masraweya بتاريخ: 7 ديسمبر 2010 تقديم بلاغ مشاركة بتاريخ: 7 ديسمبر 2010 السلام عليكم و رحمة الله و بركاته الموضوع شاغلني .. لأنه يتعلق بالعقول المصرية البعثات التي ترسلها الحكومة المصرية للدراسة في الخارج هذه البعثات كانت سبيل محمد علي لانشاء دولة حديثة تمثل نواة الامبراطورية التي حلم بها كانت سبيل كثير من الدول للنهوض و التنمية ماذا عن مصر الآن؟ أولا .. معايير اختيار المبعوثين أحيانا كثيرة يشوبها عدم الوضوح .. حتى لما طوروا النظام بحيث يكون مشروع البحث هو المعيار الأهم .. لا زال الأمر يتم بقليل من الشفافية ثانيا.. مشاريع البحث التي ترسلهم الحكومة لدراستها ماذا تخدم؟ ما المشروع القومي لمصر الذي تخدمه و تنهض به هذه الدراسات؟ ما المشاكل التي تواجهها مصر و تحاول هذه البعثات بحثها؟ ثالثا .. و هو الأهم .. ما مصيرهم بعد العودة؟ هل يتم الاستفادة بهم و الخبرة التي اكتسبوها من الدراسة و العمل في نظام مختلف و بيئة منتجة لماذا الإصرار على تطفيشهم؟ و لماذا نرسلهم أصلا إذا لم نكن ننوي الاستفادة الجادة بهم؟ مايحدث أننا ننفق عليهم ثم نقدمهم هدية للعالم الأول أول ما يقابلون به ان ما درسوه و تعلموه لا مجال لتطبيقه .. عليهم أن يعودوا سيرتهم الأولى و كأننا لا رحنا و لا جينا و لا فلوس اتصرفت علينا رابط هذا التعليق شارك المزيد من خيارات المشاركة
Dreamwithme بتاريخ: 7 ديسمبر 2010 تقديم بلاغ مشاركة بتاريخ: 7 ديسمبر 2010 أصل هذه المشكلة عدم وجود نظام في مصر ...لايوجد هدف قومي ورسالة ورؤية واضحة إحنا رايحيين فين كل شئ بيتم بعشوائية شديدة .....وطبعا البحث العلمي والبعثات جزء من مصر وللأسف أوضح جزء يظهر فيه العشوائية والأهمال أنا أعمل بمجال البحث العلمي فبالتالي أشعر بحزن شديد علي ها الحال وأحيانا كثيرة ينتابني أنا وزملائي شعور من الاحباط .....مفيش هدف عام وخطة عامة واضحة لأي شئ والتفوق والتميز يعتمد علي الجهد الذاتي وأنا شخصيا شفت الناس اللي رجعوا من الخارج بعد حصولهم علي المنح ودراستهم هناك للأسف الشديد بالرغم من أنهم بيحاولوا يطبقوا اللي اتعلموه لكن يستمر 90% من علمهم ضائع بسبب عدم وجود نظام و الأهتمام بالمظاهر فقط وضعف التمويل والبيروقراطية في مكان عملي خصصوا قسم منفصل للعائدين من الخارج وسموه "الطريق إلي نوبل" عشان الناس دي تقدر تبدع وللأسف الشديد بعد فترة قصيرة لعدم وجود نظام وهدف عام بدأت تظهر بينهم نفس المشاكل والخلافات المتأصلة في باقي مكان العمل من أسس البحث العلمي التخطيط ثم التخطيط ثم التخطيط ...وطول ما أحنا في مصر مفيش خطة واضحة يبقي للأسف الفلوس اللي بتتصرف علي المنح وعلي البحث العلمي بشكل عام كأننا بنرميها علي الأرض ومعها عمر وصحة وطموح الباحثيين في مرة مدرب تنمية بشرية قال قدامي كلمة مش قادرة أنساها لو بتشتغل في مؤسسة ليست لها رسالة ورؤية واضحة اتركها فورا بصراحة لو كل واحد في مصر سمع هذه النصيحة معظم الناس هتقعد في البيت من غير شغل <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
Om Zayd بتاريخ: 7 ديسمبر 2010 تقديم بلاغ مشاركة بتاريخ: 7 ديسمبر 2010 السلام عليكم و رحمة الله و بركاته أفضى بس شوية و لي عودة الموضوع ذو شجووووووووووووون رابط هذا التعليق شارك المزيد من خيارات المشاركة
Om Zayd بتاريخ: 9 ديسمبر 2010 تقديم بلاغ مشاركة بتاريخ: 9 ديسمبر 2010 عدنااااااا تصدقوا اني ابتديت احس ان البعثات و المنح دي وسيلة من وسائل السيطرة لو عايز ما يبقاش فيه مشاكل في طلوعك بعثة لازم يبقى مرضي عنك او على الاقل .. ما تعملش مشاكل و تسمع الكلام مش هضيف كثير على كلام دريم الباحث الواحد بيتكلف على الاقل مليون جنيه في فترة البعثة فقط ده غير اللي اتصرف عليه قبل كده كثير منهم بيجيله صدمة حضارية و ما بيرجعش أصلا.. لأنه بيحتك بزبدة المجتمع هناك و ما بيشوفش اي حاجة وحشة نظام الشغل مريح و مثمر و يقارنه بالوضع السيئ في مصر فجأة تكبر كل العيوب اللي في مصر قدامهم .. و عارفين المصير اللي مستنيهم .. ما هم شافوه في زمايلهم اللي رجعوا تصدقوا ان واحد زميلي قالي ان السبب الوحيد اللي خلاه يرضى يتعين في الجامعة رغم انه كان ممكن يشتغل بمرتب كبيييييييييييير براها هو فرصة السفر برة و بعدها الهجرة ببراءة سألته .. و والدتك... هبقى ابعت اخدها كانها ما لهاش اصحاب و قرايب و حياة كاملة و بلدك؟ .. بصلي باستغراب شديد و ما ردش مش عارفة بصراحة غير رأيه و لا لسة .. بعثته لسسة ما خلصتش وكثير كالع يدرس حاجات عجيبة حد الحرابة و الردة مثلا و الادب العربي مش بقلل من أهمية المواضيع دي لكن هل هي أولويات النهضة؟ المفروض اننا غلابة و اجيبلكم فلوس منين طب ليه بيرموا الفلوس بالطريقة دي؟ مين بيحاسب البعثات و التعليم العالي عن أهدافهم و هل تحققت أم لا مين بيحط الخطة و بيحطها ازاي؟ كمان مكاتبنا الثقافية برة و اللي جزء من مهمتها متابعةالمبعوثين و تسهيل مهمتهم ... مين بيحاسبها؟ أداءها مرتبط بشخصية المستشار الثقافي.. لو محترم و فاهم .. يمشي المكتب تمام و المبعوثين ما يبقاش عندهم مشاكل و لو فيه مشاكل تتحل غير كده...بيبقوا مع نفسهم.. و تلاقي إجابة المكتب من عينة اسأل زمايلك المبعوثين دول ثروة .. ما حدش قلبه على البلد يفرط فيها رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان