إنتهى درس الإنتخابات يا ........

[se_ Elsyed]

بخخخخخخخخخخخخخخ

خلصت

جماعة الاخوان بمصر:لا فائزين من مرشحيها بالجولة الاولى من الانتخابات..

تخيلوا المنظر

500 مقعد وزيادة ... كلهههههههههههههههم حزب وطني ..إلأ قلة مندسة لا تتعدا أصابع اليد الواحده من المستقلين أو المعارضة

غلطة عُمر الإخوان بصفتهم أكبر كتلة سياسية ممكن تقف أمام الحزب الوطني ... إنهم خاضوا الإنتخابات ..

وطبعاً كلنا شوفنا تمثيلية حزب الوفد ... وها هو رأس من أكبر رؤس الوفد " مصطفى شردي " يسقط في مسقط رأسه في بورسعيد اللي كان حاططها في جيبه الصغير ..

والبقية تأتي ..

أنا تعبان نفسياً جداً من تلك المسخرة ... ونفسي بجد أهيس في أي حاجه أو أشرب بانجو عشان أنسى ..

[se_ Elsyed]

نسيت اقول لكم الخطوة الجاية ...

المجلس وبقى في جيبنا

وترزية القوانين .. سنين المقصات والقماش جاهز ...

وأحلى 5 سنين جايه .. وأحلى تفصيل قوانين ودساتير وجلاليب على مقاس جمال ..

لكن

ربنا كبير

" ويمكرون ويمكر الله .. واللهُ خير الماكرين "

[شريف مان]

لا اخوان مسلمين ولا معارضة

لا دين ولا سياسة

يا حلولى

" ويمكرون ويمكر الله .. واللهُ خير الماكرين "

bv:-

[se_ Elsyed]

فعلاً الواحد كل يوم بيتعلم

من القرءات والأطلاع والمشاهدة فيما حدث بالأمس .. أكتشفت إن مصر الحالية .. مش لنا .. لكن لهم هم .. عصابة الحزب الفاشي

هههههههههه إضحكوا معايا وشوفوا سمينه أحمد بتقول إيه

سميرة أحمد : أشعر بالندم الشديد

أضف تعليق ارسل

11/29/2010 10:54:38 AM

أعربت الفنانة سميرة أحمد عن احباطها وندمها على خوض التجربة الإنتخابية ضمن دائرة باب الشعرية والموسكي ، قائلة "«للأسف اكتشفت أن الانتخابات في مصر تعني الحرب بين المرشحين، وعلى الرغم من أنني خضت التجربة لخدمة الناس لكنني أشعر حاليا بالندم الشديد منذ بداية التصويت»"

وجاء ذلك بعد أن اتهمت سميرة أحمد أنصار المرشح صلاح زكي أمين الحزب الوطني السابق في الموسكي بالاعتداء على أنصارها بالضرب والسباب أثناء عملية التصويت التي جرت في القاهرة أمس ، واتصلت الفنانة الكبيرة بفاروق لاشين رئيس مباحث العاصمة واشتكت له مما يحدث ، خصوصاً مع منع مأمور قسم باب الشعرية مندوبيها من دخول بعض اللجان ، فوعدها لاشين بحل الأزمة بنفسه .

[أبو حميد المسافر]

يبقي يا سين سين الله يباركلك

مش لما شاب يمر بمهزلة زي دي عشان يشوف فرصة عمل أو يحاول أنه يفكر فى مستقبله فى البلد ودي وفى الآخر يفشل

بالله عليك تلومه لو جاله شغلانة فى الخليج على ألفين درهم ولا ريا ل ووافق عليها ؟

بالله عليك مش هيبقي له نفس يحلم بمستقبل وممكن يحققه ؟

السؤال بجد والله ولكل الأعضاء

تم تعديل 29 نوفمبر 2010 بواسطة أبو حميد المسافر

[se_ Elsyed]

روبرت فيسك: سحر الانتخابات جعل المعارضة غير مرئيةالإثنين، 29 نوفمبر 2010 - 14:09

روبرت فيسك

كتبت ريم عبد الحميد

علق روبرت فيسك فى مقاله اليوم بصحيفة "الإندبندنت" عن انتخابات مجلس الشعب التى أجريت يوم أمس، فتحت عنوان "سحر الانتخابات المصرية جعل المعارضة غير مرئية" قارن الكاتب البريطانى بين موقف جماعة الإخوان المسلمين فى انتخابات عام 2005 وانتخابات أمس، وقال إنه فى الانتخابات الماضية كان أمام الإخوان وقت للحديث عن حاجتهم باتباع الإسلام فى تصرفاتهم ويتحدثون عن فساد الحكومة. لكن لم يعد الأمر كذلك الآن، فهم يتذمرون حالياً من انتخابات غير نزيهة شاركوا فيها، ويشكون من المضايقات الأمنية والحكومية، وكل ذلك حقيقى بالطبع، لكنهم انسحبوا فى صمت، فهم يبدون حريصون للغاية فى هذه الأيام.

واعتبر فيسك أن حديث بعض مسئولى الحكومة عن الانهيار الكامل للإخوان فى هذه الانتخابات ربما يكون صحيحاً، خاصة وأنهم لم يطرحوا سوى 130 مرشحاً، مقابل ما يزيد عن 800 مرشح من قبل الحزب الوطنى.

ويمضى الكاتب فى القول، إنه فى القاهرة كان الحزب الحاكم يقوم بتوزيع اللحوم فى المؤتمرات الانتخابية ناهيك عن الرشاوى الصريحة، بحسب اعتقاده، فى حين كان التعامل مع مرشحى الجماعة وأنصارهم يتم بالضرب.

وينقل فيسك عن أحد قيادات الإخوان فى الإسكندرية ويدعى حسين إبراهيم قوله إنهم يعتزمون اللجوء إلى المحكمة العليا لتقديم شكواهم عن تزوير نتائج الانتخابات، بل أضاف أنه يذهب إلى المحكمة الدولية. وسخر الكاتب من ذلك، قائلاً إن الذهاب إلى لاهاى سيجعل الحزب الحاكم يرتجف خوفاً.

[se_ Elsyed]

حتى .. أسانس القَضاة اللي حاولوا يجملوا به شكل مزبلة الإنتخابات .. سحلوهم هما كمان

قاضي يتقدم بمذكرة لرئيس اللجنة العليا للانتخابات يثبت فيها عمليات تزوير

اضغط للتكبير

السيد عبد العزيز عمر رئيس اللجنة العليا للانتخابات

احفظ الخبر

اطبع

أضف تعليق ارسل

11/29/2010 1:58:00 PM

القاهرة - تقدم المستشار وليد الشافعي المشرف على الانتخابات بالبدرشين، رئيس محكمة بمحكمة استئناف القاهرة، مذكرة كتابية الأحد إلى رئيس اللجنة العليا للانتخابات المستشار السيد عبدالعزيز عمر، حول ضبطه لرؤساء لجان الانتخابات بمدرسة البدرشين الإعدادية بنين خلال تزويرهم الانتخابات وتسويد بطاقات التصويت لصالح مرشحتى الحزب الوطنى الدكتورة مؤمنة كامل ونرمين بدراوى.

وتروى المذكرة وقائع إشراف رئيس مباحث البدرشين وضباط المباحث على عمليات التزوير، واتهمت المذكرة رئيس اللجنة العامة وهو قاض بدرجة رئيس محكمة استئناف، بالتستر على التزوير، حيث رفض تحرير مذكرة به، بل رفض تسلم مذكرة بالوقائع من القاضى وليد الشافعى.

وقال المستشار الشافعي في مذكرته إنه أثناء أداء عمله المنتدب له كعضو باللجنة العامة لمتابعة عملية الاقتراع والفرز بمدينة البدرشين محافظة 6 أكتوبر أخطره أحد وكلاء مرشح للانتخابات بوجود تلاعب وتزوير باللجان الفرعية بالمدرسة الإعدادية بنين بالبدرشين، فانتقل، وعند وصوله إلى المدرسة، وجد باب المدرسة مغلقا، وبمجرد دخوله فوجئ بأحد الأشخاص يتحدث إليه بلهجة آمرة قائلا: "أيوه يا بيه.. إنت مين بقى؟".

وأضاف الشافعى: أخبرته أننى القاضى وليد الشافعى فقال باللفظ والإشارة: "طلع تحقيق الشخصية يعنى تطلعه"، وما إن فعلت حتى خطف البطاقة، وقال لى: "اركن على جنب إنت مش طالع من المدرسة تاني".

ثم احتجزه 3 من أفراد المباحث قائلين: "إنت مش خارج من هنا النهاردة"، وعندما سأل الضابط الذى احتجزه عن اسمه، أخبره أنه يدعى أحمد مبروك رئيس مباحث البدرشين، واستمر فى منع الناخبين من دخول المدرسة مقر لجان الاقتراع.

وأرفق المستشار وليد الشافعي في مذكرته أصل 66 بطاقة تزوير تم تزويرها، مشيراً إلى أن رئيس اللجنة العامة طلب منه العودة إلى مقر اللجنة دون اتخاذ أي اجراءات، وبالتوجه إلى مقر اللجنة لم يتخذ أي اجراء ولم يقبل أن يكتب له مذكره بذلك وطلب تقديمها لإلى رئيس اللجنة العليا

للانتخابات.

[se_ Elsyed]

نفس اللي حصل في 2005

فاكرين القاضي اللي ضربوه ولما صرخ وقال أنا قاضي أنا قاضي .. راح واحد من ضباط المباحث خطف الطبنجة المرخصة بتاعته وألقاه على الأرض وداس على رأسه بالحذاء ...؟

[se_ Elsyed]

http://www.youtube.com/watch?v=2m4eOK0BFEk&feature=related

[se_ Elsyed]

رسالة واضحة إلى مبارك وعصابته

http://www.youtube.com/watch?v=fiH9X-TVy1U&feature=related

[se_ Elsyed]

http://www.youtube.com/watch?v=0Ztr0JEpneo&feature=related

[nightmare]

كنت متأكد وباصم بالعشرة كمان ان ده اللى هيحصل , وما ينفعش حد فينا يتخيل ان ممكن الإنتخابات دي بالذات دوناً عن اى انتخابات ثانية تبقي نزيهة

الإنتخابات دي بالذات والفائزين فيها هيشكلوا علامة فارقة في تاريخ مصر

دول اللى هيصوتوا بالموافقة او بالرفض علي ترشيح اى حد ناوي يترشح الي الكرسي الأكبر "كرسي الرئاسة"

لان اى مرشح للكرسي الأكبر زي ما احنا عارفين لازم يحصل علي تزكية 250 عضو من اعضاء مجلس الشعب والشوري والمحليات , بشرط برضه لا تقل عن 56 شعب و 25 شوري

هي اللعبة هنا

ان الحزب واعوانه وترزيته لن يدعوا عدد الناجحين من المعارضة يتعدي هذا العدد 56 في مجلس الشعب بالذات , لابد ان المعارضين يبقوا اقل من هذا الرقم

مش زي الإنتخابات اللى فاتت اللى نجح فيها اكثر من 80 اخوانى و 80 مستقل اللى انضموا بعد كده للحزب وكام و 20 معارض

لأ , دي غير خالص

دي المعركة الكبري ليهم , واى حد بقي يفكر يرشح نفسه للرئاسة , هههههههههه بخ بخ

هما اللى هيبقي في ايديهم يقولوا مين اللى يترشح ويجمل الصورة ومين اللى ممكن يسبب خطر ويجب ازاحته بعدم الموافقة على ترشيحه وما اكثر الأسباب والتبريرات.

الرئيس ناوي يكمل يبقي يحيا الرئيس حبيب الملايين , مش ناوي وتعبان يبقي يحيا جيمي مفجر ثورة التغيير.md2:

عليه العوض ومنه العوض فيكي يا بلد , لنا الله

مع تحياتي

[se_ Elsyed]

يبقي يا سين سين الله يباركلك

مش لما شاب يمر بمهزلة زي دي عشان يشوف فرصة عمل أو يحاول أنه يفكر فى مستقبله فى البلد ودي وفى الآخر يفشل

بالله عليك تلومه لو جاله شغلانة فى الخليج على ألفين درهم ولا ريا ل ووافق عليها ؟

بالله عليك مش هيبقي له نفس يحلم بمستقبل وممكن يحققه ؟

السؤال بجد والله ولكل الأعضاء

مش شعارات والله يا ابو حميد

لكن لو إخترت أحد الأمرين .. أو نامن النارين ..

يبقى نار بلدي أهون .. على الأقل لو مالقيتش أكل .. يقى هاميل على واحد زي أبو حميد أكل عنده أو استلف منه 100 ج لأخر الشهر ...

لكن في نار الغربة هاروح فين ولمين .. والكفيل خلفك .. والبحر أمامك ..

[akramgroup]

مش معقول المهازل والفيديوهات اللى نازله بتثبت المصايب اللى بتحصل

المصيبه انها عينى عينك ولاحتى عمرنا سمعنا ان لجنه من اللجان اتعادت ولا اتلغت

عشان حصل فيها تزوير ..

ولاكأن حصل حاجه بجد ربنا يولع فيهم بجاز كلهم وكل من بيشارك فى المهازل دى

بجد بقت حاجه تخنق

[se_ Elsyed]

مش معقول المهازل والفيديوهات اللى نازله بتثبت المصايب اللى بتحصل

المصيبه انها عينى عينك ولاحتى عمرنا سمعنا ان لجنه من اللجان اتعادت ولا اتلغت

عشان حصل فيها تزوير ..

ولاكأن حصل حاجه بجد ربنا يولع فيهم بجاز كلهم وكل من بيشارك فى المهازل دى

بجد بقت حاجه تخنق

كل المستشارين اللي مختارينهم بعناية بيؤكدوا إن الإنتخابات كانت زي الفل وبتلمع

[aimen]

ابراهيم عيسى

الدستور الاصلى

ما حدث كان طبيعيا جدا وبديهيا للغاية، تزوير وتزييف وتدخلات وانتهاكات ونتائج لصالح الحزب الوطني، وما الجديد وما الذي يستحق الدهشة والاستغراب والاستنكار؟ هل صدقتم الكلام الفارغ الذي تقوله قيادات الحزب الوطني؟ وهل خالت عليكم الهراءات التي يدعيها أعضاء أمانة السياسات؟ والمؤتمرات الصحفية والبدل اللي واقفة بمنتهى الفخامة تدلق زورا وبهاتا من ألسنتها؟ إذا كنتم قد صدقتم فتستاهلوا؟

السذج فقط هم الذين ينتظرون من الحداية أن ترمي الكتاكيت، ثم أن الكتاكيت وحدها هي التي لا تزال تنضرب على قفاها من التعلب ولم تتعلم أبدا (لعل مصر هي البلد الوحيد في الكون الذي يعرف حرامية الفراخ فلا أحد تقريبا في الدنيا يسرق الفراخ غيرنا.. سرقة الفراخ وسرقة جزم الجوامع هي تفردنا الفريد في إبداعنا الصوصي؟؟).

هذا مناخ موبوء سياسا يتحكم فيه أصحاب السلطة ورجال الحكم في مصائر البلد وأصواتها بكل غطرسة ويكذبون كما يتنفسون ويرددون كلاما عن الشفافية والنزاهة يشبه كلام نتنياهو عن العدالة الدولية، ثم المطلوب طول الوقت من الشعب المصري أن يكون شعب القناة الأولى شعبا يظهر في التليفزيون سعيدا فرحا متألقا مبتهجا بالانتخابات العظيمة النزيهة، شعب إما منافق يتزلف للحكم أمام ميكروفون بدا كأنه باب للرزق أو للأمان فيجلب المواطن على نفسه بدلا من أن يعملها على نفسه وإما شعب مستغفل يصدق الأكذوبة التي يرددها المسؤلون فيعيدها ويكررها ببغائيا طالما ترضي السادة الكبار من أولياء النعم وأولياء الأمور شعب مكون من هؤلاء الموظفين المذيعين الذين يذيعون مزامير وتراتيل الكهنة حين يشكرون ويحمدون الرب الفرعون الإله، وموظفين مجلوبين ليدلوا بشهادات زور عن نزاهة وشفافية اللجان الانتخابية وسلامة الانتخابات وألف تحية للداخلية والخارجية لأ واللي يحبنا ما يضربش نار في فرحنا وسمعنا تتر موسيقى الأخبار، هؤلاء يبدون في منتهى الفرح لأن الميكروفون يلقم أفواههم العطشى للنفاق المتطوع والمدفوع والمندفع، تلفزيون يغني ويصفق وهاين عليهم يرقص في مدح وتعظيم وتفخيم الانتخابات النزيهة الشريفة، يغني التليفزيون ويرد على نفسه ويأتي برجالة الحزب الوطني والدكاترة المستائين ومبخري الصحافة الحكومية ليغنوا ويطبلوا ويصفقوا ويهرجوا في جمال وروعة وعظمة نزاهة الانتخابات حيث الزيطة والزنبليطة في الحزب الوطني وتليفزيون الحزب الوطني.

المشهد أقرب ما يكون إلى مشهد إسماعيل ياسين في مستشفى المجانين وأحدهم يصرخ فيه بصوت نسائي قائلا: أنا عنتر وآخر يمسك كسرونة فوق رأسه وهو يؤكد أنه نيرون الذي حرق روما بحالها بينما هو مستعجل عنده إذاعة!

[se_ Elsyed]

طبعاً وأنا مغمض كنت متأكد إن علاء عبد المنعم المرشح المستقل المعارض في دائرة الوايلي واللي كان عامل رعب للحكومة ... هايتحسل مش هايسقط بس ...

يبقى كده بقى عندنا بيس وتس .... والمجلس بقى ملكنا .. وماحدش زينا ... وأعضاء الحزب الوطني هايفرشوا ويناموا فيه بالعرض ...

وما ننساش صقور الإخوان حمدي حسن والبلتاجي وعلي لبن .... ودول حقيقةً واجهة مشرفة لكل مصري شريف بصراحة ... إتسحلوا هما كمان ..

ههههههههههه

[ذهبية]

الامر متوقع ومش جديد اناشايفة ان مفيش اى مفاجاة من اى نوع

على فكرة مفيش حد نزل الشارع يومها و لو مشيت فى مصر المحروسة هتلاقيها فاضية فلة الكل عارف ان لو حد فتح بقة من اى مرشح هتقوم جريمة

الوطنى واخدها واخدها

الموضع مش بدا من الان

الموضع بدا من لما بتوع الوطنى سرقوا البلد قدام شعبها و الكل سكت

لما اللى بيهرب و يسرق عينىعينك بيرجع تانى ملك و بيتشال على العناق و الامثلة كتير

بدا لما اللى قتل و نهب ولمجرد انة تحت عباءة الوطنى مش مسموح المماس بية

بدا قبل الانتخابات لم اتلم اى حد بيفتح بقة حتى لو تبع الحكومة نفسها زى عمرو اديب و غيرة

بدا لما الحوكمة نزلت مرشحين من عندهم يعنى فيهم فيهم محدش من برة يجى

بدا لما حصلت ازاحة من اتباع الاخوان و اتملى بيهم السجون قبيل الانتخابات لحد ما الطبخة تخلص

اللى حصل دة نتيجة طبيعية جدااااا مفيش فيها اى مفاجات

و بقية السيناريو قادم لا محالة

[se_ Elsyed]

" وعسى أن تكرهوا شيئاً وهو خير لكم "

أعتقد إن ما حدث في هذه المهزلة من شأنه أن يُحرك المياة العفنة الأسنة في أوساط المعارضة .. وبالتالي يتحدوا ضد مبارك وأبنه في إنتخابات الرئاسة .. وخليهم الأتنين يفرحوا بالبرطمان

[engmido]

" وعسى أن تكرهوا شيئاً وهو خير لكم "

أعتقد إن ما حدث في هذه المهزلة من شأنه أن يُحرك المياة العفنة الأسنة في أوساط المعارضة .. وبالتالي يتحدوا ضد مبارك وأبنه في إنتخابات الرئاسة .. وخليهم الأتنين يفرحوا بالبرطمان

ياراجل يا طيب بقى هى تيجى كده