و بالليل هات نفس يا سامي

[MZohairy]

http://www.youtube.com/watch?v=8A-XbabbryM&feature=player_embedded#!

عينى على اهل كايرو لبط ابنها مين يسايروا

الكل عامل مثالى ونزلين فى بعض يعايروا

ياما البدل بتدارى سلطة ومحدش دارى

هنا حرامى قالوا عصامى عامل فيها للشرف محامى

هنا فلاتى قال شعاراتى وبالليل هات نفس ياسامى

كان اللى يغلط على راسوا بطحة بقى النهارده ياعينوا ياجبايره

عينى عينى ياعينى على اهل كايرو

انا ليا طلب عندكم والنبى علشانى

فى حد معاه تليفون دكتور نفسانى

اصل العيشة دي معلش همبكة كدب مالوش داعى

وكلوا لابس وش المصلح الاجتماعى

ياما البدل بتدارى سلطة ومحدش دارى

هنا حرامى قالوا عصامى عامل فيها للشرف محامى

هنا فلاتى قال شعراتى وبالليل هات نفس ياسامى

كان اللى يغلط على راسوا بطحة بقى النهارده ياعينوا ياجبايره

عينى عينى ياعينى على اهل كايرو

سأقوم بتحليل اللحن المميز جدا لوليد سعد و أداء المقتدر الجسمي و المميز ايمن بهجت قمر قريبا

[MZohairy]

الثلاثي اللي قام بهذا العمل

هم وليد سعد تلحينا

ايمن بهجت قمر تأليفا

و حسين الجسمي غناء

بصراحه لا أستطيع ترتيبهم من حيث الإجاده

كلهم تفوقوا على انفسهم من الناحيه الفنيه

و اجد نفسي مضطرا للبدء بالجبار حسين الجسمي

فانتظروني

[التونسى]

الاغنيه دى فى الموبايل بتاعى تندرج تحت بند most played song ever

اجتمعت فيها كل عناصر النجاح والجذب...وثلاث عبقريات تلاقوا فيها .. كلمات فـ لحن فـ غناء ,, وانتهاءا بالفيديو كليب اللى هوا اشبه ب برومو للمسلسل ((الغير)) اهل كايرو

أيمن بهجت قمر .. الكتابه بطريقة السهل الممتنع وقال على اللى فيها من الاخر .. كلمات مباشره مركزه كاشفه .. وكأنها مرأه وضعها امام الجميع ليروا الحقيقه

وليد سعد .. ابن الاسماعيليه الموهوب .. رغم صغر سنه .. فقد ولد عملاقافى التلحين .. وهو لمن لا يعرف ابن مطرب مشهور فى الاوساط الاسماعلويه اسمه حسن سعد .كان له شريط فى منتصف الثمانينات ينعى فيه محمد حازم لاعب الاسماعيلى الكبير الذى توفى فى حادث سياره

وليد سعد يتميز بألحان شجنيه تداعب القلب بحنان ورقة وعذوبه .. واخر اعماله مع اللبنانيين وائل جسار ورضا تكشف ذلك بوضوح .. الى جانب تمتعه بصوت جميل وطربى .. واخيرا له أخ على ما اتذكر اسمه سعدى وهو مطرب صاعدواعد

الجسمى ..برغم عشقى لصوته الدافى الذى يحتضنك فى احتواء وحميميه .. الا اننى اعترف اننى لا استسيغ مطلقا سماع اغانيه بلهجة غير اللهجة العاميه.. هو متفوق وموفق فيها لدرجه مذهله اى اللغة العاميه المصريه .. من احلى اعماله ..قول رجعت ليه يا حبيبى .. سته الصبح .. وبحبك وحشتينى .. الفراق ..

[مغتربة]

اغنيه مسلسل اهل كايرو مذهله فعلا

فى كمان اغنيه مسلسل العار

http://www.youtube.com/watch?v=Q0Ka5KY64TE

و هى لنفس الثنائى ايمن و وليد

لكن الغناء لادم

و اعتقد ان صوت ادم كان لايق جدا عليها لانه بيجمع بين القوه و الشجن

موضوع جميل يا استاذ موزهيرى

تحياتى

[جويرية]

طيب ليه جملة ( هات نفس يا سامي ) مش بيكررها في المطع التاني

او بيسكت و بعدين يقول يا سامي علي طول

[pink rose]

كان اللى يغلط على راسه بطحة بقى النهارده ياعينه ياجبايره

الجملة دي بجد مالهاش حل

صح كان اللي يغلط زمان بيبقى مكسوف و مش عارف يودي وشه من الناس فين ما هو على راسه بطحة

لكن دلوقتي فعلا فعلا بقى يا عينه يا جبايره

كلمات الاغنية بجد اكتر من رائعة

[MZohairy]

اشكر كل من تفضل بدخوله الموضوع

و سأعقب على المداخلات لاحقا

حسين الجسمي من اقوى الأضلاع الثلاثة في هذا العمل في رأيي

صوت عريض المساحه بشكل غير طبيعي و يصل لأعلى النغمات الموسيقية و التي لا يصل اليها الا الأوبراليون السوبرانو

غير مساحة صوته الجباره فهو يجيد التحكم في صوته السليم بشكل خرافي و بمنتهى التمكن

يعني بيلعب زي ما هو عايز بكل ما تحتويه الكلمه من معاني

الأهم من كده ان اجادته أو نشأته في وسط الموسيقى الخليجية اثراه بمقامات و عوربات موسيقية خليجية لا تجدها في مطربي مصر و الشام و لبنان

حاجه كده زي الباريسيه التي تتكلم العربية بلكنه فرنسية فتجدها تنطق الراء غاء بطريقه مميزه

مميز جدا حسين الجسمي هنا

اكثر من رائع

و لنا عوده مع القنبلتين وليد سعد و ايمن بهجت قمر

[MZohairy]

طيب ليه جملة ( هات نفس يا سامي ) مش بيكررها في المطع التاني

او بيسكت و بعدين يقول يا سامي علي طول

ده نوع من فنيات التطريب

و ليس له اي علاقه بمعنى الجمله او مضمونها

[akramgroup]

طيب ياجماعه طبعا محدش يختلف على جمال الاغنيه وجمال اللحن والصوت

وان الاغنيه من كلمات المبدع الخارق من وجهة نظرى ايمن بهجت

بس انا كان ليا تحفظ على كلمات الاغنية والتحفظ الاكبر على ان

يجيبوا مطرب مش مصرى يغنى الكلمات دى عن اهل القاهرة

بصراحه رايى انه كان لازم مطرب مصرى هو اللى يغنيه

وتحيه للجميع

[MZohairy]

طيب ياجماعه طبعا محدش يختلف على جمال الاغنيه وجمال اللحن والصوت

وان الاغنيه من كلمات المبدع الخارق من وجهة نظرى ايمن بهجت

بس انا كان ليا تحفظ على كلمات الاغنية والتحفظ الاكبر على ان

يجيبوا مطرب مش مصرى يغنى الكلمات دى عن اهل القاهرة

بصراحه رايى انه كان لازم مطرب مصرى هو اللى يغنيه

وتحيه للجميع

خليني اوضحلك يا اكرم باشا ان الفن ليس له جنسيه

و ياما تقبلنا اغاني و حبيناها بالهجة المصرية (و احيانا اغاني وطنية تمجد في مصر) لصباح اللبنانية و فايزه السوريه و ورده الجزائرية و لطيفة التنونسية و سميره المغربيه

المطرب يؤدي اغنية مكتوبة و ملحنه بأفضل مايمكنه كمطرب

مثله مثل قارئ نشرة الأخبار او ختم تصديق الغرفة التجارية لا دخل له بمضمون الوثيقة

جنسيته او دينه او شكله لا دخل له بتقبلنا للأغنية منه

اشكرك

[جسار]

نسيت يا سيد موزهيرى نجاح سلام فى اشهر الاغانى الوطنية فى حب مصر وهى لبنانية الأصل

مصرية الهوى ، وانا معك فى ان الفن الاصيل ليس له وطن بدليل ان لو الناس بطلت شوية الشوفينية

اللى راكباها على الفاضى وعلى المليان من الممكن ان يستمتعوا بالفن الجميل حتى

ولو كان باللغة البنجلاديشية .

[MZohairy]

عايز اتكلم على الكلمات حيث ان البعض وصفها بالسوقية

خلينا نوضح الأول انه هناك فرق بين ان يكون الفن ملائما لثقافة وسط ما و بين ان يكون جميلا

فأغاني أحمد عدويه كلها قد لا تلائم مجتمع الجامعة الأمريكية

الا ان هذا لا ينفي كونها تحتوي على عناصر فنيه مرتفعة جدا لحنا و كلاما و اداءا

الركاكة هي الهبوط في غير محله زي حط النقط على الحروف و تعالى فوق الروف و نجله و الحصان و ما شابه

او الكثير من الأغاني الشعبيه التي لا تحمل اي جمال

لكن عندما يكون الكلام به بعض المفردات المقصوده للوصول الى معاني معينه و لشرح حاله معينه فهذا ليس إخلال بكل تأكيد

فالفن لا يشترط ان يكون جميلا الا اذا انحصر في الكلمات الرقيقة او الهاي كلاس اطلاقا

الفن يكون فنا جميلا اذا احسن التعبير عن المقصود (لحنا و كلاما و غناء)

[MZohairy]

اللحن بتاع وليد سعد لحن بسيط لكن فيه تفكير واضح

استعمل فيه مقامين موسيقيين اساسيين

النهاواند و الراست

الأول مقام ناعم هادئ

و التاني مقام مشطشط مشعلل مصهلل

لم يستعمل المقام الثاني الا في جملة (هنا حرامي قالوا عصامي عامل فيها للشرف محامي.. و تكملتها)

و الانتقال من المقام الاول للتاني ثم الرجوع للأول ثم الانتقال مره اخرى للثاني أمر يجعل المستمع في حالة تيقظ و ترقب دائمه

هادي ثم مصهلل ثم هادي ثم مصهلل و هكذا

الراجل حاطت في دماغه حسابات الملل عند المستمع و هو بيلحن

ايضا لا شك ان كم التوفيق في اختيار مقام الراست المصهلل لتلحين كلمات زي (حرامي عصامي فلاتي شعاراتي هات نفس يا سامي) لا جدال على انه اصاب و وفق بشكل غير طبيعي

لا استطيع ان انكر ان أداء الجسمي كان مثل القوام الساحر المرتدي لفستان جميل

فبدون هذا القوام الممشوق لن يظهر جمال الفستان الا قليلا