فيروس الأدب الشرق أسيوي

[engmido]

الاولاد فى المدارس بيعتبروا الولد المؤدب ده طفل معقد ومش مريح بالنسبة لهم وممكن يبقى

تسليتهم واضحكوتهم وبتوصل ضربه على قفاه مستضعفينه متوقعين انه مش حيرد الاساءة وده كتير

بيحصل فى مدارس الاعدادى والثانوى بالاخص بغض النظر عن مستوى المدرسة الاجتماعى لان الاعلام السئ

لرفع قيمة البلطجة والفهلوة واصل لجميع الطبقات دون تمييز

حضرتك اوجزتى وقلتى المفيد

بارك الله فيكى

[الغريب]

التربية على القيم والأخلاق والدين واحترام الناس

التربية التربية التربية

أنا ساكن في الملز ... وبأتعامل مع جاد بالذات في شارع جرير والتاني اللي في مجمع المطاعم اللي في التخصصي ... ولا عُمري لقيتهم مكشرين أو بيعاملوا الناس وحش ..

الله يكرمك يا س س بلااااش جاااااد سمعة معملته للناس في الكويت حاجة أعوذ بالله

تم تعديل 9 ديسمبر 2010 بواسطة الغريب

[Simba]

هاي سير

تك كير

استاذ سين سين مساء الخير

معروف لما بتدخل اي مطعم فيه خصوصا مطاعم الوجبات السريعة بتقابلك الاسيوية بكلمة هاي سير وترص لك الجديد عندهم بانجليزية احسدهم عليها

وبعدين تدفع الفلوس تقولك تك كير كم اجيين وخلصت القصة علي كده

اغلب الظن ده احترام مصطنع هما متدربين عليه وفيه ناس فوقهم بتقييم ادائهم

الجنسية اللي بتعجبني في ادبها واحترامهم جدا الجنسية التايلاندية

رغم ان تايلاند معروف ان اكبر دولة في السياحة اياها

فنقدر نقول عليهم ناس اكثر ادبا في مجتمع اكثر تحررا

اما بقي عن جاد فالظبط زي ما الغريب قال هو صحيح اكل مصري كويس وبيظبطوا الملوخية لكن معاملة زبالة

ولو حضرتك اتكلمت عن الفرق بين التمريض الاسيوي والمصري فعندك حق التمريض الاسيوي اكثر خفة وحركة لكن من ناحية المهارات الفنية فده موضوع يطول شرحه

تحياتي

[لونا]

إتعودت أني أبدأ الإبتسامة مع الآخرين دايمًا..

و كنت إتعلمت ده من واحدة صاحبتي في ثانوي

كانت - ربنا يمسيها بالخير- محبوبة جدًا ..

و كنت بأسأل نفسي أنا باحبها ليه .. و إيه اللي مخلي الناس كلها تحبها

و راقبت تصرفاتها

لاقيتها بتبتسم في كل و قت .. حتى لو بتحكي قصة حزينة .. بتبتسم!

حتى و هي بتجاوب على المدرسين في الفصل .. بتبتسم!

بدأت أعمل زيها .. و في الأول بيكون صعب .. و لكن مع الوقت بتكون عادة

و حتى إبتسامتي كانت السبب في زواجي سبحان الله

يعني انا أؤمن تماما اني بفضل الله أقدر آخد ابتسامة من أي حد مهما كان كشر

.

.عندك حق يا مصرية .. في الكلام ده

و مجرباه فعلًا ..

كنت ذهبت إلى أحد الأطباء السبع نجوم ..

و كنت قلقانة أوي بسبب الإجراء اللي حاعمله بعد شوية

و كان قلقي باين طبعًا ..

و كل ما أسأله سؤال .. يرد بإجابة مقتضبة جدًا

و يعني محسسني إنه كتر خيره إنه بيكشف عليه..

بغض النظر إن أنا دافعه له ضعف أو 3 أضعاف اللي أي دكتور تاني بياخده

ما علينا..

الحمد لله الموضوع عدى على خير.. و في إعادة الكشف .. كانت نفسيتي تمام

و داخلة له بإبتسامتي اللي متعودة عليها

و باسأله ألاقيه يجاوب عادي .. و طبعًا شجعني إني أسأل براحتي

و في الآخر يبتسم ويقولي مش عاوزة حاجة تانية؟؟

وفي الآخر .. قام وقف لي بأدب و أنا ماشية.. و هو راجل قد والدي رحمة الله عليه

و فعلًا الفرق بين شكله في الكشف و إعادة الكشف ... كان في الإبتسامة