هل التكنولوجيا تزيد متعة الحياة.. أم العكس

[الغريب]

هي التكنولوجيا حلوة ولا وحشة ؟؟

سؤالي طبعا ليس بالكلية، ولكن أنا أسأل أحاسيسك التي ؟؟؟؟ مع التكنولوجيا ؟

ترى هل هي زادت أم ماتت

تذكرت هذا السؤال بعد مطالعتي بين حين لآخر موضوع الفاضل الذي نفتقده "جوو" عن (جيل الموكوسين) وأيام اللعب الحي بعد العصر علشان الشمس، وليس البلايستيشن

تذكرت هذا السؤال وأنا أطالع موضوع الفاضل "مهيب" (قبل اختراع الموبايل و الدش و الويندوز 95.. حين كانت الدنيا أجمل)

وأتذكره أيضا وأنا أطالع مقولة الفاضل عادل أبو زيد (promote the IT as a tool to improve quality of life)

التكنولوجيا زي ما هي خلت أمي تستطيع الغسيل في فترة تتراوح بين 10-15 دقيقة لتكون الملابس داخل الدولاب ، أيضا سلبت منها العافية والصحة والبركة وشوية معاني تانيين..

في هذا الموضوع لا أريد أن أضع التكنولوجيا في قفص أتهام لأوجه لها تهم

ولكني ألوم زمني الذي جعلني أتهم التكنولوجيا حينما أتحسس عقلي وعافيتي..

تحياتي

[الغريب]

رأيكم يهمني يا ولاد الحلال في الموضوع ده

[اغابي]

من ازداد علمــــاً - ازداد غمـــــاً

طبعا لا - على العكس تماما

اخذت منا متعة الحياه البسيطة والتاملات والمعايشات والعلاقات الاجتماعية

اخدت يومنا وعمرنا وتركنا معها الاصدقاء الحقيقيين

لنبدلهم باصدقاء الفيس بوك

اخدت منا الكثير - ابسط الامور ان الانسان يستطيع ان يجد ان ابسط الاعمال اليدوية تعطيه طاقة ومتعة ولو اشياء بسيطة و لكن التكنولوجيا - قضت على كل هذه الاحاسيس

اصبحنا الالات مبرمجة فى طبيعتنا وردود افعالنا وتصرفاتنا - للاسف

:give_rose:

تم تعديل 13 ديسمبر 2010 بواسطة اغابي

[مروان]

هي وفرت كثير من الجهد والوقت

واضافت قدرا لا باس به من الراحة والرفاهية

وما كان ينجز في شهور اصبح ممكنا وببساطة في ساعات وما كان حلما اصبح واقعا

لكن المتعة شيئ اخر

انه احساس نابع من الداخل لا يمكن ان توفره التقنية الحديثة

وحدها

على العكس يمكن ان تسلبه منا

بدليل حالة الملل والزهق والسخط التي تنتاب الكثير منا رغم توفر التكنولوجيا

[م تيمور المراغي]

التكنولوجيا وفرت لك الاداه tool

وانت بقى وشطارتك ,,

زي ريشة الفنان بالظبط ,,

ممكن واحد يرسم بريشته اجمل الالحان ,,هيا الالحان بتترسم يا هندسة !!

وواحد تاني يديها شخبط شخابيط :happy:

[الغريب]

أيوة كدة سمعوني حسكم لا أسكت الله لكم حساً

من ازداد علمــــاً - ازداد غمـــــاً

طبعا لا - على العكس تماما

اخذت منا متعة الحياه البسيطة والتاملات والمعايشات والعلاقات الاجتماعية

اخدت يومنا وعمرنا وتركنا معها الاصدقاء الحقيقيين

لنبدلهم باصدقاء الفيس بوك

اخدت منا الكثير - ابسط الامور ان الانسان يستطيع ان يجد ان ابسط الاعمال اليدوية تعطيه طاقة ومتعة ولو اشياء بسيطة و لكن التكنولوجيا - قضت على كل هذه الاحاسيس

اصبحنا الالات مبرمجة فى طبيعتنا وردود افعالنا وتصرفاتنا - للاسف

:give_rose:

تمام يا أغابي

العيال الصغيرة دلوقتي مبقاش عندها أي نشاط مفيش لعب وحركة

هو بس بلاي ستيشن وكيك بوكس وفيس بوك

عنيهم صغرت من التمحيص في الشاشات

حظهم قليل لأنهم ماستمتعوش بالتراب في لعب الكورة

[الغريب]

هي وفرت كثير من الجهد والوقت

واضافت قدرا لا باس به من الراحة والرفاهية

وما كان ينجز في شهور اصبح ممكنا وببساطة في ساعات وما كان حلما اصبح واقعا

لكن المتعة شيئ اخر

انه احساس نابع من الداخل لا يمكن ان توفره التقنية الحديثة

وحدها

على العكس يمكن ان تسلبه منا

بدليل حالة الملل والزهق والسخط التي تنتاب الكثير منا رغم توفر التكنولوجيا

محدش فينا يقدر ينكر دور التكنولوجيا على حياتنا، ولكن المشكلة أنها صارت كالبحر متلاحق الأمواج

نكاد لا نستطيع أن نوقف أو نفرمل مدى ركوننا للراحة التكنولوجية

[الغريب]

التكنولوجيا وفرت لك الاداه tool

وانت بقى وشطارتك ,,

زي ريشة الفنان بالظبط ,,

ممكن واحد يرسم بريشته اجمل الالحان ,,هيا الالحان بتترسم يا هندسة !!

وواحد تاني يديها شخبط شخابيط :happy:

المشكلة أننا مش قدرين نتحكم في نفسنا أمام إغراء التكنولوجيا يا معماري

[مسافر زاده الخيال]

ربما تكمن مشكلة الحضارة (((والتكنولوجيا))) عبر تاريخ الانسان .....اننا في الغالب (نظن) ان السعادة والراحة تكمن في الرفاهية والمتع والملذات والتنوع الشديد فيها وهذا ما تقدمه التكنولوجيا ............والواقع ان طوفان المتع والملذات والرفاهية لانهائي و لن ينتهي وان و عملية التمتع والتلذذ بل وحتى الاسترخاء نفسها تحتاج للقيام بجهد عضلي وعصبي وعقلي كبير......................

اضافة ان التكنلوجيا هي تفعيل للجانب المادي عادة (و لا ضير في ذلك ولا ملامة) لكن ننسى في زحمة ذلك الجانب الروحي (اي الديني) اي اننا للاسف (ننسى زيادة علاقتنا بالخالق ) حتى ينطبق علينا قوله((نسوا الله فانسهم انفسهم))

بل حتى ان الانسان اصبح اكثر انانية واصبح اصحاب رؤس الاموال يدفعون الناس للنمط الاستهلاكي واصبح تقييم الناس لبعضها بما يمتلكون وليس بما (يملكون)....وصدق الله اذ يقول (((و العصر ان الانسن لفي خسر)))

[MaYousof]

رأيكم يهمني يا ولاد الحلال في الموضوع ده

وحشة ..

الناس كانت نفسيا مبسوطة أكتر من غير التكنولوجيا ..

وكانوا بيحبوا بعض أكتر ..

مش معنى إنها خلت إنجاز بعض الأشياء أسهل أو أسرع إن المحصلة النهائية هتكون أكثر إيجابية عن لو ماكانش فيه كوكنولوجيا ..

[م تيمور المراغي]

التكنولوجيا وفرت لك الاداه tool

وانت بقى وشطارتك ,,

زي ريشة الفنان بالظبط ,,

ممكن واحد يرسم بريشته اجمل الالحان ,,هيا الالحان بتترسم يا هندسة !!

وواحد تاني يديها شخبط شخابيط :happy:

المشكلة أننا مش قدرين نتحكم في نفسنا أمام إغراء التكنولوجيا يا معماري

في الحالة دي تبقى المشكله فينا ,, والكتنولوجيا مالهاش اي ذنب

[الغريب]

التكنولوجيا وفرت لك الاداه tool

وانت بقى وشطارتك ,,

زي ريشة الفنان بالظبط ,,

ممكن واحد يرسم بريشته اجمل الالحان ,,هيا الالحان بتترسم يا هندسة !!

وواحد تاني يديها شخبط شخابيط :happy:

المشكلة أننا مش قدرين نتحكم في نفسنا أمام إغراء التكنولوجيا يا معماري

في الحالة دي تبقى المشكله فينا ,, والكتنولوجيا مالهاش اي ذنب

قولنا في البداية أننا لن نضع التكنولوجيا في قفص اتهما لنوجه لها التهم

تحياتي

[م تيمور المراغي]

قولنا في البداية أننا لن نضع التكنولوجيا في قفص اتهما لنوجه لها التهم

تحياتي

ولكني ألوم زمني الذي جعلني أتهم التكنولوجيا حينما أتحسس عقلي وعافيتي..

تحياتي

[Howayda Ismail]

للاسف التكنولوجيا بقدر فائدتها للبشرية بقدر الاضرار التى سببتها ايضا

وذلك مانراه من عشرات الحوادث ومئات القتلى يوميا

وقد سمعت حديث طريف لفضيلة الشيخ الشعراوى رحمه الله ان الامهات زمان كانوا يستعملون الطشت للغسيل

وذلك كان يسهل لهم عمليات الولادة وسرعة الشفاء اما الان مع الغسالات الفول اتوماتيك ما اكثرها الولادات

القيصيرية وكذلك اثبتت الابحاث ظهور مرض لم تعانى منه السيدات سابقا هو هشاشة العظام وذلك نتيجة لقلة الحركة

المنزلية واستخدامها للاجهزة المنزلية الحديثة من مكنسة بدل المقشة لخلاط بدل الهون للغسالة بدل الطشت

وغيره وغيره مما تسبب فى تيبس للعظام وزيادة اوزانهم بصورة غير طبيعية

ولم يقتصر ذلك على السيدات بل امتد للرجال ايضا بعد استخدام الريموت والجلوس بالساعات امام التليفزيون

يغير ويبدل القنوات دون ان يتحرك وكذلك الجلوس على النت والاكثر من ذلك قلة استخدامه للسلالم التى تقوى حركة المفاصل

واستبداله بالمصاعد وكذلك قلة المشى والحركة فى الشارع سببت السمنة وضعف العظام والعضلات

حتى بعض المهن لم تصبح بجودة اليدوى كصناعة الاثاث وكثير من الصناعات والمهارات اختفت تحت عجلة التكنولوجيا

الادهى والامر انها جعلت رتم الحياة اسرع واصبح الانسان يلهث معظم يومه حتى يواكبها دون مقدرته على التقاط انفاسه

[م تيمور المراغي]

انا بقى شكلي مش حلو لما بقيت بدخل توبيكات كثير اقول رأي مش متفق مع الاغلبيه

عامل زي شاب سنه صغير عاوز يلفت النظر وخلاص حاجه تكسف :happy:

بس فعلا انا بيصعب عليا اوي اننا نرمي باخطائنا و تقصيرنا وكسلنا كبشر على اي حاجه والسلام ,,

الراجل اللي امام التلفزيون ماسك ريموت وكرشه بقى مترين يقول اصل التكنولوجيا هيا السبب ,,

طيب مالتكنولوجيا وفرت لك اجهزه رياضيه عديده تخليك بطل كمال اجسام ,, ما استعملتهاش ليه

يبقى العيب في التطبيق وليس في النظريه

لو كلامي غلط انا بعتذر

[الغريب]

انا بقى شكلي مش حلو لما بقيت بدخل توبيكات كثير اقول رأي مش متفق مع الاغلبيه

عامل زي شاب سنه صغير عاوز يلفت النظر وخلاص حاجه تكسف :happy:

بس فعلا انا بيصعب عليا اوي اننا نرمي باخطائنا و تقصيرنا وكسلنا كبشر على اي حاجه والسلام ,,

الراجل اللي امام التلفزيون ماسك ريموت وكرشه بقى مترين يقول اصل التكنولوجيا هيا السبب ,,

طيب مالتكنولوجيا وفرت لك اجهزه رياضيه عديده تخليك بطل كمال اجسام ,, ما استعملتهاش ليه

يبقى العيب في التطبيق وليس في النظريه

لو كلامي غلط انا بعتذر

الفاضل معماري، أردت من الموضوع الوقوف على وجهات النظر المختلفة وأدرجت إستفتاء لهذا الغرض، فلا تجد نفسك مضطر لتبرير إختلافك، ولا للإقتباس من مشاركاتي.. فقط أطرح وجهة نظرك

أما بخصوص وجهة نظرك فأنا متفق معك تماما أن جزء كبير من مشكلتنا مع التكنولوجيا نتحمله كبشر في تكاسلنا.

ولكن المشكلة أن عامل الوقت وعامل الجاذبية يسير ضدنا

فلن يسمح لك الوقت بالتخلي عن التكنولوجيا ولن تدع التكنولوجيا عنك إغرائاتها.

في معاني مفقودة لا نستطيع التغافل عنها ، البركة أحد هذه المعاني في وجهة نظري

تحياتي

[م تيمور المراغي]

كلام سليم

السر في كلمتين : بركة ربنا

اللهم بارك لنا ولكم في كل امرنا

[عنبو]

لما تقدر تعمل شىء ومتعملوش احسن لما متبقاش قادر تعمله اصلاً

لو زهقان من التكنولوجيا ممكن بسهوله جداً تستغنى عنها

لمدة يوم او يومين وترجع تانى تستعملها

لكن لو التكنولوجيا اساسا مش موجوده هتبقى مشكله

مهو لولا حاجة الانسان لها مكنش فكر فى اختراعها

فكر كده تعيش لك كذا يوم بدون تكنولوجيا وعيش حياتك بطبيعتك

زور الناس امشى فى الشارع اعمل اى حاجه انت حاسس ان التكنولوجيا اخدتها منك

ده الحل من وجهة نظرى

تحياتى

عنبو

[ذهبية]

و هل لنا اختيار ؟؟؟؟؟

للاسف التكنولوجيا رضيت مرضتش بيهااا موجودة فى حياتك

لو قدرت تليغها انت من حياتك هتقدر تليغها من حياة غيرك

هتتصف فورا بالجهل او الغباء او البخل او الرجعية

انا اعترف انها فادت فى حاجات كتيرة لكن للاسف اخدت فى سكتها حاجات اكتر بكتيررررررر

و معظمها مشاعر و عواطف

من غير ما تحس بدل ما تخطف نفسك تشوف اهلك بتستسهل مكاملة على الموبايل تخلص السؤال

بدل ما اخواتك يوحوشك اهى الكاميرا شغالة تشوف الى انت عايزة

اتذكر ايام الخميس و لمة كل العائلة لان تانى يوم اجازة لازم نشوف بعض و نضحك و ننلعب

اسال نفسك اخر مرة اتلميت فيا امتى لا فىعيد لا فى فرح لا فى ميتم

الان منش بنشوف بعض الا فىالاعياد

و يكفى رنة موبايل او رسالة على الماشى

زمان الناس لما مكنش عندها تليفزيون كانت بتقعد عند بعضها سهرة كل يوم حد

الان الناس نسيت شكل بعض

ومش بيشوفوا بعض الا لسبب او مصلحةةةة

ياريت زمان يرجع تانى

[مغتربة]

مع استاذ عنبو فى رايه

التكنولوجيا ليها فوائد عظيمه جدا جدا و مش محصوره بس فى الجانب الترفيهى

امسكوا اكتشاف واحد بس و هو الانترنت و شوفوا فيه مميزات اد ايه الكم المعرفى الى وفره وتسهيل الاجراءات البنكيه و التعارف و..و الخ

حاجات كتيره جدا تطبيقات الهواتف اختصار المسافات و الزمن مش هتكلم عن الشق العلمى لانه فى غنى عن ذكره

كام مره سمعنا عن ناس تم انقاذهم من تحت انقاض بسبب انهم اتصلوا بذويهم من تلفوناتهم المحموله

اكيد في سلبيات كتيره لكن انا شايفه ان المميزات مازالت اكتر

و كمان ان الحاجه تكون مكتشفه و منستخدمهاش افضل من عدم اكتشافها بالمره

انا مع التقدم التكنولوجى لانى شايفه ان اثاره الجانبيه فى ايدينا احنا حل كتير منها

تحياتى