** قطر تستعين بطفل إسرائيلي لتقديم ملفها لكأس العالم **

[Ahmed Anwer]

لا تعليق

http://www.youtube.com/watch?v=eZYXwlQN-Ms

[التونسى]

اولا : الجزء اللى فيه الطفل الاسرائيلى بيتكلم فى الدقيقه 8:27

ثانيا: ملف قطر حسبما فهمت من كلام الشيخه موزه يستند الى ان الشرق الاوسط لم يأخذ فرصته بعد فى تنظيم كاس العالم بعد ان اخذت اسيا وافريقيا الفرصه.. لذلك فقد حان الوقت ((كما تدعو وتروج)) الى ان تستظيف قطر كاس العالم كأحد دول الشرق الاوسط .. واسرائيل (شئنا أم أبينا) هى احدى دول الشرق الوسط والمعترف بها بشكل اقرب الى الاجماع من قبل دول العالم .. بل لها من الثقل الدولى والنفوذ والسيطره ((سواء اعلاميا او اقتصاديا)) ما يجعل من الاهميه ان يتم مغازلتهاللفوز بدعمها وتأييدها.. ومن ثم ترجيح كفة قطر بشكل كبير فى الفوز بتنظيم كاس العالم ((سياسه برجماتيه ميكافيلليه بحته)) ومعروف ان هناك تطبيع على مستوى عالى بين قطر واسرائيل

ثالثا: أعتقد ان الرساله أو الدعوه أو الامنيه اللى بيوجهها الطفل الاسرائيلى بشأن التطبيع الرياضى بين العرب واسرائيل هى شئ بديهيا سيقابل بالرفض من قبل العرب .. ولكن لان الفيديو ده موجه للعالم بشكل عام فممكن نسميه ((ضحك على الدقون)) .. لانه شئ غير مقبول تماما على المستوى العربى وايضا الاسلامى ..

[أبو حميد المسافر]

حبكة ماسونية بحتة

آي نعم

يظهر العرب بمظهر المستجدي المهرول للتطبيع بل قل التمييع

وهذا هو النظام العالمي الجديد

وليس من الصعب أن يطبخ لليهود الصعود لهذه الدورة بالذات

فيتم اللعب فى أرض العرب واستضافتهم ناهيك عن كل الحرام الذي سيرتكب - الخمور والزنا -

فى دولة اسلامية

ويظهر النظام العالمي الجديد فى ثوب الغير معادي للعرب ولا المسلمين

فى حين انهم اكبر العوبة فى يد اصغر عقل ماسوني على وجه الارض

خطة محكمة مرسومة ببراعة

[se_ Elsyed]

وطبعاً لو الملف لم يُقبل النهادرة هايبقى شكل اللي جابوهم زباله ..

بس على فكرة هما ما بيهمهمش

وفي عز ضرب جنوب لبنان كان وزير الخارجية ورئيس مجلس إدارة قطر القابضة وقناة الجزيرة .. كان في قصرة هناك في قلب إسرائيل حيث يذهب إلى هناك دوماً .

أه بالمناسبة . هي قناة الجزيرة أجازة اليومين دول ولا إيه ؟

أصلها ما جابتش سيرة الموضوع يعني .. خير إن شاء الله ؟

----------------

طاب مساءكم ... معكم فيصل القاسم وبرنامج خلف خلاف

هللللللللللللللللللللللللللللللللللللللللللللل توافق على ما أقدمت عليه حكومة مصر .. قصدي قطر في الإستعانة بطفل صهيوني لعرض ملفها لأستضافة كأس العالممممممممممممممم ؟

أوليس هذا الطفل مخلوق بريء ليس له دخل في الخلاف الإيدلوجي بيننا وبينا إسرائيلللللللللللللللللللللللل ؟

أوليس من حق قطر الإستعانة بكل ما قد تراه مساعداً لدعم الملففففففففففففففففففففففف ؟

أوليس معظم العرب يهرلولون سراً إلى إسرائيل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[engmido]

فشلة

[ابو محمد بن مصطفي]

ده رد من قطر علي مروجي الاوشاعات من انها لن تسمح لاخونا الاسرائليين المسالمين من حضور كاس العالم في حالة تنظيم قطر للنهائيات

وسأستخدم هنا تعبير سومه العاشق في فيلم طير انت

ده اثبات للغرب اننا شعب كوول و بنعمل شوبنج وهيبز و جيرلي فرندز

[ريمون]

قطر (و العالم كله) عارفين كويس انها لو نظمت كاس العلم و اسرائيل اتأهلت لازم تستقبل فريقهم و جماهرهم

فقطر قررت انها عاوزه تنظم كأس العالم وعندها استعداد تستقبل اسرائيل

(افتكر مصر كانت هتعمل نفس الشيئ)

ومدام كده كده هتستقبلهم يبقى مفيش مانع انها توضح نيتها دى للعالم بدل ما الناس يقولوا انهم ضد اسرائيل و مش هيستقبلوهم و يخسروا الترشيح

و احنا لسه فاكرين اللى حصل مع فاروق حسنى

مبروك لقطر

[Simba]

الكل مدان ;)

[لماضة مصرية جدا]

الكل مدان ;)

متفقة مع حضرتك....كل الحكومات رضينا أم أبينا...سرا و علنا.....تمارس التطبيع

ليه بقي....احنا هنمسك في قطر...و بس!!!

[أبوعمار]

تطبيع عن تطبيع يفرق

مع اني ضد التطبيع بكل صوره وأنواعه

بس اللي عملوه ده ... حاجة تقرف

ليه حاسس ان البلد دي بأميرها ومواقفها مليانة متناقضات؟

[Ahmed Anwer]

تطبيع عن تطبيع يفرق

مع اني ضد التطبيع بكل صوره وأنواعه

بس اللي عملوه ده ... حاجة تقرف

ليه حاسس ان البلد دي بأميرها ومواقفها مليانة متناقضات؟

قطر ليها هدف واحد ،،

إن اسم قطر يكون علي كل لسان

الجزيرة وسيلة للهدف ده ،،

تنظيم كأس العالم وسيلة للهدف ده ،،

تنظيم بطولات تنس و سباقات فورمولا وسيلة للهدف ده ،،

طوشة بناء ناطحات سحاب في قطر ،، نقلا عن أصدقاء مصريين في قطر ،،، وسيلة للهدف ده ،،

أنا مش قادر أحكم الهدف ده هدف سليم و يستاهل

و لا هدف ،،، فقاعي من غير داعي

خصوصا إنهم مش محتاجين فلوس

بس في الآخر زي أول كلمة في رد سي السيد

وطبعاً لو الملف لم يُقبل النهادرة هايبقى شكل اللي جابوهم زباله ..

و منها نستنج إن العكس صحيح ،، لم فازوا كلنا هنسقف و نغفر

لأن الإنسان بطبيعته بيحترم الناجح و يكره الفاشل

و هما واضح إنهم بيلعبوها صح ،، حتي قناة الجزيرة اللي فيه اتفاق علي استهجان طريقة معالجتها للأخبار

و لكن ما حدهش ينكر إنها من أقوي و أعلي القنوات الإخبارية مش العربية لأ العالمية

و أهم فازوا بتنظيم كأس العالم و شكلهم لعبوها صح ،،،

ممكن رشاوي ،، حكاية إسرائيل دي ،، الخ

بس في الآخر حققوا الهدف

[saico]

وفازت قطر بكاس العالم2022 ولكن هل من خسائر ؟اعتقد ان الخسائر قليلة لان وجهها القبيح كان ظاهرا اصلا ولكنه بدا جليا واضحا وللللللكككككككننننننن

هذا لايعطى اخوانهم من الحكام لمهاجمتهم لان قطر لازالت تستحى من التطبيع انظر طمس الحقيقة المرة التى اتت اكلها اثناء عرض الملف ثم لم يتم ذكرها ثانيةحتى مترجم الجزيرة لم يترجم ما قاله اللسان الاسرائيلى0اما الخطوة القادمة فسوف يتلاشى الحياء كما ان قطر الجزيرة التى ترى انها تقود العالم العربى فى مواجهه لاسرائيل وامريكالاادرى كيف ستستمر فى هذا الكذب والنفاق السياسي فكلهم يتاجرون بفلسطين ولكنهم يبيعون بارخص الاسعار حتى من يعرضونهم يبيعون ايضا

[herohero]

فعلا انما احنا دولة لاتصدر غاز بملاليم وبلاش ومش بناخد تقاوي مسرطنة ودخلنا من اسرائيل بلاوي

وكل شوية ينضرب عسكري من عيالنا بالخطأ

انا شايف اننا متحاملين بزيادة

ويحضرني مقوله الدكتور احمد الربعي

علاقه العرب باسرائيل كعلاقة مونيكا بكلينتون

كلنا ف الهم سواء لكن هناك من يستفيد من العماله وهناك من يضر بلده بالعماله

مصر بتدعم اسارئيل وف الاخر لم نستفد شيئ

قطر بتدعم اسرائيل لكنها بتستفيد ع الاقل بتبيع الغاز بسعر كويس

وتحياتي وفكرتوني بالصفر اياااااااااااااااااااه

صفر كبيررررررررررر