روبى .. المرأة التى هزمت الرجال !!

[ابو يوسف]

على اعتبار أنها نجمة ( الاثارة ) .. أثارت روبى العديد من الازمات منذ ظهورها ..

بدلة رقص عارية فى الطريق العام .. و قلنا ده أخر مستوى للسفالة

ثم كليب ساخن جدا جدا .. قلنا ما فيش بعد كدة !!

ثم نزاع من النقابة .. و رفض من الجميع اعطائها تصريح ..

و فجأة تصبح عضوة بنقابة الموسيقين !!! وسط علامة استفهام كبيرة .

ثم فيلم سينمائى .. حذفت فيه الرقابة 17 مشهد !!

قلنا الحمد لله على ان عندنا رقابة واعية و صاحبة mfb:

و اخيراً كليب حطوا فيه - تقريباُ - المشاهد المحذوفة !!! :) B)

يا ترى أخرتها ايه ؟؟؟

[Lighthouse]

طريق المسخرة لامؤاخذة يعني

طويل وليس له آخر

والعباقرة عندنا نفسهم اطول ويقدروا يمشوه ونص وتلات ارباع كمان

فلتحيا روبي وليسقط الفن :)

[se_ Elsyed]

إمبارح جبت جريدة الشرق الاوسط فلقيت في الصفحة الأخيرة صورة روبي وكنت تقريباً اول مرة أشوفها وكان التحقيق يدور حول رأي المجتمع السعودي في روبي ..

دي بقت عالمية وعالمتين كمان ..

المهم كان معايا أخويا الصغير فبأقولوا هي دي روبي .. دي شكلها خدامة زي شيرين بتاعت جرح تاني وكبيرها قوي ممكن تكون من مساكن إيواء منشية ناصر بعد ما أتهدت كمان !!! قالي : خدامة مين يا عم دول هايحطوا صورتها على الجنية المصري عشان بقت علامة من العلامات البارزة ...

قولت اتاري حشيش اللئيم عايز يحط صورتها على علم مصر لما يمسك الرئاسة في التعديل الوزاري الأخير :)

[ســيد مرزوق]

هل نحن نعيش في زمن السقوط إلى هذا الحد؟؟؟؟؟

هل إنحدر بنا مصدر التفكير وأداته إلى هذ المستوى المتدني؟؟؟

البت (شيرين ) بتاعة مش عارف ايه تاني دي ... شوفتها في حلقة في لبنان وكانت - والله أعلم - شاربة ومضيعة عالآخر ... كانت مش عارفة تركز وعينيها بتزوغ وحالتها نيلة خالص ..... لأ وإيه ؟؟؟ كلام كله غرور ودلال ومعجبة أوي بفنها وسايقة فيها عالآخر ...

ماهو أصلا الحق مش عالناس دي أصلا ... الحق على اللي خلوهم كده وعملوهم ( نجوم ) ....

[afiona]

إزاى الحق مش على الناس ؟ مين بيدفع تمن الشريط ومين بيدخل الفيلم ومين بيحضر الحفلات بتاعة آنسة روبى ؟

أما شيرين، فلا تعليق لأن ليس عندى تعليق محترم....

[KWA]

بسم الله الرحمن الرحيم

السلام عليكم ورحمة الله وبركاته

لو في حد كلمني عن روبي قبل 4 اسلبيع مضت كنت هاسئل مين هي روبي و لكن في اثناء زيارتي لمصر الشهر الماضي شاهدت بعض قنوات التليفزيون المصري و حسب ما اتذكر ان هناك حوالس 7 او 9 قنوات للممنوعات منها قناتان واحده بتذيع اغنيه روبي التي لا فيها كلامات و لا موسيقي و القناه الثانيه تذيع اغنيه نانسي عجرم ....و كأن هناك تنافس بين الأنتاج المحلي و المستورد ....و كل اغنيه تمثل السلام الوطني لكل قناه ...سبحان الله كأن مصر اصبحت دوله روبي و امثالها....

[se_ Elsyed]

إمبارح كان فيه لقاء في قناة الحرة الأمريكانية وكان مع احمد فؤاد نجم ... واللي كان عايز يشوف إنسان شارب ومتدرمغ بحق وحقيق كان يسمع كلامه وتعليقه على ظاهرة روبي ... أقسم بالله العظيم انا أول مره في حياتي أسمع مثل تلك الالفاظ في قناة تليفزيونية وقال عليها كلام يعاقب عليه القانون بالسجن من غير إستئناف ...أي نعم هي تستهال لكن ماوصلش الإنحدار للدرجة دي .. دي ولا الألفاظ إلا بتتقال في أحط شارع عشوائي مادخلوش ميه ولا كهربا ...

صاحبنا كان متقل العيار إمبارح .

[ســيد مرزوق]

إزاى الحق مش على الناس ؟ مين بيدفع تمن الشريط ومين بيدخل الفيلم ومين بيحضر الحفلات بتاعة آنسة روبى ؟

أما شيرين، فلا تعليق لأن ليس عندى تعليق محترم....

أنا قصدي بالناس ( المغنواتيه دول ) مش الناس اللي هما إحنا .

حلوة أنسة روبي دي!! :blink:

عموما هي هوجة وهاتعدي

ولا يصح إلا الصحيح