مبارك أكبر وطني في مصر!؟

[masraweya]

السلام عليكم

و أخيرا

- الهجرة الدائمة

يا خوفي للكل يهاجر

و ما يفضلش ع المداود غير شر البقر

هذا استهلال لا بد منه

الكل عايز يهاجر و يسيب البلد

طبعا انا معترضة على حكاية شر البقر دي... في مصريين قاعدين و مش ناويين يستسلموا و لسة عندهم أمل

بس بجد موضوع الناس اللي عايزة تسيب البلد خلاني أسأل نفسي... اشمعنى الريس عايز ابنه يقعد فيها؟

هتقولولي عشان يبقى ريس هو كمان .... طب هيستفيد إيييييه؟ هو فاضل إيه؟

مش أحسن يروح يتمتع هو و أحفاده و أحفاد أحفاده في "حتة نضيفة" بعيد عن الشعب المتعب ده اللي عمال يبص لهم في اللقمة

ده أقنعني ان الريس على عكسنا جميعا شديد الوطنية و عايز ابنه يشيل هم البلد من بعده

ملحوظة ... مش عارفة ألاقي مكان مناسب للموضوع ده .... باب المغتربين .. دعوة للابتسام "هم يضحك؟" .. موضوعات خفيفة "مفيش أخف من كده الصراحة

مخنووووووووووووووووووووووووووووووووقة

[raouf]

اولا اختى مصرية لا تتخنقى ولا حاجة انتى ليكى اهل واصدقاء عايزينك ومحتاجين وجودك بعيد الشر عليكى

ثانيا

هم اشتروا مصر واللى باعها هم برصوا

والشهود الشعب المتكاسل واللى راضى بالبيع وشايفه قدامه

يبقى عايزه ابن الريس يسيب ورثه ويعيش بره ؟

يعنى انتى بالذمة ترضيها لاولادك بعد عمر طويل ان شاء الله ان يسيب ورثه ويمشى اللى عادة هيكون شقة او بالكثير عمارة

امال اللى ورث بلد كاملة ينفع يمشى ؟

[masraweya]

أولا .. جزاكم الله خيرا يا رءوف

ثانيا .. تعرف لو بيتعامل مع البلد على انها ورثه ما كانش خربها كده

لو ده ورثه .. كان نماه و زوده

و فعلا أنا مش فاهمة هو عايز ولاده يقعدوا فيها ليه؟؟؟

بفلوسهم يقدروا يعيشوا ملوك في أي حتة .. يبقى ليه الإصرار على الحكم؟

ده حتى حولوا مصر من دولة إقليمية مهمة و لها وزن و ثقل ... إلى .. منفذ لسياسات الآخرين .. بإيثارهم المشي جنب الحيط

يعني مش هيبقى حاكم على دولة عليها العين بعد ما انتهى عمرهم الافتراضي عند أسيادهم و حققوا أهدافهم بنجاح في تقزيم دور مصر

و لاّ فيه في الأمور أمور و احنا مش واخدين بالنا؟

لسة فيه أهداف ما حققوهاش؟

أو خايفين من عودة الوعي؟ و عودة مصر لمكانتها؟

ربنا يرحمنا و يعينا و يصلح حالنا

[سكر]

ملحوظة ... مش عارفة ألاقي مكان مناسب للموضوع ده .... باب المغتربين .. دعوة للابتسام "هم يضحك؟" .. موضوعات خفيفة "مفيش أخف من كده الصراحة

المكان المناسب هو باب العزب والاطيان

[ابو محمد بن مصطفي]

اولا كل سنة وانتم طيبين

الهجرة لها عدة اسباب منها تحقيق الذات والبحث عن العمل ...... الخ

الريس وابنه حققا ذاتهم في البلد بالوصول الي سدة الحكم فيها يسيبوها ليه وعلشان كدة مصر بالنسبة لهم هي امي وخالتي وكل شئ

وتوصيل الشعب الي بر الامان وحماية مصر من ويلات الحروب المنشرة في المنطقةهي كل انجازاتهم.

علشان كدة هيسبوها ليه..السلطة ليها بريق وهموم البلد فوق كتافهم

هيعملوا ايه تاني ..

انتخابات حرة .... عملوا

ديمقراطية ..... عملوا

فرص عمل ..... وفروا.... ازاي انظر للتكاتك التي غزت البلد (مش دي فرص عمل)

غرقوا الشباب في المالح .... عملوا

امراض ...... منتشرة

فساد(منتشر في العالم كله) ....... اشمعنا احنا

ايه تاني ناقص

ايه الحقد ده....

[ابو محمد بن مصطفي]

ملحوظة ... مش عارفة ألاقي مكان مناسب للموضوع ده .... باب المغتربين .. دعوة للابتسام "هم يضحك؟" .. موضوعات خفيفة "مفيش أخف من كده الصراحة

المكان المناسب هو باب العزب والاطيان

المكان المناسب هو باب زويلة

[raouf]

أولا .. جزاكم الله خيرا يا رءوف

ثانيا .. تعرف لو بيتعامل مع البلد على انها ورثه ما كانش خربها كده

لو ده ورثه .. كان نماه و زوده

و فعلا أنا مش فاهمة هو عايز ولاده يقعدوا فيها ليه؟؟؟

بفلوسهم يقدروا يعيشوا ملوك في أي حتة .. يبقى ليه الإصرار على الحكم؟

ده حتى حولوا مصر من دولة إقليمية مهمة و لها وزن و ثقل ... إلى .. منفذ لسياسات الآخرين .. بإيثارهم المشي جنب الحيط

يعني مش هيبقى حاكم على دولة عليها العين بعد ما انتهى عمرهم الافتراضي عند أسيادهم و حققوا أهدافهم بنجاح في تقزيم دور مصر

و لاّ فيه في الأمور أمور و احنا مش واخدين بالنا؟

لسة فيه أهداف ما حققوهاش؟

أو خايفين من عودة الوعي؟ و عودة مصر لمكانتها؟

ربنا يرحمنا و يعينا و يصلح حالنا

شوفى يا اختى مصراوية فيه نا س بيبقى عندهم ثروات كتيرة وقصور ومصانع وغيره ولا يعرفوا قيمتها ولا يقدروها تلاقيهم يصرفوها ويضيعوها على القمار والكباريهات واى متع هيفه وزائلة

يعنى مش بيفكر غير ازاى يمتع نفسه ولا فارق معاه ابوه ولا اخوه ولا حته والدته اللى بتتقطع على حاله

هو ده بالظبط اللى بيحصل ولا بيهمهم مصر ولا اولاد مصر اهم حاجة اتمتع واعيش حياتى حتى لو هاضيع ميراثى وثروتى كلها

الحاجة الثانية انه مش مطمن ولا ضامن انه يستمر فى تملك ورثه لانه تربى على المؤامرات والانقلابات

ارجو ان اكون نجحت فى توصيل الفكرة

هاديكى امثله :

رئيس زيمبابوى ادوارد موجابى

بلده منهارة تماما الناس بتموت من الجوع اخد كل ما فى الخزانة وصرفهم على قصوره وزيجاته تصدقى متجوز 40 واحدة

بلد ثانية يحكمها ناس زى احمدى نجاد ولا رجب طيب اردوغان شوفى بس لبسهم وطريقة عيشتهم وانتى تعرفى انا اقصد ايه

فيه حاكم بيحب بلده فبيضحى بنفسه وحياته لاجلها

وفيه حاكم بيحب نفسه فبيضحى ببلده واهله من اجل نفسه فقط

[abbasy]

بعد التحية ..

اسمحوا لي بابداء رأيي

العيش كملك ليس معناه فقط الحصول على الثروة أيا كانت ، لكن معناه أيضا السلطة والقوة والنفوذ ، وهذه العوامل هي التي ستحمي هذه الثروة وتمنع أن يأتي أحدا من أفراد الشعب ويطالب بمحاكمة أصحاب هذه الثروات المنهوبة أو الحصول على تعويضات على سبيل المثال اذا ترك الحكم (لا قدر الله )

لهذا يبقى الطغاة متمسكين بأماكنهم طول الدهر ولأولادهم وأحفادهم من بعدهم

تقبلوا تحياتي