مسابقة عالمية لحمل الزوجات

[se_ Elsyed]

أول أمس كنت اتابع نشرة اخبار الثانية عشر ليلاً بقناة الحره وعرضوا خبر ظريف عن بطولة للعالم أقيمت قريباً في فنلندا وأشترك فيها أشخاص من مختلف انحاء العالم وهي عبارة عن مسابقة للرجال يقوموا فيها بحمل زوجاتهم على أكتفاهم ويجروا لمسافة معينة ويتخطوا حواجز وينزلوا برك مياه وطرق وعره يعني عذاب لحد خط النهاية ...

وكل واحد وضميره ، يعني اللي ساب زوجته تضرب وبقت مكعوره أهو هايدفع ثمن غلطته والموتور هايفوت عنده بعد 10 متر ...

والوحيد اللي صعب عليه واحد مسكين لقيته شايل حاجه كده شكل الكوره وتبص عليها من أي زاوية كله زي بعضه وصاحبنا يا عيني ماكنش قادر يجرجر رجله ولا خطوه ..

وأخيراً اللي فاز بالسباق زوجين من أيسلندا ، وشكلهم كده كانوا عاملين معسكر مغلق للدخول في هذا السباق والأتنين كانوا سوفيفين وصاحبنا كان شايل زوجته وطاير زي الرهوان .

[فــيــروز]

أول أمس كنت اتابع نشرة اخبار الثانية عشر ليلاً بقناة الحره وعرضوا خبر ظريف عن بطولة للعالم أقيمت قريباً  في فنلندا وأشترك فيها أشخاص من مختلف انحاء العالم وهي عبارة عن مسابقة للرجال يقوموا فيها بحمل زوجاتهم على أكتفاهم ويجروا لمسافة معينة ويتخطوا  حواجز وينزلوا برك مياه وطرق وعره يعني عذاب لحد خط النهاية ...

إيه البهدله دى :angry:

طيب ما الراجل يشيل حاجه فى وزن زوجته و خلاص لازم يعنى ينزل بيها برك و مستنقعات :blink:

[Mohammad Abouzied]

مسابقة عالمية لحمل الزوجات

في قرية سونكاجارفي الفنلندية أقيمت المسابقة الدولية التي تنظمها فنلندا للسنة السابعة على التوالي لحمل الزوجات الأسبوع الماضي وفاز بها طالبان من استونيا بالمركز الأول وحصدا مايعادل وزن الشريكة من البيرة الى جانب جهاز ساونا.

وقد حمل ماديس اوسورج شريكته انجا كلاوس لمسافة 250 مترا عبر بركة من الماء وحواجز في زمن قدره دقيقة واحدة مستخدما "الطريقة الاستونية" في حمل الزوجات والتي تلف بمقتضاها الزوجة ساقيها حول رأس الزوج وتتدلى إلى الخلف ووجها إلى الأسفل.

كما شارك في السباق الذي أقيم على بعد ساعات قليلة من الدائرة القطبية 18 زوجا من عدة بلدان منها كندا وإنجلترا وايرلندا وشاهده نحو سبعة آلاف متفرج.

وتعود جذور هذا السباق الى أساطير محلية تروى عن شيوع خطف النساء من القرى المجاورة في القرن التاسع عشر.

[فــيــروز]

مستخدما "الطريقة الاستونية" في حمل الزوجات والتي تلف بمقتضاها الزوجة ساقيها حول رأس الزوج وتتدلى إلى الخلف ووجها إلى الأسفل.

ups: آىىىىىى

ده الواحد معدته اتقلبت من مجرد تخيل طريقة الحمل العجيبه دى nosb:

لا فعلا حاجه توجع البطن و اكيد الزوجه دى كانت ممتنعه عن الاكل من اكتر من 24 ساعه قبل بدء المسابقه :unsure:

ايه ده استنوا :o

طيب ازاى الزوج و هو شايل زوجته بالطريقه دى ينزل بيها المستنقعات !! دى كده هتفطس

تم تعديل 11 يوليو 2004 بواسطة فــيــروز