لا خاب من استشار ... ارجو النصيحة

[geeemooo]

لى صديق يا جماعة عنده مشكلة غريبة جدا ومعقدة وبعد تفكير طويل لم استطيع ان اعطيه رأى فيها قبل مشورتكم لأنى متاكد اننى سوف احصل على ردود شافية وقاطعة لهذه المشكلة

المشكلة كالتالى :

صديقى شغال محاسب فى شركة كبيرة فى مصر ليها فرع فى الدلتا والمركز الرئيسى فى القاهرة وفروع تانية خارج مصر المهم هو شغال فيها من 5 سنين وكان فيه وعود فى المقابلة الشخصية ان الفرع هايكبر وهاتكون فيه فرصة للترقيات بس ماحصلش كده خالص

والشركة دى فيها ميزة وعيب فى نفس الوقت الميزة انها شركة كبيرة بس المشكلة انها بتهتم بتكبير المركز الرئيسى الفروع الى خارج مصر وسايبة فرع الدلتا من خمس سنين مش عارف ايه السبب زى مايكون اتورطت فى فتح هذا الفرع .

والله يا جماعة صديقى ده طالع عينه فى الشغل ومافيش ترقيات ولا حتى الفرع بيكبر الفرع ده بدأ ب 10 افراد بعد خمس سنسن 10 افراد مع ان كان فيه وعود ان الفرع ده هايكون بينافس المركز الرئيسى فى تحقيق المبيعات ولكن للأسف بيعانى من فشل كبير جدا وعشان فيه منافسين للشركة دى فى الدلتا ماينفعش تقفل دلوقتى الفرع ده حتى لو بيحقق خساير .

كمان فيه مصيبة اكبر ان مدير الفرع ده من يوم ما اشتغل وهو مكبر دماغه على الآخر يوم يجى الفرع وشهر يقعد فى بيته ومافيش عليه لا رقيب ولا اى شخص بيراجع وراه شغله وكل حاجة راميها لصديقى ده بصفته محاسب وبيخلص معاه الشغل فى التليفون بس الكلمة الأخير للمدير يعنى لاغى حتى شخصية صديقى المالية فى العمل بمعنى ان صديقى مالوش كلمة فى الشغل يعنى قاعد بيصرف بأمر المدير بمعنى وكالة من غير بواب وبصراحة صديقة فكر كتير قوى انه ينزل المركز الرئيسى ويشتكى من الى بيحصل فى الفرع بس مش هايخد معاهم حق ولا باطل وبكدة هايكون خسر مديره الى بيقيمه وممكن يضره ... دى خلاصة الحكاية عشان ما اطولشى عليكم عشان الموضوع الى هايفهمه ليه ابعاد كتير قوى خطيرة

المهم بقة صديقى ده هو الى عليه الضغط كله بإعتباره محاسب الفرع وطبعا الى هايفهم كلامى ده ويعنيه اعضاء المنتدى الى شغالين فى مجالات المحاسبة بمعنى ان وضعه خطير وحساس لأن هو المحاسب وامين الخزينة فى نفس الوقت ده من ناحية المهام التى بيقوم بيها

وبصراحة فى خلال الخمس سنوات اتعرض عليه اكتر من عرض فى السعودية ولكن كان بيرفض عشان كان عنده امل ان الفرع ده يكبر والدنيا تتصلح بس بصراحة المنحنى بينزل وهو حاسس انه بيضيع وقت فى الشركة دى

السؤال المهم .... هو دلوقتى مرتبه فى حدود 3500 جنية ومتزوج ويعول وسنه 36 سنة ومعروض عليه فرصة سفر بفيزا حرة محاسب عام السعودية الميزة انه مش رايح يدور على شغل هو رايح على صديق له سعودى يعرفه هناك وعنده شركة وهايشتغل معاه حتى لو فى الأول لحد مايلاقى عرض كويس او يستمر مع صديقه السعودى ده لو عرض عاليه مرتب كبير

هل ياجماعة يوافق يسافر ويترك الفساد الى موجود فى شغله ده ويتنازل عن الرتب ده الى معيشه هو واولاده ويقبل المغامرة ويرتاح من شركة ضيعت خمس سنين من عمره

ولا يستمر فى العمل ده بس عشان خاطر المرتب الى معيشه وفاتح بيه بيته ويضغط على نفسه ويستحمل لأجل غير مسمى لآن من كلامه مافيش حاجة هاتتغير فى شركته هايفض الفشل ده موجود

وعلى فكرة يا جماعة سوق العمل فى اى شركة هنا فى الدلتا قليل جدا وصعب ياخد الوضع ده الا فى القاهرة وهو ماعندوش استعداد يسافر القاهرة ويشتغل فيها يبقى عنده السفر فى الخليج احسن عشان مافيش له مكان يسكن فيه فى القاهرة

يستمر يا جماعة ولا يغامر ويسافر ؟؟؟؟؟؟؟؟ ارجوكم النصيحة عشان انا محتار ومش عارف اقوله ايه مع ان رأى اناالشخصى انه يسافر ويتوكل على الله ويعمل بالآية الكريمة الى بتقول

بسم الله الرحمن الرحيم (( وَمَن يُهَاجِرْ فِي سَبِيلِ اللَّهِ يَجِدْ فِي الأَرْضِ مُرَاغَمًا كَثِيرًا وَسَعَة ))صدق الله العظيم

[doha]

هل ياجماعة يوافق يسافر ويترك الفساد الى موجود فى شغله ده ويتنازل عن الرتب ده الى معيشه هو واولاده ويقبل المغامرة ويرتاح من شركة ضيعت خمس سنين من عمره

ولا يستمر فى العمل ده بس عشان خاطر المرتب الى معيشه وفاتح بيه بيته ويضغط على نفسه ويستحمل لأجل غير مسمى لآن من كلامه مافيش حاجة هاتتغير فى شركته هايفض الفشل ده موجود

وعلى فكرة يا جماعة سوق العمل فى اى شركة هنا فى الدلتا قليل جدا وصعب ياخد الوضع ده الا فى القاهرة وهو ماعندوش استعداد يسافر القاهرة ويشتغل فيها يبقى عنده السفر فى الخليج احسن عشان مافيش له مكان يسكن فيه فى القاهرة

يستمر يا جماعة ولا يغامر ويسافر ؟؟؟؟؟؟؟؟ ارجوكم النصيحة عشان انا محتار ومش عارف اقوله ايه

لاه طبعا ميسافرش على الوضع الي هو ناوي يعمله .. اولا لو صديقه السعودي صادق وهيساعده يبقى من باب اولى يرسل له تاشيرة يستقدمه بيها ويشتغل مباشرة عنده . .الوعود الوردية بتتبخر بمجرد مايحط رجله على ارض المطار غالبا وطالما معاهوش عقد موثق فيه كل ماوعد بيه فاي شيء انقال له بدون عقود كلام زي مابيقولوا مدهون بزبده ..

مرتبه في الدلتا مش بطال ابدا ماشاء الله ربنا يبارك له فيه وهو يعادل تقريبا مرتب محاسب في السعودية بياخذ 4500 ريال اذا نظرنا لتكاليف المعيشة هنا وهناك بل ويزيد كمان .. هنا ممكن يعلم عياله ببلاش او شبه بلاش والسكن رخيص مقارنة بالسعودية الي هيبقى كل شيء مطلوب منه بالاف مؤلفه وطبعا كونه محاسب فقط مش مدير مالي ولا حامل ماجستير او شهادات اجنبية فمش هتوقع زياده مرتبه عن المبلغ ده بل المتوقع انه يكون اقل ..

بعدين ازاي صاحبك معندوش استعداد يسافر القاهرة وعنده استعداد يسافر الخليج ؟ موضوع السكن مش حجه مقنعه لانه لو لقي شغل فيا لقاهرة بمبلغ كويس ممكن جدا يأجر شقة كويسه ويسكن عادي .. انما اتوقع والله اعلم سبب كرهه للقاهره انه شافها وجربها وبالتالي اخذ قراره ان ( الغربة ) فيها مش ملائمه ليه.. صدقني اخي الفاضل وطالما صديقك معندوش استعداد يتغرب في مصر يبقى من باب اولى مش هيطيق غربة الخليج ..

لو انا مكان صاحبك امسك في وظيفتي بايدي واسناني وفي نفس الوقت احاول اني ابحث عن وظيفة تانية في نفس المجال لدى المافسين والي حتى لو مش كتير بس اكيد موجودين واكيد هيحتاجوا خبرتي .. من هنا ولغايه مالاقي شغله تانيه هموت نفسي اني اكتسب خبرة كويسه في وظيفتي الي انا فيها ولما يكون مديري رامي علي الشغل كله هفرح ان ده بيخليني اكتسب خبرة مدير وكله في النهاية بيصب في مصلحتي ..

خلي صاحبك يستخير كتير ويحاول يشوف الجوانب الايجابية في مكان عمله وبلاش يركز على السلبيات لان لو دي طريقته في التفكير فمستحيل هيقدر يستمر في الخليج ولا يكمل فيه سنة على بعضها ..

ربنا يوفقه ويلاقي شيء يريحه ويرضيه ..

[geeemooo]

هل ياجماعة يوافق يسافر ويترك الفساد الى موجود فى شغله ده ويتنازل عن الرتب ده الى معيشه هو واولاده ويقبل المغامرة ويرتاح من شركة ضيعت خمس سنين من عمره

ولا يستمر فى العمل ده بس عشان خاطر المرتب الى معيشه وفاتح بيه بيته ويضغط على نفسه ويستحمل لأجل غير مسمى لآن من كلامه مافيش حاجة هاتتغير فى شركته هايفض الفشل ده موجود

وعلى فكرة يا جماعة سوق العمل فى اى شركة هنا فى الدلتا قليل جدا وصعب ياخد الوضع ده الا فى القاهرة وهو ماعندوش استعداد يسافر القاهرة ويشتغل فيها يبقى عنده السفر فى الخليج احسن عشان مافيش له مكان يسكن فيه فى القاهرة

يستمر يا جماعة ولا يغامر ويسافر ؟؟؟؟؟؟؟؟ ارجوكم النصيحة عشان انا محتار ومش عارف اقوله ايه

لاه طبعا ميسافرش على الوضع الي هو ناوي يعمله .. اولا لو صديقه السعودي صادق وهيساعده يبقى من باب اولى يرسل له تاشيرة يستقدمه بيها ويشتغل مباشرة عنده . .الوعود الوردية بتتبخر بمجرد مايحط رجله على ارض المطار غالبا وطالما معاهوش عقد موثق فيه كل ماوعد بيه فاي شيء انقال له بدون عقود كلام زي مابيقولوا مدهون بزبده ..

مرتبه في الدلتا مش بطال ابدا ماشاء الله ربنا يبارك له فيه وهو يعادل تقريبا مرتب محاسب في السعودية بياخذ 4500 ريال اذا نظرنا لتكاليف المعيشة هنا وهناك بل ويزيد كمان .. هنا ممكن يعلم عياله ببلاش او شبه بلاش والسكن رخيص مقارنة بالسعودية الي هيبقى كل شيء مطلوب منه بالاف مؤلفه وطبعا كونه محاسب فقط مش مدير مالي ولا حامل ماجستير او شهادات اجنبية فمش هتوقع زياده مرتبه عن المبلغ ده بل المتوقع انه يكون اقل ..

بعدين ازاي صاحبك معندوش استعداد يسافر القاهرة وعنده استعداد يسافر الخليج ؟ موضوع السكن مش حجه مقنعه لانه لو لقي شغل فيا لقاهرة بمبلغ كويس ممكن جدا يأجر شقة كويسه ويسكن عادي .. انما اتوقع والله اعلم سبب كرهه للقاهره انه شافها وجربها وبالتالي اخذ قراره ان ( الغربة ) فيها مش ملائمه ليه.. صدقني اخي الفاضل وطالما صديقك معندوش استعداد يتغرب في مصر يبقى من باب اولى مش هيطيق غربة الخليج ..

لو انا مكان صاحبك امسك في وظيفتي بايدي واسناني وفي نفس الوقت احاول اني ابحث عن وظيفة تانية في نفس المجال لدى المافسين والي حتى لو مش كتير بس اكيد موجودين واكيد هيحتاجوا خبرتي .. من هنا ولغايه مالاقي شغله تانيه هموت نفسي اني اكتسب خبرة كويسه في وظيفتي الي انا فيها ولما يكون مديري رامي علي الشغل كله هفرح ان ده بيخليني اكتسب خبرة مدير وكله في النهاية بيصب في مصلحتي ..

خلي صاحبك يستخير كتير ويحاول يشوف الجوانب الايجابية في مكان عمله وبلاش يركز على السلبيات لان لو دي طريقته في التفكير فمستحيل هيقدر يستمر في الخليج ولا يكمل فيه سنة على بعضها ..

ربنا يوفقه ويلاقي شيء يريحه ويرضيه ..

شكرا يا اخت ضحى على النصيحة الغالية بس انا حابب انى اوضحلك شوية امور عشان تكون النصيحة كاملة دلوقتى صاحبى ده كان شغال فى السعودية قبل كدة مع صاحب الشركة السعودى وللأسف نزل اجازة واتصل على السعودى الى كان شغال معاه واخبره انه مش راجع تانى نظرا لإلتحاقه بوظيفته الحالية بمصر لتوافر كل العناصر الى تجعله يستقر فى مصر حتى صديقه السعودى لما زاره هنا قاله بالحرف الواحد خاليك لو الظروف معاك كويسة ومرحبا بيك فى اى وقت عندى لما تحب ترجع بس المشكله ان السعودى ماعندوش فيزا محاسب عام وطبعا انتى عارفه نظام السعودية فى استخراج فيزا محاسب عام بتكون صعبة جدا فعرض عليه ان يسفره بفيزا عامل او اى مهنة تانية بس صاحبى رفض ولما صاحبى وجد فيزا بمهنة محاسب اتصل بالسعودى وماكنش عنده مشكله بالعكس رحب تماما ووافق انه يسافر تانى يشتغل معاه

بس انا حبيت اوضحلك ان هو هايرجع على عمله تانى الى كان شغال فيه

وكمان عاوزاقولك ان هو فعلا مدير حسابات مش محاسب المشكلة بس فى الضياع المهنى الى هو فيه هنا هو حاسس انه ضيع خمس سنين من عمره على الفاضى لأنى مهما قلتلك على كم المشاكل الى بيتعرض ليها هاتستغربى

وبعدين فيه حاجة تانية الشغل فى القاهرة دلوقتى اصبح صعب جدا عشان الحالة الإقتصادية السيئة فى مصر فلو حتى سافر القاهرة واشتغل هناك عمره ما هايعمل اى حاجة ده لو حصل على عمل من اساسه الناس الى شغالة فى اى قطاع خاص ما بيسيبوش وظائفهم بالساهل كدة وكمان عاوز اقولك ان الشركات الكبيرة امثال الشركة لى شغال فيها ممكن تخفض الرواتب فى اى وقت

فأنا رأى انه لو سافر لينا هنا السعودية بالفيزا دى والظروف دى هايكون افضل ليه وبرضه انا نفسى اسمع اراء الناس الأفاضل الى بجد رأيهم بيكون صائب جدا جدا ولا خاب من استشار

[doha]

بدى لي من تعقيب حضرتك ان صاحبك ( قرف ) خلاص من شغله في مصر وبيحاول يوجد اي بديل للخلاص منه واقرب حاجه توافرت اليه هي فرصة السعودية .. اعتقد والله اعلم لو العمل مع الصديق السعودي فيه مميزات كافية مكانش صديقك تردد لحظه في ترك شغله في مصر واللحاق بيه وانما المحرك الاساسي والدافع للسفر هو ظروف العمل في مصر الي صاحبك بيحس انها اصبحت لا تحتمل ..

عموما بشكل شخصي جدا بشوف ان الشغل في مصر افضل كتير من السعودية لان هو الاساس وهو المستقبل بينما السعودية مهما طالت مدتها هي مرحلة مؤقته ولازم هيرجع مصر في النهاية وساعتها هيضطر يعمل مشروع في الظروف الاقتصادية الصعبه او انه يبحث من اول وجديد على وظيفة في الظروف الي هتصبح له اكثر صعوبه ..

على كل حال اهم من كل ماذكرته هو الاستخاره وباذن الله لو استخار اكيد هيتوصل لحل يرضيه ويطمئن له قلبه ..