دعوة

[Scorpion]

البوفيه مفتوح من امبارح .. بس بعد السهرة اللي عالفاضي .. قلبناه بوفيه مأكولات باردة و سلطات و بابات غنوجات ... و فاكهة و حلويات ... و عصاير ...

و اللي ييجي متأخر .. أهلآ و سهلآ مش حنحتاج نسخن الأكل .. و بعدين دي بصلة المحب خروف .. و عليه في بوفيه بصل بحاله في الصالون اللي قاعد فيه فريد الأطرش بيعمل الزيطة و الزومبليطة ...

شوفوا بقي ..

صلوا عالنبي ...

النقطة دي ثابتة في الفكر و من الطبيعي جدآ ان مافيش اي حد مننا حيغير رأيه فيها بسهولة الا اذا تعرض لموقف او لتجربة شخصية خلته يعيد ترتيب افكاره .. و عادة مع تقدم السن افكار كتيرة بتتغير ..

لكن لحد ما السن يتقدم و احنا مش فاضيين ... لازم نعرف ان الأختلاف ده موجود و حيفضل دايمآ موجود .. لأنه قديم قدم الأديان نفسها .... كلها ... و عندكم المسيحيين و الحساسية اللي بتجيلهم .. و انا منهم علشان ما بقاش كذاب .. لما حد يتكلم باسلوب جاف عن البابا شنودة مثلآ ... اعتقد ده بيبين الوجه الآخر من العملة ...

لكن النقطة المهمة اننا نختلف بمحبة من غير اتهامات قاسية سواء بالجهل او التنطع ... سواء بالتشدد او بالكفر .. من غير ما نوصل لخلافنا انه يبقي فعلآ عداوة .. و مجرد ما اشوف اسم فولان مثلآ علي مداخلة جوايا مابيبقاش فيه تحفز مسبق يخليني ادخل اقراها و انا ناوي اصلآ انني اسم بدنه في رد عليها .. و ادورله علي اي جزء من حرف ممكن يكون حاجة تتاخد عليه .. و آقوم داخل و فين يوجعك ... و اللي قصادي مش حيسكت ... و في الآخر حنطلع كلنا خسرانين ...

قراية .. استوعاب ... رد هادي و الأهم اختلاف باحترام ...

دي الوصفة ...

و زي ما قال واحد صاحبي كان شغال بعد الضهر عمدة ...

دي وصفة سهلة .. دي وصفة هايلة

شوية بيكربوناتو بقي علشان الجبنة الفرنساوي أم كونكومبر دي بتاعت زهيري طبقت علي مراويحي ...

[Scorpion]

هو الموضوع بقي ريحته طبيخ و تقليه كده ليه ...

عالعموم كلوا و انبسطوا و زقططوا .. علشان لما حييجي الشاي و نحبس .. لينا كلنا قعدة مع بعض نتفق عن ميثاق شرف لما نتحاور في مواضيع مماثلة ..

كل واحد يخش يكتب علي بلاطة و بالتحديد .. واحد .. اتنين .. تلاتة .... ايه اللي هو بينتظره... ( و ده غير اللي عاوزه بالعافية ) من محاوره ..

و في الآخر حنحط كله في الخلاط و نطلع بكلمة شرف بيننا ...

ماشي ؟؟؟

[شريف مان]

ابدأ أنا ..

بسم الله

1- عدم الاساءة لعلماء الدين أيا كان فكرهم بداعى عدم وجود كهنوت فى الاسلام .

2- عدم الاساءة للسلفيين واتهامهم بالغباء وعدم استخدام العقل .

3- عدم التعرض للأحاديث النبوية الشريفة والطعن فيها .

فاصل ونواصل..بأذن الله

ممكن يا أستاذ كامل .. ترسل دعوة لاغابى عشان تقول طلبتها ... وأنا أكيد هلتزم بيها

تم تعديل 10 ديسمبر 2010 بواسطة شريف مان

[م تيمور المراغي]

1 - عدم تقديس المشايخ والعلماء والاقرار بانهم بشر يخطؤن ويصيبون - لان الكل يؤخذ منه ويرد عليه الا النبي عليه الصلاة والسلام

2 - التركيز على جوهر الاسلام - الدين المعامله - واعتبار ان الشكليات والقشور امور ثانويه

3 - عدم تكفير المخالفين في الرأي حتى من الاديان الاخرى وترك هذا الامر لله وحده - مش معقول لما اشوف حد مليان مثلا اقعد اقول له في وشه يا متختخ يا متختخ :happy:

4 - عدم التعرض لثوابت الدين من القرآن و الاحاديث الصحيحه ,,

5 - تعلم ادب الاختلاف في الرأي وعدم التجريح او الهمز واللمز او التهديد بالانسحاب لان صحاب الحجه القويه لا ينسحب ,,

[MaYousof]

1. قراءة مداخلات الأعضاء بشكل صحيح وفهمها بشكل سليم قبل الرد عليها .. ومن يفشل في فهم المداخلة قبل الرد عليها نقوم بسلخ صرصور ودنه.

[Scorpion]

رائع خالص ...

ما حدش يضيف حاجة من فضلكم ..

خلينا مع دول دلوقتي علشان نعمل نواة نرتكز عليها و ما نكررش و تضيع الفايدة ... و بعدين مجموعة تانية تقول اللي عندها

ابتدي برأي الفاضل شريف مان ....

[اغابي]

ابدأ أنا ..

بسم الله

ممكن يا أستاذ كامل .. ترسل دعوة لاغابى عشان تقول طلبتها ... وأنا أكيد هلتزم بيها

اممممممم - اهااا -- po:: - انت عارف كويس يا شريف انا كمسيحية - - - - طلبي ايه - - - - - وما بتلزمش بيه

واكتر واحد بيصدمنى فيه - على المحاورات كلها - وبلا منازع -- - - - هو انت يا شريف

وكل مرة صدمة جديدة وبتكررها واشد من اللى قبلها

ومش حاتكلم اكتر من كدا لان فى الاخر

بترجع ريما لعادتها القديمة - وانت ما بتلتزمش بوعودك

يا جماعة

ما تعملوش حسابي فى الغدا ولا العشا - لانى يامااااااااااا شـبـعـــت

تحياتى للجميع

تم تعديل 10 ديسمبر 2010 بواسطة اغابي

[Scorpion]

1- عدم الاساءة لعلماء الدين أيا كان فكرهم بداعى عدم وجود كهنوت فى الاسلام .

النقطة دي فيها مربط الفرس .. و بصراحة منطقة ملغمة و ملبشة .. بمعني رجل الدين له في قلوب المصريين كلهم منزلة خاصة .. مدي مناقشة أفكارهم هي اللي لازم نلاقيلها حل ... حضرتك بطلبك ده عايز ان اي حاجة يقولوها تتاخد زي ما هي نظرآ لمكانتهم التي اكتسبوها بتضحياتهم و دراستهم .. الخ .. الخ .. و الا فيه مساحة ممكن نناقش فيها الأفكار دي .. بعيدآ عن اي مساس بهم كاشخاص ...

2- عدم الاساءة للسلفيين واتهامهم بالغباء وعدم استخدام العقل .

و دي انا موافق حضرتك عليها مليون في المية و بالتالي المفروض انه ما يحصلش العكس ... صح ؟؟

3- عدم التعرض للأحاديث النبوية الشريفة والطعن فيها .

أهل مكة أدري بشعابها .. و عليه اترك هذا لجميع الأخوة المتواجدون حاليآ ...

[م تيمور المراغي]

ابدأ أنا ..

بسم الله

1- عدم الاساءة لعلماء الدين أيا كان فكرهم بداعى عدم وجود كهنوت فى الاسلام .

حقسم النقطه دي لقسمين ,, اول حاجه التعريف على مشاع غير محدد يعني ببساطه من هو عالم الدين ,,

وهل عالم الدين بالنسبه لفئه هو نفسه عالم دين للفئه الاخرى ؟

تاني قسم اعترض تماما - ده رأي الشخصي - على كلمة ( أيا كان فكرهم ) ,,

لانهم هم انفسهم ينسخون اراء لهم سبقت -.

2- عدم الاساءة للسلفيين واتهامهم بالغباء وعدم استخدام العقل .

دي موافق عليها ,, وشيوخنا وعلمائنا نحترمهم ونقبل ايديهم كما قال الدكتور ولكن لا نقدسهم ونختلف معهم بكل ادب وبالحجه القويه الساطعه

3- عدم التعرض للأحاديث النبوية الشريفة والطعن فيها .

موافق طبعا

فاصل ونواصل..بأذن الله

[شريف مان]

ما تعملوش حسابي فى الغدا ولا العشا - لانى يامااااااااااا شـبـعـــت

جربى المرة دى يا أغابى .. خليكى ايجابية

صدقينى .. لو أنا عايز أصدمك , ما كنتش ذكرتك

قولى اللى أنت عايزاه , ونتناقش , وشوفى أخواتك فى المنتدى هليتزموا وللا لا

خدى بالك صاحب الدعوة كامل باشا يعنى مش أى حد , ومحمد بك يوسف جاهز وهيسلخ ودان اللى مش هيلتزم

وحياة ولادك لتجربى

تم تعديل 10 ديسمبر 2010 بواسطة شريف مان

[شريف مان]

وهل عالم الدين بالنسبه لفئه هو نفسه عالم دين للفئه الاخرى ؟

علماء الازهر , علماء السنة , الاخوان , الدعاة .... كلهم يعنى

يعنى مش عشان أنا اخوان .. أهاجم السلفى والعكس

يا جماعة فى نقطة لازم تكون واضحة .... اللى بيتهم حد لازم يمتلك الدليل , يعنى مينفعش أقول على شيخ أنه بيتبع " التقية " طيب فين الدليل

مينفعش عشان حصلى موقف مع واحد ملتحى .. يبقى كل السلفيين كده وأستخدم كلمة " بعض " وأعمم وأقول دول بيكفروا جماعة كذا وكذا

من غير دليل

أظن كدا أنا وضحت أقصد أيه

يعنى طالما فى دليل ... يبقى نهاجم أى حد أيا كان

اعترض تماما - ده رأي الشخصي - على كلمة ( أيا كان فكرهم ) ,,

يعنى أكيد مش بتوع القاعدة ولا التكفير والهجرة .. اللى أقصده سلفيين , اخوان , صناع حياة , دعاة دول اللى أنا أقصدهم

وشيوخنا وعلمائنا نحترمهم ونقبل ايديهم كما قال الدكتور ولكن لا نقدسهم ونختلف معهم بكل ادب وبالحجه القويه الساطعه

تمام بدأنا نتفق

[م تيمور المراغي]

على بركة الله ,,

حسيب الصياغه النهائيه لمضيفنا الكريم ,,

[م تيمور المراغي]

على فكره حصل لبس لدي ولدى كثيرين بالنسبه لكلمة " ايا كان فكرهم "

الاستاذ شريف كن يقصد بها " ايا كان انتماؤهم او تصنيفهم " ,,

اما انا وغيري كثير حسبناها " ايا كان ما يقولون "

لذا وجب التنويه ,,

[شريف مان]

النقطة دي فيها مربط الفرس .. و بصراحة منطقة ملغمة و ملبشة .. بمعني رجل الدين له في قلوب المصريين كلهم منزلة خاصة .. مدي مناقشة أفكارهم هي اللي لازم نلاقيلها حل ... حضرتك بطلبك ده عايز ان اي حاجة يقولوها تتاخد زي ما هي نظرآ لمكانتهم التي اكتسبوها بتضحياتهم و دراستهم .. الخ .. الخ .. و الا فيه مساحة ممكن نناقش فيها الأفكار دي .. بعيدآ عن اي مساس بهم كاشخاص ...

أكيد فى مساحة ( نتناقش) فيها ... مش نهاجمهم ونتهمهم ونسىء اليهم

أنا بالصدفة قرأت موضوع قديم هنا فى المنتدى .. بخصوص شيخ فاضل ( رحمه الله ) صاحب الموضوع ماسك الشيخ غسيل ومكوى بسبب خطأ واحد فقط

ساب عطاؤه وعلمه وتأثيره فى المجتمع ومسك فى خطأ واحد ... ماهو أكيد كلنا بنغلط ومفيش حد معصوم من الخطأ

يبقى كده هو هدفه الاساءة فقط

اللى عايز يناقش أى فكر .. أكيد فيه جزء صغير ايجابى ...

والموضوعات دى بتبقى واضحة جدا .. وأتمنى أننا كلنا نتصدى لها

تم تعديل 10 ديسمبر 2010 بواسطة شريف مان

[م تيمور المراغي]

....................

ساب عطاؤه وعلمه وتأثيره فى المجتمع ومسك فى خطأ واحد ... ماهو أكيد كلنا بنغلط ومفيش حد معصوم من الخطأ

يبقى كده هو هدفه الاساءة فقط

دي اتفق ايضا معاك يا شريف وهو عدم تصيد اخطاء العلماء من الجانبيين ,,

لان الدكتور نفسه كان عرضه لهذا التصيد ,,

وعفى الله عما سلف ,,,

وايضا انت في شق الجمله الثاني نفيت القداسه عن المشايخ " ماهو أكيد كلنا بنغلط ومفيش حد معصوم من الخطأ "

ودي عاوز اتاكد منك هل هو رأي شخصي لحضرتك ام اتفاق عام لمن تمثلهم خلفك ,,

[Howayda Ismail]

جزاكم الله خير

انا سعيدة جدا بهذه الدعوة

وارجو نحن جميعاالالتزام بما تؤول اليه نتائجها دون اى غضاضة او حساسيات

[م تيمور المراغي]

....................

وارجو نحن جميعاالالتزام بما تؤول اليه نتائجها دون اى غضاضة او حساسيات

واضيف لرأي مدام هند بعد الصياغه النهائيه للميثاق ان يتم تثبيت الموضوع ولو مؤقتا ودخول الاطراف من الجانبين والتوقيع بالمواقفه- من خلال مشاركه- بالاصاله عن النفس

[شريف مان]

دي اتفق ايضا معاك يا شريف وهو عدم تصيد اخطاء العلماء من الجانبيين ,,

الله عليك ,,

لان الدكتور نفسه كان عرضه لهذا التصيد ,,

وعفى الله عما سلف ,,,

بالضبط .. هو دا اللى أقصده , يعنى نتروى ونلتمس لهم الاعذار ونشوف هما يقصدوا أيه وبعد كده نتناقش .. يعنى يبقى هدفنا الوصول الى الحقيقة , مش الاهانة فقط

وايضا انت في شق الجمله الثاني نفيت القداسه عن المشايخ " ماهو أكيد كلنا بنغلط ومفيش حد معصوم من الخطأ "

ودي عاوز اتاكد منك هل هو رأي شخصي لحضرتك ام اتفاق عام لمن تمثلهم خلفك ,,

يعنى أنت متخيل يا باشمهندس أن شريف باشا عين أعيان نزلة السمان بيقدش بشر

وبعدين أنا مبمثلش حد ,, أنا زيك مسلم سنى معتدل , لا أنا سلفى ولا أخوانجى و لا حاجة

بس لما يبقى الناس كلها ضد الشيخ حسان - وانا شايف أنه على حق - يبقى واجبى انى ادافع عنه بكل قوة , نفس الكلام لو حصل مع عمرو لو حصل مع وجدى غنيم لو حصل مع أى حد هدفه الصالح العام

عشان كده أنا مبمثلش حد ,,, وصدقنى اللى بيقدش بشر .. دا محتاج علاج , ومطنش ان معانا حد فى المنتدى كده

ومش معنى أن حضرتك كل مداخله ليك لازم تذكر فيها الدكتور عمرو خالد , يبقى أنت بتقدسه !! أنت مجرد مقتنع بفكره ودا ميمنعش أنك بتحترم أبو اسحق وعلى جمعة وخالد الجندى ( مع حفظ الالقاب للجميع)

[م تيمور المراغي]

طيب ماهو كده في اشكاليه ياشريف انك لا تمثل من هم خلفك ,,

لاني - احسب نفسي - امثل من هم خلفي من الاعضاء من دعاه مجددون وصناع حياه وكل من يعتنق فكرة التنميه بالايمان ,,

بكده ممكن الاستاذه فلانه او الاستاذ فلان يخالف الميثاق ولو اقمت عليه الحجه يقوم قايل لي اصل شريف ماكانش بيمثلني

اعتقد بكده للاسف احنا رجعنا لنقطة الصفر ,,

[شريف مان]

بكده ممكن الاستاذه فلانه او الاستاذ فلان يخالف الميثاق ولو اقمت عليه الحجه يقوم قايل لي اصل شريف ماكانش بيمثلني

اعتقد بكده للاسف احنا رجعنا لنقطة الصفر ,,

لا طبعا لا نقطة الصفر ولا حاجة ...

تقصد مين يعنى ,, أبو عمر مثلا وللا nightmare وللا مين

أنا بنيابة عن الثنائى بقولك هما مش كدة .. هما مبيعبدوش غير ربنا ,,, زيى وزيك يا هندسة

وبالنسبة للى بيقدسوا بشر دول ... لازم يلتزموا وزى ما قلتلك , مظنش فى حد معانا هنا بالحالة دى

وخد بالك مش معنى ان مفبيش تقدييس لشيخ ... يبقى خلاص فرصة نقطعه !!!

وأظن أنك معايا وللا أيه