احذروا من الغطس سمكه القرش وصلت مصر

[مغتربة]

أثارت سمكة قرش من فصيلة longmanus الخطيرة الرعب بشواطئ شرم الشيخ إثر قيامها بمهاجمة وإصابة سائحتين روسيتين أثناء ممارستهن السباحة بشواطئ إقامتهن السياحية بفنادق كورال باى ونيسكو، حيث أصيبت أوليجا ماريتسينكوا (48 سنة) ببتر يدها اليسرى وجروح الظهر والقدمين ولودمينا ستولياروفا (70 سنة) ببتر كل من قدمها اليسرى ويدها اليمنى وكسر ذراعها اليمنى وجروح فى قدمها اليمنى.

ومن جهته قال هشام جبر رئيس غرفة سياحة الغوص والأنشطة البحرية إن أحد الغواصين شاهد الحادث، وقام بتحذير باقى السياح، والإبلاغ عن الحادثة، الأمر الذى ساهم فى سرعة إنقاذ الضحايا ووصولهم لمستشفى شرم الشيخ الدولى فى وقت قياسى.

تم إجراء عمليات إنقاذ سريعة للضحيتين بمستشفى شرم الشيخ الدولى تحت إشراف طبى دقيق، وثم نقلهما إلى معهد ناصر بالقاهرة بواسطة طائرة طبية (إسعاف طائر)، مضيفاً أن السيدتين الروسيتين غادرتا المدينة فى حالة طبية مستقرة.

بصراحه انا اول مره اسمع عن ان شواطىء مصر بيقرب منها سمك قرش

ربنا يسلمنا كلنا :clappingrose:

[akramgroup]

طب هيا شرم كده تنفع من غير الغطس

وراس محمد معظم المنطقه هناك احسن حاجه فيها الغطس

انتى هاتخوفينى ليه ده انا كنت ناوى اسبوع فى شرم

[مغتربة]

صرح الدكتورمحمد سالم مدير إدارة محميات جنوب سيناء بأن سمكة قرش قد هاجمت سائحين روسيين ظهر الأربعاء، حيث وقع الحادث على بعد أمتار قليلة من أحد شواطيء شرم الشيخ.

وتبين أن أحد السائحين وهو رجل ويدعي "افيجي" (66 سنة) قد التهمت سمكة القرش ذراعيه وأحدثت به جروح متهتكة فى بعض مناطق جسده، والأخر وهو أمراة وتدعى "دي فري تشيكن" (54 سنة) أصيبت ببتر فى ذراعها الأيمن، وتم نقل الضحايا إلى مستشفى شرم الشيخ الدولي فى حالة خطيرة.

وقام جهاز حماية البيئة بشرم الشيخ بإجراء مسح شامل للمنطقة للبحث عن سمكة القرش والوقوف على أسباب الحادث وتولت النيابة التحقيق.

وكانت سمكة القرش التى يطلق عليها (Oceanic White Tip Shark) قد هاجمت مساء الثلاثاء، سائحتين روسيتين بأحد شواطيء شرم الشيخ أثناء ممارستهما السباحة السياحية بفنادق "كورال باي ونيسكو"، مما أسفر عن إصابة أوليجا ماريتسينكوا (روسية - 48 سنة) ببتر يدها اليسري وجرح في منطقة الظهر وجروح بالقدمين، وإصابة لودمينا ستولياروفا (70- سنة ) ببتر قدمها اليسري ويدها اليمني وكسر ذراعها اليسرى وجروح في قدمها اليمني.

وتم إجراء عمليات الإنقاذ السريعة للضحيتين بمستشفي شرم الشيخ الدولي تحت إشراف طبي دقيق، وتم نقلهم صباح الأربعاء لمعهد ناصر بالقاهرة بواسطة طائرة طبية مجهزة.

وأكد مدير مستشفي شرم الشيخ الدولي أن أن السيدتين الروسيتين غادرتا المدينة لمعهد ناصر في حالة طبية مستقرة بعد نجاتهما من حادث مروع.

وقال مدير عام محميات جنوب سيناء، أن السبب وراء تكرار هذة الحوادث المؤلمة يرجع إلي اختلال المنظومة البيئية، نتيجة الصيد الجائر الذي يمارسة الصيادون في مناطق الغوص، الأمر الذي نتجت عنه ندرة في السمك مصدر الغذاء الطبيعي للقروش ومن ثم تضطر القروش للاقتراب من الشواطئ بحثًا عن غذاء.

ودعى الدكتور سالم إلى منع الصيد الجائر فورًا، حتي نحافظ علي النظام البيئي ولا تتكرر مثل هذه الحوادث، التي يمكن أن تحدث وتزداد مستقبلا، إن بقي الحال علي ما هو عليه من ممارسات الصيد الجائر في البحر الأحمر وخليج العقبة على وجه الخصوص.

وتابع الدكتور محمد سالم : " مثل هذه الحوادث تقع في مصر بمتوسط حادث أو اثنين كل عام، فيما بلغ معدل وقوع هذه الحوادث سنويا في جنوب افريقيا بواقع 26 حادث في العام، وقرابة 40 حادث باستراليا و30 حادث في إحدى ولايات امريكا".

وأشار سالم إلى أنه كلما كثرت الشعاب المرجانية وتزايد اقبال السائحين للنزول في هذه المناطق كلما تزايدت حوادث مهاجمة أسماك القرش بتلك المناطق، خاصة ان المنتجعات السياحية بجنوب سيناء تشهد تدفق كبير للسائحين الأجانب في مناطق الشعاب المرجانية وتقوم الجهات المعنية الآن بجنوب سيناء بدراسة الموقف وعدم تكرار مثل هذه الحوادث مرة أخرى.

[مغتربة]

طب هيا شرم كده تنفع من غير الغطس

وراس محمد معظم المنطقه هناك احسن حاجه فيها الغطس

انتى هاتخوفينى ليه ده انا كنت ناوى اسبوع فى شرم

و الله يا استاذ اكرم انا استغربت زيك انا عمرى ما سمعت عن سمك قرش فى سينا لكن كل شيىء جايز

تحياتى

[م تيمور المراغي]

يبقى جات لقضاها برجليها ,, :happy:

[pink rose]

و احنا راجعين من مصر اخر مرة بالعبارة

العبارة بتطلع من مصر 3 و نص بالليل

المهم اول ما النهار طلع قولت اتجرأ شوية و ابص من الشباك على المايا

و لقيت سمكتين قرش شغالين تنطيط حوالين العبارة

حسيت ساعتها ان قلبي وقف من الرعب

و قعدت اقول يمكن عشان احنا في وسط البحر و كده هما فرحانين بشبابهم و عمالين يترقصوا حوالينا

و قعدت ادعي ربنا اننا نعدي من المنطقة دي على خير

بس الظاهر ان البحر الاحمر كله انضرب يا جدعان

و هانمثل قريب فيلم الفك المفترس

ربنا يستر

و انا اللي كنت عمالة اخطط ان الصيف اللي جي هايكون من نصيب سينا

لا خالينا في مطروح احسن و أأمن

[التونسى]

انا شفت بعينى اسماك القرش فى احد شواطئ شرم الشيخ.. وده من حوالى 9 سنين وفى منطقه اسمها شارك باى ((اى خليج القرش)) وهى منطقه قريبه من جزيرة تيران المشهوره واحد اسباب حرب 67 .. ووقتها كنت فى المياه بعوم .. وشفت بعينى ((الزعنفه)) اللى مشهور بيها سمك القرش وموجوده على ظهره ..ورغم ان المسافه بينا كانت بعيده نسبيا .. الا انى ساعتها جالى حالة ذعر وهربت سريعا الى مرسى احد اليخوت .. بعد كده اتقاللى من الناس المسئولين عن مركز الغطس انها اسماك قرش صغيره و((أليفه)) وغير مؤذيه .. لان اسماك القرش الخطيره لا تتواجد الا فى المياه العميقه .. لكن الظاهر فعلا ان موضوع الصيد الجائر واختلال التوازن البيئى خلا الاسماك المتوحشه دى تقرب من الشواطئ الغير عميقه عشان تلقط رزقها :closedeyes:

ربنا يستر .. الحل الاكثر امانا ان الوحد ينزل فى الشواطئ اللى متأمنه ومتحوطه بشبكات تمنع دخول سمكة القرش المرعبه

[م تيمور المراغي]

..........

و لقيت سمكتين قرش شغالين تنطيط حوالين العبارة

حسيت ساعتها ان قلبي وقف من الرعب

...........

لا خالينا في مطروح احسن و أأمن

سنارتك فين يا ريمو ,,, :happy:

بقى كده بنات المحاورات الجدعان يخافوا من سمكتين بساريا ,,

على فكره ,,

جاتلي اخبار مؤكده من مرسى مطروح ,,

ان نفس السمكتين قاعدين من امبارح بيتنططوا بروضوا ومستنيينك :P

[pink rose]

..........

و لقيت سمكتين قرش شغالين تنطيط حوالين العبارة

حسيت ساعتها ان قلبي وقف من الرعب

...........

لا خالينا في مطروح احسن و أأمن

سنارتك فين يا ريمو ,,, :happy:

بقى كده بنات المحاورات الجدعان يخافوا من سمكتين بساريا ,,

على فكره ,,

جاتلي اخبار مؤكده من مرسى مطروح ,,

ان نفس السمكتين قاعدين من امبارح بيتنططوا بروضوا ومستنيينك :P

عارف يا باشمهندس انا كنت عاملة زي عادل امام لما تطلعله اسد

يعني انا بخاف موووووووووووووت من ركوب البحر قوم كمان يطلعلي قرش

بجد كان رعب فوق الخيال و قررت اني مش هاكرر التجربة دي تاني ان شاء الله

اما بالنسبة لمطروح فا هي الحمدلله آمنة

و لو لا قدر الله حصلت فيها المصيبة دي

فا انا الحمدلله عندي حتة ارض بدل ما ابني عليها فيلا هاحفرها و اعملها بسين كبير و ابلبط فيها براحتي انا و مريم

و لا يهمني :closedeyes: