مشكلة في تحويل الأموال

[طبيبة بالخارج]

حصلت مشكلة معنا مرتين في بنكين مختلفين (أحدهما في القاهرة و الثاني في أسيوط) اننا نحول فلوس من حسابنا بالسعودية و يتأخر وصولها في مصر

أصحاب الحسابات في مصر يسألوا أول مرة يقولوا لهم مفيش حاجة وصلت

فنتأكد من بنك السعودية من ارسال المبالغ ثم يرجعوا لبنوك مصر تاني فيقولهم آه وصلت

أمال كانت فين الوقت ده كله؟؟؟؟؟؟؟؟؟؟ في المرتين المدة اتخطت الاسبوعين لظروف خاصة بأصحاب الحسابات بمصر

في عمليات تحويل أخرى عملناها و بمبالغ أكبر و وصلت بسرعة في خلال يومين بالكتير

أنا مش فاهمة ايه المشكلة. ممكن حد يفهمني ايه سبب التأخير أحسن الشيطان عمال يخلي الواحد يشك في ذمة موظفين البنوك و لا ايه الحكاية

تم تعديل 6 ديسمبر 2010 بواسطة طبيبة بالخارج

[Abo Yossef]

أنا أعمل بالكويت و لم أجد مثل هذه المشكلة من قبل

أنا أرسلت قبل كده مبالغ شيكات و حوالات عن طريق بنك القاهرة و البنك الأهلى و بنك مصر و كلها تصل فى خلال 24 ساعة

مؤخرا فتحت حساب فى بنك فيصل و أرسل الفلوس لحسابى الخاص به و لاحظت تاخر وصول الفلوس لمدة يومين فى كل مرة و عرفت إنها تأخذ و قت لأنها ترسل أولا إلى البنك الرئيسى بالقاهرة قبل تحويلها للأقاليم بعكس إرسالها أسرع للأشخاص عن طريق الحولا ت

كمان ممكن تتأخر لو تم التحويل مباشرة قبل أجازات رسمية فى البلد الأقامة أو البلد المرسل إليها

و اعتقد إن مكتب الصرافة له دور أيضا فى تسريع عملية التحويل حسب تعاملى مع عدة مكاتب

تحياتى

مهندس محمد

[طبيبة بالخارج]

المشكلة ان التأخير تخطى يومين تأخير و بالنسبة لمكاتب الصرافة فالمشكلة انها بتاخد نسبة من المبالغ المحولة بعكس البنك بياخد مبلغ بسيط ايا كانت المبالغ المحولة

هي المشكلة زي ما قلت حدثت مرتين بس لكن مدة التأخير كانت كبيرة تتعدى الاسبوعين زي ما قلت و كمان الغريب ان دايما أول مرة يسألوهم يقولوا لهم ما وصلتش و تاني مرة يسألوهم في خلال يومين تبقى الفلوس فجأة وصلت