ما السر في سكوت تيار مدعي السلفية على فساد نظام الحكم " دعوة للنقاش"

[MZohairy]

طبعا لأ

حتلاقي عدة تفسيرات

منها المتشدده اللي حتقولك الى الجهاد فلنقتل النصارى الكفره

و منها الاقل تشددا اللي حتقولك تجنبوهم و احتقروهم و ضيقوا عليهم الطرقات فقط

و منها الاقل تشددا اللي حتقولك تجنبوهم فقط

و منها اللي حيقولك عاملوهم بالحسنى لكي تجذبوهم الى دين الله القويم

اذا المشكلة العظمى في التفسير و ليست في المنهج

لما شيوخك الأفاضل يخلوا كل تركيزهم على كفر النصارى و ضلالهم و مصيبتهم السوده يبقوا كده ينطبق عليهم المثال الأول او التاني

و ده اللي يخليني اقولك ان الدعوى بتاعتهم دعوى شديدة التأجيج للفتن حتى الآن و ستسفر عن الكثير من الدماء

(ما سبق ينطبق بالطبع على اي رجل دين مسيحي ايضا بالطبع)

هو ده اللى بيقولوا عليه كلام عام مرسل و تتويه

و انا ديدنى دائما الدليل الصحيح الموثق و ليس الشيخ هذا او ذاك

يعنى الامه الاسلاميه معندهاش منهج واضح متفقه عليه منذ 1400 سنه يا زهيرى

لا يا زهيرى

اللى عاوز يقول يقول فى النهايه هناك منهج

واحد واضح ثابت مستقر مجمع عليه و هو موجود و موثق و لمن اراد اتباعه له الحريه

و من اراد مخالفته له ايضا كامل الحريه بدون تجاوز او تتويه

الحمد لله عندنا قرأن واحد و سنه صحيحه ثابته تمثلان اساسا راسخا غير موجود فى اى

تاريخ او معتقد او حضاره بشريه على الاطلاق

و هو ده اللى ميز الاسلام و جعله يقود دفه حضاره البشريه منذ ظهوره و جعل بلد مثل مصر

دخلها بضع مئات من الصحابه تتحول عن بكره ابيها الى الاسلام و تجعل الناظر اليها و الى حاله

يتعجب هل كان هناك اديان اخرى قبل ذلك ؟

انت كده اللي بتوه يابو عمر

اقدر اعرف منك تفسير للحديث اعلاه من وجهة نظرك؟

بلاش نظرك انت

من وجهة نظر علماءك الثقات؟

بس باختصار لو سمحت فهمني في ضوء الحديث ده كيف نتعامل مع المسيحيين؟

و هل شايف ان كل العلماء و الشيوخ عندهم تفسير واحد فقط ولا هناك تفسيرات مختلفة؟

باختصار من فضلك

شكرا

اسف على الخروج عن اصل الموضوع ..ابو عمر هو السبب :closedeyes:

[عنبو]

الاخ ابو عمر كتب

و تم فتح المجال لكل من لا يفقه الفرق بين كوز الدره و كوز المحبه و رأينا

من لا يعرف قبيل و لا دبير يتصدى للكلام فى الدين و هو أخره مراجع حسابات فى شركه متوسطه

فصار داعيه ثم مفتيا للفنانات ثم مصلحا اجتماعيا و صاحب مشروع ..قال إيه ..نهضوى

و هو يقبع تحت خط الفقر فى العلوم الشرعيه و المقصود بها علوم القرأن و السنه الصحيحه

و فتحت له القنوات و السفارات و تم تلميعه لا لشئ الا لجهله و صرف الانظار اليه لاشغال الناس

به و ابعادهم عن الدعاه و العلماء الحقيقيين ..و ليس المزيفين و اتنطبق عليه المثل القائل

ليس كل ما يلمع ذهبا

الدين مش كلام وحكاوى اختى الفاضله الدين الاسلامى تميز بأنه علم قبل ان يكون كلام

الدعوه الى الدين لابد و حتما و لابد ان تكون على علم حتى و لو بالايه التى سنبلغ بها

إمتثالا لأمر المصطفى صلى الله عليه و سلم فى التبليغ عنه ..على علم و ليس عن جهل

لا يصلح ان نبلغ لا اله الا الله و نحن لا نفقهها و نعرف مقتضياتها

الم تقرأى اختى الفاضله

قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَا وَمَنِ اتَّبَعَنِي وَسُبْحَانَ اللَّهِ وَمَا أَنَا مِنَ الْمُشْرِكِينَ (108)

يقول [الله] تعالى لعبده ورسوله إلى الثقلين: الإنس والجن، آمرًا له أن يخبر الناس: أن هذه سبيله، أي طريقه ومسلكه وسنته، وهي الدعوة إلى شهادة أن لا إله إلا الله وحده لا شريك له، يدعو إلى الله بها على بَصِيرة من ذلك، ويقين وبرهان، هو وكلّ من اتبعه، يدعو إلى ما دعا إليه رسول الله صلى الله عليه وسلم على بصيرة ويقين وبرهان شرعي وعقلي.

http://www.qurancomp...l=arb&t=katheer

هذا هو المحك اختى الفاضله

طبقى هذا على منهج من نتكلم عنه و احكمى انتى بنفسك

تعرفى اختى الكريمه اول فائز فى صناع الحياه كان مشروعه ايه

تأليف سيناريوهات و كان باكوره انتاجه فيلم لاحمد حلمى

هل هذه هى السبيل للنهوض بالامه و بعدين حته التضييق عليه بالضبط

مثل ما انكى تريدين تسليط الاضواء على شيئ فترفعيه عاليا ليراه الجميع

لان لو النظام يريد حصاره حقيقه لما عدموا الحيله فى ذلك و بكل سهوله

ثم يمكنك اختى الفاضله بشئ من الصبر و التجرد البحث على النت عن مخالفيه او مهاجميه

و انضرى الى ما يقولون و يكتبون ..هل هم محقين ام ظالمين له ..

و الله اختى الفاضله انا اقبل قدمى اى من ينصر هذا الدين و لكن على منهج القرأن و السنه

اما من يتبع هواه فيروح يبهدل نفسه فى الدانمارك او يتكرم فى امريكا او يحضر قداس رأس السنه ...براحته .

طيب الحمد لله انك مكفرتوش واهدرت دمه واكتفيت فقط بالكلام اللى قولته

وكنا تكلمنا قبل كده فى موضوع منفصل عن عمرو خالد وهذا الرابط

الرباط الخاص بي

بعنوان هذا هو عمرو خالد

اما عن كلامك الان فلا تعليق عليه

تحياتى

عنبو

سبب التعديل هو ضبط الرابط المدرج

تم تعديل 30 نوفمبر 2010 بواسطة عنبو

[abaomar]

الاخ ابو عمر كتب

http://www.qurancomp...l=arb&t=katheer

طيب الحمد لله انك مكفرتوش واهدرت دمه واكتفيت فقط بالكلام اللى قولته

وكنا تكلمنا قبل كده فى موضوع منفصل عن عمرو خالد وهذا الرابط

الرباط الخاص بي

بعنوان هذا هو عمرو خالد

اما عن كلامك الان فلا تعليق عليه

تحياتى

عنبو

سبب التعديل هو ضبط الرابط المدرج

السلام عليكم

اخى الفاضل عنبو جزاك الله خيرا

اولا اسأل الله ان يفرج همك و يجعل لك من كل ضيق مخرجا

.

اخى الفاضل

و من ذا الذى يجرؤ على تكفير مسلم موحد بالله و فى نفس الوقت ديننا عزيز يا عنبو لا يصح ترك المجال فيه للعابثين و الجهله

هذا شأن العلماء يا عنبو و بالطبع و الاكيد اننى لست منهم

و على حد ما قرأت و علمت لم اسمع عن احد من العلماء و الدعاه المعروفين قام بتكفيره ..فهل تعلم انت؟

الاسلام ليس به كهنوت او تابوهات ممنوع الاقتراب او اللمس

مرجعيتنا الحجه اخى الفاضل بالدليل و التوثيق

و عمرو خالد ليس اعز ممن نختلف معهم لوجه الله

كنت اتمنى ان اتشرف بتعليقك على كلامى لعلى اكون مخطئا او لم تبلغنى كل

الاخبار او وصلتنى بطريقه خاطئه و لكنك بخلت على بذلك و ارجو ان تراجع نفسك فى تلك النقطه

و فى النهايه يجمعنا حب الدين و العمل فى سبيله حسب القرأن و السنه و فعل خير الامه .

تم تعديل 30 نوفمبر 2010 بواسطة abaomar

[خالد المسلم]

لو كل واحد فينا خدم دين الله فى مجاله لتغير وجه الدنيا

يا اخوانا هناك قطاع عريض من الشباب بسم الله ماشاء بيصل ليهم عمرو خالد

لا احد ينكر

جزاه الله خيرا

فيه اخطاء

طبعا فيه اخطاء لان اللى بيشتغل كتير اكيد هيغلط

والحمد لله فيه علماء ودعاه ردوا عليه

تصوروا معى الشاب الذى لايعرف كلمه عن الدين

ولا يعرف حتى اركان الوضوء بل لا يعرف عدد اجزاء القرأن الكريم وانا رأيت هذا بعينى راسى

منظر الشيخ السلفى باللحيه والجلباب القصير هينفره طبعا

جزى الله شرا وسائل الاعلام التى لعبت على هذا الوتر باحترام

فكان نموزج الارهابى دوما هو الملتحى صاحب الجلباب القصير

ولو يحدث مره واحده ان اتت نموزج واحد طيب لانسان ملتحى قصير الجلباب

فهذا الشاب لايستطيع النموزج السلفى ببساطه ان يصل اليه

يكون عمرو خالد او مصطفى حسنى او معز مسعود وغيرهم وصلوهم اليه ايسر

ودائما اكرر فيه اخطاء طبعا

ولكن من منا ماساء قط ومن له الحسنى فقط

اما شيوخ السلف بارك الله فيهم

فلانهم بذلوا اعمارا طويله فى تحصيل العلم الشرعى والحصول على الاجازات من العلماء

كانوا هم اثبت واقل خطئا

واجدر فى الرد على الشبهات المختلفه

الرد على من هاجم صحيح البخارى

الرد على من وصف النقاب بأنه بدعه

سن عائشه رضى الله عنها

هم والله اعلم تصدوا لهذه الامور بجداره

فلاننكر دور عمرو خالد الدعوى

لانه فعلا وصل ومازال لقطاع من الشباب لايصل اليه السلف

ولا نقلل ايضا من جهد علماء السلف فى الدفاع عن مرجعيات الامه وتراثها

ده مداخله على هامش الموضوع

[عنبو]

abaomar السلام عليكم

اخى الفاضل عنبو جزاك الله خيرا

اولا اسأل الله ان يفرج همك و يجعل لك من كل ضيق مخرجا

وعليكم السلام ورحمة الله وبركاته

اشكرك اخى الكريم على الدعاء لى وأسأل الله العظيم ان يتقبل منا ومنكم وان يظهر الحق ويرزقنا اتباعه اللهم امين

اخى الفاضل

و من ذا الذى يجرؤ على تكفير مسلم موحد بالله و فى نفس الوقت ديننا عزيز يا عنبو لا يصح ترك المجال فيه للعابثين و الجهله

هذا شأن العلماء يا عنبو و بالطبع و الاكيد اننى لست منهم

و على حد ما قرأت و علمت لم اسمع عن احد من العلماء و الدعاه المعروفين قام بتكفيره ..فهل تعلم انت؟

انا مقولتش انك كفرته ولا اعلم احد من العلماء ان كفره

الاسلام ليس به كهنوت او تابوهات ممنوع الاقتراب او اللمس

مرجعيتنا الحجه اخى الفاضل بالدليل و التوثيق

و عمرو خالد ليس اعز ممن نختلف معهم لوجه الله

كنت اتمنى ان اتشرف بتعليقك على كلامى لعلى اكون مخطئا او لم تبلغنى كل

الاخبار او وصلتنى بطريقه خاطئه و لكنك بخلت على بذلك و ارجو ان تراجع نفسك فى تلك النقطه

و فى النهايه يجمعنا حب الدين و العمل فى سبيله حسب القرأن و السنه و فعل خير الامه .

انا مقولتش ان الاسلام فيه تابوهات او كهنوت وعملت توبيك مخصص لكده وبالعكس انا لما اسمع رأى دينى لاى عالم اين كان

لابد ان اراجعه واتأكد من مصادره

اما بالنسبه لعمرو خالد فانا لم اقل ان عمرو خالد لا يخطأ ولكن شأنه شأن كل البشر له ميزايا وله عيوب

ومن العدل ان عندما نريد ان ننتقد اى شخص علينا ان نذكر ما له وما عليه

والكلام ده انا قولته ايضاً فى التوبيك هذا هو عمرو خالد

اما بالنسبه لعدمى ردى على حضرتك ده لانى رديت قبل كده على الكلام ده

فى التوبيك السابق وممكن حضرتك ترجع له

تحياتى اخى الكريم

عنبو

[abaomar]

السلام عليكم

اخى و حبيبى زهيرى اوف كانادا :P

انت كده اللي بتوه يابو عمر

اقدر اعرف منك تفسير للحديث اعلاه من وجهة نظرك؟

بلاش نظرك انت

من وجهة نظر علماءك الثقات؟

بس باختصار لو سمحت فهمني في ضوء الحديث ده كيف نتعامل مع المسيحيين؟

و هل شايف ان كل العلماء و الشيوخ عندهم تفسير واحد فقط ولا هناك تفسيرات مختلفة؟

باختصار من فضلك

أمرت : الرسول مأمور من الله عز و جل بذلك و نحن من بعده ليس لنا سوى الرضوخ للامر .

و الدليل من القرأن يا زهرورتى

وَقَاتِلُوا الْمُشْرِكِينَ كَافَّة..ً

ما سبق يا زهيرى قتال المشركين

أما المسيحيين و اليهود فهم اهل كتاب يا زهيرى ..لهم احكام أخرى

إما ان يسلموا فيعصموا بذلك انفسهم و دمائهم

او يظلوا على ملتهم و يدفعوا جزيه مقابل الحمايه و الرعايه مثل الضريبه التى تدفعها انت فى كندا

او الحرب و القتال بضوابطه و شروطه و اخلاقياته

و طبعا يا زهيرى و انت سيد العارفين انه فى التوراه قصص و سير الامم السابقه التى

تظهر بوضوح كيفيه تعامل الانبياء و الملوك السابقين مع مخالفيهم و سيشيب رأسك الحلو المقلوظ من هول

ما ستقرأه ...تحب اقلوظك :P ...عفوا اجيب لك امثله ؟؟

إيه بقى يا زهيرى اللى مش واضح اعلاه و فين الاختلاف

ما سبق كان خلاصه ما قرأته و فهمته و الخطأ من عندى و من الشيطان و ليس رائى الخاص

تم تعديل 30 نوفمبر 2010 بواسطة abaomar

[م تيمور المراغي]

الحوار ماشاء الله في منتهى الجمال والوقوه ,,

بس ياريت ما تفلتش مننا كلمه او اتنين كده ,, كل واحد مننا واجهه مشرفه والحمد لله لمن خلفه ,,

وحنفضل كده لنهاية الحوار ان شاءا لله ,,,

[الغريب]

معلش حطلب منك طلب

حتى لو حيخرجنا بره الموضوع و نقدر نرجع بسرعه بعد كده

قولي وجهة نظرك الاول علشان اعرف ارد عليك من فضلك

اشكرك

حاضر.. لو قولتلك "الإعلام"

ممكن حضرتك بقى تجاوبني على تساؤلي اللي هو في صلب الموضوع، وهكرره تاني..

أين ما يثبت أن العلماء الذين يمثلون (الخطاب السلفي) هم السبب في "الحجاب اللا حجاب" -بحد قول حضرتك- ؟؟

ورجاء لا تقول لي الواقع والنتائج، أنا أرجو أن تأتي لي بإحصائية توضح إهتمام (الخطاب السلفي) بما تسميه "القشور" و "السطحية".

وهذا الطلب ليس تعجيزي ، ولكني لدي الطريقة البسيطة للحصول على هذه الإحصائية، أعتقد أنك تعلمها.

تحياتي

[MZohairy]

السلام عليكم

اخى و حبيبى زهيرى اوف كانادا :P

انت كده اللي بتوه يابو عمر

اقدر اعرف منك تفسير للحديث اعلاه من وجهة نظرك؟

بلاش نظرك انت

من وجهة نظر علماءك الثقات؟

بس باختصار لو سمحت فهمني في ضوء الحديث ده كيف نتعامل مع المسيحيين؟

و هل شايف ان كل العلماء و الشيوخ عندهم تفسير واحد فقط ولا هناك تفسيرات مختلفة؟

باختصار من فضلك

أمرت : الرسول مأمور من الله عز و جل بذلك و نحن من بعده ليس لنا سوى الرضوخ للامر .

و الدليل من القرأن يا زهرورتى

وَقَاتِلُوا الْمُشْرِكِينَ كَافَّة..ً

ما سبق يا زهيرى قتال المشركين

أما المسيحيين و اليهود فهم اهل كتاب يا زهيرى ..لهم احكام أخرى

إما ان يسلموا فيعصموا بذلك انفسهم و دمائهم

او يظلوا على ملتهم و يدفعوا جزيه مقابل الحمايه و الرعايه مثل الضريبه التى تدفعها انت فى كندا

او الحرب و القتال بضوابطه و شروطه و اخلاقياته

و طبعا يا زهيرى و انت سيد العارفين انه فى التوراه قصص و سير الامم السابقه التى

تظهر بوضوح كيفيه تعامل الانبياء و الملوك السابقين مع مخالفيهم و سيشيب رأسك الحلو المقلوظ من هول

ما ستقرأه ...تحب اقلوظك :P ...عفوا اجيب لك امثله ؟؟

إيه بقى يا زهيرى اللى مش واضح اعلاه و فين الاختلاف

ما سبق كان خلاصه ما قرأته و فهمته و الخطأ من عندى و من الشيطان و ليس رائى الخاص

:happy:

دلوقتي بقوا اهل كتاب؟

مش دول الكفار اللي بيقولوا المسيح هو الله؟

مش دول الكفار اللي حرفوا الانجيل و عبدوا المسيح و الصليب؟

دلوقتي بقوا اهل كتاب؟؟؟ :P

ماشي

اديني بقولك ما تتكسفش يابو عمر و قولنا حتتعامل ازاي مع المسيحيين الكفره عباد الصليب و المسيح

و بلاش تحاول تضحك عليا علشان انا عارفك من ييجي 10 سنين art:)

[MZohairy]

معلش حطلب منك طلب

حتى لو حيخرجنا بره الموضوع و نقدر نرجع بسرعه بعد كده

قولي وجهة نظرك الاول علشان اعرف ارد عليك من فضلك

اشكرك

حاضر.. لو قولتلك "الإعلام"

ممكن حضرتك بقى تجاوبني على تساؤلي اللي هو في صلب الموضوع، وهكرره تاني..

أين ما يثبت أن العلماء الذين يمثلون (الخطاب السلفي) هم السبب في "الحجاب اللا حجاب" -بحد قول حضرتك- ؟؟

ورجاء لا تقول لي الواقع والنتائج، أنا أرجو أن تأتي لي بإحصائية توضح إهتمام (الخطاب السلفي) بما تسميه "القشور" و "السطحية".

وهذا الطلب ليس تعجيزي ، ولكني لدي الطريقة البسيطة للحصول على هذه الإحصائية، أعتقد أنك تعلمها.

تحياتي

في ضوء اجابتك المبتوره دي يا سيدي و المقتصره على كلمه واحده و هي الإعلام

يبقى انااكثر كرما منك لأن اللي عندي قولته و فسرته بعدة طرق

اشكرك

[الغريب]

في ضوء اجابتك المبتوره دي يا سيدي و المقتصره على كلمه واحده و هي الإعلام

يبقى انااكثر كرما منك لأن اللي عندي قولته و فسرته بعدة طرق

اشكرك

قطعا أنت أكرم مني يا أخي الفاضل

ولكني أحببت ألا أشتت الموضوع، يمكنني أن أسترجع عبارتك الشهيرة (ده موضوع تاني ممكن نفتحله توبيك خاص ونتحاور فيه)

الآن آن الآوان لنترك دعوة "أن المنهج السلفي يهتم بالقشور والسطحية ويترك ما هو أهم من ذلك "

ربنا يوفقنا جميعا لكل خير

[MZohairy]

و آدي نموذج لتأجيج الفتن ردا على ابو عمر بين المسلمين و المسيحيين من شيوخ الفضائيات

http://www.youtube.c...player_embedded

عندي عشرات الفيديوهات الشبيهه و مش عايز أجيب الروابط ........

و اظن اغلاق قنوات تبث مثل هذه الأفكار تصرف سليم جدا لأنها جديرة بالإغلاق

تم تعديل 1 ديسمبر 2010 بواسطة Folana

[MZohairy]

في ضوء اجابتك المبتوره دي يا سيدي و المقتصره على كلمه واحده و هي الإعلام

يبقى انااكثر كرما منك لأن اللي عندي قولته و فسرته بعدة طرق

اشكرك

قطعا أنت أكرم مني يا أخي الفاضل

ولكني أحببت ألا أشتت الموضوع، يمكنني أن أسترجع عبارتك الشهيرة (ده موضوع تاني ممكن نفتحله توبيك خاص ونتحاور فيه)

الآن آن الآوان لنترك دعوة "أن المنهج السلفي يهتم بالقشور والسطحية ويترك ما هو أهم من ذلك "

ربنا يوفقنا جميعا لكل خير

مطلقايا سيدي

لو وضحتلي فكرتك عن كلمة الاعلام ممكن ارد عليك

يعني زي ما بحاول افهمك وجهة نظري حاول تجتهد شويه و تكون اكرم من كده و تتكلم لتوضح ما تريد

اما كلمة الاعلام و تسكت يبقى ماعنديش كلام اقدر اقوله

شكرا

[عادل أبو عمر]

يقول الله عز وجل :

(وَقَالَ فِرْعَوْنُ ذَرُونِي أَقْتُلْ مُوسَى وَلْيَدْعُ رَبَّهُ إِنِّي أَخَافُ أَنْ يُبَدِّلَ دِينَكُمْ أَوْ أَنْ يُظْهِرَ فِي الْأَرْضِ الْفَسَادَ) (غافر:26)

فرعون يرى ان سيدنا موسى سيبدل دين المؤمنين و سيظهر الفساد في الأرض

مفيش حد قاله لأ ..

عشان نعرف يعني إيه ( (فاستخف قومه فأطاعوه )

طب هو فرعون إيه حايشه عشان يقول ذروني أقتل موسى ( مش فرعون دا اللي بيقول انا ربكم الأعلى ... و ما أريكم إلا ما أرى و ما أهديكم إلا سبيل الرشاد)

هو مفيش حد حايشه بس هو بيقول لوسائل الاعلام بتاعته (بتاعة فرعون كل عصر ) جهزوا الجو ... فتبدأ وسائل الاعلام في تضليل الناس حتى يتم تمويع كل شيء فلا تجد اسلاما و لا مسلمين ..

فتجد الناس تختلف في الاستجابة لداعي الصلاة المفروضة و التي لا يختلف عليها أحد ..

مش فاكرين زمان كانوا يقولك ( نواصل الرقصة بعد الآذان .... و نواصل المباراة .. و نواصل الفيلم )

هو ده الاسلام اللي عايزينه و هيفضلوا يحاربوا أي اسلام حقيقي

والاسلام عمره ماكان أشخاص و إلا لكان اولى بالبقاء و الخلود رسولنا الحبيب صلى الله عليه و سلم ..

الاسلام كلنا عارفينه و مش محتاج نتجادل كأننا من العلماء نحن جميعا من العوام ...

ياخوانا بجد غلط الخلاف بيننا بالشكل ده لدرجة توصل إننا نشوف الشيخ أبو إسحاق (مصدر فتنة ) أنا إنسان عادي جدا و لكني أستمع للشيخ أبو إسحاق و أشهد الله إني احبه في الله و أقدر و احترم كل من يعلمني في دين الله ما اجهله و أقدر و احترم من يعلمني في أمور دنياي حتى و لو كان غير مسلم .

وهل اتفقنا على جميع أمورنا حتى نتفق على مشايخ المسلمين

كل واحد يقول او يسمع اللي هو عاوزه بدون تجريح و النصيحة لوجه الله ..

أحبكم في الله

عادل

[nightmare]

و آدي نموذج لتأجيج الفتن ردا على ابو عمر بين المسلمين و المسيحيين من شيوخ الفضائيات

بصراحة ما كنتش ناوي اكتب تانى في الموضوع ده ودي هعتبرها اخر مشاركة لي هنا في هذا الموضوع

انت بصراحة يا أ.زهيري صدمتني , ولم اتخيل ابدا في حياتى ان يكون هناك مسلم بهذا الفكر

هل تعتبر انت كمسلم ما قاله الشيخ ابو اسحاق كلاماً لتأجيج الفتن وهل هو يقوله من عنده او من دماغه , هذا شرع الله يا أ.زهيري وقاله عندما قام سيادة الامام الأكبر شيخ الأزهر طنطاوي رحمه الله بقوله لبعض جمعيات حقوق الإنسان التى زارته, ورضا الله اهم من رضا اى فرد فينا وشرع الله يطبق وينفذ شئنا ام ابينا, فحينما نطقت بلسانك كلمة التوحيد وقلت "لا إله إلا الله محمد رسول الله" ودخلت في ملة الإسلام , أصبحت مسلماً وجهك كله لله متبعاً لجميع أوامره ونواهيه ومقتدياً بهدي سيدنا محمد صلي الله عليه وسلم , ولست متبعاً لهواك.

ابحث حضرتك في اى مصدر من مصادر الدين الإسلامي والذي انت وانا على ملته؟؟ وهات لى اى دليل يبيح للمسلم التبرع لبناء كنيسة , حتى شيخ الأزهر نفي عن نفسه انه قاله كعادته بعد ان وقف له هؤلاء العلماء الأجلاء.

كل الفتاوي والمصادر لا تبيح للمسلم التبرع لبناء كنيسة؟؟

واليك فتوي واحدة منها , ارجو ان تقرأها بعقل وقلب المسلم وليس بهواك.

فتوي : هل يجوز للمسلم التبرع لبناء كنيسة.

الى النهاية هنا في هذا الموضوع الذي أصبح من وجهة نظري مجرد جدال لا فائدة منه, وخاصة بعد المشاركة الأخيرة للأستاذة مصرية مغتربة التى أكدت أنه موضوع شخصي بها للتعبير عن كرهها تلك الفئة من المسلمين ,فنحن كمسلمين ايضاً ولله الحمد نحب كل المسلمين بمختلف تياراتهم وانتمائاتهم ونقدرهم حتى وان كانوا على معصية, الموضوع اصبح به تطاول على دين الله وعلماء المسلمين, وهذا ما لا أقبل انا شخصياً أن اشارك فيه.

فأكملوا ان شئتم او اغلقوه ان شئتم.

واشكر أ.خالد المسلم , أ.محمد , أ.الغريب, أ.أبو عمر ,أ.عادل أبو عمر , أ.شريف, أ.مسافر , أ.remo , أ.ضحي , أ.مصطفي جميل على مشاركتكم الرائعة وأقلامكم المميزة , جعلها الله في ميزان حسناتكم.

مع تحياتي

[Scorpion]

طيب لما تقرروا مصيرنا ايه ابقي اندهولي من عالقهوة ...

إمضاء

واحد معتنق دين من الأديان اللي كانت موجودة في مصر قبل دخول الأسلام ... اللي الناس بيستعجبوا ازاي كان موجود من اساسه ...

واحد من اللي بيقول ان مافيش 3 الهة ...

واحد لامؤاخذة مسيحي ..., قصدي نصراني علشان ما نزعلش حد مننا ...

ما هو لازم نلف نلف و نرجع للمسيحيين و البابا شنودة ...

اومال نبقي حلوين ازاي ...

كملوا كملوا .. ربنا يهدينا احنا ...

[م تيمور المراغي]

استاذ عادل حضرتك بتقول انك بتشهد الله على محبتك للشيخ ابو اسحاق الحويني ,,

وانا بالاصاله عن نفسي وبالنيابه عن الدكتور عمرو خالد وكل صناع الحياه وكل محبيه ,,

اشهدكم اننا نحب العلامه المحدث ابو اسحاق الحويني في الله حبا جما ونعرف قدره,,

ونحترم علمائنا ومشايخنا الكبار ونقبل ايديهم ونجلهم ونعتز بهم ,,

لكن دعنا نتفق ان الكل يؤخذ منه ويرد عليه ,, الا صاحب الروضه صلى الله عليه وسلم ,,

وعندما نرى هفوه لاي عالم او داعيه ننتقده يا عادل ,,

ليس لدينا في الاسلام كهنوت واشخاص فوق البشر لان كل ابن آدم خطاء ,,

حتى الشيخ محمد حسان تراجع مؤخرا عن شتيمة الدكتور وقال انه كان في لحظه انفعاليه طارئه يعني لم يكن في موده العادي الطبيعي ,,

انا بش بتكلم عن حاله خاصه ,, بتكلم عموما

عندما لا يعجبني او عندما لا اقتنع بتصرف ما تصرفه احد المشايخ ده مش معناه اني مش بحترمه او اقلل من شأنه ,,

والعلامه الحويني قد وهبه الله سماحه في الوجه تاسر قلب من يشاهده وانا منهم ,,

لكن تقول لي تابوهات ,, وخطوط حمراء في النقد اقول لك لأ ,,

[م تيمور المراغي]

طيب لما تقرروا مصيرنا ايه ابقي اندهولي من عالقهوة ...

..........................

مصير اخوتي الاقباط مش احنا اللي حنقرره استاذ سكوربيون

بل قرره خير البشر صلى الله عليه وسلم من 1400 سنه عندما قال :

1 - إذا فتحت مصر فاستوصوا بالقبط خيرا فإن لهم دما ورحما وفي رواية إن لهم ذمة يعني أن أم إسماعيل كانت منهم

الراوي: كعب بن مالك المحدث: الهيثمي - المصدر: مجمع الزوائد - الصفحة أو الرقم: 10/66

خلاصة حكم المحدث: [روي] بإسنادين ورجال أحدهما رجال الصحيح

2 - إذا فتحت مصر فاستوصوا بالقبط خيرا ، فإن لهم ذمة و رحما

الراوي: كعب بن مالك المحدث: الألباني - المصدر: صحيح الجامع - الصفحة أو الرقم: 698

خلاصة حكم المحدث: صحيح

3 - إذا افتتحتم مصر فاستوصوا بالقبط خيرا ، فإن لهم ذمة و رحما

الراوي: كعب بن مالك المحدث: الألباني - المصدر: السلسلة الصحيحة - الصفحة أو الرقم: 1374

خلاصة حكم المحدث: صحيح على شرط الشيخين

[Scorpion]

يا أخي العزيز انا والله عارف كويس قوي الكلام ده ...

المشكلة في اللي تديله الخيار بين أمرين .. كلاهما مقدس .. يختار أكثرهما قسوة

مودتي و احترامي الصادق لفكر حضرتك ...

[abaomar]

:P

:

:happy:

دلوقتي بقوا اهل كتاب؟

طول عمرهم اهل كتاب كما سماهم بذلك القرأن و السنه و لا انت ما تعرفش

قُلْ يَا أَهْلَ الْكِتَابِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلا نُشْرِكَ بِهِ شَيْئًا وَلا يَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ

مش دول الكفار اللي بيقولوا المسيح هو الله؟

نعم

لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَابَنِي إِسْرَائِيلَ اعْبُدُوا اللَّهَ رَبِّي وَرَبَّكُمْ إِنَّهُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ(72)[/b]

مش دول الكفار اللي حرفوا الانجيل و عبدوا المسيح و الصليب؟

دلوقتي بقوا اهل كتاب؟؟؟ :P

إذا كنت ما تعرفش اديك عرفت بس إدعيلى

ماشي

اديني بقولك ما تتكسفش يابو عمر و قولنا حتتعامل ازاي مع المسيحيين الكفره عباد الصليب و المسيح

لهم دينهم و لى دينى

زى ما بأتعامل معاهم دلوقتى يا زهيرى و لى منهم اصدقاء و جيران

يجمعنا الاحترام و الجوار كما بين لنا ذلك ديننا .

و بلاش تحاول تضحك عليا علشان انا عارفك من ييجي 10 سنين art:)

الشئ الاخير لى معك يا زهيرى فى هذا الموضوع بخصوص فيديو الشيخ الحوينى

انت شفت الفيديو بجد ...بجد .؟؟

تم تعديل 30 نوفمبر 2010 بواسطة abaomar