لو أنت أحد المستفيدين من الفساد اتفضل معايا

[akramgroup]

طبعا الفساد مش محتاج تعريف وصورة واضحه جداً وفى كل مكان وفى معظم المصالح الحكوميه بالذات

وطبعاً احنا هنا بنتكلم كتير عشان نعرف اسباب الفساد واشكاله وازاى نقدر نحارب الفساد

وطبعا انا من انصار محاربه الفساد ونفسى ان مصر ترجع بخير وناسها يرجعوا زى زمان ...والخ

وانا بقرأ بعض المداخلات هنا وبدأت احس الاحساس المتكرر والسؤال المعهود : هو فى أمل ؟

وطبعا الفساد والفاسدين فى معظم الاماكن والمستفيدين بردو. وكل واحد بيستفيد بطريقتة

وفجأة اكتشفت انى من احد المستفيدين من الفساد ولو بصورة مصغرة بس مستفيد .

وانى احد المشجعين كمان

ونط فى دماغى اليوم العالمى للاستفاده من الفساد والبحث عن الفاسدين واليوم ده بيبقى يوم زيارة ادارة المرورو فى اسكندريه دى من اكبر الاماكن اللى تقدر حضرتك تشوف فيه فساد معظم امناء الشرطه

والموظفين واللى يقول غير كده يتفضل معايا على مرور اسكندريه اللى بزورة كل سنه وانا راجع من الاجازة عشان اجراءات براءة الذمه وشهاده المخالفات وما الى ذلك مش هاقدر اوصفلكم الدنيا ماشيه ازاى هناك وازاى انا من اول مابدخل ببدأ رحلة البحث عن الفاسدين واللى للاسف مبتستغرقش اكتر من

دقيقة!!! وابدأاشوف مين ممكن يخلصلى الورقه دى ومين يدخل المكتب الفلانى ومين يدخل لمدام فلانه عشان لاتقف فى طابور لايقل عن 30 فرد من الطبقه الكادحه والناقمه على الحكومه واللى عاملينها ....طبعا مفهوم

وبحاول امشى امورى عشان اخلص القصه الهلاميه دى والغير منطقيه واللى ممكن تاخد منى لو مشيت رسمى ووقفت فى كل طابور وانتظر ساعتين على باب سياده وكيل النيابه عشان يتفضل يقبل الورق عشان يحط توقيعه الكريم على الورقه .

طيب ليه اضيع يومين لما ممكن ب 100 جنيه ولا 50 جنيه تخلص ورق ياخد يومين فى اقل من ساعه !!!!!!

وللأسف انا بعمل كده فى أى مكان بدخله عشان اخلص اجراءات السفر من اول القصه حتى دخولى الاراضى السعوديه.

المهم عشان مطولش عليكم هو انا كده مش بشجع الفساد؟

ماهو انا بخلص ورقى واعطل كذا واحد واقفين طابور من 6 الصبح وبصراحه مش ده حرام

هو انا كده مستفيد من منظومة الفساد ؟

هو انا كده منافق عشان بهاجم الفساد وانا غرقان فيه؟

ياترى انت كمان مستفيد باى صورة من الصور ولا انا بس اللى كده؟؟

[masraweya]

السلام عليكم

جزاكم الله خيرا على الموضوع

للأسف كلنا بندور على معارف أو طرق نمشي بيها حالنا

طرق للالتفاف حول ما نراه قواعد غبية و معطلة

ربما لأنه لا توجد قنوات شرعية واضحة يمكننا بها تغيير مثل هذه الأوضاع

و ربما هذا متعمد حتى نصبح جميعا فاسدين و مفسدين

و يبقى كلنا مستفيدين و "على راسنا بطحة

كالعادة .. في ظل انغماس الأغلبية في هذا المسلك يصبح أي مخالف "مجنون أو عامل فيها شريف أو حنبلي

لي عودة بإذن الله

[عادل أبو عمر]

أكرم .. كل سنة و إنت طيب

لست وحدك .. فكلنا هذا الرجل .. احاطنا الفساد من كل جانب و نجح في أن يجعلنا طرفا في الفساد لو مش عن طريق المشاركة بدون وعي يكون عن طريق الوعي بالفساد ثم المشاركة مضطرين و السكوت بسلبية ..

بس أعتقد إن تصرفات زي اللي قولتها دي مش استفادة من الفساد و لكنها نتيجة للفساد اللي بيعطلك أمورك بدل ما ينظمها رغم إنه يقدر يعمل كدة بس هو عاوز يستفاد منك مش يفيدك .

الانسان اللي بيفكر بتفكيرك في تصرفاته و يراجعها كدة و بعدين يحس إنه مش مرتاح ده لوحده مؤشر إن فيه خير فينا و إننا كارهين الفساد بس الفساد أصبح كرهنا له غير كافي للقضاء عليه ..

المشكلة إن فيه حالة احباط عامة بسبب تمكن الفساد في مصر و إزاي ممكن نحارب الفساد و نغيره وهو بيعاملنا بمنتهى البجاحة في إعلان استمرار الفساد وكمان اتهام ما دونه انهم هم سبب الفساد حتى بدأنا نشك في أنفسنا كما وضحت في موضوعك الجميل .

أنقل هنا قولا جميلا في تفسير الآية الكريمة :

(وإذا قيل لهم:لا تفسدوا في الأرض , قالوا:إنما نحن مصلحون . ألا إنهم هم المفسدون , ولكن لا يشعرون). .

إنهم لا يقفون عند حد الكذب والخداع , بل يضيفون اليهما السفه والادعاء: (وإذا قيل لهم لا تفسدوا في الأرض). . لم يكتفوا بأن ينفوا عن أنفسهم الإفساد , بل تجاوزوه إلى التبجح والتبرير: (قالوا:إنما نحن مصلحون). .

عشان كدة مش غريب إن تسمع من المفسد أن يقول لك سأستمر في الفساد .. من أجلك أنت ... و عشان تتطمن على ولادك

و يسمي التزوير شفافية .

في النهاية أرى أن غالبية المصريين ليسوا مستفيدين من الفساد و لا يشجعونه بل هم يعانون يوميا من نتائجه و ليس أكثر من دليل على معاناة المصريين من تحمل الأسر المصرية محدودة الدخل بمليارات الجنيهات سنويا للدروس الخصوصية تحت أعين الفاسدين بدون أي ذنب لتلك الأسر سوى فساد العملية التعليمية .. فهل نعتبر ذلك من جانب الأسرة المصرية فسادا او استفادة من الفساد ؟!!

[عبير يونس]

أكرم باشا

موضوع في الجون

تستحق تقييم ايجابي

بس رصيدي خلص النهاردة

باقية يا فندم

آخر عهدي بالبلد من حوالي 8 سنوات

و انا باعمل اوراقي و شهادات الولاد الصحية و انا طالعة لزوجي هنا في السعودية

لأنه طبعا سبقني و بعدين عمل لي استقدام

عايزة اقول بصدق

اني كانت اموري ميسرة جدا جدا بفضل الله

و ما احتاجتش اعمل اي حاجة من دي

بالعكس

والله ان يوم من ضمن الايام اللي باقضي فيها مشاويري

الموظفين كانوا بيضحكوا و قالوا لي اتفضلي اقعدي

و عزموا عليا بشاي كمان

خلاصة ده ايه

كل واحد من الناس له حالة لوحده

و له نصيب من توفيق ربنا سبحانه و تعالى

ماعليه غير انه يطلبه منه سبحانه

و زي ما تتوقع حتلاقي

اؤمن ان كلام المولى عز وجل

(أنا عند ظن عبدي بي فليظن عبدي ما شاء)

هو سر الحياة

في ناس كتير جدا جدا جدا في العالم كله عايشين في سعادة والله

و مئات الحوادث و الهموم و اعراض الفساد

ما هي الا الشاذ و الغير طبيعي

و اللي بيتضخم من حكايات الناس اللي حوالينا او من موقف او اكتر شفناه بعنينا

جايز حد يقوللي

اصلك بعدتي كتير

ده الدنيا اتغيرت كتير في ال8 سنين دول

أرى أن الفساد موجود زي اي شيء قبيح

ممكن يحصل في الدنيا بحالها

التعميم بقى هو اللي مش منطقي

حأعطي مثال لاختلاف آراء الناس

كام بحث طلع بيذكر أضرار الشاي و القهوة على القلب؟

و كام بحث طلع يبين مزايا الشاي و القهوة و للقلب بالتحديد؟ :blink:

و كام واحد بيدافع بشدة عن احد الرأيين؟؟

احنا دايما بنشوف جزء من الصورة

و لا يمكن حد من البشر يقدر يشوف الصورة كاملة

لان ده فوق ادراكنا كبشر

الجزء من الصورة اللي بنشوفه ده

بيدخل فيه تأثير الناس و الاعلام و المدرسة و الشغل و الاقارب و الاصدقاء

و لما بيتوجد عندنا خوف أو شك في حاجة

نبص تلاقي كل الحكايات اللي من النوع ده اتكاترت علينا

لحد ما نعتقد انها ظاهرة

و نصدق ده

و بيساعد في كده الاعلام المفرط في السلبية

اللي داييما بيبرز الشاذ و الغير طبيعي و الحوادث

ليغري ملايين الناس بمتابعتها

يعني كام واحد بيتجوز النهاردة

ملايين

لكن اخبار الطلاق هي اللي بتنتشر

لان الاصل هو الزواج السعيد و ده محدش بيتكلم عنه لأنه الأصل

و مبيغريش حد للفرجة

كلمة عاشوا في تبات و نبات و خلفوا صبيان و بنات

الناس بتعتبرها نهاية الحدوتة لان ده الطبيعي

و مفيهوش جديد و مثير

و كام بيبي جميل معافى اتولد النهاردة

ملايين

لكن اخبار البيبهات المرضى او المعاقين هي اللي بتشد الناس

لاننا بطبيعتنا بنتشد لغير المألوف

الحياة الطيبة اللي صنعها الخالق

حقيقة و ليست وهما

الوهم هو ما نعيشه من التضخيم لتوافه الأمور و شواذها

حتى تملأ الجزء الذي نراه من الصورة

لتصبح الحياة كئيبة و مملة

لا أمل

يأس

كفر و العياذ بالله

الخير موجود طول ما في حياة

و الشر لا يمكن طرده الا بالخير

اللهم ارزقنا الخير كله عاجله و آجله

ما علمنا منه و ما لم نعلم

آمين

[masraweya]

موضوع ذو صلة

http://www.egyptiantalks.org/invb/index.php?showtopic=3997

الدروس الخصوصية لأكبر دليل على الفساد و الإفساد

المدرس اللي مرتبه صغير و لسة بيبتدي حياته .. لما يلاقي "مواطنين شرفاء " على استعداد لبذل كل غالي عشان يدوا اولادهم دروس و يجيبوا مجموع

هيرفض و يبقى حنبلي .. و لاّ؟

الأهالي دول .. عشان يبقوا "ريحوا ضميرهم" و عملوا اللي عليهم في تعليم العيال أسهموا بصورة كبيييييييييييييييرة في إفساد العملية التعليمية

[عادل أبو عمر]

الفاضلة مصراوية كل سنة و حضرتك طيبة و جميع الموجودين بالمحاورات

يمكن اكون مش فاهم كويس وجهة نظر حضرتك بس هل الأهالي إذا أرادوا تحمل مسئولياتهم تجاه أولادهم لتعليمهم بعد أن تم تفريغ المدارس من التربية و التعليم و المعلمين هل يكونوا هم المخطئين مع إنهم يضطروا لاستقطاع تكلفة الدروس خصوصية من دخل البيت الذي كان من الممكن توجيهه للترفيه عن الأسرة بدلا من نكد التعليم كل عام ..

الأهالي يدفعون تكلفة الدروس ليس للتفوق كما كان الوضع سابقا ولكن فقط لتعويض العجز و التقصير من جانب أولي الأمر المسئولين عن التعليم في المدارس ...

فهل يكون الأهالي مساهمين في الفساد أم يعانون بسبب الفساد ..

وكيف تكون محاربة الفساد في هذه الحالة و ما هو البديل إذا كان غالب المدارس الحكومية لا فيها تعليم و لا معلمين إلا حالات استثنائية ... ما البديل و غالب الأسر المصرية لا تستطيع تحمل تكاليف مدارس خاصة ..

أعتقد ان الأهالي ضحية فساد و هذا الفساد الذي زاد و غطى حتى صار الأهالي وحدهم في الصورة هم الفاسدين

وأعتقد ان المدرس ضحية فساد لعدم تأهيله بالشكل المناسب ووضعه في مستوى دخل يحترم وظيفة و رسالة المعلم ..

أعتقد أن فساد و فشل القائمين على التعليم جعل كثيرمن المدرسين فاسدين أومستفيدين من الفساد ..

ويبقى سؤال أكرم : هل نحن نشجع الفساد أو مستفيدين من الفساد ..

سؤال اكرم فعلا صادم .. لأنه لايتهم أحدا بعينه بل إنه يجعلنا جميعا متهمون !!!

رأيي نحن الجميع مشتركون في الخطأ و لكن في معظم الأحوال مضطرين ( و ليس ترييح ضمير)

هذا ليس تبريرا و لكن اعتراف يجب أن يعقبه تفكير كيف نكون إيجابيين .. و معا سنصل بإذن الله للحلول ...

[التونسى]

للأمانه والله على ما أقول شهيد .. أنا بتجنب بشكل متطرف انى استفيد من الفساد..سواء فى مصر او فى أى بلد تانيه ليا فيها مصالح .. رغم إنى سمعت من أحد الفقهاء الدينيين أنه فى بعض الحالات يجوز الاستفاده ((عبر الاكراميات والرشاوى وخلافه))لو كان إضطراريا وبسبب فعلا قهرى .. ويؤدى لفساد اكبر وتعطل للمصالح المصيريه.. بس الوحاد بيحاول يتقى الله.. ويبعد عن الشبهات قدر المستطاع

أنا مش بلوم حد بيستفيد من الفساد رغم أنفه .. لأنى أنا أكيد برده استفدت منه.. فى وقت ما ..فى ظرف ما.. فى مكان ما.. وعلى رأى الشاعر الكبير سيد حجاب ((والرأى ده بيلخص وجهة نظرى الشخصيه))

أزاى حنمشى عِدِل .. والطريق معووج !!

[عبير يونس]

رأيي نحن الجميع مشتركون في الخطأ و لكن في معظم الأحوال مضطرين ( و ليس ترييح ضمير)

هذا ليس تبريرا و لكن اعتراف يجب أن يعقبه تفكير كيف نكون إيجابيين .. و معا سنصل بإذن الله للحلول ...

bv:-

[masraweya]

الفاضلة مصراوية كل سنة و حضرتك طيبة و جميع الموجودين بالمحاورات

يمكن اكون مش فاهم كويس وجهة نظر حضرتك بس هل الأهالي إذا أرادوا تحمل مسئولياتهم تجاه أولادهم لتعليمهم بعد أن تم تفريغ المدارس من التربية و التعليم و المعلمين هل يكونوا هم المخطئين مع إنهم يضطروا لاستقطاع تكلفة الدروس خصوصية من دخل البيت الذي كان من الممكن توجيهه للترفيه عن الأسرة بدلا من نكد التعليم كل عام ..

الأهالي يدفعون تكلفة الدروس ليس للتفوق كما كان الوضع سابقا ولكن فقط لتعويض العجز و التقصير من جانب أولي الأمر المسئولين عن التعليم في المدارس ...

فهل يكون الأهالي مساهمين في الفساد أم يعانون بسبب الفساد ..

وكيف تكون محاربة الفساد في هذه الحالة و ما هو البديل إذا كان غالب المدارس الحكومية لا فيها تعليم و لا معلمين إلا حالات استثنائية ... ما البديل و غالب الأسر المصرية لا تستطيع تحمل تكاليف مدارس خاصة ..

أعتقد ان الأهالي ضحية فساد و هذا الفساد الذي زاد و غطى حتى صار الأهالي وحدهم في الصورة هم الفاسدين

وأعتقد ان المدرس ضحية فساد لعدم تأهيله بالشكل المناسب ووضعه في مستوى دخل يحترم وظيفة و رسالة المعلم ..

أعتقد أن فساد و فشل القائمين على التعليم جعل كثيرمن المدرسين فاسدين أومستفيدين من الفساد ..

ويبقى سؤال أكرم : هل نحن نشجع الفساد أو مستفيدين من الفساد ..

سؤال اكرم فعلا صادم .. لأنه لايتهم أحدا بعينه بل إنه يجعلنا جميعا متهمون !!!

رأيي نحن الجميع مشتركون في الخطأ و لكن في معظم الأحوال مضطرين ( و ليس ترييح ضمير)

هذا ليس تبريرا و لكن اعتراف يجب أن يعقبه تفكير كيف نكون إيجابيين .. و معا سنصل بإذن الله للحلول ...

أحييك على السطرين الأخيرين

البحث عن حلول هو ما يهمني فعلا .. فقط أردت أن أؤكد أننا ساهمنا بصورة كبيرة في ان يصبح الفساد هو العادي و بالتالي نصبح مضطرين لمجاراته

مثال الدروس الخصوصية .. في مدرستي الابتدائية و الاعدادية (مدارس خاصة محترمة جدا) ما كنتش حتى أسمع ان فيه دروس .. رغم ان زمايلي أغلبهم اكتشفت بعد كده كان بياخد حتى في الرسم عشان المجموع في الاعدادية "شهادة يا ناس" .. لكن الجو العام في المدرسة ما بيشجعش على ده

أيامها برده كان الدروس عموما مش مستشرية بالشكل ده

دخلنا ثانوي (مدرسة حكومي محترمة جدا) .. برده مفيش كلام كثير عن الدروس .. العادي ان اللي ضعيف شوية ياخد درس

اخدت أيامها درس في الفرنساوي ..باعتباره لغة جديدة و انا بحب اللغات و احب دراستها .. ما اخدتوش عند مدرس من مدرستي .. مدرس تاني جنب البيت

طبقوا علينا الثانوية الحديثة و ابتدا السعار و الصراع غير المبرر .. المدرسين بتوعنا ييجوا ما يلاقوش غيري و كام بنت كمان .. و مع ذلك يشرحوا لنا بمنتهى الضمير.. رغم منهم أباطرة في الدروس الخصوصية كما علمت بعد ذلك و كانوا فرحانين بينا جدا

السؤال ..مين اللي خلى الطلبة تبطل تروح المدارس؟

و تركز في الدروس؟

مين اللي بيقعد يدور ازاي هيشيل لهم الغياب أو يحاول يضغط على المدرس عشان يديله درس؟

فيه مدرسين ضميرهم ضعيف و انتهازيين .. بس مين اللي اداهم الفرصة على كبق من ذهب؟

هل سوء الإدارة فقط و لا احنا لينا دور كبير؟

عموما مش ده موضوعنا

آسفة للإطالة

كل اللي اقدر عليه اني بحاول قدر المستطاع ما الجأش لواسطة او فاسد يخلصلي أموري

يعني ممكن اقف في الطابور شوية .. عادي و يا ما وقفت

بس اللي بحب اعمله أحيانا ان لو موظف ضايقني دون وجه حق .. ما اسكتش .. ممكن ساعتها اكلم معارفي عشان يبطل يقرف الناس شوية

[akramgroup]

ويبقى سؤال أكرم : هل نحن نشجع الفساد أو مستفيدين من الفساد ..

سؤال اكرم فعلا صادم .. لأنه لايتهم أحدا بعينه بل إنه يجعلنا جميعا متهمون !!!

رأيي نحن الجميع مشتركون في الخطأ و لكن في معظم الأحوال مضطرين ( و ليس ترييح ضمير)

هذا ليس تبريرا و لكن اعتراف يجب أن يعقبه تفكير كيف نكون إيجابيين .. و معا سنصل بإذن الله للحلول ...

الله عليك ياعادل وعلى الكلمتين دول

مدام متغربه معدوش عليها مرور الكرام وعرفت تطلعهم

وانا كمان مش هاخليهم يعدوا كده وخلاص لازم نركز فيهم

وكل سنه وانت طيب

[Howayda Ismail]

انت ذكرت المرور لكن ماقلتش ان الفساد والرشوة وصل لبطاقات الرقم القومى والحى وغيره وغيره وكله بثمنه

لكن لو كنا بنضطر احيانا للواسطة او للقهوة والمعلوم حسب مسمياتها مقابل اننا نحصل على حقوقنا ونمشى

امورنا فربما ضررنا قليل لكن الكارثة والمصيبة لو ترتب على منفعتك دى زهق ارواح بريئة وده اللى حصل

فى عمارة لوران وكاد ان يحصل فى عمارة النبى دنيال نتيجة لقلة فاسدة من مرتشى الاحياء الذين يصدرون تراخيص

لادوار مخالفة فى حين المبنى لا يتحمل اى زيادة والنتيجة عشرات الاسر باطفالهم تحت الركام والجانى فى لحظة

برشوة خارج البلاد وبرضه ده اللى حصل فى العبارة تصاريح صدرت كله تمام والنتيجة الالاف راحوا فريسة لاسماك

القرش ومن عاشوا مازلوا يعانوا صدمة الغرق وفقد ذويهم والجانى فى غمضة عين خارج البلاد وابن كريازى وغيره وغيره

تعرف ان فى مرور اسكندرية بتخرج رخصة قيادة فى غمضة عين وبعدين اتعلم السواقة على مهلك

تعرف ان نصف السواقين خاصة سائقى النقل مدمنين مخدارات ورغم كده عند تجديد الرخص مافيش ادنى تحليل يبين

حالتهم وبعد كده عشرات الحوادث يوميا فى اسكندرية خاصة الطرق السريعة بسبب سائقى المقطورات وانصاف السائقين

اللى حصلوا على الرخص بالواسطة او الرشاوى

ورغم ده كل مش حنعفى انفسنا اننا بنشارك فى منظومة الفساد اما بممارستها او التطنيش عليها

[akramgroup]

و مئات الحوادث و الهموم و اعراض الفساد

ما هي الا الشاذ و الغير طبيعي

مدام مصريه متغربه

الجمله دى انا قريتها كذا مرة

بس للاسف عمال اقلبها فى راسى يمين وشمال ومش قادر اقتنع

كلامك نظريا ممكن صح اما الواقع فهو مختلف تماما

انا منكرش ان فى اماكن فى مصر يقودها الشرفاء وفعلا بتلاقى فيهم

واحد او اتنين اللى فاسدين وبيكون منبوذين من الجميع وتلاقى المدير

المحترم بتاعهم مش طايقهم ( ده فعلا موجود )

لكن!!!!

للأسف فى اماكن اخرى بيكون قائدها واحد فاسد وبالتالى مفيش مشكله عنده

ان كل الفساد ده يحصل تحت عينه وفى رعايته

الاماكن دى فى لمح البصر كلها بتتحول لبؤرة فساد مستفحل وبيبقى الشريف

فيها هو اللى شاذ وغير طبيعى

وللأسف بردو الناس الفاسده بقت كتير اوى وانتشرت فى الدوائر الحكوميه

بصورة فظيعه وده طبعا تحت قياده ورعايه مدير الجهة اللى بيكون فاسد

او بيكون مغيب عن مايحدث فى نطاق مسئوليتة وفى الحالتين يعتبر فاسد

تحياتى

تم تعديل 8 ديسمبر 2010 بواسطة akramgroup

[akramgroup]

انت ذكرت المرور لكن ماقلتش ان الفساد والرشوة وصل لبطاقات الرقم القومى والحى وغيره وغيره وكله بثمنه

لكن لو كنا بنضطر احيانا للواسطة او للقهوة والمعلوم حسب مسمياتها مقابل اننا نحصل على حقوقنا ونمشى

امورنا فربما ضررنا قليل لكن الكارثة والمصيبة لو ترتب على منفعتك دى زهق ارواح بريئة وده اللى حصل

فى عمارة لوران وكاد ان يحصل فى عمارة النبى دنيال نتيجة لقلة فاسدة من مرتشى الاحياء الذين يصدرون تراخيص

لادوار مخالفة فى حين المبنى لا يتحمل اى زيادة والنتيجة عشرات الاسر باطفالهم تحت الركام والجانى فى لحظة

برشوة خارج البلاد وبرضه ده اللى حصل فى العبارة تصاريح صدرت كله تمام والنتيجة الالاف راحوا فريسة لاسماك

القرش ومن عاشوا مازلوا يعانوا صدمة الغرق وفقد ذويهم والجانى فى غمضة عين خارج البلاد وابن كريازى وغيره وغيره

تعرف ان فى مرور اسكندرية بتخرج رخصة قيادة فى غمضة عين وبعدين اتعلم السواقة على مهلك

تعرف ان نصف السواقين خاصة سائقى النقل مدمنين مخدارات ورغم كده عند تجديد الرخص مافيش ادنى تحليل يبين

حالتهم وبعد كده عشرات الحوادث يوميا فى اسكندرية خاصة الطرق السريعة بسبب سائقى المقطورات وانصاف السائقين

اللى حصلوا على الرخص بالواسطة او الرشاوى

ورغم ده كل مش حنعفى انفسنا اننا بنشارك فى منظومة الفساد اما بممارستها او التطنيش عليها

مدام هند - ابنه اسكندريه الباره

انا بس حبيت اجيب مثال واحد من اللى انا اعرفه واكيد احنا لو عدينا الاماكن اللى نعرفها لو على سبيل المثال فى اسكندريه بس هانملى كام صفحه واكيد كتير من كل اللى معانا عارفين اكتر منى ومنك وكل الناس شافت بعنيها .

بس انا فى رأيى المتواضع

الفساد ده ممكن يتصلح وفى امل ان شاء الله بس عاوز تكاتف من الجميع

وعاوز شويه ضمير .

لو كل مدير او رئيس جهه من الجهات اتحاسب على افعاله وافعال اللى شغالين تحته صدقينى الحال هايتبدل

لو مدير مستشفى زى مستشفى الميرى بتاعة اسكندريه- طبعا عارفاها -اتبهدل واتفضح واتعمل عبرة لمن لايعتبر

صدقينى اللى هاييجى بعده مش هايسمح بالمهازل اللى بنسمع عنها فى مكان زى ده واللى هو المفروض مستشفى

ده بردو مثل للفساد فى اسكندريه وفساد بكل اشكاله.

عاوزين مقترحات يمكن ربنا يكرمنا ونعرف نوصل لحلول نظريه حتى للمهازل دى

[عبير يونس]

و مئات الحوادث و الهموم و اعراض الفساد

ما هي الا الشاذ و الغير طبيعي

مدام مصريه متغربه

الجمله دى انا قريتها كذا مرة

بس للاسف عمال اقلبها فى راسى يمين وشمال ومش قادر اقتنع

كلامك نظريا ممكن صح اما الواقع فهو مختلف تماما

انا منكرش ان فى اماكن فى مصر يقودها الشرفاء وفعلا بتلاقى فيهم

واحد او اتنين اللى فاسدين وبيكون منبوذين من الجميع وتلاقى المدير

المحترم بتاعهم مش طايقهم ( ده فعلا موجود )

لكن!!!!

للأسف فى اماكن اخرى بيكون قائدها واحد فاسد وبالتالى مفيش مشكله عنده

ان كل الفساد ده يحصل تحت عينه وفى رعايته

الاماكن دى فى لمح البصر كلها بتتحول لبؤرة فساد مستفحل وبيبقى الشريف

فيها هو اللى شاذ وغير طبيعى

وللأسف بردو الناس الفاسده بقت كتير اوى وانتشرت فى الدوائر الحكوميه

بصورة فظيعه وده طبعا تحت قياده ورعايه مدير الجهة اللى بيكون فاسد

او بيكون مغيب عن مايحدث فى نطاق مسئوليتة وفى الحالتين يعتبر فاسد

تحياتى

انا بقى مقصدتش كده خالص

الفساد موجود و حقيقي

مش حكاية واحد و الا اتنين و الباقي شرفاء

ده حتى الواحد الفاسد ده

ممكن تتجنب الجانب السيء اللي فيه

و ميقدرش يطلع عليك شره

و الله ما هو كلام نظري

هو يمكن بس كلام غريب حبتين و الناس مش متعودين يسمعوه

يعني حاضرب مثال بسيط

الدكاترة مش بيقولوا عليهم قرفته حلوة

اهو الدكتور الواحد

ممكن تلاقي واحد يقولك ده استاذ و متمكن

و يكون كلامه صح

و واحد تاني يقولك

ده مبيفهمش حاجة و كان حيموتني

و يكون كلامه صح برضه

و اهو نفس الشخص!!!

العيون التي ترى و الحواس التي تدرك تختلف من شخص لآخر

حتى اللي ساكنين في بيت واحد

و حتى التوائم

لا يدركون الأمور بنفس الكيفية

فانت قد ترى احد الجوانب في شيء او شخص

و غيرك قد يرى جانب آخر

و قد تجد من يؤيد رؤيتك

و غيرك يجد ايضا من يؤيد رؤيته

و كلكم صادقون

انها نظرية النسبية

و الفساد تسري عليه كغيره من الظواهر هذه النظرية

الفكرة ان احنا بحول الله تعالى

نقدر ناخد اللي احنا عايزينه من الاشياء

فقط بالتوقع

توقع خير تلاقيه

تفاءلوا بالخير تجدوه

تتوقع شر

برضه حتلاقيه

انما البلاء بالمنطق

انا لسه عاملة تجربة على طالباتي

في امتحان شفوي

كل سؤال في ورقة مقفولة و الورق كله شبه بعض

قبل الامتحان كنت عارفة ايه الاسئلة اللي كل واحدة فيهم مستصعباها

و خد بالك همة اللي بيختاروا السؤال بايديهم

و كانت النتيجة مذهلة فعلا

البنات اللي كانوا خايفين من اسئلة معينة هي اللي جت لهم

و اللي كانوا طبيعين و واخدين الامور ببساطة

جات لهم الاسئلة السهلة

اللي مش مصدق كلامي

يجرب

و مش حيخسر حاجة

بس بشرط تجرب و انت على يقين

لان لو دخل الشك

تختل الموازين

و لا يصيبك الا شكك

احنا كمصريين

خصوصا اللي قاعدين في مصر

لازم يتجهوا للثقافة دي

انا سميتها ثقافة الاحلال

مش عارفة اذا حد سبقني للمصطلح ده

بس ده استنتاجي الشخصي الحقيقة

السلبيات لا سبيل للخلاص منها الا بإحلال الايجابيات محلها

[عادل أبو عمر]

كنت دايما باستغرب دعاء بعض الناس ( اللهم أهلك الظالمين بالظالمين و أخرجنا من بين أيديهم سالمين ) كنت ساعات بحس إن كمالة الدعاء .. و أخرجنا من بين أيديهم سالمين .. زي الشعرة من العجين ...

كنت بحس إنها سلبية حتى في الدعاء . إزاي ديننا يقول ( و قل اعملوا فسيرى الله عملكم ) و احنا نكتفي بالدعاء مع إننا لم نقم بالحد الأدنى من العمل .

أما عن الاقتراحات يا أكرم يا غالي .. إنت قلت تكاتف من الجميع وهو المطلوب

في رأيي إن من الحلول إننا لازم نفهم و نوعي كل اللي حوالينا والأهم أن نحتفظ بجرعات كبيرة من الأمل أن الاصلاح ممكن مع الاخلاص و استحضار النية بالعمل بابتغاء وجه الله تعالى حينها سيأتي التوفيق من عند الله.

أعتقد كمان إننا لا نتأخر في كشف الفاسدين ... يعني كل واحد شايف فساد في جهة يحاول يوصل شكوى بأي شكل لتلك الجهة أو للجهة الأعلى .. ظني وهو المرجو بإذن الله أن الشرفاء أكثر بكثير جدا من الفاسدين في هذا الوطن.

[akramgroup]

كنت دايما باستغرب دعاء بعض الناس ( اللهم أهلك الظالمين بالظالمين و أخرجنا من بين أيديهم سالمين ) كنت ساعات بحس إن كمالة الدعاء .. و أخرجنا من بين أيديهم سالمين .. زي الشعرة من العجين ...

كنت بحس إنها سلبية حتى في الدعاء . إزاي ديننا يقول ( و قل اعملوا فسيرى الله عملكم ) و احنا نكتفي بالدعاء مع إننا لم نقم بالحد الأدنى من العمل .

أما عن الاقتراحات يا أكرم يا غالي .. إنت قلت تكاتف من الجميع وهو المطلوب

في رأيي إن من الحلول إننا لازم نفهم و نوعي كل اللي حوالينا والأهم أن نحتفظ بجرعات كبيرة من الأمل أن الاصلاح ممكن مع الاخلاص و استحضار النية بالعمل بابتغاء وجه الله تعالى حينها سيأتي التوفيق من عند الله.

أعتقد كمان إننا لا نتأخر في كشف الفاسدين ... يعني كل واحد شايف فساد في جهة يحاول يوصل شكوى بأي شكل لتلك الجهة أو للجهة الأعلى .. ظني وهو المرجو بإذن الله أن الشرفاء أكثر بكثير جدا من الفاسدين في هذا الوطن.

المشكله الاساسيه موضوع الامل ده لان معظمنا خلاص فقد الامل فى الموضوع ده

ولما تلاقى ناس تصرخ وتتكلم وكم البرامج اللى بتتكلم عن وقائع الفساد

ومناشدات للمسئولين كرم الله وجههم ومتلاقيش حد يعبرهم ولا حتى حد يطلع يقولهم كدابين

يعنى ده تشجيع رسمى للفساد .

وبدأ كل واحد من قليلى الضمير يقول هيا جت عليا انا كمان ماهى كله ماشى كده

ربنا يهدى

[عبير يونس]

المشكله الاساسيه موضوع الامل ده لان معظمنا خلاص فقد الامل فى الموضوع ده

ولما تلاقى ناس تصرخ وتتكلم وكم البرامج اللى بتتكلم عن وقائع الفساد

ومناشدات للمسئولين كرم الله وجههم ومتلاقيش حد يعبرهم ولا حتى حد يطلع يقولهم كدابين

يعنى ده تشجيع رسمى للفساد .

وبدأ كل واحد من قليلى الضمير يقول هيا جت عليا انا كمان ماهى كله ماشى كده

ربنا يهدى

ما هو ده الاعلام السلبي اللي لازم نفر منه كما نفر من الأسد

النوع ده من الإعلام عمره ما حيحل مشكلة بالطريقة دي

الفساد مش علاجه كشفه أمام الناس

لأن ده أولا بيدي انطباع لمعظم الناس ان ده بقى الطبيعي

و ثانيا لأنه بيشرح للناس بالخطوات كيف تكون فاسدا و تفلت من العقاب

علاج الفساد بالمطالبة لا يكون إلا بالحقوق

و حنطالب ازاي بالحقوق و احنا منعرفهاش

و احنا بنصدق دايما ان اللي ملوش ضهر ينضرب على بطنه

و امشي جنب الحيط

لا يصح إلا الصحيح

ما يضيعش حق وراه مطالب

لو كل واحد أصر ياخد حقه

حياخده

اول حاجة لازم نصدق و نتيقن ان الفساد مش الأصل أبدا

و انه مهما تفشى و كبر

بيبقى زي البالونة

و دبوس صغير يفرقعها

تاني حاجة

ملكش دعوة باخبار العالم السيئة

و ملكش دعوة باخبار الفساد و الحوادث

أغلبية الناس عايشة بشكل طبيعي

فمتصدقش الاحصائيات المضروبة

حب الحياة و استمتع بيها

و متتعاطفش مع اصحاب المصايب الا لو تقدر تساعد

يعني لو قادر تساعد في حادث بانك تتصل بالشرطة و الاسعاف متتأخرش

انما تقف تتفرج و تمصمص شفايفك و فضولك يدفعك للقعاد بالساعات في موقع الحادث تتفرج

و تقرأ الجرايد و تتابع

لو شايف واحد بيتبهدل مثلا

و تقدر جسديا او بسلطتك كشرطي مثلا انك تساعده

يبقى بارك الله فيك

انما تقف تتفرج و بعدين تقول البلد فيها و ما فيها

لو عندك في الشغل في فساد و سرقة

و تقدر تكشفهم بالحيلة يبقى الله يعينك يا بطل ورينا الهمة

مش تروح زي الشاطر تقول لهم انا عارف انكم حرامية و حابلغ عنك

و لو عشت بعدها

تقول البلد وحشة

مش عدم المساعدة هو السلبية على فكرة

الفرجة هي السلبية

بالله كل ده ايه فايدته غير مزيد من الطاقة السلبية بنسمح لها بالدخول لينا ببساطة

بل و بترحيب

المؤسف ان الطاقة بتجذب طاقات تانية من نوعها

و تلاقي نفسك محاصر بالسلبيات و مش شايف غيرها

و يا سلام لو كان الحدث السلبي فيلم سينمائي

ده بيرسخ بالسنين في النفس

لانه بيرتبط بالمشاعر و الأحاسيس

باختصار

غير أفكارك تتغير حياتك

تحياتي