كل إنتخابات وهما مزورين.

[nightmare]

كل انتخابات واحنا طيبين وهما مزورين , الليلة انفضت الحمد لله وما زال مسلسل التزوير قائماً, ومبروك علينا النواب الوطنيين نحو مستقبل افضل لأولادهم.

http://www.youtube.com/watch?v=T4HBUKkXyIc&feature=player_embedded#!

مع تحياتي

تم تعديل 28 نوفمبر 2010 بواسطة nightmare

[مغتربة]

جميل كدا جدا

لكن علشان الخطوه تكون مكتمله ممكن حضرتك تبص على الموضوع دا

و تبعت الفيديو على عنوان الايميل

مش كفايه ان احنا بس الى نعرف و نشوف لازم نوصل الانتهاكات دى لقوه فاعله تقدر انها تفضحه

احنا بعرض الفيديو مشينا نص الطريق لكن لما نبعته هنكون كملناه باذن الله

تحياتى

[nightmare]

جميل كدا جدا

لكن علشان الخطوه تكون مكتمله ممكن حضرتك تبص على الموضوع دا

و تبعت الفيديو على عنوان الايميل

مش كفايه ان احنا بس الى نعرف و نشوف لازم نوصل الانتهاكات دى لقوه فاعله تقدر انها تفضحه

احنا بعرض الفيديو مشينا نص الطريق لكن لما نبعته هنكون كملناه باذن الله

تحياتى

التوبك اللى حضرتك وضعاه مش واضح كلنك ممكن اضغط عليه يفتح معايا , فمش قادر افتحه

لو امكن حضرتك تقومي بالمهمة دي , جزاك الله خير

بس عامة مش ده الفيديو الوحيد

http://www.youtube.com/watch?v=-1DPseOpSRM

مع تحياتي

[مغتربة]

الموضوع فى باب الاعلام المصرى

تحت اسم رساله من مراسلين بلا حدود

اعتذر لانى لانى لم اتمكن من ادراج لينك صفحه داخليه

الرباط الخاص بي

[aimen]

كل انتخابات واحنا طيبين وهما مزورين , الليلة انفضت الحمد لله وما زال مسلسل التزوير قائماً, ومبروك علينا النواب الوطنيين نحو مستقبل افضل لأولادهم.

http://www.youtube.com/watch?v=T4HBUKkXyIc&feature=player_embedded#!

مع تحياتي

ادى اسامى الناس دى

The names of these gentlemen are well known there : Mahmoud Ayoub, Ibrahim El-Foly, Atia Siyad Atia , Ahmed Riyan and Rageb Ghazli.

[شريف مان]

يا نايت يا خويا

واحد صاحبى النهاردة صوت 8 مرات

هو صحيح صوته عالى .. بس مش لدرجة 8 مرات

وال 8 كانوا ضد بتوع الوطنى :D

[Alshiekh]

تقرير مصور من الـ BBC العربية

شاهدة من برنامج أنت شاهد تقول أن إحدى سيارات الشرطة نزل منها " بلطجية يرتدون تى شيرتات " عليها شعار الإسلام هو الحل ، وتوجه هؤلاء البلطجية إلى مقر اللجنة الإنتخابية. " المنتزة ثان بالاسكندرية.

http://www.youtube.com/watch?v=6V8sLp_nJak

[Alshiekh]

رئيس اللجنة هو من يقوم بالتزوير فى دائرة قصر النيل

http://www.youtube.com/watch?v=uSeFu2AXMjc

[Howayda Ismail]

ده بس اللى ظاهر لنا ماخفى كان اعظم والله اعلم فى ايه اكتر من كده ويمكن دى بروفة مصغرة لاحداث قادمة

منهم لله خلوا حتى العيال معندهمش ثقة فى اى حاجة فى البلد دى

اصغر اينائى 10 سنين جه حكى لى انه شاف فى الشارع احد المرشحين ماشى وراه ناس كتير وكان بيسلم

على اصحاب المحلات والمكاتب وعطى ناس منهم فلوس والف سؤال وسؤال طيب ارد اقوله ايه ولا ايه

والكارثة ان مرشح تانى شايل 3 شنط فلوس دخل بيهم مكتب وخرج بعد شوية بالشنط منافسين له

من الواضح ان سبوبة الانتخابات اكبر مما نتصور والا ليه المرشحين بيصرفوا بالملايين ويتقاتلوا بالطريقة

الفظيعة دى عشان يفوزوا بكرسى موافقون

[nightmare]

أ.مغتربة , شكرا علي الرابط

أ.أيمن , اشكرك على إضافة أسماء هؤلاء الناس لكن ماذا بعد وهل سيتم محاسبتهم على جريمتهم في حق الشعب.

أ.شريف مش المشكلة اذا كان صاحبك يصوت للوطني او المعارضة ده حقه , لكن المشكلة انه ازاي اتسمح ليه بالتصويت 8 مرات.

أ.محمد , جهد مشكور لإثراء الموضوع وإضافة مميزة , احييك عليها.

أ.هند , هي دي المشكلة الكبري ان تنتقل تلك الأفكار وترسخ في اذهان اطفالنا .

معلونة دي انتخابات , شوفوا كده

http://www.youtube.com/watch?v=zwArWpPWu8Q&feature=player_embedded

مع تحياتي

[اغابي]

رئيس اللجنة هو من يقوم بالتزوير فى دائرة قصر النيل

http://www.youtube.com/watch?v=uSeFu2AXMjc

يا خبررررررررر كدا عيني عينك

على المكشوف ولا فى خوف ولا اى حاجة

طب مفيش لجان مراقبة توقف الحاجات دى

او لجان دولية

يا جماعة بجد كدا الوضع خطيرر اوى

طيب فى المحافظات التانية وخاصة الصعيد اللى ما بيعرفوش اى تفاهم حيعملوا ايه

فى وضع الفساد داه - ربنا يسترها

هو قالها استاذ س س

هو فلم فعلا يعنى ديكور ومنظرة والنتيجة محسومة من قبل ما تبدأ

تم تعديل 29 نوفمبر 2010 بواسطة اغابي

[لماضة مصرية جدا]

السلام عليكم و رحمة الله و بركاته

طب ممكن اسال سؤالي بفهمي المتواضع

هو احنا متخيلين يعني الصحوة هتحصل كده في يوم و ليلة....اصل صعبان عليا اوي الناس اللي كانت متنعشمة في الانتخابات

فساد بالحجم ده....يبقي عايزله قطرات....و عمر عشان ينزاح

بس متفائلة خير عارفين ليه

عشان فيه ناس نزلت...و افسدوا اصواتهم....هما لا مع الوطني و لا مع غيره....بس ع الاقل هما مش عايزين اصواتهم يتلعب بيها

و دي حاجة ايجابية

متفائلة خير....ان بقي عندنا قنوات.....ضاغطة...قد تكون مؤسسات مجتمع مدني....او يكون موقع المحاورات او الفيس بوك....بس الخطوة الاولي...فضح الممارسة الفاسدة..

فاكرين حركة زمان كانت طلعت اسمها "شايفينكم"

كنت بحبهم اوي

احنا كمان بنقول...."شايفينكم"

صباحكم....تفاؤل....اكيد التغيير هيحصل....(إن الثورة تولد من رحم الاحزان...نزار قباني)

[ذهبية]

لو سمحتم بقى محدش يوصفنى بالجاهلة

بسبب السؤال الى هاقولة دة

هما لية بيعملوا كدة لية كل واحد ماسك فى كرسية و متبت فية حتى لالتزوير و الرشوة وممكن توصل للقتل

اية اللى بيحصل علية عضو مجلس شعب عشلان نشوف المناظر دىىى كل سنة

اية مميزات هذة الوظيفة السحرية اللى طوب الارض بيموت نفسة عليها

[شريف مان]

مصطفى بكرى وحمدين صباحى وجمال زهران وحتى مصطفى شردى

راسبون

لا حول ولا قوة الا بالله

أمال مين اللى نجح

[aimen]

والله العظيم دى نكته

فضيحة وخيبة بالويبة بكل المقاييس

http://www.egyptiantalks.org/invb/public/style_images/master/rte_icons/media.png

http://www.youtube.com/watch?v=L-WLjODPdp8&feature=player_embedded#!

بطاقات مسودة لصالح الحزن الووطنى

http://www.youtube.com/watch?v=kbnfpGryUOM&feature=player_embedded#!

[aimen]

يا كبير يا بتاع الفلوس - انى ارى النصر على مرمى حجر كما قال السيد مشعل بيه

ابوحجى نائب الصعيد علشان ما تزعلى يا مدام اغابى

http://www.youtube.com/watch?v=Dxm6ZcZSCRA&feature=player_embedded

[aimen]

ودى فى طنطا ماشاء الله

على الفتح والنصر العظيم

http://www.youtube.com/watch?v=k7An8jToOWA&feature=player_embedded

لأجمل وافضل تغطية لكوميديا ماحدث يوم الأحد فى بر مصر

بس رجاءا ضعاف القلوب واللى عندهم ضغط ما يدخلوا الرابط

وياريت تتفرجوا عليه وانتم بمفردكم علشان فيه حاجات مش عارف اقول كوميدية ولا قلة ادب

تحذير للمرة الأخيرة

للكبار فقط

مدونة زنوبيا

تم تعديل 29 نوفمبر 2010 بواسطة aimen

[لماضة مصرية جدا]

لو سمحتم بقى محدش يوصفنى بالجاهلة

بسبب السؤال الى هاقولة دة

هما لية بيعملوا كدة لية كل واحد ماسك فى كرسية و متبت فية حتى لالتزوير و الرشوة وممكن توصل للقتل

اية اللى بيحصل علية عضو مجلس شعب عشلان نشوف المناظر دىىى كل سنة

اية مميزات هذة الوظيفة السحرية اللى طوب الارض بيموت نفسة عليها.

ذهبية...صباح الورد

و اشعة الذهب الدافية

علي حسب فهمي المتواضع كان حد قالي.....الشهرة....السلطة....القوة

عارفة لما حد بينده اسمك مثلا و بتطلعي ع المسرح

في الاول يبقي عندك رهبة....و بعدين لما تلاقي الكاميرات عليكي....و الناس بتصقف...و اللي يعيط...و اللي يجري عشان يتصور معاكي....او يطلع في الخلفية و يقول باي للكاميرا

او لما تخشي اي مصلحة حكومية و بدل ما تقفي لوحدك في الطابور....تلاقي الللي بيوسعلك السكة و يقولك يا ذهبية هانم....ليه تعبتي نفسك و نزلتي احنا نبعت الموظف لغاية عندك فوق في البلكونة...انتي بس تنزليلنا السبت

حسيتي بقي بقشعريرة.....اهو ده السحر بتاع المنصب

و ع فكرة بتاع اي منصب تاااااااني

بيسموها

moment of fame

كل واحد ليه لحظة بريق فلاش الكاميرا

فيه ناس عايزة تقف قدام الفلاش اكبر وقت ممكن...مش بس دقيقة اللقطة

و فيه ناس اصلا عابري سبيل في الحياة.....لسه مسمعوش عن اختراع الكاميرا و ميهمهاش

و فيه ناس....هتموت و تمسك الكاميرا و تصور نفسها في نفس ذات الوقت

هو السؤال.....انتوا متبتين في الدنيا اوي كده ليه؟؟؟؟

صباحك......ذهبي....يا ذهبية

تعالي اقعدي جنبي....علي مصطبة..عابري السبيل

[raouf]

أ.مغتربة , شكرا علي الرابط

أ.أيمن , اشكرك على إضافة أسماء هؤلاء الناس لكن ماذا بعد وهل سيتم محاسبتهم على جريمتهم في حق الشعب.

أ.شريف مش المشكلة اذا كان صاحبك يصوت للوطني او المعارضة ده حقه , لكن المشكلة انه ازاي اتسمح ليه بالتصويت 8 مرات.

أ.محمد , جهد مشكور لإثراء الموضوع وإضافة مميزة , احييك عليها.

أ.هند , هي دي المشكلة الكبري ان تنتقل تلك الأفكار وترسخ في اذهان اطفالنا .

معلونة دي انتخابات , شوفوا كده

http://www.youtube.com/watch?v=zwArWpPWu8Q&feature=player_embedded

مع تحياتي

الله بلد رجالة

واخذوا حقهم ولم يسكتوا على الظلم

لو مصر فيها 3-4 قرى او مدن فيها رجالة وستات زى دول والله ما كان ده هيبقى حال البلد

ربنا ينصرهم

[شريف مان]

أ.شريف مش المشكلة اذا كان صاحبك يصوت للوطني او المعارضة ده حقه , لكن المشكلة انه ازاي اتسمح ليه بالتصويت 8 مرات.

كلمة السر أنا هرشح الوطنى :)

وتدخل تصوت بدل الباشا اللى قاعد فى بيته مش عايز ينزل يغير حاجة