كشف السر .. في إختيار شجرة الدُر

[pink rose]

حرام عليك اللي بتعمله في نفسك و فينا دا

نعمل ايه يا عم

نقوم بمظاهرات عشان تقتنع بكلامنا و تألف كتب أو تكتب فيلم كوميدي

و الله ما باهزر يااستاذ احمد

انت موهبة بجد جبارة

فكر في الموضوع دا بجدية

و احنا وراك و اخترناك و معاك لما شاء الله

منتظرة الجزء التاني

[nightmare]

حرام عليك اللي بتعمله في نفسك و فينا دا

نعمل ايه يا عم

نقوم بمظاهرات عشان تقتنع بكلامنا و تألف كتب أو تكتب فيلم كوميدي

و الله ما باهزر يااستاذ احمد

انت موهبة بجد جبارة

فكر في الموضوع دا بجدية

و احنا وراك و اخترناك و معاك لما شاء الله

منتظرة الجزء التاني

رائع بجد يا سي السيد , وانا من مؤيدي كل كلمة لإختنا الفاضلة Remo

فكر بجدية انك تألف بجد وتنشر كتب, وصدقنى هتكسب كثير ومش بعيد نلاقيك ضيف مستديم على شاشات الفضائيات كمان او مقدم برامج

بس اوعي تنسانا وقتها , انا مش عاوز اكثر من 10% ونسخة من الكتب مجاناً والا هشتريها واعملها اسكان وانشرها على النت واضربلك السبوبة:D

مع تحياتي

تم تعديل 1 ديسمبر 2010 بواسطة nightmare

[se_ Elsyed]

أسد : طب لنكن أكثر تحديداً ... ما المطلوب منا كمشرفين ؟

أدفايزر : مطلوب حل عاجل لتحجيم المد النسائي

سين سين : حلو قوي .. أنا باحب الحاجات دي ... بسم الله الرحمن الرحيم .. الحل الأول نكري عليهم حد بقناصة يقف عند باب المراة والطفل .. ورا الباب بالتحديد ويطخ أي واحده تقرب من المنتدى ...

أدفايزر : من فضلك يا اخ سين سين ... أنا جبتك الإجتماع ده عشان تسمع بس .. فمش عاوز أسمع أي إقتراحات منك .. ممكن ؟

سين سين : إيه ده بقى كبت الحريات ده ؟... هو أنا كل ما أقول حاجه تصادروا ممتلكاتي كده ؟

فلانه : أنا رأيي نوز الشيف بندق ... يديها كل يوم في وصفات مضروبة بباب المطبخ ... الست من دول تعمل كل يوم أكل مضروب لجوزها .. رز شايط ... محشي سايط ... لحمة جملي ... كده يعني .. يقوم جوز الواحده من دول حالف عليها ما هي داخلة المحاورات لإنه زهق من التونة والسلمون ... نقوم نخلص منهم

سلوى : يا سلام يا ست فلانه ... معظم الهوانم اللي معانا لهاليب في الطبخ ومش هايخيل عليهم الوصفات المضروبة دي ...

سكوب : طب أنا رأيي نشتغل لهم شغل الأشكايف اللي بالكهربا ... يعني نغلس عليهم إشرافياً لحد ما يزهقوا ... وسيبوا لي أنا أغابي هاطهقها في عيشتها ..

أبو محمد : أنا أعترض .. أنا ضد أي إجراء تعسفي يخالف قواعد وأساسات المنتدى ..

أدفايزر : حسناً حسناً .. تحضرني الان مقولة خالدة للحكيم الأغريقي أغاسطيوس بابادوبلوس بيقول فيها " شيرشه لا فم " بالعربي يعني ( لا يفل الحريم .. إلا الحريم )

سلوى : الله يخليك إصرف نظر عن الموضوع ده .. أنا مش حِمل خناقات وما ليش في العراك والمطاوي والحاجات دي .

فلانه : ومين سمعك .. ده أنا يوم ما بأشوف فرخه مدبوحه بيغمئن عليه .

سكوب هامساً في أُذن سين سين : يا خوفي لا يختاروني أنا وإنت لشن هجوم مضادا على معسكر النساء .. والقبيلة تاكل وشنا ونسقط من نظرهم .

س س : بيقول لك يا بني أدم " لا يُفلي الحريم إلا الحريم " يعني إحنا بره الموضوع . إلا لو عندك رأي ووجهة نظر مختلفة ... فهمت ؟

أدفايزر : لأ لأ ... أنا عاوز أطرح عليكم فكرة إختيار إحدى صقرات – مؤنث صقر – الحزب النسائي ... ونحاول نجندها ... عشان تندس وسطهم .. وتجيب لنا أخبارهن ... وكمان عشان تنفذ مخططاتنا وتفرق شملهن وتنشف دمهن ..

أسد : الله يا كبير ... باحب انا شغل المخابرات العالي ده ..

أدفايزر : أنا وقع إختياري على الفاضلة " مصرية متغربة " ... أنا أستطعت من خلال إدارة البحث الجنائي بالمنتدى إني أجيب التاريخ الكاملة لنضالها السياسي .. منذ أن كانت في مدرسة " بمبه قادن الإبتدائية " إلى أن وصلت إلى كلية التجارة جامعة عين شمس في المدرج اللي جنب عربية كبده " زيزو " إلى أن وصلت إلى منطقة مكه المكرمة حيث تمتك هناك الأن العديد من الفنادق بجوار الحرم زي برج التوحيد وابراج مكه وسمعت إنها مشاركة في وقف الملك عبد العزيز كما أنها تنفذ الأن مشروع عالضيق خاص إسمه جبل عُمر .. واللي زاد وغطى .. عندها بسطة سواكات ومسك وسبح جنب باب الصفا ......

س س : إوعدنا يارب ... نفسي في بسطه سواكات من دول عشان اقب على وش الدنيا ولا كفيل يتحكم فيه ولا أقعد أحلم ليل نهار بمكافأة نهاية خدمة ...

أبو محمد : طب دي على كده مش هاتبقى محتاجه المنتدى في حاجه ... وحضرتك لو عينتها مشرفة مبتدئة زي ما بيحصل وعرضت عليها 10 الاف دولار في الشهر وعمولة نص جنيه على كل إنذار ... وجنيه وربع على كل مداخلة .. مش هاتبص لده كله

أدفايزر : لأ لأ .. ما هو الشبعان ده يا ابو محمد ما تخافش منه ... بالعكس .. أنا عرفت عنها روح المغامرة والمخاطرة . يا راجل دي مره خدتها من مكه لحد خميس مشيط مشي على رجليها عشان تكتشف من هناك منابع نهر النيل ... السي في بتاعتها بتقول كده

محمد : طب هانبعت مين يجندها يا زعيم ؟؟؟

أدفايزر : أنا أخترت للمهمة دي واحده من أعز صاحبتها ... الفاضلة فلانه ...

فلانه : مصرية صاحبتي طبعاً ... لكن أجننها إزاي يعني ؟

أدفايزر : يا مدام فلانه حضرتك هاتجنديها .. مش تجننيها ... قوليلها مثلاً .. تعالي نضرب محشي عندي في البيت ونحبس بشاي تقيل ... إنك مثلاً هاتعملي عيد ميلاد بنتك فوق السطح وعايزاها تيجي تساعدك في نفخ البلالين .. كده يعني .. وفي نفس التوقيت نكون إحنا في حالة إنعقاد دائم للإجتماع الهام ده .. وتيجي هي تلاقينا ملمومين بربطة المعلم ... ونحطها قدام الامر الواقع .. ونسبب لها صدمة إشرافية .. وساعتها ما تقدرش ترفض ..

----------------------

وبالفعل تنفذ فلانه مخططها الخزعبلي وتأتي مصرية في الموعد لتفاجأ بهذا اللفيف المتشح بالسواد .. فينعقد لسانها ولا تستطيع أن تنبس ببنت شفه ..

فلانه : خَطي برجلك اليمين يا شابه ... ما تخافيش ... دول أصدقائي الأشاكيف جايين ينفخوا البلاليم معايا

مصرية : لأ لأ أنا خيفه خيفه .. مين الناس المرعبين دول ؟

أدفايزر : حمد الله عالسلامه أيتها الفاضلة مصرية متغربة ... كنا منتظرينك من زمان .. ومتأكدين إنك هاتيجي برجليكي ....

وهنا تُسمع في الخلفية أغنية

http://www.youtube.com/watch?v=OTykCIDe_0U

مصرية : إن شالله تسلم يا سي الأستاذ .. ممكن أعرف مين حضرتك وليه الموسيقى الكلاسيكة المرعبة دي .. دي فرنش ميوزك صح ؟

أدفايزر : أنا الأدفايزر يا عبله . قصدي يا مصرية ... ودي الموسيقى التصويرية المحببة لفريق الإشراف واللي بنستخدمها بالذات لما عضو جديد ينضم لينا

مصرية : ياااااااااااااااااااااه .. والله أنا .. أصلي ... طيب .. أستأذن بقى

سلوى : ما تخافيش يا مصرية يا حبيتي ... بإختصار وعشان نبدد أي مخاوف عندك .. إحنا أخترناكي ضمن كوتة المراة .. وعشان تمثلي جماعة النسوة المتوحشة بالمنتدى ...

مصرية : كوته .. مرآه .. أنا ؟

سين سين مبرطماً : حظوظ ... ناس لها كوته ... وناس بتطفح الكوته

مصرية : أنا عارفاك على فكرة ... إنت مستر سين سين الأشكيف .. أنا كنت بأشوف حضرتك في سيكشن المشرفين في كلية التجارة ... وياما شوفتك عند زيزو بتاع الكبده حتى بالامارة كنت دايماً متأبطاً ذراع....

سين سين ( مقاطعاً ) : هووووووويه هووووويه خلاص خلاص ... إنتي هاتسيحيلي من أولها ؟ يكون في علمك . الكلام هنا بنظام .. الأكل بنظام .. الشُرب بنظام .. النظام بنظام ... وراعي دايماً موضوع الأقدمية .. يعني أنا شخصياً هاسمح لك تتكلمي معايا مرتين في الشهر . مره أول ثلاثاء من الشهر ... والثانية يوم السبت قبل الأخير من كل شهر .. ومش عشان كلتي من على نفس عربية الكبدة معايا في الكلية يبقى خلاص الروس تتساوا ...

أدفايزر : بُصي يا مصرية .. أنا لاحظت حركات نسائية غريبة ومريبة في المنتدى هذه الأيام ....

مصرية : فعلاً يا باشا .. أنا لاحظت برضوا إنهم بيعملوا حركات نص كم كتيرة .. بس وكتاب الله أنا ما عملت اي حركة معاهم .. انا في حالي والله ... ومن المطبخ للمحاورات ومن المحاورات للمطبخ ... وعندي إستعداد أبلغ عن أي واحده تعمل هكا ولا هكا

أدفايزر : يا أخت مصرية أنا بيعجبني حماسك وأخلاصك للقضية ..

مصرية : أنا رقبتي يا باشا .. ووكتاب الله لو عندك قضايا مخدرات حتى مستعد أشيلها أنا .. ورقبتي فدا المحاروات ... ثم صاحت قائلةً ( أحلف بسماها وبترابها . أحلف بسماها وبترابهاً ... أخلف بأبوابها وشبابيكها .. احلف بمداخلاتها ومواضيعها )

سين سين : خلاص يا ست ... إيه في إيه ؟ إنتي تعرفي حد في لجنة التثقيف بالحزب الوطني ؟

أدفايزر : إيه رأيك يا أخت مصرية في العرض ده ؟

مصرية : والله يا باشا أنا تحت امركم شوفوا مطلوب مني إيه وأنا أعمله ... وأنا من هنا أُعلن ولائي التام للمحاورات وإدارتها وحضرتك على رأسهم ومعاك الأستاذ سين سين عشان ما يحطنيش في دماغه .. ومن هنا أيضاً ومن نفس الحته ... بأُعلن تبرئي التام من الحريم وألاعبيهم ... وباعلنها عالية مدوية ... إن الست مالهاش غير بيت جوزها ... وإن ضل راجل ولا ضل حيطه ... وإن شغل البيت أهم من المحاورات والخناقات ..

سكوب هامساً في أُذن سين سين : بكده أضمن لمصرية إنها تبقى مساعد أدفايزر خلال أسبوعين ..

أدفايزر وهو ينفث دخان سيجارة الكوبي : عفارم عفارم يا مصرية .. بذمتك يرضيكي كده ؟ .. قال إيه .. من كُتر تجبرهم .. يبعتوا لي مطلب من مطالبهم ويقولوا " نطالب نحن جماعة النسوة المتوحشة بتعيين أدفيزراية لتُمثلنا في برلمان المحاورات "

مصرية : فشر ... قال ادفيزرايه قال ... !!!!!!!!!!!! دي حته كلمة دمها تقيل ولايقه أكتر على جمع المٌذكر السالم .. طب وكتاب الله أنا اللي يقول لي في يوم " يا أدفايزراية " أنا ممكن أبطحه ... دي حته على وزن جزراية أو عنباية ...

سلوى : .. طب قومي يا مصرية .. شايفه الركن اللي هناك ده ؟ ده ركن المراة ... روحي هناك هاتلاقي أفارول حريمي ... ومفتاح 19 .. وشنطة فيها عدة شغل الإشراف .. وما تلعبيش في حاجه الا أما تقري الكاتالوج أحسن تتكهربي

أدفايزر : على فكرة ... إحنا قررنا نغير إسمك

مصرية : ها ... أه .. فعلاً أنا شايفه إن إسمي غلس .. إيه مصرية متغربة دي ؟ طب ما في مليون مصرية غيري ... قال يعني أنا المصرية الوحيدة اللي متغربة .. إيه رأي حضرتك في " سوسن " كان نفسي من زمان أبقى سوسن .. إسم جميل وموسيقي في نفس الوقت

أدفايزر : سوسن إيه وجلفدان إيه ... إنتي عشان مهمتك هاتبقى القضاء على حزب الحريم ... وكسر شأفتهم ... هانسميكي " شجرة الدُر ""

مصرية : الله .. الله .. عين العقل والله .. يا زين ما أخترت ... أنا باحب مدام تحيه كاريوكا جداً .. وباكره في نفس الوقت مدام نعيمه الصغنن ... طب حضرتك مين بقى هايبقى عز الدين أيمن في الفيلم ؟ وبالمناسبة .. هايبقى في طاووس ولا نمشيها ديك رومي عشان تكاليف الإنتاج ..؟

وهنا ينظر لها الجميع نظره تُعبر عن الغضب والضيق من كُتر اللوك لوك لوك ... فتختصر مصرية الكلام قائلةً : قولتي لي فين الأوضة بتاعتي يا مدام سلوى ؟

------------------

ثم تمضي الأيام ... ويكون هذا هو حال ( المحاورات بعد 3 شهور )

وبالفعل .. ما إن بدأت شجرة الدر العمل ... حتى أمتئلت المحاورات بجثث النساء في كل مكان ... وكاد المنتدى أن يصفصف على أنثى أو إتنين فقط ممن لم تطولهم يد البطش الطولى الخاصة بشجرة الدُر

أما أغابي : فلقد قدمت إلتماس وطلب لجوء سياسي لجمهورية فولتا العُليا .. وبالفعل هاجرت إلى هناك مع عائلتها وأصبحت من أكبر تجار الموز في أفريقيا

أما هند علي فقد قامت ببيع منزلها بمحرم بك وهاجرت إلى مرسى مطروح وذابت وسط قبائل أولاد علي ..

وقامت المهندسة بطلب قرض من صندوق الضمان الإجتماعي واشترت قيراطين أرض زراعية في توشكى وطبقت فيهم كل ما تعلمته من مباديء الزراعة وأنضمت إلى طبقة المُلاك البرجوزايين .

أما ضُحى فلم تستطع كبح جماح رغبتها في الكتابة بالمنتديات وقامت بتأسيس منتدى جديد أطلقت عليه " نساء في المنفى "

وأم زياد قامت بالرجوع مرة أخرى إلى عاصمة الضباب متخذةً شعار " نار لندن ولا جنة المحاورات "

أما مغتربة فلقد تزامنت تلك الأحداث مع خسارتها كل تحويشة العُمر باللعب في البورصة وتحديداً في سهم " عامر جروب " فرجعت إلى هوايتها القديمة في تجارة العُملة ...

أما عن لماضه .. فلقد فاض بها الكيل ولم تستطع المقاومة .. وقامت بالإنضمام إلى ميليشا شجرة الدر وأصبحت دراعها اليمين والمسئولة العسكرية عن فرقة الإغتيالات النسائية .

تمت

[اغابي]

أما عن لماضه .. فلقد فاض بها الكيل ولم تستطع المقاومة .. وقامت بالإنضمام إلى ميليشا شجرة الدر وأصبحت دراعها اليمين والمسئولة العسكرية عن فرقة الإغتيالات النسائية .

تمت

رررررررررررررررررررائع يا س س - مبدع

انت موهبة مدفونة يا استاذ

انت نجم النجوم يا استاذ

يا مايسترو يا مبدع يا فنان

يا بتاع الاشراف وخلافه

نجي للمشاكل بقى

m8:

الجملة اللى فوق دى برغم انها معرووووووووووووفة

وموثوق فيها وانها من كواليس الاشراف

لكنها مش سر ولا حاجة - ومش نمرة جديدة - لانها خبر قديم

ومعروفة اوى فى الوسايط المحاوراتية

:swing:

فيه ترابط وتلاحم غير برئ فى الجملة دى

وهنا ياتى الاعتراض

:hunter:

والديمقراطية هى المساواه يا سادة يا افاضل :protest: - مفيش دراع يمين ورجل يمين - كلنا احرار يا على

mft:

يعنى مش بطة سودا وبطة موف

هى كوسة وبتينجان

جايا اهدى النفوس :P :P

تم تعديل 1 ديسمبر 2010 بواسطة اغابي

[mustafagamiel]

ماشاء الله عليك ياسين سين واسلوبك الغير معقول

فعلا انت مصور لنا الاحداث بطريقة واضحة جدا

لاتترك هذه الموهبة

[doha]

كما العاده .. اجراااااااااام

بس شطارتك بقى ياحلو لو عندك الشجاعة تقول بعد ثلاثه اشهر من تولي شجره الدر حصل ايه للاشاكيف ذوي الاشناب .. وياترى حد منهم لسه عايش ولا طالهم الوبا ..

حلوة بجد . تفوقت على نفسك كما العاده بس منه لله الساري من بعد الوثائقي بتاعه رفع سقف التحدي بشكل يصعب مجاراته ..

على كل حال زي ماقلت .. لايفل الفطحل الا الفطحل .. اتمنى لو اشوف الكواليس الجاية مين فيكم هيعملها وهتطلع ايه ..

شدوا حيلكم يافطاحل عاوزين الفضايح للركب ..

[مغتربة]

أما مغتربة فلقد تزامنت تلك الأحداث مع خسارتها كل تحويشة العُمر باللعب في البورصة وتحديداً في سهم " عامر جروب " فرجعت إلى هوايتها القديمة في تجارة العُملة

يسمع من بقك ربنا يا سين سين

هو حد يطول يبقى تاجر عمله اد الدنيا

و الاوراق الخضراء و الحمراء و الصفراء دى تبقى عنده زى الرز

دا كدا تبقى فرجت قوى

[Handasah]

بجد رائعة يا سى السيد تسلم ايدك ومبروك لاخت مصرية متغربة وبالتوفيق .

[shiko]

مسخررررررررررررررررررة

والله حرا م اللى انت بتعملوا فينا ...

...

لا تعقيم .....بجد موش قادرة اكتب ولا كلمة من الكركعة المميتة اللى انا فيها ....

انت موش ممكن ....

[masraweya]

وبالفعل .. ما إن بدأت شجرة الدر العمل ... حتى أمتئلت المحاورات بجثث النساء في كل مكان ... وكاد المنتدى أن يصفصف على أنثى أو إتنين فقط ممن لم تطولهم يد البطش الطولى الخاصة بشجرة الدُر

أما أغابي : فلقد قدمت إلتماس وطلب لجوء سياسي لجمهورية فولتا العُليا .. وبالفعل هاجرت إلى هناك مع عائلتها وأصبحت من أكبر تجار الموز في أفريقيا

أما هند علي فقد قامت ببيع منزلها بمحرم بك وهاجرت إلى مرسى مطروح وذابت وسط قبائل أولاد علي ..

وقامت المهندسة بطلب قرض من صندوق الضمان الإجتماعي واشترت قيراطين أرض زراعية في توشكى وطبقت فيهم كل ما تعلمته من مباديء الزراعة وأنضمت إلى طبقة المُلاك البرجوزايين .

أما ضُحى فلم تستطع كبح جماح رغبتها في الكتابة بالمنتديات وقامت بتأسيس منتدى جديد أطلقت عليه " نساء في المنفى "

وأم زياد قامت بالرجوع مرة أخرى إلى عاصمة الضباب متخذةً شعار " نار لندن ولا جنة المحاورات "

أما مغتربة فلقد تزامنت تلك الأحداث مع خسارتها كل تحويشة العُمر باللعب في البورصة وتحديداً في سهم " عامر جروب " فرجعت إلى هوايتها القديمة في تجارة العُملة ...

أما عن لماضه .. فلقد فاض بها الكيل ولم تستطع المقاومة .. وقامت بالإنضمام إلى ميليشا شجرة الدر وأصبحت دراعها اليمين والمسئولة العسكرية عن فرقة الإغتيالات النسائية .

تمت

الحمد لله

نفدت

:closedeyes:

إيه ده ...كدا خليتكم تاخدوا بالكم

أنا أحسن أكِن اليومين دول ....لغاية ما تنسوا

نياهااهااهااااا

ضحكات شريرة

:WelEgTks:

جزاكم الله خيرا على الموضوع اللذيذ ده

[Scorpion]

عقلي الباطن :

ممم i*: اللي اسمه سي السيد ده بحجة كصص المشرفين الجدد سارح بكلوكلو و فريسكا و عمال يعمل بيزنس في الخباثة ... لغاية دلوقتي بايع 530 كلوكلو و 204 فريسكا .. و حكاية شجرة الدر دي قفلت معاه علي صافي ربح 2340 جنيه ...

الله ... طب ما نألف كصص احنا كمان ... بدال ما انا عمال اتدعك في العمرانية و البيه شغال عالفريسكا ...