الذكاء العاطفي

[رضوي]

السلام عليكم ورحمة الله وبركاته

الذكاء العاطفي

هو القدرة على التعرف على شعورنا الشخصي تجاه الآخرين لتحفيز أنفسنا ولإدارة عاطفتنا بشكل سليم في علاقتنا مع الآخرين.

صارح نفسك دون خجل حتى يتسنى لك أن تعالج الأمر، واكتشف نفسك من خلال الإجابة على الأسئلة التالية بصدق وإخلاص.

----------------------------------------------------------------------

(1) اذا كان عليك اتخاذ قرار في موضوع يهمك هل....؟؟

أ- تتخذ القرار بجدية وسرعة.

ب- تؤجل اتخاذ القرار لفترة بسيطة لدراسة الموضوع جديا.

ج- تهمل الامر ولاتبالي بتاتا.

(2) إذا غضبت منك والدتك هل....؟؟

أ- يفسد ذلك يومك ولا تستطيع انجاز أي شي.

ب- تحاول ارضاءها باي شكل ثم تهتم باعمالك ومهمامك.

ج- تتأثر قليلا ولكنك تنسى الامر بسهولة فديك يوم حافل بالمهام والانجازات.

(3) إذا تعرضت لموقف محرج امام اشخاص لاتعرفهم ..؟؟

أ- تتألم وتحاول الهرب وكأن الدنيا قد انتهت.

ب- تتأثر جدا ولكنك تحاول تهوين الموقف عليك.

ج- تهمل الامر كله ولاتفكر به بتاتا فهو امر عادي والجميع معرض له.

(4) إذا شاهدت موقفا مؤثر في التلفاز هل ....؟؟

أ- تغرق في البكاء وتصاب بحالة غثيان.

ب- تدمع عيناك للحظة.

ج- لاتتأثر ابدا.

(5) إذا علمت ان احد احباءك المقربين في مقر دراستك او عملك سوف ينتقل لمكان اخر....؟؟

أ- تتألم وتغيب عنه لفترة طويلة حتى تعتاد غيابه.

ب- تحاول ثنيه عن الانتقال بدافع ماتكنه له من مشاعر احترام ومودة.

ج- تواصل حياتك دون ازعاج او اهتمام.

(6) إذا حدثك صديقك عن معاناته هل...؟؟

أ- تبكي وتصرخ بشكل ملفت.

ب- تتأثر جدا ولكنك تخفي انفعالك عنه.

ج- لا تهتم للامر وتعتبره امرا عاديا لا يستحق الانفعال.

(7) إذا اتصل بك صديق وانت في استعداد لزيارة قريب لك ويريد ان يطيل الحديث معك على الهاتف هل..؟؟

أ- تستمر في الحديث معه وتطيل الحديث وتأجل زيارتك لحين انتهائك من المكالمة.

ب- تتحدث معه قليلا ثم تعتذر بلباقة مراعيا شعوره وتنهي المكالمة معه .

ج- تعتذر منه فورا وتذهب في زيارتك مستعجلا دون تأخير .

(8) إذا طلب منك صديقك خدمة كبيرة على حساب وقتك...؟؟

أ- تؤدي له الخدمة لو كانت تسسب لك الكثير من الضيق والمشاكل .

ب- تحاول مساعدته قدر الامكان حسب قدراتك.

ج- ترفض مساعدته وتتجاهل امره.

(9) حين ترتكب خطأ ما مع صديقك....؟؟

أ- تعاقب نفسك بشكل قاسي وتعتذر منه في الفور .

ب- تنتظر حتى تهدأ نفسيتك وتقدم له عذرك من هذا التصرف.

ج-لا تهتم للامر فكل الناس تخطئ ولست وحدك الذي يخطئ .

(10) إذا قابلت شخصية جديدة وتود في عقد صداقة هل....؟؟

أ- تبالغ في مشاعرك ومجاملاتك واستلطافتك.

ب- تكون صادق في مشاعرك وتتصرف بتلقائية.

ج- تتجاهل الامر فان اردت تلك الشخصية صداقة تبدأ هي بالخطوة الاولى .

---------------------------------------------------------------------

الان اعط نفسك الدرجات التالية ثم اجمعها لترى النتيجة

اجابة - أ - 3 نقاط

اجابة - ب – 2 نقطتان

اجابة - ج - 1 نقطة واحدة

والان لنرى شخصياتكم سواء كنت فتى ام فتاة ........

(30_24) عـــــــــــــــــــــــــــاطفي جدا

أنت عاطفي جداً فدموعك تنهمر بسهولة لأي موقف مؤثر يحدث لك أو لغيرك، وعواطفك مبالغ فيها مما يجعلك تخنق اصدقائك بعواطفك الجياشة المبالغ فيها. لذلك فإن غالبية الناس ستجد صعوبة في معاملتك. حاول أن تكون متزن في ردود فعلك ومشاعرك حتى لا تتحول إلى كتلة نارية من المشاعر تحرق كل من يقترب منها.

(23 - 17) عــــــــــــــــــــاطفي مثالي

أنت عاطفي ولكن بمثالية ، مشاعرك شفافة ومتزنة، عاطفتك جياشة ولكنها بقلبك، تدعم المقربين لك في المحن وتحسن انتقاء الكلمة المناسبة والتصرف اللائق لإسعاد الناس. فأنت صاحب قلب كبير ونفس كريمة تريد الخير للناس ويفيض قلبك بالتسامح والمحبة.

(17 - 0) متحجر المشــــــــــــــــــــاعر

لا تبالي ولا تتأثر حتى وإن تعرضت لأحلك المواقف، تشعر بأن الود الاجتماعي مضيعة للوقت فلا تهتم بأن يكون لديك صداقات وتفضل أن تبقي على مسافة عاطفية مع الناس فليس من السهل **ب صداقتك أو تقديرك في قوتك وصلابتك ترغمك على فقد العديد من الأصدقاء والمقربين...

منقووول

تم تعديل 1 ديسمبر 2010 بواسطة رضوي

[Dreamwithme]

الحمد لله ...أنا 21 يعني طلعت عاطفي مثالي

شكرا علي الاختبار

[عادل أبو عمر]

الحمد لله ...أنا 22 .... ربنا ستر

شكرا علي الاختبار

[مغتربة]

طلعت 19

الحمد لله نفدت من متحجر بصعوبه :cheer:

تحياتى

تم تعديل 4 ديسمبر 2010 بواسطة مغتربة

[لماضة مصرية جدا]

السلام عليكم و رحمة الله و بركاته

جزاكي الله كل خير يا رضوي

بقي كده هتفضحينا ع العام....ههههههه

عارفة يا رضرض اناخمنت نفسي قبل الاختبار اني متقندل...عاطفي جدا...حيث اني امر بحالة بله و هبل غير عادية

و بعدين قولت برضه نمشي ورا كلام العلم و العلماء

اتصدقي طلعت ايه

19.....مش عارفة.....هل نعيد الانتخابات

و لا يمكن احيانا بنبقي فاهمين نفسنا غلط

او بمعني اصح بنقرص علي نفسنا اوي

لاحظت حاجة تانية

بس مقدرشي اقول انها حاجة علمية...انا بس لاحظتها

ان الموضوع ده مش ثابت....يعني في مرحلة من حياتي كنت فعلا صعب ابكي في المواقف اللي تستدعي البكاء...كنت مسيطرة اوي

و في اوقات تاني ابكي لاسباب مختلفة خالص

و دلوقتي بعد السفر و الشحططة.....الموضوع برضه اتغير تماما

فيه اكيد حاجات كتير بتخليه مش ثابت...يعني مش سمة ثابتة طول الوقت

عجبتني اوي كلمة قولتيها في البداية و هي الاهم من وجهة نظري

"إدارة المشاعر"

يعني لو انت مثلا ركنت في الحتة بتاعت متحجر....ازاي تدير مشاعرك عشان تبقي لين شوية

و العكس لو انت بتدلق مشاعر....ازاي تتحكم فيها

و بجد ده محتاج مجهود.....و دراسة في بعض الاوقات

لو تعرفي حاجة عن كده يا ريت تشاريكنا بيها

جزاكي الله كل خير مرة تانية

مساااااكي عاطفي اوي جدا خالص..... :wub:

[رضوي]

السلام عليكم ورحمة الله وبركاته

واضح ان كلنا وصلنا لنفس النتيجة

عاطفي مثالي

ودي النتيجة المتوقعة لينا كلنا كبشر ......... او بمعني اكثر وضوحاً ( الاتزان العاطفي )

لموضة سألت عن ادارة المشاعر

حبيبتي احنا مش بصدد ادارة شيء ملموس ............. المشاعر الانسانية صعب اوي تديريها بسهولة كدة ( ممكن نتحكم في تصرفاتنا ..... في اقوالنا وافعالنا ........... لكن في مشاعرنا ........... )

يعني مثال ....... لو فيه ابن عاصي وبيعامل والدته بطريقة وحشة .......... والدته هتلاقيها بتتعامل معاه وحش ...... لكن من جواها مشاعرها نحيته كلها حب .....

ولو عندك حد انتي بتتعاملي معاه عادي جداً ...... وفجأة حصله مكروه - لاقدر الله - تلاقيكي قلقانة وتعبانة وفيه لهفة غير طبيعية تجاهه ؟؟؟؟؟؟؟ طيب ازاي ؟؟؟

ولو فيه صاحبتك الانتيم اللي بتموتي فيها ........ وغلطت فيكي ........ وبعد كدة رجعت ندمت واتأسفت ...... وانتي من جواكي مش قادرة تسامحيها ....... هتلاقي نفسك بتعامليها كويس بس مش زي الاول ؟؟؟؟؟؟؟ لأنك ماتقدريش تتحكمي ف مشاعرك ؟؟؟؟؟

زي ماقلت ممكن تتحكمي في تصرفاتك ........ لكن مشاعرك ......... من الافضل تسيبيها بحريتها ........ لأنك لو حاولتي تقيدي حريتها هتتعبي انتي وماقدرش اعرف ايه هي العواقب

طيب انا عارفاكي هتسأليني دلوقتي وتقولي ليه يارضوي قلتلي ادارة عواطفنا بشكل سليم

هقولك يالموضة ........ لما تكون العواطف دي غير سليمة ...... يعني في حالة ان واحد اكتشف انه متحجر القلب ...... هنا يبقي محتاج علاج ......... علشان يقدر يكون مثالي والعلاج يالمضمض يعني مساعدة خارجية وتدخل من اشخاص يثق فيهم ويقدروا يساعدوه

وبرده لو واحد اكتشف انه عاطفي جداً برده عنده مشكلة ولازم يتعالج منها علشان مايتعبش ويتعب اللي حواليه

يارب اكون قدرت اجاوب

تحياتي

[لماضة مصرية جدا]

السلام عليكم و رحمة الله و بركاته

رضوي الجميلة

جزاكي الله كل خير علي ردك...و اللي فعلا افادني جدا

النهاردة كنا بندرس حاجة شبيهة اوي بموضوع "إدارة المشاعر"...اسمها "إدارة الذات"

افتكر انه كان فيه توبيك لمغتربة بتحط فيه كتير من الاختبارات الشخصية اللي بتساعدنا ان احنا نفهم نفسنا اكتر و نفهم اللي حوايلنا كمان

معاكي جدا ان موضوع المشاعر شيء غير ملموس....لكن ينفع يدار...بس مش بمعني الادارة العادي....لكن بمعني التحويل او الاحلال

يعني لو مثلا عندك مشاعر وجع من حد نتيجة موقف ما....ازاي تحوليها لمشاعر بطريقة احسن....يعني مترجعشي تاخد منك نفس المساحة بتاعت الوجع

لفت نظري الموقف اللي انت ذكرتيه...لما تكوني زعلانة من صاحبتك

ده حقيقي جدا...و حصلي اكتر من مرة

بس كان بيبقي جوايا صراع....و عركة جامدة اوي....لاني لسه مسامحتش..(وجع)....بس هي اعتذرت..و بحاول ارجع فعلا بس مبيبقاش زي الاول ابدا

و معاكي في انك بتقولي انك سامحتيها...لكن بيفضل من جواكي مساحة وجع....الفكرة بقي...ازاي فعلا اللي جوه الواحد يبقي هو اللي براه

و ازاي...اصلا يصفي كل المساحات اللي جواه....يعني بدل ما الواحد هيفضل زعلان سنة....طب ما يزعل و يتقمص....ساعة

دي فكرة جاتني....و معرفشي صح و لا ايه....بس حبيت نفكر فيها

ميرسي يا رضوي علي ردك....و التوبيك كمان اللي بيخلي الواحد يعيد قراءة نفسه

مساااااكي برضه عاطفي جدا

[حوريةعين]

شكرا يا رضوى على الموضوع الجميل ده

بس بحس ان احنا ردود افعالنا بتختلف من وقت للتاني

حتى مش على فترات متباعده

لكنها بتختلف حتى من يوم ليوم ومش في اتجاه واحد

يعني لو مزاجي حلو ممكن اتقبل كل الناس بكل عيوبهم

ولو مقريفة ببقى مش طايقة اي حاجه

الله المستعان

كمان عاوزه اقولك على حاجه

حتى المشاعر قابلة للتغيير والتهذيب

انا نفسي بتغير لما بقرب من حد مشاعرة حلوة وبتعلم منه التسامح والتقبل للاخر

واكبر مثال على كده سيدنا الرسول ارتقى بمشاعر واحاسيس الصحابة

صح ولا لأ

ودمتم بحب وود