القانون العقيم.. فى البلد ال.. على المتضرر اللجوء للقضاء

[باهى الطائر الحزين]

اشتريت شقه..

من شركه مدينه نصر للآسكان والتعمير

العقد بأسمى.. واوراق الملكيه معى.. وكشف العوايد بأسمى

وعداد النور بأسمى.. والتليفون الارضى ايضاً بأسمى

وقمت بتجيزها بكامل الاثاث

فى انتظار ابنه الحلال.. وهدوء ثورة سفراتى

اثناء غيابى فى سفر لعامان متصلتنا

حدث ان قام احدهم.؟

بكسر باب الشقه.. ولم يكتفى بأن باع

كامل محتويتها.. من الاثاث والاجهزه

بل حرر محضر فى قسم مدينه نصر

بأن اباه الطبيب المتوفى.. يمتلك عقد ايجار منى للشقه

بمبلغ زهيد.. وانه فقده.. وحرر محضر اثبات حاله

ثم افتعل مسرحيه.. هو ومحامى صديقه

بأن هناك تنازع على الشقه.. بينه وبين احد اقاربه

واحضر شهود مزوره.. واثبت انه يقيم فى الشقه منذ عامان

زورا وبهتانا.. وقدم للمحامى العام.. صوره من محضر اثبات الحاله

المهم.. حصل على حكم بالتمكين.. من الشقه.. التى هو مغتصبها اصلآ

وعاش حياته.. فى تبات ونبات.. يحضر يوميا المشبوهين.. ويطعاطون المخدرات

الجيران تخافه.. وتتجنب ان تحدث معه اى مشاكل

المهم.. عدت من سفرى.. فوجدت الواقع الاليم.. وكان فى انتظارى

بعض الاشقياء متسلحين.. وكلب هول ضخم.. شكلهم ضاربين حاجه

احضرت المحامى الخاص بى.. ثم ذهبانا الى قسم مدينه نصر..

وحررنا محضر اثبات حاله.. بناء على نصيحته.. كى يتمكن من رفع قضيه.. طرد للغصب

ورفع القضيه فى محكمه مدينه نصر.. تؤجل الجلسات مرات لآعلانه.. فلا يحضر

دفعت ل ظلآ.. و الرشاوى الى ظلآ.. ووو..والبواب الذى كان تغير بأخر جديد.. والجيران رفضوا الشهاده

كونهم لا يعرفوتى او لم يشاهدونى.. العماره كبيره من عشره طوابق.. وكل واحد فى حاله.. الدور الواحد به اثنا عشره شقه

ربما كنا نتقابل فى الاسانسير مرات.. ولكن لم يتذكرونى.. او ربما يخشوه

وجدت سيده محترمه.. من مجلس اداره العماره.. ساعدت فى اعطائى ايصالات اشتراكات الصيانه وخلافه

المهم مرات يطلب محاميه اجل للآطلاع.. مرات لتقديم مستندات.. مرات لآية حجج يتزرع بها

استنزف منى المحامى.. اثنتا عشره الف جنيه.. خلال عامان كاملان.. ثم حولت المحكمه القضيه

الى محكمه العباسيه.. لعدم الاختصاص.؟. بعد عامان من الشقاء.. اتغيب من عملى.. او اغيب لسفرى

اتهمت المحامى بالتقصير.. واخذت اوراق القضيه.. الى محامى اخر.. قال لى الثانى.. سوف اكون امين معك

اذا دخلنا المحكمه.. فلن نعرف متى سوف نجرج.؟

النيابه.. يبقى الحال على ما هو عليه.. وعلى المتضرر اللجوء للقضاء.؟

اما هو فيراوضنى على.. مائه الف جنيه.. من اين لى.. لو تعرفوا انا اشترتها ازاى

سنوات من الغربه والشقاء.. ثم يأتى هذا الهلفوت و.. اروح فيه فى دهيه.؟

تم تعديل 3 ديسمبر 2010 بواسطة طائر الليل الحزين

[ozoozo]

لايفل الحديد الا الحديد

1- باما تشوفلك واسطه في الشرطه يخرجوه بالقوه بدون ورق رسمي

2-تتبع خطواته ووقت مايسيب الشقه تجيب بلطجيه -ممكن يدبرهملك اي محامي- بس ابعد عن ابو 100 الف ده

لكن طبعا البلطجيه دول هايكلفوك شويه لانك هاتأجرهم عدد من الايام ولهم اجره محدده

وبعدين تدور علي بيعه للشقه باي سعر

[Om Zayd]

لا أملك إلا الدعاء أن يرد المولى عز و جل إليك حقك و أن يعينك و يقويك

حاول بكل الطرق و ياريت اللي عنده خبرة يفيدك

[raouf]

ربنا يكون فى عونك هذه هلى مصر

ان شاء الله هاقول على الحل بعد ما احكيللك قصة واحد صحبى وحدثت الاجازة الماضية

اشترى صديقى سيارة جديدة من معرض موديل السنة كانت ماشية 5000 كم بالظبط المهم بعد 3 ايام من شراؤه لها سرقت السيارة ومن هنا لهنا عرفو ان اللى سرقها واحد كان شغال فى المعرض وعمل نسخة على المفتاح وناس شافوه راكبها فى السويس

اخو صديقى ده وكيل نيابة

عملوا محضر وقضية وحكمت المحكمة بالسجن

من هنا لهنا ماعرفوش يمسكوا الولد كل ما يمسكوه يدفع رشوة للمخبرين وللامناء فيسيبوه

فى يوم وانا معاه اخوه كلمه وقاله مسكوا الولد فى قسم ثانى وانا كلمت الظابط الللى ماسكه واديته رقم المحضر والقضية اللى اتحكم عليه فيها وانه هرب من تنفيذ الحكم

وقالى انه ماسكه يالله نطلع على السويس ايه اللى حصل ؟

وصل لقوه سابوا الولد الظابط قاله ده تبع قسم ثانى ما اقدرش امسكه قاله طيب امسكوا العربية المسرقة يرد يقوله انا مش مرور افتش على الرخص وكل ده لاخوه اللى هو وكيل نيابة

جابوا اهله فى القسم وحجزوهم لارغامه على تسليم نفسه ولا حياة لمن تنادى

صحبى عمل ايه بقى ؟

اجر شوية بلطجية وضخى ب 10000 جنيه خدوا اخوه وابوه علموهم الادب وخلوهم يكلموا الواد يستدرجوه

وفى الاخير طلع ان البلطجية يعرفوا الولد والشلة اللى ماشى معاها فرفضوا يقوموا بعملهم هههههههه ورفضوا يرودولوا الفلوس كمان

جاب بلطجية ثانين عملوا ايه ؟

اخذوا عربية ابوه بالعافية

وادوهالوا قالولو سوقها لحد ما الواد يظهر هههه

فى النهاية الحرامى لسه بعربية صديقى

وصديقى ماشى بسيارة ابو الحرامى لمدة 4 شهور

صديقى عرف مكانه بالصدفة جاب البلطجية مسكوا الواد واخد العربية

الخلاصة اصبحت مصر دولة بلا قانون فقط قانون الغاب

الحل طبعا بلطجية بس تخلى بالك ان اوعى تجيب بلطجية يعرفوه ويتحدو عليك

شوف ناس من الصعيد او من محافظة اخرى وفى هجمة واحدة يتكسر الباب ويترمى هو واللى معاه بره الشقة ويتركب باب حديد وتجيب حد يعيش فيها او ياجرها على ما ترجع

غير كده مفيش اى حل للاسف الشديد

ما اخذ بالقوة لن يسترد ال بالقوة

[مغتربة]

استاذى الفاضل ربنا معاك و ان شاء الله يرجع لك حقك

لكن انا عايزه اقول ان انا و انا بقرا مشكلتك و ردود الزملاء عليها بجد قلبى وجعنى

من ناحيه انا عذرا اى حد يقولك ان مفيش اى حل الا بالبلطجه لانهم بيتكلموا على الواقع لكن صعبان عليا جدا ان الناس المحترمه فى مصر و هى كتير جدا و الحمد لله ميبقاش قدامها طريقه لترجيع حقها غير بالبلطجه يا كدا يا تنسى حقها و تستعوض ربنا فيه

طيب الناس الى ملهاش فى اللبش و لا السكك دى يعملوا ايه مين ينصفهم و مين السبب اساسا فى اننا نوصل لمرحله اننا منلقيش ادامنا طريق نرجع بيه حقنا غير كدا

فى حاجه غريبه ملحظاها و هى ان الجرايم الى بقيت اسمع عنها دلوقتى بقى فيه شق جديد فيها و هى ان الجريمه بقت بترتكب زى ما بيقولوا بفجر او بعين قويه بقى فيه بجاحه فى ارتكابها

انا مش عارفه ايه السبب فى كدا

لكن بجد دى حاجه تقلق

ربنا يحمينا كلنا ممن لا يخافه و لا يرهبه

بجد ربنا يكفينا شر الناس دى و يبعد عنا اذاهم

امين يا رب العالمين

[se_ Elsyed]

إيه اللي الواحد بيقراه ده ؟

بس أنا مستغرب ليه

إذا كان مراسلي قناة الحكومة

واخدين بالكم .. قناة الحكومة اللي هي النايل نيوز كانوا بينقلوا على الهواء وقائع المهزلة اللي إسمها الإنتخابات وبيوصفوا الوضع وكل مرشح من الحزب الوطني بالذات محوط نفسه ببلطجية مسجلين خطر بأسلحة ... وحصل بالفعل ضرب نار من رشاشات وراح العديد من الضحايا

والناس بقت متقبلة ده أو مفروض عليها ده زي سلام عليكم .

[باهى الطائر الحزين]

انا بشكر كل اللى تعاطفوا معايا.. لكن.؟

الموضوع اعمق من كده بكتير.. انا محبتش اطول عليكم.. ده كمان رفع عليا قضيه.. بيطالب بألزامى بتحرير عقد ايجار.؟

مره جبنا ناس وقعدنا قعدت رجاله.. وحكموا ان الشقه تتباع.. واديله خمسين الف جنيه.. ورضيت بالحكم لكن

لما ما عملت اعلان فى الجريده.. وبحكم ان الموقع متميز.. تقاطع يوسف عباس مع خضر التونى.. التلفون ما بطلش لاسبوع

ولا ثانيه.. واعطيت الناس الموعد.. ولاعلى سعر.. جت ناس كتير فى الموعد.. وجابت ما يقرب من نصف المليون.. بعدين

هو كان مجهز بلطجيه.. زعقوا فى الناس.. والناس خافت على فلوسها مشيت.. ومنانبنشى غير ان الشقه بقى لها سيط زى الزفت.

تفتكرو انى مدخلتش.. ضباط وبرتبت لواءات.. وكمان قاضى.. وكل وكلاء النيابه تعطفوا معايا.. وحتى المحضرين وافراد الشرطه.. وضباط المباحث

كان حل البلطجه من الاول.. لكن دلوقت مقدرش.. علشان فيه قضيه.. ومعاه حكم بالتمكين.. يعنى عمله اوراق بيشاغب بيها.. دلوقتى بيطلب اكتر من مائه الف بكتير

تم تعديل 4 ديسمبر 2010 بواسطة طائر الليل الحزين

[باهى الطائر الحزين]

شكراً.. لكل اللى اتعطفوا معايا.. دى حكايه وحده ضمن حكايا.. مزنوقه جوايا

[mfarag]

حسبنا اللة ونعم الوكيل

طبعا طول ما الامن متحالف مع البلطجية و ميهموش غير تامين النظام و الشعب يولع

متهيالى لو كان واحد من الاخوان عامل سبوع لابنة كان تقبض علية فى لحظة

انما تسرق او تقتل او تختلس او تبقى بلطجى

يبقى انتا معانا و حبيبنا و هنحميك

[ذهبية]

بجد انا تالمت جدا من اللى حصلك ربنا يكون فى عونك و يصبرك و يعوضك على كل اللى شوفتة

استعوض الله فيها دة مش ضعف و لا استسلام لكن علشان تعرف تعيش و لا تحس احساس بقلة الحيلةوالظلم اللى ممكن يصيبك باى مرض

صحتك اغلى من اموال الدنيا

انت اللى بتجيب لفلوس و انت اللى بتصرفها انساها و شيلها من حساباتك

و اوع تفتكر ان الخالق مش هيعوضك على الى شوفتة

صدقنى ممكن كانت الشقة دى كانت شر ليك و هى كدة الان و ربنا بيبعده عنك

مش باقولك سيب حقك و لا استسلم لا

باقولك متفكرش فيها ولا تكون سبب فى حزنك و تعاستك

صدقنى ان فرج الله قريب و ااقرب مماتتخيل

اعانك الله و عوضك بالاحسن منها

[ozoozo]

مادام جنان بجنان

هات بلطجيه واتمكن من الشقه وارفع عليه قضيه طرد عشان الايجار ويبقي الحال علي ماهو عليه

ومادام تعرف حد في الشرطه هاتلك باكتتين بانجو ووقيتين حشيش واطلب من الناس اللي في الشرطه يقبضوا عليه ويلبسوه الاحراز دي اتجار وساعتها من حقك تسترد شقتك اللي مفترض هو ماجرها منك لسؤ استغلال الشقه في تجاره المخدرات

وخليك مع الناس الدنيا في الشرطه وياحبذا لو امين شرطه تعكمه اد خمس بواكي ممكن يعملك عجين الفلاحه كمان

تم تعديل 5 ديسمبر 2010 بواسطة ozoozo

[Howayda Ismail]

ساءنى ماحدث مع حضرتك لان فعلا كما قالت الاخت مغتربة اصبح شئ مستفز ويضايق ان شغل البلطجة اصبح سيد

الموقف فى اغلب الاحيان لكن ازاى المحامى معرفش يثبت اى تزوير او ادعاءات كاذبة للبلطجى ده وبعدين فواتير

الشقة فين غاز او تليفون مش حضرتك كنت بتسددها بانتظام وكمان ده عاوز محامى عقر زى مابيقولوا بس طبعا

حيكلفلك شوية واسمح لى حضرتك مش النوع اللى حيعرف يتعامل بنفس اسلوبهم البلطجى وتجيب ناس وكده وطبعا

حرام انك تتنازل عن حقك بسهولة وطالما الحكومة عجزت تجيبلك حقك اقترح على حضرتك انك تبيع الشقة لناس

تعرف تتصرف معاه وتخرجه بطريقتها مقابل انك تتنازل عن جزء من تمنها الفعلى وده احسن من انك تخسرها بالكامل

وربنا يصلح لك الامور وحقك يرجع لك

[shiko]

لايفل الحديد الا الحديد

1- باما تشوفلك واسطه في الشرطه يخرجوه بالقوه بدون ورق رسمي

2-تتبع خطواته ووقت مايسيب الشقه تجيب بلطجيه -ممكن يدبرهملك اي محامي- بس ابعد عن ابو 100 الف ده

لكن طبعا البلطجيه دول هايكلفوك شويه لانك هاتأجرهم عدد من الايام ولهم اجره محدده

وبعدين تدور علي بيعه للشقه باي سعر

لا حول ولا قوة الا بالله ....

للاسف انا كمان مع الرأى ده ....

وتأكد لنك موش هاتخد حقك الا كده

لانى بالصدفة وقعت فى نفس المشكلة مع حد من معارفنا وللاسف

بس بمكن الموقف مختلف لانه اشترى شقة اتباعت لاكتر من واحد ....

هاتلك 10 بلطجية يقيموا فى الشفة لمدة شهر .....وركب باب حديد ....

والولد ده ياخد العلقة التمام .....

اعرف تمام ان ده السبيل الوحيد علشان تاخد حقك ....

[raouf]

بجد انا تالمت جدا من اللى حصلك ربنا يكون فى عونك و يصبرك و يعوضك على كل اللى شوفتة

استعوض الله فيها دة مش ضعف و لا استسلام لكن علشان تعرف تعيش و لا تحس احساس بقلة الحيلةوالظلم اللى ممكن يصيبك باى مرض

صحتك اغلى من اموال الدنيا

انت اللى بتجيب لفلوس و انت اللى بتصرفها انساها و شيلها من حساباتك

و اوع تفتكر ان الخالق مش هيعوضك على الى شوفتة

صدقنى ممكن كانت الشقة دى كانت شر ليك و هى كدة الان و ربنا بيبعده عنك

مش باقولك سيب حقك و لا استسلم لا

باقولك متفكرش فيها ولا تكون سبب فى حزنك و تعاستك

صدقنى ان فرج الله قريب و ااقرب مماتتخيل

اعانك الله و عوضك بالاحسن منها

الالالالالالالالالالالالا طبعا يعنى ايه يستعوض ربنا فيها ؟

هو لاقيها ببلاش او كسبها فى اللبان ؟

اسف يا ذهبية ولكن اعتقد ان ده عبارة عن سلبية وهى دى اللى مودية البلد فى دهية وتركناها للحرامية والنصابين يمرحوا فيها

الناس المحترمين بيتنازلوا عن حقهم واملاكهم بكل سهولة بحجة عدم البهدلة وانا ابن ناس ومش هازل للمستوى ده وخلافه

كلمة امشى بيها وهى من مات دون ماله فهو شهيد

صدقنى اخى لا يوجد اشرف من انك تدافع عن مالك وحقك مهما حدث

حل اخير هاديهولك ورزقى على الله بس ما تطلبش انى اساعدك فيه

فيه ناس فى مصر شغلتها كده دلوقتى ايه بقى شغلتها ؟

حد كاتب شيك ليك ومش عارف تاخد فلوسك ؟

حد اخد منك ارض او شقة بنفس اللى حصل معاك

وغيره وغيره

انت هاتروح ليهم هيقيموا الشقة نفترض مثلا 500 الف جنيه هم هيقولوا لك نشتريها ب 300 الف بس ومالكش دعوة بالباقى

هتبيع ليهم الشقة وهم عندهم سككهم فى اخراج الراجل ده منها وبيعها مرة اخرى

على فكرة هذه المكاتب اصبحت موجودة فى مصر وقانونية ولها تراخيص كمان ومعظم اصحابها لواءات وظباط شرطة وجيش سابقين عارفين سكك وطرق المجرمين والبلطجية وشبكة علاقات قوية مع الشرطة ايضا

[Howayda Ismail]

بجد انا تالمت جدا من اللى حصلك ربنا يكون فى عونك و يصبرك و يعوضك على كل اللى شوفتة

استعوض الله فيها دة مش ضعف و لا استسلام لكن علشان تعرف تعيش و لا تحس احساس بقلة الحيلةوالظلم اللى ممكن يصيبك باى مرض

صحتك اغلى من اموال الدنيا

انت اللى بتجيب لفلوس و انت اللى بتصرفها انساها و شيلها من حساباتك

و اوع تفتكر ان الخالق مش هيعوضك على الى شوفتة

صدقنى ممكن كانت الشقة دى كانت شر ليك و هى كدة الان و ربنا بيبعده عنك

مش باقولك سيب حقك و لا استسلم لا

باقولك متفكرش فيها ولا تكون سبب فى حزنك و تعاستك

صدقنى ان فرج الله قريب و ااقرب مماتتخيل

اعانك الله و عوضك بالاحسن منها

الالالالالالالالالالالالا طبعا يعنى ايه يستعوض ربنا فيها ؟

هو لاقيها ببلاش او كسبها فى اللبان ؟

اسف يا ذهبية ولكن اعتقد ان ده عبارة عن سلبية وهى دى اللى مودية البلد فى دهية وتركناها للحرامية والنصابين يمرحوا فيها

الناس المحترمين بيتنازلوا عن حقهم واملاكهم بكل سهولة بحجة عدم البهدلة وانا ابن ناس ومش هازل للمستوى ده وخلافه

كلمة امشى بيها وهى من مات دون ماله فهو شهيد

صدقنى اخى لا يوجد اشرف من انك تدافع عن مالك وحقك مهما حدث

حل اخير هاديهولك ورزقى على الله بس ما تطلبش انى اساعدك فيه

فيه ناس فى مصر شغلتها كده دلوقتى ايه بقى شغلتها ؟

حد كاتب شيك ليك ومش عارف تاخد فلوسك ؟

حد اخد منك ارض او شقة بنفس اللى حصل معاك

وغيره وغيره

انت هاتروح ليهم هيقيموا الشقة نفترض مثلا 500 الف جنيه هم هيقولوا لك نشتريها ب 300 الف بس ومالكش دعوة بالباقى

هتبيع ليهم الشقة وهم عندهم سككهم فى اخراج الراجل ده منها وبيعها مرة اخرى

على فكرة هذه المكاتب اصبحت موجودة فى مصر وقانونية ولها تراخيص كمان ومعظم اصحابها لواءات وظباط شرطة وجيش سابقين عارفين سكك وطرق المجرمين والبلطجية وشبكة علاقات قوية مع الشرطة ايضا

هو ده كان قصدى بس ماعرفش انها بقت رسمى ولها مكاتب كمان بس اعتقد ده حل مناسب للمشكلة

[raouf]

هو ده كان قصدى بس ماعرفش انها بقت رسمى ولها مكاتب كمان بس اعتقد ده حل مناسب للمشكلة

يا مدام هند للاسف الباطل فى مصر اصبح قانونى

الوضع الحالى فى مصر معاك وسطة تقدر تعمل كل اجة وتجيب فلوس

معاك فلوس ومالكش ضهر هتضيع فلوسك وتتسحل من البلطجية للاسف

لك الله يا مصر ولا نلوم زماننا والعيب فينا

الناس هى اللى ساكتة ومبسوطة يبقى يستاهلوا اللى بيحصل

[باهى الطائر الحزين]

شكراً لكل الناس الجميله الطيبين

حل عبقري يا : raouf

لكن عريتى الزير وخبيتى الكوبايه

خايف احط دماغى افتس.؟

[ozoozo]

مقاله تمس موضوعك وفيها ذكر للمحاورات واحمد سيف

كم هائل من المنازعات القانونية حول ملكية العقارات والاراضى تطرح امام القضاء المصرى تأخذك تلك المنازعات الى دوامة اللهث فى اروقة المحاكم سعيا وراء حق ضائع أغتصبه منك عصابة من اللصوص ، تعودوا على إغتصاب الشقق فى زمن اغتصاب الاوطان ، خاصة تلك التى لا يقيم بها أصحابها عن طريق تزوير وثائق ملكية ولعبة قانونية تنتهى فى كثير من الاحيان بحصولهم على أحكام قضائية نهائية بأحقية اللصوص فى العقار … وضياع حق المالك الاصلى فى بيته أو أرضه ..وانتصار الظلم على العدل !!

فى بداية هذا العام طرحت منى الشاذلى فى برنامجها ( العاشرة مساء ) قضية وجود عصابات من المحامين والسماسرة تقوم بالاحتيال للاستيلاء على العقارات خاصة التى لا يقيم بها اصحابها ورغم ان المحاميين أكدوا انه لا توجد وسيلة قانونية فعالة لمواجهة تلك العصابات ، الا ان هذا التأكيد لا يعنى استحالة استرداد الحق مهما طال امد الباطل .. فإغتصاب البيت والسكن بنظرى يعتبر جزء من إغتصاب الوطن وتفريط الانسان في بيته لا يختلف عن تفريطه فى وطنه .

فى أروقة المحاكم المصرية مئات بل الالاف من الحالات التى تروى لك قصص أغتصاب الحق والاوطان ، ومع كل قصة تجد نفسك مرغما على سؤال يطرح نفسه بقوة فى مخيلتك ( ماذا أصابك يا مصر ؟ ) بل ( ماذا أصاب ضميرالشعب المصرى ؟ ) ، ولماذا كل هذا الظلم بيننا ؟ أهو إفراز طبيعى للفساد الذى عم أرجاء البلاد ؟ ام غياب الضمير من وعى الانسان وعقله حول الحق الى باطل ، والباطل الى حق ؟

وما بين أغتصاب الوطن واغتصاب العقار او الارض تجد نفسك ممزق بين هذا وذاك ، فاقد للقدرة على استرداد اى منهما ، عاجزا امام زحف الفساد وانتشاره والتفاف أذرعه الممتدة حول عنقك وجسدك لتكسير عظامك .. فيدفعك لحالة من اثنين إما تنهار وتستسلم لهذا الاخطبوط أو تقاومه بإرادتك وقوتك حتى النفس الاخير ، ففى كلتا الحالتين انت ميت فاما الموت استسلاما واما الموت شرفا وبطولة وشجاعة .. فأيهما تختار ؟

القضاء المصرى والقوانين المصرية لم يصلا بعد الى وسيلة حاسمة وقاطعة لحماية الملكيات الخاصة سواء عقار أو أرض ، وهذا فتح الباب امام أصحاب الضمائر الخربة واللصوص لتزوير اى عقد ملكية يمكن شراؤه من مكتبة او كشك يتقدم به الى القضاء ومعه ثلة من شهود الزور مدفوع لهم ، يحركهم قلة من المحاميين فاقدى الضمير مستغلين ثغرات القانون ليحصلوا بذلك على أحكام لصالحهم تعطيهم الحق فيما سرقوه سواء أرض او عقار .. فعلى أبواب المحاكم تجد صرخات الناس ملونة بلون الحزن على ضياع حقوقهم ..فهنا من يصرخ بسبب استيلاء عصابة من اللصوص والبلطجية على قطعة ارض يملكها ولديه من الوثائق ما يؤكد ذلك ولدى اللص ايضا من الوثائق المزورة ما يؤكد ذلك بالاضافة الى تفوق اللص على صاحب الحق فى انه لديه حيازة الارض ( لانه استولى عليها بواسطة مجموعة بلطجية حرموا على صاحبها الاصلى الاقتراب منها ) وهناك من تستصرخ القضاء فى “إعادة حقها فى عقار كانت قد اشترته من احد الشركات العقارية من حر مالها بالتقسيط وتداوم على دفع الاقساط الشهرية بشهادة رسمية من الشركة ورغم ذلك فوجئت بأن العقار تم بيعه لشخص آخر لا تعرفه من قبل شقيقتها بتوكيل عام ملغى رسميا فى الشهر العقارى وكتب العقد المزور بتاريخ سابق لتاريخ الالغاء على يد محامى معدوم الضمير ، تسبب فى دخولها فى دوامة القضايا والمحاكم على مدى سنوات طوال ، وصرخة أخرى لرجل اشترى عقار ليكون سكنا لابنه عند زواجه وفوجىء بعصابة من المحتالين يستولون على العقار تحت مسمى الحيازة .. وصرخات كثيرة كلها ألم ودموع وشقاء تسبب فيها معدومى الضمير ومغتصبى الحقوق ..والقضاء حائر بين صاحب الحق ولصوصه !!

الحل لتلك المشاكل يقع على كاهل حكومة السيد نظيف التى تتباه بانها ” الحكومة الالكترونية ” التى تعتمد على جمع البيانات الحقيقية الموحدة والتى لا يمكن التشكيك بها .. فلماذا لا تقوم تلك الحكومة الذكية بإنشاء قاعدة بيانات كاملة بالعقارات والأراضي في مصر … تتضمن موقع كل قطعة ارض أو عقار ومساحتها واسم مالكها وتصنيفها وشروط استغلالها وقيمتها الضريبية ورقم مميز لها … ويتم اصدار سند ملكية واحد غير قابل للتزوير أو التعديل لكل قطعة أرض أو عقار يسلم لصاحبه ولا يتم إجراء أي معاملة على العقار من بيع أو تأجير أو تنازل بدون وجود هذا السند … وعندما يجرى أي تعديل على المعلومات الموجودة في قاعدة البيانات مثل نقل ملكية الأرض أو تقسيمها أو تغيير تصنيفها يصدر سند ملكية جديد يتضمن المعلومات المحدّثة بموافقة المالك فقط ؟

الحق يقال ان هذا الاقتراح لا أنسبه لنفسى بل طرحه احد المواطنين المصريين ( احمد سيف ) فى احد المواقع الالكترونية المصرية ( محاورات المصريين ) وبالصدفة وقعت عينى عليه ونال اعجابى خاصة اننا فى عصر المعلومات والحاسوب ، فالفضل الاول يرجع له ، خاصة بعد فشل الآلية القائمة للتسجيل العقارى الموجودة حاليا والتى تسمح لكل من هب ودب بتسجيل ما يدعيه فى غياب صاحب الحق ، ووجدت انه من العيب تجاهله خاصة انه حلا مناسبا لحفظ الحقوق وتقليل المنازعات ، والتصدى لمافيا الاستيلاء على العقارات والاراضى ، ووسيلة ناجحة لمنع الاستيلاء على الحقوق بالبلطجة واستغلال النفوذ ، وسيكون وسيلة أيضا للحكومة للاستفادة ماديا من الملاك الذين سيقومون بتسجيل املاكهم الخاصة بطريقة عصرية وغير مكلفة تجنبهم مرمطة المحاكم ونزاعات وخلافات احيانا يفقد فيها الانسان كرامته ووقته وتهدد حياته وامنه واستقراره ، فالدولة عليها عبء حفظ حقوق مواطنيها لا تركهم يلهثون وراءها كمن يلهلث وراء سراب .. عليها تطوير انظمتها ومؤسساتها مادامت ارتضت لنفسها ان تظل جاثمة على صدورنا على مدى عقود طويلة دون ان تقوم بواجباتها ومسؤولياتها تجاه مواطنيها … ام ان الدولة لها مصلحة فى دفع الناس الى تطبيق قانون اخر ( ما أخذ بالقوة لا يسترد الا بالقوة ) وتحويل مصر الى غابة وفوضى المستفيد الاول منها هم اللصوص ؟

هذا الاقتراح سينسف كل سندات الملكية المزورة التى تستخدم بيد اللصوص التى تباع فى الاكشاك والمكتبات ، وستجعل المصدر الوحيد للقضاء للحصول على تلك السندات هو اجهزة الدولة ، والمتصرف الوحيد هو المالك الحقيقى الذى له الحق فى البيع والشراء او تغيير البيانات ..أليس هذا أفضل من توهة المحاكم وتحريات الشرطة التى لا وقت لديها للبحث والتحرى بضمير بعد ان تفرغت لملاحقة معارضى النظام ، وسيوفر الجهد والوقت على القضاة لحسم الامور فى تلك القضايا وارجاع الحق لاصحابه ، وبالتالى عودة الهيبة للقضاء وتحقيق العدالة فى هذا المجال ؟ ام اننا تعودنا على الاستمتاع بمرمطة المواطن وسحله فى أروقة المحاكم وعلى عتبات مكاتب المحامين ووكلاء النيابة ، وابتزازه ماديا ومعنويا ؟

وفاء اسماعيل

http://saveegyptfront.org/selected-articles/15431.html

[ذهبية]

بجد انا تالمت جدا من اللى حصلك ربنا يكون فى عونك و يصبرك و يعوضك على كل اللى شوفتة

استعوض الله فيها دة مش ضعف و لا استسلام لكن علشان تعرف تعيش و لا تحس احساس بقلة الحيلةوالظلم اللى ممكن يصيبك باى مرض

صحتك اغلى من اموال الدنيا

انت اللى بتجيب لفلوس و انت اللى بتصرفها انساها و شيلها من حساباتك

و اوع تفتكر ان الخالق مش هيعوضك على الى شوفتة

صدقنى ممكن كانت الشقة دى كانت شر ليك و هى كدة الان و ربنا بيبعده عنك

مش باقولك سيب حقك و لا استسلم لا

باقولك متفكرش فيها ولا تكون سبب فى حزنك و تعاستك

صدقنى ان فرج الله قريب و ااقرب مماتتخيل

اعانك الله و عوضك بالاحسن منها

الالالالالالالالالالالالا طبعا يعنى ايه يستعوض ربنا فيها ؟

هو لاقيها ببلاش او كسبها فى اللبان ؟

اسف يا ذهبية ولكن اعتقد ان ده عبارة عن سلبية وهى دى اللى مودية البلد فى دهية وتركناها للحرامية والنصابين يمرحوا فيها

الناس المحترمين بيتنازلوا عن حقهم واملاكهم بكل سهولة بحجة عدم البهدلة وانا ابن ناس ومش هازل للمستوى ده وخلافه

كلمة امشى بيها وهى من مات دون ماله فهو شهيد

صدقنى اخى لا يوجد اشرف من انك تدافع عن مالك وحقك مهما حدث

حل اخير هاديهولك ورزقى على الله بس ما تطلبش انى اساعدك فيه

فيه ناس فى مصر شغلتها كده دلوقتى ايه بقى شغلتها ؟

حد كاتب شيك ليك ومش عارف تاخد فلوسك ؟

حد اخد منك ارض او شقة بنفس اللى حصل معاك

وغيره وغيره

انت هاتروح ليهم هيقيموا الشقة نفترض مثلا 500 الف جنيه هم هيقولوا لك نشتريها ب 300 الف بس ومالكش دعوة بالباقى

هتبيع ليهم الشقة وهم عندهم سككهم فى اخراج الراجل ده منها وبيعها مرة اخرى

على فكرة هذه المكاتب اصبحت موجودة فى مصر وقانونية ولها تراخيص كمان ومعظم اصحابها لواءات وظباط شرطة وجيش سابقين عارفين سكك وطرق المجرمين والبلطجية وشبكة علاقات قوية مع الشرطة ايضا

طبعا انا مش مع الاستسلام و لا مع انى اتقهر و احس بالضعف و قلة الحيلةلة فيؤدى دة الى انى امرض

انا و انا بقرا مشكلتة و الله ضغطى على و تعبت جدا علشانة فتخيل حضرتك هو يكون حالة اية و هو حاطط تعب عمرة و شقاة كلة فيه

ا انا مع انة يحارب على حقة لكن احط فى دماغى انى لو معرفتش احصل علية دة مياثرش على حياتى و وتوقف حياتى انى صاحى نايم قايم مش بافكر الا ف المووضع دة وحياتى كلها تتوقف

لازم يجرى ورا حقة و لازم برضة يمارس حياتة

ويكمل حياتة بدون الاحساس بالظلم لان مجرد الاحساس دة ممكن يدمر نفسية اى بنى ادام

[أسد]

الموضوع مؤسف بحق ..

تتم تلك النوعية من الجرائم بشكل متكرر في مصر .. تكثر أو تقل في بعض المناطق حسب الظروف ...

ودائماً ما تحدث تلك المشكلات بمعاونة محامي فاسد ..

مجرم بطبيعته ...

موضوع إجرام بعض المحامين يمكن عمل عدد من الموضوعات المستقلة خاصة عنه .. وهذه مشكلة كبيرة في مصر ...

لكن ما أثار دهشتي ..

هو أن أغلب الآراء اتجهت إلى حل يبدو أنه في مصر منطقي وموضوعي .. وحل عادي وطبيعي يتم بمنتهى البساطة ..

عدد من لاردود احتوت على إقتراح ..

هات لك شوية بلطجية يخرجوه بالقوة ..

سؤالي إللي مش عارف أجاوب عليه ..

هو لو أي حد إحتاج شوية بلطجية ... يعمل إيه ؟؟؟؟

يعني يروح فين يجيب البلطجية دول ؟؟؟

وما هي العهود التي تتم مع البلطجية ؟؟

وكيف يأمن المرء على نفسه من هؤلاء البلطجية أنفسهم ؟؟؟

وكيف يكمل بقية حياته ؟؟؟ في أمن وأمان ؟؟

كيف يتعامل معهم مادياً ؟؟؟

كيف يحسب حساب العواقب التي قد تنتج عن هذا ؟؟

كيف يواجه أبناؤه وأسرته بعدما استعان يوماً بمجرم ؟؟؟ أو إستأجر بلطجي ؟؟؟

كيف يوجه إبنه للسلوك القويم ؟؟؟؟؟

هل سيكون محتاج أن يعلم إبنه السلوك القويم ؟؟؟؟

الحقيقة .. أنا لم أفاجأ بالقصة .. فقد سمعت أنها حدثت وتحدث ...

ولكن لكل موضوع وقضية خلفياتها ....

لا تأتي من فراغ ...

غالباً ..

ولكني صدمت صدمة كبيرة بتلك الآراء المؤيدة لموضوع استئجار البلطجية دي !!!!!!!!

حقيقي .. لم أستطع إستيعابها ..

يمكن أنا إللي مش فاهم .. ولا عارف حاجة ..

يمكن أنا إللي غلط ....؟؟؟؟؟؟

لكني مش مقتنع .. ومصدوم !!!