بس بعينها

عندنا راديو صغنن دا اكبر مني بشهرين كده الكل في البيت عند ماما بيحافظ عليه على اد ما يقدر

و يا سلام لو البطارية خلصت الكل يتسابق عشان يشتريله بطارية جديدة لان الراديو دا ماما بتحطه جنب مخدتها عشان تسمعه قبل ما تنام و اول ما تصحى من النوم

الايميلات اللي كانت بيني و بين جوزي من اول ما اتعرفنا ببعض

طبعا ايميلات دا التطور الطبيعي للجوابات :closedeyes:

بس الحقيقة جوزي طبعها عشان نحتفظ بيها ورق كمان

الصور بقى دي حاجه تانية خالص

عندي صور سبوعي و ملونة كمان

صورة ليا و انا عمري 6 شهور قمر يا ناس و الله بجد بيبي امورة و بيضا و كلبوظة كده و خدود حمرا تتاكل اكل

صور كتير بقى في مراحل عمرية مختلفة

محتفظة بورقة تحليل الحمل بتاعي في مريم

محتفظة بالبتاعة البلاستيك دي اللي بيحطوها في ايد الام و البيبي بتاعت المستشفى

اللي كانت في ايدي لونها ازرق و اللي كانت في ايد مريومة لونها بينك

محتفظة بسبوع مريم حتى الشمع كمان بتاعها

ذكريات جميلة

ميرسي كتير يا مغتربة

تم تعديل 27 نوفمبر 2010 بواسطة remo

[مغتربة]

بشكركم جميعا فردا فردا باسمه

انا مكنتش متصوره ان موضوعى المتواضع دا هيطلع منا كلنا كل الذكريات الدافيه دى

كل مداخله كنت بشوف فيها حاجه منى

الاوتوغرافات الشهادات كتب الدراسه القديمه الصور

نفس التفاصيل الصغيره الى كنا بنعتقد ان محدش غيرنا بيحتفظ بيها او بيحن اليها

هو احنا شبه بعض اوى كدا

و لا الانسان عموما بيشترك مع الاخريين فى صندوق ذكريات واحد

من غير ما طول اسعدنى مروركم جميعا بلا استثناء و حابه اسمع نكم اكتر من كدا

علشان نكتشف اكتر اد ايه احنا متشابهيين حتى و ان كنا بنظن عكس ذلك

:clappingrose:

[رضوي]

يااااااااااااه

أقدم حاجة عندي ؟؟؟؟؟؟؟

أقدم حاجة بتاعتي وانا صغيرة ........ صوري وانا لسة مولودة ......... وكارت السبوع بتاعي

مولود سعيد

وقيدوا شموعي ليلة سبوعي

واسمي وتاريخ الميلاد .................

وعلبة السبوع نفسها

طبعاً ليهم عندي مكانة خااااااااااااصة جداً

أقدم حاجة بقي من حيث العمر

كارنيه جدو بتاع الشغل

وصورة قدييييييييييمة لبابا وهو عنده اربع سنين

وطوابع بوستطة بتاعت جدو كان بيحب يحتفظ بيها .......... وكانت نصيبي م الميراث

بس عن نفسي بحب اجمع العملات الاجنبية والمصرية علي السواء

( لسة محتفظة بالخمسة ساغ والعشرة ساغ والريال .............. دول م الأثريات دلوقتي )

[باهى الطائر الحزين]

اقد حاجه احتفظ بها هى..

ظل ثقيل لشخص يلازمنى منذ ولادتى

فهل لديكم طريقه جيده للتخلص منه

*******الف عام وانتم بخير*******

[م تيمور المراغي]

اقد حاجه احتفظ بها هى..

ظل ثقيل لشخص يلازمنى منذ ولادتى

فهل لديكم طريقه جيده للتخلص منه

*******الف عام وانتم بخير*******

اتصل ب 140 دليل يا فندم ,,

اورفعت اسماعيل ايهما اقرب ,,,

[زهرة الجبل]

يااااااااااااه

أقدم حاجة عندي ؟؟؟؟؟؟؟

أقدم حاجة بتاعتي وانا صغيرة ........ صوري وانا لسة مولودة ......... وكارت السبوع بتاعي

مولود سعيد

وقيدوا شموعي ليلة سبوعي

واسمي وتاريخ الميلاد .................

وعلبة السبوع نفسها

طبعاً ليهم عندي مكانة خااااااااااااصة جداً

أقدم حاجة بقي من حيث العمر

كارنيه جدو بتاع الشغل

وصورة قدييييييييييمة لبابا وهو عنده اربع سنين

وطوابع بوستطة بتاعت جدو كان بيحب يحتفظ بيها .......... وكانت نصيبي م الميراث

بس عن نفسي بحب اجمع العملات الاجنبية والمصرية علي السواء

( لسة محتفظة بالخمسة ساغ والعشرة ساغ والريال .............. دول م الأثريات دلوقتي )

فكرتيني و الله يا رضوى

أنا كمان والدتي ربنا يبارك لي بعمرها .. محتفظه بعلبة من بتوع السبوع بتاعتي

و بداخلها كرت صغير جدا عباره عن ورقه مكتوب عليها أنا جيت نورت البيت

بس دي مع ماما .. بشوفها كده في الزيارات لما بتوحشني

تحياتي

[باهى الطائر الحزين]

اقد حاجه احتفظ بها هى..

ظل ثقيل لشخص يلازمنى منذ ولادتى

فهل لديكم طريقه جيده للتخلص منه

*******الف عام وانتم بخير*******

اتصل ب 140 دليل يا فندم ,,

اورفعت اسماعيل ايهما اقرب ,,,

Thanks for secretary