هو كده يبقى الزواج اسلامى ؟؟

[قلب ابيض]

بدون مقدمات عاوزه رأيكم يا افاضل ورأيكم جميعا محل احترام وتقدير

ولكن تنوع الاراء يبرز المعنى

:وانا عاوزه افهم معنى ...الاتى

انك تروح بيت تخطب بنت حلال

..الحاله:- ..اسره مسلمه ..مودرن ..متفتحه غير متعصبه

ويطلب منك ان يكون الزواج اسلاميا فى تكاليفه ..حيث شرعا على الزوج توفير مسكن ومعيشه زوجته بما يتلائم مع وضعه الاجتماعى

ولا تقدم العروسه شيئا ..وما عدا ذلك تفضلا من ذويها

بمعنى كفايه انها تجيب هدومها بالتحديد

"انا عارفه .عملا بالحديث الشريف : " يامعشر الشباب من استطاع منكم الباءه فليتزوج ..ومن لم يستطع فعليه بالصوم فانه له وجاء

والمقصود بالباءه هنا تكاليف الزواج

سؤالى هنا ...سمعتوا عن كده ؟؟

فعلا بيحصل ده؟؟

لو اتطلب منك لابنك او بنتك او لك انت شخصيا هايكون ردك ايه ؟؟؟

اتمنى اسمع ردودكم ونتحاور فيها للوصول لرد عما يدور فى بالى من تناقضات

ولى عوده اكيد ان شاء الله

تم تعديل 5 ديسمبر 2010 بواسطة قلب ابيض

[Simba]

بما اني مش عالم بالامور

فانا مش هافتي ... لكن سمعت نفس الكلام ده قبل كده من فترة وعن رأيي فيه انا مقتنع بيه لكنه مش بيحصل

لو حصل هيريح ويسعد ناس كتير

تجهيز البنت بقي مرهق جدا والمسألة مش بقت جواز بقي تفاوض العريس يجيب كذا يبقي العروسة كذا بس هيبقي نقص كذا العريس يعمله والمفروض كذا يبقي علي العروسة ويا سلام بقي لما الجوازة تبوظ علي السجاد .... اهو احسن بقي انها اتفركشت من الاول من غير عيال

الزواج دايما مش زواج شخصين ده معركة بين عائلتين

طبعا معركة تتميز السلام والابتسام والترحيب والعزومات لكن كل طرف من العائلة حاطط مناخيره ومش بيحلي له العطس الا في الجوازة دي

يرحمكم الله يا ابو سريع

مش انا اللي عطست يا ريس :blink:

تم تعديل 6 ديسمبر 2010 بواسطة سمبا

[ذهبية]

هو ممكن يحصل بس فى حالة واحدة بس

ان العروسة لا تعترض على اى شىء الرجل يجيبة فى بيتة

يعنى هو حر بقى يجيب غالى يجيب رخيص لنفسة فى بيتة

لكن اللى بنشوفة الان مووضع مختلف نهائى يا قلب ابيض على اللى بتقولية دة

انا شايفة انا المشاركة احسن حاجة و اللى فى ايدة يجيب حاجة يجيبها

بالاتفاق والمشاركة لا دة يظلم دة و لا دة يظلم دةة

يعنى لو الاهل شافوا ان الولد مؤدب و مستقبلة جاى و هيصون بنتهم اية المانع انهم يقفوا جنبة و يوفروا علية سنين من عمرة و عمرها

انا لو ليا بنت و توسمت خير فى ان العريس ادب و اخلاق و المستقبل قدامة لن اتردد لحظة انى اشركة و اقف معاة فى بداية حياتة

وعلى فكرة هو لو ابن ناس هيفتكر ليا المووضع دة و هيحافظ على بنتى و يصونها

[الغريب]

الموضوع ده أنا الحمد لله تعرفت عليه عند جوازي

الخلاصة أن أمور الزواج تخضع للظروف الإجتماعية المحيطة والتفاهم بين الزوجين

من حق العريس أنه يقول أنه متكفل بكل تكاليف الزواج، وبالفعل أحد أصدقائي عمل الموضوع ده، ولكنه للأسف كان ساعات بيواجه سوء فهم من الطرف الآخر يعني أهل العروسة بيفتكروا أنه مادام هياخدها بالساهل يبقى كمان هيسبها بالساهل، أنما هو كان متفهم الموضوع ده وقالهم اللي تشوفوه..

لكن الجديد بقى هو اللي أنا سمعته منك يا مدام قلب أبيض أن أهل العروسة هما اللي يطلبوا الموضوع ده..

لكن على فكرة المواضيع دي بتتظبط من طريق آخر وهو "القائمة" والكلام ده

[om marawan]

بالنسبة لسؤال حضرتك انا كمان شفتها فى حالة واحدة زى ذهبية لكن بصراحة الموضوع عاوز ناس متفهمة جدا يعنى العريس صحيح دفع مهر وشبكة لكنه فرش غرفتين واهل العروسة اهدوههم غرفة كاملة بكل محتوياتها وسابوا غرفة مغلقة بدون فرش لكن بعد الزواج العريس كمل كل حاجة أول امكانياته ماتوفرت

كمان اخو العروسة نفسها لما اتجوز عمل نفس الكلام يعنى الفلوس اللى معاه فرش بيهم

يعنى الموضوع عاوز تفهم جدا وعدم اهتمام بكلام الناس اللى هتيجى تقولك فين سفرتها والقوضة مقفولة ليه ....الخ

العريس دفع مهر لانه موضوع مهرها عفشها ده كان غير مقبول بالنسبة له وفرش الغرف بشكل لائق جدا لانه بيفرش بيته وفى المقابل زوجته ماكنش لها اى طلبات يعنى كانوا بيختاروا سوا فى الاطار المتفق عليه

فيه ناس بتعمل حاجة تانية خصوصا لو عنده شقة يعنى العريس بيجهز شقته حتى قبل مايلاقى عروسة من تشطيب لفرش لكل حاجة ورأيهم انه مش هيستنى العروسة تيجى تفرش له الشقة طبعا فيه بنات مش بتوافق وبتقول ده بيتى وانا اللى اختار عفشي وفيه بنات ربنا بيهديها وبتركز اختيارها على العريس مش على فرشه .

والله انا حضرتك لما فكرت فيها لقيتها معقولة جدا ومش مكلفة زى ماحنا متخيلين على العريس لانه بيجيب حسب مقدرته اللى بيحصل النهارده نتج عن الناس كانت عاوزة تسهل على الشباب لكن شوية شوية بقا فى حد ذاته مشكلة لان الاهل بقوا طرف فى الشرا ومن هنا جه التغالى ف الطلبات عند "بعض" الناس لكن يمكن لو جربنا نرجع للاساس يمكن المشاكل تقل

الحاجة اللى بأكد عليها انه الناس هنا بترفض تكتب قايمة طبعا لكن مافيش عروسة من غير مهر (ده شرعا يعني ) وده حاجة مالهاش علاقة بالمؤخر لأن برضه العريس قال ان مافيش حاجة شرعااسمها مؤخر فيه "مؤجل " يعنى ممكن يكون جزء من المهر تاخده الزوجة وهى على ذمته وعلى هذا كتب المهر جزء منه قبل الزواج وجزء مؤجل لها الحق انها تاخده لما يتوفر له امكانيات .

هو فى النهاية لو واحد محترم هيفرش بما يرضى الله وهيعاملها بما يرضى الله المهم انه يكون ده نابع من قلبه يعنى يكون دى نيته الحقيقة وربنا يكتب الخير

خالص تحياتى لحضرتك

[herohero]

عادي بيحصل ولكن شرط ان العروسة واهلها ما يتنططوش لان بجد الجوزا ف مصر بقى معاناة

وعادي جدا اتقبله زي ما بتقبل اني اعمل فرح مش مقتنع بيه أصلا وادفع اد كده فيه عشان ساعتين او 3 ساعات

وزي ما بقبل ان الناس بتقول كده والكل بيعمل كده

بالعكس انا موافق اني اشيل كمل شيئ لكن بدون تشرطات وتحكمات ونطبق الشرع ف كل حاجه

بلاش الشرع المصري يعني مسلمة وملتزمة وتعمل فرح وممكن قوي عادي جدااااااااا تقلع الحجاب ومسلمة وبتصلي

فانا اي شيئ ف مصرنا العزيزة مرتبط بالزواج اصدقه بجد ماعانة ما بعدها معاناة فعادي جدا يا مدام قلب ابيض

احنا متناقضين مع نفسنا الشرع بنمشيه ع مزاجنا

ولو حسبتيها هتلاقيها هيا هيا لو البنت هتشيل مع العريس برده هنتكون التكلفه متقاربة

بصراحه الجواز عندنا حاليا ف مصر مهلكة ومعاناة ربنا يعين اي حد بجد تحكمات لا انزل الله بها من سلطان وعلى ايه مش عارف

واتحدي ان لم يكن هذا راي معظم الشباب هنا اتغرب ويطلع عينك وتروح ترمي قرشين محترمين ف فرح وتحكمات تانيه وتوضب شقه يادوب هتستخدمها شهر ف السنة

انا مؤيد جدا بس نطبق الشرع صح يبقى ف كله مش هغرمك شيئ موافق ونطبق الشرع بس ماتخوتينش بفرح كده ويكلفني اد كده وهو أصلا لايمت للشرع بشيئ

انا لو اتقالي كده هقوله موافق هنمشيها شرعا يبقى تمشي صح بالكامل

وبصراحه اشك لان زي ماقولت النظام عندنا لنا شرع تاني حبه اسلام ونطبقه ف الحاجات اللي ع الكيف وحبه نبقى ياسيدي هو احنا بنفرح كل يوم

عديها

[لماضة مصرية جدا]

السلام عليكم و رحمة الله و بركاته

هو ممكن اسال سؤال

يعني ايه زواج اسلامي

انا افتكرت ان احنا هنتكلم عن الفرح الاسلامي

بس من حوار حضراتكم لقيت انكم بتتكلموا عن التيسير بشكل عام علي الشباب

و الناحية دي....من وجهة نظري المتواضعة ليها طرفين مهمين

البنت نفسها و الطرف التاني اسرتها

و الاتنين لازم يكونوا بيكملوا بعض

يعني البنت نفسها تبقي من جواها مقتنعة بالشخص دوت و مهما كانت ظروفه عندها استعداد انها تقف جنبه...و مش بتكلم عن الاقتناع اللي بيبقي مبني علي الحب...لا اللي بيبقي مبني علي قناعة شخصية ان هو ده البني ادم اللي هحب يرتبط اسمي مع اسمه و اشوفه و احنابنكبر سوا

الطرف التاني الاسرة.....لو الاسرة فعلا وصلت لمرحلة انها تطمن علي بنتهم مع البني ادم دوت

بجد....مش بتفرق كتير

ياما ناس بتفرش بالشيء الفلاني....لكن ممكن يبهدل البنت بعد كده...يبقي استفدنا ايه

اهل البنت....و خصوصا الرجال و احيانا الام بيبقي ليها نظرة في الموضوع...(ده في حالة انها تبطل تفكر ان البنت هيييييييييييييه جالها عريس و تحاول تكون موضوعية شوية)..لو وصلوا للثقة في البني ادم...كراجل يتحمل المسئولية و يعف بنتهم و يصونها

يبقي اكيد الحوار هيكون مختلف تماما عن اي حوار عادة بنسمعه في المناسبات القومية اللي زي دي

دي وجهة نظري الخاصة

و اللي بشوف ان كل بيت و له ظروفه

و كل بني ادم و بيختلف من موقف لموقف

لكن بيفضل نسال نفسنا في الاخر.....لو انا بنت....انا عايزة اتجوز ليه....و ليه اخترت ده

و الولد.....انا فعلا اد المسئولية

و اهل البنت....يا تري هنعرف نختار صح لبنتنا....عشان متتبهدلشي...و خصوصا في زمن بقينا نسمع قصص و لا الافلام؟

و سبحان الله.....هو نصيب.....لازم بيصيب

و ما علينا سوي الاستخارة... التوكل علي الله

و ربنا يقر عينينا بازواج صالحين...و يطمن اهالينا

تم تعديل 6 ديسمبر 2010 بواسطة لماضة مصرية جدا

[لماضة مصرية جدا]

عادي بيحصل ولكن شرط ان العروسة واهلها ما يتنططوش لان بجد الجوزا ف مصر بقى معاناة

وعادي جدا اتقبله زي ما بتقبل اني اعمل فرح مش مقتنع بيه أصلا وادفع اد كده فيه عشان ساعتين او 3 ساعات

وزي ما بقبل ان الناس بتقول كده والكل بيعمل كده

بالعكس انا موافق اني اشيل كمل شيئ لكن بدون تشرطات وتحكمات ونطبق الشرع ف كل حاجه

بلاش الشرع المصري يعني مسلمة وملتزمة وتعمل فرح وممكن قوي عادي جدااااااااا تقلع الحجاب ومسلمة وبتصلي

فانا اي شيئ ف مصرنا العزيزة مرتبط بالزواج اصدقه بجد ماعانة ما بعدها معاناة فعادي جدا يا مدام قلب ابيض

احنا متناقضين مع نفسنا الشرع بنمشيه ع مزاجنا

ولو حسبتيها هتلاقيها هيا هيا لو البنت هتشيل مع العريس برده هنتكون التكلفه متقاربة

بصراحه الجواز عندنا حاليا ف مصر مهلكة ومعاناة ربنا يعين اي حد بجد تحكمات لا انزل الله بها من سلطان وعلى ايه مش عارف

واتحدي ان لم يكن هذا راي معظم الشباب هنا اتغرب ويطلع عينك وتروح ترمي قرشين محترمين ف فرح وتحكمات تانيه وتوضب شقه يادوب هتستخدمها شهر ف السنة

انا مؤيد جدا بس نطبق الشرع صح يبقى ف كله مش هغرمك شيئ موافق ونطبق الشرع بس ماتخوتينش بفرح كده ويكلفني اد كده وهو أصلا لايمت للشرع بشيئ

انا لو اتقالي كده هقوله موافق هنمشيها شرعا يبقى تمشي صح بالكامل

وبصراحه اشك لان زي ماقولت النظام عندنا لنا شرع تاني حبه اسلام ونطبقه ف الحاجات اللي ع الكيف وحبه نبقى ياسيدي هو احنا بنفرح كل يوم

عديها

السلام عليكم و رحمة الله و بركاته

و لو اني حسيت ان حضرتك بتتخانق...او مبقوق....بمعني اصح

بس ميمنعشي اني احيي حضرتك ع الجملة الاخيرة

مينفعشي ناخد الاسلام في حتة....و نسيبه في حتة تانية...(و نبقي متاسلمين ع المزاج)

كان حد مرة قال احنا بنعيش حالة شيزوفرينا....و اجد عباة حضرتك متوافقة تماما مع توصيف ما يحدث الان

تحياتي استاذي

[مغتربة]

كنت داخله اقول كلام كتير

لكن لقيت كل الافاضل قالوه كل واحد اتكلم عن جزء من الى انا عايزه اقوله لغايه ما لقيت ان وجهه نظره وضحت فى كل الردود

باختصار ان شايفه ان احنا لازم نشوف اولويتنا فى موضوع الجواز دا

اصل فيه ناس بيبقى ليها اولويات كتير قبل فكره الزواج نفسها

يعنى كاب لبنت و جالها الى يصونها و يحميها و اتاكدت انا بصفتى ابوها من رجوليه هذاالشخص و انه فعلا هيصونها لكن ظروفه مش مسعداه ليه مسعدهوش انا سواء بالتخفيف عنه فى الطلبات او بالمشاركه معاه

و انا كشخص داخل اطلب واحده مقتنع انها هى دى الى فعلا ينفع اكمل معاها حياتى و تصون بيتى و عرضى ليه ابخل لو معايا و ادقق فى حاجات بسيطه ما هو كله فى الاخر فى بيتى

و لا يدخل بيوت الناس بالفكره الى بقت للاسف منتشره عند اغلب الشباب دلوقتى و هى انه مش يحمدوا ربنا ان فيه حد جاى يطلب بنتهم هو فيه حد بيتجوز اليومين دول و لا هى البنات لقيا رغم ان الفكره نفسها صحيحه لكن ان واحد يروح يخطب و الفكره دى مسيطره عليه اكيد مش حلو لان فى الاول و الاخر مش هو الرزاق هو مجرد رزق و الى بعته للبنت دى قادر برضه يبعت غيره

انا حاسه ان الطرفين لازم تكون اولويتهم من الموضوع هو فكرته نفسها و بعد كدا الامور هتتيسر لوحدها

يعنى انا مش معايا اكملك او اخفف عندك او انا هتحمل كل حاجه لكن من ناحيه تانيه بقى من غي من الطرف التانى ما يشرط عليا حاجه على حسب امكانياتى لكن انا برضه من الناحيه التانيه بجد لو امكانياتى تسمح بلاش استخسر او ابخل خلينا نمشى وسط لا اجيب غالى قوى يهدر كل الى معايا و لا استرخص علشان اوفر و اقولهم مادام انا الى متحمل كل حاجه يبقى محدش يحاسبنى و اجيب الى انا عاوزه بالتمن الى انا عاوزه

لازم الطرفين يكون عندهم النيه و ربنا و الله لازم هيسر لان دا حديث عن الرسول صلى الله عليه و سلم

ربنا ييسر لكل بناتا و شبابنا يا رب

تحياتى :clappingrose:

[se_ Elsyed]

أعتقد إن دي أمور دنيويه متروكة للناس وللعادات وتختلف من بلد لبلد

يعني ما فيش نموذج أستاندرد بيقول مين عليه إيه او مين يجيب إيه .. وبالتالي نطلق علي إسلامي .... ولو عملنا كده يبقى اللي بيحصل في الهند من مسلمين برضوا يُسمى إيه ؟ حيث إن العروسة ناقص تجوز أهل العريس كمان

لكن هو موضوع يتعلق بالتيسير على راغبي الزواج ...

و بيني وبنيكم المفروض يعني الراجل هو اللي يشيل الليلة بحالها .. بصراحة

لكن منين يا فرج ؟

الشباب اليومين دول بيكح تراب .... والأهل بيخافوا على بناتهم أحسن يقعدوا في أرابيزهم ...

وكمان البنت نفسها تخاف تسيب العملية للعريس لتفاجأ في النهاية إن " أهلها رموها " من وجهة نظرها ... حيث ممكن إنها تفاجأ بشقة أوضة من غير صالة ... وطشت ... وسرير سفري لشخص واحد ... ومسمارين في الحيطه يعلقوا عليهم الهدوم ... وخلصت يا معلم

لكن يظل في النهاية هناك أمور وسط مش محتاجه كلام وتقريباً متعارف عليها .. يعني شقة مناسبة حتى لو كانت إيجار جديد ... وأثاث مناسب لا هو تحت قوي ولا فوق قوي قوي قوي ... ولو الكل فكر بالطريقة دي وفكر إن مستحيل تلاقي حد في الدنيا إنتهى زي ما بدأ ( إلا لو كان فقري بقى .. هانعمل له إيه smk: ) ... يعني كل واحد بيبدأ صغير وبالمجهود والتعب والمشاركة بين الزوجين بيكبر - مش في السن - وبيحسن معيشتة وحياتة وحياة أسرته ..

لكن لو عاوزين الشاب الصغير يبدأ من النهاية يبقى ده التعجيز بعينه

[Howayda Ismail]

توبيك حضرتك مهم جدا خصوصا هذه الايام مع تعسر كثير من الشباب فى الزواج

مش عارفة لكن والدى الله يرحمه كان له معتقداته فى الزواج وطبقها معانا 3 بنات وصراحة مالقتش

زمان ولا دلوقت حد بيعمل كده وكانت فى ناس بتتعجب من تصرفه ده وتقوله محدش بيعمل كده

كان مبدأه ان البنت تتجوز لو بياع فجل سريح على خلق ودين احسن من واحد غنى حيجيب لها كل حاجة

لكن مش حتكون مرتاحة معاه وكان دايما يقول انا مش دايم لكم ولازم اطمن عليكم وفعلا كان عنده فراسة

ونظرة للناس ولم يوافق الا على من ارتضاه خلقا ودينا والحمد لله كانت نظرته صح

ثانى شئ انه كان شايف المهر والشبكة والمواسم وحتى مكان الفرح شئ يخص العريس ملناش فيه

جاب كتير جاب شوية اهى حاجته وفى وشه وفى بيته

ثالث حاجة ان البنت بقيمة الحاجة اللى بيجبها لها ابوها يعنى الشوار علينا مهما كانت قيمة المهر

واعترض على ناس قالت حنشور احنا رغم ان العريس كان مستعد يشور هو لكن قاله لأ ادفع المهر اللى

يناسبك وانا اجيب اللى عاوزه لبنتى ورغم انا مكناش من الاغنياء لكن سبحان الله كان كل حاجة

ميسرة وسهلة لانه فعلا مكنش بيعسر على حد فى طلبات وجهزنا باحسن جهاز بل ايضا كان بيشترى حاجات

كان العريس المفروض يجيبها لكنه شارك بها

عمرى ماشوفته طلب من واحد جيب ولا متجبش او دى مش عجبانا او انت مجبتش ده ليه فى نفس الوقت كنت

بلاقى جوزات اصحاب لى اتفركشت على طقم حلل او والدها طمعان فى مهيتها مش عاوزها تقعد من الشغل

او عاوزين شبكة قد كده وفرح مش عارفة زى مين والنتيجة انهم اتجوزوا بعدى بسنين طويلة

كذلك كان رافض نهائى زواج الاهل والاقارب مما سبب له قطيعة مع بعض اقاربنا

كمان مكنش يرضى يجوزنا حد من محافظة تانية لازم يكون اسكندرانى او على الاقل مقيم فى اسكندرية

وعلى فكرة اخويا واخد نفس منهجه ده انه هو اللى حيشور بناته ولسة رافض عريس لبنته لانه مش

من محافظتنا بس الخلاصة اننا بنترحم عليه كل يوم لاكرامه لينا وحنيته عليناوده اللى المفروض يعمله

كل اب وام مع اولادهم ان مايقفوش حجر عسر فى سبيل سعادة اولادهم عشان شوية كراكيب ممكن يروحوا فى

لحظة غير ماانهم بيتركوا مرارة وذكرى سيئة لهم بتتمثل فى الجحود بعد كده حتى فى الدعاء

بس اعتقد ان فى ناس بتسهل كتير دلوقت نظرا لارتفاع نسبة العنوسة المشكلة ان البنات بترفض

شاب على قد حاله وممكن توافق على عريس فارق السن بينهم كبير لمجرد عنده شقة وشبكة بالشئ الفلانى

بغض النظر عن المشاكل اللى حتحصل بعد كده من عدم التكافؤ او عدم التفاهم لانى بيبقى زواج مادى

[herohero]

<BR>

<BR>عادي بيحصل ولكن شرط ان العروسة واهلها ما يتنططوش لان بجد الجوزا ف مصر بقى معاناة <BR><BR>وعادي جدا اتقبله زي ما بتقبل اني اعمل فرح مش مقتنع بيه أصلا وادفع اد كده فيه عشان ساعتين او 3 ساعات<BR><BR>وزي ما بقبل ان الناس بتقول كده والكل بيعمل كده<BR><BR>بالعكس انا موافق اني اشيل كمل شيئ لكن بدون تشرطات وتحكمات ونطبق الشرع ف كل حاجه<BR><BR>بلاش الشرع المصري يعني مسلمة وملتزمة وتعمل فرح وممكن قوي عادي جدااااااااا تقلع الحجاب ومسلمة وبتصلي <BR><BR>فانا اي شيئ ف مصرنا العزيزة مرتبط بالزواج اصدقه بجد ماعانة ما بعدها معاناة فعادي جدا يا مدام قلب ابيض<BR><BR>احنا متناقضين مع نفسنا الشرع بنمشيه ع مزاجنا<BR><BR>ولو حسبتيها هتلاقيها هيا هيا لو البنت هتشيل مع العريس برده هنتكون التكلفه متقاربة<BR><BR>بصراحه الجواز عندنا حاليا ف مصر مهلكة ومعاناة ربنا يعين اي حد بجد تحكمات لا انزل الله بها من سلطان وعلى ايه مش عارف<BR><BR>واتحدي ان لم يكن هذا راي معظم الشباب هنا اتغرب ويطلع عينك وتروح ترمي قرشين محترمين ف فرح وتحكمات تانيه وتوضب شقه يادوب هتستخدمها شهر ف السنة<BR><BR>انا مؤيد جدا بس نطبق الشرع صح يبقى ف كله مش هغرمك شيئ موافق ونطبق الشرع بس ماتخوتينش بفرح كده ويكلفني اد كده وهو أصلا لايمت للشرع بشيئ<BR><BR>انا لو اتقالي كده هقوله موافق هنمشيها شرعا يبقى تمشي صح بالكامل <FONT size=7><BR><BR>وبصراحه اشك لان زي ماقولت النظام عندنا لنا شرع تاني حبه اسلام ونطبقه ف الحاجات اللي ع الكيف وحبه نبقى ياسيدي هو احنا بنفرح كل يوم <BR><BR>عديها</FONT>

<BR><BR>السلام عليكم و رحمة الله و بركاته<BR><BR>و لو اني حسيت ان حضرتك بتتخانق...او مبقوق....بمعني اصح<BR><BR>بس ميمنعشي اني احيي حضرتك ع الجملة الاخيرة<BR><BR>مينفعشي ناخد الاسلام في حتة....و نسيبه في حتة تانية...(و نبقي متاسلمين ع المزاج)<BR><BR>كان حد مرة قال احنا بنعيش حالة شيزوفرينا....و اجد عباة حضرتك متوافقة تماما مع توصيف ما يحدث الان<BR><BR>تحياتي استاذي<BR>

<BR><BR>اه مخنوق يا اخت لماضة انزلي الشارع واسالي الشباب وانت تعرفي لااخوة اللي هنا ربنا يديهم الصحه بس مش هم الشباب اللي لسه هيتجوز او ع القال اتجوزو اايام الخير انما شوفي دلوقت وياسلام جداااااااا لو من سكان القاهرة اتفرجي ع العلل<BR>

[se_ Elsyed]

بس على فكره يا مدام هند مع إحترامي لبياعين الفجل وكل مستلزمات السلطة

التوافق الإجتماعي والثقافي مطلوب .. ومطلوب جداَ كمان في أمور الزواج

وبصراحة ما شوفناش موضوع علي وأنجي إلا في الأفلام فقط

يعني الصورة هاتبقى متشقلبه لو جيت أتعرف على أُسرة الاقي إن دي الدكتورة رشا وده جوزها المعلم بوحه أكبر بياع فجل في المنطقة ... صعب تخيل الفكرة ...

حتى لو في حالات ناجحة فبالتأكيد مش هاتلاقيها كتيرة وهاتبقى نادره ..

وبالمناسبة .. برضو الموضوع مالوش دعوة بالدين .. يعني ده مش مخالف للدين في شيء لو رفضت واحد إتقدم لبنتي عشان مش متوافق معها في امور ما ... وسبق وذكرت لكم إن السيدة زينب بنت جحش كانت من أثرياء قريش ... وتزوجت سيدنا زيد بن حارثة وهو على الحميد المجيد ولا نستطيع أن نزايد على إيمانه وتقواه وهو من الصحابة الاجلاء ... لكن بالطبيعة البشرية لم تستقم الحياة الزوجية بينهما للإختلاف المادي والثقافي وحدث الطلاق سريعاً ..

اللي أقصده إن التدين مطلوب بالتأكيد .. وبالتالي اللي يأتيني لطلب بنتي لازم أول حاجه أبص عليها هي تدينه ... لكن الدنيا أيضاً موجوده ومطلوبة ولا نستطيع أن ننكرها .... ولازم أنظر للامور دي جيداً .. وإلا هاتسبب في تعاسة بنتي مع شخص ليس لديه نفس الثقافة ناهيك عن إختلاف المستوى الإجتماعي والمادي ..

وتذكروا دائماً إن درء الضرر .. مُقدم على جلب المنافع

يعني تجنيب التعاسة مُقدم على جلب الفرح والسعادة اللي لسه في علم الغيب ...

أينعم التعاسة كمان هاتبقى في علم الغيب . لكن أنا بأتكلم عن أمور بتبقى واضحه أمامنا في إختلافات واضحه في المستويات ...

وخلوا بالكم إن العُرف والتقاليد هي جزء من حياتنا اليومية ... وكتير منها لا نستطيع أن نتجاهله ...

بيتهيألي ضربت لكم مثل قبل كده إن بعد كتب الكتاب بيبقى الإتنين زوج وزوجة رسمي ... لكن العُرف كمل ده وقال إن في شيء تاني إسمه الزفاف قدام الناس وإشهار ذلك .... وإلا الزواج لو تم سُكيتي بين الزوج والزوجة بدون علم الأهل والناس المحيطة هايبقى منظرهم وِحش لو إتعرف الموضوه... بالرغم من إن كل الإجراءات شرعية وتمام التمام أهو ...

حتى القرآن ذكر العرف في قوله تعالى

" خذ العفو وامر بالعرف وأعرض عن الجاهلين "

العُرف طبعاً الذي لا يُخالف الشرع ...

لكن من هنا يتضح إن العرف جزء من حياتنا ولا يُمكن أن ننكره أو نتجاهله ...

[Howayda Ismail]

احنا كنا ناس عاديين من الطبقة المتوسطة يعنى يادوب مستوريين زى الاف الاسر اللى تقريبا اندثرت مع

الزمن ورغم كده كان مبدا والدى ان الجواز مش بيع وشرا للى يدفع اكتر وعلى اساسه رفض ناس اغنى

مننا واخدنا ناس من مستوانا كافحوا وتعبوا والحمد لله ميسورة كتير غير اللى بنشوفه دلوقت خالص من

طموح الشباب واهاليهم من الطرفين

كلام حضرتك مضبوط استاذ سى السيد لكن مفهوم الدين عندنا ولحد دلوقت معاملات يعنى الانسان

اللى بيخاف ربنا ويراعى بنتى مش رايح جاى على الجامع ودقن طول كده ومدارى ورا ستار الدين زى

ماناس كتيرة عاملة دلوقت واساءوا للدين والاسلام وعاوز يتجوز مرة واتنين بدعوة اقامة السنة وهو

اصلا مش مقيم العدل مع الاولى

واكيد طبعا التكافؤ مطلوب ولن اقول المادى وان كان لايستحسن غنى الزوجة على الزوج ولن يضر

ارتفاع مستوى الزوج حتى لايميل الميزان كما هو معروف لكن فى راى التكافؤ الثقافى والفكرى

والنفسى اهم من كل حاجة وده اساس نجاح اى حياة زوجية

لكن ايه راى حضرتك فى انسانة متعلمة تعليم عالى ومعاها دراسات ورغم كده رضيت بواحد غير متعلم

كل مؤهلاته انه غنى انا استغربت لما صحبتى حكت لى عنها لكن الظاهر ده الطبيعى دلوقت

لان بنت جارتى معاها مؤهل عالى لسة مخطوبة من يومين لواحد غنى جدا معاه ثانوية عامة لمجرد ان

اهله ميسوريين وشبكة مش عارفة بكام وفرح فى فندق ايه

والله انا نفسى الناس ترجع زى زمان فى بساطتهم وقنعتهم بدل طمع اليومين دول اللى وقف سوق البنات

وخلى كتير من الشبان يعزفوا عن الجواز

[قلب ابيض]

انا لو ليا بنت و توسمت خير فى ان العريس ادب و اخلاق و المستقبل قدامة لن اتردد لحظة انى اشركة و اقف معاة فى بداية حياتة

وعلى فكرة هو لو ابن ناس هيفتكر ليا المووضع دة و هيحافظ على بنتى و يصونها

كلام جميل يا ذهوبه اوى ده لو بنتى ...يعنى لو انت اللى اتقدم لبنتك العريس ده وهو ده طلبه

طيب لو العكس؟؟؟؟

يعنى لو العريس ابنك واتطلب منه الشرط ده ....بمعنى ان ابنك اللى هايتكفل بكل شىء والعروسه تجيى له بشنطتها وده تفضل من اهلها ....هايكون ايه رأيك وقتها؟؟؟؟

[قلب ابيض]

لكن الجديد بقى هو اللي أنا سمعته منك يا مدام قلب أبيض أن أهل العروسة هما اللي يطلبوا الموضوع ده..

لكن على فكرة المواضيع دي بتتظبط من طريق آخر وهو "القائمة" والكلام ده

ممكن توضح لى يا استاذ غريب لو سمحت ازاى؟؟

عن طريق القايمه والكلام التانى اللى هو ايه؟؟