بتعمل ايه لما بتبقى متضايق؟

[crossfield]

بقى لى فترة قاعدة فى البيت مفيش شغل و الفراغ ده بيخلى دمغ الواحد تبقى زى خلية النحل كلها دبابير و يمكن الواحد يبتدى يفتكر حاجات تضايقه فيهرب من النكد ده ازاىىىىى؟

ابتديت أحط همى فى الأكل...

مثلاً النهاردة صحيت الظهر(اللهم لا حسد)

أعمل ايه أعمل ايه؟

بعد الطقوس اليومية الصباحية قلت أما أغم نفسى على الصبح كده بالأخبار

و قد كان

فى أول صفحة

بالمانشيت العريض

"عودة الندل" mc(:

ماشى

اللى بعده B)

صنية بطاطس بيوريه

أيوه هى دى B)

و قمت جهزت المقادير و قعدت بتاع ساعتين أفن فيها و فى الآخر حطيتها فى الفرن

أبص يمين و شمال

ايه المزبلة اللى أنا عملتها فى المطبخ دى؟ :rolleyes:

معلش

الست زمانها جاية

أمال هتاخد فلوس على ايه يعنى

اقلبى يا كروس و لا يهمك

بس معرفش ليه لما دخلت الصنية فى الفرن حسيت بفراغ معوى من نوع خاص eey::

نفسى فى صنية قرع عسلى

و رجعت المطبخ تانى

خلاص هاعمل القرع

و ابتديت أخبط يمين و شمال

و ادى الصوص و ادى المكسرات ...

الله !!

دى اتعملت بسرعة

أعمل ايه تانى فى اليوم اللى مش عايز يخلص ده؟

مش عايزة أقرا و لا أعمل اى حاجة تخلينى أفكر

فعلاً مخى بقى عبارة عن حلة

الغريبة بقى ان بعد ما ده كله اتعمل مكلتش منه حاجة

مش علشان وحش لا سمح الله mc:

لكن اكتشفت انى مكنتش باعمل الأكل علشان أكله أصلاً ups:

يا ترى ببتطلعوا الكبت-مش وقت الفراغ- ازاى؟

[drmsaber]

فين المصحف ؟

فين الصلاة ؟

فين الجمعيات الخيرية و دور الايتام ؟

فين المساجد و دروس العلم و تحفيظ القرآن ؟

[crossfield]

حبة حبة عليا يا عم درمصابر

أنا ما انكرش انى مقصرة :rolleyes:

لكن على قد ما باقدر بالتزم و الحمد لله

لكن محدش يقدر يمنع دماغه من انها تشتغل

و غصب عن الواحد بيتضايق

و غصب عنه بييجى عليه أوقات يبقى خلاص مش طايق نفسه

و بيبقى عايز يعمل حاجة تنسيه اللى مضايقه

ممكن الصلاة تخفف عنك لو متضايق

لكن دماغك هتفضل شغالة

أنا شخصياً كده

دماغى شغالة24 ساعة مبتقفش حتى و أنا نايمة

و اللى باتكلم عنه زى ما قلت فى مداخلتى مش فراغ

ده زهق و ضيق.

[drmsaber]

حاضر يافندم ..بالراحة

يقول الله تعالى فى سورة الحديد :

مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ (22) لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ (23)

فلما نشعر بضيق نفتح كتاب الله و نقرأ و نتدبر آيات القرآن نجد حل لمشاكلنا و ضيقنا

ولما نحس بأن أبواب الدنيا كلها أغلقت فى وجوهنا نتوضأ و نصلى ركعتين لله -يا حبذا لو فى أخر الليل-

و نناجى ربنا خالقنا ..أن ذنوبنا أرهقتنا و أثقلت كاهلنا

ونطلب منه العفو و العافية فى الدين و الدنيا

ونطلب منه الهدى و الرشاد لما يحب و يرضى

حاولى كده ...بإذن الله الهم يزول

ولا تنسينا من صالح دعائك

اللهم ارفع الهم و الحزن و الغلب و الكسل عن أختنا و عنا و عن جميع المسلمين

[Farida]

انا لما باتضايق باكل و اطلع كل غيظى فى الأكل بعد ما اخدت الدكتوراة طلعت من الموضوع ده زايده جدا

[ragab2]

ممكن

السفر أو تغيير المكان والجو والوجوه

وعمل بعض التمرينات الرياضية الخفيفة والمشى

يساعد على الخروج من هذه الحالة

[kfaya]

أولا أنا مصدقش حكاية انك عملتى صنية بطاطس بيورية .. و حلة قرع عسلى بالمكسرات غرقانة فى الصوص ...و بعد كل المجهود دة و المطبخ اللى بقى زى المزبلة انك ما تحطيش همك فيهم .. و قدام المسلسل العربى تك تك , وبعدين تقومى تحطى الحلل فى الحوض لغاية ما تيجى أسمها أية تغسلهم ...

ممممممم ... عموما أنا بموت فى الأكلات دى .....

أكيد فى حجات كنتى مؤجلاها من زمان ( مؤجلاها أكيد غلط) ..حاولى تشغلى مخك و تبتدى تعمليها ... مثلا زيارات ..تغيير ديكورات فى الشقة .... دكتور سنان من زمان كان لازملة زيارة ... شوية وقت زيادة على النت ...

لو لأ .... شدى الرحال على أى مصيف كام يوم ...

كفاية : دكتوراة فى أكل البطاطس البورية و القرع العسلى و التزويغ من دكاترة الأسنان .

[Cleo]

أنا تقريبا بعمل اللى كفاية بيقولعليه ده..

بحاول ماعدش فى البيت خاااالص...

أنزل أروح ألعب اسكواش.. أروح أخترع أى مشوار أعمل فيه أى حاجة مش لازمانى...

أكلم أصحابى و نخرج نروح أى حتة مالهاش لزمة..

أودى الهدوم بنفسى للتنظيف و بعدين أعدى عالسوبرماركت أجيب أى حاجة مش عايزاها و فى السكة أروح للبان أجيب من عنده أيس كريم تحفففففففففففة.... أنا مابحبش الأيش كريم بس ماما بتموت فيه...

كدة..

الليلة تخلص.... أرجع أعد عالنت لحد ما أقع عالكيبورد من التعب أدخل أنام قتيلة لغاية تانى يوم...

وهكذا...

مضى قطار العمر يا ولدى..

[حشيش]

عزيزتى كروساية

حالتك تعرف عندنا نحن المتخصصون بمتلازمة ( رق الحبيب) وتبدأ الأعراض بالملل والضجر يتبع ذلك تنميل فى النصف الأيمن من الوجه وانحراف فى زاوية الفم جهة اليسار...إذا لم يتم تدارك الأمر بسرعة فإن الحالة تنتهى بالشلل النصفى B) ...أنصحك بممارسة رياضة عنيفة كالملاكمة والإسراع فى مشروع زواجك علشان تلاقى حد تفشى غلك فيه :rolleyes:

حشيش

إستشارى الأمراض النفسية والعصبية-بولاية كنتاكى (فرايد تشكن)

[Masrawy Abroad]

كروس

أنا بأحسدك على الفراغ اللي انتي فيه!

فيه طرق كتير جدا لتمضية وقت الفراغ....ده الإنترنت لوحده كافي ياخد كل وقتك...فيه موضوع مثبت هنا في المحاورات عن مواقع رائعة عاوزة سنين عشان تتقري وخاصة في السنة النبوية والأدب العربي وغيره كتييييير

*حشيش: افتح يا عمي صندوق رسايلك بدل ما أقطعلك وشك...

تم تعديل 9 يوليو 2004 بواسطة Masrawy Abroad

[linux]

مثلاً النهاردة صحيت الظهر(اللهم لا حسد)

يا أخت كروس:

حسد فين بس؟

أتمني أن قصدك أنك نتمي تاني بعد ما صليتي الفجر حاضر :rolleyes:

أنا عن نفسي عندي طبع مهبب ...

لما بكون زعلان (مش دي كانت أغنية B) ) مبحبش أكلم حد ... بفضل كاتم الصوت لحد مايريد المولى.

بس ربنا شاهد، الذهاب للمسجد و القعاد بس هناك بيدي الواحد راحة نفسية و سكينه.

[crossfield]

اللهم ارفع الهم و الحزن و الغلب و الكسل عن أختنا و عنا و عن جميع المسلمين

اللهم آميييييييييين.

فرح كتبت:

انا لما باتضايق باكل و اطلع كل غيظى فى الأكل بعد ما اخدت الدكتوراة طلعت من الموضوع ده زايده جدا

الحال من بعضه يا فرح

بس أنا باطلع غيظى فى عمايل الأكل مش فى الأكل نفسه ;)

د.رجب كتب:

ممكن

السفر أو تغيير المكان والجو والوجوه

ده بالظبط اللى أنا محتاجاه لكن للأسف مينفعش اليومين دول cr((:

كفاية كتب:

أولا أنا مصدقش حكاية انك عملتى صنية بطاطس بيورية .. و حلة قرع عسلى بالمكسرات غرقانة فى الصوص ...و بعد كل المجهود دة و المطبخ اللى بقى زى المزبلة انك ما تحطيش همك فيهم .. و قدام المسلسل العربى تك تك , وبعدين تقومى تحطى الحلل فى الحوض لغاية ما تيجى أسمها أية تغسلهم ...

و الله يا كفاية ده اللى حصل

ثم أنا مبتفرجش أساساً على التليفزيون

أينعم أنا مكلتهمش فى ساعتها

لكن النهاردة قمت بصنية البطاطس تقريباً لوحدى

أكيد فى حجات كنتى مؤجلاها من زمان

كفاية

سؤال برئ:

انت تقرب لنورا؟

كليو كتبت:

مضى قطار العمر يا ولدى

لا يا ماما لااااااااا cr((:

حشيش كتب:

حالتك تعرف عندنا نحن المتخصصون بمتلازمة ( رق الحبيب)

و لو انى مش عارفة يعنى ايه متلازمة

لكن أنا اليومين دول حالتى ينطبق عليها نص المتلازمة التانى

(و رقعنى بقلة) prt:

مصراوى أبروود كتب:

كروس

أنا بأحسدك على الفراغ اللي انتي فيه!

مش فراغ و الله أنا عندى خمسين حاجة مهمة لاااااااااازم تتعمل

بس النفس htr::

إقتباس (crossfield @ Jul 8 2004, 07:30 PM)

مثلاً النهاردة صحيت الظهر(اللهم لا حسد)

لينكس كتب:

يا أخت كروس:

حسد فين بس؟

أتمني أن قصدك أنك نتمي تاني بعد ما صليتي الفجر حاضر 

أكيد طبعاً؛الحمد لله.

قصدى انى باقوم الظهر و انتوا بتكفوا على وشكم بدرى علشان الشغل

الله!

ما أنا قلتلكم انى فى أجازة

[kfaya]

كروسفيلد كتبت :

فرح كتبت:

إقتباس 

انا لما باتضايق باكل و اطلع كل غيظى فى الأكل بعد ما اخدت الدكتوراة طلعت من الموضوع ده زايده جدا 

الحال من بعضه يا فرح

بس أنا باطلع غيظى فى عمايل الأكل مش فى الأكل نفسه

على فكرة يا كروس اللى كتب الكلام دة الدكتورة فريدة مش فرح ....

طبعا دة بعد صنية البطاطس ...

ربنا يستر من اللى هيحصل بعد حلة القرع العسلى ....

اياكى تقولى لسة متضايقة ....

[crossfield]

فرح كتبت:

إقتباس 

انا لما باتضايق باكل و اطلع كل غيظى فى الأكل بعد ما اخدت الدكتوراة طلعت من الموضوع ده زايده جدا 

الحال من بعضه يا فرح

بس أنا باطلع غيظى فى عمايل الأكل مش فى الأكل نفسه

على فكرة يا كروس اللى كتب الكلام دة الدكتورة فريدة مش فرح ....

طبعا دة بعد صنية البطاطس ...

ربنا يستنر من اللى هيحصل بعد حلة القرع العسلى ....

اياكى تقولى لسة متضايقة .... :)

معلش يا كفاية

أصلى تقلت فى البطاطس شوية B) mfb:

بس يظهر انت اللى أكلت حلة قرع النهاردة علشان مكرر المداخلة مرتين bk:

[Lighthouse]

الاول كنت لما اتضايق نفسي تنسد عن الأكل

بقالي فترة لما اتضايق احس بجوع شديد جدا

وطبعا باشبع بسرعة لكن باستمرار عندي احساس غريب بالجوع :)

احساس وحش جدا B)

[Cleo]

يا ترى يا كروس جيبتى وصفة صينية القرع منييييييين؟؟؟ :blink:

[فــيــروز]

باشوف اى حد من اصحابى اللى ماكلمتهومش من زمان

ارفع سماعة التليفون

وهات يا رغىىىى :blink:

خصوصا ان بيبقى فيه حاجات كتيره جدا لنا مده ماتكلمناش فيها وماعرفناش آخر تطوراتها فيبقى فيه ماده كبيره للحديث

طبعا ده بيكون فى الاوقات اللى صعب الخروج فيها زى يوم بعد الشغل مثلا .. لو ينفع اخرج ولسه الوقت بدرى باخرج حتى لو لوحدى ..

ولو ان الحمد لله الشغل تقريبا لا يترك لى فرصه اشعر فيها بفراغ او زهق و الوقت اللى بيتفضل بعد يوم الشغل يادوب ..

ويومى الاجازه نفس الشئ باحس انه بيتسرسبوا من ايديا هوا ..

[drmsaber]

ولو ان الحمد لله الشغل تقريبا لا يترك لى فرصه اشعر فيها بفراغ او زهق و الوقت اللى بيتفضل بعد يوم الشغل يادوب ..

ويومى الاجازه نفس الشئ باحس انه بيتسرسبوا من ايديا هوا ..

وكــذلـك العــــمر يمر أسرع فطوبى لمن استغل وقته فى طاعة الله فى وقت الرخاء قبل وقت الشدة ولم تشغله دنياه عن دينه و أهله وأمته

اللهم بارك فى أوقاتنا و لا تجعل الدنيا أكبر همنا و لا مبلغ علمنا و لا إلى النار مصيرنا.

[فــيــروز]

ولو ان الحمد لله الشغل تقريبا لا يترك لى فرصه اشعر فيها بفراغ او زهق و الوقت اللى بيتفضل بعد يوم الشغل يادوب ..

ويومى الاجازه نفس الشئ باحس انه بيتسرسبوا من ايديا هوا ..

وكــذلـك العــــمر يمر أسرع فطوبى لمن استغل وقته فى طاعة الله فى وقت الرخاء قبل وقت الشدة ولم تشغله دنياه عن دينه و أهله وأمته

اللهم بارك فى أوقاتنا و لا تجعل الدنيا أكبر همنا و لا مبلغ علمنا و لا إلى النار مصيرنا.

اللهم آمين

توقعت هذا التعقيب من الدكتور صابر :blink:

ولهذا احاول ان اجعل نيتى فى كل عمل ان انال عنه حسنات

وهذا بالطبع انجح فيه احيان و احيان انسى ..

لكن ارجع اذكر نفسى مره اخرى انه محدش ضامن عمره وينبغى اذا اتيح لنا اى فرصه لعمل خير ولو بذكر الله ونحن فى اى وقت لا نؤدى فيه اى عمل فهذا خير و بركه ..

والحمد لله اتعودت اخيرا انى اسبح وانا فى التاكسى و ادعو الله ان يوفق الجميع لاستغلال الوقت فيما يفيد stnd::

[إبن مصر]

لم اتمالك نفسى عن الرد فى هذا الموضوع وكأننى ارد على نفسى..

أأأأأأأأه كم نحن مقصرون!!!

فى حق انفسنا وفى حق اهالينا وارحامنا وفى حق دنيانا واعمالنا وفى حق الجبار ربنا!!!

لا انكر اننا فى وقت الضيق نبحث عن شىء يخرجنا مما نحن فيه من ضيق وملل وما الى ذلك ...

لماذا لا نفعل كل ما سبقوذكره الاخوه !!!!!!

اذا اردنا ان نحدث احدا لم نحدثه من مده فلنبحث عن رحم لم نوصلها ونصلها... حقا.. لم لا نفعل ذلك؟

اذا اردنا الترفيه بتغيير المكان والزمان والعمل الروتينى لم لا نأخذ الاهل ونقضى معهم يوما لا نقضيه الا بين الفينه والاخرى!!

كم من مره لاعبنا ابنائنا او ابناء اخواتنا ؟

كم حاولنا ان نعلمهم شيئا جديدا فى ديننا او دنيانا ؟

اذا اردنا قراءه شىء جديد ولم نكن نملك الصفاء الروحى للاستماع الى كتاب الله وتدبره لم لا نقرا ما يفيدنا ويفيد دنيانا فلا نبتعد عن فرصه التجاره مع الله ونقرأ ما يحسب لنا لا علينا؟

لم نشعر ان كل ما يخرجنا من ضيقنا لابد ان يكون شيئا جديدا علينا وملىء بالاثاره والمتعه.... مع العلم انا نملكه بين ايدينا وامام اعيننا ولا نفعله....

فلنقترب من ابائنا وامهاتنا وابنائنا واخواتنا وابناء اخواتنا وارحامنا قبل ان نبحث عن اصدقائنا ..اعتقد انهم اولى بلهونا ولنلهو معهم....

نستمع لهم ولحكاياتهم...

نحكى لهم ونلاعبهم وننطلق معهم..

ربما ... ربما وجدنا معم ما لم نجده مع انفسنا...

لم لا نأكل معهم .. كل ما ذكره الزملاء والاخوه والاخوات لماذا نضن به على اهلنا واحبائنا ونبحث دائما خارج دائرتهم...لا اقول هذا ليرد على نحن نفعل ولا نفعل من اين علمت ولم تعلم انما اتحدث معكم ولى قبلكم فطوبى لمن كان بهذه الصفات وادعو الله للاخرين وانا اولهم ان يوفقنى الله الى فعل ذلك

مجرد مقتطفات وتفكير مع زملاء اعزاء ....

لم لا نلجاء لمن ينتظرنا كل دقيقه وثانيه ...

فلا زلت اذكر كلمات هذا الرجل الطاعن فى السن فى درس من دروس القران فى احد المساجد عندما كنت صغيرا وسمعنى اشكو الى شيخى بعض الامور فابتسم الى وقال للشيخ لا تجبه وقال....

لا تسـأل ابن ادم وتـــدع من ابوابـه لا تحـجب...

فالله يغضب ان سألت غيره وابن ادم ان يسأل يغضب...

احبائى دعونا نعود الى احبائنا فقد طال انتظارهم لرجوعنا اليهم..

ابن مصر