قطر تستضيف كأس العالم 2022

[capitshino]

فطر تستضيف كأس العالم 2022 بعد منافسة شرسة مع الولايات المتحدة الامريكية

مش عارف ليه افتكرت دلوقتى الخيبة بتاعتنا فى تنظيم 2010 بعد ما كنت نسيت

عموما ربنا يوفقهم لما فيه الخير .

[التونسى]

مبروك ل ((شعب)) قطر .. مبروك للمصريين المتواجدين بقطر .. مبروك للعرب

[ريمون]

مبروك عليهم

لكل مجتهد نصيب

[capitshino]

مبروك عليهم

لكل مجتهد نصيب

صحيح ... لكل مجتهد نصيب .

بغض النظر عن الطفل الاسرائيلى وموضوع الرشئ لا ان ملفهم كان ممتاز .

ملاعب مكيفة .. فنادق على اعلى مستوى .. شبكة طرق ممتازة ..الخ

[الغريب]

وأنا بردو أفتكرت خيبتنا

بس زي ما قال ريمون لكل مجتهد نصيب

قطر لعبت صح، ودخلت من المدخل الصح "إسرائيل"، مع التحفظ طبعا ، ولكن دي حقائق لتعترف بيها لأما متكلفش نفسك

[capitshino]

قطر لعبت صح، ودخلت من المدخل الصح "إسرائيل"، مع التحفظ طبعا ، ولكن دي حقائق لتعترف بيها لأما متكلفش نفسك

انا اعتقد مش اسرائيل السبب الرئيسى علشان تفوز بتنظيم المونديال والدليل اننا دخلنا من نفس المدخل من اكتر من 30 سنة .

بس المشكلة ان اسرائيل عملت لنا عقدة وبندخلها فى كل موضوع .

[لماضة مصرية جدا]

السلام عليكم و رحمة الله و بركاته

اول ما سمعت الخبر لقتني بقول طب هما عندهم مكان

كنت فاكرة قطر...دي بس قناة الجزيرة....و حاجة كده محندقة

بجد مبرووووووك اوي..........

مبروك لان ملفهم كان متعوب عليه ناس بتستعد لمدة عامين...و لسه

و لانهم معاهم فلوس و بيعرفوا يسوقوا لنفسهم كويس....(و هسال مليون مرة الامارات فين...هي بس دبي تقوم من الوعكة بتاعتها دي و انتظروها قريبا....طبعا مش هسال مصر الغالية فين...عشان دوا الضغط خلص و مش هقدر انزل دلوقتي الشارع)

و لانهم ع الرغم من انهم محندقين بس ماشيين بخطوات منظمة جدا

مبرووك قطر

ع جنب بقي

استاذ كابتشينو...امانة غير العنوان احسن قطر طالعة "مشروم"...خالص

مسااااا حضرتك رضا

[capitshino]

السلام عليكم و رحمة الله و بركاته

اول ما سمعت الخبر لقتني بقول طب هما عندهم مكان

كنت فاكرة قطر...دي بس قناة الجزيرة....و حاجة كده محندقة

بجد مبرووووووك اوي..........

مبروك لان ملفهم كان متعوب عليه ناس بتستعد لمدة عامين...و لسه

و لانهم معاهم فلوس و بيعرفوا يسوقوا لنفسهم كويس....(و هسال مليون مرة الامارات فين...هي بس دبي تقوم من الوعكة بتاعتها دي و انتظروها قريبا....طبعا مش هسال مصر الغالية فين...عشان دوا الضغط خلص و مش هقدر انزل دلوقتي الشارع)

و لانهم ع الرغم من انهم محندقين بس ماشيين بخطوات منظمة جدا

مبرووك قطر

ع جنب بقي

استاذ كابتشينو...امانة غير العنوان احسن قطر طالعة "مشروم"...خالص

مسااااا حضرتك رضا

بخصوص مساحة قطر .. فاحد الاخوة القطريين تكلم من دقائق على قناة الفطيرة وقال ان صغر مساحة قطر ادى الى قرب الملاعب من بعضها

البعض ممااعطى ميزة للملف . لسهولة الوصول من ملعب لاخر

بس تصدقى انى ماخدش بالى من الفطر الا لما حضرتك قلتى :closedeyes:.. ..

نرجو من الادارة تغير كلمة فطر الموجودة بعنوان الموضوع الى قطر

مساء حضرتك خير .

[الغريب]

قطر لعبت صح، ودخلت من المدخل الصح "إسرائيل"، مع التحفظ طبعا ، ولكن دي حقائق لتعترف بيها لأما متكلفش نفسك

انا اعتقد مش اسرائيل السبب الرئيسى علشان تفوز بتنظيم المونديال والدليل اننا دخلنا من نفس المدخل من اكتر من 30 سنة .

بس المشكلة ان اسرائيل عملت لنا عقدة وبندخلها فى كل موضوع .

لأ يا كاب، إرجع لعرض ملف قطر وتشوف بنفسك فين إسرائيل من الملف..

مش عقدة ولا حاجة دي حقيقة

أحنا دخلنا المدخل فعلا من 30 سنة بس في تنظيم مونديال 2010 مدخلناش ، والحمدلله أننا مدخلناش من المدخل ده بس أنا كان نفسي نعرف الحقيقة دي من الأول قبل التكاليف

[علي الشاعر]

طب مش كانوا يقولوا يا جماعة

ده لو الموضوع على كده كانوا عندنا ممكن يجيبوا شارون نفسه يقدم الملف بتاعنا

الراجل صاحبه وحبيبه وكفاءة يعني ... أسرة مع بعضينا

تفتكروا احنا .... احنا احنا

لو حبينا نقدم ملفنا سنة 2222 ساعتها ممكن نعمل ايه عشان نفوز

بدل الصفر العريض اللي أخدناه المرة اللي فاتت؟

[mamdowh]

مبروك لقطر لعبوها صح

هارد لك مصر كالعادة لعبوها غلط (لا ما لعبوش خالص للأسف)

[mamdowh]

مبروك لقطر لعبوها صح

هارد لك مصر كالعادة لعبوها غلط (لا ما لعبوش خالص للأسف)

أنا عارف إن التعليق ده قاسى بس أرجوا إنكم تسامحونى

[mfarag]

أنا عارف إن التعليق ده قاسى بس أرجوا إنكم تسامحونى

اولا : مبروك لقطر و برافو لكل دولة بتحاول تتحرك وتتقدم مش لسة عايشة فى اوهام واحلام

بس يا ريت احنا نفوق و نصحى - ونبطل نتريق و نقول قناة طلعلها دولة و نعمل حاجة

ثانيا : كتير منا اول ما سمعوا الخبر افتكروا الخيبة القوية بتاع صفر المونديال

انا عايز اقول ان قطر من اهم اسباب نجاحها

عدم تواجد الحكمة اللى كل زعماء العالم بتعلموا منها

وكمان لسة معندهمش حاجات زى نزيهة و شفافة

[مصطفى يونس]

عقبال مصر

[جسار]

ماذا فعلت قطر للفوز بشرف تنظيم كأس العالم 2022

1 - سعت منذ البداية للوقوف وراء رجلها بن همام ليكون رئيسا لأتحاد كرة القدم الآسيوى

2- أنشأت قناة الجزيرة الرياضية والتى بدأت ارسالها ببث مباريات الدورى الاسبانى والأيطالى

مفتوح ثم تم تشفيره بعد اعتراض منظمات البث الدولية لكون أرسال النايل سات يصل لحدود جنوب

أوروبا ومن بعدها أنطلقت تلك القناة وبثت كل البطولات العالمية والدولية والقارية سواء أكانت

للاندية أو للمنتخبات ولم يخرج منها ألا الدورى الانجليزى ( بطولات : دورى أسبانيا- دورى أيطاليا

دورى هولاندا - دورى فرنسا - دورى الارجنتين - دورى البرازيل - دورى زين السعودى -كأس أبطال أوروبا

للاندية- كاس الكونفيدرالية الاوروبى - كاس ابطال آسيا للاندية -كأس أبطال الكئوس الآسيوى - تصفيات

بطولة آسيا للدول - تصفيات بطولة أوروبا للدول - تصفيات كأس الأمم الأفريقية-بطولة الأندية الافريقية

الابطال- بطولة الكونفيدرالية للاندية الافريقية - كأس العالم 2010) ولم تجد القنوات المنافسة لها مثل

ال ART الا التسليم والانسحاب من الميدان وباعت لها كافة حقوقها فى بقية البطولات .

3- أقامت قطر دورى المحترفين منذ اكثر من عشر سنوات وأستقدمت به لاعبى أوروبا وأمريكا اللاتينية

وأفريقيا (رديف الدوريات الأوربية) وحتى الحكام أستقدمتهم من أوربا

4- أنشأت قطر أكاديمية دولية للموهوبين فى مجال كرة القدم من الناشئين والبراعم بدعم دولى

ومباركة من الفيفا .

5- فى مجال الرياضة بصفة عامة أقامت قطر العديد من ملاعب التنس المنشأة على أجدث مواصفات دولية

لملاعب التنس ونظمت بطولة دولية للتنس وحرصت على قدوم أشهر لاعبى التنس العالميين من الجنسين

وبهذا ضمنت وضع تلك البطولة على جدول اهم البطولات العالمية للتنس بعد الجراند سلام وطوكيو برلين

وهونج كونج ، كما اقامت مضمارا لسباق سيارات الفورميولا 1 وهو مضمارا عالميا وتنظم به بطولات

دولية يحضر لها المتسابقون من كافة أرجاء المعمورة

6- عندما بدأت قطر تفكر جديا فى تنظيم كاس العالم حرصت على ان يكون الاشخاص الذين يقومون بالترويج

لملفها من الشخصيات الشهيرة مثل جوارديولا مدرب نادى برشلونة- وكان لاعبا فى الدورى القطرى لفترة -

وزين الدين زيدان وآخرون فى مثل شهرتهم .

7- قبل أحتفالية الفيفا للتصويت وقرعة كأس العالم منذ يومين ، أشترت قطر من الفيفا حق اقامة مباراة

دولية ودية بين منتخبى البرازيل والأرجنتين ليلعبا على الاستاد المكيف لدرجة 28 مئوية وذلك بمناسبة

اليوم العالمى للفيفا .

8- و أخيرا الملف الذى قدمته : 5 أستادات حديثة بتكلفة قدرها 4 مليار دولار وكلها مكيفة الهواء

مع وضع خطة طويلة الامد ليصبح عدد الاستادات الى 12 أستاد وتطوير أستادين قديمين ليواكبا المواصفات

الدولية الجديدة وحوالى 36 ملعب فرعى لتدريب الفرق ، مع الوعد بزيادة طاقة الاستيعاب للفنادق

الحالية وبناء فنادق جديدة أخرى وكذلك الوعد بانشاء منظومة أتصالات ومواصلات حديثة وعن قلة عدد

السكان لم يخجلوا أبدا من ذكر نقاط ضعفهم وقلبوها لنقاط قوة بأن وعدوا بفتح حدودهم مع جيرانهم

فى الجزيرة العربية بدون اية عوائق ولا شروط .

يتبقى ان نرفع القبعة للمسئوليين فى قطر ونشد على أيديهم ونهنأهم على هذا الانجاز العملاق لهم وللعرب .

ا

[se_ Elsyed]

الف مبروك لقطر .. مهما اختلفنا مع الإيدلوجية اللي متبنينها واللي بتعبر عنها قناة الجزيرة ...

------

لكن سؤال

هما بيجيبوا الفلوس دي كلها منين ؟

دول راصدين للحدث ده فقط 100 مليار دولار

100 مليار دولار واخدين بالكم ..

للإستادات والإنشاءات العملاقة وشبكة سكة حديد ستريط كل تلك الإستادات بحيث لا يستغرق الموضوع من أول إلى أخر إستاد إلا ساعة واحده فقط ... وكمان للفنادق والشقق المفروشة اللي هاتتبني لأن تقريباً متوقع أثناء الشهر بتاع كأس العالم يفد إلى قطر متفرجين يوازوا نصف عدد سكان قطر ههههه

وبالتالي هاتلاحق على ده كله منين ..

لدرجة إنهم أخدوا قرار بتفكيك مدرجات كاملة من الإستادات العجيبة الغير مسبوقة اللي هاتتعمل بعد إنتهاء المولد وهايتبرعوا بها لبعض الدول النامية

بُصوا الحته دي

ذكرت تقارير صحفية أسترالية، أن الفرنسى زين الدين زيدان، حصل على 15 مليون يورو من قطر، لدعم ملف ترشحها لاستضافة مونديال 2022.

وذكرت التقارير أن جوارديولا حصل على 3 ملايين يورو، فى حين حصل جابريل باتيستوتا على مليونى يورو، وحصل رونالد ديبور على مليون يورو.

ماذا عن جوزيف بلاتر وإنت نازل .. ودول هبيشة من الدرحة الأولى ؟

يا بختك يا هاني يا ابو ريده .. زمانه إتعكم حته بمية مليون هو وعيسى حياتو ...

[الســـاري]

الف مليون تريليون دشليون مبروووووووووووك لقطر .. تستاهل التنظيم .. وتستاهل رفع القبعات لكل الجهود المضنية التي عملوها

قطر متميزة على مستوى الاستضافات الرياضية .. كلنا يتذكر استضافتها للاسياد الاسيوية 2006 وكيف جعلته تنظيما خرافيا

وايضا استضافتها للامم الاسيوية قريبا

واستضافتها للدورات الخليجية كان بمنتهى الروعة لدرجة اصبحت كل الدول الخليجية تتمنى ان تكون الاستضافة في قطر دائما

قطر تهتم للغاية بالاستضافات الكروية .. لاسيما ان اميرها الشيخ حمد بن خليفة ال ثاني كان وزيرا للرياضة

واختيار ابن همام رئيسا للاتحاد الاسيوي

وانشاء قنوات مثل الجزيرة الرياضية والدوري والكاس

وايضا حقوق الدوريات العربية والاسبانية والايطالية

بالتوفيق لهم يا رب

[سكر]

مبروك لقطر ولكل من عمل بجد لمصلحة بلادة

واذا كانت هناك تزوير او رشاوى فى القرار

فهو تزوير بطعم الشرف

بالمناسبه العاشرة مساء ذكر ان عدد السكان 1.7 مليون منهم فقط 300 الف قطرى

يعنى الجنس القطرى بسلطاته وبابا غنوجة 300 الف

والله برافوا عليهم

بس انا مش فاهم هما عايزين يروحوا لحد فين او ايه هما اجندتهم فى التعامل مع المال والعالم

والله ما لاحسد

[se_ Elsyed]

أمريكا بجلالة قدرها كانت بتتكلم عن من 12 - 20 مليار دولار أنفاق لو كانت أسستضافت كأس العالم 2022

لكن يمكن عشان هي عندها بنية تحتيه جامده

لكن أنا سرحت بخيالي لو الـ 100 مليار دولار دول تم إنفاقهم على مشروعات تنموية وعلى ثورة صناعية أو تجارية ..

اعتقد إننا كنا هانشوف دُبي ثانية أو سنغافورا في الشرق الأوسط

[الغريب]

استضافة قطر لمونديال 2022 من وجهة نظري هيعمل طفرة في كل دول الخليج في العشر أعوام القادمة

هتكون نقلة حضارية كبيرة.. وربنا يستر