ما رأيك بمقولة " المراة لاتحفظ السر"

[اغابي]

ما رأيك بمقولة " المراة لاتحفظ السر"

احتفظ بسرك لنفسك ولا تفصح به لأي امرأة مهما كانت قريبة منك

بعد أن توصلت دراسة علمية بريطانية

أن النساء لا يستطعن الاحتفاظ بالاسرار لفترة طويلة وأوضحت الدراسة

ان معدل الفترة الزمنية التي لا تفشي المرأة

السر تبلغ 47 ساعة فقط، اي أقل من يومين، بعد ذلك لا تقوى على تحمل السر

او الصبر اكثر من هذه الفترة، فتقوم بافشائه الى اقرب شخص لها

كالصديق او الزوج او الام او غيرهم

عزيزي الرجل ما رأيك بهذا الكلام؟

تم تعديل 11 ديسمبر 2010 بواسطة اغابي

[م تيمور المراغي]

بصراحه يا غيبو انا تعاملت مع ستات اجدع من ميت راجل ,,

وانتي الدليل ,, :happy:

[ذهبية]

مع انى امراءة لكن اوافق على هذة المقولة مية فى المية

ايوة فعلا مش ممكن تعرف اى امراءة تخبى اى سر يفضل ينغض عليها حياتها و يقرص فيها لحد ما تقول

تقول بقى لاى حد بعيد عن دائرة اللى عارفين السر بس هتقول هتقول

[زهرة الجبل]

أعتقد أن الموضوع لا علاقه له برجل و إمرأه

قد تصادفين إمرأه تحفظ سركِ و تصونه كما تتمنين و أكثر .. و أخرى لا تقوى على إفشائه صبراً

و في المقابل أيضاً هناك رجلاً تستأمنينه على أسرارك و أنتِ مطمئنة و آخر ما ان تفضي إليه بالسر ترينه إنتشر !!

تختلف بإختلاف قوة معرفتك بمن أمامك و طبيعة أخلاقه سواء كان رجل أو إمرأه و مدى إهتمامه بمصلحتك و رغبته في حفظ أمانتك

هذا هو رأيي رغم علمي أن الكثيرون على قناعه بأن المرأه عموماً أقل قدره على الإحتفاظ بالأسرار

[masraweya]

تأييدا لكلام زهرة

هفترض ان 99% من الرجال بيحفظوا السر .. ايه اللي يضمنلي ان اللي بستأمنه ما يكونش من ال 1%؟

و العكس بالنسبة للستات

و عموما .. السر إذا جاوز شفتيك .. لم يعد سرا

يا ما اتحكتتلي اسرار و ابقى حريصة جدا ما اقولهاش لحد .. و أفاجأ بشخص آخر يقص علي هذه الأسرار

إذا كان و لا بد تحكي فدقق جيدا

فمن يعلم كيف تتقلب الأيام و القلوب

[اغابي]

بصراحه يا غيبو انا تعاملت مع ستات اجدع من ميت راجل ,,

وانتي الدليل ,, :happy:

ما هو فى الاخر انا عارفة ومتاكدة ان دى اشاعات

من ضمن سلسلة الاشاعاات التى نالت من المرأه على فترات - ليه بقى

يمكن زمان لما كانت الست فاضية ومش معاها غير الكلام مع السلايف والقرايب والجيران

لكن حاليا فى امور كتير جدت على المجتمع ومنها السلوك الجديد للمرأه - يعنى مثلا فى اطباع زمان اختلفت تماما

صدقونى دى فعلا اشاعة لازمت المراه فترة طويلة وظلمتها جدا للاسف

لكن الحقيقة ان الست تقدر تكتم السر فعلا طول حياتها وفى اسرار كتير فى طي الكتمان ولا اى حد يعرف عنها حاجة - فى نفس كلا منا

تحياتى يا تيمور وشكرا لكلماتك

وانا فى انتظار تاكيد او نفى هذه

المقولة وايه الدليل

تم تعديل 12 ديسمبر 2010 بواسطة اغابي

[عنبو]

الستات اساسا خايبين فى الحفظ

[MZohairy]

ما رأيك بمقولة " المراة لاتحفظ السر"

ايهييي؟

ده كلام برضه ؟ :closedeyes:

دي الستات دي اجدع ناس يحفظوا الأسرار

ناس طيبين قوي و ذوق ذوق ذوق آخر حاجه :unsure:

[se_ Elsyed]

من الأقوال المأثورة للحكيم الأغريقي " سينسينادوس "

إن المرأة والسِر .. ضدان لا يُمكنهما أن يجتمعا في مكان واحد

هو قال كده ومات الله يرحمه في ظروف غامضة ...

لكن الراجل ده كان بيقول حكم مالهاش حل ...

يالله .. خد الشر وراح

[Alshiekh]

ما رأيك بمقولة " المراة لاتحفظ السر"

لا أوافق على هذه المقولة ،

فى حياة كل إمرأة أسرار لاتبوح بها وتموت معها، وبالتالى لو شاءت أن تحتفظ بسر فهى تستطيح ، إلا إذا كانت تريد إفشاء السر. أو نقدر نقول انها تحفظ الأسرار بمزاجها ولاتحفظها بمزاجها ايضا

[اغابي]

ما رأيك بمقولة " المراة لاتحفظ السر"

لا أوافق على هذه المقولة ،

فى حياة كل إمرأة أسرار لاتبوح بها وتموت معها، وبالتالى لو شاءت أن تحتفظ بسر فهى تستطيح ، إلا إذا كانت تريد إفشاء السر. أو نقدر نقول انها تحفظ الأسرار بمزاجها ولاتحفظها بمزاجها ايضا

ميرسي يا استاذ محمد

بجد فى ستات كتير بتحتفظ باسرار طوال فترة حياته ولا تبوح بها لاى انسان ايا ان كان

وكمان خاصة فى زمن ندرة الاصدقاء الاوفياء - بيكون عامل مشجع جدا على الكتمان

خالص الود

[se_ Elsyed]

بجد فى ستات كتير بتحتفظ باسرار طوال فترة حياته ولا تبوح بها لاى انسان ايا ان كان

أكيد طبعاً

خصوصاً لو كان سرها .. يتعلقه بسنها

[MZohairy]

بجد فى ستات كتير بتحتفظ باسرار طوال فترة حياته ولا تبوح بها لاى انسان ايا ان كان

أكيد طبعاً

خصوصاً لو كان سرها .. يتعلق بسنها

اكيد طبعا

خصوصا لو كان سنها.. يتعلق بشكلها

[اغابي]

بجد فى ستات كتير بتحتفظ باسرار طوال فترة حياته ولا تبوح بها لاى انسان ايا ان كان

أكيد طبعاً

خصوصاً لو كان سرها .. يتعلقه بسنها

انت متحامل علينا اوى كدا يا استاذ س س

cr((: cr((:

اكيد طبعا

خصوصا لو كان سنها.. يتعلق بشكلها

وانت كمان يا زوهيري

cr((:

انت عارف ممكن موضوع السن داه خصوصا السن كان زمان ومش سر ولا حاجة

بس انا اعرف ان ليلي علوى زورت فى البطاقة من مواليد 54 الى 62 مش عارفة ليه صغرت نفسها 8 سنين

يمكن علشان هى ستار مش ست عادية

وكمان حاجة حاليا

لو اتجمعوا مجموعة ستات مع بعض اتحذفت من قاموس مجلسهم جملة كانت بتكرر زمان ( اقولك على حاجة - بس احلفى احلفى ما تقولى لحد ابدا يا حبيبتى علشان دى سر - والتانية ترد فى بير قولى ) هل يعقل انى انا اقعد مع مجموعة ستات اصحابي ونقول الجملة دى استحالة بجد

انتم عارفين اتحذفت من القاموس وبقى بديل ليها الكلام عن الشهادات والمعادلات

والمذاكرة والسفر واللغات والمنتديات والازياء والحالة السياسية لمصر والحال والمعيشة فى مصر

ايه رايك بقى ؟؟؟؟؟؟

تم تعديل 12 ديسمبر 2010 بواسطة اغابي

[se_ Elsyed]

بجد فى ستات كتير بتحتفظ باسرار طوال فترة حياته ولا تبوح بها لاى انسان ايا ان كان

أكيد طبعاً

خصوصاً لو كان سرها .. يتعلق بسنها

اكيد طبعا

خصوصا لو كان سنها.. يتعلق بشكلها

هذا وقد أعلنت جماعة النسوة المتوحشة المشهورة بإختصار " توحش "

بإنها مسئولة مسئوليةً كاملةً عن إختفاء العضوين زهيري وسين سين .. وتهدد بذبحها ذبح الشاة بعد سلخها إذا لم يتم دفع فدية وقدرها 35 جنيه عن كل راس فيهما .

[se_ Elsyed]

انت عارف ممكن موضوع السن داه خصوصا السن كان زمان ومش سر ولا حاجة

ايه رايك بقى ؟؟؟؟؟؟

أول مره أعرف المعلومة دي والله

يمكن عشان كنت مسافر وكده وفي حاجات حصلت وأنا غايب ؟؟؟

ناقص تقولي لي إن جُملة " شبيك لُبيك " إتحذفت هي كمان وبقى بدلها

أنجعص وأتمنظر أطلب وأتقمر

نييييييييييييييييييييييياه ( ضحكة رجالي شريرة )