دعوة

[م تيمور المراغي]

طيب نقطة نظام ,,

بتمثيلك للاستاذين الكريمين ابو عمر ونايت بكده اصبح كلامك ملزم لهما ,,

يبقى رجعنا تاني ولله الحمد سالمين ,,

واقترح - لعدم اللبس - ان اي اعتراض من اي عضو فاضل سواء على شخصي المتواضع او شخص الاستاذ شريف الكريم - اي اعتراض يسجل هنا ,,

والا ,, فان مايتم اتفاقنا هو و انا عليه برعاية استاذ سكوربيون سيكون ملزما لكل الاعضاء كل حسب انتمائه ,,

[Scorpion]

لسه كنت حرد عليك يا استاذ تيمور ... نقطة مهمة جدآ جدآ لازم ناخد بالنا انني ممكن اكون متفق جدآ مع تيار فكري بيشاركني فيه مجموعة تانية .. لكن مش معني اني اقول حاجة اني بعبر عن المجموعة دي ككل ...

يعني مثلآ .. مثلآ ... حضرتك اتفقت كام مرة مع طرح الفاضل اسلام المصري .. فهل ما اضفته في هذا الموضوع او اتفاقك علي صيغة معينة يعني بالضرورة انه رأي الفاضل إسلام المصري أيضآ او هو و آخرين وراءك ...

بالطبع لا ...

احنا مش مستعجلين علشان نخلص الموضوع ده قوام قوام ... و لأهميته و لأرساء قواعد حوار بناء و مفيد لينا كلنا حنستني ان كل المعنيين يدخلوا يقولوا رأيهم ... نصفي النفوس كلها و نبتدي صفحة جديدة علي اساس الكلمة الجميلة اللي حضرتك قلتها ..

عفا الله عما سلف ...

بص تحت علي اسامي اللي دخلوا الموضوع .. حتلاقي ناس كتيرة معنية ما قريتهوش من اساسه .. و اعزاء تانيين دخلوا و ما قالوش رأيهم ...

الصبر جميل ... و مادام الرغبة الصادقة موجودة .. انا كلي ثقة ان الموضوع ده حيكون له مردود ايجابي .. حتي و لو بنسبة بسيطة .. هو برضه نجاح لينا كلنا ...

و قبل ما انسي .. و بما ان الموضوع دخل في الجد .. اسمحولي بقي اشيل البوفيه اللي كان فيه ... و كفاية دلوقتي دور شاي معتبر ...

كل مودتي و احترامي للجميع

[م تيمور المراغي]

طيب للنظام ,,

لابد لكل مجموعه ان تدفع بممثل عنها ليتحدث باسمها بعد ان يدلي كل منهم بدلوه ,,

واعتقد اني - ان لم يخب ظني - ممثل عن من هم خلفي ممن يؤمنون بفكر الدكتور عمرو خالد - واصبح هكذا مالم يتم تسجيل اعتراض من اي منهم

بعد فتره من المشاوره يتحدث فيها الجميع

ينحصر التفاوض النهائي بين فردين او ثلاثه فقط

وهذا هو الاسلوب السليم لصياغة اي اتفاق ,,

واعذرني على ايقاعي لاني تعودت على سرعة التفكير وسرعة اتخاذ القرار بحكم عملي :happy:

[م تيمور المراغي]

وعشان اوضح اهمية اختيار ممثل عن كل مجموعه في النهايه ,,

نفترض ان عددنا جميعا هو 30 فرد

وكل واحد من الثلاثين قال رأيا ,, ثم رد على الباقين التسعة والعشرين واحدا بعد الاخر ,,

هل تعرفون كم عدد المداخلات التي ستتم ,,

هذا بافتراض ان النقاش كان على مرحلتين فقط ,, ابداء الرأي ثم الرد على البقيه ,,

سيكون عدد المشاركات ,,

يساوي ,,

اسيبكم تفكروا ,, والاجابه بعد شويه :happy:

[abaomar]

السلام عليكم

الاخوه الكرام جزاكم الله خيرا

اعذرونى على تأخرنى فى متابعه الموضوع

لظروف انشغال و اضطرارى للخروج الان ارجو ايتاح الفرصه لقراءه الموضوع من بدايته

و تشريفى بمشاركتكم.

[MZohairy]

ابدأ أنا ..

بسم الله

1- عدم الاساءة لعلماء الدين أيا كان فكرهم بداعى عدم وجود كهنوت فى الاسلام .

انا مع عدم الإساءه لأي حد و لكن النقد الموضوعي يختلف عن الإساءه بكل تأكيد و اذا رأيت ان شيخ من الشيوخ تشدد فمن واجبي و من حقي ان انتقد تشدده و اشير الى ما يمكن ان يؤدي له هذا التشدد المبالغ فيه

2- عدم الاساءة للسلفيين واتهامهم بالغباء وعدم استخدام العقل .

عدم الإساءه لأي حد شيئ مطلوب فعلا و ليس السلفيين فقط

3- عدم التعرض للأحاديث النبوية الشريفة والطعن فيها .

انا عن نفسي عندي قناعات معينه راسخة بأن بعض الأحاديث الصحيحة غير صحيحة و اجد نفسي مضطرا الى التعليق بدون اساءه اذا استشهد أحد بها

لكني لا اجد داعي حاليا لفتح مواضيع مستقلة عن هذه الأحاديث لعدم جدوى النقاشات حسب خبراتي السابقة

[عبير يونس]

لحد دلوقت الكلام تمام

اتفقنا ان كل بني آدم بيتكلم حتى لو بينادي " معسلة يا بطاطا"

هو انسان يجب احترام شخصه

و انه من الوضاعة أن نسخر من أي إنسان كان

لا نسخر من شخصه نهائيا

اما ما يقوله

فهناك ثلاثة أنواع من رد الفعل

1- أننا نتفق معه

و ذلك شيء نسبي و متدرج

و لنتفق ان الدرجة الوسطى من التأييد دائما ما تكون هي المحمودة

2- أننا نختلف معه

و ذلك أيضا شيء نسبي و متدرج

و لنتفق أيضا أن يكون على الدرجة الوسطى

3- أننا في حالة متوسطة بين القبول و الرفض

بمعنى

أننا قد تعجبنا آراء و قد لا تعجبنا آراء

و لنتفق هنا

أننا نلتزم أيضا

بإظهار الايجابي من كلامه

و إبرازه

و التغاضي عن السلبي

و عدم تضخيمه

بالمناسبة

تقسيم الموضوع إلى عناصر و عرضها على المتلقي أولا لكي يعلم بجوانب الموضوع المطروح

هو أسلوب دائما يستخدمه الأستاذ الفاضل محمد حسان

و يعجبني جدا من حضرته

الخلاصة

الوسطية

يا أمة الوسطية

سواء في العرض

أو في التلقي

و زي ما قال الأستاذ شريف

و عجبني جدا

اللى عايز يناقش أى فكر .. أكيد فيه جزء صغير ايجابى ...

عندك حق يا أستاذ شريف

بس ده برضه لازم يكون من الجميع

المطلوب عدم الاستخفاف بالأشخاص

و أيضا عدم التركيز على الجزء السلبي من أي فكر يأتينا

فلنفكر في الايجابي فقط

و بأذكر إن ده لازم يلتزم به الجميع

و عدم الالتزام بيه حيخللينا مش بس نرجع لنقطة الصفر

ده احنا مش حنخلص للأبد من التناحر و التباغض

أعجبتني مقولة سمعتها

و لا أعرف مصدرها الحقيقة

لأني لما بحثت وجدت حديث شريف فيه جزء منها و لكن على شيء آخر

أقول لنفسي و لحضراتكم

ما ترك قوم العمل إلا أوتوا الجدل

[akramgroup]

احب احيي فكرة الدعوة دى بصراحه فكرة ممتازة

وكانت هتحصل عاجلا ام اجلا

لان كلنا فى مركب واحده فعلا ومصلحتنا واحده

واظن مفيش حد فى مصلحته الخلافات بين الاعضاء

وبردو قولت ادخل بالنسكافيه عشان الكلام الموزون ده

على فكرة اللى عاوز يشرب سيجارة عادى انا مش ممانع

صباحكم ورد

[شريف مان]

انا مع عدم الإساءه لأي حد و لكن النقد يختلف عن الإساءه بكل تأكيد و اذا رأيت ان شيخ من الشيوخ تشدد فمن واجبي و من حقي ان انتقد تشدده و اشير الى ما يمكن ان يؤدي له هذا التنطع

ماهو اللى انت شايفة تشدد غير شايفة مش تشدد ,, يبقى المهم اسلوب النقد , يعنى مينفعش أقول على شيخ منافق , ولا أقول كل هدفه الفلوس

أسلوب النقد هو المهم , وناخد بلنا شوية وأحنا بنتكلم عن علماء دين

عدم الإساءه لأي حد شيئ مطلوب فعلا و ليس السلفيين فقط

معاك , بس هما السلفيين بس اللى اتشتموا هنا واتقال عليهم من غير عقول , عشان كده أنا ذكرتهم

لكني لا اجد داعي حاليا لفتح مواضيع مستقلة عن هذه الأحاديث لعدم جدوى النقاشات حسب خبراتي السابقة

الله يفتح عليك

متفق جدا مع كلامك مدام مصرية

فهناك ثلاثة أنواع من رد الفعل

1- أننا نتفق معه

و ذلك شيء نسبي و متدرج

و لنتفق ان الدرجة الوسطى من التأييد دائما ما تكون هي المحمودة

2- أننا نختلف معه

و ذلك أيضا شيء نسبي و متدرج

و لنتفق أيضا أن يكون على الدرجة الوسطى

3- أننا في حالة متوسطة بين القبول و الرفض

بمعنى

أننا قد تعجبنا آراء و قد لا تعجبنا آراء

و لنتفق هنا

أننا نلتزم أيضا

بإظهار الايجابي من كلامه

و إبرازه

و التغاضي عن السلبي

و عدم تضخيمه

وياريت يا أكرم لو معاك سيجار ماركة منبار .. عشان خرمان :P

[عبير يونس]

يا حضرات لو سمحتم

ممنوع التدخين

smk:bsh:)

حنبقى نشوفلوكم اوضة للتدخين

في الخطة الجديدة

:closedeyes:

[masraweya]

لا لا لا

تدخين إيه؟

يعني أروح انادي أم زيد و احلم معايا؟

و يقعدوا يسألوكم .. لسة بتدخن؟

بجد متابعة معاكم

و لو كل واحد قرا المداخلة اللي هيرد عليها او قرا مداخلته هو نفسه بهدوء .. أكيد النتيجة هتكون أفضل

طبعا مع افتراض حسن النية في الطرف الآخر

النصيحة دي ليا انا اول واحدة

عشان متسرعة حبتين و عصبية 3 حبات

بس لما بتروى بتفرق معايا

حاجة كمان .. لو شايف ان فيه حاجة غامضة او صادمة .. الرسائل الخاصة موجودة.. استوضح و تبين اولا

ربنا يصلح حالنا و يهدينا جميعا

اممم

واضح انكم شطبتوا على البوفيه.. كويس اني جايبة معايا ساندوتشات

:WelEgTks:

[MaYousof]

و لو كل واحد قرا المداخلة اللي هيرد عليها او قرا مداخلته هو نفسه بهدوء .. أكيد النتيجة هتكون أفضل

كنت متأكد إن أستاذة مصراوية هتكون من أوائل اللي هيؤيدوا الاقتراح بتاعي :closedeyes:

[eslam elmasre]

طيب نجلس معاكم علي مائدة المفاوضات

مرحب بالاخوة المجتمعين علي الخير

اول حاجة

حد شايف مني اساءة لشخصه

او صدرت مني اساءة لشخصه

يتفضل يشرح ويفضفض ومقدما اعتذر عن اي اساءة صدرت مني بقصد او بدون قصد لشخوص المنتدي المحترمين

ثاني حاجة

بالنسبة لي لا اتذكر الاساءات الي شخصي مطلقا وانساها بعد فترة وجيزة ومن جهتي تجاوزت عن اي اساءة لشخصي صدرت من احد ولا اتذكرها

ثالث حاجة

اتفق مع جميع من يري ان الاساءة لاشخاص هو شخص مسيء ولا يدرك معني الحوار والتحاور

رابع حاجة

الاخ شريف مان اساء في احد المرات الي شيخ الازهر الشيخ سيد طنطاوي عليه رحمة الله وقال عنه لفظ الجدع ده وطبعا دي كانت اول مداخلة لي للاخ شريف اطالبه فيها بعدم التهجم علي شيوخ الازهر والاساءة اليهم

وعندما قام اخرون بسب شيوخه امتعض ووقف ولم يقعد

بفرض انني اتخذ هذا الرجل شيخ اتعلم منه وهذه حقيقة فكثير من فتاويه اؤيدها واراه اصاب فيها ولم ارفعه يوما لمصاف القديسين ووجدت منه اخطاء كثيرة من وجهة نظري وهذا لا يعيبه ولا يعيبني ولا يجعلني اسخر منه فهناك فرق كبير بين النقد والسب والسخرية

يبقي اخونا شريف يلتزم بذلك قبل ان يطالب الجميع باحترام شيوخه ونقد اقوالهم وافكارهم ليس به اي قدسية ولن اعدك بانني سأبصم علي اي اقوال تقال امامي الا اذا درستها وحللتها من وجهة نظري القائمة ايضا علي ما هو متاح لي من معرفة دينية ولن امنع احد ان يحاورني في ما رأيته ونترك القاري يحدد منطق من الذي اقنعه وارتاح له

كذلك اطالبه باحترام جميع المفكرين سواء كانوا دينيين او غير دينيين ومطلوب منه ان يتجاهل اقوالهم اذا وجد انها لا تطابق افكاره او قناعاته واذا وجد في نفسه القدرة علي تفنيد اقوالهم فله ما يشاء والملعب مفتوح امام الجميع لكن اقوال مثل تقيؤات وفضلات ولعق الكلاب لا يجوز ان تتصدي لاي فكر وليس المقصود بالطبع هو شريف مان لكن المقصود هو كل من يواجه الفكر بالسب والشتم

لا يوجد واحد جاهل جهل مطلق اكيد يعرف اكثر مني في شيء ما واكيد اعرف اكثر منه في شيء ما لذلك لا يجب ان نتهمه بالجهل قبل ان نستمع له وان نتابع اقواله وان نعرضها علي ما نملك من معارف

كل هذا في اطار سياسة المنتدي الواضحة وضوح الشمس وهي عدم التعدي علي الذات الالهية والديانات السماوية والاصول التي تعارفنا عليها جميعا

اما ان تطلبني بعدم نقد افكار خارج هذا الاطار فسامحني انت تدعوني للاقلاع عن المنتدي بصنعة لطافة والانزواء جانبا ومحاولة البحث عن اماكن اخري تسمح بالرأي والراي الاخر

اما حكاية التخصص هذه لا اقبلها وحتي لو امنت بها وصدقتها فانا اجد في نفسي المقدرة علي مناقشة تلك الافكار في اطار علمي يتفق مع مناهج هؤلاء المتخصصين ومن يجد ان كلامي لا يتفق مع المناهج العلمية فعليه تفنيد اقوالي بذلك الاطار لا بالسب والشتم واتهامي بالجهل والتقيؤات لان الجهل هو سمة المتعمقين فكيف بغير المتعمقين

طاب صباحكم واليوم صباحا الاسكندرية كانت عبارة عن بركة مياه والشتاء ثلوج لم اراه بهذه الضراوة من قبل في مدينتي

الاسكندرية تعوم علي بركة مياه كبيرة وصقيع لدرجة التجمد

ربنا يلطف بنا

[شريف مان]

الاخ شريف مان اساء في احد المرات الي شيخ الازهر الشيخ سيد طنطاوي عليه رحمة الله وقال عنه لفظ الجدع ده وطبعا دي كانت اول مداخلة لي للاخ شريف اطالبه فيها بعدم التهجم علي شيوخ الازهر والاساءة اليهم

أزيك يا أخ اسلام , واحشنى

أنا كنت مستنيك تحديدا تشارك فى الموضوع

شوف يا أستاذ اسلام , أظن أنا قبل كده قولتلك أن مشايخ الازهر أنا أقدرهم جيدا وأحترمهم جدا

وأظن أن الشيخ خالد الجندى اللى حضرتك أهنته أزهرى بردو !!

أما اللى انت تقصده فدا مكنش شيخ , دا كان موظف حكومة !! وهو نفسه الدنيا كلها بكل أفكارها أختلف معاه ومع تصرفاته

على العموم هو حاليا مش معانا ,,, ندعيله بالرحمه

وطبعا كلمة جدع ,, مش أهانه يعنى ,, دا كان سيد الجدعان ,, بس على العموم أنا بعتذر له والله يغفرله ويرحمه

بس أنا فى انتظار اعتذار صريح من حضرتك للأخوة السلفيين , لانك ذكرت أن الفرق بينك وبينهم أنك بتشغل عقلك

دى فيها اسقاطات غير مقبولة , لا شكلا ولا موضوعا

وقدرى أنى أدافع عنهم لانهم مش موجودين معانا !! ... وطبعا أنا فى أنتظار أعتذارك

دى أولا

نيجى بقى لثانيا : ودى مهمة جدا

حضرتك 99 % من مداخلاتك بتطعن فى بعض الاحاديث ,, سواء أتفقنا أو أختلفنا , دى موضوعات خاصة بالمتخصصين فى علم الحديث

ممكن يكون حضرتك دارس وفاهم , بس تتخيل كام واحد فى المنتدى دارس حديث !!!

مظنش فى حد , يبقى المفروض حضرتك فى الحالة دى تناقش المتخصصين أو تبقى الحوارات اللى من النوع دا فى المنتديات المتخصصة

وأهلا وسهلا بيك يا سيدى فى أى مناقشات أخرى ,,,,

لان الكلام فى المواضيع دى تحديدا ,, ضررها أكبر بكتيييييير من نفعها

ومش هتجيب غير المشاكل ,,

دا حتى زهيرى باشا أتفق معايا فى النقطة دى

لكني لا اجد داعي حاليا لفتح مواضيع مستقلة عن هذه الأحاديث لعدم جدوى النقاشات حسب خبراتي السابقة

[eslam elmasre]

الاخ شريف مان اساء في احد المرات الي شيخ الازهر الشيخ سيد طنطاوي عليه رحمة الله وقال عنه لفظ الجدع ده وطبعا دي كانت اول مداخلة لي للاخ شريف اطالبه فيها بعدم التهجم علي شيوخ الازهر والاساءة اليهم

أزيك يا أخ اسلام , واحشنى

أنا كنت مستنيك تحديدا تشارك فى الموضوع

شوف يا أستاذ اسلام , أظن أنا قبل كده قولتلك أن مشايخ الازهر أنا أقدرهم جيدا وأحترمهم جدا

وأظن أن الشيخ خالد الجندى اللى حضرتك أهنته أزهرى بردو !!

أما اللى انت تقصده فدا مكنش شيخ , دا كان موظف حكومة !! وهو نفسه الدنيا كلها بكل أفكارها أختلف معاه ومع تصرفاته

على العموم هو حاليا مش معانا ,,, ندعيله بالرحمه

وطبعا كلمة جدع ,, مش أهانه يعنى ,, دا كان سيد الجدعان ,, بس على العموم أنا بعتذر له والله يغفرله ويرحمه

بس أنا فى انتظار اعتذار صريح من حضرتك للأخوة السلفيين , لانك ذكرت أن الفرق بينك وبينهم أنك بتشغل عقلك

دى فيها اسقاطات غير مقبولة , لا شكلا ولا موضوعا

وقدرى أنى أدافع عنهم لانهم مش موجودين معانا !! ... وطبعا أنا فى أنتظار أعتذارك

دى أولا

نيجى بقى لثانيا : ودى مهمة جدا

حضرتك 99 % من مداخلاتك بتطعن فى بعض الاحاديث ,, سواء أتفقنا أو أختلفنا , دى موضوعات خاصة بالمتخصصين فى علم الحديث

ممكن يكون حضرتك دارس وفاهم , بس تتخيل كام واحد فى المنتدى دارس حديث !!!

مظنش فى حد , يبقى المفروض حضرتك فى الحالة دى تناقش المتخصصين أو تبقى الحوارات اللى من النوع دا فى المنتديات المتخصصة

وأهلا وسهلا بيك يا سيدى فى أى مناقشات أخرى ,,,,

لان الكلام فى المواضيع دى تحديدا ,, ضررها أكبر بكتيييييير من نفعها

ومش هتجيب غير المشاكل ,,

دا حتى زهيرى باشا أتفق معايا فى النقطة دى

لكني لا اجد داعي حاليا لفتح مواضيع مستقلة عن هذه الأحاديث لعدم جدوى النقاشات حسب خبراتي السابقة

شوف يا حاج شريف

الاول صلي علي النبي (عليه الصلاة والسلام )

ثانيا

انا لم اسيء لخالد الجندي كشخص خالص ومطلقا

يعني مثلا ما قلتلكش مثلا يعني انه متزوج من اربع ستات منهم ثلاثة زواج عرفي رغم ما جلب الينا الزواج العرفي من بلاوي ومأسي واحزان لاني اري ان هذا امر يخصه ومن خصوصياته لكن عندما يقول خالد الجندي ان الزواج العرفي حلال في ظل الدولة المدنية الحديثة هنا سأتصدي لاقواله وسأختلف معه لانني كما هو حريص علي المجتمع فانا كذلك لا اقل حرصا مثلة علي المجتمع واري ان تحليل الزواج العرفي في ظل وجود الدولة المدنيه يضر المجتمع اكثر من افادته وقد تكون هذه الفتوي صالحة لزمن اخر غير هذا الزمان الذي نعيشه

هنا اختلف مع خالد الجندي وكما ان لديه ادلة انا ايضا امتلك ادلة واري من وجهة نظري صلاح ادلتي وفساد ادلته وفي النهاية انا حريص علي المجتمع وهو ايضا حريص علي المجتمع وكل واحد له وجهة نظر تحتلف عن الاخر لكن الاختلاف لا يفسد للود قضية

لذلك لن اعتذر له عن اختلافي معه في وجهة نظر ما

اما لو اسأت الي شخصه فاعطني ما تدلل عليه ومقدما لو صدرت اساءة لشخص خالد الجندي او غيره من بني البشر فانا اعتذر لذلك

لكن لاقوالي واختلافاتي معه في الرأي لن اعتذر ولن اعتذر ولن اعتذر

بالنسبة لاقوالي عن السلفيين انهم لا يستخدمون عقولهم فهي ليست اقوالي ولكنها اقوالهم هم وافتخارهم بذلك علي مرأي من الجميع فهم اصحاب هذا القول (تغليب النص علي العقل )

والنص بدليل من كتاب الله منه ما هو محكم ومنه ما هو متشابه لذلك هذه كانت دعوي لتشغييل العقول لا تجنيبها

فعندما اقول ذلك فانا لا اعيب فيهم ولكن اكرر اقوالهم هم وليس اقوال غيرهم ولذلك اطالبك بان تنفي عنهم هذا الفخر اولا وان يتبرؤا من اقوالهم ثانيا ثم لو صدر مني هذا الادعاء اقدم لك اعتذاري علي ما اقول وهذا بالطبع لم ولن يحدث لذلك لن اقدم اعتذاري ايضا

اما بالنسبة للروايات وتعرضي لها

من ادراك انني اتكلم بجهل او بقلة معرفة

هل اطلعت علي علومي في تلك الجزئية

بالطبع لا لم تطلع

لذلك عندما اقول لك بالبلدي ان هذه الرواية مش اد كده تأكد اني عملت عليها بحث وفي هذه الحالة اذا وجدت ان كلامي تختلف معه عليك بمواجهتي بادلتك ويمكنك الاستعانه بصديق او بمواقع تخريج الروايات

رجال الحديث وضعوا قواعد للحكم علي الاحاديث وانا اطبقها وإن كنت متشدد في قبول الروايات فهذا لا يعيبني فالافضل لي ان انكر رواية قد يكون قالها رسول الله صلي الله عليه وسلم افضل من ان اقول ما لم يقله رسول الله واظل اردده وافتن به الناس واخذ ذنب من عمل بها الي يوم القيامة

ولان الكذابين كانوا كثر (انتقي البخاري صحيحه المكون من سبعة الاف حديث من بين ستمائة الف حديث)ولان الوضاعين(هناك الاف مؤلفة من الوضاعين والكذابين والضعفاء والمجروحين) كانوا كثر ولان المخربين كانوا كثر فاسمح لي ان انتقي وان اقبل ما اراه متناسب مع ثوابتي واسمح لي ان اضع المجهود البشري في مقامة وان لا اضعه بجوار المقدس

لذلك سأظل اتعرض لكل رواية اجد انها تتنافي مع صحيح الدين ومعي ادواتي التي تمكنني من ذلك

[Scorpion]

طيب ممكن اتدخل في نقطتك الأخيرة استاذي الفاضل و الخاصة بصحة بعض الروايات من عدمها ...

فلتكن علي هذه الصورة ... حتي و لو كانت الرواية مثيرة للجدل .. او لها رؤي مختلفة .. فليس هناك أي داع لعرضها او لمناقشتها في صورة محددة منفصلة ...

فقط اذا اتي احدآ بها كحجة في أمر ما ففي تلك الحالة فقط يمكن مناقشتها ....

هل تجدوا هذا حلآ منطقيآ ؟؟؟

[شريف مان]

هو مش دا كلامك بردو عن الشيخ خالد الجندى

حاجة تكسف بجد ويستحق ما حدث له من منافسة رغم قسوة رده التي ناخذه عليها

لكن في النهاية نقول هذه هي اخلاق من تريدوننا ان نجلس في مجالسهم ونتعلم علي يديهم الدين و الاخلاق

لقد انتهي عصر العلماء والمفكرين ولم يبق لنا الا الرويبضة لكي يعلموننا ديننا ومثله

الشيخ ابن البلد المتربي في السيدة وحواريها مش شيخ زي مانتو متصورين بجبة وقفطان

ده ابن بلد وحنت ومتناسب مع العصر ومتغيراته

دا كلام مرفوض ,,,, ويجب أن تعتذر للشيخ خالد ,

ودا كلامك عن الاخوة السلفيين

هم مجرد ناقلين واحيانا ينقلون دون ان يعقلون ولا احاسبهم لانهم مسيرين وليسوا مخيرين

الكلام دا فيه تطاول ,, على الاقل من وجهة نظرهم ,,

دا فكرهم وليس لك الحق فى اتهامهم بتغييب العقل

ولو هتسمح بدا ,, يبقى بردو تسمحلهم بوصف من يخالفهم بمنكر السنة وبالجهل

أحنا هنا فى المنتدى ,,, لو هتسمح لنفسك بأتهامهم ,,,

يبقى تسمحلى أتهمك بالنيابة عنهم

,,,,,,, فى انتظار أعتذار حضرتك للأخوة السلفيين ,,,,,,,,,,,,,,,,,,,,,

دا رد أحد المشرفين السابقين على موضوع من مواضيع حضرتك

تم إغلاق الموضوع

ولن يتم السماح بفتح أى موضوعات تناقش السنة النبوية أو الصحابة أو الأحاديث الشريفة

ومن يصر على ذلك سيعرض نفسه للإيقاف

الإنترنت ملئ بالمواقع التى ترحب بذلك الفكر الذى للأسف ليس مرحبا به هنا

الإدارة

للحديث بقية بأذن الله

تم تعديل 12 ديسمبر 2010 بواسطة شريف مان

[شريف مان]

طيب ممكن اتدخل في نقطتك الأخيرة استاذي الفاضل و الخاصة بصحة بعض الروايات من عدمها ...

فلتكن علي هذه الصورة ... حتي و لو كانت الرواية مثيرة للجدل .. او لها رؤي مختلفة .. فليس هناك أي داع لعرضها او لمناقشتها في صورة محددة منفصلة ...

فقط اذا اتي احدآ بها كحجة في أمر ما ففي تلك الحالة فقط يمكن مناقشتها ....

هل تجدوا هذا حلآ منطقيآ ؟؟؟

حل ممتاز كامل بك

ربنا يكرمك

[eslam elmasre]

طيب ممكن اتدخل في نقطتك الأخيرة استاذي الفاضل و الخاصة بصحة بعض الروايات من عدمها ...

فلتكن علي هذه الصورة ... حتي و لو كانت الرواية مثيرة للجدل .. او لها رؤي مختلفة .. فليس هناك أي داع لعرضها او لمناقشتها في صورة محددة منفصلة ...

فقط اذا اتي احدآ بها كحجة في أمر ما ففي تلك الحالة فقط يمكن مناقشتها ....

هل تجدوا هذا حلآ منطقيآ ؟؟؟

وهذا ما يحدث بالنسبة لي علي الاقل فهناك مواضيع في باب هدي الاسلام تتعرض لاحاديث مشكوك في بعضها لكني لا اتعرض لها مطلقا ولكني اتعرض بالفعل لمن يواجهني بتلك الروايات كدليل علي اقواله

يعني مش من الباب للطاء نتعرض للروايات

كما انني لم امنع احد من الاستعانه بتلك الورايات

فيه حاجة الناس مش واخده بالها منها ان مش كل الروايات من وجهة نظري مشكوك فيها ولكن لي وجهة نظر وقلتها مئات المرات وانا مرتاح لها وهي ان الرواية يجب ان تتفق مع كتاب الله وده الاساس عندي وليس غيره

هناك روايات لا تحتاج لرواة ثقات من وجهة نظري لانها تتفق مع صحيح الدين

مثلا لما تجي رواية تحثني علي الاحسان لجار او ان اماطة الاذي عن الطريق صدقة فهذه روايات تحث علي عمل الخير وتتفق مع صحيح الدين فلماذا انكرها

[شريف مان]

بما أن الاستاذ اسلام أعطى تقييم موجب لاقتراح السيد سكوب

يبقى وصلنا لنقطة اتفاق

1- ممنوع فتح أى موضوعات خاصة بمناقشة أى حديث ,,

2- ممنوع نقل أى مقالات تحتوى على نفس الفكر ,,

3- فى حالة ذكر أحد الاحاديث الموضوعة فى رد أى عضو ,,, تتم مناقشة ,, بشرط أن يكون الهدف من الموضوع آخر غير مناقشة حديث

كدا تمام