أسئلة محيرة في العودة

[أستاذ العربي]

السلام عليكم

سؤال أتمنى له إجابة منكم أيها الأعضاء الكرام ؟

هل الفقر في الوطن غربة ؟؟

كلما فكرت أن أعود أسمع الجملة الشهيرة السابقة ,وأن وضع البلد لا يمكن تستطيع العيش فيه ؟؟

لكن ياجماعة إحنا مسيرنا راجعين عاجلاً أو آجلاً ....

طيب نرجع من الآن ونكون علاقتنا تاني بالناس بعد انقطاعها .. أهو لسه الناس فكرنا شوية ؟؟؟

العلاقات الاجتماعية اللي انقطعت أو على وشك الانقطاع

الأموال التي لا يمكن أن تحقق بها استقرار لو بعد حين

مأساة ( شهادة الثانوية العامة لأبنائنا التي أصبح لا قيمة لها من خارج مصر ) ؟؟؟

حد عنده حلول ؟؟

[أبوعمار]

الغربة لها تمن

وأي وضع فيه مميزات وعيوب

ممكن اللي يرضيك ويقنعك انت ... ما يرضيش ناس تانيين ... والعكس صحيح

يعني أعرف ناس في مصر عندها فرصة تسافر وما بترضاش

طبعا النسبة دي ضئيلة

وبتكون للي مستريح نوع ما ماديا ونفسيا

وأعرف ناس هنا مبسوطة 24 قيراط ومش عايزين يرجعوا مصر خالص

ده لو الموضوع بايديهم يعني

كل واحد ظروفه مختلفة عن التاني

فيه ناس متغربة وبتقدر توفر مبلغ محترم كل سنة وناس ما بتقدرش

وناس ما بتقدرش

فيه ناس علاقتهم باللي في مصر ما تفرقش معاهم

وناس الغربة تاعباهم وشوقهم لأهلهم وناسهم كبير

فيه ناس بتقدر تحافظ على خيوط الود اللي بتربطهم باصحابهم وحبايبهم

وناس الغربة بتلهيهم وخلت الناس نسيوهم

من رأيي كل أسرة ظروفها الاجتماعية حتى مختلفة

يعني القرار والحلول محتاجة كل أفراد الأسرة يفكروا كويس

ويوزنوها صح

يكملوا .... ولا يرجعوا؟

ولو هايرجعوا ... يرجعوا بعد كام سنة؟

كل ده محتاج تفكير طويل

وفي النهاية احنا مش عارفين تدابير ربنا سبحانه وتعالى

[raouf]

السلام عليكم

ممكن اوضح حاجة ليك يا ابو عمار اللى عايشين هنا ومبسوطين عددهم قليل وانا ولله الحمد منهم عارف ليه مبسوط وازاى تحب العيشة فى البلد اللى انت فيها سواء سعودية او الامارات او قطر او الكويت او الجزائر او حتى موريتانيا اولا لا تجعل همك الادخار فكده انت هاتدمر حياتك بمعنى لو انت فى مصر هيكون راتبك 3000 - 4000 جم هاتوفر منهم لا شىء وفى المقابل عايش عيشة انا باعتبرها سيئة من وجهة نظرى جو غير صحى وغير اخلاقى من رشاوى وغيره المهم انا باعمل ايه ؟ انا اشاهد فقط الايجابيات واقنع نفسى بيها واتلافى السلبات حتى اعيش براحة فى المكان اللى انا فيه مثال انا ولله الحمد فى السعودية طبعا كل الناس تقولك دى خنقة ومافيش مكان تعرف تخرج فيه واولادك مش بيتعلموا تعليم قوى والجو سىء ومشاكل الكفيل وغيره من السلبات التى تقال عن المملكة انا بانظر للايجابيات وهى : حياة مترفة بمعنى كل اللى نفسى فيه انا وعيلتى باجيبه سواء لبس اكل فسح وسفريات كمان بتركب احسن سيارة مثال بتمارس رياضتك المفضله باتعامل بدون رشاوى ولا محسوبية قريب من المسجد النبوى والمسجد الحرام يعنى تقدر تعمل عمرة او 2 سنويا ده غير الحج لو حبيت بتعيش فى شقة جيد عادة هاتكون احسن من شقتك فى مصر وتقدر تغير الشقة كل 6 اشهر كمان طيب السلبيات الموجودة اتغلبت عليها مثلا التعليم دخلت اولدى مدارس اجنبية مستواها اعلى من التى فى مصر بكثييير وبالتالى النقطة السلبية اتقلبت ايابية ازاى ؟ انى لا زم اكمل هنا علشان تعليم الاولاد ناس تقول لك خنقة قلبتها ايجابى ازاى ؟ عايش فى مجتمع محافظ باخرج اولادى كثير بانتهز اى اجازة واسفرهم برهاو حتى مدينة اخرى فى المملكة لتغيير الجو وغيره مشاكل الكفيل خلى علقتك جيدة مع كفيلك او اختار كفيل شركة كبيرة يكون لها سيستم محترم وصدقنى عمرك ما هاتواجه مشاكل وهكذا اى نقطة سلبية صدقنى تستطيع ان تحولها الى نقطة ايجابية فقط عن طريق ان تغير تفكيرك مش من اول يوم تيجى تقول هاترجع مصر امتى اعمل ليومك هنا وعيش حياتك هنا مين اللى قال اننا ممكن نعيش لحد ما نرجع ؟ اكيد مشاكل الغربة والبعد عن الحل ليها حل ليه تاخد اجازة شهر كل سنة ؟ خد اسبوع كل 3 شهور شوف اهلك وارجع او 15 يوم كل 6 شهور صدقنى كل السلبيات تستطيع التغلب عليها فقط اذا غيرت تفكيرك من تفكير معظم المصريين وهو عييش هنا اى عيشة وابقى اتمتع لما ترجع مصر صدقنى عمرى ما شفت حد عاش هنا وعرف يتمتع لما يرجع مصر لذا نصيحتى جرب وفقط جرب لمدة 3-4 اشهر انك تصرف مثلا 80% من مرتبك على نفسك فى الغربة وعيش فى شقة كويسة واركب سيارة مريحة جيدة وهات لاولادك كل اللى عايزينه وشوف شكل حياتك واحساسك هيبقى عامل ازاى صدقنى بعدها هايكون غرضك من النزول الى مصر فقط رؤية الاهل والاقارب انا اتعلمت الكلام ده وطبقته من الاوربىيين اللى شغالين معايا شوف تركوا كل المباهج اللى بنجرى وراها وجه عاش نا صدقنى معظمهم تعدى 20 سنة فى المملكة ولا يتمنى العوده لبلده شوف الفلبينين ومعظمهم فنين ورواتبهم نصف رواتبنا شوف لبسهم وعيشتهم وشققهم وشوف مديرينهم المصرين معظمهم تتكسف تقول عليه دكتور ولا مهندس والفلبينى ده شغال تحته بربع راتبه او اقل كمان الخلاصة : متع نفسك متع اهلك لا تؤمن بموضوع عيش اى عيشة هنا وتحوش الفلوس لما ترجع مصر عمرك ما هاتحس بالغربة

طبعا الكلام مش موجه ليك يا ابو عمار ولاى من الاخوان ولكن هدا خلاصة تجربتى والشخصية

[herohero]

السلام عليكم ممكن اوضح حاجة ليك يا ابو عمار اللى عايشين هنا ومبسوطين عددهم قليل وانا ولله الحمد منهم عارف ليه مبسوط وازاى تحب العيشة فى البلد اللى انت فيها سواء سعودية او الامارات او قطر او الكويت او الجزائر او حتى موريتانيا اولا لا تجعل همك الادخار فكده انت هاتدمر حياتك بمعنى لو انت فى مصر هيكون راتبك 3000 - 4000 جم هاتوفر منهم لا شىء وفى المقابل عايش عيشة انا باعتبرها سيئة من وجهة نظرى جو غير صحى وغير اخلاقى من رشاوى وغيره المهم انا باعمل ايه ؟ انا اشاهد فقط الايجابيات واقنع نفسى بيها واتلافى السلبات حتى اعيش براحة فى المكان اللى انا فيه مثال انا ولله الحمد فى السعودية طبعا كل الناس تقولك دى خنقة ومافيش مكان تعرف تخرج فيه واولادك مش بيتعلموا تعليم قوى والجو سىء ومشاكل الكفيل وغيره من السلبات التى تقال عن المملكة انا بانظر للايجابيات وهى : حياة مترفة بمعنى كل اللى نفسى فيه انا وعيلتى باجيبه سواء لبس اكل فسح وسفريات كمان بتركب احسن سيارة مثال بتمارس رياضتك المفضله باتعامل بدون رشاوى ولا محسوبية قريب من المسجد النبوى والمسجد الحرام يعنى تقدر تعمل عمرة او 2 سنويا ده غير الحج لو حبيت بتعيش فى شقة جيد عادة هاتكون احسن من شقتك فى مصر وتقدر تغير الشقة كل 6 اشهر كمان طيب السلبيات الموجودة اتغلبت عليها مثلا التعليم دخلت اولدى مدارس اجنبية مستواها اعلى من التى فى مصر بكثييير وبالتالى النقطة السلبية اتقلبت ايابية ازاى ؟ انى لا زم اكمل هنا علشان تعليم الاولاد ناس تقول لك خنقة قلبتها ايجابى ازاى ؟ عايش فى مجتمع محافظ باخرج اولادى كثير بانتهز اى اجازة واسفرهم برهاو حتى مدينة اخرى فى المملكة لتغيير الجو وغيره مشاكل الكفيل خلى علقتك جيدة مع كفيلك او اختار كفيل شركة كبيرة يكون لها سيستم محترم وصدقنى عمرك ما هاتواجه مشاكل وهكذا اى نقطة سلبية صدقنى تستطيع ان تحولها الى نقطة ايجابية فقط عن طريق ان تغير تفكيرك مش من اول يوم تيجى تقول هاترجع مصر امتى اعمل ليومك هنا وعيش حياتك هنا مين اللى قال اننا ممكن نعيش لحد ما نرجع ؟ اكيد مشاكل الغربة والبعد عن الحل ليها حل ليه تاخد اجازة شهر كل سنة ؟ خد اسبوع كل 3 شهور شوف اهلك وارجع او 15 يوم كل 6 شهور صدقنى كل السلبيات تستطيع التغلب عليها فقط اذا غيرت تفكيرك من تفكير معظم المصريين وهو عييش هنا اى عيشة وابقى اتمتع لما ترجع مصر صدقنى عمرى ما شفت حد عاش هنا وعرف يتمتع لما يرجع مصر لذا نصيحتى جرب وفقط جرب لمدة 3-4 اشهر انك تصرف مثلا 80% من مرتبك على نفسك فى الغربة وعيش فى شقة كويسة واركب سيارة مريحة جيدة وهات لاولادك كل اللى عايزينه وشوف شكل حياتك واحساسك هيبقى عامل ازاى صدقنى بعدها هايكون غرضك من النزول الى مصر فقط رؤية الاهل والاقارب انا اتعلمت الكلام ده وطبقته من الاوربىيين اللى شغالين معايا شوف تركوا كل المباهج اللى بنجرى وراها وجه عاش نا صدقنى معظمهم تعدى 20 سنة فى المملكة ولا يتمنى العوده لبلده شوف الفلبينين ومعظمهم فنين ورواتبهم نصف رواتبنا شوف لبسهم وعيشتهم وشققهم وشوف مديرينهم المصرين معظمهم تتكسف تقول عليه دكتور ولا مهندس والفلبينى ده شغال تحته بربع راتبه او اقل كمان الخلاصة : متع نفسك متع اهلك لا تؤمن بموضوع عيش اى عيشة هنا وتحوش الفلوس لما ترجع مصر عمرك ما هاتحس بالغربة طبعا الكلام مش موجه ليك يا ابو عمار ولاى من الاخوان ولكن هدا خلاصة تجربتى والشخصية

صح لسانك والله ده اكبر مشكلة فينا كمصريين بنعقد الامور عيش واتمتع وكل واحد حسب ظروفه الغربة وحشه طب ما انت مختارها بمزاجك مش منفي ليها انزل مصر مصر معبه طب نعمل ايه ؟؟؟؟ ليه بنعقد الامور مانشوف الفلبينيين عيال زي العسل بيعيشوا صح وظروفهم هنا وف مصر مش احسن مننا انما احنا اتعودنا نشيل الهم والنتيجه لا بنتمتع هنا ولا ف مصر شوف اللبنانيين مظبطين امورهم انت عايشس هنا يبقى تعيش صح ف حدود امكانياتك محدش ضامن عمره ياما ناس عقدت الامور وحوشت كتير ومالحقتش تتمتع بلاش التفكير اللي بيجيبنا ورا وبيشيلنا الهم بدري

[السعيد السعيد]

اخي العزيز : أجابتك عندي أنا واحد من الناس سافرت السعودية وانا عندي 28 عاماً وسافرت على راتب 1200 جنية وكنت شغال في قطاع عام بمصر بـ 100 جنية وجلست في السعودية 17 عاما كان الكفيل بيزود في والراتب كل خمس سنوات 150 فقط ولما تحب تمشى يقولك مع السلامة ملكشى شهادات خبرة ولامكافآت عندي ولو اشتكته في مكتب العمل كان يقولك وماله ثانى يوم يجيب واحد مكانك ويجلسك في البيت بدون راتب وموت يامعلم من الجوع أو اشحت في الشوارع لحد مامكتب العمل يحكم لك.. ويدوب كل الى عملته شقة واتجوزت ونزلت عشان استقر في مدرس وقولت طالما في السعودية مابعملشي حاجة .. اشتغل في مصر .. وكانت الفاجعة كل ما اشتغل في حته يتكلم عن السن يقولك السن كبير 45 كبير ولماوجت شغل وجته 600 جنية وقولت مش مشكلة ارجع اسافر دو ل الخليج ثاني وجدت نفس المشكلة السن لايزيد عن 35 عاماً وفي الاخر واحد معرفة ارسل لي عقد .. وندمت على نزولي مصر من غير مايكون معي مشروعي الى هاعيش منه.. ماتنزلشي الاالما تكون عامل حسابك على مشروع تعيش منه.

[أستاذ العربي]

السلام عليكم

أشكر للجميع تفاعلهم ، بالنسبة للأستاذ أبو عمار أوافقك الرأي أن مسألة العودة مسألةخاصة لا يمكن تعميم الحكم على الناس ( المتغربة) جميعاوكل إنسان له ظروفه الخاصة .

بالنسبة للأخ Rouf وجهة نظرك في محلها جداً وكان فيه مقال للغزالي رائع في هذه الفلسفة في الحياة في مقال ( عش في حدود يومك ) ضمن كتابه الرائع جدد حياتك أنصح الجميع بقراءته ففو كتاب من الكتب القيمة وفيه فكر عال.

بصراحة رغم المآسي التي أسمعها عن مصر وصعوبة الحياة فيها لكن أتذكر قول الشاعر

بلادي وإن جارت علي عزيزة ... وأهلي وإن ضنوا علي كرام

والحقيقة سواء أنت في مصر أو في الصين عش يومك .. بالأمل والتفاؤل ، ولا تغتم لمستقبل فإنه ليس ملكك

الأمور كل يوم في تغيير ومهما استطعت تدبير المستقبل فإن إرادة الله في تصريف الأمور هي الأبقى وهي الأمر الوحيد الذي نتأكد منه

وإذا نظرنا لحالنا قبل السفر أو إلى ماضينا القريب نقول سبحان من دبر الأمور لنكون كذلك .

وللحديث بقية ...

[Mohamed Badry]

احب اقولكم يا جماعة و بكل صراحة للأسف

مفيش فايدة