الجزء الثاني .. من فيلم (حرب المحاورات ) .. شاهده هنا

[لماضة مصرية جدا]

يانهاركم ابيض ..

بجد موتوني من الضحك .. من اروع ماشاهدت من فترة طويلة ...

هو ده فعلا نتيجه التيم وورك .. لما حد موهوب بجد في الكتابة يتحد مع آخر موهوب فعلا في الاخراج لازم النتيجه تكون الابداع ده ..

بجد تسلم الايادي ..

احلى حاجه طبعا بلا منازع دور الغريب .. ملوش حل . . وسيمبا متفصل عليه الشخصية تفصيل خاصه وعلى مااذكر كان شاعر برضه .. وكله كوم ومشهد مصرية وريمو واغابي كوم .. بصراحه الي فكر في المشهد ده تحديدا مجرممممممممم .. شامه ريحتك يالماضه ..

بس خشوا على العمل الفني الجاي قوام قوام عشان نلحق رمضان .. انا بقترح تخرجوا لنا كصة تنظيم زغاليل الحق للاديب العالمي سين ابن سين . . بعد لطش حقوق التاليف طبعا انك تمخمخي لنا كده يالماضه في قصة انقلاب على الادارة وتباصيها للساري يعمل لها اخراج محصلش .. .

وطبعا كما هي العاده مش هخرج بدون ملاحظات .. هي حاجه صغيره بس ياريت لو تسرع اللوحات المكتوب عليها كلام شويه .. يعني اعتقد بتاخذ وقت اكتر من المطلوب .. هو اكتر حاجه بسيطه بس بتخلي ايقاع الفيلم احيانا بطيء شويه خاصه في بداياته كان البطأ ملحوظ .. ياريت تخليها سريعه يعني بدال مابتتكبر على الشاشه ببطأ خليها تكبر بشكل اسرع او خليها تختفي مباشرة مجرد ماتوصل لحجمها الكبير وبكده متاخذش على الشاشه وقت طويل ..

صباحو انقلابات...بالصلاتو ع النبي

ايون....ايون....هي دي....(وش واحدة بتوضب شنطة هدومها...لمت كل حاجة من الدولاب خلاص)

باذن الله هنلحق قبل رمضان....الحمد لله...انا خلاص قربت استقيل من الشغل....و الساري الحمد لله اله اكبر بقي قاعد يتفرج ع الافلام ليل نهار

وع الجبهة التانية عنتر مصطفي قصدي استاذ تامر مصطفي اخد اجازة 6 شهور....حاجة تفرح الصراحة

هو بس ناقصنا حاجة اد النملة.....عايزين بلاتوه نتجمع فيه....اي مصطبة....اي وكر....اي قهوة طيب....و بلاش قهوة المباركاتية بتاعت سمبا بتاعت انبارح....احسن انا حسيت انها كانت عاملة دماغ لوز الحقيقة

و نقعد بقي....و نهريكم سيناريوهات

بس من موقعنا هذا امام البوتجاز....(شامة ريحة شياط....بس هاكلها برضه)

الساري عندة نظرة سيكوباتية وثائقية هايلة و ان شاء الله راح نلتزم بالخطة و نمشي عليها...(هنحطها ع الارض و نخطي سبع مرات...عشان الحسد و كده)

بالنوسبة للملحوظة الاخراجية.....طبعا هنباصيها لابننا الساري....حيث ان مهنتي في البطاقة...كهربائي و فني اضاءة مش اكتر

صباحك نور....فولته عالي

[م تيمور المراغي]

رجاء الي جااااااامهوري الحبيب

انتوا مش ناويين تحتارولي صورة عدلة ابقي طالعة فيها مسرحة شعري....(وش لينا في مسرحية قلة حبنا)

اينعم انا بحبه غجري منفوش...منكوش....لكن كده الجااااامهور يهرب مني

ولا يهمك يا ريهام ,,

اتفضلي ما فيش صوره احسن من كده ,,,, :happy:

[لماضة مصرية جدا]

السلام عليكم و رحمة الله و بركاته

شهادة حق يا جدعان

الساري ده دماغ سينمائي بجد

و انا لساني اتدلدل شبرين اكتر ما هو طويل و انا بقوله يا ابني ادرس اخراج و كده يعني...هو يعني علي علوكة و اشرف كخة احسن منك في ايه...(مين دول)

من تعاملي معاه....الساري طويل التيلة.....قصدي طويل البال....جدا

و ليه عين زجاجية...(ايه الرعب ده)....قصدي عين اخراجية....بيعرف يركب الجملة ع المشهد

و بيعرف يبني مشاهد سليمة.....اوقات كتير كنت بقول حاجات...لطيفة جدا...و الاقيه يرد عليا و يقولي...فين الترابط.....ارحميني...عملتيلي هس هس..(مش عارفة دي كلمات اعجاب و لا شتومة...بس انا قلبي فزدقي و هعتبر انه شكر و كده يعني)

و ليه نظرة مستقبلية....يعني بيقرا الفنجان......قصدي يعني بيحدف لقدام....(اه يا خوفي منك يا بدران)

و عشان كده اناكان نفسي اديله اول بيونت خضرة انبارح....بس قولت هيبقي تحيز....و اديتك يا ابني النهاردة واحدة في وشك كده ع غيار الريق

و تسلم الايادي

و ربنا يوفقك

و ييسرلك الامور

و يخليك دايما سبب في بهجة...و ضحكة من الودن للودن

و اصحي بقي....عشان نشوف هنخبط في انهي حيطة المرة دي

بس خلاص

كان معكم من وراء الكواليس

لماضة....اعترافات

مراسل قطاع....كلمة حق

فوتكم بعافية

[ozoozo]

عاتب عليك ياساري انت وزوهيري

مش كنتم تقولولي انكم بتصوروا وانا بضرب علي الاقل كنت لبست حاجه ولا ضحكت حتي عشان الصوره تطلع حلوه

[م تيمور المراغي]

عاتب عليك ياساري انت وزوهيري

مش كنتم تقولولي انكم بتصوروا وانا بضرب علي الاقل كنت لبست حاجه ولا ضحكت حتي عشان الصوره تطلع حلوه

بصراحه يا محمد الفقره دي من اكثر المشاهد اللي ضحكتني في الفيلم ,,

وانت ماسك اخينا الشاعر وهو يقول حريه على طول الزمان والساري كاتب له تحتيها " مشاااوي على طول الزمان " هههههههه :happy:

[لماضة مصرية جدا]

عاتب عليك ياساري انت وزوهيري

مش كنتم تقولولي انكم بتصوروا وانا بضرب علي الاقل كنت لبست حاجه ولا ضحكت حتي عشان الصوره تطلع حلوه

ملحوقة يا فندم

هنهري حضرتك صور هنااااااااااااك

اتفضل علي كنبة الاعتراف

و هناك الكهربا هتبقي احلي من ايتوه فلاش

صباح حضرتك.....جر شكل

[لماضة مصرية جدا]

رجاء الي جااااااامهوري الحبيب

انتوا مش ناويين تحتارولي صورة عدلة ابقي طالعة فيها مسرحة شعري....(وش لينا في مسرحية قلة حبنا)

اينعم انا بحبه غجري منفوش...منكوش....لكن كده الجااااامهور يهرب مني

ولا يهمك يا ريهام ,,

اتفضلي ما فيش صوره احسن من كده ,,,, :happy:

مين دي......!!!

لا فيه الاحسن من كده ....

و هو انا في الحقيقة يعني...(وش حد عمال ينجعص ع الكنبة و بعدين اتزحلق لانها تيفال)

يعني تسلم ايدين حضرتك ع المجاملة الذوق جدا دي....

في الوائع....انا اقرب للصورة دي

يعني شوف الكبرياء

شوف الشموخ

شوف النظرة الثاقبة...(مع اني حاسة اني المصوراتي طلعني حولة في الصورة)

شوف الريش المسبسب....مش المنكوش

ميرسي لذوق حضرتك

صباااحك.....عين حلوة تشوف كل جميل

[م تيمور المراغي]

ههههههههه :happy:

مافيش فايده يا سوكاينانه ,,

كل ما نحاول نشيل الصوره الذهنيه بتاعت اطاطا وانتي قمتي جبتيلي بتاع كده مش عارف ده ديك ولا فرخه بس بتستهبل ,,

الجمهور كده حيطفش يا لمضمض حرام عليكي ( وش مامت ريهام وهيا بتزعق لها وبتبرق :happy: )

[لماضة مصرية جدا]

ههههههههه :happy:

مافيش فايده يا سوكاينانه ,,

كل ما نحاول نشيل الصوره الذهنيه بتاعت اطاطا وانتي قمتي جبتيلي بتاع كده مش عارف ده ديك ولا فرخه بس بتستهبل ,,

الجمهور كده حيطفش يا لمضمض حرام عليكي ( وش مامت ريهام وهيا بتزعق لها وبتبرق :happy: )

هو حضرتك عرفت منين...ان ماما بتزعق...(وش عمال يتلفت حواليه لما حس انه متراقب)

ما هو انا خايفة الناس تستوطي حيطتي...(بسمعه كتير المثل دوت و تقريبا ليه علاقة بحركة البناء و التعمير)

و يقولولي طب ادينا امارة ع الفتونة و كده....و انا اصلا احدف علي

الناحية دي

عجبك كده....انا مش هعرف ارجع للاجرام تاني

ليه كده....

صباح حضرتك....كشف المستور

[الغريب]

فعلا الحمد لله على نعمة العافية :closedeyes:

أنا أتشلفطت والله يا جماعة .. يووونس الشلبي :blink:

أستاذ تامر.. كفاية كدة، يلا لم الرجالة وبينا على الكويت

احلى حاجه طبعا بلا منازع دور الغريب .. ملوش حل . .

ربنا يزيد أنبساط حضرتك يا مدام ضحى

أشوف فيك يوم يا ساري أنت ولماضة

[الســـاري]

وعدنا من جديد ..

استاذة ضحى

لو حضرتك لاحظتي .. انا عملت فعلا ملحوظتك اللي قلتيها لي اول عن ضرورة تثبيت كاركتر الاعضاء .. يعني عادل ادهم اتلزق خلاص بابونا سين سين .. وعادل امام تامر مصطفى .. والغريب يونس شلبي

بالنسبة لملحوظتك الثانية دي بقى محيراني شوية .. انا اشيل هم اللي قرايته بطيئة وما يلحقش يقرا بسرعة لان الناس تتفاوت بالقدرة دي

بس ح احاول اعملها بالجمل الصغيرة .. زي الاسكتش بتاع " ياللهول " كان لازم يتسرع فعلا اكتر

كمان عملت ملحوظة سين سين اللي قالها بالفيلم الاول وفصلت الموسيقى عن المقاطع

وعايزين ملاحظات اكتر

----------------------------------------

لماضة مصرية جدا

يا اخي يا كميلة .. ايه الصورة اللي انتي متحدفة عليها دي .. ؟؟

والله يا جماعة .. وكلمة حق بدون مجاملة .. البت دي تعبت معايا اوي .. وتستاهل تقييم .. قولوا متحيز .. قولوا دعاية .. بس دي كلمة الحق ..

يعني حاولوا تتلككوا لها باي رد .. وبعيد عن اي عيون رقابية ونقطوها شوية .. اعرف يا لموض انك مش بتحبي كدا .. بس انا عايز اريح ضميري

:closedeyes:

ويا جماعة .. بتوع الكويت ملهمش حس ليه ... اياكم يكون دا الهدوء اللي يسبق مش عارف ايه

--------------------------

اوز اوز .. اخيرا جيت يا عم

شوف يا استاذ اوزاوز .. انا لي نظرة بالشخصيات .. يعني اغابي تنفع جدا دور الضحية المضروبة دائما .. زوهيري دور الشرير الجنتل .. ابو الاسيان دور المعلم الكبير .. انت حضرتك وحش الشاشة ..

حاول تاخد لك لفة يا استاذ اوز اوز بتوبيك الكويت .. مرعوبين منك هناك خالص

----------------------

الغريب

ايه يا عم ؟ مالجماهير عمالين يمدحوا باداء سعادتك المميز اهو .. زعلان ليه ..

وبعدين ايه الجرأة بتاعتك دي .. حد يطب عند وكر ابو الاسيان ويرد عليه بارضه وبين جماهيره ..

بس عموما ..

اتمنى تكون استفدت من هذا الدرس .. smk:

تحيتي لك انت شخصيا .. انت عارف كويس انا جايبك منين ... اقصد انت عارف كويس انت غلاوتك عند قد ايه

تحياتي للجميع

[se_ Elsyed]

بالرغم إن دي اسرار فنية والواحد مش المفروض يبوح بها إلا بعد 20 سنه ..

إلا إني هاعيش في دور بوحه وابوح بالمبحوح كله ..

خد الملحوظه دوي يا ساري يا فنان :

1- ممكن نركب صوت أي صوت ولو صوتك ههههههههه على مقاطع معينه في لقطات معينه وده يبقى مصحوباُ بسياريو وحوار يُشارك في إعداده كبار القادة واليساسيين والسياريستات والمؤلفين في المنتدى ...

على أن يكون هما هما نفس الأبطال الرئيسيين لكي نحافظ على نسق الموضوع ...

لإن لا أعتقد إن الحوار الموجود في اللقطات الجاهزة لن يُُغطى كل المواقف ...

[الســـاري]

والله يا استاذ سين سين يا ريت انت وباقي السيناريستات العظماء مثل الداهية سكوربيون تبعتوا لنا بسيناريوهات مقترحة او افكار .. لازم نتحد جميعا

حاليا باشتغل بعمل بعيد عن موضوع الحرب دا .. لكن برضه فيه اجزاء قادمة للحرب .. ومنتظرين حق الرد لبتوع الاتوبيس

موضوع الصوت دا معقد اوي .. عايز له واحد صوته مميز وبيخرج مخارج الحروف بشكل واضح .. انا طبقة صوتي قرار زي عبدالحليم حافظ مش حتنفع .. :closedeyes:

لكن من جهتي ح احاول اعمل اللي اقدر عليه .. وربنا يعين ان شاء الله

[Simba]

ساري كنت عايز أقولك مفيش فكة دلوقتي الباقي كتبته ليك علي ضهر التذكرة الا بالحق انت نازل فين