كل إنتخابات وهما مزورين.

[Howayda Ismail]

لو سمحتم بقى محدش يوصفنى بالجاهلة

بسبب السؤال الى هاقولة دة

هما لية بيعملوا كدة لية كل واحد ماسك فى كرسية و متبت فية حتى لالتزوير و الرشوة وممكن توصل للقتل

اية اللى بيحصل علية عضو مجلس شعب عشلان نشوف المناظر دىىى كل سنة

اية مميزات هذة الوظيفة السحرية اللى طوب الارض بيموت نفسة عليها.

ذهبية...صباح الورد

و اشعة الذهب الدافية

علي حسب فهمي المتواضع كان حد قالي.....الشهرة....السلطة....القوة

عارفة لما حد بينده اسمك مثلا و بتطلعي ع المسرح

في الاول يبقي عندك رهبة....و بعدين لما تلاقي الكاميرات عليكي....و الناس بتصقف...و اللي يعيط...و اللي يجري عشان يتصور معاكي....او يطلع في الخلفية و يقول باي للكاميرا

او لما تخشي اي مصلحة حكومية و بدل ما تقفي لوحدك في الطابور....تلاقي الللي بيوسعلك السكة و يقولك يا ذهبية هانم....ليه تعبتي نفسك و نزلتي احنا نبعت الموظف لغاية عندك فوق في البلكونة...انتي بس تنزليلنا السبت

حسيتي بقي بقشعريرة.....اهو ده السحر بتاع المنصب

و ع فكرة بتاع اي منصب تاااااااني

بيسموها

moment of fame

كل واحد ليه لحظة بريق فلاش الكاميرا

فيه ناس عايزة تقف قدام الفلاش اكبر وقت ممكن...مش بس دقيقة اللقطة

و فيه ناس اصلا عابري سبيل في الحياة.....لسه مسمعوش عن اختراع الكاميرا و ميهمهاش

و فيه ناس....هتموت و تمسك الكاميرا و تصور نفسها في نفس ذات الوقت

هو السؤال.....انتوا متبتين في الدنيا اوي كده ليه؟؟؟؟

صباحك......ذهبي....يا ذهبية

تعالي اقعدي جنبي....علي مصطبة..عابري السبيل

ايه يابنات ياحلوين نسيتم اهم حاجة الحصصصصصصصصصصصصصصصصصصصصصصصصصصصصصانة

الكرفان اللى بيدارى على كل بلاويهم اشى تهريب اثار اشى مخدارات ومش حيضر مجاملات جمارك وكله بالحصانة

على راى اسماعيل يس لا والنبى فتشنى فتش (فيلم ابن حميدو )

تقدر اعلى رتبة فى الداخلية تفتش سيارة عضو مجلس شعب فى اى دورية او تجرؤ حتى توقفه ؟!

[Howayda Ismail]

والكارثة ان مرشح تانى شايل 3 شنط فلوس دخل بيهم مكتب وخرج بعد شوية بالشنط منافسين له

من الواضح ان سبوبة الانتخابات اكبر مما نتصور والا ليه المرشحين بيصرفوا بالملايين ويتقاتلوا بالطريقة

الفظيعة دى عشان يفوزوا بكرسى موافقون

بصوا جالكم كلامى ولادى قالولى حينجح يعنى حينجح حتى من غير انتخابات ولاتصويت

لو مكنش حيبقى تشهير كنت قلت اسمه علنى

لكن وانا بادور على اخبار الانتخابات وقعت عينى على التعليقات الخاصة بهذا النائب وصراحة

مقدرتش امنع نفسى تشوفوها

دى بعض التعليقات قبل الانتخابات

النائب الأمى

من Falcon Tiger-28 نوفمبر 2010 11:56 ص أزاى ياحزب واحد أشترى شهادة محـــو أمية و ينزل فئات يبقى الضـــباط و الدكاترة والمهندسين و المدرسين يعملوا أية ينزلوا فلاحين يخسارة يابلد والله يرحمك يا مصطفى كامل( لو لم أكن مصرياً لوددت أن أكون مصرياً )

النائب الأمى

من Falcon Tiger-28 نوفمبر 2010 11:41 ص نائب جاهل له دورتين عمل فيهم أيه .الفول الســـودانى طـــور نفســة و هو لســـة فاشل حد يســـألة قدم كام طلب أحاطة أو قدم كام أستجواب دة لو كان يعرف معناهم . الغلط مش علية الغلط على الحزب اللى حط واحد أمى بصمجى يقرر مصير دائرة كبيرة زى دائرة ...... لكى الله يامصر نائب أمى جاهل يترشح فئات

ادفع

من Abody Aldaour-28 نوفمبر 2010 9:52 ص ادفع لتحصل علي المقعد

3 ملايين جنية من اجل تنازل الاستاذ ....... هذة هو عرضك ايها الجاهل لكن شتان بين الرجال و انصاف الرجال

اختار اي حد متعلم بيعرف يقرا ويكتب مش مهم تعليم عالي

من Emad Elmasry-27 نوفمبر 2010 9:59 م المهم يعرف يتكلم عني وعن اهلي وعن مشاكلي مش واحد اشتري شهادة بفلوسة علشان المحكمة استدعته للاستكتاب بعد شهادة اقسم بالله انا زهقت انت عملت لشعب ........ من ساعة ما بقيت النائب بتاعها انت علشان مداين مصر هتفضل ورانا لحد ما تفلسنا احنا حرام بجد بص كفاية كدة بجد هتاخدها عفاية هتقوم ثورة حرام كفاية تعبنا من التزوير

لمزيد من الإنجازات ؟

من Ahmed Mokhtar-27 نوفمبر 2010 4:06 ص السؤال : أذكر إنجاز واحد فقط من هذه الإنجازات ؟

الإجابة : إبقى قابلنى لو لقيت

...............................................................

ودى بعض التعليقات بعد فوزه

مبروك من القلب

من Samah Rahma-29 نوفمبر 2010 7:20 ص اساسا هو بيقرأ ويكتب كويس جدا بس مفيش شهادات عالية كفاية نجاحة فى الحياة ووصولة للهو فية اكبردليل على ان دماغة توزن بلد ودى حقيقة ولا السياسة ولا النجاح بيشترطو شهادات والدليل 90%من الشباب فاشلين رغم حصولهم على شهادات

الف مبروك

من Youdy Dody-29 نوفمبر 2010 6:24 ص الف مبروك للكينج ................

امبراطورية ...........

من Samah Rahma-29 نوفمبر 2010 5:49 ص مكنش ينفع غير اننا نقولك مبروك ومن القلب بندعيلك وبنبارك

مبروك من القلب

من Samah Rahma-29 نوفمبر 2010 5:38 ص مبروك ياحاج ...........

حسبى الله ونعمة الوكيل

من Ahmed Ramadan-28 نوفمبر 2010 7:53 م حسبى الله ونعمة الوكيل

كله ماشى

من Abdllah Mohy El Din-28 نوفمبر 2010 6:57 م والله محيعمل حاجة ولو مش مصدقنى اسالوه الناس فى ....... عملتلهم ايه وياريت كل واحد فينا بيحب واحد ربنا يحشره معاه فى القبر والله زى الرسول صلى الله عليه وسلم قال تحشر مع من تحب قولوه امين

حمو بو محجوب

من حمو بو محجوب العزومى-28 نوفمبر 2010 12:50 م ان انتخابات ......... والله كدة كدة وخدها

النائب الأمى

من Falcon Tiger-28 نوفمبر 2010 12:07 م نؤيد الجهل و الأمية و البصمجة لمستقبل أفضل و لمزيد من الجهل و الأستمرار فى الحضيض.