وقفة احتجاجية لمرشح بالبرلمان لحصوله على صفر رغم تصويته لنفسه

[أبوعمار]

اقرؤوا معايا آخر نكتة

وقفة احتجاجية لمرشح بالبرلمان لحصوله على صفر رغم تصويته لنفسه

قام عزت بدوى، مدير تحرير جريدة "المصور"، المرشح لعضوية مجلس الشعب عن دائرة المطرية وعين شمس "فئات"، وعدد من أنصاره بوقفة احتجاجية أمام نقابة الصحفيين، أمس، احتجاجا منه على ما وصفه بـ"تزوير" الانتخابات لصالح ميمى العمدة، مرشح الحزب الوطنى على المقعد نفسه.

ونقلت صحيفة "المصري اليوم" عن بدوى قوله، بعد حصوله على "صفر" فى عدد الأصوات، إنه لا يعقل ألا يحصل على أى صوت حتى المندوبين التابعين له، مضيفا: "تابع المندوبون التابعون لى الصناديق منذ لحظة خروجها من اللجان، وحتى وصولها إلى مقر الفرز بنادى المطرية، ولكننا فوجئنا بوصول عدد من الصناديق فى الواحدة والنصف بعد منتصف الليل، وحينما سألنا عنها قالوا إن هناك زحاما فى الطرق أعاق وصولها".

وتابع: "بالطبع كانت كل هذه الصناديق بها بطاقات مسودة لصالح ميمى العمدة مرشح الحزب الوطنى".

وأكد بدوى أنه تقدم بأكثر من شكوى للجنة العليا للانتخابات، وذلك للطعن على التزوير فى الانتخابات، مستنكرا تجاهل اللجنة شكواه، قائلا إنه لم يحصل على أى رد، ولم يتم أى تحقيق فى الشكاوى التى تقدم بها.

ورفع عشرات المتظاهرين لافتات استنكروا فيها "تزوير الانتخابات" والتجاوزات التى وقعت أثناء العملية الانتخابية، أبرزها "تسويد البطاقات" وأعمال البلطجة والعنف.

ورددوا هتافات تطالب الرئيس مبارك بالتدخل لوقف التزوير الذى شهدته العملية الانتخابية الحالية

مش عارف ليه بتوع الحزن الوطني ازاي يعدي عليهم الموضوع ده؟

دي ناس مشهورة بالشفاااااااااااااااااافية :P

تفتكروا مش ده خلاه اتشهر أكتر من لو كان نجح

[doha]

المشكلة ان الصفر ده لا يثبت شييء لانه ممكن جدا ميكونش صوت لنفسه عمدا ووصى الاثنين ثلاثه المندوبين بتوعه ميصوتوش عشان يعمل ( التصييح ) ده ..

اذكر مرة في احد الدورات الانتخابيه ترشح عن مدينة طنطا واحد مغمور جدا ومش معروف على مستوى العمل البرلماني لكنه معروف كتاجر غني في المنطقة .. كلمه سمعتها عنه من ناس كتير وهي انه مش مترشح الدورة دي عشان يفوز وانما عشان ( يتعرف ) .. نفس الشيء حصل بالنسبة لشوبير على مااذكر اول مرة ترشح فيها سقط وثاني مرة اخذها باكتساح ..

هو تقريبا بيبقى سيناريو معروف للمرشحين انه اول مرة بيترشح وبينفق مبالغ باهضة مش الهدف منها انه يفوز بقدر مايعرف نفسه بالناخبين .. الدورة الي بعدها بقى بيصرف مبالغ اكبر وبيكون داخل عشان يفوز بجد وساعاتها الناس ممكن جدا تنتخبه لان بكل اسف عقلية رجل الشارع في مصر غريبة جدا لما يجي ينتخب .. عمره مابينتخب حد مغمور مش عامل دعاية كافية والادهى انه بيروح ينتخب وعلى لسانه كلمه بسمعها من كل الناس قبل الانتخابات .. فلان هو الي هياخذها .. عرفوا منين ؟؟ من كثافة الدعايا الانتخابيه الي بتوحي للناس ان مهما عملتم احنا واخدينها واخدينها فان فات عليك الغصب خليه بجميله وانتخبونا احنا بالذات ..

اعتقد ان الي المرشح بتاع الصفر ده عمله لو كان هو الي عامله فعلا فتبقى حركه ملعوبه منه انه عمل لنفسه دعاية كويسه تخلي اسمه يتردد في الاوساط البرلمانية ومع اخبار الانتخابات بمبلغ زهيد وفكرة جديده .. الله اعلم الحقيقة فين ..

[خالد شحاته]

والله امس في قناة المحور كان جايبن مني مكرم عبيد وعزت دارح مني مكرم عبيد عن القليوبيه انما عزت دراج كان حزب وطني عن العمال وامس بيقول ان فيه تزوير في الانتخابات من مرشح الفئات ضده وفي نفس الوقت لما مرشح الحزب يقول ان في تزيو امال المعارضه تقول ايه اصلا المعارضه كلها من احزاب واخران اكبر غلطه انهم دخلو الانتخابات كانو تركوه برلمان بلا معارضه علشان كل الا هما عايزه يعملوه من قاونين

[ذهبية]

والله انا باستغرب جداا على الاشخاص اللى بيطلعوا يقولوا فية تزوير يعنى هما اكتشفوا الجديد ولا جابوا خبر جديد

ما طول عمر الانتخابات بتتزور فى مصر خاصة و فية رفض تام لوجود رقابة داخلية او خارجية لان احنا عارفين لية

طيب الجديد يعنى من الضجة الاعلامية اللى بنشوفها كل يوم فى الاذاعة و التليفزيون

تزوير تزوير

سيناريو قديم ومحفوظ و لا يوجد فية جديد

[Ahmed Anwer]

يا ريت نطبق النظام الانتخابي بتاع انجلترا

عندهم نظام جميل جدا ،،

لو أديت صوتك لمرشح

صوتك يروح للمرشح ده ،،