كشف السر .. في إختيار شجرة الدُر

[se_ Elsyed]

في هذا الموضوع الجاد .. سأنافس موقع ويكليكس اللي مصدعين به دماغنا ... وسأغوص في اعماق أعماق غرف صنع القرار بالمحاورات .. وسأزيح الستار عن كيفية إختيار شجرة الدر قصدي " مصرية متغربة " لعضوية نادي الإشراف الدولي .. فيما عُرف تاريخياً بأستخدام شعار ( لا يفل الحريم ... إلا الحريم )

إنتظرونا

فريسكا ... فريسكا .. أيوه الكلوكلو

[engmido]

و الله يا اخى كنت عايز اسأل السؤال ده والتفاصيل عن هذه الكيفية

بس خفت حد ابن حلال يقولك وانت مالك... :WelEgTks: :protest:

وليه؟؟

منتظرين يافندم

[عبير يونس]

و الله يا اخى كنت عايز اسأل السؤال ده والتفاصيل عن هذه الكيفية

بس خفت حد ابن حلال يقولك وانت مالك... :WelEgTks: :protest:

وليه؟؟

منتظرين يافندم

نعم يا سي انج ميدو

خير

اللي بيعرف عندنا التفاصيل و الكيفية

بنتاووه لا مؤاخذة

و بنخللي الدبان الأزرق ميعرفلوش طريق جُرة

gjy::

حد تاني له شوق في حاجة

بلا آفية

:vian:

[Simba]

الله يا اخى كنت عايز اسأل السؤال ده والتفاصيل عن هذه الكيفية

بس خفت حد ابن حلال يقولك وانت مالك...

يا سلام

ده اقصي امنياتي لما أسأل سؤال حد يقولي انت مالك خليك في حالك

او حد يقولي روح العب بعيد

ده انت كده يبقي عندك واسطة كبيرة اوي لو اتقالت لك

المشكلة اصلا لما الواحد بيسأل سؤال محدش بيعبره :protest:

[جسار]

أخشى عليك يا س س من ان تحاول تنفذ انتقامك وتبعت حد من سيدات المنتدى

تقوم ماتلاقيش قباقيب فى السوق لانها ماعدتش بتتباع وموضة قديمة وخلصت

وكمان الطاووس اللى كان عمال يسورنا بصوته يرسى على فرخة بيضاء من

بتوع الجمعية ولم رجالتك يافرج والطيب أحسن .

[Damo]

نفت الادارة أي صلة بظاهرة اختفاء سين سين

[م تيمور المراغي]

المقدمه مثيره اوي اوي ,,

تسجيل متابعه اصل بحب الحاجات دي اووووي ههههه :happy:

[اغابي]

انا مش فاهمة فى ايه فى مشكلة يعنى

طب وايه يعنى اختيار مشرفين جداد - ايه المشكلة - يمكن علشان العدد قل بعد خروج لولا واحمد سيف من الاشراف

مش عارفة ايه المشكلة يعنى

داه المشرف داه بيبقى مسكين الله يعينه على البلاوى والمشاكل اللى بيقابلها على المنتدى

وخاصة انه لازم يتفرغ بوقت كبير من وقت بيته واسرته للمنتدى وداه شيء صعب ومرهق لاعصابه

الا بقى يعنى لو يعنى - لو كان مشرف محترف زى المايستروا - س س - انا مش بحسدك يعنى - مايسترو اشراف وخلافه

art:) smk:

اهم حاجة ان المشرف ما يبقاش منحاز لناس ضد ناس تانية او مشرفة تبقى ليها صحبات تفضلهم وتنقطهم وتشجعهم

عن باقى الخلق يعنى لازم المشرف يكون محايد فى مشاركاته وتعاملاته مع كل الاعضاء

لان الاعضاء دول ناس برضوه بتقضو وقت كبير على المنتدى من ساعات يومهم ووقتهم وراحتهم

بدون ما حد يجبرهم فاهم - اهم - حاجة المعاملة خاصة اذا كانو من الاعضاء الحساسين ومؤدبين وراقيين فى الحوار

بس بجد عادى ايه المشكلة

انا لما دخلت افتكرت ان فى حاجة عن شجرة الدر اكمنى هاوية قصص التاريخ

لاقيت الموضوع جر رجلين وبس

:P :P

تحياتى للجميع

:give_rose:

تم تعديل 30 نوفمبر 2010 بواسطة اغابي

[م تيمور المراغي]

مش محتاجين امين سندووء :wub:

[عبير يونس]

اهم حاجة ان المشرف ما يبقاش منحاز لناس ضد ناس تانية او مشرفة تبقى ليها صحبات تفضلهم وتنقطهم وتشجعهم

عن باقى الخلق يعنى لازم المشرف يكون محايد فى مشاركاته وتعاملاته مع كل الاعضاء

jdw::

ده انا لسه منقطاكي يا أوختشي في موضوع من دقيقة واحدة

طب حأروح أسحبه

هههههههههههههه

blw)

[اغابي]

اهم حاجة ان المشرف ما يبقاش منحاز لناس ضد ناس تانية او مشرفة تبقى ليها صحبات تفضلهم وتنقطهم وتشجعهم

عن باقى الخلق يعنى لازم المشرف يكون محايد فى مشاركاته وتعاملاته مع كل الاعضاء

jdw::

ده انا لسه منقطاكي يا أوختشي في موضوع من دقيقة واحدة

طب حأروح أسحبه

هههههههههههههه

blw)

اه امال ايه امال انا بتكلم ببلاش ولا ايه

:yahoo:

طب ما انتى منقطانى كتيررر قبل كدا - لازم تصيحيلى فى المنطقة وتسمعى الجيران والفيران واللى رايح واللى جاى

ما الكل عارف انك بتروقيني باستمرار - لازم يعنى نكشف الخطة والمستور

;) ;)

اجتماع مغلق بعد ساعتين

عاجل ابقى حصليني

:swing:

[م تيمور المراغي]

انا عايز احضر الاجتماع ده والنبي :happy:

[عبير يونس]

انا عايز احضر الاجتماع ده والنبي :happy:

[/quote]

بعينك

ده اكتشماع حريمي

:vian:

[م تيمور المراغي]

طيب ,,

انا كنت جاي اهدي النفوس بس مش اكتر :happy:

[Dreamwithme]

كلنا وراكي يا أستاذة مصرية متغربة

[عبير يونس]

كلنا وراكي يا أستاذة مصرية متغربة

يللا ع الاكتشيماع يا دريم

و ابقي عدي ع السكرتشيرة خدي ليك كام نقطة شبرقي نفسك بيهم يا حبيبتشي

بيضا ع الكريم

سودا ع اللئيم

بمبة ع اللي ما يساعد الحريم

:110:

مع تحيات

خالتشي فرنسا للتنقيط

و اللي مش عاجبه يا حبيبتشي ينقطنا بسكاته

[م تيمور المراغي]

قمت بزرع اجهزة تصنت في مقر الاجتماع

وساوافيكم بادق التفاصيل والاسرار ,,

مندوب ويكيلكس في محاورات المصريين

[engmido]

و الله يا اخى كنت عايز اسأل السؤال ده والتفاصيل عن هذه الكيفية

بس خفت حد ابن حلال يقولك وانت مالك... :WelEgTks: :protest:

وليه؟؟

منتظرين يافندم

نعم يا سي انج ميدو

خير

اللي بيعرف عندنا التفاصيل و الكيفية

بنتاووه لا مؤاخذة

و بنخللي الدبان الأزرق ميعرفلوش طريق جُرة

gjy::

حد تاني له شوق في حاجة

بلا آفية

:vian:

اوباااااااااا

ده احنا قلبنا جمد قوى

ده احنا كنا فى جرة وطلعنا لبرة

الله يرحم

ولا بلاش

ههههههههههههه

[اغابي]

صدقونى مش مجاملة بجد الجد

منتدى المحاورات داه برغم اختلافنا فى وجهات النظر فى امور كتير

لكن باعتبره اكتر منتدى دمه عثل عثل

انتم عارفين انا ليا 4 ايام كدا مش مبطلة ضحك متواصل بسبب المحاورات - كل يوم كم مشاركات دمها سكر سكر بجد ضحكتونى

ايه خفة الدم دي - طب ربنا يستر اكمننا على المنتدى لما بنضحك كتير بتقلب بنكد وبرضوه على المنتدى

وعلى راى اختنا المشرفة

انا رايحة الايكتيشيماع - صح كدا مش عارفة كتبتها ازاي دي

الايكتيشماع

صح كدا

معلشي لسة ما درستش لغات خالتى فرنسا

:give_rose:

[se_ Elsyed]

إخوتي الاعزاء ... أعتذر عن التأخير خلال اليومين الماضيين .. حيث أنني تعرضت لضغوطات خارجية وداخلية من أجل عدم نشر تلك الوثائق السرية ... فرفضت رفضاً قاطعاً وقلت إني مستحيل أفرط أو أتنازل ولو أعطتوني 10 الاف جنيه ... أنا مش أقل من ويكليكس أو ويكالة البلح

وها آنذا أفرد أمامكم الحقيقة كاملةً .. كاملةً .. كاملةً ...

------------------

مشهد داخلي ... الساعة 8 الصبح أثناء تناول المشرفين لوجبة الأفطار .. وهو ليس إفطاراً عادياً .. بل إفطاراً إشرافياً خاصاً يتم تجهيزة في مطبخ المحاورات تحت إشراف الشيف بُندق :

سكوب : سين .. لو سمحت ناولني فحل البصل اللي قدامك ده

سين سين : يا سلام .... وهو أنا كل ما أمد إيدي على حاجة تقوم لاهفها مني ؟

سكوب : طب ما أنت أمبارح خطفت قدرة الفول من قدامي وقمت نص بطن وما فتحتش بؤي ودخلت المطبخ نأنأت في أي حاجه من هناك عشان أسد رمقي

أبو محمد : تسد رمقك ؟؟؟؟؟؟؟؟؟؟؟؟؟؟؟؟؟ وهو إجهازك على قالب جبنة رومي بحاله .... و 10 أرغفة طباقي ... و19 بيضه ... بتعتبر ده كله نأنأه ؟

فلانه : إنت هاتحسد الولد يابو محمد ؟ ما تسيبه ياكل . ده حتى لونه مخطوف وووشه بقى عامل زي اللمونه المعصفرة ..

سلوى : صباح الخير عليكم ... ها يا جماعة ... ممكن أشرب معاكو اللاتيه بتاعي ؟

منال : صباح الفل يا حياتي ... حماتك بتحبك

سلوى : لأ لأ الحاجات دي ممكن تموتني بأسفكسيا الخنق ... أنا هاشرب اللاتيه وأروح موضوعي تآملات في معايشات يومية ... حاكم في أعضاء هناك بقى لهم كتير ما خدوش اليومية بتاعتهم وحرام ما بأحبش أكل حق حد .

وفي وسط الأفطار فجأة يدق جرس الأنذار المتعارف عليه مُعلناً عن إجتماع هام مع القيادة العُليا للمحاورات ... فيهرع المحاوراتيون إلى دواليب الملابس ويرتدون اليونيفورم الخاص بالإشراف على عجل

ثم ينزلون في الكبسولة الخاصة إلى الطابق السابع عشر تحت الأرض حيث توجد الـ WAR Room

---------------------

مشهد من الاعماق .... إضاءة خافتة ... كلوز إن على غرفة الإجتماعات ..

وتنجذب الأنظار إلى المقعد الامامي حيث يجلس الأدفايزر خلف قناعه المعتاد

– و من المعروف أنه منذ تأسيس المحاورات لم يتمكن أحد من المشرفين من رؤية الأدفايزر وجهاً لوجه – إلا 3 اشخاص وتم إختفاءهم بعدها في ظروف ليست غامضة –

أدفايزر : صباح الخير عليكم ....

أبو محمد : صباح الفل يا كابير .. خير إن شاء الله ؟ أنا رُكبي سابت والولاد سابوا فطارهم وجم جري أول ما سمعنا زمارة الإنذار اللي بتفكرني بزمامير الإنذار بتاعت غزو العراق ..

أدفايزر : مش خير أبداً ... مش خير أبداً ..

سكوب : إيه الحكومة عررررررررررررفت مكاننا ؟؟

فلانه : يا نهار أثود يا نهار أثود ... أنا كنت عامله حساب اليوم ده .. ضيعتوني .. ضيعتوني

محمد : حكومة إيه ومباحث إيه ... هو إحنا بنبيع بانجو يا جماعة ؟

سين سين : طب أستأذن انا يا جماعة عشان ماما قالت لي أجيب العيش ورجع بسرعة

أدفايزر : قليلاً من الهدوء يا سادة .... قليلاً من الهدوء ولنتحلى بالحكمة والصبر ولنتذكر جميعاً مقولتي الخالدة ( الأيدي المرتعشة لا تعمل ) .... على فكرة أنا زعلان منك يا أبو محمد .

أبو محمد : زعلان مني أنا ؟ ليه يا كابير ؟

أدفايرز : رجالتك نايمين ومش شايفين شغلهم ... ويكفي أن تلقي نظرة على وجوه كلاً من الفاضل سين سين والفاضل سكوب لترى كمية العماص على عنيهم

أبو محمد : يا كبير إذا عُرف السبب يبقى أحنا عند أولاد رجب .... حضرتك الولد سين سين مطبق بقى له 3 أيام وما داقش النوم لإنه عمال يقتل في بتوع الكويت ولحد دلوقت قتل ألاف منهم وأسر عشرات الألاف بمفرده ... أما سكوب فمشغول شويه لإنه بيقود مظاهرات العمرانية بنفسه .

أدفايرز : أنا ما يهمنيش الكلام ده كله .. الكويت العمرانية ولا منشية ناصر حتى .... أنا يهمني إستقرار المنتدى .. أمن المنتدى ... أبواب المنتدى .. شبابيك ومفصلات المنتدى ... فهمتوني ؟

أسد : أقطع دراعي مانا فاهم حاجه ... فسر يا أدفايزر بيه عشان نشوف وجه الخلل ومواضع الإصلاح

أدفايزر : أنا يا سادة عامل لكم الإحصائيات بتاعت المنتدى مش عشان نتفرج على ارقام ونمصمص شفايفنا ونقرأها ونحن نحتسي القهوة والشاي ... أنا عاملها للعبرة .. للعِظة .... للتنبية .... يعني أقرا أي إحصائية .. يبقى لازم الريد ألارت يشتغل عندي على طول ويعمل كده ( ويك ويك ويك )

سلوى : طب قبل ما يعمل ويك ولا مانث .. أهدى بس حضرتك وأشرح لنا أكتر ..

أدفايزر : إنتي بالذات يا مدام سلوى ومعكي الفاضلة فلانه .. أنا بأعتب عليكما جامد قوي قوي قوي

فلانه : إيه ده ؟ حتى انا ؟

أدفايزر : أيوه ... بإختصار يا سادة عشان ما عنديش وقت لأن طيارتي هاتطلع كمان تلت ساعة .. عندي إجتماع في جُزر الكناري مع قيادات المنتديات الجادة على مستوى العالم ...

سين سين ( محدثاً نفسه ) : سيدي يا سيدي ... ناس تروح تهيص في جزر الكناري وتشرب كوكو نوط

وناس تقعد تاكل فول وطعميه وتصطبح بوش سكوربيون ... وأنا اللي بقى لي ييجي 7 سنين مُشرف ومموت نفسي وعُمر الأدفايزر ما قال لي روح يا سين سين دورة تدريبية إشرافية في عزبة النخل حتى ...

سكوربيون : إخرس بقى ولم لسانك أحسن لو سمعك ممكن يبعتك جزيرة سيلان وتتنفي هناك لحد ما تموت

أدفايزر : النهاردة الصبح ... بأشرب القهوة البرازيلي بتاعتي .. مع السيجار الهافانا ... وماسك بالإيد التانية جريدة " المحاورات جا زيت ) وبأفتح المنتدى بالإيد التانة وبأضرب بعيني في طرف الشاشة .. صُعقت ... لأ حقيقي صُعقت .... صُعقت يا سادة من المد الحريمي اللي طغى على المنتدى .. وقُلت في عقل بالي .... ده ما بقاش منتدى المحاورات .. لأ لأ . ده منتدى شيكوريل .. أو مدام سونه الخياطة ....

سلوى ( وهي تضحك في سرها ) : ليه بس يا كبير ... مالهم الستات ؟

أدفايزر : يا مدام سلوى حضرتك عارفة إنك غاليه عندنا ... وإنتي وفلانه تعتبران أخر عناقيد الإشراف .. وتعتبروا بصراحة كريزة الإشراف ...

سين سين : أنا أعترض... مش فاهم .. يعني هما كريزة الإشراف .. وأنا مثلاً حرنكش الإشراف ؟

..

أدفايزر ( الذي لم يعر إنتباهاً لتلك المقاطعة ) : ايها السيدات والسادة .. النساء قادمات .... نعم .. قادمات .. ثم يدوي صوت صدى الصوت بالقاعة ( مات مات مات مات ) .... هل في حد من الأفاضل اللي قدامي دلوقت لاحظ إن من ضمن قائمة الأعضاء الأعلى تقييماً ... نسبة أكثر من 90 % منهم نساء ؟

فلانه وهي تطلق زغروطة : لوووووووووووووووووووووووووووووووولي

...

منصورين إن شاء الله .. اللهي يارب دايماً .. والنبي إحنا غلابه ومهضومات الجناح

محمد ( بهدوءة المعتاد ) : طب والعمل يا زعيم ؟

أدفايزر : مانا أجتمعت بكم عشان كده يا سادة عشان نشوف حل للنصيبة دي

يُتبع