عاجل: مفاضلة بين عرضين للسفر, الى العين ام الى الرياض

[mohamed abd el hamid]

السلام عليكم ورحمة الله وبركاته

هذا هو اول موضوع اطرحه على هذا المنتدى الاكثر من رائع

انا اخوكم فى الله : محمد عبد الحميد ..... مهندس مدنى & دفعه 2010

تقدمت على الانترنت الى اكتر من فرصه عمل ..... والحمد لله حصل على عرضين ... ولكن لعدم توافر خبره سابقة لدى فى دول الخليج وظروف المعيشه هناك ... لم استطع ان احكم على اى منهما بالقبول او بالرفض .......... لذلك اسأل كل من لديه الحنكه الخليجية بأن يفيدنى بما لديه من معلومات ووجهه نظره الشخصيه كما لو كان مكانى

نبدأ بالعرض الممتع ......... عرض الامارات:

-- مدينة العين

-- مكتب تصميم واشراف هندسى

-- الراتب الاجمالى 4000 درهم شامل السكن

-- الانتقالات بسياره تابعه للمكتب لحين استخراج رخصة قياده من الامارات واستلام سياره خاصة

-- تذاكر طيران

-- استقدام بعد 3 اشهر

والى العرض المغرى .......... عرض المملكة:

-- مدينة الرياض

-- مكتب تصميم واشراف

-- الراتب الاساسى 4000 ريال

-- بدل سكن عبارة عن راتب شهرين

-- سيارة خاصة

-- تذاكر طيران

-- تأمين صحى

-- استقدام بعد 3 اشهر

انا فى حيرة من امرى .... ولا اعلم ايهما افضل ....................... بالله عليكم سرعه الرد لان الموضوع عاجل جدا.. فيجب ان اقرر فى خلال يومين على اكثر تقدير ........................!!!!!!!!!!؟؟؟؟؟؟؟؟؟؟

واسف جدا للاطالة

والسلام عليكم

[se_ Elsyed]

الأخ الفاضل

بهذا المنظر سوف لا تجد أي مساعدة .. وسوف تضطر الإدارة للتدخل لتحجيم إنتشارك في كل موضوعات المنتدى وكإن فيروس ضرب فجأة في جميع موضوعات باب المغتربين .. وكلمداخلاتك تدور حول شيء واحد فقط وهو تكرارك للسؤال عن فرصة عمل جاءت لك بالسعودية ...

نرجو منك مراعاة الأمور التنظيمية وتجميع كل تساؤلاتك في موضوع واحد وعدم تكرارها في أي موضوع أخر .

[mohamed abd el hamid]

الأخ الفاضل

بهذا المنظر سوف لا تجد أي مساعدة .. وسوف تضطر الإدارة للتدخل لتحجيم إنتشارك في كل موضوعات المنتدى وكإن فيروس ضرب فجأة في جميع موضوعات باب المغتربين .. وكلمداخلاتك تدور حول شيء واحد فقط وهو تكرارك للسؤال عن فرصة عمل جاءت لك بالسعودية ...

نرجو منك مراعاة الأمور التنظيمية وتجميع كل تساؤلاتك في موضوع واحد وعدم تكرارها في أي موضوع أخر .

اخى العزيز : انا اسف على الازعاج الذى تسببت به .... ولكن حيث انى جديد بالمنتدى ولم اكن اعلم كيف اقوم بفتح موضوع جديد .....اعذرنى بالله عليك ........... واعتبر هذا الموضوع هو مجال الرد على هذه التساؤلات

وشكرا

[saleh hasan]

سلام عليكم يا باشمهندس

اولا ربنا يوفقك يارب

العرض الاول انا شايف انه سئ جدا

لان السكن في الامارات غالي

غير كده 4000 شامله السكن

كده قليل اوي

العرض التاني افضل بالنسبه لك كتير

لو تقدر تطلب بدل سكن يبقي 3 شهور في حالة لو حضرتك متزوج وهتجيب العائله يكون افضل

لو لوحدك يبقي كده كويس

وبالتوفيييق

[mohamed abd el hamid]

سلام عليكم يا باشمهندس

اولا ربنا يوفقك يارب

اللهم آمين يارب العالمين , و شكراا اخى الكريم على الاستجابة

العرض الاول انا شايف انه سئ جدا

لان السكن في الامارات غالي

غير كده 4000 شامله السكن

كده قليل اوي

بص هو قالى ان السكن ممكن يتكلف 500 درهم .... وهايكون سكن شيرنج مع مهندسين تانيين ... كده كويس ولا ايه؟؟؟

العرض التاني افضل بالنسبه لك كتير

لو تقدر تطلب بدل سكن يبقي 3 شهور في حالة لو حضرتك متزوج وهتجيب العائله يكون افضل

لو لوحدك يبقي كده كويس

وبالتوفيييق

هو فعلا بدل السكن فى حالة الاستقدام هايكون 3 اشهر

--- بس فى حاجه مهمة خالص ... الا وهى .. التعامل فى السعودية وقصه الكفيل فى السعودية .. اسمع انها مهزلة انسانيه ... والوضع هذا مختلف تماماا فى الامارات ........... فهل فرق التوفير فى الفلوس بين العرضين يمكن التغاضى عنه فى سبيل تعامل آدمى .. ام ماذا...!!!!

[herohero]

الامارات غاليه بالمبلغ ده مش هتقدر تعيش عادي مش توفر

والكفيل ف السعوديه لو شركة محترمة خلاص

انت دفعة 2010 محتاج خبرة فلازم تتعب وتستحمل

يعني 2010 لسه محتاج تاخد من الشغل مش هتديه بسهولة فالحكاية محتاجه مجهود

وعموما لو ف مصر هتتعب اكتر بكتير

انما ف الخليج لو شركة كويسة هتبقى خبرة ممتازة ولو احتكيت بشخصيات غير عربية يبقى اللغه كمان هتتحسن ودماغك هيتعاد ترتيبها

وزي ما قولت لك ف بدايةى حياتك ما ينفعش تبقى خطواتك محدوده لازم تجرب

الامارات مرتبها بسيط مع تكاليف المعيشه هناك

تم تعديل 5 ديسمبر 2010 بواسطة herohero

[saleh hasan]

سلام عليكم يا باشمهندس

اولا ربنا يوفقك يارب

اللهم آمين يارب العالمين , و شكراا اخى الكريم على الاستجابة

العرض الاول انا شايف انه سئ جدا

لان السكن في الامارات غالي

غير كده 4000 شامله السكن

كده قليل اوي

بص هو قالى ان السكن ممكن يتكلف 500 درهم .... وهايكون سكن شيرنج مع مهندسين تانيين ... كده كويس ولا ايه؟؟؟

العرض التاني افضل بالنسبه لك كتير

لو تقدر تطلب بدل سكن يبقي 3 شهور في حالة لو حضرتك متزوج وهتجيب العائله يكون افضل

لو لوحدك يبقي كده كويس

وبالتوفيييق

هو فعلا بدل السكن فى حالة الاستقدام هايكون 3 اشهر

--- بس فى حاجه مهمة خالص ... الا وهى .. التعامل فى السعودية وقصه الكفيل فى السعودية .. اسمع انها مهزلة انسانيه ... والوضع هذا مختلف تماماا فى الامارات ........... فهل فرق التوفير فى الفلوس بين العرضين يمكن التغاضى عنه فى سبيل تعامل آدمى .. ام ماذا...!!!!

موضوع الكفيل مش كله سئ

لو الشركه محترمه هتلاقي تعامل محترم باذن الله

ومش هيكون في مشاكل

والتعامل السئ ممكن تلاقيه في اي مكان سواء في السعودية او الامارات او حتي في مصر

انت اللي هتفرض احترام غيرك ليك بشغلك واحترامك

انا في السعوديه والحمد لله مفيش اي مشاكل في الموضوع ده

وربنا يوفقك

[MZohairy]

نبدأ بالعرض الممتع ......... عرض الامارات:

-- مدينة العين

-- مكتب تصميم واشراف هندسى

-- الراتب الاجمالى 4000 درهم شامل السكن

-- الانتقالات بسياره تابعه للمكتب لحين استخراج رخصة قياده من الامارات واستلام سياره خاصة

-- تذاكر طيران

-- استقدام بعد 3 اشهر

ممتع ازاي يا استاذي بس من غير بدل سكن و تأمين صحي؟

و استقدام ايه اللي بعد 3 شهور؟

بعد ما تستقدمهم حضرتك عارف اقل شقه في العين بكام ايجارها السنوي؟

يعني حضرتك ممكن تدفع الاربعة الاف درهم اللي بتقبضهم شهريا في ايجار الشقه ده لو لقيت حاجه بالسعر ده

عرض سيئ جدا

بينما عرض السعوديه معقول الى حد ما بالنسبه لسنك و خبرتك

و ممكن تلاقي شقه بألف او 1500 شهريا

ربنا يوفقك

[ahmedramy]

نبدأ بالعرض الممتع ......... عرض الامارات:

-- مدينة العين

-- مكتب تصميم واشراف هندسى

-- الراتب الاجمالى 4000 درهم شامل السكن

-- الانتقالات بسياره تابعه للمكتب لحين استخراج رخصة قياده من الامارات واستلام سياره خاصة

-- تذاكر طيران

-- استقدام بعد 3 اشهر

ممتع ازاي يا استاذي بس من غير بدل سكن و تأمين صحي؟

و استقدام ايه اللي بعد 3 شهور؟

بعد ما تستقدمهم حضرتك عارف اقل شقه في العين بكام ايجارها السنوي؟

يعني حضرتك ممكن تدفع الاربعة الاف درهم اللي بتقبضهم شهريا في ايجار الشقه ده لو لقيت حاجه بالسعر ده

عرض سيئ جدا

بينما عرض السعوديه معقول الى حد ما بالنسبه لسنك و خبرتك

و ممكن تلاقي شقه بألف او 1500 شهريا

ربنا يوفقك

انا هقول اللى عندى لوجه الله

بص الامارات السيط ولا الغنى سيبك من كل اللى بتشوفو فى التلفزيون المعيشه هناك غالية جدا

انا هقولك على مميزات فى المملكه

الاهم خلى الكفيل اسم الشركه مش شخص

اطلب تطبيق قانون العمل فى عقدك ( بدل سكن لا يقل عن 3 شهور - تامين صحى لك ولاسرتك حتى 4 افراد - اجازة سنوية لمده 30 يوم مدفوعه الاجر + تذاكر طيران للقاهرة والعوده لك ولاسرتك )

دول الاساسى بعد اكده ابتدى فكر بين البدلين

على فكره ده مش خدمات زياده ده اللى بيكفله قانون العمل السعودى لغير السعودى

نصيحه لوجه لله - ابو عمر

[م تيمور المراغي]

توكل على الله وخذ عرض الرياض

وانت حديث التخرج وحتكتسب خبره ممتازه ان شاء الله في السفريه دي ,,

وحاول انك تثبت نفسك في المكتب ووقتها تقدر تطلب بزيادة مرتبك بعد 6 شهور مثلا ان شاء الله ,,

وفي نفس الوقت تقدر تشوف فرص افضل وانت في مكتبك سواء في المملكه او في مكان اخر ,,

الله يوفقك ولا تنس الاستخاره

[engmido]

نبدأ بالعرض الممتع ......... عرض الامارات:

-- مدينة العين

-- مكتب تصميم واشراف هندسى

-- الراتب الاجمالى 4000 درهم شامل السكن

-- الانتقالات بسياره تابعه للمكتب لحين استخراج رخصة قياده من الامارات واستلام سياره خاصة

-- تذاكر طيران

-- استقدام بعد 3 اشهر

ممتع ازاي يا استاذي بس من غير بدل سكن و تأمين صحي؟

و استقدام ايه اللي بعد 3 شهور؟

بعد ما تستقدمهم حضرتك عارف اقل شقه في العين بكام ايجارها السنوي؟

يعني حضرتك ممكن تدفع الاربعة الاف درهم اللي بتقبضهم شهريا في ايجار الشقه ده لو لقيت حاجه بالسعر ده

عرض سيئ جدا

بينما عرض السعوديه معقول الى حد ما بالنسبه لسنك و خبرتك

و ممكن تلاقي شقه بألف او 1500 شهريا

ربنا يوفقك

انا هقول اللى عندى لوجه الله

بص الامارات السيط ولا الغنى سيبك من كل اللى بتشوفو فى التلفزيون المعيشه هناك غالية جدا

انا هقولك على مميزات فى المملكه

الاهم خلى الكفيل اسم الشركه مش شخص

اطلب تطبيق قانون العمل فى عقدك ( بدل سكن لا يقل عن 3 شهور - تامين صحى لك ولاسرتك حتى 4 افراد - اجازة سنوية لمده 30 يوم مدفوعه الاجر + تذاكر طيران للقاهرة والعوده لك ولاسرتك )

دول الاساسى بعد اكده ابتدى فكر بين البدلين

على فكره ده مش خدمات زياده ده اللى بيكفله قانون العمل السعودى لغير السعودى

نصيحه لوجه لله - ابو عمر

الله يباركلك يابو عمر

[mohamed abd el hamid]

ماحدش برضوا رد عليا تحديدا فى وجهه نظرى الى انا قلتها ..... وهى :

هل فرق التوفير فى الفلوس بين العرضين يمكن التغاضى عنه فى سبيل تعامل آدمى .. ام ماذا...!!!!

وماحدش يقولى ان الوضع فى البلدين واحد وان التعامل السئ ممكن تلاقيه في اي مكان سواء في السعودية او الامارات او حتي في مصر ....لانه ده اكيد طبعا.... مش كل الناس حلوه ولا كل الناس وحشة .... بس فى حاجه اسمها الصفة الغالبه وثقافه البشر الى فى البلد دى ... وخاصه اهلها ...............!!!!!!!!

[mohamed abd el hamid]

ماحدش برضوا رد عليا تحديدا فى وجهه نظرى الى انا قلتها ..... وهى :

هل فرق التوفير فى الفلوس بين العرضين يمكن التغاضى عنه فى سبيل تعامل آدمى .. ام ماذا...!!!!

وماحدش يقولى ان الوضع فى البلدين واحد وان التعامل السئ ممكن تلاقيه في اي مكان سواء في السعودية او الامارات او حتي في مصر ....لانه ده اكيد طبعا.... مش كل الناس حلوه ولا كل الناس وحشة .... بس فى حاجه اسمها الصفة الغالبه وثقافه البشر الى فى البلد دى ... وخاصه اهلها ...............!!!!!!!!

[مودة ورحمة]

اعتقد عقد السعودية ماديا منطقي اكثر

لكن العيشة في الامارات اجمل لكن الراتب كدة مش حلو الا لو وفروا لك سكن

تم تعديل 18 ديسمبر 2010 بواسطة مودة ورحمة

[full moon]

شوف يا باشمهندس

اعتقد ان عرض الرياض احسن العرضين ولو اني معنديش فكرة عن المعيشة في الامارات بس بالنسبة للسعودية ممكن تعيش بالمبلغ دا وتحوش شوية دا لو انت مش متجوز

يعني اعتقد ان مصاريفك لو انت لوحدك هاتكون من 1000 الى 1500 ريال يعنى ممكن تحوش شوية وخصوصا ان فيه سيارة ولو كنت عايش في سكن مشترك ممكن توفر كويس من بدل السكن

بس المشكلة بجد لو انت متجوز اعتقد انه صعب تلاقي سكن بـ 12 ألف بس وياريت سكان الرياض يفيدونا

طبعا لو مفيش تأمين على الزوجة دي مأساة تانية يعني انت اللى هاتشيل الليلة كلها في الحمل والولادة أو حتي اي تعب عادي واعتقد ان مصاريفك لما تكون متجوز مش هاتقل عن 2500 الى 3000 لو انت متجوز ومش بتحب تضيق على نفسك يعني ادخار حوالي 12 الف بس في السنة

انت كاتب انك جاى على مكتب هندسي يا ريت لو تعرف من هايكون الكفيل المكتب ولا صاحبة؟؟ لان المكتب لو هو الكفيل في الحالة دى احتمالات المضايقة بتكون اقل لان المفروض ان نظام المكتب يمشى على الكل مش على حسب مزاج صاحبه لو كان هو الكفيل

بصراحة انا مش فاهم معنى استقدام بعد 3 شهور دي بس المهم انك تكون طالع على تأشيرة مهندس أو اي مهنة لها استقدام يعني من عامل او سائق ولازم تتاكد من موضوع المهنة هاتكون ايه في التأشيرة قبل ما توافق

بس شوف احب انك تخلي بالك انك طالع صغير وللاسف فيه مكاتب كتير هندسية بتعبر انك هاتفضل صغير على طول مهما كبرت تلاقي الزيادات اللى بتيجي في الراتب صغيرة صحيح المبلغ المعروض عليك معقول بالنسبة لواحد حديث التخرج بس انت مش هاتفضل حديث التخرج على طول بس هو بالنسبة لمستوى رواتب المهندسين صغير وممكن تشتغل كتير لحد ما تاخد زيادة او تلاقي واحد من دفعتك جاي بعد سنة او اتنين وبياخد اكتر منك بكتير مع انك قديم في المكان

وانت لو لفيت شوية في المنتدى ممكن تلاقي نصايح كتير من اخوانا ان اهم حاجة لما تيجي مسافر هي بداية الراتب لازم تكون قوية علشان تتطور بزيادات كويسة وتعيش كويس

راي انا الشخصي انه ممكن يكون احسن لو انك تصبر في مصر شوية تاخد خبرة اكتر وتطلع على عرض أحسن بس لو انت محتاج الشغل دا ضروري يبقى توكل على الله وسافر بس خلي بالك من النقط اللي ذكرناها هنا في الموضوع

وبالتوفيق

[wolfire]

[بصراحه هنا في ميزة ولاخر فيه ميزة العين ارقى بكثير ولاكن اغلى ان احببت الرفاهية بعض ما ولا يوجد فرق كبير بينها وبين الرياض توكل على وخليك في الرياض هتستفيد الخبرة اكثر في الرياض

[MZohairy]

ماحدش برضوا رد عليا تحديدا فى وجهه نظرى الى انا قلتها ..... وهى :

هل فرق التوفير فى الفلوس بين العرضين يمكن التغاضى عنه فى سبيل تعامل آدمى .. ام ماذا...!!!!

وماحدش يقولى ان الوضع فى البلدين واحد وان التعامل السئ ممكن تلاقيه في اي مكان سواء في السعودية او الامارات او حتي في مصر ....لانه ده اكيد طبعا.... مش كل الناس حلوه ولا كل الناس وحشة .... بس فى حاجه اسمها الصفة الغالبه وثقافه البشر الى فى البلد دى ... وخاصه اهلها ...............!!!!!!!!

يا استاذي الكريم

الموضوع مش الفرق في التوفير بين العرضين

لأن حضرتك في العين مرتبك مش حيكفيك لآخر الشهر لو معاك زوجتك و واخد شقه متواضعه

يعني مش موضوع تحويش

لأ ده موضوع ازاي حتقدر تكمل الشهر اكل و شرب لأن ايجار الشقه المتواضعه ممكن ياخد مرتبك كله

بتقارن ايه بإيه بس؟