مفارقات لاذعة فى حياة المصريين

[عادل أبو عمر]

يعني أيه كولا زيرو !!!!

يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!

يعنى يعملوا مؤتمر سنوى لأنجازات الجزب الوطنى ......و الناس كلها عارفة ان مؤسسة رسالة هى اللى فاتحة بيت ناس كتييير قوى فى البلد!!!!

يعنى واحد محترم زى عمرو خالد قادر على التأثير فى الشباب ايجابيا ..نحاربه و نطرده برة مصر...... و نفرض حراسة مشددة لحماية منزل السفير الأسرائيلى!!!!!!

يعنى واحد يسافر و يتغرب عشان يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية.!!!!!!!!

يعنى وزير مالية عمل قانون الضرائب العقارية وقال هيدفع عن القصور بتاعته ويطلع يتعالج على نفقة الدولة

xxxxxxxxxxxxxxxxxx

و ييجى واحد يقولك اللى تعرفو احسن من اللى ما تعرفوش

يعنى كولا زيرو

و غاز زيرو

و مرتبات زيرو

و ضمير زيرو

تنمية زيرو

و انتخابات زيرو

و صحة زيرو

و دقيق زيرو

يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك

يعني تترشح في الانتخابات عن فئة (العمال) وتنجح فتعيش عيشة (الملوك).

. إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.

يعني تبقة نسبة التحرش الجنسي بالفتيات في الشارع المصري والمواصلات العامة 80% .....والحكومة تطالب بخلع النقاب !!!!

يعني لما الشعب ما يلاقاش سكن ويروح يسكن في الجبل ويقع عليه يقولوا عشوائيات

يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يموتوا .... يطلع التحقيق انهم ماتوا بنزلة برد عشان لما غرقوا ماكنوش عاملين حسابهم وماتقلوش هدومهم

يعنى قناة ال BBC فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!

يعني يبقي اليهود نهبوا فلوس العالم عشان الهولوكوست الوهمي

ويتباهو بقتل اسرانا في تليفزيونهم ومحدش يقولهم حاجه !

يعني قطرين يخيشو في بعض والي يتحاسب الكومسري وفي مقولة اخرى البقرة الي كانت واقفة على القضبان

يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة

يعني لما الموظف فى الحكومة بياخد 500 مرتب و يقولك مش عارف يعيش علشان الزيادة السكانية!!!!

يعني لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول - يقولك اتبرع للضحايا!!!!!

لما طلعت السادات قال بقين على الهوا تترفع عنه الحصانة و يتسجن فى اقل من شهر... و ممدوح اسماعيل صاحب العبارة يسافر من صالة كبار الزوار!!!!!

و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر!!!!

يعني تبقي عندك بحرين و نيل قناة السويس و11 بحيره وبتستورد السمك من بره !

يعني ربنا يكرمك وتكون رجل اعمال ولا سيدة اعمال وتاخد 2.8 مليار جنية مصري من 10 سنين وترد نصهم بالتقسيط بعد 10 سنين يعني المبلغ بيكون اضاعف معاك تلات اربع مرات وتكون برئ قدام الحكومة وكمان تنزل انتخابات مجلس الشعب وتنجح!!!!

لما الدايرة الي فيها 2500 صوت مرشح الحزب الوطني ياخد لواحدة 13000 صوت

يعنى لما يكون يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات

يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امراءة 13 الف جنية

يعني من الاخر كده الولا عمر ابني مديون ب 13 الف جنية

ما تيجوا نلم ديون مصر

يعني كلنا خايفين علي مستقبل مصر

واللي ماسكينها خايفين علي مستقبلهم هما

تم تعديل 29 نوفمبر 2010 بواسطة Advisor
حذف عبارة غير لائقة

[الغريب]

أحلى كومنت عامله واحد صاحبي على الإعلان ده في الفيسبوك بعد وفاة شيخ الأزهر قال أيه

يعني إيه كوكاكولا زيرو .. يعني الرئيس يعمل عملية وشيخ الأزهر هو اللي يموت :lol:

[Simba]

يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة

طبعا صح

والله مأساة ان الناس تجيب تنزل تشتري حتي السرنجة

[nightmare]

كولا زيرو: يعنى إن الحكومة تدرس استيراد الغاز ,فى نفس الوقت اللى احنا بنصدرة لإسرائيل.(حاورينى يا طيطة).

كولا زيرو: يعنى إنك تختار السودان علشان تلعب فيها ماتش فاصل(أشقاء وكدة يعنى)والسودانيين يشجعوا الجزائر!!!؟

كولا زيرو: يعنى إن طوبة حزينة تكون سبب فى عزل اتنين من المحافظين!!!!؟

كولا زيرو: يعنى إن نفس الطوبة اللى فوق دى بس على كبير شوية تكون سبب ف خروجنا من كاس العالم!!!؟

كولا زيرو: يعنى إن ولامؤاخذة(جاموسة)تكون سبب فى اقالة وزير

كولا زيرو: يعنى ماتش كرة قدم يكون سبب في قطع العلاقات بين دولتين عربيتين وشعبين مسلمين (فالتحيا العروبة)

كولا زيرو: يعنى إن موظف فى اتحاد الكورة يقبض مرتبة فى أول شهر 400 جنية وبعد سنتين يكون مرتبة 15000 جنية(أوعدنا بشغلانة زى دى يا رب)!!!!؟

كولا زيرو: يعنى إنك تمشى فى شوارع المحروسة تلاقى العيش ع الرصيف والجذم فى الفاترين(يبقى أنت أكيد أكيد فى مصر)؟

كولا زيرو:إن الريس يسأل محافظ الشرقية(بلدك إية؟)ويرد علية المحافظ ويقولة(اللى تشوفة يا ريس)

كولا زيرو: يعنى أن تمتلك مصر أسرع قطار ف العالم,لا مش الصعيد ولا العياط,هو قطر من (القاهرة للجنة عدل)

كولا زيرو: يعنى إن مصر تتقدم صناعيا وعلميا وتنتج أول أستيكة مصرية(والله براوة يا عمدة)!!!!؟

كولا زيرو: يعنى إن معظم الهاربين بفلوس مصر للخارج كانوا بيعملوا لنا موائد الرحمن وأتارى احنا اللى كنا عزمنهم.!!!؟

كولا زيرو: يعنى إن مصر ليست مملكة ولا يورث فيها الحكم,وعلى الرغم من كدة......(كملوا انتوا بقا)!!!؟

ما سبق منقول

كولا زيرو:

يعني انبي يجيب 3 اهداف في الأهلي ويخرج مغلوب 2-1.

يعني حسن شحاته يجري من نص الملعب ويعدي 4 مدافعين من الأهلي ويجيب الكورة جون وتتحسب اوفسايد والأهلي يقاسم الزمالك في الدوري.

وهى دى العيشة مع كولا زيرو!!!؟

مع تحياتي

تم تعديل 29 نوفمبر 2010 بواسطة nightmare

[nightmare]

هو الموضوع اتغير ليه فجأة كده , يعني نكمل كولا زيرو والا مفارقات , خلينا في المفارقات ورؤية بعض المصريين البسطاء لبعض المصطلحات الحديثة.

التنوير : عملية تتم في الشوارع عندما يسكنها وزير.

العولمة : عملية تحول اجتماعي وثقافي وفني تمارسها فيفي عبده.

الشفافية : سمة ضرورية للملابس المستخدمة في العولمة.

الجات : مصيبة و جات على دماغنا.

النظام الملكي : عند وفاة الملك ينتقل الحكم لابنه ليصبح هو الملك الجديد.

النظام الجمهوري : عند وفاة الرئيس ينتقل الحكم لابنه ليصبح هو الرئيس الجديد.

المبايعة : ورقة تكتبها لما تبيع سيارة قديمة.

الدستور : كلمة تقال للحماية من الاسياد لما الواحد يدخل بيت مسكون.

الديمقراطية : نوع من الفنون الزخرفية يستخدم لتزويق صورة الحكومة.

القانون : آلة تصدر أصوات جميلة لما تـلعـب عليه في حفله.

الحرية للجميع : للشعـب ان يقول ما يشاء ، وللحكومة ان تـفعـل ما تـشاء.

حرية النشر : تمارسها النساء عـلى السطوح في المناطق الشعـبـية.

الدبلوماسية : احسن هدية تصالح بها مراتك بس بشرط الألماس يكون حر.

الصراع الطبقي : خناقة كل بيت على مين اللي يغسل الاطباق بعد الأكل.

حرب الشوارع : قيادة سيارة في شوارع القاهرة.

العمل الثوري : مذكر العمل البقري.

الشريط الحدودي : الشريط الجاي لعمرو دياب.

الوحدة العربية : ان تعاني كل دولة عربية من الشعور بالوحدة!

حرب التحرير : معركة شهيرة يخوضها كل من يريد استخراج جواز سفر من مجمع التحرير

من إيميلي

مع تحياتي

تم تعديل 29 نوفمبر 2010 بواسطة nightmare

[engmido]

يعني انبي يجيب 3 اهداف في الأهلي ويخرج مغلوب 2-1.

يعني حسن شحاته يجري من نص الملعب ويعدي 4 مدافعين من الأهلي ويجيب الكورة جون وتتحسب اوفسايد والأهلي يقاسم الزمالك في الدوري.

اه يا زملكاوى

فين الاهلاوية ييجوا يردوا عليك ..يا افشل نادى

ههههه

[أبوعمار]

فعلا شر البلية ما يضحك

يا جماعة كفاية والله أنا فعلا جالي اكتئاب

انتخابات وتزوير

بلطجة وفساد

رشاوي ... وفقر

حاجة تزهق

كل اللي قاعد أقول له لنفسي

"إن بعد العسر يسرا"

بس برضو المشكلة

"إن الله لا يغير ما بقوم حتى لا يغيروا من أنفسهم"