أيوه ده عصير أفوكادو يا ناس

[se_ Elsyed]

لازم أثبت لمغتربة وزهيري وفلانه إني أرستقراطي وأعرف الجبنه البراميلي بتاعت مغتربة . وكمان بأشرب عصير فورمالين بالنبوت بتاع زهيري .. ماشي يا بيني أدمين

من كام يوم طقت في دماغي أعمل عصير غريب من نوعه في البيت .. وقولت كالمعتاد أجرب في العيال ... لو عاشوا يبقى العصير ده حلو ومفيد .. ولو حصل لهم حاجه بِعد الشر يبقى أمر الله

فروحت شاري كام ثمرة افوكادو

اللي هو ده

ومقشر واحده ... وجايب لتر حليب ... وشوية سكر .... وشوية كريمة بودره ومدوبها في حليب ... ومعلقتين حليب بودرة عشان يزود طعم الحليب في الإختراع .. وضاربهم ضرباَ مبرحاً في الخلاط .. بس خليت القوام بتاع العصير مش سائل .. لكن غليظ شوية أشبة بالأيس كريم ...

وصابب المهرجان ده كله في كاسات ... وحطيت معلقة عسل نحل على الوش مع شوية مكسرات وجوز الهند

وكمان ممكن نلعب في الألوان ونضيف قطرات من أي عصير مركز زي التوت او الفراولة أو المانجو عشان نغير لون الإختراع .. كمان ممكن نضع كريمة شانيتة وفواكه مقطعه على الوش للتزيين والحركات

... وقدمته مبرداً للعيال وأمهم وفضلت بمنتهى السادية أراقبهم من بعيد وأشوف تاثيره عليهم إيه

لكن بجد .. حبوه جداً .. فقلت أدوقه لقيته في منتهى اللذاذة ..

وروحت مصوره لكم

اهو الإختراع

بس لو سمحتم رجعوا الكاس تاني عشان مش بتاعنا

[se_ Elsyed]

قولت بقى عشان الموضوع يبقى دوكيومينتد .. أدخل أعمل شيرش في ويكبيديا وأجيب فوائد الأفوكادو ...

فوجئت وذُهلت بفوائده العديدة

بسم الله معانا :

فوائد الأفوكادو

على الرغم من أن الكثيرين يتجنبون الأفوكادو، نظراً لارتفاع نسبة الدهون فيه، إلا أن معظمها من الدهون الأحادية غير المشبعة المفيدة للصحة، ولصحة القلب بشكل خاص، ويحتوي نصف ثمرة أفوكادو كبيرة على 20 غراماً من الدهون، لكن ثلثي هذه الدهون أحادية غير مشبعة، وهي خالية من الكوليسترول.

كما تحتوي نصف ثمرة أفوكادو كبيرة على ضعف كمية الألياف الغذائية الموجودة في تفاحتين، والمعروف أن الألياف الغذائية مهمة جداً في ضبط مستويات السكر في الدم، وفي الوقاية من الإمساك ومن سرطان القولون.

أظهرت الأبحاث الحديثة أن الأفوكادو، مصدر مهم للمواد الكيميائية النباتية، التي تحمل اسم (بيتا سيتوستيرول) وهي تساعد على خفض مستويات الكوليسترول السيئ في الدم.

وقد نشرت مجلة دكتور العلمية في عددها الأخير نتيجة الدراسة الميدانية التي أجريت على مجموعتين من النساء وأثبتت الدراسة أن المجموعة التي أعتمدت في غذائها على ثمرة الأفوكادو أنخفض مستوى الكوليسترول بنسة 8.2%، كذلك أنخفض أيضا مستوى عنصر اللايبوبروتين الضار قليل الكثافة والذي يسبب انسداد الشرايين بنسبة 9.1%، بينما انخفض معدل الكوليسترول في المجموعة الثانية والتي لم تتناول الأفوكادو بنسبة 4.9% فقط بينما انخفض عنصر اللايبوبروتين بنسبة 2.6% فقط.

الأفوكادو غني جداً بمضادات الأكسدة(غلوتاثيون) الذي يساعد من التخفيف من أعراض الشيخوخة المبكرة، وعلى مكافحة بعض أشكال السرطان، ومرض القلب، ويعود ذلك إلى كون مضادات الأكسدة قادرة على إبطال مفعول الجزيئات الحرة الضارة التي تهاجم الخلايا السليمة.

يحتوي الأفوكادو على كمية كبيرة من اللوتين، وهو واحد من (الكارروتينويدز) الذي يقي من الإصابة بسرطان البروستاتا، ومن إعتام عدسة العين، ومن تلف الخلايا البصرية، وبالتالي من العمى الذي يصيب المتقدمين في السن.

يعتبر الأفوكادو واحداً من المصادر المهمة لفيتامين E، ويكفي نصف ثمرة كبيرة، لتوفير كل ما يحتاج إليه الجسم في اليوم، من هذا الفيتامين للأكسدة.

الأفوكادو غني بفيتامينات أخرى خاصة الفيتامين B، وبالأملاح المعدنية الضرورية، مثل البوتاسيوم والمغنسيوم.

الأفوكادو سهل الهضم، ينشط الكبد، ويساعد على تصريف الفضلات من الأمعاء، ويقضي على الغازات.

يعتبر الأفوكادو غذاء شبه كامل، يساعد على ترميم الخلايا، وينصح بتناوله أثناء فترة النقاهة من الأمراض.

الأفوكادو يسهم في تهدئة الأعصاب، وفي التخلص من التوتر.

وفوائد الأفوكادو لا تنحصر في مجال تناوله كطعام، وذلك لأنه يتمتع بخصائص أخرى، تجعل منه علاجاً خارجياً أيضا.

يستعمل اللب اللحمي الأصفر المائل إلى الخضرة إما طازجاً للسلطة وفاتح للشهية، كما يستخدم كمعجون لترطيب وتغدية وعلاج الجلد

[se_ Elsyed]

سبحان الله بقى .. تخيلوا الفوائد دي كلها للإنسان ..

لكن للبتاع ده تاثر ضار جداً على الحيوانات وعلى الطيور كمان

بيقول لك إن لو جبنا أفوكادويايه وخرطناها .. وأكلناها للكلب الكريب جورجيت بتاع زهيري .. ممكن يحصل له مضاعفات رهيبة ويروح فيها

أما تأثيرة على الطيور .. فقاتل ... وبيموت الطيور ...

اوعي يا لماضه تأكليه لطائر الهامستر اللي عندك

[Howayda Ismail]

هو سؤال بسيط ايه اللى طلع شكل المنجة اللى فوق دى وخلاه سلطة طحينة كده

انا مدمنة عصاير طبيعية لكن صراحة الصنف ده مجربتوش قبل كده

شكلك حتخلينى انا كمان اجرب فى العيال وبلاش ابوهم عشان ممكن يجاملنى لكن هم ابدا لو مش عجبهم

حيطسوها وش كده على طول وساعتها ادوق ولا اشرب ههههههههه

[se_ Elsyed]

هو سؤال بسيط ايه اللى طلع شكل المنجة اللى فوق دى وخلاه سلطة طحينة كده

لأ هو مش طحيني .. لونه كان فزدقي ... بس أعتقد الإضاءة كانت ضعيفه لأني كنت أنفذ العملية تحت جُنح الظلام ... وطالما تجربة جديده بأخوضها . فمش باحب السياحة وبأعمل في صمت إلى حين لاأنتهاء من التجربة ... فلما خلصت وصورت المخلوق ده طلع اللون كده ..

لكن زي ما قلت ممكن نلعب في الألوان زي ما أحنا عاوزين ونعمل 3 ألوان مختلفين مثلاً في ضربة واحده ...

وسع وصلي عالنبي

[Howayda Ismail]

ايوه كده الله ينور احسن الاول يفتكرونى عاملة شوب بصارة

[doha]

مش هنصب واقول انهم كانوا بيحطوهولي في البزازة وانا صغيره .. للامانة الافوكاتو اول مرة اكله كان من سنتين تقريبا من قبيل التجربة لما لقيته قدامي مالي المحلات فقلت اشوف ايه حكاية البتاع ده ..

اتضح بقى انه حاجه دسمه جدا يشبه في طعمه ( الكاجو ) الي اعتبر مدمنة رسمية له .. مش مسكر خالص وقوامه كريمي لو انهرس .. مش دائما بيكون حلو على فكره لازم تكون الحبة مستوية واذكر وحده في التلفزيون قالت لما تشتروه اشتروه لسه مش مستوي وخلوه يستوي في البيت لانه بيبوظ .. كمان لما فتحت اول وحده لقيتها مبقعة بالبني خفت تكون بايظة بس قلت مش معقول .. عملت سيرش فاكتشفت ان ده طبيعي وعادي تكون الثمرة ملونه من الداخل زي التفاحه لما بتبوظ كده لكن مبتكونش بايظه ..

هو بيستخدم في الخارج كتير كسلطه .. طعمه حلو اوي لو حطينا عليه عسل وكمان كقناع للوجه والشعر بيكون ملوش حل .. كونه دسم جدا ومليان زيوت فده بيخليه اساس كويس اوي لاي ماسك ..

عن نفسي عجبني بعض الشيء بس تتقريبا مشتريتوش تاني لاني ملقيتش في طعمه شيء جديد يغري بتكرار الشراء .. بالنسبة لزوجي معجبوش ومرضيش ياكل منه وانا الي شلت الليلة فكلت شويه ودهنت شويه واهو كله بثوابه ..

اسمع ان له فوائد كتير بس انا عندي قناعه ان الحاجه الي مبتنموش في مكان ما فهي مش مناسبة لتناولها في المكان ده والعكس صحيح .. يعني اعتقد والله اعلم ان الافوكادوا الطازه او اي كان لو اتاكل في ارضه الاستوائيه هيكون مليان فوائد بعكس لما نشتريه مستورد وجاي متبرد ومعرض لكيماويات لحفظه مظنش ابدا هيكون الموضوع مستاهل اننا نشتريه وقتها لفوائده ..

دي معلوماتي عن المذكور اعلاه .. بعدين ماله الحرنكش ؟

[Folana]

السلام عليكم ورحمة الله...

أنت من الأحرار يا سُنسُن..

عصير الافوكادو ده أنا كرهته من كتر ما بأعمله..مش لى خالص..ولكن الافندى عندى بيحبه جدا...

بيحب الافوكادو فى جميع صوره لا يختلف فى ذلك عن حبه للقرع العسلى...(رحماك من هذا العذاب )

ممكن كمان تضيف الافوكادو لفواكه اخرى وتعمل كوكتيل بيبقى مش بطال برضك..ونونكن كمان تضربه مع الزنجبيل امعانا فى الغيظ يعنى...وتضيف له بعض قطرات عصير الليمون وتلج مجروش...

وممكن تعمله سلطة ..تهرسه بفص توم وعليه مايونيز ..ونونكن..ونونكن .....وقائمة طويلة من النونكنات تحت امر جنابك ...اطلب انت اى وصفة افوكادية وانا فى الخدمة..

أوووففف..مليتوا البلد...

[dongol]

طيب انا الافوكادو ده كل ما اشتريه يطلع مش مستوي و اعمله و يبوظ و يترمي

مره عملت فيها ناصح و قلت اشتريه و اسيبه في البيت يمكن يستوي

اسيبه يوم يومين ثلاثه انه يستوي ابدا راسه و الف برطوشة انه لازم يفضل زي الحطب و مايستويش

خصوصا اللي بيبقي جاي من سريلانكا يبقي حطب اصلي و عامل زي الدوم كده

ما تعرفش يا سي السيد طريقة تخليه يستوي ينوبك ثواب

دنجل

[se_ Elsyed]

لما روحت أمبارح قلت لازم اتحدى نفسي وأثبت لهند علي إن دي مش خبيزة لكن كل ما في الأمر إن شكله بقى شكلها عشان عيب تقني في الإضاءة الخلفية بتاعت اللوكيشن اللي تم فيه التصوير ..

وقلت لازم أعيد التجربة مرة أخرى لكن بأستخدام تقنيات لوجيستيكية مختلفة

روحت جايب أوفكادياية تانية وحاطط عليها الحليب ... وقلت لازم اخليها تكني كولر عشان ماحدش يشمت فيه ...

طب ألونه إزاي إزاي إزاي .. تتصرف كيف يا عبد الرحيم . تتصرف كيف يا عبد الرحيم ..

بأضرب بعيني كده لقيت باكو جيلي فراولة أحمريكي .. روحت دالقه على المخلوط .. والمره دي روحت حاطط عليه سِنة فانيليا .. مع شوية كريمة مدوبها في الحليب ...

وأوعى وشك بجد العيال لهطوه لهط بصراحة

وبعدين قلت جاء وقت تزيين الفصل ... لقيت موزايه كلبوظه .. ومكسرات طبعاً ..

وأديها يا معلم

-------------

وبهذه المناسبة أود أن أشكر هيئة الدفاع من محبي الأفوكادو .. ولنا عودة

[Howayda Ismail]

لما روحت أمبارح قلت لازم اتحدى نفسي وأثبت لهند علي إن دي مش خبيزة لكن كل ما في الأمر إن شكله بقى شكلها عشان عيب تقني في الإضاءة الخلفية بتاعت اللوكيشن اللي تم فيه التصوير ..

وقلت لازم أعيد التجربة مرة أخرى لكن بأستخدام تقنيات لوجيستيكية مختلفة

روحت جايب أوفكادياية تانية وحاطط عليها الحليب ... وقلت لازم اخليها تكني كولر عشان ماحدش يشمت فيه ...

طب ألونه إزاي إزاي إزاي .. تتصرف كيف يا عبد الرحيم . تتصرف كيف يا عبد الرحيم ..

بأضرب بعيني كده لقيت باكو جيلي فراولة أحمريكي .. روحت دالقه على المخلوط .. والمره دي روحت حاطط عليه سِنة فانيليا .. مع شوية كريمة مدوبها في الحليب ...

وأوعى وشك بجد العيال لهطوه لهط بصراحة

وبعدين قلت جاء وقت تزيين الفصل ... لقيت موزايه كلبوظه .. ومكسرات طبعاً ..

وأديها يا معلم

-------------

وبهذه المناسبة أود أن أشكر هيئة الدفاع من محبي الأفوكادو .. ولنا عودة

et:( et:( et:( clp:: clp::

[عبير يونس]

سين سين في المطبخ

stnd:::yahoo::FN:

مش منكن

صراحة اديتني دفعة حماسية ايجابية مهلبية

اني لازما و حتما و لابدن

اجرب العصير المذكور في ساعته و تاريخه

ده العيال حيدعولك موت

:waving:

لا مش قصدي تموت

بعد الشر يا معلمي

قصدي يعني حيدعولك قوي

يا قوي على كل قوي

شكلي عكيت

هه؟

طب سلام بقى دلوقت

[se_ Elsyed]

سين سين في المطبخ

هييييييييييييه .. أومال لو شوفتيني من 35 سنة أيام الصبا والشباب ... ده أنا كان ليه صولات وجولات في المطبخ ... بس دلوقت ما بأدخلش كتير إلا عشان اقفل باب التلاجة اللي العيال كل شويه يسيبوها مفتوحه وهي لسه عليها أقساط ..

--------

على فكرة ما أعلمه إن الأفوكادو من الفواكه أو يمكن الفاكهة الوحيده التي لا تُاكل مباشرة ... لكن يا بتتعمل عصير او ايس كريم أو سلطة زي ما فلانه قالت .. أو نعملها ماسك على وشنا ونجيب رغيف فينو ونغمس وكدهوت ..

اسمع ان له فوائد كتير بس انا عندي قناعه ان الحاجه الي مبتنموش في مكان ما فهي مش مناسبة لتناولها في المكان ده والعكس صحيح

أختلف معاكي يا ضُحى .. وإلا كل بلد بقى كانت ماتت من الجوع لإن مستحيل تلاقي بلد فيها كل الخضار أو الفاكهة ... يعني عندك بلاد تكاد تكون ما فيهاش زراعة إلا نادراً زي اليابان وكثير من دول شرق أسيا ... فدول مش هايموتوا بقى !!!

لكن بشكل عام رجوعنا للفواكه والخضروات الطبيعية عامةً شيء جميل ... وكفاية بقى جانك فود وفاست فود والحاجات اللي بهدلت الجيل الجديد خصوصاً من الاطفال وبقوا عاملين زي البوصة المجوفه من الداخل ولو نفختي في العيل يقع ..

وبأركز على الأطفال بالذات لإنهم صفحات بيضات نلونها كيفما نشاء ( إيه ده .. أنا بقيت أتكلم زي بابا شارو )

وبالتالي لا نستغرب لما نلاقي طفل متعلق بالمشروبات الغازية .. أو بالشيبسي وخلافه ... ولا جدال على إن كثرها مضر جداً من جميع النواحي ...

لكن لما ألجأ بقى للفواكه الإستوائية مثلا اللي مشهورة بغنها رم واحد في العصير زي الأفوكادو .. أو الأناناس أو الكيوي أو المانجو حتى فده شيء مفيد وغير مكلف برضوا

على فكرة الأودلا عندي بيحبو أساساً شكل الانانس على الطبيعة كده وبيحبوا يتناولوه طازجاً او مُعلباً ... وبالمناسبة هو مفيد جداً لتقوية عظامهم لإنه مليان كالسيوم

بُصوا بعض فوائده وهاتندهشوا

- يكافح الرشح وعوارضه لاحتوائه على الفيتامينات وخاصة فيتامين c.

- يكسر العطش والحر صيفاً ويمنع ضربات الشمس.

- يمنع تشكل الرمل والحصى في الكلى والمثانة والمجاري البولية.

- يفيد الأشخاص الذين يتبعون حمية لخلوّه من السكريات بشكل عال. مُدر للبول .

- يمنع تراكم الدهون داخل الأوعية الدموية، خاصة الشرايين، ويمنع تصلبها.

- يسّهل هضم الطعام ويمنع انقباض المعدة.

- ينشط وظائف الكبد ويكافح اليرقان.

- يمنع الاورام وانتفاخ الانسجة والتهابها عبر الانزيمات التي يحويها.

- يكافح القروح والحروق.

- يمنع تسوس الأسنان لاحتوائه على مادة الفلوريد ويفضل أن يعطى للأطفال خلال مرحلة النمو لحماية اسنانهم واللثة.

[se_ Elsyed]

والله إنت خسارة في الفن يا سين سين .. والمفروض يبقى مكانك فوووووووووق فووووووووووووووووق

وأنا مروح الغدا من شويه .. حودت عالسوبر ماركو .. ولقيت شكل الأناناس بيغازلني .. فخطفت إتنين وفضلت أجري

والنتيجة كانت من الأخر ... أهي ......

وسميت المحروس

I'm People Juice A la Seen seen

[MZohairy]

انت حتصيع ع العالم؟

انت بتروح تشالينج عند شاهين تصور العصاير اللي عنده و تييجي تحوطهالنا هنا و تعمل نفسك انت اللي عاملها

بس حلو قوي اللي بالجيلي ده يخرب عقلك سيه فورميدابل :wub:

[ozoozo]

والله إنت خسارة في الفن يا سين سين .. والمفروض يبقى مكانك فوووووووووق فووووووووووووووووق

وأنا مروح الغدا من شويه .. حودت عالسوبر ماركو .. ولقيت شكل الأناناس بيغازلني .. فخطفت إتنين وفضلت أجري

والنتيجة كانت من الأخر ... أهي ......

وسميت المحروس

I'm People Juice A la Seen seen

هو ايه الوردي اللي بيعوم علي الوش ده

هو في حاجه وقعت فيه

مش تحط الصوره وتشرح؟

[مغتربة]

تسلم ايدك استاذ سى السيد

شكله يشهى بجد

الف صحه و هنا على كل الى شرب منه

وان كان على الارستقراطيه فاحنا نيجى فى حضرتك ايه فانت اساسهاو احنا مجرد فروع ليها

:give_rose:

[Howayda Ismail]

والله إنت خسارة في الفن يا سين سين .. والمفروض يبقى مكانك فوووووووووق فووووووووووووووووق

وأنا مروح الغدا من شويه .. حودت عالسوبر ماركو .. ولقيت شكل الأناناس بيغازلني .. فخطفت إتنين وفضلت أجري

والنتيجة كانت من الأخر ... أهي ......

وسميت المحروس

I'm People Juice A la Seen seen

هو ايه الوردي اللي بيعوم علي الوش ده

هو في حاجه وقعت فيه

مش تحط الصوره وتشرح؟

اهو ماجبتش حاجة من عندى نفس السؤال

[se_ Elsyed]

هو ايه الوردي اللي بيعوم علي الوش ده

هو في حاجه وقعت فيه

مش تحط الصوره وتشرح؟

اهو ماجبتش حاجة من عندى نفس السؤال

الأن أتحدث وأرد على كل المتشككين

أنا طبعاً بعد ما قورت الأناناساية ... وقلت هاحط العصير فيها للأولاد .. فقلت لازم ازينه

فكرت في البقدونس ... وقلت لأ هاسيبه للكباب والكفته

طب احط عليه توابل ... قلت هاتحرق لسان العيال

هههههههههه

ولأن فلسفتي في المطبخ واخدها من فترة تجنيدي اللي ما قضيتهاش .... وهي بتقول " إتصرف يا سين سين "

بأضرب بعيني في الفريزر لقت جردل أيس كريم ... روحت واخد منه شويه ومشقلطهم على وش العبوة الناسفة دي ..

بامانة أنا دوقت منه شويه كان تحفه .. خصوصاً إنه معمول بالحليب وعسل النحل والأنانس طبعاً ...

الواد عبد الرحمن كان ماسك البتاعه دي زي قرعة البوظه بتاعت فيلم الحرافيش وعمال يشرب لحد ما سكر وداخ ووقع على الأرض

--------------

انت حتصيع ع العالم؟

انت بتروح تشالينج عند شاهين تصور العصاير اللي عنده و تييجي تحوطهالنا هنا و تعمل نفسك انت اللي عاملها

شاهين مين وإسماعيل ياسين مين ؟...

شاهين أخره عصير باور هورس على برتقال لما ورمنا منه ..

يا أبني شوف تاريخ وتوقيت الصورة اللي ألتقطها بجهاز الإتش تي سي ذو الريزيليوشن العالية .. مش الجهاز الكخ بتاعك الأيفون فور اللي هايعقدني

[ام لبناتى]

والله إنت خسارة في الفن يا سين سين .. والمفروض يبقى مكانك فوووووووووق فووووووووووووووووق

وأنا مروح الغدا من شويه .. حودت عالسوبر ماركو .. ولقيت شكل الأناناس بيغازلني .. فخطفت إتنين وفضلت أجري

والنتيجة كانت من الأخر ... أهي ......

وسميت المحروس

I'm People Juice A la Seen seen

بجد اسلوبك رائع ومتعتبروش غزل

سجلت فالمحاورات امبارح وشقرت عالمطبخ

لقيت القصة دى

هلكت من الضحك بجد ربنا يكرمكم كان عندى اكتئاب والله

بجد انتم ناس زى العسل كلم كلكم