تعليقاً على منع محافظ الأسكندرية تقديم الشيشة في المنشأت السياحية

[se_ Elsyed]

قرار جميل وقرار معقول ما أقدرش أقول حاجه عنه ..

لكن قرأت حتة تعليق لأحد القراء في موقع اليوم السابع ...

بصراحة .. لا فوض فوك يابني

قررت غرفة المنشآت السياحية، رفع دعوى قضائية ضد قرار اللواء عادل لبيب محافظ الإسكندرية بمنع تداول الشيشة بالمحلات السياحية.

أكد أصحاب المنشآت السياحية بالإسكندرية خلال انعقاد الجمعية العمومية للغرفة مؤخرا، أن قرار المحافظ أدى إلى انخفاض مبيعاتهم بنسبة 35% للمنشأة الواحدة، وتسريح معظم العمالة لديهم، وطالبوا أعضاء غرفة الاسكندربة المتضررين من القرار مساندة الغرفة الأم لتراجع المحافظ عن قراره، وكشفوا بأن قرار المحافظ لا يستند إلى القانون مؤكدين بأن المادة 4 لسنة 1994 من القانون تنص على السماح بتحديد جزء مخصص بالمنشاة للتدخين.

أشاروا إلى أن الجهة المانحة لهم الترخيص والتى تتمثل فى وزارة السياحه لم يتم موافقتها إدرايا ولم يتم تبليغها من قبل المحافظة.

فى الوقت نفسه الذى يحارب فيه محافظ الإسكندرية أصحاب المحلات الذين يقدموا "الشيشة"، يسمح للفنادق باستخدامها خاصة بفندق السلاملك بمنطقة المنتزه.

بُصوا التعليق اللي يحزن ويخلي الواحد يبقى عاوز يولع في المسئولين دول

أدعو كل مواطن إسكندرانى او غير إسكندرانى ان يذهب فى جولة إلى ميدان محطة مصر وهناك سيرى همة محافظ الإسكندرية للحفاظ على نظافة البيئة فى مدينته على الطبيعة وللذين لن يتمكنوا من الذهاب فإنى سأصف لهم المشهد وبدون مبالغة منى والله على ما اقول شهيد وسنبدأ من محطة السكة الحديد فعند خروجك مباشرة من المبنى وقبل الخروج إلى الشارع اى إنك ماذلت داخل المحطة نفسها ويفصلك عن الميدان السور الحديدى وبواباته ستجد ثلاث صناديق ضخمة جدا مثل كونتينر السفن مليانة على آخرها زبالة وفاضت الزبالة عن الصناديق وإرتمت على الأرض بجوار الصناديق ايام وليالى ورأيت بعيناى كميات ضخمة من الفئران العملاقة جدا ترعى على هذه الزبالة تأكل وتمرح دون خوف او عقاب من اى مسئول وبعد خروجك إلى الشارع ارجوك إتجه إلى موقف الميكروبيسات الموجود فى الميدان وداخل هذا الموقف سترى العجب العجاب وارجوك إمسك اعصابك لما ستراه داخل حيز هذا الموقف فداخل هذا الموقف إحتله الباعة الجائلون ستجد عربة تبيع الأطعمة المطهوة كبدة وطحال وبيض وبسطرمة ولن تعرف من اين مصدر هذه اللحوم وعربة تبيع المثلجات السائبة عرقسوس وتمرهندى وخروب وسوبيا وعناب ومنجة وكشك يبيع شاى وكشك يبيع نظارات وآخر يبيع لب وسودانى ناهيك عن الباعة الآخرون الذين إفترشوا الأرض وإحتلوها يببعوا لك قمصان وفنلات وبنطلونات وحوالى ثلاثين ماسح احذية قابعين على الأرض وارضية هذا الموقف مليانة حفر ومطبات تتكوم فيها جميع انواع القذارة لأن هذا الموقف لا يتم تنظيفه ابدا او كنسه وعند هطول المطر فحدث ولا حرج فتختلط الزبالة بالقذارة بالتراب بالماء ولو جدع إبقى إعرف إمشى حضرتك والآن سأخرج بك من موقف الميكروبيسات إلى الشارع المهم الموجود امام مستشفى احمد ماهر خد بالك معايا وصحصح امام مستشفى فاهم يعنى مستشفى وهناك سترى بأم عينيك مشهد لن تراه فى اى دولة ولا حتى فى بلاد الواق الواق سترى على جانبى هذا الشارع عربات مصفوفة لباعة جائلين لحمة الراس والكرشة والفشة بجوار عربة الموز والبرتقال بجوار عربة لوف الإستحمام بجوار عربة تفاح والفلاحات يفترشن الأرض لبيع المش والجبنة القديمة والبيض والجبنة القريش وكمان لبيع الفراخ الحية والحمام والبط والأرض بها كم مهول من الزبالة والقذارة من مخلفات هؤلاء الباعة وكميات من التراب والماء والدم وقد إمتزجت ببعضها وبجوار كل ذلك عيش معروض للبيع موضوع على قطعة من البلاستيك على الأرض والأرغفة دون غطاء يمرح عليها كل انواع الحشرات المرئية والغير مرئية واصبح هذا الشارع الموجود امام مستشفى حقلا للجراثيم والميكروبات والسمة الواضحة فى هذا الميدان الكبير الذى هو ميدان محطة مصر الذى اطلقت عليه الدولة لقب ميدان الشهداء هو القذارة المتناهية التى ليس لها مثيل إلا داخل مصر المحروسة وبعد كل ذلك يأتى المحافظ الهمام الذى ترك كل ذلك دون رقابة واصدر فرمان بمنع الشيشة للمحافظة على البيئة فى الإسكندرية يا ناس يا جماعة يا هوه إكبروا شوية وإحترموا مناصبكم وإحترموا المواطن الذى يدفع ضرائب تأخذوا منها مرتباتكم بقى الشيشة هى التى تلوث البيئة امال الذى حكيت عنه آنفا إسمه إيه وبيقولك كمان للمحافظة على صحة المواطن يا سلام سلم محافظنا بيتكلم امال الخضار المسرطن بيعمل إيه والمأكولات غير الصالحة للإستهلاك الآدمى بتعمل إيه والماء الذى نشربه الملوث بيعمل إيه والهواء الذى نستنشقه الخارج من عوادم السيارات بيعمل فينا إيه واللحمة التى كلها ديدان وميكروبات بتعمل إيه وروح شوف الفرن الأفرنجى الموجود فى الميدان ايضا وفارش امام الفرن بكميات كبيرة من الخبز والكعك والجاتو وكل انواع الحلويات دون غطاء وفى الهواء الطلق حيث يلتصق بها التراب والحشرات وده بيعمل فينا إيه وجاى تقوللى دخان الشيشة يا رجل حرام عليك وإللى غيظنى فى الموضوع الناس التى دخلت علقت ورحبت وأيدت قرار المحافظ اقول لهم عيب عليكم هو إنتم مش شايفين غير الشيشة فقط ولا إنتم خلاص إتعودتم على كميات القذارة والزبالة الموجودة ولا على إيه استغرب ما هو إنتم بترموا زبالتكم من البلكونات والشبابيك ليلا وكمان المصيبة احد المعلقين دخل الدين فى الموضوع وإتكلم على الحلال والحرام وأنا عارف إنه سوف يستند على الفتوى التى تقول إن الدخان عامة يضر الإنسان إذن فهو حرام وأنا اسأله إيه رأى حضرتك فى الأكل الملوث والمسرطن والذى إنتهت مدة صلاحيته واللبن المغشوش والأطعمة التى تصنع تحت بير السلم والماء المختلط بمياه المجارى فى بعض القرى ويشربه الناس إضطرارا وإيه رأيك فى الأسمنت المغشوش والحديد المغشوش وإيه رأى سيادتك فى قطع غيار السيارات المضروبة التى يحدث منها حوادث بسببها يروح فيها الاف من المواطنين دون ذنب بعد كل ده جاى حضرتك تتفلسف وتحرم الشيشة صحيح إللى إختشوا ماتو .

وفى النهاية سؤال إلى جميع نواب محافظة الإسكندرية فى مجلس الشعب او فى مجلس الشورى او حتى فى المجلس المحلى للإسكندرية هو إنتم بتعملوا إيه بالظبط هو حضراتكم مابتشفوش الحاجات دى ولا هى الحكاية إيه بالظبط .

كذلك سؤال لجميع ائمة المساجد الذين يخطبون فى الناس كل جمعة ماهو دوركم مش الرسول عليه الصلاة والسلام قال من غشنا فليس منا وأليس الإسلام حض على النظافة امال ساكتين ليه وجايين تتشطروا على الشيشة بس وكلامى موجه ايضا للقساوسة المحترمين داخل الكنائس للقيام بنفس الدور .

آسف للإطالة وشكرا لموقع اليوم السابع وارجوا نشر التعليق واقسم بالله العظيم ان تعقيبى ليس فيه مبالغة وإذا رأيتم غير ذلك فيكفينى إنى نفست عما يجيش فى صدرى مما رأيت .

[Howayda Ismail]

صراحة ماصدر من هذا الشخص كاتب المقال مبالغ فيه جدا

انا مش من انصار الحكومة لكن من الواضح الصورة دى قديمة قبل اهتمام المحافظة بميدان الشهداء بمحطة مصر

وكثير من احياء الاسكندرية والميدان ده بالذات يرتاده الالاف يوميا من ابناء الاسكندرية والزوار من خارج المدينة

وبعدين فيه اكبر اسواق الاسكندرية سوق ( راتب ) وطبيعى تلاقى عشرات الفلاحات من البلاد المجاورة يبيعون الطيور

والجبن وغيره واللحوم مش فى الشوارع كما ادعى لكن لها محلات ولكنه سوق فالطبع يجاوره بائع الفاكهة والخضار

والصورة انظف بكتير عن الاول والازالة متواجدة بصورة مستمرة

وبعدين موضوع الزبالة اقل شارع فى حارة بياخد حقه من عمال شركات الزبالة وعليهم مرااقبة واشراف مستمر

فمن غير المعقول ميدان حيوى زى ده وواجهة للمحافظة حيلاقى اهمال بالصورة دى

لكن هو فى ناس ماتحبش تشوف الا الوحش ومنطلق كلامه حرقته انه مش لاقى شيشة فى القهاوى البلدى خصوصا

ميدان محطة مصر يعنى منطقى المحافظة مش حتاخد بالها الا من الشيشة اللى مدارية فى القهاوى موجودة وتسيب

الزبالة والاهمال عينى عينك للرايح واللى جاى

وللعلم فى محلات كبيرة ولها سمعتها على الكورنيش اتقفلت لمخلفاتها قرار منع الحظر واتعلق ورقة بكده

على ابوابها

[م تيمور المراغي]

الراجل بتاع الكبده والسدق اللي بيقول عليه صاحب التعليق انا عارفه من 20 سنه

عنده احلى كبده تدوقها في حياتك يا س بتكلم بجد مش هزار :happy:

تخلص من عنده بعدين تحبس بكوباية تمر هندي من الراجل اللي جنبه على طول ,,

اما الشيشه فالحمد لله انها موجوده في السلاملك ,,

هو المصيف يبقى مصيف من غير شيشه يا رجاله :happy:

[MZohairy]

اي حد يقترح الغاء الشيشة أقترح إعدامه

[م تيمور المراغي]

اي حد يقترح الغاء الشيشة أقترح إعدامه

حبيب البي يا زوزو :wub:

خد دول من جوه قلبي rs:

[جسار]

طيب واللى بيشرب البايب يطبقوا عليه أى قانون ؟!!