أناقـة كلاسيكيــة لهــذا الموســـم

[اغابي]

الى كل امراة تبحث عن الاناقة

اليك مجموعة من التصميمات الانيقة لموسم الشتاء

:redrose:

أناقة كلاسيكية في مجموعة هذاالموسم

مجموعة أزياء لهذا الموسم ذهبت باتجاه يجعل ملابسها الهوت كوتور (الخياطة الراقية) تصلح لارتدائها في الصباح والمساء أيضا. البدلة مع البنطلون تبدو رائعة وكذلك البدلة مع التنورة، وكلاهما يصلح لارتدائه في المكتب. أما فساتين الكوكتيل فستبدو جميلة في حفلات الاستقبال والعشاء.

بالنسبة لفساتين السهرة فهي غنية بدرجات البيج والذهبي، وبعضها مزين بالترتر وقطع أخرى. لكن أجمل ما في مجموعة أرماني هو تلك المعاطف الراقية. عموما المجموعة كلها تأتي تحت عنوان الأناقة الكلاسيكية. شاهدي بعض صورها واحكمي بنفسك.

نصائح حول الأناقة من كيم كاردشيان

كيم كاردشيان التي تأتي دوما على قمة لائحة النساء الأكثر أناقة، تعطي المرأة صاحبة الجسد على شكل الساعة الرملية بعض النصائح ليبدو مظهرها جميلا.

- اذهبي إلى خياط جيد: يجب أن يكون فستانك مناسبا تماما لك، والخياط يستطيع أن يضبطه تماما على جسمك. عندما أشتري فستانا جديدا اصطحب الخياط معي للقياس أو أضع الدبابيس بنفسي في غرفة القياس وآخذ الفستان للخياط قبل أن أرتديه. تقصير حاشية الثوب قد يحدث فرقا كبيرا. هذه النصيحة لكل النساء وليست لصاحبات الانحناءات فقط.

- أكدي على خصرك: أظهري ذلك الخصر الصغير باضافة حزام يجعل المظهر أكثر ترتيبا وأناقة. الأحزمة قطع رائعة لإضافة اللمسة الأخيرة، وقد تكون محط الأنظار. اقتني حزاما يناسبك وارتديه بشكل أنيق.

- ابتعدي عن البلوزات والفساتين الفضفاضة: هي مريحة وقد تبدو أنيقة على بعض النساء النحيفات، لكنها لا تناسب الأجسام ذات الانحناءات، لأنها تجعل المرأة تبدو كالحامل.

- أحبي انحناءاتك: أن تحبي نفسك وجسمك أمر مهم جدا. لو لم تشعري بأنك مرتاحة لشكل جسدك فإن ذلك سيبدو واضحا. الناس تراك كما ترين نفسك.

إكسسوارات تملأ مكانها

اختاري الكبير دائما هو شعار أماندا أسد، المصممة التي تقدم مجموعة الإكسسوارات الثانية لها لدار منصور أسد. المجموعة رائعة فعلا استخدمت فيها عدة أساليب وخامات، فمثلا بعض الإكسسوارات تميزت بأسلوب الباروك بالزخرفة وبعضها بالأسلوب الحديث.

أما عن الخامات فاستخدمت اللآلئ التي اعتاد البعض رؤيتها في الإكسسوارات القديمة بشكل مختلف، واستخدمت أيضا السلاسل الملونة بألوان فاقعة ومضيئة. التصاميم بالمجمل عصرية جدا وتناسب من تحترم مكانة الإكسسوار في المظهر.

تم تعديل 5 ديسمبر 2010 بواسطة اغابي

[اغابي]

أحذية للأذواق المختلفة

اخترنا لك من مجموعة أحذية مختلفة تناسب كل الأعمار والأذواق. الأول أنيق جدا من الشامواه وله حلية على شكل زهور على لسان الحذاء وأخرى فضية على مقدمته المربعة.

هذا الحذاء له كعب عالٍ ذو قاعدة مربعة. أما الثاني فبوت من الجلد والشامواه له مسامير فضية على حافة النعل المرتفعة ورقعة بيضاء عليها اسم المصمم من الأمام وسحاب من الخلف. البوت بلون الموكا وله رباط من الأمام وارتفاع كعبه يبلغ 14 سم.

الحذاء الثالث من موضات هذا الموسم بشكله الرجولي وكعبه المنخفض. هذا الحذاء ذو اللون الأسود المنقط بالأبيض عليه غرز خياطة بارزة وكعبه يرتفع حوالي 2 سم فقط. الحذاء الأخير بلون البوردو، كعبه بني وارتفاعه 12 سم.

حقائب بولغاري..

عدة خامات لتصميم واحد

حقائب بولغاري لعبت على الخامة والتفاصيل في المجموعة الأخيرة، لأن الشكل والحجم واحد لكن الحقائب مختلفة. مثلا الحقيبة الأولى باللون البلاتيني ولها يد طويلة للكتف وتغلق من الأعلى بمغناطيس، أما الثانية فلها شكل الأولى نفسه لكن باللون الأسود اللامع وبيد قصيرة فقط.

الحقيبة الثالثة تتميز بجلد الأفعى ذي درجات اللون البني، وكلا الحقائب الثلاثة السابقة لها حلية من الأمام على شكل دائرتين عليهما شعار الماركة.

الحقيبة الأخيرة مختلفة نوعا ما، فهي فضية اللون وذات تصميم أقرب للمربع ولها حلية مطلية بالذهب وجيب داخلي بسحاب وجيب للهاتف المحمول أيضا.

تم تعديل 5 ديسمبر 2010 بواسطة اغابي

[مغتربة]

موضوع جميل يا اغابى

و نصايح الاخت كيم حلوه (رغم انها الناس مش بتدور عليها على النت علشان اناقتها يعنى ما علينا ;) )

المهم ايه رايك نحط الافكار الى تعجبنا هنا

انا بصراحه عندى افكار من على النت عجبتنى للشتا

عن نفسى انا كائن شتوى بامتياز و بحب جدا اللبس الشتوى

هشاركها معاكم ( ما دام الشتا مش عايز يزورنا هنا اهو الواحد برضه يصبر نفسه بالصور )

قوليلى ايه رايك

[مغتربة]

تم تعديل 5 ديسمبر 2010 بواسطة مغتربة

[عبير يونس]

يا خراشي

اقول ايه و الا ايه

توحفة

يسلم ذوقك

يا أغوبة

يا أروبة بس بالفرنساوي

:)

ربنا يسعدك يا أغابي

و تاخدي توكيل فرساتشي و الا ايف سان لوران و الا اي ماركة كده

و نيجي نشتري من عندك

و ناخد خصم

[عبير يونس]

ايه ده

ايه الطعامة دي

فكرتيني بايام الكلية و الشغل في مصر

هنا الأناقة مختلفة

متحجبين برة

و متفرنجين جوة

:closedeyes:

انا بموووووووووووووووت في الحاجات دي

يسلم ذوقك

[om marawan]

يااااااه فين المواضيع الحلوة دى من أيام نون النسوة

وحشتونى جدااااااا والله يابنات تسلم ايدك يا أغوبة (دلع أغابى المرادى) :) موضوع حلو جدا

وتسلم ايدك يامغتربة تشكيلات جميلة بجد وبعدين بتتدى افكار حلوة لحاجات بسيطة وشكلها عادى لكن متنفذة شيك اوى.. الواحد بيشوف الحاجات دى ومابيعرفش يشتريها عشان مش عارفة هتتلبس ازاى :blink:

[مغتربة]

ايه ده

ايه الطعامة دي

فكرتيني بايام الكلية و الشغل في مصر

هنا الأناقة مختلفة

متحجبين برة

و متفرنجين جوة

:closedeyes:

انا بموووووووووووووووت في الحاجات دي

يسلم ذوقك

حبيبتى الذوق احنا بنتعلمه منك

الحمد لله ان الكولكشن دا عجبك واحنابجد ممكن كل ما حاجه تعجبنا على النت نعرضها هنا

لانها بتدينا افكار ممكن نستفيد منها بعد كده

:clappingrose:

[مغتربة]

يااااااه فين المواضيع الحلوة دى من أيام نون النسوة

وحشتونى جدااااااا والله يابنات تسلم ايدك يا أغوبة (دلع أغابى المرادى) :) موضوع حلو جدا

وتسلم ايدك يامغتربة تشكيلات جميلة بجد وبعدين بتتدى افكار حلوة لحاجات بسيطة وشكلها عادى لكن متنفذة شيك اوى.. الواحد بيشوف الحاجات دى ومابيعرفش يشتريها عشان مش عارفة هتتلبس ازاى :blink:

تسلميلى يا ام مروان

على فكره الحاجات الى داخله فى بعضها دى و متعرفيش وشها من ضهرها :P

دى بتستهوينى قوى

ربنا ميحرمنيش من كلامك الحلو

:clappingrose:

تم تعديل 6 ديسمبر 2010 بواسطة مغتربة

[اغابي]

مصرية متغربة ومغتربة وام مروان

شكرا لمروركم الرائع وطبعا لمسة موديلاتك يا مغتربة اضافت للموضوع مزيد من الاناقة

وانا بحب جدا موديلاتك والوانها - تسلم ايديك وزوقك الجميل

انا من طبعى احب الالوان الغامقة ف الشتا والبوت طبعا - وكمان لمسة القطيفة

بتديني احساس رائع بالاسترخاء فى ليالي البرد

ميرسي على زوقكم وانا اتاخرت فى الردود لانى متلخبطة اوى فى المنتدى

بعد ما بقى شبه بيت جحا على راى البشمهندس تيمور

واضح ان كل الناس وقعت فى المشكلة دي

شكرا جزيلا

اغابي

[المهندسه]

اه يا اغابى فاكرتينى ليه بالذى مضى ...الواحد بقاله 4 سنين مالبسش كده من ساعه اما جينا هنا السعوديه و احنا و صباع الفحم شكل واحد كل حاجه سوده

وخصوصا هنا فى الرياض التشدد فى اكتر و هيئه ورقابه

هو شهر الاجازه اليتيم ال الواحد بيشم نفسه فيه...يا حسرتى على شبابى

[اغابي]

اه يا اغابى فاكرتينى ليه بالذى مضى ...الواحد بقاله 4 سنين

مالبسش كده من ساعه اما جينا هنا السعوديه و احنا و صباع الفحم شكل واحد كل حاجه سوده

وخصوصا هنا فى الرياض التشدد فى اكتر و هيئه ورقابه

هو شهر الاجازه اليتيم ال الواحد بيشم نفسه فيه...يا حسرتى على شبابى

بعد الشر عليكي يا مهندستى - انت لسة شباب

صدقيني المضطر يركب الصعب واكل العيش برضوه سواء فى السعودية او الكويت

انا ما بقولشي ان بلبس علطول واتشيك بطريقة مستمرة لكذا سبب

اولا فى الشغل عندى رجالة كتير فى الشركة ومش بحب ابقى فى اللبس ملفتة اوى فبلبس لبس انيق وبسيط وعملى

بس مش ملفت ومش شياكة 10 على 10 لكن اهم حاجة عندى شعرى هو اللى لازم يكون ممتاز

واللبس يكون فيه رقة ومش بعتبر غير ان اغلب ايامي فى الكويت شغل فى شقى فى شغل

ثانيا : لما جوزى بيبقى مسافر وهو علطول مسافر - مش بحب انزل من البيت متشيكة اوى - بعتبر ان داه الحل الافضل

لكن بابقى اخر شياكة لو خارجين نتفسح او معزومين على العشا وداه ضرورى

يبقى الحال من بعضه - لكن اول ما بنزل مصر بانتقم يا مهندسة فى الشياكة صدقيني

مش عاوزة اقولك انى حتى بافضل فى البيت بلبس خروج بسبب الضيوف الكتير اللى بتزورنى

وبابقى فرحانة اوى بكدا كمان لانى باخد راحتى وانزل بقى محلات وسط البلد

وواتظبط تمام واختار اللبس اللى على مزاجى

انا بس فى محلات فى الكويت مش لاقية زيها فى مصر محلات

NEXT

حد شافها فى مصر - ومحلات ماكس كويسة وسنتر بوينت برضوه

[مغتربة]

انا بس فى محلات فى الكويت مش لاقية زيها فى مصر محلات

NEXT

نكست موجوده فى ستىستار

سبلاش و ماكس فى سيتى سنتر المعادى

دبنهامز فى ستى سنتر الاسكندريه

الوحيده الى لسه مفتحتش فى مصر لغايه دلوقتى على حد علمى هى مانجو

تحياتى