مدير "الأمر بالمعروف" بمكة: لا مانع شرعياً في قيادة المرأة للسيارة

[جويرية]

و بعدين ما الأستاذ سي السيد بيكتب بنفس الطريقة دي و ممكنن تلاقوا كلامه في السياسة او في الأقتصاد بنفس الطريقة دي ، ومحدش اداه تقييم سلبي ، وهوه واخد تاني اعلي تقييم

ما هوه التقييم السلبي ده مش معمول عشان واحد تقيل علي قلبي اديله تقييم سلبي

[مغتربة]

معلش يا جويريه

الموضوع مش محطوط فى دعوة للابتسام

علشان يكون الرد فيه يدعو لذلك

ردك دا حاجه من اتنين ياما تهريج منك يبقى تشتيت للموضوع ياما راى بتتكلمى بيه فعلا

و فى اي حاله من الاتنين يستحق التقييم السلبى

علشان كدا انا قيمته سلبى

مشاركتي فيها ، تحديد سبب المشكلة ايه بالظبط و الحل ايه بالظبط

بس كلامي مش اي حد يفهمو

و انا مش عايزة اديكي تقييم سلبي

برغم ان مشاركتك خالية من اي مضمون

اه فعلا صحيح لقيته فى ردك حتى اهو

يبقي من اختصاصات اللجنة ان هما يجيبوا صرصار ، و لو الست شافت الصرصار و خافت وصوتت يبقي متنفعش في القيادة ، لأ لو مسكت اعصابها يبقي يدوها الرخصة

انا الى ماخدتش بالى منه قبل كدا

سورى فور ذات :unsure: :unsure:

[جويرية]

يا اختي انتي عايزة تخنقيني ليه

انتي عايزة تحاسبيني علي سطر واحد بضحك فيه

طيب ما فيه ناس كتابتها كلها مش مفيدة ، طيب ما تعلقي عليهم و تسيبني انا شوية

[لماضة مصرية جدا]

فيه ناس مش حتقتنع لو بكل أيات القرآن

طيب من الناحية الطبية هل المرأة تصلح للقيادة

يعني مثلا لما يكون قدامها جزء من الثانية مفروض تاخد فيه قرار ، يا اما حيحدث حادثة لا قدر الله

مفروض يبقي فيه لجنة طبية خاصة للنساء عشان يشوفوه موضوع الخوف ده

يبقي من اختصاصات اللجنة ان هما يجيبوا صرصار ، و لو الست شافت الصرصار و خافت وصوتت يبقي متنفعش في القيادة ، لأ لو مسكت اعصابها يبقي يدوها الرخصة

اما بالنسبة لمشكلة وجود السائقين في البيوت

فالمشكلة دي كان بيحلوها زمان ازاي ، دول اللي كان بيسمح ليهم بالتعامل مع النساء

في سورة النور ( غير اولي الأربة من الرجال )

زمان كان معلم البنات بيبقي شيخ كفيف

لو نفتكر الكلام ده مش بعيد ، في فلم شارع الحب بتاع عبدالحليم ، لما كانوا شارطين ان مدرس الموسيقي للبنات يبقي عجوز

فممكن يبقي فيه شرط ان السائقين يبقوا مش مبصرين ، ومش مشكلة ممكن هيا الست توصفلو الطريق تقولوه روح يمين او شمال

السلام عليكم و رحمة الله و بركاته

استاذتي الفاضلة جويرية

قريت رد حضرتك و حاولت احط ايدي حضرتك بتتكلمي عني ايه مقدرتش

يعني مفهمتش اللياقة الطبية بتاعت المرأة للقيادة انا افتكرت الاول كشف النظر و كده

و بعدين

لقيت حضرتك بتقترحي استحضار "صرصار"...في لجنة الاختبار بتاع اللياقة الطبية

و برضه مفهمتش ايه العلاقة....

و بعدين قفزنا الي شارع الحب بتاع عيد الحليم....مع ان احنا بنتكلم عن قرار بعض الناس بتفسره في سياق ديني

و ختاما....حضرتك....بتقولي السائق يبقي كفيف....درءا للشبهات

استاذتي الفاضلة متفقة تماما مع استاذة مغتربة...الموضوع ليس في دعوة للابتسام علي الاطلاق

اطلب من حضرتك اعادة قراءة مداخلتك....لوحدها و بعدين اقريها...بالتوازي مع عنوان التوبيك....و صدقني حضرتك هتدي نفسك مينص احمر بايدك

دي وجهة نظري

كنت داخلة التوبيك....عشان اقول حاجة واحدة فقط...."و احنا مالنا...هو مش لما هنروح كندا ان شاء الله هنلتزم بقوانين البلد اللي احنا ارتضينا العيش فيها"

و اتفق بشدة مع استاذة ضحي و استاذة مغتربة

و لا داعي لتكرار الاراء

تحياتي

[عبير يونس]

كنت داخلة التوبيك....عشان اقول حاجة واحدة فقط...."و احنا مالنا...هو مش لما هنروح كندا ان شاء الله هنلتزم بقوانين البلد اللي احنا ارتضينا العيش فيها"

و اتفق بشدة مع استاذة ضحي و استاذة مغتربة

و لا داعي لتكرار الاراء

تحياتي

لموضة حبيبتي

رأيك و رأي ضحى و رأي مغتربة

على عيني و راسي

و فعلا احنا ملناش نتدخل في سياسات و قوانين السعودية

بس التوبيك ده ماتفتحش عشان يطالب السعودية بالسماح للمرأة بالقيادة

ده اتفتح عشان يقول ان في بارقة أمل إن الموضوع يتحقق

و بصفتي عايشة في السعودية فعلا

أكيد من حقي اني أفرح و استبشر خير

الموضوع ليس له صبغة دينية بالتأكيد

عندي على الأقل

تحياتي

[عبير يونس]

يا جماعة أعدت قراءة الموضوع من البداية

و لقيت حاجات وقعت مني في النص

كانت للفاضلة ضحى

في خطورة قيادة المرأة للسيارة في السعودية

من احتمال تعرض المرأة لمضايقات الشباب العابث

طبعا لا ألومها لخوفها من ذلك و لا أنكره عليها

فهو احتمال قائم كغيره من احتمالات الخطر الذي قد يتعرض له البعض

بس لقيتني لازم أرد بكلمة حق عن الشباب السعودي

اللي اكتره ولاد ناس محترمين و معتدلين

و متدينين و بيخافوا ربهم

و بيعاملوا النساء الغريبات عنهم باحترام زي اخواتهم و امهاتهم و بناتهم

الشباب العابث موجود في كل مكان و زمان

اذا كان عدم السماح للمرأة بالقيادة سببه الخوف عليها من التعرض للمضايقات اللي ممكن تحصل في اي مكان في الدنيا

فهو إذا خوف ليس له مبرر

فأغلب الناس في العالم تعيش حياتها حتى تموت في سلام و أمان

و ما يصلنا كأخبار للحوادث هو الشيء الشاذ و الغير طبيعي

إذا استسلمنا للخوف

لن نتمكن من العيش

الخطر يحيط بنا من كل اتجاه

و لكن يقيننا بأن الله تعالى هو الحافظ

هو ما يبعث في النفس الطمأنينة لنستمر في الحياة

حفظني الله و إياكم من كل سوء

[م تيمور المراغي]

تعرفي حاجه كمان يا مصريه ,,

الشاب العابث ده نفسه ممكن يكون جار او زميل في العمل او حتى واحد ماشي في الشارع ,,

يعني المشاكل واحتماليات حدوثها مازالت قائمه لم تختف ,,

الحل من وجهة نظري يتمثل في نقطتين :

- التوعيه والارشاد وتشديد المراقبه

- السماح التدريجي ,,بمعنى ان النساء مثلا فوق سن الاربعين يسمح لهن في المرحله الاولى ثم النساء في مكه المكرمه و جده مثلا يسمح لهن على العموم ,,وهكذا

ولعلمك ,, :happy:

صدقيني بمجرد صدور امر ملكي سام بالسماح للمرأه السعوديه بان تقود سيارتها بنفسها ,,

حتلاقي كل الاقلام دي اختفت والله فجأه ,,!!

وبعدين يطلعوا علينا مره تانيه بسند مش عارف جايبينه منين ان قيادة المرأه للسياره هو امر حلال حلال حلال ,,ههههه :happy:

[MZohairy]

للأمانه

اجد ان قيادة النساء للسيارات في السعودية صعبة التطبيق جدا حاليا

و تحتاج الى سنوات من التمهيد لكي تتم بدون مشاكل او مهازل او خسائر

فالأمر بالنسبة للشعب السعودي مثل انشاء شواطئ للعراه في العجمي مثلا (امر صعب التخيل و التقبل)

لذلك اعتقد ان الأمر لن يتم فجائيا بل سيعلن عن دراسته ثم تطرح إشاعة كفقاعة اختبار ثم يتم السماح لصاحبات الظروف الخاصة ثم من هن فوق الأربعون مثلا و هكذا تدريجيا

و الله اعلم

[جويرية]

الله يضحك سنك ياجويرية كل توبيك تقلبيه فانتازية كده

انا مش شايفة اى عيب ان السيدات يتولوا القيادة خاصة ان كل الامور التى تمنعها زى الخوف او سرعة

بديهة تتصرف لحظيا واردة ايضا مع كثير من الرجال وده راجع لشخصية القائد رجلا او سيدة مش لنوعه

وباقتراحك ان السواق يكون كفيف فبغض النظر عن الفكاهة فى ذلك فشرعيا الفتنة مازالت موجودة

لان السيدة مبصرة وشايفة السواق الكفيف

طيب لو ركبوا حمار زى مااقترحتى قبل كده حتسمحى لها الركوب وحدها ولا ايه الحكاية اوعى تقولى

الحمار هو اللى المفروض يبقى اعمى

انامهتمة بالقراءة عن موضوع الخوف المرضي و بعدن لقيت موضوع بيتكلم عن ان فيه نساء كتير بيخافوا من الصراصير و البرص

طيب ما اكيد اللي تخاف من الصرصار مش حينفع تسوق العربية

اما بالنسبة لقيادة السيارات في مصر ، فالمشايخ اجازوه لأنه بالطبع قيادتها للسيارة ارحم من المواصلات العامة

[se_ Elsyed]

و بعدين ما الأستاذ سي السيد بيكتب بنفس الطريقة دي و ممكنن تلاقوا كلامه في السياسة او في الأقتصاد بنفس الطريقة دي ، ومحدش اداه تقييم سلبي ، وهوه واخد تاني اعلي تقييم

ما هوه التقييم السلبي ده مش معمول عشان واحد تقيل علي قلبي اديله تقييم سلبي

والله وبقيت مضرب للمثل يا سين سين

تصدقي بالله ؟

من كُتر مداخلتك ما هي هُلاميه .. مش لاقي رد عليها ... سواق كفيف .... أو نعاملهم زي ذوي الأربه من الرجال ..... اللي مش هايبقوا رجال بعد ما نعمل لهم العملية .. يا حلاوه ؟

طب ما نجيب سواقه ست زي اللي في ملاهي النساء هنا ... ليه نبهدل الرجالة معانا ونسلبهم من نعمة الرجولة ؟

بجد يا جويرية إنت حاجه ما حصلتيش ...

بس أنا متخيل دلوقت السواق الكفيف وهو مطلع العصايا اللي بيحسس بها من قزاز العربية عشان يحسس أحسن يقع في حفره ولا حاجه بالعربية ...

قبل ما أنسى بقى .. أرجو إنك تعتبريني من الناس اللي ممكن تقتنع بالقرآن وتجيبي لي الأيات أو الأحاديث اللي بتتكلم عن تحريم قيادة المراة للسيارة ... أو إبعتيها لي عالخاص لو سمحتي

اما بالنسبة لقيادة السيارات في مصر ، فالمشايخ اجازوه لأنه بالطبع قيادتها للسيارة ارحم من المواصلات العامة

إنتي تاني ؟

مين المشايخ دول وأجازوه أمتى ؟

[se_ Elsyed]

صدقيني بمجرد صدور امر ملكي سام بالسماح للمرأه السعوديه بان تقود سيارتها بنفسها ,,

حتلاقي كل الاقلام دي اختفت والله فجأه ,,!!

أختلف معك يا أرش

لأني متأكد إن نفس الأقلام هاتتقلب 180 درجة وتكتب عن حرمانية إن الست تركب مع سائق - راجل - غريب وإن واحد غريب يعيش معاهم ف يالبيت حتى ولو سكنوه في غرفة البوبي خارج الفيلا لكن يظل هو رجل غريب ممكن يدخل البيت في أي وقت وممكن ينفرد بالست في سيارة واحده ....

وهما هما انفسهم اللي حرموا التليفزيون ومن بعده الدش ثم الجوال أبو كاميرا ثم البلوتوث .. وفجاة لما تم السماح بكل تلك الإختراعات إتقلبت حلال مصفي ...

للمرة المليون .. لان موضوع قيادة المراة للسيارة قُتل بحثاً في منتدانا ...

رأيي فيه إن فرق كبير زي الفرق بين السماء والأرض إننا نتحدث عن شيء من منطلق شرعي ونلزقه في الدين ..

وأن نتحدث عنه من منطلق إجتماعي ...

اللي عنده غير كده يواجهنا بالقرآن او السُنة .. أو كما قالت حاملة القرآن الأخت جويرية إن في ناس مش هاتقتنع بكل أيات القرآن .. وده ما يصحش بالمناسبة . ما يصحش يا جويرية تنصبي نفسك متحدثة بإسم القرآن بغير دليل ...

حتى لما جيتي تفسري كلامك .... لقيناكي بتتكلمي في أمور خزعبلية لا حد قبلك ولا بعدك هايتكلم فيها لأنها أمور غير منطقية ولا يصدقها - عاقل - ...

ومش كل كلام في أي كلام يُعتبر رأي يا أختنا الفاضلة .... وأرجعي لموضوعك بتاع الحمير والبغال وأقرأيه مره أخرى لإنك كنتي بتتكلمي بجد مش بشكل funny زي الزميل سين سين اللي أستشهدتي في كلامك بإنه صاحب ثاني أعلى تقييم إيجابي مع إنه بيهرتل أو بيقول أي محشي في أي كلام ...

-------------------

لكن لما نقول إنه مش مقبول إجتماعياً وعيب ... يبقى علينا أن نحترم عادات أهل البلد ...

لكن إيانا والدين ونقرأ ونسمع أراء لعلماء دين بيقولوا إن ده حرام شرعاً .. عشان الدنيا ما تضحكش علينا ونبقى فُرجه للعالم كله

[جويرية]

بعدين ما الأستاذ سي السيد بيكتب بنفس الطريقة دي و ممكنن تلاقوا كلامه في السياسة او في الأقتصاد بنفس الطريقة دي ، ومحدش اداه تقييم سلبي ، وهوه واخد تاني اعلي تقييم

ما هوه التقييم السلبي ده مش معمول عشان واحد تقيل علي قلبي اديله تقييم سلبي

معلش معرفتش اوضح قصدي

اقصد ان اسلوب الأستاذ سي السيد سهل و بسيط و فيه دعابة ، في نفس الوقت فيه معلومة كويسة

اعتذر عن هذا لخطأ الغير مقصود

لي عودة للتعليق علي باقي المداخلة

تم تعديل 5 ديسمبر 2010 بواسطة جويرية

[م تيمور المراغي]

[quote بس أنا متخيل دلوقت السواق الكفيف وهو مطلع العصايا اللي بيحسس بها من قزاز العربية عشان يحسس أحسن يقع في حفره ولا حاجه بالعربية ...

لا انت مش واخذ بالك يا س ,,

فيه واحده قاعده وراه بتقول له ادخل يمين ,, ادخل شمال ,, بس اقف هنا ,, وهكذا

العصايه دي ليها استعمال تاني خالص ,,

دي حسيتخدمها السواق الكفيف في الضرب لما الشباب بتوع مفسده عظيمه - وفي قول آخر مفاسد عظيمه - يتلموا حواليه

وهو يبدا بقى في اتخاذ وضعيات دفاعيه معروفه بيستخدمها المكفوفين بضرب الهوا بالعصايه بتاعتهم :happy:

[جويرية]

http://www.saaid.net/female/mfased.htm

[م تيمور المراغي]

والله يا جويريه اني قريت الرابط وركزت في الكلام ,,

اني الاقي سند واحد قوي يقول المرأه لا تقد بنفسها

الا كله عباره عن مفاسد عظيمه وشبهات وكلام يعني مش محدد وواضح ينفع يتحط هو نفسه على اي حاله تانيه تماما

يعني والله من فتوى الشيخ عبد العزيز مثلا بنفس الصياغه اللي فيها ممكن مانخليهاش حتى تخرج مع السواق

ولا تروح اي مشوار على الاطلاق الا لو معاها محرم ,,

يمكن انا مش مركز ,,

احتمال ضعيف

بس مثلا كتاب 20 مفسده لخروج المرأه من المنزل ,,

كلها العشرين نفس النقطه عمال ويلف حواليها ان الستات دول رغبات مكبوته حتنفجر اول ما تحط رجلها على الدواسه ,,

والشباب اللي في الشارع مسجلين خطر خطف واعتداء حسيت اني في بلد تانيه غير الرياض او جده اللي عشت فيها وشفت ستات ماشيين لوحدهم في الشارع بعد 11 بالليل

من غير اي مشاكل او مضايقات ,,

حاسس انا بندور في دايره مفرغه ,,

[mustafagamiel]

السلام عليكم

سبحان الله موضوع زي هذا انا شايف انه مش مستحق كل الحوار والنقاش ده وفعلا الاحساس ده هيكون موجود

حاسس انا بندور في دايره مفرغه ,,

لان الاجابة برضه

أهي

انا مع الراى القائل ان هذا شأن سعودى داخلى

هم ادرى بمشاكلهم و ظروفهم و بما يناسبهم او لا يناسبهم

و لا اجد عائد سيعود علينا من مناقشته

لكنى ضد ان يتم الصاق اى قرار يتخذ بناء على مراعاه سواء حقه او مغاليه لعادات و تقاليد بالدين

من يريد ان يعارض السواقه فليعارضها كيفما شاء

و لكن عفوا يجب الا يلصق هذا بديننا السمح الجميل عنوه

من المعروف تماما ان نساء البدو فى السعوديه يسوقون دون غضاضه و منذ مده طويله و على طرق اشد وعوره ووحشه من طرق المدن

و اعتقد و الله اعلم ان المساله مساله وقت قبل ان يتم السماح الفعلى

هذا هو احساسى دون الخوض فى نقاش الموضوع نفسه

لذلك لو سمحتم من يتفق فليتفق و من يختلف فليختلف و لكن لتخرجوا الدين من النقاش

هذا موضوع متعلق بعادات و تقاليد و ليس باحكام دينيه

ولكن نتذكر قول الله

وكان الإنسان أكثر شيء جدلاً سورة الكهف

اخي ارش برضه لا اؤيدك نهائي في هذه الجملة

صدقيني بمجرد صدور امر ملكي سام بالسماح للمرأه السعوديه بان تقود سيارتها بنفسها ,,

حتلاقي كل الاقلام دي اختفت والله فجأه ,,!!

وبعدين يطلعوا علينا مره تانيه بسند مش عارف جايبينه منين ان قيادة المرأه للسياره هو امر حلال حلال حلال ,,ههههه

لاينبغي ان نشكك في العلماء الربنانيين الاي الحمد لله مازالوا موجودين

الموضوع فقط ماهو الا انتم اعلم بأمور دنياكم

موفقين

[م تيمور المراغي]

مصطفى يا جامد صباح الوروود :happy:

طيب لو جبت لك 4 حالات صارخه لفلان وفلان بطريقة قبل وبعد ؟

بمعنى

حجيبك فلان وهو بيقول ان الكيس دي حرام

ثم صدور امر سام

ثم نفس الفلان وهو بيقول انها حلال

وهكذا لمدة اربع مرات ,,

بعدين كلمة ربانيين دي انا عاوزك تفرق بين الشرع وبين المجتهد ,,

لان كل المفتيين ادلوا بدلوهم في امور لم تكن على عهد الرسول عليه افضل الصلاة والسلام ولا الخلفاء الراشدين ,,

يعني هو استخدم القياس ,,

يبقى اجتهاده ده عرضه للاخذ والرد منه واليه ,,

خصوصا لما يكون هناك سوابق في نسخ الفتاوى حدثت قبل ذلك ,,

وكفايه كده حتودوني في داهيه هههههه :happy:

[mustafagamiel]

صباح الفل ياهندسة

لان كل المفتيين ادلوا بدلوهم في امور لم تكن على عهد الرسول عليه افضل الصلاة والسلام ولا الخلفاء الراشدين ,,

يعني هو استخدم القياس ,,

تمام جدا كلامك

لكن انا قولت في اخر كلامي كما قال الرسول انتم اعلم بشؤن دنياكم

وتلك دنياهم هم اعلم بها منا

سؤال ياهندسة

زوجتك ربنا يحليها لك يارب

هل تستطيع ان تخرج وتذهب لمكان لوحدها دون ان تخاف انت عليها او هي كمان

اعتقد الاجابة معروفة للكل

هل خروج المرأة حرام في الشارع بالطبع لا

لكن عادات البلد الاي حضرتك فيها بتمنع كدا او مش معروف كدا

لذا يجب ان تتكيف مع البيئة التي تعيش فيها

لذا تتدخل العلماء والزام الناس بكده لكن لو تبدل الوضع ممكن تتغير الفتوى بناءا على التغيرات لان زي حضرتك ماقلت قياس

بالضبط مثلا في نيجيريا من كام يوم كدا للاسف قتل مهندس مصري على يد قطاع الطرق لو صدر امر مروري بعد الخروج ليلا حفاظا على حياتك اظن اننا سنلتزم به جدا ليه خوفا على الحياة

هي بالضبط كده

وبرضه ياهندسة التعميم صعب جدا وخطأ جدا أسأل الله ان يعصمنا من الخطأ

ودمتم بود

[م تيمور المراغي]

هي دي والله الجمله اللي مستنيها من بداية التوبيك ,,

ان الحكايه رسيت في الاخر على تقاليد مجتمع وثقافه متوارثه من زمان ,,

يبقى لو سمحت الشيوخ الكرام ما يسموهاش فتوى ,,

ده يبقى كلام يعبر عن رأي صاحبه ما يحشرش الدين في رأيه ويقول قال الله وقال الرسول ,,

لانه بكده يبقى بيضحك عليا لان كلام الدين ثابت ومقدس لا يتغير بتغير المكان والبيئه ,,

ووقتها برضوا اقدر اخالفه زي ما احب لانه هنا بقى مواطن عادي مثلي مثله اختلف معاه في الرأي لانه اصبح بلا قداسه

انما لما تقول على رأي شخصي يا مصطفى انها فتوى ,,

ونلاقي المواقع تكتب فوق هذا الرأي الشخصي فتوى الشيخ فلان الفلاني يبقى ما يصحش

وده اللي خلاني قضيت كل الوقت ده في الموضوع

..................

بالضبط مثلا في نيجيريا من كام يوم كدا للاسف قتل مهندس مصري على يد قطاع الطرق لو صدر امر مروري بعد الخروج ليلا حفاظا على حياتك اظن اننا سنلتزم به جدا ليه خوفا على الحياة

تخيل بقى لو في نيجيريا طلع احد المشايخ هناك وكتب التالي :

فتوى الشيخ فلان بن فلان ,,

" ان من المفاسد العظيمه التي لا يقرها الشرع ولا السنه خروج المهندسين المصريين بعد منتصف الليل في شوارع نيجريا بدون حراسه ,, "

ده بالظبط اللي اتعمل في الحاله اللي بنتكلم عنها من الصبح ,,

[doha]

مصطفى يا جامد صباح الوروود :happy:

طيب لو جبت لك 4 حالات صارخه لفلان وفلان بطريقة قبل وبعد ؟

بمعنى

حجيبك فلان وهو بيقول ان الكيس دي حرام

ثم صدور امر سام

ثم نفس الفلان وهو بيقول انها حلال

وهكذا لمدة اربع مرات ,,

بعدين كلمة ربانيين دي انا عاوزك تفرق بين الشرع وبين المجتهد ,,

لان كل المفتيين ادلوا بدلوهم في امور لم تكن على عهد الرسول عليه افضل الصلاة والسلام ولا الخلفاء الراشدين ,,

يعني هو استخدم القياس ,,

يبقى اجتهاده ده عرضه للاخذ والرد منه واليه ,,

خصوصا لما يكون هناك سوابق في نسخ الفتاوى حدثت قبل ذلك ,,

وكفايه كده حتودوني في داهيه هههههه :happy:

مش شايف معايا ياباشمهندس انك كده بتتهم قطاع عريض جدا من افضل الناس وهم المتصدين للفتوى ومخلي الموضوع عائم يعني عندك اربع حالات ومحددتهمش فتسببت في ان الاف الشرفاء من المفتين بقوا في دائرة الاتهام ..

لك عندي تقييم ايجابي اخضر يعادل السالب الي شايفه ان مداخلتك تستحقه لما تحدد الاربعه بالظبط الي قصدك عليهم وتكتب فتواهم قبل وبعد وياريت تحط معاها تاريخ الامر الملكي الي صدر عشان نتاكد من وجهة نظرك ..

ماسبق مش تحدي ولا شيء وانما هو تحفيز لواجب لازم تقوم بيه طالما انك عممت اتهامك بالشكل ده ..