كل يوم واحنا مصريين

[اغابي]

كل يوم واحنا مصريين

بقلم: سحر غريب

كل سنة واحنا مصريين، متبهدلين، وفي اعتصامات واقفين، وللعيش أبو مسامير واكلين، وبالوعود الوردية الكاذبة "التي لا تستحي من الكذب وعينيها في عينيك" متهنيين، وللانتخابات مقاطعين، وعن البطاقة الانتخابية مستغنيين؛ لأن تغيير الحال في حكم المُحال.

كل سنة وأنت مصري ابن مصري أصلي، تحلم بالهجرة، ونفسك ومُني عينك تصحي تلاقي نفسك مش مصري.

كل سنة وجرائدنا تحكي عن الشعب الذي أصبح منسي، والحكومة التي اختفت في ظروف غامضة، لا وجود لها إلا في برامج التوك شو، لا تراها ولا تلمس انجازاتها، إلا علي استحياء، ليس لتميزها، ولكن لعدم جدواها.

كل سنة وأنت صحيح، سليم، مُعافي، حتي لا تضطر إلي الدخول في دوامة العلاج في "مصر" الذي لا يُغني ولا يُسمن من جوع، أجارك الله وعافاك، حتي لا تري ممرضات شياطينًا للعذاب، لا ملائكةً للرحمة.

كل سنة والدموع مخاصمة وشك، رغم انقطاع الكهرباء والمياه، وأنت مش لاقي تغسل وشك، احمد ربك علي وجودك في الحياة، وادفع ضرائبك، واعتبرها صدقة غير جارية، ومن دفع بيمينه أخذ الشلوت عن شماله.

كل سنة واحنا عايشين من غير حساب للفاسدين، فالحساب يوم الحساب، ودنيانا كلها عذاب.

كل سنة ونحن لا ننسي فتيات صغيرات قررن ركوب النيل فقسي عليهن النيل، وأخذ أرواحهن البريئة، قربانًا لطمع مراكبي، وسوء حال المراكب التي تسير بين ضفتي نيل "مصر" الخالد.

كل آخر شهر وأنت مفلِّس، وللعيش مش لاقي تغمس.

كل يوم وأنت محتاس، شايف الوكسة وانت متداس.

كل يوم وأنت مصري، لا تري لا تسمع، إلا كل كارثة حصري.

تم تعديل 29 نوفمبر 2010 بواسطة اغابي

[تامر مصطفى]

يسلم فمها

ويسلم نقلك

[اغابي]

شكرا يا تامر يا خويا

كل يوم واحنا مهمومين

كل يوم واحنا مصريين

داه كفايا قريت عن اسعار المقابر

بيصول من 40 الف ج الى 200 الف ج المقبرة الواحدة

يعنى المصريين تعبانين هما وعايشين وهما وميتين - العيشة صعبة اوى بقت - ارحما ياالله برحمتك

[samehmagdy]

قلبتى علينا المواجع ربنا يسمحك

دا الواحد من امبارح وهو مش عارف ينام وعمال يحلم بالانتخابات واللى حصل فيها امبارح

والله الواحد مش عارف يدعى على البلد دى ولا يدعلها

هو سعد زغلول الله يرحمه قالها

غطينى وصوتى يا صفيه

[اغابي]

قلبتى علينا المواجع ربنا يسمحك

دا الواحد من امبارح وهو مش عارف ينام وعمال يحلم بالانتخابات واللى حصل فيها امبارح

والله الواحد مش عارف يدعى على البلد دى ولا يدعلها

هو سعد زغلول الله يرحمه قالها

غطينى وصوتى يا صفيه

شوف يا سامح هو من همومنا طبعا بنتوجع اوى

والمفروض اننا ندعى للبلد وندعى على اللى كان السبب فى ان حالها يبقى فى النازل

مع اننا كلنا بنحب بلدنا وزعلانين عليها وعارفين ان فيها خير ياما وكنوز كتير

- بس مصر محتاجة ان المصريين يحبوها ويبقوا مخلصين فى شغلهم

بصراحة نبدأ بانفسنا كل واحد عارف عيوبه ايه يصلحها

اللى مهمل او ما عندهوش ضمير فى شغله يحاول يتغير

اللى بيقعد على كراسي المترو والمواصلات - يكتب جملتين للذكرى ويرمى زباله فى شوارعها يتغير

اللى ما بيحبش اخوه وجاره وما بيتمناش الخير لحد يتغير

اللى بيبص لمصر على انها بلد ناس وناس تانية مش بلدهم يتغير

اللى بيحب مصر يتغير علشانها

بس برضوه ما يمنعش اننا نطلب من ربنا يساعدنا فى الغمة بتاعتنا تنزاح - قصدى النظام

تحياتى

[لماضة مصرية جدا]

صباح الورد اغابي

قريت العنوان

كل سنة و احنا مصريين

و قريت انه في باب...محارب الفساد

و قريت الاقتباس

و مختلفة معاكي

عارفة ليه

عشان كل سنة و احنا مصريين....ده حقيقي

بس "مصر"......مش هي السبب في الفساد اللي قطع عننا مية و نور و مخلينا نحلم باماكن تانية لكن عمرنا ما هنحلم بوطن تاني

كل سنة و احنا مصريين .....ده صحيح

دعوة فخر....و حب.....و عزيمة بتديني طاقة كل ما بتكعبل في الغربة...برجع و اقف علي رجلي تاني بفضل الله و اقول....لا انا مصرية مش هغلب يعني

كل سنة و احنا مصريين.....ده اكيد

لان عشان نقاوم الفساد.....لازم نفتكر ان احنا مصريين و بس

لا احنا مسلمين....و لا احنا مسيحين....و لا اي حاجة

احنا محتاجين نفتكر ان احنا مصريين.....عايزين نفكر لمصر و نحلم لمصر

و تحيا مصر...(ههههههههههههههههههههههه)

بجد....مفروض علينا حكومة فاسدة.....لكن مش مفروض علينا حب وطن....هو قطعا غير فاسد....هو فقط جسمه مهتريء و يعاني.....جدا

كل سنة و احنا مصريين....و زي ما بيقولوا عندي...(إماراتي و افتخر)

نفسي بجد...من جوانا قبل ما نقولها علي لساننا....نرددها

مصري و افتخر

صباحك مصري جدا....بالزيت الحار و الليمون

[اغابي]

صباح الورد اغابي

لا احنا مسلمين....و لا احنا مسيحين....و لا اي حاجة

احنا محتاجين نفتكر ان احنا مصريين.....عايزين نفكر لمصر و نحلم لمصر

و تحيا مصر...(ههههههههههههههههههههههه)

بجد....مفروض علينا حكومة فاسدة.....لكن مش مفروض علينا حب وطن....هو قطعا غير فاسد....هو فقط جسمه مهتريء و يعاني.....جدا

كل سنة و احنا مصريين....و زي ما بيقولوا عندي...(إماراتي و افتخر)

نفسي بجد...من جوانا قبل ما نقولها علي لساننا....نرددها

مصري و افتخر

صباحك مصري جدا....بالزيت الحار و الليمون

شكرا يا لماضة للمشاركة

وصباح الورد والياسمين وكل الورود على خدك الجميل

وفعلا انا متفقة معاكى فى كل كلمة وكل حرف

كل سنة واحنا مصريين وحتى لو مقهورين لكن مش ميتين عايشين وصاحيين

ومصر قوية وحتفضل واقفة على رجليها قوية

وربنا يزيح عننا الغمة والتخلف اللى ماشي فى البلد داه اسمه جهل فى جهل

الا بصحيح مش عارفة ليه اتشجعت انزل مقالات تانية للاستاذة سحر غريب

خليني اشوف مقالة مناسبة وانزلكم بيها

خدى دى

شمى شمة