أمير قطر يزور مصر لمدة ساعتين للعزاء في معلمه المصري

[م تيمور المراغي]

بصراحه موقف محير ,,

وانا مختلف مع الدوله دي وسياستها واميرها وحكومتها قلبا وقالبا ,,

لكن احترم والله الوفـــاء ده من الامير ,,

القاهرة - فى واقعة فريدة من نوعها، قام أمير قطر الشيخ حمد بن خليفة، بزيارة سريعة للقاهرة لمدة ساعتين فقط، لتقديم واجب العزاء لأسرة معلمه المصري "أحمد منصور"، الذى توفى الأسبوع الماضي.

كان فى استقبال الأمير فى مطار القاهرة المهندس رشيد محمد رشيد وزير الصناعة والتجارة الاثنين الماضي، واصطحبه إلى منزل أسرة الفقيد.

وتكريما لمعلمه، قرر الشيخ حمد بن خليفة بناء دار تحفيظ للقرآن تحمل اسمه فى العاصمة القطرية الدوحة.

وأكد الدكتور محمد منصور "نجل المدرس الراحل"، أن والده كان معلم الأمير حمد وإخوته فى أول مدرسة ابتدائية فى قطر، قبل يصبح مدرس العائلة الخاص فى المرحلتين الإعدادية والثانوية.

وكان أحمد منصور من أول المدرسين الذين أدخلوا التعليم النظامى فى قطر عام 1956 أثناء حكم الشيخ على بن عبدالله آل ثان، وعندما وصل "منصور" إلى قطر التحق بوزارة المعارف مدرساً للتاريخ والتربية الوطنية والمجتمع والاجتماع، فى المدرسة الابتدائية الوحيدة فى قطر ذلك الوقت، واشترك منصور فى تأليف الكتب المدرسية لوزارة التربية والتعليم هناك

[التونسى]

موقف جميل جدا .. وأثار بداخلى مشاعر رائعه من الاحترام والتقدير لامير قطر ..فأحسبه موقف يدل على نية خير وحب لمصر بشكل عام .. مصر كشعب .. بغض النظر عن مصر الدوله .. والتى بينها وبين قطر الدولة ما صنع الحداد

[تامر مصطفى]

موقف جميل جدا .. وأثار بداخلى مشاعر رائعه من الاحترام والتقدير لامير قطر ..فأحسبه موقف يدل على نية خير وحب لمصر بشكل عام .. مصر كشعب .. بغض النظر عن مصر الدوله .. والتى بينها وبين قطر الدولة ما صنع الحداد

لمسة وفاء جميلة جدا منه

بغض النظر عن اختلافنا او اتفاقنا معه

تبقى المشاعر الانسانية هي المحرك الاساسي لحياتنا

[herohero]

كل الاحترام والتقدير له لانه لم يكتفي بتقديم واجب عزاء لابنائه المقيمين ف قطر بل اتى بنفسه

وعن سايسة قطر رغم اعتراض الكثير عليها الا انها ف نظري ممتازة جداااااااا

سياسة واضحه تبيع الغاز لاسرائيل ولا تنكر وبرافو عليهم بسعر ممتاز جداااا

هناك قاعده امريكية ومخازن للسلاح الامريكي عادي جدا هي القطع الحربية بتنزل من السماء ع قطر مباشرة ماهي بتمر باجواء دو عربية كتير

وايضا بتمر من حبيبتنا قناة السويس

والحمد لله الناس واضحه

فكرني تعليق كاتب كويتي كان وزير التربية والتعليم ف الكويت سابقا

اسمه احمد الربعي

وهو ان علاقة العرب باسرائيل كعلاقه كلينتون بمونيكا

[shawshank]

... علاقة العرب باسرائيل كعلاقه كلينتون بمونيكا

الربعي ماقالش مين فيهم مونيكا؟ :P

متفق مع كل اللي اتقال من السادة الزملاء عن وفاء الأمير ... وأضيف له حاجتين متعلقتين بالإعلان عن زيارة الأمير تلك لمصر:

أولا: زيارة مبارك لقطر مؤخرًا.

ثانيًا: التغطية الهزيلة التي قامت بها قناة الجزيرة القطرية للانتخابات البرلمانية المصرية.

بركاتك يا ويكيليكس بقى :)

[mustafagamiel]

تعليق كاتب كويتي كان وزير التربية والتعليم ف الكويت سابقا

اسمه احمد الربعي

وهو ان علاقة العرب باسرائيل كعلاقه كلينتون بمونيكا

جامدة مولة يابطل

[عادل أبو عمر]

تصرف جدير فعلا بالاحترام والتقدير

لكن ما يشغلني فعلا هو شخصية هذا المعلم المصري رحمه الله و أسكناته فسيح جناته ،

بالتأكيد هو يستحق هذا الشكل من التكريم من أمير دولة يقدر العلم والمعلم

وأتحسر و الله لنا في مصر كيف صار المعلم و كيف صار العلم و التعليم ...

كيف كان المعلم المصري و كيف صار ..

هذه ببساطة سبب انتكاستنا و تخلف دولتنا الحبيبة

[engmido]

هى غريبة على قطر واميرها بس عموما يشكر

[doha]

مش عارفه ليه لما قرأت الخبر ده في احد المنتديات النهرده الصبح توقفت عند حته تانية خالص غير وفاء الامير لمدرسه الراحل ..

بصراحه لفت نظري المكانة العلمية الي تمتع بيها المدرس رحمه الله عليه لدرجه انه يعتبر احد مؤسسي التعليم في دوله كاملة .. بغض النظر بقى حجم الدولة ايه الا انها تبقى في الاول والآخر دولة ..

ما توقفت عنده ان شخص بالخبرات والاهمية دي يتحول مساره الاكاديمي والمهني لمجرد مدرس خصوصي لعدد بعينه من التلاميذ .. بغض النظر بقى التلاميذ دول مين وولاد مين .. انا فكرت فيها من ناحية علمية بحته .. انا مدرس كفء بل على قمه سلم الكفاءة انتهى بي المطاف لاكون مرافق لتلميذين تلاته والمصيبة ان مستواهم العلمي فيه نظر (( اي حد حابب يعرف مستوى امير قطر يتابع خطاباته ويشوف ان كان بيقراها بطلاقه ويقول مصطلحات اجنبية ولا بيتهجاها هجاء زي بعض الحكام والملوك الآخرين ))

بصراحه انا لو مكان المدرس ده ولو هيدوني كنوز الدنيا كل شهر ممكن جدا اموت من الحسرة او على الاقل هطلب منهم محدش يجيب سيرتي ولا يقول اني كنت بدرس له في يوم من الايام .

بجد انا حاسه ان الراجل ده الله يرحمه .. انظلم ..

[م تيمور المراغي]

.....................

بصراحه انا لو مكان المدرس ده ولو هيدوني كنوز الدنيا كل شهر ممكن جدا اموت من الحسرة او على الاقل هطلب منهم محدش يجيب سيرتي ولا يقول اني كنت بدرس له في يوم من الايام .

بجد انا حاسه ان الراجل ده الله يرحمه .. انظلم ..

مش حاسه انها واسعه شويه دي يا ضحى :happy:

بالعكس ,, انتي لو ادبتي امير حيبقى حاكم لملايين بعد كام سنه تأديبا صحيحا ,,

حتكوني ساهمتي بشكل مباشر في كل ذرة خير حتصيب مواطنيه بعد كده ,,

زي ما عمل معلم هارون الرشيد في طفولته ,,

كان سببا مباشرا في عدل الرشيد طوال فترة حكمه

[herohero]

اه لو عليا نفسي أعرف مين اللي درس اللي فبالي فن تكبير الدماغ قوووووووووووي

وان اسيب كل حاجه ومبدا ياكش تولع

[doha]

مش حاسه انها واسعه شويه دي يا ضحى :happy:

مش واسعه ولا حاجه .. وهنروح بعيد ليه .. لما كنت في السعودية انعرضت امامي الفرصة دي ولكني لم افكر فيها حتى مجرد تفكير .. مش هقول اني كنت هدرس لابناء الملك لكنهم كانوا امراء على اي حال ..

صاحب العلم الي مقدر قيمه علمه مستحيل يحصره في حفنه من الطلبة خاصه لو كان عارف ومتاكد انهم مش هيعملوا بيه شيء ..

بعدين انت بتقارن امير قطر بالرشيد .. مش شايف ان دي الي واسعه شويتين ؟ :happy::happy:

[herohero]

يجماعه هي المشكلة ف مستوى امير قطر انا ف راي انه تصرف جيد خاصة ف زمن قيمة المعلم قلت

التصريق كزيس جدا وفيه رقي واحترام بغض النظر عن اي شيئ اخر

ياجماعه زمان اعيال كنت تتكسف الاستاذ يشوفها بتلعب ف الشارع دلوقت بيلاقيهم بيضربوا بناجو وممكن يعزموا عليه

[م تيمور المراغي]

اه لو عليا نفسي أعرف مين اللي درس اللي فبالي فن تكبير الدماغ قوووووووووووي

وان اسيب كل حاجه ومبدا ياكش تولع

دي حاجه في الدم يا هيرو ,,

هو اللي كان بيعلم المدرسين بتوعه التنااااحه ,,

شوف المصريين قبل عصره وبعد عصره ,,

قبله مش حتلاقي فيروس التناحه ده كان موجود بتاتا ,,

[م تيمور المراغي]

مش حاسه انها واسعه شويه دي يا ضحى :happy:

مش واسعه ولا حاجه .. وهنروح بعيد ليه .. لما كنت في السعودية انعرضت امامي الفرصة دي ولكني لم افكر فيها حتى مجرد تفكير .. مش هقول اني كنت هدرس لابناء الملك لكنهم كانوا امراء على اي حال ..

صاحب العلم الي مقدر قيمه علمه مستحيل يحصره في حفنه من الطلبة خاصه لو كان عارف ومتاكد انهم مش هيعملوا بيه شيء ..

بعدين انت بتقارن امير قطر بالرشيد .. مش شايف ان دي الي واسعه شويتين ؟ :happy::happy:

طيب عنديكيش نمر تليفوناتهم يا ضحى اروح لهم انا :happy:

[ذهبية]

و ياترى الزيارة الخاطفة لسمو الامير ليها علاقة بالزيارة الخاطفة لمبارك لقطر

يمعنى تانى لو مكنش مبارك راح هناك تفتكروا ساعتها كان الامير هيفتكر مدرسة و يجى يعزى فية

مش عارفة لية لو محصلتش الزيارة دى

مكنتش حصلت الزيارة التانية

مش بعيد ان الامير يقول انة هو الللى علم المدرس اصول التعليم

زى ما بيقولوا كدة انهم همااا رائدوا الاعلام العربى

[عادل أبو عمر]

في رأيي الأفضل إننا ننظر للجانب الإيجابي للزيارة و نية أمير قطر لا يعلمها إلا الله و لا تعنينا في شيء

أنا بافترض إن وزير التعليم المفروض يستفيد فورا من الجانب الإيجابي و يحول الزيارة لحدث اعلامي ممكن يرفع من أسهم المدرسين المصريين في الدول العربية و يبلغ رسالة مباشرة للجميع عن كيف أن المعلم المصري أحسن أي سفير مصري في هذه الدول.

يمكن اكون بحلم .. بس لو بطلنا نحلم نموت