ما السر في سكوت تيار مدعي السلفية على فساد نظام الحكم " دعوة للنقاش"

[عبير يونس]

لماذا يرضى من يسمون أنفسهم بالسلفيين

السكوت على نظام الحكم الفاسد؟

لماذا من منهجهم عدم الخروج عن الحاكم؟

هل يسكتون على اعتبار أنه ابتلاء من الله علينا أن نصبر عليه

و اهي عيشة والسلام

فما قيمة المقاومة لنظام الحكم الظالم

في الدنيا الزائلة

ليهم يوم

يوم يرث الله الأرض و من عليها

فلنكتفي بحسبي الله و نعم الوكيل

و نترك له الدنيا يشبع بيها

أما احنا فلنلتفت للآخرة

و نعمل ليها

و لنكثف دعاءنا على الكافرين حتى يخلصنا الله منهم

و لا يبقى على الأض غير المسلمين

و من يبقى منهم يكونون عبيدا و جواري لنا

فإن حدث ذلك في حياتنا

فبها و نعمت

و ان لم يحدث

فعزاؤنا أننا سنجد الجزاء على صبرنا في الجنة

إذا كان هذا افتراء كما رماني به أحدهم

فهل نطمع أن نعرف " السر"؟؟؟

[شريف مان]

و من يبقى منهم يكونون عبيدا و جواري لنا

متحاملة قوى عليهم يا مدام مصرية

أنا أتعاملت مع الناس دى ووالله ما شفت فى أدبهم ولا أحترامهم

فكر أهل السنة والجماعة هو ابدأ بنفسك ..

لو كل واحد غير نفسه ....المجتمع هيتغير

مطلوب يبقى فيه رئيس ديمقراطى وعادل

طيب هل أحنا نعرف العدل

الفساد موجود فى كل مكان فى مصر .. سرقة .. قلة الادب

عايزة مين يحكمنا .... عمر بن الخطاب

الرئيس دا واحد مننا .. لو غالبية المجتمع كويسيين ويعرفوا يعنى أيه عمل وأخلاص وأخلاق .. هيحكنا رئيس محترم وعادل

دا فكر أهل السنة

[شريف مان]

نيجى بقى للناس اللى بتخرج على الحاكم زى جماعة الاخوان المسلمين

شغالين فى المظاهرات بقالهم كام سنة .. أيه الجديد .. أيه النتيجة

النتيجة هما (بس) اللى بيدفعوا ثمنها من نصف عمرهم اللى بيقضوه فى السجون والمعتقلات

حد تانى بيدفع معاهم الثمن

مش عايزين دولة مدنية .. عايزين الجماعات الدينية تتدخل ليه

هما الليبراليين عملوا ايه !!!!!!!!!!!!!!!!!!!!!!!!!

العلمانيين عملوا أيه !!!!!!!!!!!!!!!!!!!!!!!!

شفنا حد منهم قاد مظاهرة ... وللا دعا للتغير

كل همهم فقط الهجوم على الدين وعلماؤه

ليه مطلوب من أهل السنة هما كمان يدفعوا الثمن !!!!! كفاية قوى الاخوان بيدفعوا !!!

أنا نفسى أشوف حد من الاخوة بتوع العلم يدخلوا ويغيروا ويضحوا عشان مصر !!!!!!!!

[MZohairy]

انا لم ارى مثلا الشيخ الحويني او الشيخ حسان ابدا بيتعرضوا لهذه الأمور

هل انا على صواب ام انهم فعلا اشاروا الى اي نوع من الفساد الحكومي خلال احاديثهم المنشوره و المسموعه و المرئية و لم يحالفني الحظ بمعرفته؟

[nightmare]

لماذا يرضى من يسمون أنفسهم بالسلفيين

السكوت على نظام الحكم الفاسد؟

لماذا من منهجهم عدم الخروج عن الحاكم؟

ابقي سعيد جدا لو اكون اول واحد ارد على حضرتك , في البداية احب انوه انى واقسم بالله تعالى اننى من اشد الناس المؤيدين لفكرة عدم تقسيم المسلمين وتفريقهم الى احزاب وفئات وتيارات.

فالمسلم من وجهة نظري هو موحد بالله الواحد الأحد مؤمن بكل ما انزل على سيدنا محمد صلي الله عليه وسلم , كتابه القرآن ومنهجة سنة النبي صلي الله عليه وسلم.

لكن ايضاً انا مؤمن بفكرة عدم الهجوم على اى مسلم اياً كان فكره واياً كانت طريقة دعوته الى الله وعدم الإستهزاء به او التقليل من شأنه , لا أؤمن بالهجوم على السلفية او الاخوان او غيرهم من الدعاة الوسطيين او المعاصرين فكلنا مسلمين .

ما سبق كان استهلالا لابد منه

سأرد على جواب حضرتك بالرغم من اعتراضي على إسم الموضوع او طريقة عرض حضرتك له .

من واقع كتب السلفية التي قرأتها , فالسلفية مصدرهم في تلقي العلم ثلاث مصادر

1. القرآن الكريم : وهوالمصدر الرئيسي للتلقي عند السلفية. ويستعينون على فهمه وتفسيره بالعلوم المساعدة على ذلك مثل علوم اللغة العربية والناسخ والمنسوخ وغيرها.

2. السنة الصحيحة : وهي كل ما صححه علماء الحديث عن النبي صلي الله عليه وسلم.

3. الإجماع : هو ما اتفق عليه علماء الدين المسلمين المجتهدين في اى عصر من العصور.

وبالنظر نظرة متأنيه لتلك المصادر , فالسر والله أعلم ان السلفيين يتبعون الأحاديث الصحيحية التالية عن رسول الله صلي الله عليه وسلم وهي.

عن ابن عباس قال : قال رسول الله صلى الله عليه وسلم : { من رأى من أميره شيئا يكرهه فليصبر فإنه من فارق الجماعة شبرا فمات فميتته جاهلية ، وفي لفظ : من كره من أميره شيئا فليصبر عليه فإنه ليس أحد من الناس خرج من السلطان شبرا فمات عليه إلا مات ميتة جاهلية } ) .

3194 - ( وعن أبي هريرة رضي الله عنه عن النبي صلى الله عليه وسلم قال : { كانت بنو إسرائيل تسوسهم الأنبياء ، كلما هلك نبي خلفه نبي ، وإنه لا نبي بعدي ويكون خلفاء فيكثرون ، قالوا : فما تأمرنا ؟ قال : فوا ببيعة الأول فالأول ، ثم أعطوهم حقهم ، فإن الله سائلهم عما استرعاهم } . متفق عليهن ) .

فحين يجد السلفيين تلك الأحاديث الصحيحة الواردة عن رسول الله صلي الله عليه وسلم فبكل تأكيد يتبعوها وينفذوها كما يتبعون وينفذون تعاليم اى حديث آخر عن الرسول صلي الله عليه وسلم, كما انه واجب علينا جميعا كمسلمين اتباعها وليس هم فقط.

مما سبق يتضح ان ما يفعلوه ليس سراً وانه طبيعي, فهذا امر الرسول صلي الله عليه وسلم بعدم الخروج على السلطان المسلم لما فيه من فرقة المسلمين ومن تشتت لكلمتهم وسفك دمائهم كما حدث في العراق وهي ليست ببعيدة علينا.

وليتنا جميعا نتبع تعاليم الله ولنأخذ مصادر معرفتنا وعلمنا من الكتاب والسنة ومن العلماء الكبار والمذاهب الأربعة المتفق عليها بدلاً من استيقاء المعلومات من كتب العلمانيين والشيعة والكتب الدخيلة على الإسلام والتى اتملأت بها صفحات الإنترنت.

مع تحياتي

تم تعديل 28 نوفمبر 2010 بواسطة nightmare

[se_ Elsyed]

انا لم ارى مثلا الشيخ الحويني او الشيخ حسان ابدا بيتعرضوا لهذه الأمور

هل انا على صواب ام انهم فعلا اشاروا الى اي نوع من الفساد الحكومي خلال احاديثهم المنشوره و المسموعه و المرئية و لم يحالفني الحظ بمعرفته؟

طب ليه قفلوا كل القنوات الفضائية اللي بيظهروا فيها .. وطالقين عليهم بوبيهات روز اليوسف وحالة حمار قصدي حالة حوار ؟ ههههههههه

[الغريب]

السلام عليكم

هذه مشاركة للفاض Mayousof وبها إقتباس للفاض أسد

أظن أن بها ربط بين الواقع وبين ما أشارت إليه الفاضلة مصرية متغربة صاحبة الموضوع من أنه فكر أو توجه للسلفية..

ولعلها دعوة لهما للمشاركة في هذا الموضوع والإدلاء بدلوهما فيه

هذا ما جناه المصريين على أمتهم .. بعد أن زرعوا التشكيك في كل مؤسسات الدولة ..

أتمنى لو استطعنا التأمل طويلا .. طويلا جدا .. في تلك العبارة ..

فهي تلخّص كل شيء ..

لكننا لا نتعظ .. أبدا ..

سنعود دوما لتخوين الشرطة .. والقضاء .. والتهكم على كل صغير وكبير في الجهاز التنفيذي بالدولة .. وتسفيه كل مؤسساتها ..

وسندعوا حثيثا على العصيان المدني .. والخروج على النظام ..

انعدمت عندنا ثقافة النضج .. تماما ..

فلنذق مر ما تزرعه أيدينا ..

وإن كان هذا مرا ..

فسنجني ما هو أمّر منه قريبا طالما دؤبنا على تسفيه الجهاز التنفيذي ودعَوْنا للخروج عليه ..

ولست آسفا عليكم عندها ..

ولكن ما أتيقن منه أن هذا الموضوع يمثل أهم نقاط العلم الشرعي الإسلامي والخوض فيه يلزم صاحبه أن يحمل الدليل بين يديه، ويرفع عن نفسه الهوى نزولا للأحكام الشرعية..

هذه فقط إضاءة للمشاركين بالموضوع

لي عودة أن شاء الله :)

[عبير يونس]

و من يبقى منهم يكونون عبيدا و جواري لنا

متحاملة قوى عليهم يا مدام مصرية

أنا أتعاملت مع الناس دى ووالله ما شفت فى أدبهم ولا أحترامهم

فكر أهل السنة والجماعة هو ابدأ بنفسك ..

لو كل واحد غير نفسه ....المجتمع هيتغير

مطلوب يبقى فيه رئيس ديمقراطى وعادل

طيب هل أحنا نعرف العدل

الفساد موجود فى كل مكان فى مصر .. سرقة .. قلة الادب

عايزة مين يحكمنا .... عمر بن الخطاب

الرئيس دا واحد مننا .. لو غالبية المجتمع كويسيين ويعرفوا يعنى أيه عمل وأخلاص وأخلاق .. هيحكنا رئيس محترم وعادل

دا فكر أهل السنة

أهلا أهلا يا أستاذ شريف

الموضوع مش تحامل يافندم

و لا أقدر أشكك في أدبهم و لا حتى في تدينهم

انا ليا أقارب منهم

فيهم الكويس و فيهم الوحش زي أي حاجة في الدنيا

انا بجد باتساءل

فين دورهم في البلد؟

ليه متقوقعين و عاملين أسوار حواليهم؟

عملوا ايه من اجل التغيير

التغيير بيقول ابدأ بنفسك

فرق كبير اوي

بين اني أبدأ بنفسي

و بين إني أقول يللا نفسي

انا مبقولش انهم يقدروا يغيروا الآخرين

اللي شايفاه ان مفيش تواصل بينهم و بين الآخرين

اعتقد يا شريف انك بكالوريوس تجارة

لو كان اعتقادي صح

فأنا بأفكرك بدرس في الإدارة اسمه عوائق الاتصال

Communication Barriers

و اللي أولها الفكرة الأحادية

اللي بتوصلنا ان اللي في دماغي انا اللي صح

يا تؤمن بيه

يا اما لكم دينكم و لي دين

حتى لو حاول يقنعنا بأفكاره بيستدل بأشياء تخدم فكره هو

و لا وجود فيها للرأي الآخر

و مع أول نقاش

يخرسنا بقال الله و قال الرسول

فإن تابعت النقاش

كنت رافضي و علماني كافر

ده تواصل بالله عليكم؟؟

المشكلة ان أ ب سلفية

أنك اوعى تقول

أرى...

أو أنا شايف...

أو

رأيي....

ده كلام العلمانيين الكفرة

لو كانت كلمة أرى ...حرام

يبقى كان ليه ربنا سبحانه و تعالى قال لنا

" أفلا تبصرون"

هدفي هو التواصل بصدق

دعوة لكل السلفيين في المحاورات للدخول و النقاش

و مش حنحذف حاجة

بس بكلام من القلب

و مش قص ولصق من منتديات أخرى

و لا مانع طبعا من قال الله و قال الرسول صلى الله عليه و سلم

بس اللي يستشهد

يجري الآية على قلبه و يسأل الله أن يفهمه إياها

الخديعة الكبرى

أن القرآن لا يتكلم به غير المفسرون

و أنا أرى أنه رسائل من الله تعالى إلينا

كلنا

إلى كل من له قلب

[MZohairy]

انا لم ارى مثلا الشيخ الحويني او الشيخ حسان ابدا بيتعرضوا لهذه الأمور

هل انا على صواب ام انهم فعلا اشاروا الى اي نوع من الفساد الحكومي خلال احاديثهم المنشوره و المسموعه و المرئية و لم يحالفني الحظ بمعرفته؟

طب ليه قفلوا كل القنوات الفضائية اللي بيظهروا فيها .. وطالقين عليهم بوبيهات روز اليوسف وحالة حمار قصدي حالة حوار ؟ ههههههههه

على حد علمي ان سبب الاغلاق هو ان خطابهم الديني كان متطرفا و يؤجج الفتنه الطائفية بين المصريين المسلمين و الأقباط

انما ماسمعتش عن اي سبب بيقول انهم هاجموا نظام حسني مبارك او هاجموا احتمالية تولي جمال مبارك السلطه او ان احمد عز مستولي على ما لا يحق له او كمال الشازلي كان حرامي بيمص دم الغلابه او اي شيئ سياسي

لو عندك ما يخالف ما عندي ارشدني

[م تيمور المراغي]

اسمحوا لي ابدي وجهة نظري في مأخذ اخذته على كل السلفيين في السعوديه والقصيم ,,

اوكي

ببساطه كل تركيزهم الرهيب والشديد منصب على الشكليات ,,

وسايبين مصيبه اسمها استيلاء الحكام العرب على مقدرات الشعوب ,,

الثروات التي بحوزة حاكم عربي واحد ,, وانا شفت بعيني ماحدش قال لي

او بحوزة اخيه او اولاده او احفاده ( تخيلوا في عائله منهم عددها يفوق ال 10 الاف فرد !! )

افقر واحد فيهم ملياردير ,,

طيب ,,

الاموال دي معروف انها من عوائد تصدير البترول واللي هو ملك لكل الشعب - والله منظر يزعل لما تشوف غالبية الشعب لاتجد قوت يومها - و الوف الملايين تتراكم وتكنزها بضعة الوف من افراد عائلة الحكام

طيب يا شيخنا الفاضل يا من تحدثني ليل نهار عن اللحيه واعفائها وتقصير الثوب وحتكفرني خلاص - بعضهم يتململ كلما قمت بالصلاه اماما لهم - وهبني الله سبحانه صوتا يجيد تلاوة القرآن فبيقدمني الناس للصلاة بهم

مركز في دقني الحليقه وسايب مليارات الدوله تنتهك عيني عينك !!

تقدر تقف امام الحاكم ,, وتذكره بسنة النبي صلى الله عليه وسلم وسنة الخلفاء الراشدين من بعده وتعاملهم مع اموال الدوله كالوصي على مال اليتيم ,,

بالله عليكم ,, سمعتم حد من شيوخ السلفيه الموقرين تطرق للموضوع ده وقال للحاكم اتق الله في اموال الناس ,,

مركزين بس في اللحيه وتكفير الناس وانت الفاشل يا فاشل ,,

تقدر تقولها للحاكم يا شيخنا الجليل ؟؟؟

[شريف مان]

أيوه يا فندم أنا بكالوريوس تجارة

بس عايز أقول لحضرتك فى كلام كتيييير فى ردك الاخير فيه تجنى على أهل السنة اللى أنا لم أتشرف أنى أكون واحد منهم

كنت هرد على حضرتك بالتفصيل لولا دا

أهلا أهلا يا أستاذ شريف

كدا شكرااااااااااا ... مش هرد على حضرتك تانى .. بس أكيد ليا تعليق على رسالتك ليا فى موضوع آخر

دا أكيد هرد عليه

تحياتى

[se_ Elsyed]

انا لم ارى مثلا الشيخ الحويني او الشيخ حسان ابدا بيتعرضوا لهذه الأمور

هل انا على صواب ام انهم فعلا اشاروا الى اي نوع من الفساد الحكومي خلال احاديثهم المنشوره و المسموعه و المرئية و لم يحالفني الحظ بمعرفته؟

طب ليه قفلوا كل القنوات الفضائية اللي بيظهروا فيها .. وطالقين عليهم بوبيهات روز اليوسف وحالة حمار قصدي حالة حوار ؟ ههههههههه

على حد علمي ان سبب الاغلاق هو ان خطابهم الديني كان متطرفا و يؤجج الفتنه الطائفية بين المصريين المسلمين و الأقباط

انما ماسمعتش عن اي سبب بيقول انهم هاجموا نظام حسني مبارك او هاجموا احتمالية تولي جمال مبارك السلطه او ان احمد عز مستولي على ما لا يحق له او كمال الشازلي كان حرامي بيمص دم الغلابه او اي شيئ سياسي

لو عندك ما يخالف ما عندي ارشدني

إحنا بالبلدي بنقول " كل شيخ وله طريقة "

يعني في ناس ممكن تركز على الجانب السياسي

وناس تركز على الجانب الديني والأخلاقي

وهكذا

وبالتالي لو تضافرت كل الجهود المخلصة دي .. فبالتأكيد المجتمع هاينهض بكامله

[nightmare]

مركز في دقني الحليقه وسايب مليارات الدوله تنتهك عيني عينك !!

تقدر تقف امام الحاكم ,, وتذكره بسنة النبي صلى الله عليه وسلم وسنة الخلفاء الراشدين من بعده وتعاملهم مع اموال الدوله كالوصي على مال اليتيم ,,

بالله عليكم ,, سمعتم حد من شيوخ السلفيه الموقرين تطرق للموضوع ده وقال للحاكم اتق الله في اموال الناس ,,

مركزين بس في اللحيه وتكفير الناس وانت الفاشل يا فاشل ,,

تقدر تقولها للحاكم يا شيخنا الجليل ؟؟؟

ليه الإسلوب ده , وليه تشتم مسلم وتوقع نفسك انت في الذنب , ما تخلينا نتكلم بهدوء وبدون تجريح او تطاول وده افضل لنا جميعا

مع تحياتي

[م تيمور المراغي]

مركز في دقني الحليقه وسايب مليارات الدوله تنتهك عيني عينك !!

تقدر تقف امام الحاكم ,, وتذكره بسنة النبي صلى الله عليه وسلم وسنة الخلفاء الراشدين من بعده وتعاملهم مع اموال الدوله كالوصي على مال اليتيم ,,

بالله عليكم ,, سمعتم حد من شيوخ السلفيه الموقرين تطرق للموضوع ده وقال للحاكم اتق الله في اموال الناس ,,

مركزين بس في اللحيه وتكفير الناس وانت الفاشل يا فاشل ,,

تقدر تقولها للحاكم يا شيخنا الجليل ؟؟؟

ليه الإسلوب ده , وليه تشتم مسلم وتوقع نفسك انت في الذنب , ما تخلينا نتكلم بهدوء وبدون تجريح او تطاول وده افضل لنا جميعا

مع تحياتي

لا يا نايت انت مش واخذ بالك

انا قصدت بجملة ( انت الفاشل يا فاشل )

قصدت بيها الحلقه الشهيره التي تحدث فيها احد الشيوخ الموقرين تعريضا بالدكتور عمرو خالد

ولم اقصد بها شتم احد الشيوخ معاذ الله الواحد عارف قدرهم برضوا ,,

لذا وجب التنويه ,,,

[عبير يونس]

مركز في دقني الحليقه وسايب مليارات الدوله تنتهك عيني عينك !!

تقدر تقف امام الحاكم ,, وتذكره بسنة النبي صلى الله عليه وسلم وسنة الخلفاء الراشدين من بعده وتعاملهم مع اموال الدوله كالوصي على مال اليتيم ,,

بالله عليكم ,, سمعتم حد من شيوخ السلفيه الموقرين تطرق للموضوع ده وقال للحاكم اتق الله في اموال الناس ,,

مركزين بس في اللحيه وتكفير الناس وانت الفاشل يا فاشل ,,

تقدر تقولها للحاكم يا شيخنا الجليل ؟؟؟

ليه الإسلوب ده , وليه تشتم مسلم وتوقع نفسك انت في الذنب , ما تخلينا نتكلم بهدوء وبدون تجريح او تطاول وده افضل لنا جميعا

مع تحياتي

هههههههههه

يا نايت باشا

حضرتك فاهم غلط

شوفت بقى انك تسرعت ازاي

دي جملة الشيخ محمد حسان و جهها للدكتور عمرو خالد على احدى الفضائيات

[عبير يونس]

ايه ده يا اركتيكت

انت ايديك ايه فريرة :blink:

ما شاء الله

كل ما آجي أرد الاقيك سابقني

مش حينفع كده

:closedeyes:

[م تيمور المراغي]

ايه ده يا اركتيكت

انت ايديك ايه فريرة :blink:

ما شاء الله

كل ما آجي أرد الاقيك سابقني

مش حينفع كده

:closedeyes:

العفو يا مصريه

بس انا اللي تلاقيني واكل لقمه زياده الصبح ههههه :happy:

[MZohairy]

انا لم ارى مثلا الشيخ الحويني او الشيخ حسان ابدا بيتعرضوا لهذه الأمور

هل انا على صواب ام انهم فعلا اشاروا الى اي نوع من الفساد الحكومي خلال احاديثهم المنشوره و المسموعه و المرئية و لم يحالفني الحظ بمعرفته؟

طب ليه قفلوا كل القنوات الفضائية اللي بيظهروا فيها .. وطالقين عليهم بوبيهات روز اليوسف وحالة حمار قصدي حالة حوار ؟ ههههههههه

على حد علمي ان سبب الاغلاق هو ان خطابهم الديني كان متطرفا و يؤجج الفتنه الطائفية بين المصريين المسلمين و الأقباط

انما ماسمعتش عن اي سبب بيقول انهم هاجموا نظام حسني مبارك او هاجموا احتمالية تولي جمال مبارك السلطه او ان احمد عز مستولي على ما لا يحق له او كمال الشازلي كان حرامي بيمص دم الغلابه او اي شيئ سياسي

لو عندك ما يخالف ما عندي ارشدني

إحنا بالبلدي بنقول " كل شيخ وله طريقة "

يعني في ناس ممكن تركز على الجانب السياسي

وناس تركز على الجانب الديني والأخلاقي

وهكذا

وبالتالي لو تضافرت كل الجهود المخلصة دي .. فبالتأكيد المجتمع هاينهض بكامله

طيب ما هو ده اللي انا بقوله

هم تركيزهم في نقاط ليس لها علاقة بالسياسة

اما لعدم توغلهم فيها

و إما لعدم رغبتهم في الاحتكاك بمراكز القوى (حتى و ان كانوا على باطل)

و إما لرضاءهم عن الوضع بما فيه

[عبير يونس]

شوفوا يا جماعة الله يهديني و يهدي حضراتكم جميعا

و الله من قلبي

نفسي نصل لحلول

الموضوع لو تلاحظوا وضعته في موضوعات جادة و مش في هدى الإسلام

الموضوع انساني بحت

خطاب للقلوب

و مش حاتناقش فيه عن العلم الشرعي

فلست أهلا له

و الله و بصدق

لا أنا داخلة أهاجم

و لا أتصيد أخطاء

و لا أحرج حد

و لا أقيم الحجة على حد

عايزين نتكلم بالراحة

و بدون مشاعر سلبية مسبقة

من أي جانب

ان مفيش فايدة

لأ في فايدة

بس نتفق على الاخلاص لله

اذا كنت داخل نصر لله تعالى فأهلا بك

أما إذا كنت داخل نصرة للشيخ

فعايزة بس أفكرك

أن الله أحق أن تخشاه

[nightmare]

هههههههههه

يا نايت باشا

حضرتك فاهم غلط

شوفت بقى انك تسرعت ازاي

دي جملة الشيخ محمد حسان و جهها للدكتور عمرو خالد على احدى الفضائيات

يعني حضرتك فاكره كلمته لعمرو خالد ونسيتى اعتذاره له , فهذا هو ادب الإسلام من أخطأ فليعتذر

لماذا نمسك في الخطأ ونسينا الإعتذار له والثناء عليه ودعائه له وبيان سبب غضبه الحقيقي منه وانها كانت غضبه لله تعالي , لا إله إلا الله .

http://www.youtube.com/watch?v=pOkBkxLTpFI

مع تحياتي