بحبك يا شيكاااااااا

[م تيمور المراغي]

رغم اني اهلاوي ,,

بس امبارح شيكابالا كان في فورمه غير طبيعيه :happy:

مش مهم زمالك او اهلي المهم في النهايه ان كل ده بيصب في مصلحة منتخب مصر ,,

دي اهداف شيكااااا الروعه في ماتش الاتحاد ,,

http://www.youtube.com/watch?v=CKkYtA-F538

[Ahmed Anwer]

قصدك ده حارس المرمي العجيب اللي واقف في مرمي الإتحاد !!!!!

[م تيمور المراغي]

لا يا احمد انت لعيب قديم وفاهم ,,

الهدف الاول في المقص تماما ومن زاويه جانبيه كمان يعني جمع مشكلتين على الحارس ,,

الهدف التاني كانت ارضيه زاحفه وسط غابه من السيقان " 40 ساق "

الهدف التالت الكوره كانت في الهوا وبعدين لفت وغيرت مسارها تخدع اكبر حارس وكمان في المقص ,,

شيكا كان مهاري في كرات امبارح الثابته مافيش كلام وشوف تعليق حازم امام نفسه بعد الماتش ,,

[ozoozo]

قصدك ده حارس المرمي العجيب اللي واقف في مرمي الإتحاد !!!!!

يعني الزمالك لازم يخسر عشان يكون في الفورمه اللي عايزينها الاهلاويه

يعني كل اجوان الزمالك تسلل مفيش ولا جون صح

الزمالك يدخل اربع اجوان عالميه عشان حارس المرمي وحش مش عشان الزمالك لعب كويس

شيكا الحراق يدخل اجوان يبقي الحوارتجي الاسود البواب قليل الادب -سيبنالكم البيض الحلوين امات شعر مسبسب-

مقدرش اقول غير

حراااااق ياشيكا

[ozoozo]

ده الراحل العظيم حسام البدري وهو بيغني والله ولعب الهوي ورا احمد عدويه في فيلم يارب ولد -ماهو دلوقتي اخر الاهلي الهوا هو اللي بيلعبوه-

http://www.youtube.com/watch?v=JLFZ27Oq8mQ

علي فكره حسام راح المريخ السوداني

تم تعديل 3 ديسمبر 2010 بواسطة ozoozo

[Ahmed Anwer]

يا باشمهندس الجون الأخير ،،، حارس المرمي كانت أيده فيه كلها و مش فاهم إزاي تعدي

و الجون اللي وسط غابة من السيقان ،،، و كورة مش قوية مش فاهم إزاي تعدي من كل المدافعين و حارس المرمي واقف يتفرج عليها

شيكا موهبة مش محتاجة جدال فيها

بس فيه لاعيبة زي أبو تريكة مثلا في الأهلي أو حازم إمام في الزمالك

تلاقيهم محبوبين من كل الجماهير

لأنهم جمعوا الموهبة و الأخلاق و فايدة فرقهم و المنتخب

شيكا للاسف عنده موهبة فقط

أوزززو باشا حبيبي ،،

ليه كده كل موضوع تقلبه أهلي و زمالك !!!!

عموما فيديو بفيديو

بعد ما طلعوا العمل من الجدار ،،، دلوقتي بيرشوا مياه مبركة علي المرمي

http://www.youtube.com/watch?v=Z1j5hqJDaQE&feature=player_embedded

[ozoozo]

طيب وايه المشكله كان في عمل معمولنا وفكيناه وبقينا اول الدوري <BR><BR>يبقي الحمد لله

[م تيمور المراغي]

فعلا شيكا تنقصه لباقة حازم امام وسمو اخلاق ابو تريكه ده حقيقي ,,

لكن العمر ادامه لسه طويل ,, ومع الوقت حيكتسب الخبره وينضج فكريا واخلاقيا عن الان ,,

ووقتها ,, حيبقى فعلا من اعظم اللعيبه في تاريخ الكره المصريه ان لم يكن اعظمهم ,,

ولعشاق الحراااااااق :happy:

تفضلوا الكليب ده : يا مهاراتك يا شيكااااا

http://www.youtube.com/watch?v=wSebsL9u5RY

[م تيمور المراغي]

لمسات الساحر شيكابالا فى لقاء وادى دجله

لاموني الناس في حبك يا شيكااا

http://www.youtube.com/watch?v=xhI5D4kkuvE

[م تيمور المراغي]

حسن شحاتة يضم شيكابالا لقائمة منتخب مصر لدورة حوض النيل

ضم الكابتن حسن شحاتة المدير الفني لمنتخب مصر صانع العاب نادي الزمالك محمود عبدالرازق "شيكابالا" لقائمة الفريق التي ستخوض دورة حوض النيل.

ونشر الموقع الرسمي لاتحاد الكرة المصري قائمة من 25 لاعب اختارها شحاتة لخوض دورة حوض النيل جاء ابرز اسم فيها هو شيكابالا.

وكان لاعب الزمالك قد اعلن اعتزاله اللعب دوليا عقب نهاية مباراة القمة الأخيرة بين الاهلي والزمالك بسبب هجوم جماهير الاهلي المعتاد عليه.

ولكن Yallakora.com اكد الجمعة ان صانع العاب الزمالك يفكر في التراجع عن قراره وهو ما شدد عليه مصدر مسؤول داخل الجهاز الفني للمنتخب والذي اكد ان شحاتة يفكر جديا في ضم اللاعب.

كما عاد لقائمة المنتخب بعد غياب دام لأكثر من 5 سنوات المهاجم احمد بلال لاعب فريق سموحة، وكان بلال لاعبا في المنتخب المصري في اوائل الألفية الثالثة عندما كان لاعبا بالنادي الأهلي.

وجاءت قائمة المنتخب المختارة محلية 100%، كما ضمت أسماء جديدة علي شاكلة محمد نجيب مدافع اتحاد الشرطة وشريف حازم مدافع بتروجيت، وايمن حفني صانع العاب مصر للمقاصة.

وفيما يلي قائمة المنتخب كاملة:

حراسة المرمي: عبدالواحد السيد ( الزمالك) – محمد صبحي ( الاسماعيلي)– امير عبدالحميد (المصري).

خط الدفاع: وائل جمعة (الأهلي) – محمود فتح الله (الزمالك) – محمد نجيب(اتحاد الشرطة) - شريف حازم (بتروجيت) – احمد فتحي (الأهلي) – عبدالله الشحات (الإسماعيلي) – احمد سمير فرج (الإسماعيلي) – محمد عبدالشافي (الزمالك).

خط الوسط: حسام غالي (الأهلي) – حسني عبدربه (الإسماعيلي) – إبراهيم صلاح (الزمالك) – عمرو السولية (الإسماعيلي) – محمد ابوتريكة (الأهلي) – احمد عيد عبدالملك (حرس الحدود) – وليد سليمان (انبي) – عبدالله السعيد (الإسماعيلي) – محمود عبدالرازق "شيكابالا" (الزمالك) – ايمن حفني (مصر للمقاصة).

خط الهجوم: محمد ناجي "جدو" (الأهلي) – السيد حمدي (بتروجيت) – احمد علي (الإسماعيلي) – احمد بلال (سموحة).

الجدير بالذكر ان البطولة تضم 7 منتخبات هي مصر والسودان وأوغندا وتنزانيا وبوروندي وكينيا بالاضافة الكونغو الديمقراطية.

[engmido]

تصدق كده عيب

[م تيمور المراغي]

إيقاف شيكابالا مباراة وتغريمه 5 آلاف جنية

قررت لجنة المسابقات بإتحاد كرة القدم المصري، إيقاف لاعب فريق نادي الزمالك محمود عبد الرازق " شيكابالا " مباراة واحدة وتغريمه خمسة آلاف جنية.

كان شيكابالا، قد أتهم برفع حذائه لجماهير الأهلي، عقب استبداله في الشوط الثاني للقاء القمة الأخير، ردا على سباب جماهير الأهلي ضده، وبذلك يغيب اللاعب عن لقاء فريقه أمام الإنتاج الحربي في الجولة الخامسة عشر.

وقال مدير لجنة المسابقات بإتحاد كرة القدم عامر حسين لـCNN بالعربية، أن اللجنة استندت في قراراتها على تقارير مراقبي اللقاء، خاصة وأن النقال الرسمي للمباراة لم يظهر واقعة رفع الحذاء، ولكن تقارير مراقب المباراة أكد الواقعة.

وأضاف حسين، أن اللجنة راعت الضغوط النفسية الشديدة التي تعرض لها اللاعب من الهتافات الخارجة ضده.

وأشار مدير لجنة المسابقات، إلى أن النادي الأهلي غرم 30 ألف جنية، منها 15 ألف جنية للسباب الجماعي، بالإضافة إلى 15 ألف جنية لتوجيه الليزر في وجوه لاعبي الزمالك، بالإضافة إلى 5 آلاف جنية لغياب قائد الفريق حسام غالي المؤتمر الصحفي عقب مباراة القمة أو من ينوب عنه.

وتابع عامر حسين، أن اللجنة وقعت غرامة مالية على مدير الكرة بنادي الزمالك إبراهيم حسن، قيمتها 10 آلاف جنية، لهجومه على رئيس لجنة الحكام الرئيسية وإيقافه مباراة واحدة، بالإضافة إلى تغريم نادي الزمالك 10 آلاف جنية لتكرار السباب الجماعي ضد النادي الأهلي.

من جانبه رفض مدير الكرة بنادي الزمالك إبراهيم حسن، العقوبات التي وقعتها لجنة المسابقات على ناديه وإيقاف لاعبه شيكابالا.

وقال إبراهيم حسن لـCNN بالعربية، أن اللجنة راعت التوازن في قراراتها، ولم توقع العقوبات المناسبة على جماهير الأهلي بعد هتافاتها العنصرية ضد لاعب الزمالك شيكابالا، كما أنه فوجئ بإيقافه لمباراة واحدة وتغريمه 10 آلاف جنية، رغم أنه لم يسئ لأحد في لجنة الحكام.

على الجانب الأخر تحفظ مدير الكرة بالنادي الأهلي سيد عبد الحفيظ، على العقوبات التي وقعت على ناديه في تصريحات لـCNN بالعربية، وأكد أنه لا يعرف لماذا وقعت اللجنة غرامة مالية على ناديه.

[fatfouta]

هو انا ممكن اقول حاجة ولا ايه؟؟

[م تيمور المراغي]

هو انا ممكن اقول حاجة ولا ايه؟؟

اكيد طبعا يا فتافيت

:happy:

[fatfouta]

اول حاجة عاوزة اقولها ان مش شيكابالا بس اللى أخد غرامات انا لسه شايفاها فى النشرة الرياضية امبارح ان

شيكابالا اخد عقوبة ماتش و5000 جنية

وابراهيم حسن عشرة الاف جنيه

والنادى الاهلى 30 الف جنيه عشان اللى عملوا الجمهور فى المبارة

النادى الزمالك 15 عشان نفس السبب برضو

تانى حاجة ليه احنا بلد عنصرية يعنى عشان شيكابالا أسمر الوجه نقوم نمسكه تريقة بقى ونقعد نعمل صور ممكن تجرح كرامته؟؟...ليه؟؟ اتفضلوا شوفوا ادى صورة من معموله لشيكابالا عالفيس بوك...وليه ماتعملتش مثلا لابو تريكة..ولا بلاش ابو تريكة عشان مايقولوش ده اهلاوى وانا زملكاوية وكده خليها فى اى لاعب زملكاوى

يرضى مين ان واحد يتهان بالشكل ده لسبب هو مالوش ذنب فيه؟؟

احنا شعب عنصرى مافيش كلام...

تالت حاجة انا ضد شيكابالا فى كتير من تصرفاته ورغم انى زملكاوية لكن بحب ابو تريكة جدااا لانه لاعب اخلاق بصراحة فى كل حاجة

لكن اللى مايرضيش حد هو الاستهزاق بخلقة ربنا على سبيل الهظار

الصورة انا لما شفتها عالفيس بوك استفزتنى جدااا بصراحة...حرام كده وياريت اللى عملها يتقى الله مافيش حد مافهوش عيوب

وماحدش يزعل من كلامى انا كلامى دلوقتى عالعنصرية لا عن اهلى ولا عن زمالك والله وربنا يعلم

[محمد عبدالعزيز]

الحقيقة أنا مش شايف الموضوع من منطلق العنصرية, هو المشكلة إن العلاقة مابين شيكابالا والجماهير غير جيدة, وده من الطرفين.

وأنا هنا بحمل المسؤلية الأكبر لشيكابالا لأنه بيعشق استفزاز الجماهير, مش هو أول واحد اتشتم يعنى, بس شوفوا الفرق فى ردود الأفعال بتعمل إيه مع الجماهير, وافتكروا مثلاً اللافتات اللى اترفعت فى ماتش الأهلى والاسماعيلى سنة 2009 وكانت إهانة لأبو تريكة , لم يرفع أبو تريكة الحذاء فى مواجهة الجماهير, وكذلك لم يسكت وأعلن احتجاجه وغضبه من اللى حصل. ولكن بأدب واحترام يجبرك على التوقف عن الإهانة.

أما بقى إذا كان اللاعب بيسيب ودانه للجماهير فى الماتش ويسيبه من اللعب ويقعد ياخد ويدى مع الجمهور فهو يستاهل بقى اللى يجرى معاه مادام انزلق للمستوى ده من الأخلاق.

وصدقونى استجابته لاستفزاز الجماهير ورده عليهم هو اللى بيخليهم يستمروا فى كده.

وبرضه شوفوا حضراتكم مثلاً واحد زى محمد بركات, حتى الآن لما بيجيب هدف فى الاسماعيلى مش بيظهر فرحة زى ما بيحصل مع أى فريق تانى, وده تقديراً منه لجماهير الاسماعيلى اللى كانت بتحبه وأعتقد لسه بتحبه لأنه بيراعى مشاعرهم ومش بيستفزهم رغم إنه الآن بيلعب فى الأهلى, وأنا كأهلاوى باحترمه جداً لما بيعمل كده.

بالنسبة بقى لحكاية اللون, ياما لعب فى الزمالك لاعبين سمر, ومنهم على سبيل المثال ابراهيم واسماعيل يوسف ومن بعدهم أحمد الكاس, ولكن لم يتم معهم مثل ماحدث مع شيكابالا ﻷنهم كانوا يتميزون بالأخلاق والتركيز فى الملعب وبس.

ويارب شيكابالا يخيب ظنى ويعمل حاجة مفيدة مع المنتخب.

تم تعديل 4 يناير 2011 بواسطة محمد عبدالعزيز

[ابو محمد بن مصطفي]

اول حاجة عاوزة اقولها ان مش شيكابالا بس اللى أخد غرامات انا لسه شايفاها فى النشرة الرياضية امبارح ان

شيكابالا اخد عقوبة ماتش و5000 جنية

وابراهيم حسن عشرة الاف جنيه

والنادى الاهلى 30 الف جنيه عشان اللى عملوا الجمهور فى المبارة

النادى الزمالك 15 عشان نفس السبب برضو

تانى حاجة ليه احنا بلد عنصرية يعنى عشان شيكابالا أسمر الوجه نقوم نمسكه تريقة بقى ونقعد نعمل صور ممكن تجرح كرامته؟؟...ليه؟؟ اتفضلوا شوفوا ادى صورة من معموله لشيكابالا عالفيس بوك...وليه ماتعملتش مثلا لابو تريكة..ولا بلاش ابو تريكة عشان مايقولوش ده اهلاوى وانا زملكاوية وكده خليها فى اى لاعب زملكاوى

يرضى مين ان واحد يتهان بالشكل ده لسبب هو مالوش ذنب فيه؟؟

احنا شعب عنصرى مافيش كلام...

تالت حاجة انا ضد شيكابالا فى كتير من تصرفاته ورغم انى زملكاوية لكن بحب ابو تريكة جدااا لانه لاعب اخلاق بصراحة فى كل حاجة

لكن اللى مايرضيش حد هو الاستهزاق بخلقة ربنا على سبيل الهظار

الصورة انا لما شفتها عالفيس بوك استفزتنى جدااا بصراحة...حرام كده وياريت اللى عملها يتقى الله مافيش حد مافهوش عيوب

وماحدش يزعل من كلامى انا كلامى دلوقتى عالعنصرية لا عن اهلى ولا عن زمالك والله وربنا يعلم

تصدقي يا مدام فتفوتة صورة نكتة

بس ايه العنصرية اللي في الصورة .....الا اذا كانت شغلة البواب حرام ولا عيب

اه لو كنا خليناه حرامي هنا تبقي حاجة وحشة قوي

بس شيكا بيكا ده مزيكا مع ابراهميكا

تعرفي ممكن يعملوا فيلم يسموه البواب والبلطجي 2011

هو سؤال اشمعنا شيكا تالق في وجود التوأم بس مع المدربين المحترمين لم يتألق ..... هما الاثنين كاريزماعجيبة

ثم ان الامور دي عادية جدا في الملاعب العالمية وشئ طبيعي بين المشجعين

[م تيمور المراغي]

.............

تانى حاجة ليه احنا بلد عنصرية يعنى عشان شيكابالا أسمر الوجه نقوم نمسكه تريقة بقى ونقعد نعمل صور ممكن تجرح كرامته؟؟...ليه؟؟ اتفضلوا شوفوا ادى صورة من معموله لشيكابالا عالفيس بوك...وليه ماتعملتش مثلا لابو تريكة..ولا بلاش ابو تريكة عشان مايقولوش ده اهلاوى وانا زملكاوية وكده خليها فى اى لاعب زملكاوى

يرضى مين ان واحد يتهان بالشكل ده لسبب هو مالوش ذنب فيه؟؟

احنا شعب عنصرى مافيش كلام...

تالت حاجة انا ضد شيكابالا فى كتير من تصرفاته ورغم انى زملكاوية لكن بحب ابو تريكة جدااا لانه لاعب اخلاق بصراحة فى كل حاجة

لكن اللى مايرضيش حد هو الاستهزاق بخلقة ربنا على سبيل الهظار

الصورة انا لما شفتها عالفيس بوك استفزتنى جدااا بصراحة...حرام كده وياريت اللى عملها يتقى الله مافيش حد مافهوش عيوب

وماحدش يزعل من كلامى انا كلامى دلوقتى عالعنصرية لا عن اهلى ولا عن زمالك والله وربنا يعلم

معلش يا فتفوته انا اتاخرت في ردي والله حصل لي لخبطه سامحيني ,,

رغم اني اهلاوي صميم لكني عاتبت جماهير الاهلي اكثر من مره هنا على شتيمة شيكا والهجوم المستمر عليه

كمان شيكا بالذات من النوعيه اللي كرامتها فوق اي شيئ زي حسام وابراهيم كده فبيقوم داخل مع الجماهير دي في مهاترات

التراس الاهلي له كبار يمكن التفاهم معهم ويحصل اتفاق متبادل لتصفية الاجواء خصوصا ان شيكا خلاص حجز مكانه في المنتخب ,,

واتوقع انه الفتره اللي جايه حيتألق خصوصا مع المنتخب وحنشوف دورة حوض النيل حيبدع ازاي ,,

اكبر مشاكل الدنيا يمكن حلها بقليل من الصبر والحكمه وطولة البال ,,

تحيتي

[om marawan]

أنا مش معاك ياباشمهندس انه مع الخبرة هيتغير وان كنت اتمنى

طبعا مافيش حد يرضيه اسلوب الجماهير فى السباب للعيبة ودى حاجة بترجع لاخلاقيات كل واحد بيتفرج

لكن الموضوع فى شيكابالا مختلف :closedeyes:

اناباتابع اكتر حاجة ماتشات المنتخب وكنت باشوف شيكابالا من اسوأ مايمكن

وفوجئت بلعبه مع الزمالك ومش معقول تأثير المدرب لانه الفرق بين الماتشين اللى قيمته فيهم كان لا يتعدى اسبوعين

لكن شفت لاعب مختلف تمامااااا

باحس بصراحة انه بيلعب مع المنتخب باستهتار ومافيش الرغبة فى الفوز زى ماشفته مع الزمالك

ده انا كنت باحس اوقات انه مدسوس على المنتخب والله من كتر ماكان بيضيع اجوان اكيدة

عموما ده ماينفيش انه لاعب مهاراته كويسة لكن زى مافتفوتة قالت مهم اوى اخلاقيات اللعيب

اما الناس اللى بتتريق على حاجة ربنا خلقها فمش عارفة اقول ايه بصراحة

ربنا يهدي

[م تيمور المراغي]

شيكا عنده نرجسيه لكن ايجابيه

اعتقد حتكون حافز ليه انه يثبت مكانه في المنتخب ,, دي فرصه ممتازه متاحه ليه دلوقتي

اللعيب المصري عموما مزاجي يعني مالوش ايقاع ثابت

نتابع ونشوف ويا خبر بفلوس :happy: