عصام الحضري ... والفلاح الذي عبد القرش

[se_ Elsyed]

كلنا طبعاً عارفين قصة عصام الحضري وإزاي هرب من الأهلي .... والأهلاوية دمهم إتحرق لأن الراجل كان قابض فلوس العقد ولم ينفذه وورط الأهلي ولم يمهله فرصة لإيجاد البديل لإنه كان الحارس الأساسي ..

المهم إن دي أيام راحت لحالها ..

وبالرغم إني لا أفضل التدخل في الحياة الشخصية لأحد حتى لو كان من المشاهير ... لكن ده بالذات كنت باعتبره مثلنا .. أي من أصول ريفيه ومازال أهله فلاحين في دمياط .. وعادتنا وتقاليدنا تفرض علينا الإحتشام والتصرف في حدودها ... وإلا زي ما بنقول ( الناس تاكل وشنا) ..

لكن البيه أول ما هرب على سويسرا أول حاجه عملها إنه خلا مراته تخلع الحجاب ...

طلع وقال ده كان " بونيه " إسمه كده يا جماعه ؟ مش حجاب كامل ... وبعدين إحنا في أوروبا كده يعني

قولنا ماشي

المهم جاب جاز هناك وهرب منهم للمرة الثانية ورجع للأسماعيلي وقال بداية جديدة ومش عارف إيه ... وما كملش سنة وهرب تاني .. وراح للزمالك عنداً في الأهلي يعني ...

وما هي إلا أسابيع قليلة وصدر قرار إيقافه في الشكوى المقدمة للاهلي .. واتوقف 4 شهور لحد شهر فبراير 2011 تقريباً

وقرر الهروب للمرة الرابعة من الزمالك ودخل في مفاوضات مع عدة اندية ضارباً بتعاقده عُرض الحائط ... وبيفكر دلوقت في الأحتراف في السودان والحصول على الجنسية السودانية .. باتكلم جد والله على فكرة

وكانت الطامة الكُبرى عندما شاهدت على عدة مواقع أمس صور عيد ميلاد زوجته .... وهي شبة عارية في الحفل ... وهو جامع الساقطات والراقصات وأهل الفن ... والست عمالة ترقص في وسط المعازيم وهو فرحان زي الأهبل ....

وفعلاً الراجل الاجنبي مانويل جوزية هو الوحيد اللي كان فاهمه وقال عليه أيام ما كان في الاهلي " الحضري يبيع أبوه عشان الفلوس " ومعروف عنه إنه بخيل جداً

عُمركم شوفتم نجم رياضة عمل إعلان هو وزوجته ؟

طب هو مشهور .. لكن مين دي اللي طلعها معاه في الإعلان وليه ؟ عشان 5 ج زيادة يعني ؟

صحيح إخص على الرجالة اللي كانوا رجالة ..

بالمناسبة ... جاي له في السكة عماد متعب وخطوبته لملكة جمال مصر " يارا نعوم " لكن عزاءنا الوحيد إنها لسه خطوبة .. لكن كان صعبان عليه منظر والدته في حفل الخطوبة وهي فلاحه اصيلة من عندنا من بلبيس وهي في الحفل زي المبلولة ومش فاهمه إيه اللي بيحصل .... وليه إبنها عمل كده ؟

[pink rose]

بتفتح عنيننا انت يا س س على حاجات و احنا لسا صغيرين على كده

يعني انا ما كنتش اعرف حوار عماد متعب دا خالص و دورت على الست خطيبته و شوفت حاجه لا تسر عدو و لا حبيب

الست لابسه من غير هدوم و بس مغطية نفسها بيافطة قماش كده مكتوب عليه اسم مصر

اخص على كده

اما بالنسبة لمدام الحضري ما شاء الله المدام في تقدم مستمر و عملت دايت اهي عشان تقدر تقلع

كنت قريت تعليق قبل كده على الاعلان السخيف اللي عاملينه سوا

واحد علق و قال مش توزن الاول قبل ما تتجوز :closedeyes:

[se_ Elsyed]

بتفتح عنيننا انت يا س س على حاجات و احنا لسا صغيرين على كده

يعني انا ما كنتش اعرف حوار عماد متعب دا خالص و دورت على الست خطيبته و شوفت حاجه لا تسر عدو و لا حبيب

الست لابسه من غير هدوم و بس مغطية نفسها بيافطة قماش كده مكتوب عليه اسم مصر

اخص على كده

إسكتي يا ريمو .. ده واحد من أصدقاء السوق :unsure: قال لي تعالى أوريك صفحة الفيس بوك اللي عيال عاملينها لعماد متعب بعد خطوبته وجايبين له كوليكشن لصور ست الحُسن والجمال ... وهاتك يا تعليقات من عينة تعليقات فيلم " القاهرة 30 " بتاعت حمدي احمد لما كان بيقطع تذاكر لسعاد حُسني .. دي جُملة شهيرة لعقيلة راتب اللي كانت طالعه زوجة للوزير " أحمد مظهر " اللي كان متجوز سعاد حُسني من الباطن ...

قولت والله العظيم الولا ده لو عنده نقطة دم مستخبية كده ولا كده وقرأ تعليقين من دول لا ينتحر

ولا ينتحر ليه . يعني هو ما غلطش مره ودخل عالنت وشاف البلاوي السوده ومع ذلك قبل ووافق وحط راسنا في التراب

أما عن الفلاح اللي لما إتمدن جاب لأهله النعيله ... فكفاية عليه نظرات الإزدراء من أي حد عنده كرامة وشافه بيعري مراته عشان كام جنيه ...

[MZohairy]

وكانت الطامة الكُبرى عندما شاهدت على عدة مواقع أمس صور عيد ميلاد زوجته .... وهي شبة عارية في الحفل ... وهو جامع الساقطات والراقصات وأهل الفن ... والست عمالة ترقص في وسط المعازيم وهو فرحان زي الأهبل ....

نرجوا كرما موافتنا برابط هذه المواقع اللعينه الفاجره

مع الشكر :closedeyes:

[se_ Elsyed]

وكانت الطامة الكُبرى عندما شاهدت على عدة مواقع أمس صور عيد ميلاد زوجته .... وهي شبة عارية في الحفل ... وهو جامع الساقطات والراقصات وأهل الفن ... والست عمالة ترقص في وسط المعازيم وهو فرحان زي الأهبل ....

نرجوا كرما موافتنا برابط هذه المواقع اللعينه الفاجره

مع الشكر :closedeyes:

مش هانولهالك يا زهيري ..

[se_ Elsyed]

بالمناسبة عشان إسقاطات زهيري الخبيثة اللي عارف نواياه إيه

دي مواقع إخبارية .. يعني لا فنية ولا صفراء ولا أي لون ... من الأخر يعني عشان ماحدش فكره يروح لبعيد

[DIA ELDIN]

الحضري اتلحس لما الفلوس كترت معاه وزيه هيكون عماد متعب وبعدين هوا الحضري دا مش لسه راجع من الحج المفروض يتكسف شوية ولا حتى يخاف على مراته اللي لابسة من غير هدوم من البرد

تم تعديل 12 ديسمبر 2010 بواسطة DIA ELDIN

[الغريب]

شوفت الصورة دي للحضري في حديث مع قناة الوطن الكويتية.. لا تعليق

[م تيمور المراغي]

الله يهديه,,

الله يهديه ,,

الراجل ده ياما ادخل الفرحه في قلوبنا وقلبي تحديدا سنين طويله

ادعوا له بالهدايه

تم تعديل 18 ديسمبر 2010 بواسطة architect

[المهندسه]

دى صورتها و هى محجبه قبل عمليه التجميل

والله احلى من القرف ال عملته

انا كنت هحط صورتها فى عيد الميلاد بس ما حبش الفضايح رغم انها موجوده على مواقع اخباريه وفنيه ومنتديات

ربنا يهديهم

تم تعديل 18 ديسمبر 2010 بواسطة المهندسه

[ابو محمود]

يا عم سين سين انت لية حاطط على الحضرى كدة حرام عليك هو علشان مشى من الاهلى يا عمنا طب شوف عم مصطفى عبدة ولا المصطفى تونس زوجاتهم حاجة تفرح يعنى مرات الحضرى تبقى متحجبة بلبس عيد الميلاد جنبهم عزيزى سين سين .. العيب فى المجتمع الذى تفاعل مع متعب والحضرى وشجعوهم على ذلك لاننا ببساطة بنحب نتفرج ... هتلاقى واحد عايز يشوف فضايح وأخر بيحب يتكلم على الفضائح

ربنا يهدى وكمان فية ناس ممكن تدخل فى مشادات كلامية ومشاجرات من اجل خطيبة دة او زوجة دة

واخيرآ يا عزيزى كل واحد حر فى اللحمة بتاعتة يعرضها للناس هو حر يغلفها ويحترمها هو حر يعرضها كبضاعة للبيع هو ايضآ حر لاننا احرار يجب ان نظل هكذا تدين اية وكلام اية اللى انت جاي تقول علية

كدة انت هتزعل ناس كتير منك يعنى ام متعب تقدر تقلة ياولد اسمع كلام امك وابعد عن الشبهات ؟؟

يا راجل عماد بقى مليونير وهو شاب صغير السن فهل سعادتك عايز تحرمة من اللحمة ومعاة فلوس جت من لعب كورة طب دة المهندس اللى انا مربية بقالة كام سنة شغال وطالع عين امة وما حوش اكثر من مقدم عقد عماد متعب من اول عقد احتراف رغم انى اتحمل مسؤلية عدم تركة للنادى الاهلى ليلعب كرة رغم انة كان اقرب الى عبد العزيز عبد الشافى فى مجدة ورغم ذلك لن اندم على سبب عدم تسهيل لعبة لانة اصبح مهندس محترم ومتدين وبيحافظ على عرضة ولحمة ... ويعرف كيف يكون انسان محترم

[full moon]

قال تعالي

بسم الله الرحمن الرحيم

"ولَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فكرهتموه"

صدق الله العظيم

يا جماعة ارجوكم عصام الحضري ممكن يكون انسان كويس او انسان وحش وفيه اللى فيه لكن دا مش معناه ابدا اننا نفتح موضوع على النت نتكلم فيه على الراجل وناخد ذنوب كلنا

ياخونا الراجل قلع مراته الحجاب ولا لبسهولها احنا مالنا دا حسابه مع ربنا ليه يكون فيه موضوع للنميمة والغيبة الاكترونية كدا؟؟؟

انا على فكرة مش بشجع الكورة ولا بحب عصام او بكرهه

والناس اللى بيدوروا على صور عصام وزوجته افكرهم بحديث الرسول عليه الصلاة والصلام

"من تتبع عورات الناس تتبع الله عورت"

المنتدى دا فعلا مفيد خلوه في حاجة تنفعكم لاننا ممكن نموت والمموضوع دا يفضل يبعت لنا سيئات حتى بعد موتنا

يا ريت تخلى المشاركة مفيدة ليك ولغيرك واللي يشوف الموضوع يطلع منه مستفيد فعلا مش محمل بجبل من السيئات ولك مثله

[ريمون]

اتفق مع fullmoon

شهره الحضرى بسبب انه حارس مرمى

و كمصرى باشكره بشده على اللى عمله مع المنتخب

فمن غيره مفتكرش كنا كسبنا الامم الافريقيه تلات مرات

و كزملكاوى اقوله الله يسامحه على حرمانه للزملكاويه من كل البطولات لما كان حارس مرمى الاهلى :)

بالنسبه لتصرفاته الشخصيه بقى فدى منه لربنا

انا كمشجع كره يهمنى عمله كحارس مرمى بعيدا عن حياته الشخصيه

و ربنا يستر على ولايانا :)