شاهدوا فيلم ( حرب المحاورات ) اخطر فيلم تم انتاجه حتى الان

[عبير يونس]

مصرية مغتربة

شرفتي التوبيك يا فندم .. ولو ان كلامك كان للفاضلة قلب ابيض بس نورتي برضو

اشتقنا لردودك الكريمة التي تملأ النفس ثقة ونور

وتحياتي لكل مشرفي مغتربي السعودية الاحرار

الله يكرمك يا ساري

انا طبعا جاية للتوبيك عشان اقدم اعترافات خطيرة

بس مشغولة شوية

اخلص المواعين

و حتتين غسيل كده و آجي هوا

:blink:

[عادل أبو عمر]

الساري و لماضة

و تتوالى الروائع clp:: clp:: clp::

رغم إني المفروض محايد لكني لا أخفي ميلي ناحية مغتربي الكويت لأنهم اول من استقبلني في المحاورات و ليهم علي واجب

لكن أنا معجب جدا بهذه الحالة من الحب بين الجميع ...

ساري يا أخويا .. نصيحة استخبى اليومين دول .. B) B)

مش عشان حاجة متفهمنيش غلط hg):: .. إنت كدة عملت الوااااااااااااجب و زيادة و هديت النفوس خااااااااااالص

انا عايزك بس تقعد كدة تستمخ و تركز مع لماضة في فكرة الفيلم الجديد .. :D

تقبلوا تحياتي

[لماضة مصرية جدا]

لماضة

يا لماضة

انتي علي الجبهة الخسرانة وفي يوم هتلاقي الساري بيقول الارض لو عطشانة نرويها بيبسي

يااستاذي سمبا....

سمبا يا استاذي

استاذي يا سمبا

هو بالنوسبة لابا الحاج محمد ابو سويلم اللي خاوتناو مسمي نفسه سارينة قصدي ساري....هو انا عايزة اعترف اعتراف الحقيقة....و محدش يضغط عليا....انا باقول ع طول

هو سقاني فعلا حاجة...مش عارفة ايه

و انا من موقعي هذا....امام ضابط لجنة مرور كوبري ابو العلا

انا بحب اقول

مشربشي الشاي....اشرب ازوزة

معلشي

يا استاذ سمبا....لازم نقف ورا ابا محمد....لغاية اخر بوق في الكازوزة

اما نشوف هيودينا فينا.....(ورا الشمس....مش هيهمد غير لما يشوفني شايلة شنطة هدومي و بعمل لجوء لمنتدي تاني)

ساري...افندي....اعوج طربوشك....و جهز فيلم....."اخطر رجل في العالم"

ساري افندي....

افندي ساري

طب قوموا انتو ناموا يا ولاد و انا هسهر ع الزميلة....(وش عرفة في وجهة نظر)

فوتكم بعافية

[الســـاري]

ااستاذ Marrow

تحياتي لك يالغالي على مرورك الكريم .. ولو انك اخترت الجبهة الخاسرة .. لكن اوعدك من ناحيتي مش ح ا طخك

لان اسم مروان ما تتصورش دا غالي عليا قد ايه

اما بالنسبة للقلة المندسة التي تهدد وتتوعد :closedeyes:

ح ارد عليهم بتلاتة كلمات بس ...

هزلت

وزبلت ..

وتنيلت ..

:closedeyes:

فوتكم بعافية

[doha]

اجرااااااااااااااااااااام ..

بصراحه من امتع ماشاهدت في المحاورات .. واروع مافيه الموسيقى المأخوذه عن سلسلة القادمون والي بتحسسك ان في مؤامرة بجد . خليتوا الواحد هاين عليه يوقف المشاهده وينزل يمشي في مظاهرة تطالب بتثبيت توبيك مغتربي الكويت ..

اختيار موفق للموضوع والموسيقى والشخصيات السينمائية ومونتاج المشاهد .. اجرام ملوش حل .. خاصة مشهد المقابلة مع سي السيد .. يانهاركم ابيض ..

تستاهلوا التقييم انت والرفيق لماضة الي اتلككت في احد ردودها وحطيت لها تقييم ايجابي على مشاركتها في الانتاج المميز ده ..

نيجي للملاحظات وهي بسيطه جدا ..

لما بتعمل كلوز على مشهد ما مثلا لما حبيت تقول ان الموضوع اغلق .. ياريت تخلي الي عاوز تقوله في نصف الشاشه يعني لما تكبر بالزوم خليه يركز على ايقونة الاغلاق وكذلك الحال لما جاء مشهد الردود الصفر على الموضوع ..

وكمان وزير الداخلية الي كان بيفاوض مغتربي الكويت مش سي السيد بقى المرة دي , .. اصل احلى ماعجبني في التوبيك تثبيت شخصية عادل امام كزعيم محرك للاحداث وكمان وجود نفس الناس معاه تقريبا في المظاهرات برغم اختلاف الافلام المأخوذ عنها المشاهد .. فاعتقد والله اعلم ان كمال الشناوي هو الفاضل ابو زيد مش حد تاني .. يعني ياريت تثبت القائمين بدور الشخصيات على قدر ماتقدر . .

بقولك الملاحظات البسيطه دي عشان متاكده ان القنبلة الجاية هتكون حكاية .. فخلي بالك بقى وانت بتجهزها من النقطتين دول ..

[م تيمور المراغي]

تحليلك جميل اوي يا ضحى ,,

واحب اضيف شهاده لساري وريهام ,, ان اي كليب بعد كده سواء كان ردا عليهما او لهما هم شخصيا لن يساوي حجم الابداع اللي في الفيلم ده والسبب :

ان السيناريو نفسه والفكره من قبله وهو خلق شخصيه محوريه تدور حولها الاحداث و ادخال اسلوب الراوي قبل وبعد كل مشهد دي رياده و ابتكار والله تسجل لهما مهما كانت قوة ما ياتي بعد ذلك

[Simba]

باعطيك دعوة انت والعشرة انفار اللي حيلتكم لمشاهدة مجانية لفيلم حرب المحاورات 2 الذي سيصدر قريبا .. وكراسي جنب الباب

عشان لما الاحداث تغلي .. ما تتوهوش بالضلمة

ساري

ساري

يا استاذ ساري

انت يا سيدنا

راح فين ده :blink:

يا استاذ ساري

احنا مش محتاجين دعوة احنا لما بندخل اي مكان بندخل كفاتحين منتصرين حاملين اللواء

ومغتربي السعودية هيخضعوا لوصاية مغتربي الكويت باي شكل

وخلي بالك

بالك خلي

عندنا اتنين جداد منورنا محترفين في تحرير الفيديو وصناعة الحرب

تم تعديل 29 نوفمبر 2010 بواسطة سمبا

[Simba]

لماضة

يا لماضة

يا استاذتنا

قدامك فرصة اخيرة تلحقي نفسك وتهربي من جلدك من تحالف مغتربي السعودية

قبل ما يجي عليكي اليوم وتقولي

الله يخيبك يا آبا الشيخ يوسف خلتنا نشرب شواشي الدرة بدل سجاير المكنة

تم تعديل 29 نوفمبر 2010 بواسطة سمبا

[م تيمور المراغي]

لن تجدي محاولات التشويش يا سيمبا ,,

الكهف الاحمر الدموي القديم ,,

يترصد فيه الساري ويعد عدة الحرب

ستسمع قعقعة السلاح عما قليل ,,

اللطيمه ,, اللطيمه

[Simba]

صور مهداة الي العسس والبصاصين من مغتربي السعودية والامارات

الجزيرة الخضرا

صورة من مكان شغلي

صورة من الطريق للشغل

تم تعديل 29 نوفمبر 2010 بواسطة سمبا

[Simba]

الشارع اللي فخامتي ساكن فيه :closedeyes:

صورة من الرقعي

[أبوعمار]

بالصلاة على النبي كده ... أنا متابع الموضوع من بدري

بس من خرم الباب على رأيكم... مشاغل بقى

وقاعد أقول يا واد طنش خالث

بس شغل جامد جد .... ما قصرتوا والله

مردودة لكم من جيش مغتربي الكويت البواسل

تامر بدأ الانتفاضة ... وستستمر إلى تحرير آخر توبيك في المحاورات

سمبا برضو وراكم وراكم

وأنا هافضي نفسي مخصوص

عشان أسلم نفسي للتجنيد في أقرب جبهة

ما تقلقوش ...

انت غلطتوا غلطة عمركم يا جماعة... دخلتوا عرين الأسد

والبادي أظلم

كل واحد بقى يلحق ياخد له ساتر

تحياتي لكل الناس اللي دمها زي العسل دي

مراسلكم من أهدى مكان في العالم "حسبي الله ونعم الوكيل"

[م تيمور المراغي]

[لونا]

حقيقي الصورتين دول كفاية يا architect .. يعني ماحدش يقدر يتكلم بأة

و بعدين أعذرني يا أستاذ سمبا الصور اللي حضرتك جبتها .. عادية جدًا

يعني و أنت ماشي في أي مدينة خليجية حتلاقي نفس المناظر دي بالضبط

بجد يعني أنا باحس إن كل دول الخليج - و السعودية من ضمنهم- نفس الشكل و نفس الروح

يمكن جدة و مكة مختلفين شوية

[م تيمور المراغي]

ميرسي يا لونا اوي ,,

واعذريهم هما ماعندهمش غير شارعين اتنين بس

واحد بالطول

والتاني بالورب :happy:

[akramgroup]

كويت ايه ياعم

دى كلها اوضه وصالة

وبعدين الصور دى عاديه جدا زى ماقالوا

والشوارع عاديه بردو جدا

ولا هيا القصه ان العربيات لونها ابيض؟؟؟؟

[أبوعمار]

شوف بقى يا architect

بلاش ضرب تحت الحزام

انت عارف اننا مانقدرش نتكلم في الموضوع ده بتاتا

وبعدين احنا بقى مش بنتكلم عن المكان

احنا بنتكلم ع المكانة

مكانتنا احنا واحساسنا ببعضينا

شوف الناس الحلوة بتوع الكويت

ادخل كده بس التوبيك بتاعنا

وحس بالغيرة شوية

كويت ايه ياعم

دى كلها اوضه وصالة

وبعدين الصور دى عاديه جدا زى ماقالوا

والشوارع عاديه بردو جدا

ولا هيا القصه ان العربيات لونها ابيض؟؟؟؟

ان كان يا أكرم على موضوع الأوضة والصالة

دي بقى أكبر فايدة

نص ساعة أقدر أشوف أي حد صاحبي موجود في الكويت

مش يا فرحتي في بلد واحد

ومقضييها نت وتليفونات

ايه الفرق بين اللي معاكوا في السعودية واللي في مصر

حلوة موضوع الشوارع عادية دي

ولا العربيات البيضا

هأقول لكم على حاجة بقى احقاقا للحق بمناسبة موضوع العربيات

هنا في الكويت بيحترموا الستات جدا على فكرة

يعني لو واحدة ست بتعدي لازم الراجل يوقف لما تعدي الأول

عرفت الفرق لما كنت في العمرة مع زوجتي وأولادي

وحصلت كذا مرة والله

تكون زوجتى بتعدي الشارع ولا هما هنا

وهي واخدة على طريقة أهل الكويت

تعدي وعارفة انهم هايوقفوا

بس ربنا ستر كذا مرة كانوا هايتخبطوا هي وعيالي

دي حاجة كده ع الماشي

لي عودة أخرى

بس آه لو كنت فاضي لكم

فاصل ونواصل

[اغابي]

كويت ايه ياعم

دى كلها اوضه وصالة

وبعدين الصور دى عاديه جدا زى ماقالوا

والشوارع عاديه بردو جدا

ولا هيا القصه ان العربيات لونها ابيض؟؟؟؟

انك لمستفزون استفزازون كما لم نستفذ مثله من قبل

المجمع اللغوى للغة العربية

اغابي اباتاثا جوحون

---------------------------------------------------

ايه داه يا ابوعمار انت طلعت فى الكويت - مفاجاه جميلة

اول مرة اعرف تصدق واقول الراجل داه مميز اوى - اللى هو انت حضرتك طبعا يعنى

واقول الراجل داه ابوعمار مميز وموضوعاته متميزة وشبهى كتير فى المناقشات والحوارات

وانك لمن المتميزين على المحاورات اتارى قال من مجموعة المصريين المغتربين بالكويت

اكمننا كمجموعة بنشبه بعضنا هنا

:waving:

ميرسي انا فرحت كتير

:Laie:

تم تعديل 30 نوفمبر 2010 بواسطة اغابي

[أبوعمار]

ايه داه يا ابوعمار انت طلعت فى الكويت - مفاجاه جميلة

اول مرة اعرف تصدق واقول الراجل داه مميز اوى - اللى هو انت حضرتك طبعا يعنى

واقول الراجل داه ابوعمار مميز وموضوعاته متميزة وشبهى كتير فى المناقشات والحوارات

وانك لمن المتميزين على المحاورات اتارى قال من مجموعة المصريين المغتربين بالكويت

اكمننا كمجموعة بنشبه بعضنا هنا

:waving:

ميرسي انا فرحت كتير

:Laie:

كلك ذوق يا أغابي

وان كان الكلام ده كتير قوي عليا

عموما من بعض من عندكم

فعلا كل في الكويت هنا تحسي أفكارهم قريبة من بعض

وكمان احساسهم دافي وبيودوا بعض

مش زي أخواننا البعدا bsh:)

وان كان على الحرب الحالية أوعي تقلقي

أنا مش قلقان خالص

اللي ردوا كفوا ووفوا

ولسه

أول الغيث .... قطرة

انتظروا مني السيل اللي جاي

انتوا يا جماعة مش محتاجين أقول لكم ان كله تهريج في تهريج

وان لكم كل الحب والتقدير

لو حتى المغتربين في كوالا لامبور

[عبير يونس]

نيجي للملاحظات وهي بسيطه جدا ..

لما بتعمل كلوز على مشهد ما مثلا لما حبيت تقول ان الموضوع اغلق .. ياريت تخلي الي عاوز تقوله في نصف الشاشه يعني لما تكبر بالزوم خليه يركز على ايقونة الاغلاق وكذلك الحال لما جاء مشهد الردود الصفر على الموضوع ..

وكمان وزير الداخلية الي كان بيفاوض مغتربي الكويت مش سي السيد بقى المرة دي , .. اصل احلى ماعجبني في التوبيك تثبيت شخصية عادل امام كزعيم محرك للاحداث وكمان وجود نفس الناس معاه تقريبا في المظاهرات برغم اختلاف الافلام المأخوذ عنها المشاهد .. فاعتقد والله اعلم ان كمال الشناوي هو الفاضل ابو زيد مش حد تاني .. يعني ياريت تثبت القائمين بدور الشخصيات على قدر ماتقدر . .

بقولك الملاحظات البسيطه دي عشان متاكده ان القنبلة الجاية هتكون حكاية .. فخلي بالك بقى وانت بتجهزها من النقطتين دول ..

أستاذة و رئيسة قسم