لمواليد التمانينات واواخر السبعينات

[amgadibrahim]

http://www.youtube.com/watch?v=qa38SyIcD6Q&feature=player_detailpage

[amgadibrahim]

http://www.youtube.com/watch?v=51g9ymYg5Bg&feature=player_detailpage

[amgadibrahim]

http://www.youtube.com/watch?v=SttmuVmuA8A&feature=player_detailpage

[Om Zayd]

موضوعين لذااااااااذ

صح ما اوعاش على كل اللي فيهم بس لحقت شوية

:closedeyes:

ذكريات..من زمن فات

[MohamedAli]

كانت ايام جميلة اوى والناس كانت عندها قناعة وكنا بنفرح بجد لحاجات تافهه جداً

ياسلام لما يقولوا هيجي فيلم الساعة 10 مثلاً وكنا نفضل قاعدين لحد الساعة 12 ونص نحفظ في الاعلانات لحد مايجي الفيلم نتفرج نص ساعة وبعدين نفاجئ بقطع الفيلم عشان احداث 24 ساعة ... احباط!

ودي اعلانات بالتأكيد كل مواليد هذا الجيل حافظينها

عرفة الجامع - الواد كان عنده حق

http://www.youtube.com/watch?v=sVHzOmeJLhY

شيكولاتة جيرسي واكلة الجو

http://www.youtube.com/watch?v=OpN4s4mx-zk

[MOOOM]

صحيح يعني الناس بتوع أوائل أو منتصف السبعينيات دول ملهمش نصيب .. راحت علينا خلاص [ هناخد زمانا وزمن غيرنا ] ؟؟

بس بجد موضوع لذيذ جداً .. ومن أميز الصور إلي عجبتني أوي هيا صورة القرد إلي بيتشقلب [ الموجودة في أول مشاركة ] لأني كان عندي واحد أحمر في أصفر والأتاري والبلي والنحلة .. وكان أخويا الكبير يضحك عليا دوماً وياخد مني البلي الكبير ويديني الصغير .

على فكرة أنا لسة من أسبوع بس اشتريت نحلة والحبل بتاعها [ بخمسة جنيه ] وحبيت أفرجها لأبني بس مفتكرتش بيتلف الحبل عليها إزاي .. وتاني يوم لاقيته راميها من الشباك وأقنعني أن السبب في رميها أن سنها ممكن يعور أختي الصغيرة .. بصراحة اقتنعت غصب عني لأنها اترمت خلاص .

ومن الحاجات إلي لسة محتفظ بيها .. أعزكم الله [ جزمة ] مش فاكر اسمها بس كان بيلبسها عمرو دياب .. تقريباً [ كيكرز ] كنت شاريها 300 جنيه وقعدت ألبس فيها سنة ونصف لغاية لما رجلي ورمت وفقفقت منها ولا كانت بتتقطع ولا بتدوب بس كان عيبها الوحيد أن أمي كانت بتخليني أقلعها بره الشقة لأن كان بيطلع منها ريحة نفس ريحة تابوت بيتفتح بعد 4000 سنة .. وتقريباً كانت كل يوم وأنا راجع البيت تسمعني عبارة [ كان يوم أسود يوم مشتريت الجزمة دي ] ولغاية دلوقتي مش عارف كان قصدها علشان سعرها ولا علشان ريحتها .

وكان زمان فيه برنامج أطفال اسمه [ عدنان ولينا ] لغاية دلوقتي بجيب حلقاته من على النت وبتفرج عليها [ طفولة متأخرة ] وكان في الخليج فيه مشروب اسمه [ ديكسي ] مش فاكر كان طعمه إيه بس هوه كان حاجة كدة كانز زي البيبسي .. وتقريباً مكنتش أعرف حاجة غيره .

ومن الذكريات السعيدة والمؤلمة أيضاً .. نوتة التليفونات المغناطيس دي .. كان الوش لأرقام البنات والظهر لأرقام الأولاد ، رغم أنها ملهاش وش من ظهر .. والمؤسف فيها إنها وقعت في أيد مراتي أول سنوات الجواز وكان يوم ميعلم بيه إلا ربنا .. بس بصراحة كانت أيام ولا أحسن منها ولغاية دلوقتي ساعات بفتحها وأتفرج على الأسماء الموجودة بها [ بس أنا شايلها طبعاً عند أمي في البيت دلوقتي ] للحفاظ على الآثار ومنعاً من الاعتداءات الآثمة عليها.

[عطر الجنة]

و بما انى من مدمنى الكوكا فانا دايما ببحث عن اعلانتها قديمة و جديدة لكنى بحس ان الاعلان ده كنه اعلان تعليمى

http://www.youtube.com/watch?v=IVv-nH3FzYI&feature=related

[ozoozo]

صحيح يعني الناس بتوع أوائل أو منتصف السبعينيات دول ملهمش نصيب .. راحت علينا خلاص [ هناخد زمانا وزمن غيرنا ] ؟؟

بس بجد موضوع لذيذ جداً .. ومن أميز الصور إلي عجبتني أوي هيا صورة القرد إلي بيتشقلب [ الموجودة في أول مشاركة ] لأني كان عندي واحد أحمر في أصفر والأتاري والبلي والنحلة .. وكان أخويا الكبير يضحك عليا دوماً وياخد مني البلي الكبير ويديني الصغير .

على فكرة أنا لسة من أسبوع بس اشتريت نحلة والحبل بتاعها [ بخمسة جنيه ] وحبيت أفرجها لأبني بس مفتكرتش بيتلف الحبل عليها إزاي .. وتاني يوم لاقيته راميها من الشباك وأقنعني أن السبب

يا اخوانا الله يخليكم ماتبوظوش التراث

الحبل ده اسمه القطان

والنحله اسمها جعران

وكنت بشتريها زمان بخماستشر قرش

ايه مفيش حد حوارتجي غيري هنا ولا ايه ؟

[MOOOM]

لا مؤاخذة يا يا عم [ زاحي حواس ] اسمه قطان مش حبل .. حلو كدة ؟؟

أنا مقدرش على زعلك ..

بس بجد إيه [ حوارتجي ] دي ؟؟ معناها إيه ؟؟ عدو ولا صديق يعني ؟؟ مدح ولا ذم ؟؟

بس سيبك أنت .. الحاجة إلي تحسر أن بجد دي كانت كل أحلامنا .. ألاقي ابن اللذين ابني دلوقتي ولسة مطلعش من البيضة وعاوز تليفون نوكيا بكمرتين ؟؟؟؟؟؟؟؟؟؟ أقولو أجيبلك شيبسي مكانه .. يقولي طيب .. وبعد لما الشيبسي يخلص .. يرجع تاني يقولي عاوز التليفون

[amgadibrahim]

ده ملخص لمعظم ذكريات مواليد الثمانينات أكيد هيعجبكم

http://www.youtube.com/watch?v=baw_lTJHJ3U&feature=player_detailpage

[amgadibrahim]

http://www.youtube.com/watch?v=YCABNaUtDC0&feature=player_detailpage

[se_ Elsyed]

يا اخوانا الله يخليكم ماتبوظوش التراث

الحبل ده اسمه القطان

والنحله اسمها جعران

وكنت بشتريها زمان بخماستشر قرش

ايه مفيش حد حوارتجي غيري هنا ولا ايه ؟

لكنك الان تحرق أغصان الزيتون

قصدي بتلغوص في التاريخ عامداً متعمداً

النحلة غير الجعران

النحلة بتبقى مطوله شويه

الجعران نفس النحلة بس مدكوك

محسوبك حورتجي ودٌُقرم من صُغري ...

بعد موسم الأمتحانات ما كان بيخلص .. كان بيبدأ موسم لعب البلي .. فكان محسوبك رأسمالي بابرجوازي متسلق ... اه والله .. كنت حريف جداً وبأكسب والقاشية معدن .. وعندي ثروة تقدر بمئات البليات .. فكنت بأبيع للمحلات .. وابيع للعيال اللي معايا .. وعشان ابويا كان إشتراكي ومن طبقى البلوريتاريا الإشتراكية .. فكان محرمني أدخل البلي البيت ... فكنت أشوف مكان بعيد وافحت لهم وأتاويهم وأطلع منهم وقت الحاجة ...

لكن النحل ونوا المشمش ما كانش بيأكل عيش ... وما كانش ليه فيه قوي ..

----------

دي صورة النحلة ومش هاتصدقوا لما أقول لكم على مفاجأة بس شوفوها وتأملوها كويس

تصدقوا إن النحلة دي وجدوها في قبر توت عنخ أمون

فيا إما :

1- جدو توت كان حورتجي وإحنا طالعين له

يا

2- كان في عيل بيلعب بالنحلة دي في الأقصر فأتدحرجت منه ونزلت في مقبرة توت عنخ أمون وجه كارتر بتاع الإكتشاف لقاها جنب جث جدو توت

وإن كنت كأثري ومويا قديم أرجح الإحتمال الأول

[se_ Elsyed]

و بما انى من مدمنى الكوكا فانا دايما ببحث عن اعلانتها قديمة و جديدة لكنى بحس ان الاعلان ده كنه اعلان تعليمى

http://www.youtube.com/watch?v=IVv-nH3FzYI&feature=related

إعلان ما لوش حل

احلى جُملة عجبتني

كوكا كولا ده طاهر .. وهايفضل طول عُمره طاهر ههههههههههههههههههه

[عنبو]

احنا كنا بنسمى النحله الدبوووووووووور والعيال بتوع القاهره هما اليى كانوا بيقولوا عليه نحله

انما القطان كان اسمه قطان برده مافيش مشاكل

انا بقضى اليوم كله فى الشارع وكنت بفكر اعمل عشه فى الحوش الي قدام البيت يعنى واستقل بنفسى

بس اصحابى نصحونى انه فيه عفاريت فى الحوش بتاعنا فرضخت ليهم فى البيت انى انام جوه البيت

[ozoozo]

لا مؤاخذة يا يا عم [ زاحي حواس ] اسمه قطان مش حبل .. حلو كدة ؟؟

أنا مقدرش على زعلك ..

بس بجد إيه [ حوارتجي ] دي ؟؟ معناها إيه ؟؟ عدو ولا صديق يعني ؟؟ مدح ولا ذم ؟؟

بس سيبك أنت .. الحاجة إلي تحسر أن بجد دي كانت كل أحلامنا .. ألاقي ابن اللذين ابني دلوقتي ولسة مطلعش من البيضة وعاوز تليفون نوكيا بكمرتين ؟؟؟؟؟؟؟؟؟؟ أقولو أجيبلك شيبسي مكانه .. يقولي طيب .. وبعد لما الشيبسي يخلص .. يرجع تاني يقولي عاوز التليفون

حوارتجي يعني تربيه حواري

ياراجل شيسي ايه وبتاع ايه العيال معتبره الشيبسي والعصير والحاجات دي حق مكتسب زي الاكل والشرب العادي يعني لامكافأه ولا حاجه

ده انا يامؤمن وانا صغير ماكانتش بشوف العصير ده غير لما اكون مضروب علقه محترمه بالشبشب البلاستيك ابو صباع اللي بيلسوع ده واقعد اتفلق من العياط لغايه مايجوا يصالحوني بالبست المعفن بتاع زمان ده ابو شفاطه ضيقه ...حد فاكره؟

تم تعديل 12 يونيو 2011 بواسطة ozoozo

[spain]

و بما انى من مدمنى الكوكا فانا دايما ببحث عن اعلانتها قديمة و جديدة لكنى بحس ان الاعلان ده كنه اعلان تعليمى

http://www.youtube.com/watch?v=IVv-nH3FzYI&feature=related

مين بقي اللي بيزور في التاريخ يا بونابرت

انا مش ممكن اكون شفت الاعلان المطول قبل كده

ده من ايام الممثلين الخشب

خشوا علي المفيد

http://www.youtube.com/user/babtin?blend=24&ob=5

كنت بانزل في العيال ضرب

[MOOOM]

والله يا استاذ ozoozo أنت صعبت عليا أوي من العلقة السخنة إلي قلتها .. يعني على كدة ممكن نحسب أنت شربت كام علبة بست أبو شفاطة ضيقة .. وعلى أساسة نعرف أنت أخذت علقة كام مرة ؟؟؟؟؟؟؟

على فكرة .. ممكن نخلي الموضوع بعنوان ذكريات الأعضاء .. لأنه بصراحة فيه مشاركات جميلة جداً وتعليقات أجمل .. وبترجعنا لأيام بجد مفضلش منها غير الذكريات وهي أحلى وقت وأحلى ذكرى .

وبالنسبة للأستاذ سي السيد .. ياريت لو ميشاركش في الموضوع ده لأني بصراحة مش بعرف أسكت من الضحك ومش بعرف أكمل أي حاجة بعد قراءة تعليقاته .